موقع بورصات
 
بورصات
تسجيل عضوية جديدة في المنتديات لوحة تحكم العضو البحث في المنتديات تسجيل الخروج الرئيسية الاتصال بنا

منتدى العملات العام Forex لمتابعة كل ما يتعلق بتجارة العملات الاجنبية – الفوركس والذهب والنفط من اخبار وطرق المتاجرة وتحليلات ، قسم التوصيات – توصيات العملات لمتابعة توصيات فوركس ونقاط الدخول والخروج على مختلف العملات ، منتدى الدروس التعليمية – فوركس يحتوي على دروس تعليمية لسوق العملات والتحليل الفني والاساسي وادارة رأس المال فوركس ، منتدى المؤشرات والاكسبيرتات يحتوي على اهم المؤشرات مع شرح لها بالاضافة الى بعض الدروس

العودة   بورصات > بورصة العملات الاجنبية - الفوركس > منتدى العملات العام Forex

ورشة البرايس اكشن والنماذج الفنيه

منتدى العملات العام Forex

Like Tree774Likes

إضافة رد
 
أدوات الموضوع
قديم 03-06-2016, 11:41 PM   #491
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه

رد: ورشة البرايس اكشن والنماذج الفنيه



نتائج الورشه خلال الاسبوع الرابع من المسابقه


الحمدلله الاسبوع دا كان من افضل الاسابيع في الورشه الحقيقه ... لأني اتفرغت تماما للورشه في الاسبوع ده وخدت اجازه من شغلي الاسبوع ده عشان الورشه تتقدم شويه ... عاوزين ندوق جوايز بورصات يا جماعه هههههه

الناس اللي تابعت معانا الاسبوع ده اكيد لاحظو كثافة التحليلات والفرص والحمدلله 90% من الصفقات كانت رابحه وباهداف كبيره ... وخصوصا الباوندات لانهم ازواجي المفضله " باوند كندي - باوند نيوزيلاندي - باوند استرالي - باوند فرنك " .. خدنا الباوندات الاسبوع ده طالع نازل .. تقريبا مسبناش حركه من تحركاتهم غير وكنا داخلين فيها

نتائج جميع الصفقات خلال الاسبوع الرابع كالتالي ...




الاسترالي دولار +160
الباوند ين -100
الدولار كندي +170
الباوند دولار +127
الذهب +340
باوند استرالي -55
نيوزيلاندي دولار +100
الذهب -95
الاسترالي دولار +97
باوند نيوزيلاندي -60
يورو استرالي +108
دولار كندي -18
الاسترالي دولار +70
باوند استرالي +65
باوند كندي +58
باوند نيوزيلاندي +60
باوند فرنك +64
الذهب +97
نيوزيلاندي دولار +130
يورو نيوزيلاندي +115
يورو استرالي +88
باوند نيوزيلاندي +125
باوند ين +76
يورو نيوزيلاندي +170
باوند استرالي +140
يورو كندي -55
نيوزيلاندي دولار +50
الذهب +130
يورو دولار +58
باوند دولار +74
باوند نيوزيلاندي +350
باوند فرنك +65
باوند استرالي +220
يورو نيوزيلاندي +185
باوند كندي -44
كندي ين +50
باوند نيوزيلاندي +220
استرالي كندي +66
باوند استرالي +294
كندي ين +105
باوند نيوزيلاندي +223
استرالي كندي +106
باوند كندي -58
باوند فرنك +120
باوند نيوزيلاندي +132
الفضه -28
باوند كندي +78
باوند ين -65
باوند فرنك +82
باوند نيوزلاندي +225
يورو استرالي -45
باوند استرالي +77
يورو نيوزيلاندي -8
باوند فرنك +140
باوند نيوزيلاندي +115
باوند فرنك +68
باوند استرالي +100

صافي النقاط المحققه خلال الاسبوع الرابع +5062 نقطه


عدد النقاط كبير بفضل الله هذا الاسبوع لاني كثفت من المتابعه والتحليلات والفرص خلال الاسبوع... تعبنا الاسبوع ده بامانه

اللي حابب يتأكد من النتائج ... التحليلات موجوده .. والشارتات موجوده .. والصفقات موجوده باستوباتها واهدافها .. راجع الورشه بنفسك واتأكد

