موقع بورصات
 
بورصات
تسجيل عضوية جديدة في المنتديات لوحة تحكم العضو البحث في المنتديات تسجيل الخروج الرئيسية الاتصال بنا

منتدى العملات العام Forex لمتابعة كل ما يتعلق بتجارة العملات الاجنبية – الفوركس والذهب والنفط من اخبار وطرق المتاجرة وتحليلات ، قسم التوصيات – توصيات العملات لمتابعة توصيات فوركس ونقاط الدخول والخروج على مختلف العملات ، منتدى الدروس التعليمية – فوركس يحتوي على دروس تعليمية لسوق العملات والتحليل الفني والاساسي وادارة رأس المال فوركس ، منتدى المؤشرات والاكسبيرتات يحتوي على اهم المؤشرات مع شرح لها بالاضافة الى بعض الدروس

العودة   بورصات > بورصة العملات الاجنبية - الفوركس > منتدى العملات العام Forex

ورشة البرايس اكشن والنماذج الفنيه

منتدى العملات العام Forex

Like Tree774Likes

إضافة رد
 
أدوات الموضوع
قديم 28-05-2016, 12:01 PM   #322
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه

خرجنا من باقي العقود امبارح قبل اغلاق السوق ودي نتائجهم

اقتباس:
المشاركة الأصلية كتبت بواسطة Hema2020 مشاهدة المشاركة
هنقفل اي عقود معانا قبل اغلاق السوق
اقتباس:
المشاركة الأصلية كتبت بواسطة Hema2020 مشاهدة المشاركة



الباوند ين لحد دلوقتي مستقر اسفل مستوي 162.70 ,, و دا في حد ذاته يزيد هذا المستوي قوة وثبات

بالاضافه الي اغلاق شمعة امس بشمعة برايس اكشن "انسايد بار"

من الناحيه الفنيه الأحتمال الاقرب هو هبوط الزوج من المستويات الحاليه

في حالة الهبوط سوف يستهدف مستوي 158.30 بشكل مبدأي

هذا السيناريو قائم بشرط استمرار الثبات اسفل مستوي 162.70


انا شايف ممكن ندخل بيع دلوقتي من 161.11

ونحط استوب صغير 45 نقطه عند 161.55

اهدافنا
الهدف الاول 160.70
الهدف التاني 160.10
الهدف التالت 159.60
الهدف الرابع 159.00
الهدف الخامس 158.00

الصفقه دي هنضمها ضمن صفقات الورشه

بالتوفيق ان شاء الله



اقتباس:
المشاركة الأصلية كتبت بواسطة Hema2020 مشاهدة المشاركة

هدف اول صاروخي +41 نقطه
لسه داخلين عليها مكملناش ساعه


نحجز ربح عن طريق غلق جزء من العقد الان علي الهدف الأول ,, نحرك استوب العقد المتبقي علي الدخول


العقد التاني ضرب استوب علي الدخول

اقتباس:
المشاركة الأصلية كتبت بواسطة Hema2020 مشاهدة المشاركة

عقد البيع الماركت ضرب الاستوب -40 نقطه

الزوج طلع يصحح زي ما توقعنا

في حالات الشموع الانعكاسيه بفضل الدخول من وصول التصحيح الي منتصف الشمعه
يعني بندخل من نص الشمعه
اللي هو بيمثل منطقة 50 فايبو للشمعه الدايلي

وحاليا الزوج اقترب من نصف الشمعه تقريبا

هنلغي الامر المعلق وهندخل بيع ماركت الأن

الاستوب لوس 2.1890

الهدف الاول 2.1740
الهدف التاني 2.1680
الهدف التالت 2.1600
الهدف الرابع 2.1530
الهدف الخامس 2.1470



