موقع بورصات
 
بورصات
تسجيل عضوية جديدة في المنتديات لوحة تحكم العضو البحث في المنتديات تسجيل الخروج الرئيسية الاتصال بنا

منتدى العملات العام Forex لمتابعة كل ما يتعلق بتجارة العملات الاجنبية – الفوركس والذهب والنفط من اخبار وطرق المتاجرة وتحليلات ، قسم التوصيات – توصيات العملات لمتابعة توصيات فوركس ونقاط الدخول والخروج على مختلف العملات ، منتدى الدروس التعليمية – فوركس يحتوي على دروس تعليمية لسوق العملات والتحليل الفني والاساسي وادارة رأس المال فوركس ، منتدى المؤشرات والاكسبيرتات يحتوي على اهم المؤشرات مع شرح لها بالاضافة الى بعض الدروس

العودة   بورصات > بورصة العملات الاجنبية - الفوركس > منتدى العملات العام Forex

ورشة البرايس اكشن والنماذج الفنيه

منتدى العملات العام Forex

Like Tree774Likes

إضافة رد
 
أدوات الموضوع
قديم 01-06-2016, 08:15 PM   #441
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه

رد: ورشة البرايس اكشن والنماذج الفنيه
اغلاقات شمعة ال4 ساعات الماضيه مش مريح .. وشكل هيكون فيه تصحيح علي الازواج اللي معانا

لذلك هنصفي المراكز دي علي الاسعار الحاليه


اقتباس:
المشاركة الأصلية كتبت بواسطة Hema2020 مشاهدة المشاركة
الباوند نيوزيلاندي هدف تاني +225 نقطه .... نحرك الاستوب علي الهدف الاول .. ونكمل معاه

هيستهدف 2.1000 ان شاء الله



الباوند نيوزيلاندي ارباحه تراجعت الي +200 نقطه فقط بعد ما كان وصل +225 نقطه

وبذلك تنتهي صفقة الباوند نيوزيلاندي بربح +200 نقطه




اقتباس:
المشاركة الأصلية كتبت بواسطة Hema2020 مشاهدة المشاركة
الباوند استرالي +77 نقطه و اقترب من الهدف الاول

ننقل الاستوب علي الدخول ... ونكمل معاه



الباوند استرالي ضرب الاستوب علي الدخول

اقتباس:
المشاركة الأصلية كتبت بواسطة Hema2020 مشاهدة المشاركة

اللي فاكر التحليل الاساسي لليورو نيوزيلاندي

توقعنا الهبوط من بداية الموجه عند مستويات 1.6800 والحمدلله الزوج ماشي علي السيناريو تمام لحد الأن

احنا كان معانا بيع وخرجنا منه امبارح عشان الاغلاقات الشهريه

لكن الزوج كمل هبوط وكسر الدعم 1.6470

اتوقع استهداف 1.6100 وهو الهدف النهائي للهبوط زي ما توقعنا ف البدايه

هندخل بيع الان من السعر الحالي

استوب لوس 1.6480

الهدف الاول 1.6310
الهدف التاني 1.6240
الهدف التالت 1.6170
الهدف الرابع 1.6100


اليورو نيوزيلاندي نخرج الأن بخساره -8 نقط

اقتباس:
المشاركة الأصلية كتبت بواسطة Hema2020 مشاهدة المشاركة
شمعة ال4 ساعات الاخيره اغلقت اسفل خط العنق .. وبالتالي النموذج تفعل

هنبيع من السعر الحالي 1.8960 باستوب 70 نقطه فقط ... وهدف 300 نقطه ان شاء الله

الاستوب عند 1.9040

هنقسم الهدف علي 4 مستويات ... وطريقتي المفضله في ادارة الصفقه هي تقسيم العقد علي الاهداف
بمعني لو صفقتي لها 4 اهداف , هغلق جزء من العقد عند الهدف الاول ونحرك الاستوب علي الدخول ... وعند الهدف التاني اغلق جزء اخر من العقد وهكذا
دي افضل طريقه لادارة الصفقه عشان تقلل المخاطر الي اقصي حد وترفع من قيمة الارباح ... وبستخدمها ايضا علي حسابي الشخصي

