موقع بورصات
  منتديات بورصات
تسجيل عضوية جديدة في المنتديات لوحة تحكم العضو البحث في المنتديات تسجيل الخروج الرئيسية الاتصال بنا

منتدى العملات العام Forex لمتابعة كل ما يتعلق بتجارة العملات الاجنبية – الفوركس والذهب والنفط من اخبار وطرق المتاجرة وتحليلات ، قسم التوصيات – توصيات العملات لمتابعة توصيات فوركس ونقاط الدخول والخروج على مختلف العملات ، منتدى الدروس التعليمية – فوركس يحتوي على دروس تعليمية لسوق العملات والتحليل الفني والاساسي وادارة رأس المال فوركس ، منتدى المؤشرات والاكسبيرتات يحتوي على اهم المؤشرات مع شرح لها بالاضافة الى بعض الدروس


العودة   منتديات بورصات > بورصة العملات الاجنبية - الفوركس > منتدى الدروس التعليمية - فوركس


منتدى الدروس التعليمية - فوركس منتدى الفوركس ، المواد التعليمية ل سوق الفوركس ، دروس ، شروحات ، كتب ، مقالات تعليمية ، دورات فوركس ، تعليم تحليل فني ، تحليل اساسي ، موجات اليوت ، فيبوناتشي ، تعليم فوركس ، والإجابة على أسئلة المبتدئين والدروس التعليمية المتقدمة

الفوركس من الالف الى الياء

منتدى الدروس التعليمية - فوركس

Like Tree10Likes

إضافة رد
 
أدوات الموضوع
قديم 04-02-2009, 06:58 PM   #1
عضو فـضـي
 
الصورة الرمزية د.أسامة عادل
 

افتراضي الفوركس من الالف الى الياء

الفوركس من الالف الى الياء
الفوركس من الالف الى الياء

السلام عليكم و رحمة الله و بركاته
اخوانى و احبائى اعضاء المنتدى

بداية اود ان اشكر ادارة المنتدى على اهتمامها الكبير بالمواضيع و انها جمعتنا مع بعض فى مكان واحد

طبعا الموضوع واضح و هو عبارة عن دروس تعليمية للمبتدئين و المضاربين
من خلال متابعتى لورشتى و هى ورشة عروس البحر المتوسط فوجئت بحاجات كتيرة جدا
فى ناس همها و هم جمع المال بدون حتى ما تعرف المال ده وصل ازاى للحساب.,
مش مهم عندهم نعرف طريقة او يعنى ايه ترند ,مش مهم يا عم حتصدعنا بفيبوناشى و شموع و كلام فاضى
من الاخر شوف اللى انت شايفه و ادينى التوصية و انا حدخل معاك.,و عامة اول ما تكسب التوصية حدعيلك و ارد فى موضوعك رد يفرحك.
بس للأسف مش ده كان هدفى لما افتتحت الورشة كان هدفى انى انقل علم تعلمته لاخوان لى فى البلد و الدين لكن اتضايقت ان فى الكثير لا يهتم بما اقول او ارسم و ان كان فى اخوة افاضل عايزين يتعلموا بالفعل
خليك فى المهم
ايدك على التوصية و بس..
ممكن اعذرهم لان الكتب كتيـــــر و الكلام كبيــــــر و طويل
و هم مش فاضيين يقروا و لو قروا مش حيفهموا و يلاقوا الموضوع صعب و محدش قادر يفهم حد
كله بيكبر دماغه و يمشى مع التوصية او مع استراتيجية و شوية مؤشرات يستنى التقاطع او او او.... و يدخل الصفقة
و يخسر
و مش فاهم هو خسر ليه
ماهى المؤشرات تقاطعت اهى
و انا دخلت و برضه خسرت
للاسف السبب انه مش فاهم هو داخل ليه اصلا,,من الاخر عايز فلوس و بس.,
و من هنا جاتنى فكرة اننا نبدأ موضوع تعليمى للفوركس يكون شامل كل شيئ.
انا لا ادعى انى عالم بالفوركس لكنى سأحاول ان انقل ما اعرفه و ما جربته و لمسته و لاحظته من جراء خبرة ان كانت صغيرة لكنها ستفيد عديمى الخبرة و المبتدئين.,

حنتكلم عن مواضيع مهمة جدا لكل مضارب
1- ادارة راس المال
2- التحليل الاساسى
كيفية قراءة الاخبار قراءة جيدة و الاستفادة منها
3- التحليل الفنى
كالرسم و الترندات و الفيبوناشى و الشموع و النماذج.....
4-المؤشرات
و سنناقش انواع المؤشرات و فائدتها و كيفية استعمالها لعشاق المؤشرات و الاستراتيجيات
5-الحالة النفسية
للمضارب و للسوق و كيفية انها سبب كبير للمكسب او الخسارة

لى اكثر من رجاء
1- ان يتمهل الاخوة فى الموضوع فالموضوع حياخد وقت طويل مش فى يوم و ليلة.
2- ان محدش يتكسف انه يسأل عن اى شيئ مهما كان تافه من وجهة نظرة و لكن بعد القراءة الجيدة للمشاركات و الموضوع ككل.