اقتباس:
المشاركة الأصلية كتبت بواسطة Hema2020 مشاهدة المشاركة
+95 نقطه حتي الأن

هدف اول صاروخي برضه

نغلق جزء من العقد ونحرك استوب الجزء المتبقي علي الدخول .. ونكمل




العقد المتبقي ضرب استوب علي الدخول

اقتباس:
المشاركة الأصلية كتبت بواسطة Hema2020 مشاهدة المشاركة
الدولار ين

تداولات الزوج حتي الان تقع اسفل مستوي 110.50

وجهة نظري ان الزوج اقرب الي الهبوط طالما مستقر اسفل المستوي المذكور

اتوقع هبوط الدولار ين بشرط الثبات اسفل 110.50

في حالة الهبوط سوف يستهدف 108.00 ومنها الي 107.50

تلغي النظره لو اخترق 110.50


هندخل بيع من السعر الحالي

الاستوب لوس 110.55

الهدف الاول 109.60
الهدف التاني 109.10
الهدف التالت 108.70
الهدف الرابع 108.10
الهدف الخامس 107.70


العقد المتبقي ضرب استوب علي الدخول

اقتباس:
المشاركة الأصلية كتبت بواسطة Hema2020 مشاهدة المشاركة
الباوند استرالي ضرب الهدف الأول +80 نقطه

نغلق جزء من العقد علي الهدف الأول وننقل الاستوب عل الدخول ونكمل لباقي الاهداف


اغلقنا العقد التاني علي ربح +60 نقطه

اقتباس:
المشاركة الأصلية كتبت بواسطة Hema2020 مشاهدة المشاركة
الاسترالي دولار +70 نقطه حتي الان
هنغلق جزء من العقد علي الربح الحالي
ونحرك الاستوب علي الدخول ونكمل لباقي الاهداف



العقد المتبقي ضرب الاستوب علي الدخول

اقتباس:
المشاركة الأصلية كتبت بواسطة Hema2020 مشاهدة المشاركة
الباوند فرنك هدف اول +74 نقطه

نغلق جزء من العقد علي الهدف الأول ,, ونحرك الاستوب علي الدخول
مكملين الي باقي الاهداف ان شاء الله

لو كسر 1.4480 هيطير لباقي الاهداف



خرجنا من العقد التاني علي ربح +40 نقطه

اقتباس:
المشاركة الأصلية كتبت بواسطة Hema2020 مشاهدة المشاركة
الزوج اقترب من تاني هدف ... هنغلق جزء اخر من العقد الأن بربح +110 نقطه

الاستوب علي الدخول للجزء المتبقي ونكمل لباقي الاهداف



اغلقنا العقد التاني علي ربح +147 نقطه

اقتباس:
المشاركة الأصلية كتبت بواسطة Hema2020 مشاهدة المشاركة
اليورو نيوزيلاندي

زوج لما صعد ضرب استوب عقد البيع اللي كان فاضل معانا علي الدخول

الزوج عمل برايس اكشن عند مستوي 1.6700

هندخل بيع مجددا من السعر الحالي

الاستوب لوس 1.6680

الهدف الاول 1.6530
الهدف التاني 1.6470
الهدف التالت 1.6400
الهدف الرابع 1.6300


خرجنا علي ربح +14 نقطه

اقتباس:
المشاركة الأصلية كتبت بواسطة Hema2020 مشاهدة المشاركة
النيوزيلاندي دولار

الزوج حتي الان يتداول فوق مناطق الدعم 0.6700 لذلك هنستمر علي نفس النظره الصعوديه بشرط الثبات فوق المستوي المذكور

عندنا برايس اكشن 4 ساعات عند نفس المستوي وبدأ في الصعود بعدها


هندخل شراء الأن من السعر الحالي

الاستوب لوس 0.6690

الهدف الاول 0.6780
الهدف التاني 0.6820
الهدف التالت 0.6860
الهدف الرابع 0.6900


ضرب استوب -50 نقطه

اقتباس:
المشاركة الأصلية كتبت بواسطة Hema2020 مشاهدة المشاركة
الباوند كندي ماشي زي ما طلبنا منه بالظبط