الاسبوع الرابع الصفحات من 33 الي 49 للي يحب يراجع الصفقات بنفسه












Hema2020 غير متواجد حالياً   رد مع اقتباس
قديم 03-06-2016, 11:45 PM   #492
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه

نتائج الورشه خلال شهر المسابقه

الاسبوع الاول والتاني +1198 نقطه
الاسبوع التالت +2316 نقطه
الاسبوع الرابع +5062 نقطه


اجمالي النقاط اللي تم حصدها خلال شهر المسابقه

1198+2316+5062 = +8576 نقطه الحمدلله



تم رصد واحصاء جميع الصفقات الخاسره قبل الصفقات الرابحه
جميع الصفقات اللي دخلناها في الورشه تم وضع نتائجها سواء ضربت الاستوب .. او تنبيه بأغلاقها يدوي علي السعر الحالي بربح او خساره .. او بوصول الصفقه الي اهدافنا وبيتم التنويه برضه ان الصفقه جابت الاهداف




Hema2020 غير متواجد حالياً   رد مع اقتباس
قديم 03-06-2016, 11:52 PM   #493
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه

انتهت المسابقه ولكن .... لم ينتهي العمل في الورشه

ان شاء الله الورشه مستمره ...... مستمرين بنفس النشاط والقوه ... ولكن مع عدد صفقات اقل لزيادة التركيز وعدم تشتيت المتابعين

الاسبوع القادم بدايه جديده ان شاء الله

طموحي الورشه تصير من اكبر الورش في بورصات



اقتباس:
المشاركة الأصلية كتبت بواسطة Hema2020 مشاهدة المشاركة

السلام عليكم

انا عارف ان المتابعين للورشه قليلين ومفيهاش نشاط قوي من الاعضاء ....

ده له عدة اسباب

اول سبب هو ان ده اول شهر للورشه في المنتدي ... وطبيعي ان ميكونش لها متابعين كتير علي عكس الورش القديمه في المنتدي اللي بقالها شهور وسنين

وبالمناسبه دي اول ورشه فعليه ليا في المنتديات
منذ دخولي عالم الفوركس في 2011 وانا بشتغل في صمت بعيدا عن المنتديات والسوشيال ميديا بشكل عام
مليش جروبات واتس او فيس او تليجرام ... بمعني مليش قاعدة متابعين عشان اقدر ادعوهم لمتابعتي هنا في ورشتي في المنتدي .. لكن اخوتي واحبابي اصحاب الورش القديمه لهم قاعدة متابعين في المنتدي ... او فيس و تليجرام وانتقلو معهم بالطبع للمتابعه في المنتدي

الورشه ان شاء الله مستمره الي ما شاء الله ... مستمره حتي بعد انتهاء المسابقه الحاليه

لاني اكتشفت ان مشاركة وجهات نظري مع الاخرين ومساعدة اي عضو محتاج تحليل او معلومه هو امر رائع فعلا....

واعذروني لو الصفقات كانت كتيره شويه خلال الشهر ده .. ولكن زي ما قولت الورشه مشاركه في المسابقه وكان لابد من تكثيف النشاط وجني اكبر نقاط عشان انافس علي مركز في المسابقه ... عاوزين ندوق جوايز بورصات ههههههه

الحقيقه ان كثرة الصفقات كانت بتجهدني انا شخصيا في التحليل والمتابعه .. لان كنت بحلل كل زوج كويس قبل الصفقه وخصوصا الكروسات كنت لازم بحلل الازواج الرئيسيه اللي بيتكون منها الكروس عشان مخسرش ومحدش يخسر معايا .. مش مجرد شارت بنزله او خطوط مرسومه و زي ما تيجي


الورشه لم تكن توصيات صماء .. ولكن تحليلات و رؤيتي للزوج وبناءا عليها بندخل توصيه باسباب واضحه
حتي وان كان التحليل لم يتفق معك فهو علي الأقل وجهة نظري في الزوج والتي قد تصيب او تخطئ



الحمدلله انا راضي عن اداء الورشه خلال فترة المسابقه حتي و ان كانت المتابعه للورشه قليله





