موقع بورصات
 
بورصات
تسجيل عضوية جديدة في المنتديات لوحة تحكم العضو البحث في المنتديات تسجيل الخروج الرئيسية الاتصال بنا

منتدى العملات العام Forex لمتابعة كل ما يتعلق بتجارة العملات الاجنبية – الفوركس والذهب والنفط من اخبار وطرق المتاجرة وتحليلات ، قسم التوصيات – توصيات العملات لمتابعة توصيات فوركس ونقاط الدخول والخروج على مختلف العملات ، منتدى الدروس التعليمية – فوركس يحتوي على دروس تعليمية لسوق العملات والتحليل الفني والاساسي وادارة رأس المال فوركس ، منتدى المؤشرات والاكسبيرتات يحتوي على اهم المؤشرات مع شرح لها بالاضافة الى بعض الدروس

العودة   بورصات > بورصة العملات الاجنبية - الفوركس > منتدى العملات العام Forex

ورشة البرايس اكشن والنماذج الفنيه

منتدى العملات العام Forex

Like Tree774Likes

إضافة رد
 
أدوات الموضوع
قديم 06-06-2016, 01:57 PM   #531
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه

رد: ورشة البرايس اكشن والنماذج الفنيه


المجازفه الممتعه ... هكذا انا اطلقها علي النوع ده من الصفقات ..




توكلنا علي الله ... هنذبح المجنون ... بس يارب هو اللي ميذبحناش هههههه

المجنون بدأ يرتد من مناطق 153.00 .. و اغلق شمعتين 4 ساعات فوق المستويات دي ... هندخل الأن عشان نحاول ناخد الحركه من اولها ولكن بحذر

هنشتري بحذر شديد تحسبا لأي تحركات غدر

هنقسم العقد و ارجو الالتزام بذلك

هندخل بالنصف فقط من السعر الحالي ... ونصف اخر هندخل بيه لو السعر ريح لتحت وانا هنبه بذلك في وقته

لو فرضا اللوت اللي هتدخل بيه هو 0.4 ... هندخل بنصفه فقط 0.2 من السعر الحالي

اكرر مره اخري ... ارجو الالتزام ب ادارة رأس المال و إدارة الصفقه .... لا داعي للطمع واللوتات الكبيره .. اقصي مخاطره مقبوله هي 5% فقط

شراء الان السعر الحالي 154.19

الاستوب 152.70

الهدف الاول 155.30
الهدف التاني 156.70
الهدف التالت 158.00
الهدف الرابع 159.50

الاغلاق اليومي مهم جدا .. و ان شاء الله هيكون لصالحنا









اقتباس:
المشاركة الأصلية كتبت بواسطة Hema2020 مشاهدة المشاركة

المجنون افتتح علي جاب هابط عند المناطق اللي حددناها 153.50

الفرصه دي انا شخصيا مراقبها جدا لأن فيها خير كبير ان شاء الله الرحمن إن صحت معنا

برغم ان ان هناك احتمالية صعود الزوج مباشرة ... إلا ان الدخول حاليا فيه نسبه خطوره .... لابد من اكتمال مسببات الدخول لدينا

هننتظر برايس اكشن عند المستويات الحاليه ويفضل برايس اكشن علي فريم الدايلي ... ويا سلام لو الزوج اتذبذب شويه في المنطقه دي وعمل تجميع شراء ... بنسبه كبيره جدا هيصعد

" وانا شرحت يعني ايه منطقة تجميع "

اقتباس:
اقوي المستويات هو المستوي الاخير " مستوي تجمعات البيع والشراء "
ومعني تجمعات بيع او شراء
هو ان السعر بيستمر في منطقه معينه وقت طويل خصوصا بعد ترند قوي .. المنطقه دي بيطلق عليها منطقة تجميع
فلو مثلا السوق صعد بقوه لشهور .. وبدا يتحرك في نطاق ضيق عدة ايام وتكون عندنا برايس اكشن هابط .. بنسبه كبيره السوق هيعكس
في الحاله دي البائعين بدأو يجمعو قواهم وهيبدأ السوق في الهبوط