وصل الهدف التاني بربح +160 نقطه

نغلق جزء اضافي من العقد علي الهدف التاني ونكمل لباقي الاهداف

الاستوب علي الدخول

لو كسر 1.9000 هيطير لباقي الاهداف


اقتباس:
المشاركة الأصلية كتبت بواسطة Hema2020 مشاهدة المشاركة
الدولار كندي عامل معانا شغل حلو
ضرب الهدف التالت بربح +215 نقطه

هنغلق جزء من العقد علي الهدف التالت ونترك جزء اخير استوبه علي الدخول وهدفه
1.2850



خرجنا من العقد المتبقي علي ربح +120 نقطه

اقتباس:
المشاركة الأصلية كتبت بواسطة Hema2020 مشاهدة المشاركة
اليورو دولار


صفقه فيها نسبة مخاطره
ولكن استوبها صغير مقارنة بالاهداف

الزوج فوق مستويات دعم هامه 1.1100 ,, ولم ينجح في كسره حتي الان



هنشتري اليورو دولار من المستويات الحاليه 1.1140

الاستوب لوس 1.1100

الهدف الاول 1.1190
الهدف التاني 1.1230
الهدف التالت 1.1270
الهدف الرابع 1.1330

R.R 1:5
قفلناها علي -24 نقطه

اقتباس:
المشاركة الأصلية كتبت بواسطة Hema2020 مشاهدة المشاركة
مش عارف ليه حاسس ان المجنون هيعملها

الزوج دخل في المنطقه الخطره اللي اشرت لها ,, لكن اغلاقات الشموع ابتلاعيه وشكله هياخد ف وشه مباشرة ويخترق المستوي ده



عامتا هنستناه فوق بأمر شراء معلق buy stop عند 163.10



هنتابع الامر المعلق دا ,, لو اتفعل هنحدد استوبه واهدافه بعد التفعيل ان شاء الله

لو الزوج عمل برايس اكشن محترم عند المستويات الحاليه هنلغي الامر المعلق ونبدأ التفكير ف البيع

نتابع,,,
الغينا الامر المعلق

اقتباس:
المشاركة الأصلية كتبت بواسطة Hema2020 مشاهدة المشاركة
اليورو باوند جاب الهدف الاول +40 نقطه
نغلق جزء من العقد بوصول الزوج للهدف الأول , ونحرك الاستوب علي الدخول لباقي العقد


العقد المتبقي ضرب استوب علي الدخول

اقتباس:
المشاركة الأصلية كتبت بواسطة Hema2020 مشاهدة المشاركة
اليورو فرنك

الزوج تراجع من مناطق 1.1130 واغلق بشمعة برايس اكشن علي فريم اليوم

اتوقع هبوط الزوج مستهدفا 1.1000 علي الأقل



هندخل بيع من السعر الحالي

الاستوب لوس 1.1100

الهدف الاول 1.1005
الهدف التاني 1.0970
الهدف التالت 1.0930
الهدف الرابع 1.0880
اغلقناها علي ربح +15 نقطه



horizon1980 likes this.
Hema2020 غير متواجد حالياً   رد مع اقتباس
قديم 28-05-2016, 12:49 PM   #323
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه

نتائج الورشه خلال الاسبوع التالت من المسابقه

باوند دولار -40
دولار فرنك +35
دولار كندي +215
دولار ين +80
باوند نيوزيلاندي +74
باوند ين +234
يورو نيوزيلاندي -50
باوند كندي +147
استرالي دولار -53
يورو استرالي -62
نيوزيلاندي دولار +42
يورو كندي +170
باوند نيوزيلاندي +85
دولار كندي -50
باوند استرالي +60
الذهب +580
باوند كندي +110
باوند استرالي +68
باوند نيوزيلاندي -40
استرالي دولار +70
يورو استرالي +82
دولار كندي +165
يورو باوند +40
يورو فرنك +15
يورو كندي +105
باوند فرنك -60
يورو نيوزيلاندي +62
يورو دولار -24
باوند دولار +40
باوند نيوزيلاندي -60
باوند ين +160
باوند استرالي -78
باوند كندي +160
باوند استرالي -19
باوند فرنك -11
يورو نيوزيلاندي +14
الذهب -200
الباوند استرالي +80
باوند فرنك +74
النيوزيلاندي دولار -40
باوند ين +41
باوند نيوزيلاندي +95