وكل الصفقات كان بيتم وضعها بتحليل واسباب واضحه ومنطقة دخول واستوب لوس واهداف .... لم يكن هناك اي صفقه عشوائيه
والحمدلله وفقنا في تحقيق ارباح جيده ونسبة الصفقات الرابحه تجاوزت بكثير الصفقات الخاسره


الورشه هتستمر ... وهستمر في طرح التحليلات والتوصيات... وهدفي انها تكون من ضمن اكتر الورش النشيطه المفيده في المنتدي بمتابعينها

هتستمر ولكن بأسلوب مختلف شويه .. من حيث عدد الصفقات هيكون اقل عشان معملش تشتيت للأعضاء
وهنتابع اقوي الفرص فقط ان شاء الله

انا تحت امر اي عضو في اي معلومه او استفسار

ومكملين ان شاء الله حتي و ان تابعني عضو واحد فقط


ادام الله عليكم الأرباح وكل عام وانتم بخير بمناسبة اقتراب شهر الخير










horizon1980 likes this.
Hema2020 غير متواجد حالياً   رد مع اقتباس
قديم 04-06-2016, 12:00 AM   #494
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه



في المشاركات القادمه هتكلم بشكل مفصل شويه عن طريقة عمل الورشه والادوات اللي بنعتمد عليها بشكل اساسي
و دي هتكون الطريقه الرسميه المعتمده للورشه خلال رحلتها القادمه ان شاء الله

وايضا هتكلم عن الاسلوب اللي بستخدمه في ادارة الصفقات واللي بستخدمه في حسابي الشخصي واستخدمته ايضا في ادارة الصفقات بالورشه ... وهي طريقه رائعه لادارة المخاطر والتحكم فيها ... الاسلوب ده بيقلل المخاطر الي ادني حد وبيرفع من قيمة الارباح التراكميه .....



تحياتي للجميع



horizon1980 likes this.
Hema2020 غير متواجد حالياً   رد مع اقتباس
قديم 04-06-2016, 12:09 AM   #495
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه

و ايضا كما اتعودنا في كل اجازه ... هستمر في شرح بعض المفاهيم المهمه باسلوب مبسط بناءا علي خبرتي ومعلوماتي المتواضعه ....

اتكلمنا في اجازة اول اسبوع عن السياسه النقديه

اجازة تاني اسبوع اتكلمنا عن ااسعار الفائده

اجازة تالت اسبوع اتكلمنا عن التضخم

الاجازه دي هتكون مخصصه لشرح اسلوب عمل الورشه واسلوب ادارة الصفقه زي ما نوهت في المشاركه اللي فاتت ....





اقتباس:
المشاركة الأصلية كتبت بواسطة Hema2020 مشاهدة المشاركة
يلا نستغل الاجازه ونكتسب معلومات جديده تفيدنا في الفوركس

هحاول ابسط لكم المعلومات بقدر الامكان ان شاء الله

بنسمع كتير عن كلمة سياسه نقديه في البيانات والتقارير الاقتصاديه ... طب ايه هي السياسه النقديه..!!

السياسه النقديه بمنتهي البساطه هي عباره عن خطه بتشمل مجموعه من الاجراءات اللي بتتخذها البنوك المركزيه للتحكم في النقود المعروضه في السوق ...

طيب ايه الفايده او الغرض من السيطره علي النقود المتاحه في السوق ؟؟
لان هدف اي بنك مركزي هو تحقيق استقرار عملة بلده , وتحقيق معدل معتدل من النمو الاقتصادي بالاضافه الي السيطره علي المرض الخبيث اللي اسمه التضخم

البنك المركزي لما يكون لديه خطه واضحه واجراءات سليمه هيقدر يحقق هدفه ويسيطر علي السوق

طيب لو انا الاقتصاد بتاعي في حالة ركود البنك المركزي هيتصرف ازاي !!
ولو الاقتصاد بتاعي في حالة ازدهار البنك المركزي هيتصرف ازاي !!