الهدف الاول 1.8890
الهدف التاني 1.8800
الهدف التالت 1.8700
الهدف الرابع 1.8650

بالتوفيق ان شاء الله





نقفل الباوند كندي علي +78 نقطه





Hema2020 غير متواجد حالياً   رد مع اقتباس
قديم 01-06-2016, 08:33 PM   #442
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه


فرصه جميله علي الباوند دولار

فيها شوية ريسك لهواة الريسك .... لكن اهدافها ممتازه لو صعد

الزوج عمل برايس اكشن " شمعه انعكاسيه " عند مستويات الدعم 1.4400

هنشتري الان من السعر الحالي 1.4426

واستوبنا هيكون 1.4360

الهدف الاول 1.4500
الهدف التاني 1.4560
الهدف التالت 1.4630
الهدف الرابع 1.4700

اللي هيدخل معانا الصفقه دي يلتزم بالاستوب ضروري الله يكرمكم

الي الاهداف ان شاء الله









Hema2020 غير متواجد حالياً   رد مع اقتباس
قديم 02-06-2016, 12:14 AM   #443
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه

بكره عندنا ملحمه تاريخيه

مجموعه من الاخبار والبيانات الهامه جدا جدا

علي رأسم طبعا بيان اسعار الفائده علي اليورو وهيكون بعدها مؤتمر صحفي
وعندنا خبر الوظائف الامريكيه ADP
وعندنا اخبار متعلقه بالنفط اجتماعات الاوبك , ومخزونات النفط
وخبر اعانات البطاله
والحج كارني محافظ المركزي البريطاني هيتكلم

اللي مش هيدخل السوق بكره يبوس ايده وش وضهر لانها هتكون مجزره


هنتابع بكره الاخبار دي في الورشه وهنحللها ونتابع تأثيرها والتصريحات المهمه ...





Hema2020 غير متواجد حالياً   رد مع اقتباس
قديم 02-06-2016, 08:54 AM   #444
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه

صباح الخييير

فيه نموذج فني اسمه Tweezers
او ملقاط بالعربي

النموذج ده لما بيتكون قدامي علي الشارت بحب اعتمد عليه لانه بنسبة كبيره بيكون صادق


نعرف الاول النموذج بيكون شكله ايه

النموذج ده بيتكون في نهاية موجه صاعده / هابطه قويه

وهو عباره عن مجموعه من الشموع المتساويه في الاغلاقات والذيول تقريبا ,, وفي الغالب بيكون شموع حجمها صغير

عدد الشموع ممكن شمعتين او تلاته وممكن يوصل 5 شموع و احيانا اكتر .. وفي الغالب بيكون ضمنهم شمعه انعكاسيه او دوجي

ده شكل النموذج










النموذج لما بيتكون بعرف علي طول ان فيه تجميعات بتحصل ... تجميع قوه شرائيه او بيعيه حسب الاتجاه اللي عندنا


شرط اساسي للنموذج انه يكون قبله اتجاه قوي وعنيف وليس حركه عاديه


النموذج ده انعكاسي ... يعني بنسبة 80% بيعكس الحركه السابقه له
لو الاتجاه قبل النموذج صاعد بيتحول الي هابط ...


يعني ببساطه السوق بيصعد بعنف .. وبعدين تبدأ الحركه تهدي ويحصل تجمعات للبيع ويتكون نموذج الملقاط .. بعدها بنسبه كبيره السعر بينعكس ويسطير البائعين بعد ان جمعو قواهم

لكن فيه حالات خاصه النموذج فيها بيكون استمراري ... بمعني ان السعر بيميل لاستمرار الاتجاه السابق
و دا في حالة الاتجاهات العامه الحاده .. او كان عندنا قبلها بيانات واخبار جيده جدا او سلبيه جدا






Hema2020 غير متواجد حالياً   رد مع اقتباس
قديم 02-06-2016, 09:20 AM   #445
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه



السبب في المشاركه اللي فاتت هو تكون نموذج ملقاط علي الازواج المفضله ليا
الباوند كندي - الباوند استرالي - الباوند نيوزيلاندي - الباوند فرنك

فقولت اشرح لكم النموذج الاول قبل ما انزل الشارتات والفرص عشان اللي ميعرفش النموذج يتعرف عليه ويفهمه