صافي النقاط +2316 نقطه ربح

الحمدلله

اجازه سعيده للجميع



horizon1980 likes this.
Hema2020 غير متواجد حالياً   رد مع اقتباس
قديم 28-05-2016, 01:24 PM   #324
عضو جديد
 

افتراضي رد: ورشة البرايس اكشن والنماذج الفنيه

ما شاء الله لا قوة الا بالله

نتائج ممتازه واتمنى لكم التوفيق



Hema2020 likes this.
أمينكو غير متواجد حالياً   رد مع اقتباس
قديم 28-05-2016, 04:13 PM   #325
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه

اقتباس:
المشاركة الأصلية كتبت بواسطة أمينكو مشاهدة المشاركة
ما شاء الله لا قوة الا بالله

نتائج ممتازه واتمنى لكم التوفيق
الحمدلله والشكر لله

تحياتي لك



Hema2020 غير متواجد حالياً   رد مع اقتباس
قديم 28-05-2016, 04:29 PM   #326
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه

مستعدين للبوست التعليمي الأسبوعي
زي ما اتعودنا كل اجازة بنستلغها في اكتساب معلومه جديده تفيدنا في السوق

انا بحاول اركز اكتر علي التحليل الاساسي وبشكل مبسط وحسب معلوماتي وخبرتي المتواضعه
سبب تركيزي علي التحليل الاساسي ومفاهيمه هو ان اغلبنا مبنهتمش بيه ,, او البعض بيعتقد ان متابعة مواعيد الاخبار ونتائجها هي بمثابة اهتمام بالتحليل الاساسي
وطبعا دا مفهوم خاطئ
لان التحليل الاساسي مش مجرد اخبار وارقام وبس ,, التحليل الاساسي هو تحليل للأخبار نفسها وللبيانات الاقتصاديه ولاوضاع الدول

هذكركم الاول بمعلومات الاسابيع الماضيه....



اقتباس:
المشاركة الأصلية كتبت بواسطة Hema2020 مشاهدة المشاركة
يلا نستغل الاجازه ونكتسب معلومات جديده تفيدنا في الفوركس

هحاول ابسط لكم المعلومات بقدر الامكان ان شاء الله

بنسمع كتير عن كلمة سياسه نقديه في البيانات والتقارير الاقتصاديه ... طب ايه هي السياسه النقديه..!!

السياسه النقديه بمنتهي البساطه هي عباره عن خطه بتشمل مجموعه من الاجراءات اللي بتتخذها البنوك المركزيه للتحكم في النقود المعروضه في السوق ...

طيب ايه الفايده او الغرض من السيطره علي النقود المتاحه في السوق ؟؟
لان هدف اي بنك مركزي هو تحقيق استقرار عملة بلده , وتحقيق معدل معتدل من النمو الاقتصادي بالاضافه الي السيطره علي المرض الخبيث اللي اسمه التضخم

البنك المركزي لما يكون لديه خطه واضحه واجراءات سليمه هيقدر يحقق هدفه ويسيطر علي السوق

طيب لو انا الاقتصاد بتاعي في حالة ركود البنك المركزي هيتصرف ازاي !!
ولو الاقتصاد بتاعي في حالة ازدهار البنك المركزي هيتصرف ازاي !!

