منتدى الدروس التعليمية - فوركس منتدى الفوركس ، المواد التعليمية ل سوق الفوركس ، دروس ، شروحات ، كتب ، مقالات تعليمية ، دورات فوركس ، تعليم تحليل فني ، تحليل اساسي ، موجات اليوت ، فيبوناتشي ، تعليم فوركس ، والإجابة على أسئلة المبتدئين والدروس التعليمية المتقدمة
تسجيل حضور ومتابعة للتعلم والأستفادة من حضرتك ياأجدع أسكندراني بارك الله فيك وجزاك الله خيرا
يشرفنى مرورك يابوحميد يا غالى
ان شاء الله نقدر نصل للمراد من الموضوع.,
اقتباس:
المشاركة الأصلية كتبت بواسطة nader_ph
تسلم ايدك يا رافع راية أسكندرية على فكرة مهما كان فى حد بيحب أسكندرية محدش يحبها ذى أهلها أنا بموت فيها ...عايزك مرة تقف عند ستانلى ع الكوبرى وتبص ع البحر فى مارس كدة مثلا الساعة 1 بلليل ولما تفوق بص فى ساعتك وشوف وقفت أد اية من غير ماتحس .وللا ميامى (بس أبعد عن بن الوليد فى الصيف ) وللابحرى ... معلش سرحت فى الكلام برة الموضوع... المهم تسلم لينا يا غالى ملحوظة : ورشة عروس البحر الأولى فى التصويت بفارق جامد جدا عن باقى الورش وتعيش وتعلمنا يا معلم :r ose::ros e:
شكرا يا نادر باشا يا غالى على الكلام الرائع ده
الحمد لله احنا الاوائل حتى الان و ان شاء الله ربنا يكرمنا حتى النهاية
كفاية علينا اننا دعوات الناس احسن من مليون مسابقة و 100.000 صوت
اما عن اسكندرية فهى عشقى الاول و الاخير فانا سافرت الى دول كثيرة جدا و ملقيتش احسن من اسكندرية بلدى
راجع الورشة ستجد خبر هام ان شاء الله.,
اقتباس:
المشاركة الأصلية كتبت بواسطة freebalad2003
شكرا جزيلا nesr_2020 على ما تقدمه من تحليلات و نصح و ارشادات قيمة ربي يزيدكم تقبل شكري و تحياتي أخوكم
تسلم يا جميل على المرور اتمنى تكون استفتدت من ما كتبته و عانيت فيه ايام و ليالى طويلة
اقتباس:
المشاركة الأصلية كتبت بواسطة مصطفى البنان
بارك الله فيك اخ الكريم نسر وبانتظار باقى الشرح
تسلم يا درش و ربنا يقوينا على باقى الشرح
الزبدة كلها فى الفنى
اقتباس:
المشاركة الأصلية كتبت بواسطة SADLOVE
متابع معك اخوي الغالي نسر والله يعطيك العافيه وجزاك الله عنا كل خير
و اياكم اخى الكريم.,
اقتباس:
المشاركة الأصلية كتبت بواسطة mo7amed333
شكرا على الموضوع التعليمى فعلا محتاجين نتذكره دائما للاستفاده وفى انتظار المزيد وبارك الله فى هذا المنتدى وفى جميع الاساتذة الذبن بضعون توصباتهم واللذبن بعلموننا فنون وطرق المضاربه الجيدة
شكرا يا محمد على المرور و الدعاء
و ان شاء الله الى الارباح كلنا مع بعض.,
السيد نسر بعد السلام اود الاستفسار عن عدم الاشارة الى مشاركتي ضمن الردود التي قمت بها مع انها اول مشاركة معكم والرد يعتبر تشجيع للانضمام الى هذة الغرفة والاستفادة مما يطرح فيها ارجو الرد ولك جزيل الشكر
بالنسبة لتوقع طريق الخبر فهو فكر اقتصادى بحت مش حقدر اقوله فى مشاركة لكن على سبيل المثال 1- بيانات سلبية لمعدلات التوظيف فى امريكا يعنى فى كساد و الاقتصاد تعبان اذن الدولار يهبط امام الجميع 2-بيانات ايجابية عن معدلات بيع المنازل لليورو يعنى الناس بتشترى بيوت و عايزة تفرشها و تجهزها يعنى عايزة عمال و الات و ادوات و اجهزة كهربائية و كده و ده شغل لاكتر من قطاع فى البلد يعمل رواج للاقتصاد و بالتالى يرفع اليورو امام الاخرين. 3-انخفاض فى الناتج المحلى البريطانى يعنى قلة فى الانتاج بسبب قلة فى المبيعات تؤكد الكساد ة تقلل من سعر الباوند امام الجنيه 4-ارتفاع ميزان التجارة للاسترالى يعنى زيادة فى صادرات استراليا و ده معناه انتاج اكتر و بيع اكتر و رواج اقتصادى و قوة للعملة حاول تفكر قدام بعد الخبر ازاى يكون تأثيره ايه على العملة و كل ما كانت قرائتك للخبر صحيحة يبقى قرائتك للشارت صحيحة و مضارباتك مربحة و ده بيجى مع التكرار و التركيز و التجريب الكافى على الديمو.