الفرصه دي تحت المجهر ... نتابعها مع بعض ان شاء الله











Hema2020 غير متواجد حالياً   رد مع اقتباس
قديم 06-06-2016, 02:52 PM   #532
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه



جانيت يلين " رئيسة الفيدرالي الامريكي " هتتكلم النهارده الساعه 6:30 مساءا بتوقيت مصر

في الحقيقه صعب توقع تصريحاتها خصوصا بعد الاخبار السلبيه جدا والمخيبه للأمال للدولار يوم الجمعه

الاسواق كانت منتظره حديث يلين كمحاوله اخيره لدعم الدولار في السوق .. ومحاولاتها لاقناع السوق امكانية رفع الفائده الامريكيه في القريب

ولكن بعد الاخبار السلبيه الاخيره .. اعتقد والله اعلم حدة الايجابيه في تصريحاتها هتكون اقل
وده في حد ذاته يزيد الطين بله
هتزداد سلبية الدولار جدا


هنتابع مع بعض اهم تصريحاتها ان شاء الله

يرجي الحذر.....

بالتوفيق



Hema2020 غير متواجد حالياً   رد مع اقتباس
قديم 06-06-2016, 04:57 PM   #533
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه

اقتباس:
المشاركة الأصلية كتبت بواسطة Hema2020 مشاهدة المشاركة


الدولار كندي ايضا للبيع ان شاء الله

اغلاقات الزوج سلبيه .. وكسر المستوي النفسي 1.3000 واغلق اسفله

السعر صعد قليلا في الصباح كتصحيح وبدأ في الهبوط مجددا

هنبيع من السعر الحالي 1.2952

استوب لوس 1.3000

هدف اول 1.2900
هدف تاني 1.2860
هدف تالت 1.2800
هدف رابع 1.2710




بالتوفيق ان شاء الله

الدولار كندي هدف اول +52 نقطه .... إدارة الصفقه متنسوش ... نغلق 40% من قيمة العقد الأن علي الهدف الاول ونحرك الاستوب علي الدخول ونكمل



بالتوفيق



Hema2020 غير متواجد حالياً   رد مع اقتباس
قديم 06-06-2016, 05:04 PM   #534
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه




تذكير ب اسلوب إدارة الصفقه داخل الورشه .... عشان احنا بنطبق مباشرة علي الصفقات اللي معانا زي صفقة الكندي الاخيره


اقتباس:
المشاركة الأصلية كتبت بواسطة Hema2020 مشاهدة المشاركة

ارجو من الاداره نقل هذه المشاركه ايضا كإقتباس في رأس الموضوع لأنها مهمه ....


*****

إدارة الصفقه


كما وعدتكو بشرح اسلوبي في إدارة الصفقه


قبل ما ادخل في الموضوع

عاوز كل واحد يسأل نفسه سؤال مهم ...

هل انا بتتداول عشان احقق ارباح تراكميه تصل لنسبه معينه شهريا... ؟؟
ولا بدخل الصفقه عشان احقق منها الربح اللي في دماغي ومطلعش منها غير لو حققته... !!!

**

المتداول الحقيقي هو اللي بيسعي لنسبه معينه من الربح قد تزيد او تقل احيانا عن النسبه المطلوبه .. ولكنه في الغالب بيحققها بشكل تراكمي

فيه فرق كبير بين متداول هدفه تحقيق نسبة 30% شهريا ... وبين مغامر عاوز يحقق 300% من صفقه واحده


المتداول الاول ادرك ان الربح التراكمي حتي و ان كان قليل افضل جداا من المجازفه في صفقه بمخاطره عاليه حتي وان كانت شبه مضمونه

المتداول التاني او المغامر ... عنده قناعه داخليه ان الصفقه اللي هيفتحها لازم يدبل فيها الحساب مرتين تلاته
ويبدأ يفتح الصفقه ويحسبها في دماغه ويضرب النقط في قيمة اللوت ... اوووو دانا هكسب $$$ كتييير
ولكن طبعا النتيجه النهائيه معروفه للأسف


......