الباوند كندي

عندنا نموذج ملقاط اتكون بعد حركه هابطه قويه

المتوقع ان الاتجاه يتعكس الي صاعد

هنشتري دلوقتي من السعر الحالي

الاستوب لوس 1.8800

الهدف الاول 1.8920
الهدف التاني 1.8990
الهدف التالت 1.9060
الهدف الرابع 1.9150





الباوند فرنك


عندنا ايضا نموذج ملقاط اتكون بعد حركه هابطه قويه

المتوقع ان الاتجاه يتعكس الي صاعد

هنشتري من السعر الحالي

الاستوب لوس 1.4205

الهدف الاول 1.4300
الهدف التاني 1.4360
الهدف التالت 1.4450
الهدف الرابع 1.4540






الباوند نيوزيلاندي



عندنا ايضا نموذج ملقاط اتكون بعد حركه هابطه قويه

المتوقع ان الاتجاه يتعكس الي صاعد

هنشتري من السعر الحالي


الاستوب لوس 2.1090

الهدف الاول 2.1220
الهدف التاني 2.1300
الهدف التالت 2.1390
الهدف الرابع 2.1500




الباوند استرالي



عندنا ايضا نموذج ملقاط اتكون بعد حركه هابطه قويه

المتوقع ان الاتجاه يتعكس الي صاعد

هنشتري من السعر الحالي


الاستوب لوس 1.9820

الهدف الاول 2.0000
الهدف التاني 2.0100
الهدف التالت 2.0190
الهدف الرابع 2.0300







Hema2020 غير متواجد حالياً   رد مع اقتباس
قديم 02-06-2016, 09:53 AM   #446
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه

النهارده عندنا اخبار قويه جدا زي ما قولنا
وبمناسبة الاخبار القويه وخصوصا بيان الفائده علي اليورو هذكركم بالمشاركات التعليميه اللي بنزلها في الورشه كل اجازه ... عشان نفهم اكتر ايه هي اسعار الفائده وبتعمل ايه






اقتباس:
المشاركة الأصلية كتبت بواسطة Hema2020 مشاهدة المشاركة
يلا نستغل الاجازه ونكتسب معلومات جديده تفيدنا في الفوركس

هحاول ابسط لكم المعلومات بقدر الامكان ان شاء الله

بنسمع كتير عن كلمة سياسه نقديه في البيانات والتقارير الاقتصاديه ... طب ايه هي السياسه النقديه..!!

السياسه النقديه بمنتهي البساطه هي عباره عن خطه بتشمل مجموعه من الاجراءات اللي بتتخذها البنوك المركزيه للتحكم في النقود المعروضه في السوق ...

طيب ايه الفايده او الغرض من السيطره علي النقود المتاحه في السوق ؟؟
لان هدف اي بنك مركزي هو تحقيق استقرار عملة بلده , وتحقيق معدل معتدل من النمو الاقتصادي بالاضافه الي السيطره علي المرض الخبيث اللي اسمه التضخم

البنك المركزي لما يكون لديه خطه واضحه واجراءات سليمه هيقدر يحقق هدفه ويسيطر علي السوق

طيب لو انا الاقتصاد بتاعي في حالة ركود البنك المركزي هيتصرف ازاي !!
ولو الاقتصاد بتاعي في حالة ازدهار البنك المركزي هيتصرف ازاي !!

البنك المركزي دايما بيكون عنده خطتين للسياسه النقديه
سياسه نقديه توسعيه , وسياسه نقديه انكماشيه

في حالات الركود الاقتصادي بيلجأ المركزي الي السياسه التوسعيه
في السياسه التوسعيه بيقوم بزيادة المعروض من النقود في الدوله عشان يحفز النشاط الاقتصادي

السياسه الانكماشيه هي عكس التوسعيه
الانكماشيه بيلجأ لها المركزي لما يكون الاقتصاد وصل لقمة ازدهاره والنمو وصل لقمته
فبيبدأ البنك المركزي يستخدم سياسه انكماشيه
طيب هييجي في دماغكو سؤال دلوقتي
طالما الاقتصاد مزدهر والنمو مرتفع والبلد زي الفل ليه المركزي هيلجأ للسياسه الانكماشيه دي