ووطلب بسيط من ادارة الموقع ان لا يتم نقل الموضوع الى القسم التعليمى الا بعد الانتهاء منه على اكمل وجه ان شاء الله.,

ربنا يوفق الجميع و يكرم و احاول انقل معلوماتى اللى جمعتها من سهر و تعب شهور و سنين ان تصل لاخوانى على اكمل وجه.,
اسألكم شيئ واحد فقط مقابل كل هذا
الدعاء

الله كريم.,

اذا اعجبك الموضوع و اردت نشره في المنتديات الاخرى فاستخدم هذا الرابط:
الفوركس من الالف الى الياء
http://www.borsaat.com/vb/t8478.html




التعديل الأخير تم بواسطة د.أسامة عادل ; 03-10-2009 الساعة 03:15 AM
د.أسامة عادل غير متواجد حالياً   رد مع اقتباس
قديم 04-02-2009, 07:04 PM   #2
عضو فـعّـال
 
الصورة الرمزية Muhannad
 

Thumbs up رد: █▓▒░ الفوركس من الالف الى اليــــــــاء █▓▒░

ههههههههه ،،، الحمد الله رح اكون اول طالب عندك اخي استاذ نسر ،،،

وان شاء الله تعم الفائدة على الجميع والى الامام يا غالي ،،،،


:1 4:



Muhannad غير متواجد حالياً   رد مع اقتباس
قديم 04-02-2009, 07:09 PM   #4
عضو نشيط جدا
 
الصورة الرمزية خــالــد عمــران
 

افتراضي رد: █▓▒░ الفوركس من الالف الى اليــــــــاء █▓▒░

لى الشرف إنى أحجز أول مقعد فى هذا الصرح بإذن الله



التوقيع:
سبحان الله وبحمده
سبحان الله العظيم
لا إله إلا أنت سبحانك إني كنت من الظالمين
هندسة عين شمس
قسم ميكانيكا


1-لا تدخل بأموال فى حاجة لها
2-لا تُعاند السوق فى الخسارة فهو أقوى منك
3-إياك والطمع إياك
4-ضع خطة وسر عليها أفضل من التلاطم وسط أمواج السوق

خــالــد عمــران غير متواجد حالياً   رد مع اقتباس
قديم 04-02-2009, 08:22 PM   #5
عضو فـضـي
 
الصورة الرمزية د.أسامة عادل
 

افتراضي رد: █▓▒░ الفوركس من الالف الى اليــــــــاء █▓▒░

اقتباس:
المشاركة الأصلية كتبت بواسطة Muhannad مشاهدة المشاركة
ههههههههه ،،، الحمد الله رح اكون اول طالب عندك اخي استاذ نسر ،،،

وان شاء الله تعم الفائدة على الجميع والى الامام يا غالي ،،،،


:1 4:
تنورنى اخى
ان شاء الله نبدأ نعد لأول درس فى الموضوع ان شاء الله.,
تابع معانا


اقتباس:
المشاركة الأصلية كتبت بواسطة dr_mamy2006 مشاهدة المشاركة
ما شاء الله مجهود رائع ودائما تاتينا بالتميز ربنا يزيدك من علمه وفضلة
بالتوفيق ان شاء الله

و يكرمك يا دكتورنا و مشرفنا الغالى.,
ربنا يزيدك من علمه و فضله انت كمان.
منك نستفيد الكثير

اقتباس:
المشاركة الأصلية كتبت بواسطة العقل مشاهدة المشاركة
لى الشرف إنى أحجز أول مقعد فى هذا الصرح بإذن الله
تمام يا باشا كده
حجزتلك كرسى بأسمك فى الصف الاول ان شاء الله

متابعين مع بعض اول الدروس النهاردة ان شاء الله بس فين الشباب!!
ثلاثة رجالة بس اللى ردوا و الباقى فين!!
لازم ندى صاحب الموضوع دفعة عشان يعوض صوابعة اللى حتتبرى زى القلم الرصاص من كتر الكتابة