عندنا متداول أ
ومتداول ب
ومتداول ج

جميعهم فتحو نفس الصفقه في نفس الوقت وبنفس اللوت وبنفس الاستوب لوس ونفس الهدف

لنفترض الصفقه هي شراء يورو دولار من 1.1200 بلوت 0.50 و واستوب لوس 70 نقطه هدف نهائي 1.1500

السعر بدأ يتحرك في اتجاه صفقتهم
الجميع الان محقق ربح متساوي لانهم داخلين نفس الصفقه بنفس اللوت وسعر الدخول

السعر وصل الي الهدف الاول ولنفترض 1.1300
كلهم محققين ربح +100 نقطه الأن

المتداول أ .. قفل 0.2 من صفقته علي الهدف الاول بربح 100 نقطه " 200 دولار "
ونقل استوب الجزء المتبقي من العقد علي الدخول وترك الصفقه

المتداول ب ... لم يغلق جزء من العقد ولكنه حرك الاستوب علي الدخول

المتداول ج ... ترك الاستوب كما هو ولم يغلق جزء من العقد


استمر السعر في الصعود و وصل الي 1.1340 ... اي ربح +140 نقطه للجميع

المتداول أ ارباحه الأن اقل من الباقيين لانه اغلق جزء من العقد بقيمة 0.2 عند ربح +100 نقطه
المتداول ب والمتداول ج محققين نفس النسبه الان من الربح بالنقاط والدولار وهم اعلي ربح من المتداول أ

فجأه تراااجع اليورو دولار الي 1.1260

المتداول ب والمتداول ج ارباحهم العائمه تناقصت جدا

المتداول أ ارباح العقد المتبقي تناقصت .. ولكنه كان اغلق جزء من عقد بسعر مرتفع


استمر اليورو في الهبوط ووصل الي سعر الدخول مرة اخري

المتداول أ
.. العقد المتبقي معاه ضرب استوب علي الدخول لكنه كان خرج بجزء من عقده علي ربح 100 نقطه " 200 دولار "

المتداول ب .. العقد بالكامل ضرب الاستوب علي الدخول

المتداول ج ... مستمر في الصفقه الأن بدون ربح او خساره واستوبه كما هو لم يعدل فيه شئ

استمر اليورو في الهبوط ووصل الي منطقة الاستوب لوس

المتداول أ .. كان خرج من السوق بالفعل علي الدخول وكان لديه ربح 100 نقطه " 200 دولار "

والمتداول ب ... صفقته ضربت استوب علي الدخول ولم يربح او يخسر شئ

المتداول ج ... الصفقه ضربت معاه الاستوب وخسر قيمة اللوت مضروبا في قيمة الاستوب
الاستوب قولنا 70 نقطه والعقد 0.5
5*70= 350 دولار خساره


المتداول أ ادار صفقته بشكل جيد جدا
عندما تحرك السعر لصالحه ووصل الي الهدف الاول اغلق جزء من العقد علي ربح وقام بتأمين نفسه بنقل الاستوب علي الدخول للجزء المتبقي

المتداول ب طمع وترك العقدد بالكامل كما هو رغبة منه في تحقيق اكبر ربح ممكن ... وطبعا قاعد يضربها في دماغه ويحسبها 5 دولار قيمة اللوت في 300 نقطه الهدف يعني 1500 دولار مكسب

المتداول ج ... للأسف مش هقدر اجيب سيرة شخص في العنايه المركزه حاليا .. ربي معاه .. ههههههههههه

المتداول أ , ب , ج لم يواجهو صعوبات في فتح الصفقات اطلاقا
ولكن ادارة الصفقه جعلت منهم رابح وخاسر