البنك المركزي دايما بيكون عنده خطتين للسياسه النقديه
سياسه نقديه توسعيه , وسياسه نقديه انكماشيه

في حالات الركود الاقتصادي بيلجأ المركزي الي السياسه التوسعيه
في السياسه التوسعيه بيقوم بزيادة المعروض من النقود في الدوله عشان يحفز النشاط الاقتصادي

السياسه الانكماشيه هي عكس التوسعيه
الانكماشيه بيلجأ لها المركزي لما يكون الاقتصاد وصل لقمة ازدهاره والنمو وصل لقمته
فبيبدأ البنك المركزي يستخدم سياسه انكماشيه
طيب هييجي في دماغكو سؤال دلوقتي
طالما الاقتصاد مزدهر والنمو مرتفع والبلد زي الفل ليه المركزي هيلجأ للسياسه الانكماشيه دي

ببساطه لان ما طار طير و ارتفع الا وكما طار سقط

نفس الحال في الاقتصاد .. اي اقتصاد في العالم بيمر بدوره ثابته
الدوره دي عباره عن قاع ثم تعافي ثم نمو ثم قمه ثم يبدأ يدخل مرحلة تراجع اقتصادي ثم قاع مرة اخري ... وهكذا

اظن كدا وضحت الفكره ليه المركزي بيلجأ للسياسه الانكماشيه
ببساطه عشان يقلل من سرعة وصول الاقتصاد لقمة الدوره الاقتصاديه بسرعه .. لان طبيعي بعد وصوله لقمة الدوره هيبدأ يدخل في تراجع ثم قاع وتتكرر الدوره مره اخري


يارب اكون وفقت في توصيل معلومه مفيده لكم وبأسلوب مبسط

موعدنا مع معلومه جديده ان شاء الله

تحياتي




اقتباس:
المشاركة الأصلية كتبت بواسطة Hema2020 مشاهدة المشاركة
هنتكلم النهارده عن اسعار الفائده

ببساطه اسعار الفائده هي نسبه يحددها البنك المركزي للدوله
وهي تمثل العائد علي القروض و الايداعات لدي البنك

طب ايه الظروف اللي بتتحكم في قيمة اسعار الفائده ؟؟

نسبة اسعار الفائده مبيتمش تحديدها بشكل عشوائي
ولكن بيتم تحديدها بناءا علي الظروف الاقتصاديه للبلد واللي بتقتضيه السياسه النقديه للمركزي
فاكرين السياسه النقديه

فاكرين لما قولنا فيه سياسه نقديه توسعيه وفيه سياسه نقديه انكماشيه
اسعار الفائده بتمثل اداه رئيسيه في كل نوع منهم

طب ازاي هنفهم اكتر ....

قولنا ان السياسه التوسعيه بيلجأ لها البنك المركزي في حالة الركود عشان يحفز الاقتصاد

طب انا كبنك مركزي عندي ركود في اقتصادي و عندي بيانات اقتصاديه سلبيه باستمرار و اقتصادي رايح ف داهيه ايه الحل ..!
الحل ان ازود كمية المعروض من النقود في البلد عشان احفز النشاطات الاقتصاديه والاستثمارات ...الخ
طب دا هيتم ازاي !
هروح خافض اسعار الفائده

طب لما اخفضها ايه اللي هيحصل ؟؟

معني خفض اسعار الفائده هو ان الفائده علي الاقتراض هتكون اقل
وبالتالي هشجع الناس تاخد قروض بفوائد اقل من السابق
وبالتالي زيادة النشاط والمشاريع والاستثمارات
وبالتالي اقتصادي هيبدأ يتحس ويخرج من الركود ويبدأ في التعافي

اظن واضحه كدا

طب العكس بقا
السياسه الانكماشيه قولنا بيلجأ لها البنك المركزي في حالة وصول الاقتصاد الي قمة ازدهاره و النمو وصل لقمته
في الحاله دي البنك لازم ياخد اجراءات عشان الاقتصاد ميوصلش لقمة الدورة الاقتصاديه بسرعه ويبدأ ينهار

ماهو زي ما قولتلكو الاقتصاد بيمر بمراحل ثابته بنسميها الدوره الاقتصاديه وهي عباره عن قاع ثم تعافي ثم نمو ثم قمه ثم يبدأ يدخل مرحلة تراجع اقتصادي ثم قاع مرة اخري

لو اقتصادي وصل للقمه فهو حتما سيدخل مرحلة التراجع في القريب

طب ايه الحل او الاداه اللي المركزي بيستخدمها في الحاله دي
الحل او الاداه هو زيادة اسعار الفائده
طب ليه !!