الله كريم.,



د.أسامة عادل غير متواجد حالياً   رد مع اقتباس
قديم 04-02-2009, 09:00 PM   #6
عضو متميز
 

افتراضي رد: █▓▒░ الفوركس من الالف الى اليــــــــاء █▓▒░

وعليكم السلام

موضوع انتظرته من فترة من شخص خبير ومحب للخير

جزاك الله كل خير

وننتظر الدروس ان شاء الله



Trend غير متواجد حالياً   رد مع اقتباس
قديم 04-02-2009, 09:36 PM   #7
عضو جديد
 
الصورة الرمزية aladdeen
 

افتراضي رد: █▓▒░ الفوركس من الالف الى اليــــــــاء █▓▒░

الف الف شكر
والله دي حاجة متوقعة من شخص زي حضرتك
وياريت تحجز لي كرسي انا كمان
وان شاء الله اكون تلميذ شاطر



التوقيع:
الحمد لله
لا إله إلا الله
سبحان الله وبحمده سبحان الله العظيم
aladdeen غير متواجد حالياً   رد مع اقتباس
قديم 04-02-2009, 10:27 PM   #8
عضو نشيط
 
الصورة الرمزية hattab007
 

افتراضي رد: █▓▒░ الفوركس من الالف الى اليــــــــاء █▓▒░

سوف أكوون من أول المتابعين يا أستااااذ

بارك الله فيك على الجهد المبذووول



التوقيع:



hattab007 غير متواجد حالياً   رد مع اقتباس
قديم 04-02-2009, 10:56 PM   #9
عضو فـضـي
 
الصورة الرمزية د.أسامة عادل
 

افتراضي رد: █▓▒░ الفوركس من الالف الى اليــــــــاء █▓▒░

السلام عليكم
شكرا لكل الردود التى تشجع على الكتابة و ان شاء الله يكون موضوع مفيد للكل و انا اولكم.,

سنبدأ بالنقطة الاولى فى الفوركس و هى:

فن ادارة رأس المال

طبعا زى ما انتم شايفين الاسم فهو فن فعلا
كيف تدير رأس مالك؟
ما هو المارجن,الروافع,احجام العقود....؟

اى واحد فاتح مشروع صغير حتى ولو كشك سجاير محتاج الى ادارة لرأس ماله يعنى مثلا يجيب الاصناف الشغالة معاه,انه ميخزنش صنف يركد عنده و هكذا..
نفس الوضع فى الفوركس و ان كان المجال اوسع و اكبر و اخطر شويتين لازم المضارب يظبط نفسه و نفسيته و بضاعته عشان يقدر يكمل فى السوق
الفوركس هو عبارة عن عمليتين
بيع او شراء
انت عايز تبيع قبل ما السعر ينزل و بكده انت كسبت الفرق او تشترى قبل ما السعر يطلع و كده كسبت برضه,الشطارة بقى انك تعرف امتى حيطلع و امتى حينزل.

اهم حاجة انك لا تطمع فى الربح و لا تترك الخسارة تجرى
و من هنا جت اهم نقطة و هى ادارة راس المال
فى مقولة بتقول انك لو دخلت ب 1% من راس المال على صفقات عميانى يعنى صاحى الصبح و قبل ما تغسل وشك حتى دخلت بيع يورو دولار من غير ما تبص على شارت اصلا و هدف 50 نقطة نسبة احتمالك للهدف هى 50% كاملة من غير ما تعمل شيئ ممكن تصيب و ممكن تخيب
لكن يستحيل انك تخسر 100 صفقة متتالية عشان تصفر طالما انك ملتزم بستوب
و عمرك ما حتخسر راس مالك و ممكن يزيد لو فى توفيق من عند ربنا لكن احنا هدفنا الارباح و التعلم و الخبرة و الاستمتاع بالمضاربة و الوصول للاهداف فهى سنة للحياة و فى طبيعة الانسان.
المهم نرجع تانى لادارة راس المال اولا
اعرف انت حسابك يساوى كام فى السوق يعنى على قد لحافك مد رجليك.
حسابك 500$ يعنى السوق يسحب منك 500 نقطة لو النقطة بدولار
او 1000 لو بنص دولار
او 5000 نقطة لو ب 10 سنتات
طالما انك مبتدئ لازم تدخل بالقليل عشان السوق تقيل و مش سهل و ناس عفية بتروح كل يوم
طيب او عملت خطة بسيطة انك تحقق 50 نقطة كل يوم يبقى حوالى 1000 نقطة فى الشهر و ده شيئ سهل نسبيا بعد التدريب حتجيب 100$ فى الشهر يعنى 20% من حسابك اكيد مفيش بنك او حتى مشروع قوى يديك 20% من حسابك كل شهر
انت محتاج 5-6 شهور عشان تضاعف راس المال و ده شيئ ممتاز كبداية.,