البنك المركزي دايما بيكون عنده خطتين للسياسه النقديه
سياسه نقديه توسعيه , وسياسه نقديه انكماشيه

في حالات الركود الاقتصادي بيلجأ المركزي الي السياسه التوسعيه
في السياسه التوسعيه بيقوم بزيادة المعروض من النقود في الدوله عشان يحفز النشاط الاقتصادي

السياسه الانكماشيه هي عكس التوسعيه
الانكماشيه بيلجأ لها المركزي لما يكون الاقتصاد وصل لقمة ازدهاره والنمو وصل لقمته
فبيبدأ البنك المركزي يستخدم سياسه انكماشيه
طيب هييجي في دماغكو سؤال دلوقتي
طالما الاقتصاد مزدهر والنمو مرتفع والبلد زي الفل ليه المركزي هيلجأ للسياسه الانكماشيه دي

ببساطه لان ما طار طير و ارتفع الا وكما طار سقط

نفس الحال في الاقتصاد .. اي اقتصاد في العالم بيمر بدوره ثابته
الدوره دي عباره عن قاع ثم تعافي ثم نمو ثم قمه ثم يبدأ يدخل مرحلة تراجع اقتصادي ثم قاع مرة اخري ... وهكذا

اظن كدا وضحت الفكره ليه المركزي بيلجأ للسياسه الانكماشيه
ببساطه عشان يقلل من سرعة وصول الاقتصاد لقمة الدوره الاقتصاديه بسرعه .. لان طبيعي بعد وصوله لقمة الدوره هيبدأ يدخل في تراجع ثم قاع وتتكرر الدوره مره اخري


يارب اكون وفقت في توصيل معلومه مفيده لكم وبأسلوب مبسط

موعدنا مع معلومه جديده ان شاء الله

تحياتي




اقتباس:
المشاركة الأصلية كتبت بواسطة Hema2020 مشاهدة المشاركة
هنتكلم النهارده عن اسعار الفائده

ببساطه اسعار الفائده هي نسبه يحددها البنك المركزي للدوله
وهي تمثل العائد علي القروض و الايداعات لدي البنك

طب ايه الظروف اللي بتتحكم في قيمة اسعار الفائده ؟؟

نسبة اسعار الفائده مبيتمش تحديدها بشكل عشوائي
ولكن بيتم تحديدها بناءا علي الظروف الاقتصاديه للبلد واللي بتقتضيه السياسه النقديه للمركزي
فاكرين السياسه النقديه

فاكرين لما قولنا فيه سياسه نقديه توسعيه وفيه سياسه نقديه انكماشيه
اسعار الفائده بتمثل اداه رئيسيه في كل نوع منهم

طب ازاي هنفهم اكتر ....

قولنا ان السياسه التوسعيه بيلجأ لها البنك المركزي في حالة الركود عشان يحفز الاقتصاد

طب انا كبنك مركزي عندي ركود في اقتصادي و عندي بيانات اقتصاديه سلبيه باستمرار و اقتصادي رايح ف داهيه ايه الحل ..!
الحل ان ازود كمية المعروض من النقود في البلد عشان احفز النشاطات الاقتصاديه والاستثمارات ...الخ
طب دا هيتم ازاي !
هروح خافض اسعار الفائده

طب لما اخفضها ايه اللي هيحصل ؟؟

معني خفض اسعار الفائده هو ان الفائده علي الاقتراض هتكون اقل
وبالتالي هشجع الناس تاخد قروض بفوائد اقل من السابق
وبالتالي زيادة النشاط والمشاريع والاستثمارات
وبالتالي اقتصادي هيبدأ يتحس ويخرج من الركود ويبدأ في التعافي

اظن واضحه كدا

طب العكس بقا
السياسه الانكماشيه قولنا بيلجأ لها البنك المركزي في حالة وصول الاقتصاد الي قمة ازدهاره و النمو وصل لقمته
في الحاله دي البنك لازم ياخد اجراءات عشان الاقتصاد ميوصلش لقمة الدورة الاقتصاديه بسرعه ويبدأ ينهار

ماهو زي ما قولتلكو الاقتصاد بيمر بمراحل ثابته بنسميها الدوره الاقتصاديه وهي عباره عن قاع ثم تعافي ثم نمو ثم قمه ثم يبدأ يدخل مرحلة تراجع اقتصادي ثم قاع مرة اخري

لو اقتصادي وصل للقمه فهو حتما سيدخل مرحلة التراجع في القريب

طب ايه الحل او الاداه اللي المركزي بيستخدمها في الحاله دي
الحل او الاداه هو زيادة اسعار الفائده
طب ليه !!