السؤال المهم دلوقتي انت عاوز تكون المتداول أ او ب او ج

انا عارف و واثق ان اجابتك هي المتداول أ


كن كالمتداول أ ولا تكن كالمتداول ب او ج

وخصوصا ج


ازاي نكون زي المتداول أ


لنفترض انك حللت زوج معين ومن خلال تحليلك للزوج هيهبط
والاستوب هيكون فوق اقرب مقاومه ولنفترض استوبك 50 نقطه
والزوج قدامه 3 دعوم .. هناك احتمال انه يرتد من اي دعم فيهم

هتدخل بعقد ولنفترض 0.30
3 ميني يعني " النقطه ب 3 دولار "

بمجرد وصول السعر لهدفك الاول " الدعم الاول " اغلق 0.1 من العقد علي الهدف الاول و انقل استوبك علي الدخول

انت كدا حجزت ربح وقمت بإعدام المخاطره بتحريك الاستوب علي الدخول

اصبحت الصفقه مستمره معك بدون اي مخاطره .. وفي جميع الحالات هتطلع كسبان
لو السعر كمل هبوط هتكسب اكتر
لو طلع وضرب استوبك علي الدخول هتطلع كسبان اللوت 0.1 اللي قفلته علي الهدف الاول

محدش يتخيل ان لما يكون الهدف كبير ان لازم السعر غصب عنه يوصل للهدف
مفيش الكلام ده في الفوركس
السعر اغلب الوقت متذبذب .. ولو راح لهدفك الكبيره مره مش هيروح له كل مره
لازم تكون متداول مرن ... تخطف الارباح من السوق وتحط رجل علي رجل


وهو دا اسلوبي الشخصي في ادارة الصفقه ... الربح التراكمي افضل من الطمع في تحقيق اعلي المكاسب من صفقه واحده

وهو نفس الاسلوب اللي استخدمته في ادارة الصفقات في الورشه

و ارجو من كل المتابعين الالتزام بنفس الاسلوب لانه هو الافضل علي الاطلاق بعد تجارب عديده ومريره

وخليك فاكر ان اي حد بيعرف يفتح صفقه ... لكن الاهم كيف تدير صفقتك بنجاح

إدارة الصفقه + إدارة المخاطر = ربح تراكمي

بالمناسبه المتداول ج خرج من العنايه المركزه و اتمني يكون اتعلم الدرس


ربنا يديم الارباح علي الجميع ويبعد عنكم الخسائر

كل عام وانتم بخير




اقتباس:
المشاركة الأصلية كتبت بواسطة Hema2020 مشاهدة المشاركة


وبالمناسبه إدارة الصفقه شئ ... و إدارة رأس المال شئ اخر

اللي شرحته هو اسلوب إدارة الصفقه


لكن إدارة رأس المال هي جزئيه مسؤوله عن تحديد المخاطره في كل صفقه

وبيتم تحديدها بناءا علي حجم الحساب وقيمة الاستوب لوس

طبعا نسبة المخاطره لا يفضل ان تزيد عن 5% .. وهي النسبه اللي الجميع متفق عليها

ازاي بنحسبها ... لو الحساب مثلا 10 الاف دولار
وهناك صفقه متاحه امامي واستوبها 100 نقطه
المخاطره قولنا قيمتها 5% فقط من الحساب
بمعني لو الصفقه ضربت الاستوب هخسر 5% فقط من قيمة الحساب

5% من قيمة حساب 10000 دولار هي 500 دولار

بمعني لو تم ضرب الاستوب المفترض اخسر 500 دولار فقط كحد اقصي

الخطوه التاليه هي تحديد اللوت بناءا علي المعطيات اللي عندي

المعطيات هي ... متاح خسارة 500 دولار فقط .. والاستوب 100 نقطه

هقسم قيمة المبلغ المتاح للخساره 500 دولار / قيمة الاستوب بالنقاط 100

هيطلع معايا رقم وهو 5 دولار
وهو قيمة النقطه الواحده
ويتم كتابة اللوت هكذا 0.5

اغلبنا عارف جزئية ادارة رأس المال


ببساطه .. إدارة رأس المال هو الخطوه ما قبل فتح الصفقه
ولكن إدارة الصفقه هي الخطوه ما بعد فتح الصفقه