بالنسبة للروافع فهى تحجز لك المارجن المستعمل من حسابك و 1:400 هى جيدة كبداية

حجم العقود احسبه و جرب نفسك على الديمو كتير و متستعجلش فى الفتح فى حساب حقيقى
انا قعدت 8 شهور كاملين على الديمو
لكن عشان لما ابدأ لا اخسر
حتى و ان خسرت اول حساب ده حيعلمك كتير.,

طيب اهم نقط فى ادارة راس المال هى
1-اعرف حجم عقدك لا تضارب بعقود كبيرة نسبيا على حسابك ,السوق قوى جدا و لن تقف انت امامه.
2-لا تضاعف العقود ابدأ مهما ظننت ان الصفقة قوية جدا و بها ربح وفير
3-اعمل خطة و امشى عليها
مفيش شركة او مصنع او حتى محل كشرى مش عامل هدف يوصله و لو مش عامل بيفضل زى ما هو او يفلس
4-الستوب لوز ليس ابدا ابدا شيئ سيئ فهو يبقيك فى السوق,هو صديقك و ليس عدوك لانه طوق نجاتك عندما يعصرك السوق.
5- احسب خسارتك و تأثيرها على الحساب قبل مكسبك دائما

اكيد فى كلام كتير مش حقدر اكتبه فى مشاركة واحدة لكن بيتطلع فى مشاركات و ردود على اسئلة عايز اسمعها عشان الموضوع يفضل شغال.,
معلش للغة الاسكندرانية اللى اتكلمت بيها
و للاطالة..
الله كريم.,





د.أسامة عادل غير متواجد حالياً   رد مع اقتباس
قديم 04-02-2009, 11:12 PM   #10
عضو نشيط جدا
 
الصورة الرمزية أبو بحر
 

افتراضي رد: █▓▒░ الفوركس من الالف الى اليــــــــاء █▓▒░

اقتباس:
المشاركة الأصلية كتبت بواسطة nesr_2020 مشاهدة المشاركة
السلام عليكم
شكرا لكل الردود التى تشجع على الكتابة و ان شاء الله يكون موضوع مفيد للكل و انا اولكم.,

سنبدأ بالنقطة الاولى فى الفوركس و هى:

فن ادارة رأس المال


طبعا زى ما انتم شايفين الاسم فهو فن فعلا
كيف تدير رأس مالك؟
ما هو المارجن,الروافع,احجام العقود....؟

اى واحد فاتح مشروع صغير حتى ولو كشك سجاير محتاج الى ادارة لرأس ماله يعنى مثلا يجيب الاصناف الشغالة معاه,انه ميخزنش صنف يركد عنده و هكذا..
نفس الوضع فى الفوركس و ان كان المجال اوسع و اكبر و اخطر شويتين لازم المضارب يظبط نفسه و نفسيته و بضاعته عشان يقدر يكمل فى السوق
الفوركس هو عبارة عن عمليتين
بيع او شراء
انت عايز تبيع قبل ما السعر ينزل و بكده انت كسبت الفرق او تشترى قبل ما السعر يطلع و كده كسبت برضه,الشطارة بقى انك تعرف امتى حيطلع و امتى حينزل.