ببساطه لان ما طار طير و ارتفع الا وكما طار سقط

نفس الحال في الاقتصاد .. اي اقتصاد في العالم بيمر بدوره ثابته
الدوره دي عباره عن قاع ثم تعافي ثم نمو ثم قمه ثم يبدأ يدخل مرحلة تراجع اقتصادي ثم قاع مرة اخري ... وهكذا

اظن كدا وضحت الفكره ليه المركزي بيلجأ للسياسه الانكماشيه
ببساطه عشان يقلل من سرعة وصول الاقتصاد لقمة الدوره الاقتصاديه بسرعه .. لان طبيعي بعد وصوله لقمة الدوره هيبدأ يدخل في تراجع ثم قاع وتتكرر الدوره مره اخري


يارب اكون وفقت في توصيل معلومه مفيده لكم وبأسلوب مبسط

موعدنا مع معلومه جديده ان شاء الله

تحياتي




اقتباس:
المشاركة الأصلية كتبت بواسطة Hema2020 مشاهدة المشاركة
هنتكلم النهارده عن اسعار الفائده

ببساطه اسعار الفائده هي نسبه يحددها البنك المركزي للدوله
وهي تمثل العائد علي القروض و الايداعات لدي البنك

طب ايه الظروف اللي بتتحكم في قيمة اسعار الفائده ؟؟

نسبة اسعار الفائده مبيتمش تحديدها بشكل عشوائي
ولكن بيتم تحديدها بناءا علي الظروف الاقتصاديه للبلد واللي بتقتضيه السياسه النقديه للمركزي
فاكرين السياسه النقديه

فاكرين لما قولنا فيه سياسه نقديه توسعيه وفيه سياسه نقديه انكماشيه
اسعار الفائده بتمثل اداه رئيسيه في كل نوع منهم

طب ازاي هنفهم اكتر ....

قولنا ان السياسه التوسعيه بيلجأ لها البنك المركزي في حالة الركود عشان يحفز الاقتصاد

طب انا كبنك مركزي عندي ركود في اقتصادي و عندي بيانات اقتصاديه سلبيه باستمرار و اقتصادي رايح ف داهيه ايه الحل ..!
الحل ان ازود كمية المعروض من النقود في البلد عشان احفز النشاطات الاقتصاديه والاستثمارات ...الخ
طب دا هيتم ازاي !
هروح خافض اسعار الفائده

طب لما اخفضها ايه اللي هيحصل ؟؟

معني خفض اسعار الفائده هو ان الفائده علي الاقتراض هتكون اقل
وبالتالي هشجع الناس تاخد قروض بفوائد اقل من السابق
وبالتالي زيادة النشاط والمشاريع والاستثمارات
وبالتالي اقتصادي هيبدأ يتحس ويخرج من الركود ويبدأ في التعافي

اظن واضحه كدا

طب العكس بقا
السياسه الانكماشيه قولنا بيلجأ لها البنك المركزي في حالة وصول الاقتصاد الي قمة ازدهاره و النمو وصل لقمته
في الحاله دي البنك لازم ياخد اجراءات عشان الاقتصاد ميوصلش لقمة الدورة الاقتصاديه بسرعه ويبدأ ينهار

ماهو زي ما قولتلكو الاقتصاد بيمر بمراحل ثابته بنسميها الدوره الاقتصاديه وهي عباره عن قاع ثم تعافي ثم نمو ثم قمه ثم يبدأ يدخل مرحلة تراجع اقتصادي ثم قاع مرة اخري

لو اقتصادي وصل للقمه فهو حتما سيدخل مرحلة التراجع في القريب

طب ايه الحل او الاداه اللي المركزي بيستخدمها في الحاله دي
الحل او الاداه هو زيادة اسعار الفائده
طب ليه !!