عشان اقلل من قيمة النقود المعروضه في البلد وبالتالي النشاط الاقتصادي هيهدأ و هيحصل عندي نمو معتدل وليس متسارع


طيب احنا كدا فهمنا امتي المركزي بيرفع اسعار الفائده و امتي بيخفضها وتأثيره علي اقتصاد البلد

طب لو رفعها تأثيره ايه علي عملة البلد نفسها ؟؟
ولو خفضها تأثيره ايه برضه علي عملة البلد ؟؟

في قاعده ثابته بشكل عام و في الاقتصاد بشكل خاص

وهي ان زيادة المعروض يؤدي لقلة الطلب ,, و قلة المعروض يؤدي الي زيادة في الطلب

طب منا لسه قايل ان المركزي بيرفع الفائده عشان يقلل المعروض من النقود في البلد
يعني المعروض عندي من النقود هيكون قليل وبالتالي هيرتفع الطلب اي ان العمله هترتفع

طب لما المركزي بيخفض اسعار الفائده بيزود المعروض من العمله
وبالتالي الطلب هيقل علي العمله
وبالتالي هتنخفض قيمة العمله

يعني الخلاصه خالص و بإختصار شديد

اسعار الفائده قيمتها مرتبطه بالوضع الحالي للاقتصاد

رفع اسعار الفائده ــــ> قلة المعروض من النقود ـــ> ارتفاع الطلب علي العمله ـــ> زيادة قيمة العمله


خفض اسعار الفائده ــــ> زيادة المعروض من النقود ـــ> انخفاض الطلب علي العمله ـــ> انخفاض قيمة العمله

اتمني اكون وفقت في توصيل معلومه مفيده

لو حد محتاج اي استفسار بخصوص اسعار الفائده او فيه شئ مش واضح يسأل وانا تحت امركم ان شاء الله

تحياتي للجميع

اقتباس:
المشاركة الأصلية كتبت بواسطة Hema2020 مشاهدة المشاركة
بسم الله

هنتكلم النهارده عن التضخم

انا شخصيا بعتبره فيرس لعين بيصيب اي اقتصاد

نعرف الاول ايه هو التضخم ببساطه...

التضخم هو ارتفاع عام في اسعار جميع السلع والخدمات والمنتجات و انخفاض القيمه الشرائيه او القدره الشرائيه للعمله

بمعني ادق ان الفلوس اللي معايا بعد ما كانت بتشتري سلع ومنتجات وخدمات اكتر هتبدأ تشتري اقل

زي عندنا في مصر كدا
مستويات التضخم رايحه ف داهيه وبترتفع بأستمرار بنسب مبالغ فيها

وبيترتب عليه ان قيمة الجنيه ف النازل و اصبح بيشتري كميه اقل من السلع والمنتجات
هو بصراحه معدش بيشتري حاجه اساسا هههههه

طيب فرضا انا موظف براتب 2000 جنيه شهريا
الراتب ده لو كان بيكفيني من خمس سنين فاتو
اصبح الان لا يكفي لان القيمه الشرائيه للعمله قلت في حين ان المرتب ثابت

وايضا اللي محوش فلوس
لو هو محوش 100 الف جنيه من 10 سنين مثلا
هيخسر فيهم خساره كبيره جدا
علي الرغم ان المبلغ كما هو وممكن يكون ربح فوائد بنكيه لو هو وضعه ف البنك ,, ولكن الاموال نفسها خسرت من قدرتها الشرائيه
اصبحت ال100 الف بأوضاع اليوم تعادل تقريبا 50 الف فقط من عشر سنين مثلا

طيب دي كانت مجرد امثله بس عشان اوضح لكم جزء من اضرار التضخم .. والامثله كانت عن بلدي مصر


نرجع نكمل موضوعنا
اتعرفنا خلاص علي التضخم

طب ايه هي اسباب التضخم ....