عشان اقلل من قيمة النقود المعروضه في البلد وبالتالي النشاط الاقتصادي هيهدأ و هيحصل عندي نمو معتدل وليس متسارع


طيب احنا كدا فهمنا امتي المركزي بيرفع اسعار الفائده و امتي بيخفضها وتأثيره علي اقتصاد البلد

طب لو رفعها تأثيره ايه علي عملة البلد نفسها ؟؟
ولو خفضها تأثيره ايه برضه علي عملة البلد ؟؟

في قاعده ثابته بشكل عام و في الاقتصاد بشكل خاص

وهي ان زيادة المعروض يؤدي لقلة الطلب ,, و قلة المعروض يؤدي الي زيادة في الطلب

طب منا لسه قايل ان المركزي بيرفع الفائده عشان يقلل المعروض من النقود في البلد
يعني المعروض عندي من النقود هيكون قليل وبالتالي هيرتفع الطلب اي ان العمله هترتفع

طب لما المركزي بيخفض اسعار الفائده بيزود المعروض من العمله
وبالتالي الطلب هيقل علي العمله
وبالتالي هتنخفض قيمة العمله

يعني الخلاصه خالص و بإختصار شديد

اسعار الفائده قيمتها مرتبطه بالوضع الحالي للاقتصاد

رفع اسعار الفائده ــــ> قلة المعروض من النقود ـــ> ارتفاع الطلب علي العمله ـــ> زيادة قيمة العمله


خفض اسعار الفائده ــــ> زيادة المعروض من النقود ـــ> انخفاض الطلب علي العمله ـــ> انخفاض قيمة العمله

اتمني اكون وفقت في توصيل معلومه مفيده

لو حد محتاج اي استفسار بخصوص اسعار الفائده او فيه شئ مش واضح يسأل وانا تحت امركم ان شاء الله

تحياتي للجميع




horizon1980 likes this.
Hema2020 غير متواجد حالياً   رد مع اقتباس
قديم 29-05-2016, 10:50 AM   #327
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه

بسم الله

هنتكلم النهارده عن التضخم

انا شخصيا بعتبره فيرس لعين بيصيب اي اقتصاد

نعرف الاول ايه هو التضخم ببساطه...

التضخم هو ارتفاع عام في اسعار جميع السلع والخدمات والمنتجات و انخفاض القيمه الشرائيه او القدره الشرائيه للعمله

بمعني ادق ان الفلوس اللي معايا بعد ما كانت بتشتري سلع ومنتجات وخدمات اكتر هتبدأ تشتري اقل

زي عندنا في مصر كدا
مستويات التضخم رايحه ف داهيه وبترتفع بأستمرار بنسب مبالغ فيها

وبيترتب عليه ان قيمة الجنيه ف النازل و اصبح بيشتري كميه اقل من السلع والمنتجات
هو بصراحه معدش بيشتري حاجه اساسا هههههه

طيب فرضا انا موظف براتب 2000 جنيه شهريا
الراتب ده لو كان بيكفيني من خمس سنين فاتو
اصبح الان لا يكفي لان القيمه الشرائيه للعمله قلت في حين ان المرتب ثابت

وايضا اللي محوش فلوس
لو هو محوش 100 الف جنيه من 10 سنين مثلا
هيخسر فيهم خساره كبيره جدا
علي الرغم ان المبلغ كما هو وممكن يكون ربح فوائد بنكيه لو هو وضعه ف البنك ,, ولكن الاموال نفسها خسرت من قدرتها الشرائيه
اصبحت ال100 الف بأوضاع اليوم تعادل تقريبا 50 الف فقط من عشر سنين مثلا

طيب دي كانت مجرد امثله بس عشان اوضح لكم جزء من اضرار التضخم .. والامثله كانت عن بلدي مصر


نرجع نكمل موضوعنا
اتعرفنا خلاص علي التضخم

طب ايه هي اسباب التضخم ....