عشان اقلل من قيمة النقود المعروضه في البلد وبالتالي النشاط الاقتصادي هيهدأ و هيحصل عندي نمو معتدل وليس متسارع


طيب احنا كدا فهمنا امتي المركزي بيرفع اسعار الفائده و امتي بيخفضها وتأثيره علي اقتصاد البلد

طب لو رفعها تأثيره ايه علي عملة البلد نفسها ؟؟
ولو خفضها تأثيره ايه برضه علي عملة البلد ؟؟

في قاعده ثابته بشكل عام و في الاقتصاد بشكل خاص

وهي ان زيادة المعروض يؤدي لقلة الطلب ,, و قلة المعروض يؤدي الي زيادة في الطلب

طب منا لسه قايل ان المركزي بيرفع الفائده عشان يقلل المعروض من النقود في البلد
يعني المعروض عندي من النقود هيكون قليل وبالتالي هيرتفع الطلب اي ان العمله هترتفع

طب لما المركزي بيخفض اسعار الفائده بيزود المعروض من العمله
وبالتالي الطلب هيقل علي العمله
وبالتالي هتنخفض قيمة العمله

يعني الخلاصه خالص و بإختصار شديد

اسعار الفائده قيمتها مرتبطه بالوضع الحالي للاقتصاد

رفع اسعار الفائده ــــ> قلة المعروض من النقود ـــ> ارتفاع الطلب علي العمله ـــ> زيادة قيمة العمله


خفض اسعار الفائده ــــ> زيادة المعروض من النقود ـــ> انخفاض الطلب علي العمله ـــ> انخفاض قيمة العمله

اتمني اكون وفقت في توصيل معلومه مفيده

لو حد محتاج اي استفسار بخصوص اسعار الفائده او فيه شئ مش واضح يسأل وانا تحت امركم ان شاء الله

تحياتي للجميع

اقتباس:
المشاركة الأصلية كتبت بواسطة Hema2020 مشاهدة المشاركة
بسم الله

هنتكلم النهارده عن التضخم

انا شخصيا بعتبره فيرس لعين بيصيب اي اقتصاد

نعرف الاول ايه هو التضخم ببساطه...

التضخم هو ارتفاع عام في اسعار جميع السلع والخدمات والمنتجات و انخفاض القيمه الشرائيه او القدره الشرائيه للعمله

بمعني ادق ان الفلوس اللي معايا بعد ما كانت بتشتري سلع ومنتجات وخدمات اكتر هتبدأ تشتري اقل

زي عندنا في مصر كدا
مستويات التضخم رايحه ف داهيه وبترتفع بأستمرار بنسب مبالغ فيها

وبيترتب عليه ان قيمة الجنيه ف النازل و اصبح بيشتري كميه اقل من السلع والمنتجات
هو بصراحه معدش بيشتري حاجه اساسا هههههه

طيب فرضا انا موظف براتب 2000 جنيه شهريا
الراتب ده لو كان بيكفيني من خمس سنين فاتو
اصبح الان لا يكفي لان القيمه الشرائيه للعمله قلت في حين ان المرتب ثابت

وايضا اللي محوش فلوس
لو هو محوش 100 الف جنيه من 10 سنين مثلا
هيخسر فيهم خساره كبيره جدا
علي الرغم ان المبلغ كما هو وممكن يكون ربح فوائد بنكيه لو هو وضعه ف البنك ,, ولكن الاموال نفسها خسرت من قدرتها الشرائيه
اصبحت ال100 الف بأوضاع اليوم تعادل تقريبا 50 الف فقط من عشر سنين مثلا

طيب دي كانت مجرد امثله بس عشان اوضح لكم جزء من اضرار التضخم .. والامثله كانت عن بلدي مصر


نرجع نكمل موضوعنا
اتعرفنا خلاص علي التضخم

طب ايه هي اسباب التضخم ....

لنفترض ان عندي مصنع شغال
وفجأه ارتفعت اسعار المواد الخام اللي بستوردها والاجور ارتفعت و زودت ف العماله .. شئ طبيعي ان لازم هزود في سعر المنتج النهائي عشان اقدر اغطي التكاليف و احقق هامش ربح

إذن من اهم اسباب التضخم هو زيادة تكاليف الانتاج سواء كانت مواد خام , زيادة رواتب , زيادة عمال ...الخ

وعندنا في مصر الشركات والمصانع بدأت ترفع من اسعار منتجاتها بنسب تصل ل40% مؤخرا
ودا بسبب ارتفاع الدولار لمستويات مرتفعه امام الجنيه المصري
وبالتالي زيادة اسعار المواد المستورده وبالتالي اضطرت الشركات لرفع اسعار المنتجات لتغطية التكاليه