لنفترض ان عندي مصنع شغال
وفجأه ارتفعت اسعار المواد الخام اللي بستوردها والاجور ارتفعت و زودت ف العماله .. شئ طبيعي ان لازم هزود في سعر المنتج النهائي عشان اقدر اغطي التكاليف و احقق هامش ربح

إذن من اهم اسباب التضخم هو زيادة تكاليف الانتاج سواء كانت مواد خام , زيادة رواتب , زيادة عمال ...الخ

وعندنا في مصر الشركات والمصانع بدأت ترفع من اسعار منتجاتها بنسب تصل ل40% مؤخرا
ودا بسبب ارتفاع الدولار لمستويات مرتفعه امام الجنيه المصري
وبالتالي زيادة اسعار المواد المستورده وبالتالي اضطرت الشركات لرفع اسعار المنتجات لتغطية التكاليه

فيه سؤال ممكن يدور في عقولكم دلوقتي
هل التضخم بيحصل في اي بلد ؟؟

الاجابه بمنتهي البساطه نعم

التضخم بيحصل في اي اقتصاد وهو امر طبيعي حدوثه .. ولكن بحدود ونسبه معينه
و اغلب البنوك المركزيه العالميه بتحاول دائما تستهدف مستويات معينه للتضخم بحيث انها لا تزيد ولا تقل عند النسب الطبيعيه .. وهنفهم ليه دلوقتي

عرفنا ان زيادة التضخم بتؤدي لزياده عامه ف الاسعار وانخفاض القدره الشرائيه للعمله

طب لو التضخم قل زياده عن اللزوم ايه اللي هيحصل ؟؟

دي ايضا تعتبر كارثه لو التضخم قل زيادة عن اللزوم او اقترب من الصفر

قولنا ان البنوك المركزيه بتحاول تسعي للسيطره علي التضخم والوصول به الي مستهدف معين .. لكنها في نفس الوقت لا تسعي اطلاقا للوصول به الي مستوي متدني او مستوي الصفر

لان تدني التضخم او وصوله الي الصفر او تحت الصفر هيسبب عندي حالة من الانكماش ف اقتصادي

الانكماش هو انخفاض عام في اسعار السلع والمنتجات والخدمات وبالتالي انهيار كبير جدا في ارباح الشركات والمصانع وقد يصل الي افلاس الكثير منها ..
طب لو انا عندي مصنع او شركه وعمال بخسر بخسر هعمل ايه ؟؟
هبدأ اسرح في العماله اللي عندي
وبالتالي دي كارثه تانيه جديده وهو زيادة معدلات البطاله

يعني ببساطه لو التضخم وصل الي الصفر هيبدأ يحصل عندي انكماش وركود ف اقتصادي وافلاس للشركات والمصانع وزيادة للبطاله

ولذلك قولنا ان البنوك المركزي بتضع مستهدفات معينه للتضخم تصل اليها ,, بحيث انها لا تزيد عن الطبيعي ولا تقل عنه


وبكدا نكون عرفنا كل شئ عن التضخم تقريبا

اتمني معلومة اليوم تكون مفيده وتنال اعجباكم ورضاكم
واتمني اكون وفقت في شرح التضخم بأسلوب مبسط

تحت امركم في اي استفسار

موعدنا مع معلومات جديده ان شاء الله ....

تحياتي للجميع












horizon1980 likes this.
Hema2020 غير متواجد حالياً   رد مع اقتباس
قديم 04-06-2016, 12:23 AM   #496
عضو برونزي
 
الصورة الرمزية Goldmann
 

افتراضي رد: ورشة البرايس اكشن والنماذج الفنيه

ماشاء الله تبارك

ان شاء الله تكون احد الفائزين الثلاثه

مجهود جبار وصبر جميل على الأهداف



Hema2020 likes this.
التوقيع:
اخلاء مسؤليه
اي فرصة او شارت اضعه هنا
ليس شرطا ان اكون داخل فيها شخصيا

ولكل شخص القرار في الدخول من عدمه
وجهة نظر قد تصيب وقد تخطئ
ولكل مجتهد نصيب

نرجوا عدم العتب ,الزعل, او الدعاء علينا في حالة ضرب ستب او مارجن كول لاقدر الله
Goldmann غير متواجد حالياً   رد مع اقتباس
قديم 04-06-2016, 01:32 AM   #497
عضو جديد
 
الصورة الرمزية riyadg
 

افتراضي رد: ورشة البرايس اكشن والنماذج الفنيه

اقتباس:
المشاركة الأصلية كتبت بواسطة Hema2020 مشاهدة المشاركة
نتائج الورشه خلال شهر المسابقه