عامتا إدارة الصفقه و إدارة رأس المال يندرجو كلاهما تحت مسمي اكبر وهو إدارة المخاطر



بالتوفيق



اقتباس:
المشاركة الأصلية كتبت بواسطة Hema2020 مشاهدة المشاركة
عجبني فيك جدا قوة ملاحظتك هههههه ... برغم عدم حبي للحسابات والأرقام


الإسلوب اللي شرحته بيعتمد علي الربح التراكمي وليس قيمة الربح من صفقه واحده فقط


الفكره كانت مجرد مثال فقط لتوضيح الإسلوب .. لكن مش دايما هيكون نفس قيمة الاهداف ثابته
ممكن هدفك الاول يكون علي بعد 50 نقطه فقط او اقل ... وممكن يكون 200 نقطه في الصفقات السوينجيه والازواج السريعه
وممكن صفقات يكون لها هدفين فقط وصفقات اخري يكون لها 5 اهداف
ومش بالضروره يكون قيمة اللوت ثابت في الصفقات
ومش بالضروره ان اللوت لو 0.5 تخرج عند الهدف الاول ب 0.2
ممكن تخرج ب 0.3 وتترك 0.2 للهدف التاني .. لو الصفقه هدفين فقط

هقولك مثال سريع لتوضيح الفكره اكتر

لو دخلت صفقه بيع مثلا وقيمة اللوت 1.00
عندي مناطق دعوم ترتيبها كالتالي
اول دعم علي بعد 50 نقطه
تاني دعم علي بعد 120 نقطه
تالت دعم علي بعد 200 نقطه

إذن انا عندي 3 اهداف لصفقتي

لو خرجت بكامل العقد علي الهدف الاول هيصبح الربح 500 دولار

طيب لو خرجت ب 0.3 من العقد علي الهدف الاول هيصبح الربح 150 دولار
وهيتبقي معايا 0.7 اكمل بيهم لباقي الاهداف
عند الهدف التاني هخرج ب 0.4 مثلا
4*120 = 480 دولار

كدا انا حجزت ربح من اول هدفين قيمته 150 دولار + 480 دولار = 630 دولار

ومعايا لسه عقد 0.3 مستمر

العقد الاخير اللي فاضل بنحرك استوبه علي الهدف الاول لان السعر تجاوز هدفين
وبفرض ان السعر خلاص هيعكس وهيضرب استوب العقد المتبقي علي الهدف الاول .. 0.3 في قيمة الهدف الاول 50 نقطه = 150 دولار اضافيه

اصبح اجمالي الربح 630 دولار اللي حجزتهم قبل كدا + 150 دولار قيمة اللوت المتبقي اللي ضرب استوب علي الهدف الاول = 780 دولار

ايهما افضل برأيك

الخروج عند الهدف الاول بكامل العقد وجني ربح 500 دولار

ام تقسيم العقد علي الاهداف وجني ربح 780 دولار .. وتقليل المخاطره


وبرضه ده مجرد مثال توضيحي
يعني مش بالضروره نفس الارقام ونفس اللوت ونفس الاهداف

ومش بالضروره السعر يعكس من الهدف الاول .. ممكن يستمر معاك للهدف التاني ويعكس .. وممكن يكمل لباقي اهدافك

هتلاقي تنوع في الصفقات .. صفقات جابت كل اهدافها وصفقات ضربت استوب مباشرة .. وصفقات جابت هدف اول فقط وصفقات جابت هدفين فقط ... وهكذا

في النهايه هتلاقي ربح تراكمي جيد ... وهو ده هدف الإسلوب


وصدقا هو افضل اسلوب للتعامل مع الصفقات من وجهة نظري
لجني اكبر ربح تراكمي ممكن وبأقل مخاطره ممكن


كل عام وانت واسرتك الكريمه بخير

تقبل الله منا ومنكم الطاعات وصالح الاعمال















Hema2020 غير متواجد حالياً   رد مع اقتباس
قديم 06-06-2016, 05:28 PM   #535
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه

اقتباس:
المشاركة الأصلية كتبت بواسطة Hema2020 مشاهدة المشاركة


الدولار كندي ايضا للبيع ان شاء الله

اغلاقات الزوج سلبيه .. وكسر المستوي النفسي 1.3000 واغلق اسفله

السعر صعد قليلا في الصباح كتصحيح وبدأ في الهبوط مجددا

هنبيع من السعر الحالي 1.2952

استوب لوس 1.3000

هدف اول 1.2900
هدف تاني 1.2860
هدف تالت 1.2800
هدف رابع 1.2710




بالتوفيق ان شاء الله
اقتباس:
المشاركة الأصلية كتبت بواسطة Hema2020 مشاهدة المشاركة
الدولار كندي هدف اول +52 نقطه .... إدارة الصفقه متنسوش ... نغلق 40% من قيمة العقد الأن علي الهدف الاول ونحرك الاستوب علي الدخول ونكمل



بالتوفيق

بركاتك يا شهر الخير و الكرم

هدف تاني صاروخي +92 نقطه الحمدلله ... ننقل الاستوب علي الهدف الاول

الزوج هيستهدف 1.2800 وهو هدفنا التالت ان شاء الله... مكملين





Hema2020 غير متواجد حالياً   رد مع اقتباس
قديم 06-06-2016, 05:46 PM   #536
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه

اقتباس:
المشاركة الأصلية كتبت بواسطة Hema2020 مشاهدة المشاركة


المجازفه الممتعه ... هكذا انا اطلقها علي النوع ده من الصفقات ..




توكلنا علي الله ... هنذبح المجنون ... بس يارب هو اللي ميذبحناش هههههه

المجنون بدأ يرتد من مناطق 153.00 .. و اغلق شمعتين 4 ساعات فوق المستويات دي ... هندخل الأن عشان نحاول ناخد الحركه من اولها ولكن بحذر

هنشتري بحذر شديد تحسبا لأي تحركات غدر

هنقسم العقد و ارجو الالتزام بذلك

هندخل بالنصف فقط من السعر الحالي ... ونصف اخر هندخل بيه لو السعر ريح لتحت وانا هنبه بذلك في وقته

لو فرضا اللوت اللي هتدخل بيه هو 0.4 ... هندخل بنصفه فقط 0.2 من السعر الحالي

اكرر مره اخري ... ارجو الالتزام ب ادارة رأس المال و إدارة الصفقه .... لا داعي للطمع واللوتات الكبيره .. اقصي مخاطره مقبوله هي 5% فقط

شراء الان السعر الحالي 154.19

الاستوب 152.70

الهدف الاول 155.30
الهدف التاني 156.70
الهدف التالت 158.00
الهدف الرابع 159.50

الاغلاق اليومي مهم جدا .. و ان شاء الله هيكون لصالحنا








انطلق قطار المجنووون و احنا معاااه

هدف اول +110 نقطه الأن ... ننقل الاستوب علي الدخول ونكمل معاه ... ومننساش إدارة الصفقه زي ما قولنا










الحمدلله



Hema2020 غير متواجد حالياً   رد مع اقتباس
قديم 06-06-2016, 06:09 PM   #537
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه

اقتباس:
المشاركة الأصلية كتبت بواسطة Hema2020 مشاهدة المشاركة


الدولار فرنك اغلق الاسبوع الماضي بشمعه ابتلاع بيع قويه جدا ... و كسر منطقة 0.9800 و اغلق اسفلها

بالاضافه الي سلبية بيانات الدولار الأخيره .. واللي متوقع ان يستمر تأثيرها خلال الاسبوع الحالي

الزوج ربما يصعد قليلا لإعادة اختبار مناطق 0.9800

من الممكن الدخول بعقد صغير من السعر الحالي .. ولو صعد لاعادة الاختبار ندخل بجزء اخر

البيع من السعر الحالي 0.9750

استوب لوس 0.9810

هدف اول 0.9710
هدف تاني 0.9660
هدف تالت 0.9600
هدف رابع 0.9520




بالتوفيق ان شاء الله

الدولار فرنك هدف اول +40 نقطه ... ننقل الاستوب علي الدخول ونكمل ..