فيه سؤال ممكن يدور في عقولكم دلوقتي
هل التضخم بيحصل في اي بلد ؟؟

الاجابه بمنتهي البساطه نعم

التضخم بيحصل في اي اقتصاد وهو امر طبيعي حدوثه .. ولكن بحدود ونسبه معينه
و اغلب البنوك المركزيه العالميه بتحاول دائما تستهدف مستويات معينه للتضخم بحيث انها لا تزيد ولا تقل عند النسب الطبيعيه .. وهنفهم ليه دلوقتي

عرفنا ان زيادة التضخم بتؤدي لزياده عامه ف الاسعار وانخفاض القدره الشرائيه للعمله

طب لو التضخم قل زياده عن اللزوم ايه اللي هيحصل ؟؟

دي ايضا تعتبر كارثه لو التضخم قل زيادة عن اللزوم او اقترب من الصفر

قولنا ان البنوك المركزيه بتحاول تسعي للسيطره علي التضخم والوصول به الي مستهدف معين .. لكنها في نفس الوقت لا تسعي اطلاقا للوصول به الي مستوي متدني او مستوي الصفر

لان تدني التضخم او وصوله الي الصفر او تحت الصفر هيسبب عندي حالة من الانكماش ف اقتصادي

الانكماش هو انخفاض عام في اسعار السلع والمنتجات والخدمات وبالتالي انهيار كبير جدا في ارباح الشركات والمصانع وقد يصل الي افلاس الكثير منها ..
طب لو انا عندي مصنع او شركه وعمال بخسر بخسر هعمل ايه ؟؟
هبدأ اسرح في العماله اللي عندي
وبالتالي دي كارثه تانيه جديده وهو زيادة معدلات البطاله

يعني ببساطه لو التضخم وصل الي الصفر هيبدأ يحصل عندي انكماش وركود ف اقتصادي وافلاس للشركات والمصانع وزيادة للبطاله

ولذلك قولنا ان البنوك المركزي بتضع مستهدفات معينه للتضخم تصل اليها ,, بحيث انها لا تزيد عن الطبيعي ولا تقل عنه


وبكدا نكون عرفنا كل شئ عن التضخم تقريبا

اتمني معلومة اليوم تكون مفيده وتنال اعجباكم ورضاكم
واتمني اكون وفقت في شرح التضخم بأسلوب مبسط

تحت امركم في اي استفسار

موعدنا مع معلومات جديده ان شاء الله ....

تحياتي للجميع












jans and Goldmann like this.
Hema2020 غير متواجد حالياً   رد مع اقتباس
قديم 02-06-2016, 10:14 AM   #447
عضو برونزي
 
الصورة الرمزية Goldmann
 

افتراضي رد: ورشة البرايس اكشن والنماذج الفنيه

اقتباس:
المشاركة الأصلية كتبت بواسطة Hema2020 مشاهدة المشاركة
النهارده عندنا اخبار قويه جدا زي ما قولنا
وبمناسبة الاخبار القويه وخصوصا بيان الفائده علي اليورو هذكركم بالمشاركات التعليميه اللي بنزلها في الورشه كل اجازه ... عشان نفهم اكتر ايه هي اسعار الفائده وبتعمل ايه



معلومات جميلة مبسطه وشرح رائع

حياك الله اخي هيما



Hema2020 likes this.
التوقيع:
اخلاء مسؤليه
اي فرصة او شارت اضعه هنا
ليس شرطا ان اكون داخل فيها شخصيا

ولكل شخص القرار في الدخول من عدمه
وجهة نظر قد تصيب وقد تخطئ
ولكل مجتهد نصيب

نرجوا عدم العتب ,الزعل, او الدعاء علينا في حالة ضرب ستب او مارجن كول لاقدر الله
Goldmann غير متواجد حالياً   رد مع اقتباس
قديم 02-06-2016, 10:19 AM   #448
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه

نمسك الاخبار المهمه اللي معانا النهارده واحد واحد ..