الاسبوع الاول والتاني +1198 نقطه
الاسبوع التالت +2316 نقطه
الاسبوع الرابع +5062 نقطه


اجمالي النقاط اللي تم حصدها خلال شهر المسابقه

1198+2316+5062 = +8576 نقطه الحمدلله



تم رصد واحصاء جميع الصفقات الخاسره قبل الصفقات الرابحه
جميع الصفقات اللي دخلناها في الورشه تم وضع نتائجها سواء ضربت الاستوب .. او تنبيه بأغلاقها يدوي علي السعر الحالي بربح او خساره .. او بوصول الصفقه الي اهدافنا وبيتم التنويه برضه ان الصفقه جابت الاهداف


نتائج رائعة أتمنى لك التوفيق باستمرار



horizon1980 and Hema2020 like this.
riyadg غير متواجد حالياً   رد مع اقتباس
قديم 04-06-2016, 01:35 AM   #498
عضو جديد
 
الصورة الرمزية riyadg
 

افتراضي رد: ورشة البرايس اكشن والنماذج الفنيه

اقتباس:
المشاركة الأصلية كتبت بواسطة Hema2020 مشاهدة المشاركة
انتهت المسابقه ولكن .... لم ينتهي العمل في الورشه

ان شاء الله الورشه مستمره ...... مستمرين بنفس النشاط والقوه ... ولكن مع عدد صفقات اقل لزيادة التركيز وعدم تشتيت المتابعين

الاسبوع القادم بدايه جديده ان شاء الله

طموحي الورشه تصير من اكبر الورش في بورصات

بإذن الله تكون الورشة من أكبر الورش في بورصات



horizon1980 and Hema2020 like this.
riyadg غير متواجد حالياً   رد مع اقتباس
قديم 04-06-2016, 01:50 AM   #499
عضو نشيط
 
الصورة الرمزية Raed Bin
 

افتراضي رد: ورشة البرايس اكشن والنماذج الفنيه

ما شاء الله تبارك الله

نتائج مفرحة وجهد مشكور أخي هيما

بمشيئة الله سأحرص على متابعة ورشتك كالعادة

أسأل الله لك التوفيق والسداد

محبك أبو عمر،،،




horizon1980 and Hema2020 like this.
التوقيع:

Raed Bin غير متواجد حالياً   رد مع اقتباس
قديم 04-06-2016, 11:57 AM   #500
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه

اقتباس:
المشاركة الأصلية كتبت بواسطة Goldmann مشاهدة المشاركة
ماشاء الله تبارك

ان شاء الله تكون احد الفائزين الثلاثه

مجهود جبار وصبر جميل على الأهداف

الحمدلله والشكر لله وحده

المكسب الحقيقي هو التواجد بينكم في منتدي عريق كبورصات ... و الجائزه في قيمتها التقديريه والمعنويه اكبر من القيمه الماديه

وفقك الله دائما





Hema2020 غير متواجد حالياً   رد مع اقتباس
إضافة رد

جديد مواضيع منتدى العملات العام Forex


مواضيع سابقة :

مالك شركة "شوباني" يوزع 10 بالمائة من رأسمالها على العاملين
للويب مونى
استراتيجية السيناريو 2016

مواضيع تالية :

دورة التعليق الرياضي
دورة التعليق الرياضي
تنزيل برنامج تورنت اخر اصدار Download uTorrent

ورشة البرايس اكشن والنماذج الفنيه

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع المنتدى
البرايس اكشن منتدى المؤشرات و الاكسبرتات
ورشة تحليلية كلاسيكية تعليمية مدعمة بتوابل البرايس اكشن منتدى العملات العام Forex
## ورشة البرايس اكشن ## منتدى العملات العام Forex
البرايس اكشن منتدى العملات العام Forex


روابط الموقع الداخلية


الساعة الآن 12:17 AM.
Powered by vBulletin® Version 3.8.7
Copyright ©2000 - 2016, Jelsoft Enterprises Ltd.
Privacy Policy
SEO by vBSEO 3.6.0 ©2011, Crawlability, Inc.

الاتصال بنا - بورصات - الأرشيف - تنشيط العضوية - اعلن معنا - الأعلى    تحذير المخاطرة