الزوج هيستهدف 0.9500 ان شاء الله





الحمدلله






Hema2020 غير متواجد حالياً   رد مع اقتباس
قديم 07-06-2016, 09:30 AM   #539
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه

اقتباس:
المشاركة الأصلية كتبت بواسطة خالد التميمي مشاهدة المشاركة
المجنون كم الاهداف ي الغالي

المجنون ضرب الهدف التالت لنا في الصباح ... هنزود اهداف اضافيه ان شاء الله

الاهداف القادمه
الهدف الرابع كما هو 159.50
الهدف الخامس 160.90
الهدف السادس 162.00
هدف اخير 163.00



Hema2020 غير متواجد حالياً   رد مع اقتباس
قديم 07-06-2016, 09:38 AM   #540
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه

اقتباس:
المشاركة الأصلية كتبت بواسطة Hema2020 مشاهدة المشاركة


الدولار كندي ايضا للبيع ان شاء الله

اغلاقات الزوج سلبيه .. وكسر المستوي النفسي 1.3000 واغلق اسفله

السعر صعد قليلا في الصباح كتصحيح وبدأ في الهبوط مجددا

هنبيع من السعر الحالي 1.2952

استوب لوس 1.3000

هدف اول 1.2900
هدف تاني 1.2860
هدف تالت 1.2800
هدف رابع 1.2710




بالتوفيق ان شاء الله
اقتباس:
المشاركة الأصلية كتبت بواسطة Hema2020 مشاهدة المشاركة
الدولار كندي هدف اول +52 نقطه .... إدارة الصفقه متنسوش ... نغلق 40% من قيمة العقد الأن علي الهدف الاول ونحرك الاستوب علي الدخول ونكمل



بالتوفيق
اقتباس:
المشاركة الأصلية كتبت بواسطة Hema2020 مشاهدة المشاركة
بركاتك يا شهر الخير و الكرم

هدف تاني صاروخي +92 نقطه الحمدلله ... ننقل الاستوب علي الهدف الاول

الزوج هيستهدف 1.2800 وهو هدفنا التالت ان شاء الله... مكملين



الدولار كندي ضرب الهدف التالت بربح +152 نقطه الحمدلله ... نحرك الاستوب لوس علي الهدف التاني ونكمل ...

الكندي دلوقتي عند منطقه مهمه 1.2800 .. لو كسرها هينزل للقاع الأخير 1.2450 ان شاء الله






Hema2020 غير متواجد حالياً   رد مع اقتباس
إضافة رد

جديد مواضيع منتدى العملات العام Forex


مواضيع سابقة :

مالك شركة "شوباني" يوزع 10 بالمائة من رأسمالها على العاملين
للويب مونى
استراتيجية السيناريو 2016

مواضيع تالية :

دورة التعليق الرياضي
دورة التعليق الرياضي
تنزيل برنامج تورنت اخر اصدار Download uTorrent

ورشة البرايس اكشن والنماذج الفنيه

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع المنتدى
البرايس اكشن منتدى المؤشرات و الاكسبرتات
ورشة تحليلية كلاسيكية تعليمية مدعمة بتوابل البرايس اكشن منتدى العملات العام Forex
## ورشة البرايس اكشن ## منتدى العملات العام Forex
البرايس اكشن منتدى العملات العام Forex


روابط الموقع الداخلية


الساعة الآن 01:10 AM.
Powered by vBulletin® Version 3.8.7
Copyright ©2000 - 2016, Jelsoft Enterprises Ltd.
Privacy Policy
SEO by vBSEO 3.6.0 ©2011, Crawlability, Inc.

الاتصال بنا - بورصات - الأرشيف - تنشيط العضوية - اعلن معنا - الأعلى    تحذير المخاطرة