اهم حاجة انك لا تطمع فى الربح و لا تترك الخسارة تجرى
و من هنا جت اهم نقطة و هى ادارة راس المال
فى مقولة بتقول انك لو دخلت ب 1% من راس المال على صفقات عميانى يعنى صاحى الصبح و قبل ما تغسل وشك حتى دخلت بيع يورو دولار من غير ما تبص على شارت اصلا و هدف 50 نقطة نسبة احتمالك للهدف هى 50% كاملة من غير ما تعمل شيئ ممكن تصيب و ممكن تخيب
لكن يستحيل انك تخسر 100 صفقة متتالية عشان تصفر طالما انك ملتزم بستوب
و عمرك ما حتخسر راس مالك و ممكن يزيد لو فى توفيق من عند ربنا لكن احنا هدفنا الارباح و التعلم و الخبرة و الاستمتاع بالمضاربة و الوصول للاهداف فهى سنة للحياة و فى طبيعة الانسان.
المهم نرجع تانى لادارة راس المال اولا
اعرف انت حسابك يساوى كام فى السوق يعنى على قد لحافك مد رجليك.
حسابك 500$ يعنى السوق يسحب منك 500 نقطة لو النقطة بدولار
او 1000 لو بنص دولار
او 5000 نقطة لو ب 10 سنتات
طالما انك مبتدئ لازم تدخل بالقليل عشان السوق تقيل و مش سهل و ناس عفية بتروح كل يوم
طيب او عملت خطة بسيطة انك تحقق 50 نقطة كل يوم يبقى حوالى 1000 نقطة فى الشهر و ده شيئ سهل نسبيا بعد التدريب حتجيب 100$ فى الشهر يعنى 20% من حسابك اكيد مفيش بنك او حتى مشروع قوى يديك 20% من حسابك كل شهر
انت محتاج 5-6 شهور عشان تضاعف راس المال و ده شيئ ممتاز كبداية.,

بالنسبة للروافع فهى تحجز لك المارجن المستعمل من حسابك و 1:400 هى جيدة كبداية

حجم العقود احسبه و جرب نفسك على الديمو كتير و متستعجلش فى الفتح فى حساب حقيقى
انا قعدت 8 شهور كاملين على الديمو
لكن عشان لما ابدأ لا اخسر
حتى و ان خسرت اول حساب ده حيعلمك كتير.,

طيب اهم نقط فى ادارة راس المال هى
1-اعرف حجم عقدك لا تضارب بعقود كبيرة نسبيا على حسابك ,السوق قوى جدا و لن تقف انت امامه.
2-لا تضاعف العقود ابدأ مهما ظننت ان الصفقة قوية جدا و بها ربح وفير
3-اعمل خطة و امشى عليها
مفيش شركة او مصنع او حتى محل كشرى مش عامل هدف يوصله و لو مش عامل بيفضل زى ما هو او يفلس
4-الستوب لوز ليس ابدا ابدا شيئ سيئ فهو يبقيك فى السوق,هو صديقك و ليس عدوك لانه طوق نجاتك عندما يعصرك السوق.
5- احسب خسارتك و تأثيرها على الحساب قبل مكسبك دائما

اكيد فى كلام كتير مش حقدر اكتبه فى مشاركة واحدة لكن بيتطلع فى مشاركات و ردود على اسئلة عايز اسمعها عشان الموضوع يفضل شغال.,
معلش للغة الاسكندرانية اللى اتكلمت بيها
و للاطالة..
الله كريم.,

السلام عليكم
بدرس معاكم بصمت
هو درس فعلا رائع تعلمته اول ما دخلت السوق و رجعتنا الى اول ايامنا فعلا الى المحافظة على راس المال اهم قاعدة بيمشي عليه عميل الفوركس .

نتمني لكم التوفيق



أبو بحر متواجد حالياً   رد مع اقتباس
إضافة رد

جديد مواضيع منتدى الدروس التعليمية - فوركس


الكلمات الدلالية (Tags)
مبتدئ, الله, الالف, الياء, الرائع, الفوركس, اسئله, تعلم فوركس, فوركس

مواضيع سابقة:
كيفية استعمال الوقف المتحرك؟؟؟؟؟
بداية الطريق في سوق الفوركس للمبتدئين 2
ازاى افتح حساب حقيقى ؟؟؟؟
مواضيع تالية:
عايز استثمر فلوسي في البورصة
【درس تعليمي】 مؤشر البولينجر باند bollinger bands
【درس تعليمي】 مؤشر الموفينج افريج -moving average

الفوركس من الالف الى الياء

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع المنتدى
تعلم نماذج الشارت من الالف الي الياء منتدى الدروس التعليمية - فوركس
قواعد الفيبوناتشي من الالف الى الياء منتدى العملات العام Forex
كتاب يشرح بالتفصيل تثبيت ويندوز اكس بي من الالف الى الياء يستحق التحميل المكتبة العامة
السيلوليت من الالف الى الياء المنتدى الطبي - الصحة - الغذاء
كورس تعلم اللغة الانكليزية من الالف الى الياء مشروح باللغة الانكليزية منتدى اللغات


روابط الموقع الداخلية


الساعة الآن 10:05 AM.
Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
Privacy Policy
SEO by vBSEO 3.6.0 ©2011, Crawlability, Inc.

الاتصال بنا - موقع بورصات - الأرشيف - تنشيط العضوية - اعلن معنا - الأعلى    تحذير المخاطرة