اولهم اجتماعات الاوبك OPEC Meetings

الاوبك زي ما احنا عارفين هي مجموعة الدول المنتجه للبترول .. وهما 13 دوله
منهم دول عربيه وافريقيه

اجتماعات الاوبك بتتم مرتين فقط في العام
اخر اجتماع كان في شهر ديسمبر 2015

الاجتماع الاخير كان سلبي للنفط وموصلوش لاتفاقات واضحه بشأن الحد من الانتاج .. لان كثرة الانتاج هو اللي عامل الازمه الاخيره للنفط

اجتماع النهارده مهم للغايه لان الناس عندهم امل يوصلو لاتفاقات قويه ورسميه ويتم الالتزام بيها وفي الحاله دي هيكون ايجابي للنفط ويرتفع سعر البرميل ... خلاف ذلك هيكون سلبي للنفط ويعود للانخفاض مجددا

وبالمناسبه سعر البرميل في اللحظه دي 49 دولار ..

هنتابع مع بعض الاجتماع ونتائجه ان شاء الله ....



Hema2020 غير متواجد حالياً   رد مع اقتباس
قديم 02-06-2016, 10:29 AM   #449
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه

اقتباس:
المشاركة الأصلية كتبت بواسطة Goldmann مشاهدة المشاركة
معلومات جميلة مبسطه وشرح رائع

حياك الله اخي هيما
حياك الله اخي الحبيب

يومك سعيد وكله خير ان شاء الله



Goldmann likes this.
Hema2020 غير متواجد حالياً   رد مع اقتباس
قديم 02-06-2016, 11:02 AM   #450
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه


تاني خبر مهم هو خبر اسعار الفائده علي اليورو والمؤتمر الصحفي للمركزي الاوروبي

بيان اسعار الفائده الساعه الساعه 1:45 مساءا بتوقيت مصر
والمؤتمر الصحفي الساعه 2:30 مساءا بتوقيت مصر


من المتوقع ان تثبيت اسعار الفائده كما هي علي مستوي الصفر ..
وغير متوقع رفعها في الوقت الحالي لان البنك لسه موصلش لمعدلات النمو المستهدفه فانا اتوقع تثبيت الفائده في بيان اليوم حتي اشعار اخر

المركزي الاروربي كان خفض الفائده في مارس من 0.05% الي 0.00%
خفضها لتحفيز الاقتصاد والسيطره علي معدلات التضخم " الجزئيه دي انا شرحتها في البوست بتاع اسعار الفائده ...ياريت ترجعو له "



ولكن الاهم هو تصريحات دراغي رئيس مجلس المركزي الاوروبي

المؤتمر الصحفي الاخير في شهر ابريل .. كان صرح تصريحات ايجابيه وفيها تفاؤل حول التضخم والوضع الاقتصادي ومعدلات النمو المستهدفه ... وارتفع وقتها اليورو ل 1.1600

من المتوقع اليوم ايضا ان يتكلم بنظره تفاؤليه حول الوضع الاقتصادي الحالي ومعدلات التضخم والنمو

والمتوقع ان يتم تثبيت الساسه النقديه كما هي دون تغيير " ياريت نرجع لبوست السياسه النقديه " ....

هنتابع مع بعض بيان الفائده والمؤتمر الصحفي عشان نعرف اهم التصريحات.....




Hema2020 غير متواجد حالياً   رد مع اقتباس
إضافة رد

جديد مواضيع منتدى العملات العام Forex


مواضيع سابقة :

مالك شركة "شوباني" يوزع 10 بالمائة من رأسمالها على العاملين
للويب مونى
استراتيجية السيناريو 2016

مواضيع تالية :

دورة التعليق الرياضي
دورة التعليق الرياضي
تنزيل برنامج تورنت اخر اصدار Download uTorrent

ورشة البرايس اكشن والنماذج الفنيه

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع المنتدى
البرايس اكشن منتدى المؤشرات و الاكسبرتات
ورشة تحليلية كلاسيكية تعليمية مدعمة بتوابل البرايس اكشن منتدى العملات العام Forex
## ورشة البرايس اكشن ## منتدى العملات العام Forex
البرايس اكشن منتدى العملات العام Forex


روابط الموقع الداخلية


الساعة الآن 04:51 PM.
Powered by vBulletin® Version 3.8.7
Copyright ©2000 - 2016, Jelsoft Enterprises Ltd.
Privacy Policy
SEO by vBSEO 3.6.0 ©2011, Crawlability, Inc.

الاتصال بنا - بورصات - الأرشيف - تنشيط العضوية - اعلن معنا - الأعلى    تحذير المخاطرة