لنفترض ان عندي مصنع شغال
وفجأه ارتفعت اسعار المواد الخام اللي بستوردها والاجور ارتفعت و زودت ف العماله .. شئ طبيعي ان لازم هزود في سعر المنتج النهائي عشان اقدر اغطي التكاليف و احقق هامش ربح

إذن من اهم اسباب التضخم هو زيادة تكاليف الانتاج سواء كانت مواد خام , زيادة رواتب , زيادة عمال ...الخ

وعندنا في مصر الشركات والمصانع بدأت ترفع من اسعار منتجاتها بنسب تصل ل40% مؤخرا
ودا بسبب ارتفاع الدولار لمستويات مرتفعه امام الجنيه المصري
وبالتالي زيادة اسعار المواد المستورده وبالتالي اضطرت الشركات لرفع اسعار المنتجات لتغطية التكاليه

فيه سؤال ممكن يدور في عقولكم دلوقتي
هل التضخم بيحصل في اي بلد ؟؟

الاجابه بمنتهي البساطه نعم

التضخم بيحصل في اي اقتصاد وهو امر طبيعي حدوثه .. ولكن بحدود ونسبه معينه
و اغلب البنوك المركزيه العالميه بتحاول دائما تستهدف مستويات معينه للتضخم بحيث انها لا تزيد ولا تقل عند النسب الطبيعيه .. وهنفهم ليه دلوقتي

عرفنا ان زيادة التضخم بتؤدي لزياده عامه ف الاسعار وانخفاض القدره الشرائيه للعمله

طب لو التضخم قل زياده عن اللزوم ايه اللي هيحصل ؟؟

دي ايضا تعتبر كارثه لو التضخم قل زيادة عن اللزوم او اقترب من الصفر

قولنا ان البنوك المركزيه بتحاول تسعي للسيطره علي التضخم والوصول به الي مستهدف معين .. لكنها في نفس الوقت لا تسعي اطلاقا للوصول به الي مستوي متدني او مستوي الصفر

لان تدني التضخم او وصوله الي الصفر او تحت الصفر هيسبب عندي حالة من الانكماش ف اقتصادي

الانكماش هو انخفاض عام في اسعار السلع والمنتجات والخدمات وبالتالي انهيار كبير جدا في ارباح الشركات والمصانع وقد يصل الي افلاس الكثير منها ..
طب لو انا عندي مصنع او شركه وعمال بخسر بخسر هعمل ايه ؟؟
هبدأ اسرح في العماله اللي عندي
وبالتالي دي كارثه تانيه جديده وهو زيادة معدلات البطاله

يعني ببساطه لو التضخم وصل الي الصفر هيبدأ يحصل عندي انكماش وركود ف اقتصادي وافلاس للشركات والمصانع وزيادة للبطاله

ولذلك قولنا ان البنوك المركزي بتضع مستهدفات معينه للتضخم تصل اليها ,, بحيث انها لا تزيد عن الطبيعي ولا تقل عنه


وبكدا نكون عرفنا كل شئ عن التضخم تقريبا

اتمني معلومة اليوم تكون مفيده وتنال اعجباكم ورضاكم
واتمني اكون وفقت في شرح التضخم بأسلوب مبسط

تحت امركم في اي استفسار

موعدنا مع معلومات جديده ان شاء الله ....

تحياتي للجميع












riyadg likes this.
Hema2020 غير متواجد حالياً   رد مع اقتباس
قديم 29-05-2016, 09:13 PM   #329
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه

نبدأ الاسبوع بالقاء نظرة علي الدولار الامريكي



مؤشر الدولار استمر في الارتفاع خلال الاسبوع الماضي ,, و دا يفسر لنا اسباب هبوط العملات وعلي رأسها اليورو

الدولار اندكس حاليا في منطقة مهمه وربما يهبط منها
تلاقي ترند هابط + فايبو 50 للموجه الهابطه الاخيره + موفنج 100 يوم

توقعي هو هبوط الدولار الامريكي خلال الاسبوع الحالي
هذا السيناريو مشروط بثبات مؤشر الدولار اسفل مناطق 96.00

لو نجح المؤشر في اختراق مناطق 96.00 تلغي النظره السابقه ويستمر الدولار في قوته امام العملات والسلع

بالمناسبه عندنا خبر الوظائف الامريكيه NFP يوم الجمعه
الخبر الشهري اللي بينتظره السوق علي نار زي ما بيقولو

نتابع ,,,,





Hema2020 غير متواجد حالياً   رد مع اقتباس
قديم 29-05-2016, 09:41 PM   #330
عضو فـعّـال
 
الصورة الرمزية Hema2020
 

افتراضي رد: ورشة البرايس اكشن والنماذج الفنيه

اقتباس:
المشاركة الأصلية كتبت بواسطة Hema2020 مشاهدة المشاركة
خرجنا من عقود بيع الذهب علي ربح جيد الحمدلله
والسبب ان الزوج بدأ يرتد قبل مستويات 1210.00

هنبدأ في شراء الذهب من المناطق الحاليه

وهنعلق عقد شراء اخر buy limit عند 1215.00

استوب العقدين 1208.00

الهدف الاول 1235.00
الهدف التاني 1242.00
الهدف التالت 1250.00
الهدف الرابع 1260.00


اقتباس:
المشاركة الأصلية كتبت بواسطة Hema2020 مشاهدة المشاركة
الذهب -200


الذهب

خدنا منه الاسبوع اللي فات اكتر من 500 نقطه من البيع
لكنه عاقبنا في صفقة الشراء ب 200 نقطه خساره

الذهب وصل الي مناطق 1210.00 بالملي زي ما توقعت في التحليل الاساسي اللي كملنا فيه مع الذهب لحد باقي اهداف البيع

لو بصينا علي الاغلاق اليومي هنلاقي الذهب اغلق متراجع من مناطق 1210.00 دولار للأونصه مما يدل علي قوتها

اتوقع ان المنطقه دي يكون لها رد فعل علي الذهب خلال الاسبوع الحالي
اتوقع الصعود بشرط الثبات فوق 1210.00 ,, ولكن لو نجح في كسرها ربما يهبط اكتر من 1000 نقطه
لانها منطقه قويه وفاصله


هنبدأ الاسبوع بشراء الذهب مباشرة من اسعار افتتاح السوق

الاستوب لوس 1202.00

الهدف الاول 1220.00
الهدف التاني 1228.00
الهدف التالت 1236.00
الهدف الرابع 1245.00







Hema2020 غير متواجد حالياً   رد مع اقتباس
إضافة رد

جديد مواضيع منتدى العملات العام Forex


مواضيع سابقة :

مالك شركة "شوباني" يوزع 10 بالمائة من رأسمالها على العاملين
للويب مونى
استراتيجية السيناريو 2016

مواضيع تالية :

دورة التعليق الرياضي
دورة التعليق الرياضي
تنزيل برنامج تورنت اخر اصدار Download uTorrent

ورشة البرايس اكشن والنماذج الفنيه

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع المنتدى
البرايس اكشن منتدى المؤشرات و الاكسبرتات
ورشة تحليلية كلاسيكية تعليمية مدعمة بتوابل البرايس اكشن منتدى العملات العام Forex
## ورشة البرايس اكشن ## منتدى العملات العام Forex
البرايس اكشن منتدى العملات العام Forex


روابط الموقع الداخلية


الساعة الآن 04:51 PM.
Powered by vBulletin® Version 3.8.7
Copyright ©2000 - 2016, Jelsoft Enterprises Ltd.
Privacy Policy
SEO by vBSEO 3.6.0 ©2011, Crawlability, Inc.

الاتصال بنا - بورصات - الأرشيف - تنشيط العضوية - اعلن معنا - الأعلى    تحذير المخاطرة