يا ريت توردلنا امثلة لبعض الاخبار وكيفية توقع حركة العملة
بارك الله فيك وزادك من خيره مضارب مبتدئ
اقتباس:
المشاركة الأصلية كتبت بواسطة bder
السيد نسر بعد السلام اود الاستفسار عن عدم الاشارة الى مشاركتي ضمن الردود التي قمت بها مع انها اول مشاركة معكم والرد يعتبر تشجيع للانضمام الى هذة الغرفة والاستفادة مما يطرح فيها ارجو الرد ولك جزيل الشكر
السلام عليكم
اخى الكريم اعتذر لعدم الرد لان السؤال الذى سألته كان نفس رده ما اوردته من مشاركة سابقة بالاقتباس
فأمثلة للاخبار و كيفية التفكير فيها ما تسأل عنه قد اوردتها بالفعل فى المشاركة التى اقتبستها انت بنفسك
و تحت امرك فى اى شيئ جديد و ان شاء الله متابع معاك يا غالى.,
الله كريم.,
السلام عليكم
شكرا لكل الردود التى تشجع على الكتابة و ان شاء الله يكون موضوع مفيد للكل و انا اولكم.,
سنبدأ بالنقطة الاولى فى الفوركس و هى:
فن ادارة رأس المال
طبعا زى ما انتم شايفين الاسم فهو فن فعلا
كيف تدير رأس مالك؟
ما هو المارجن,الروافع,احجام العقود....؟
اى واحد فاتح مشروع صغير حتى ولو كشك سجاير محتاج الى ادارة لرأس ماله يعنى مثلا يجيب الاصناف الشغالة معاه,انه ميخزنش صنف يركد عنده و هكذا..
نفس الوضع فى الفوركس و ان كان المجال اوسع و اكبر و اخطر شويتين لازم المضارب يظبط نفسه و نفسيته و بضاعته عشان يقدر يكمل فى السوق
الفوركس هو عبارة عن عمليتين
بيع او شراء
انت عايز تبيع قبل ما السعر ينزل و بكده انت كسبت الفرق او تشترى قبل ما السعر يطلع و كده كسبت برضه,الشطارة بقى انك تعرف امتى حيطلع و امتى حينزل.
اهم حاجة انك لا تطمع فى الربح و لا تترك الخسارة تجرى
و من هنا جت اهم نقطة و هى ادارة راس المال
فى مقولة بتقول انك لو دخلت ب 1% من راس المال على صفقات عميانى يعنى صاحى الصبح و قبل ما تغسل وشك حتى دخلت بيع يورو دولار من غير ما تبص على شارت اصلا و هدف 50 نقطة نسبة احتمالك للهدف هى 50% كاملة من غير ما تعمل شيئ ممكن تصيب و ممكن تخيب
لكن يستحيل انك تخسر 100 صفقة متتالية عشان تصفر طالما انك ملتزم بستوب
و عمرك ما حتخسر راس مالك و ممكن يزيد لو فى توفيق من عند ربنا لكن احنا هدفنا الارباح و التعلم و الخبرة و الاستمتاع بالمضاربة و الوصول للاهداف فهى سنة للحياة و فى طبيعة الانسان.
المهم نرجع تانى لادارة راس المال اولا
اعرف انت حسابك يساوى كام فى السوق يعنى على قد لحافك مد رجليك.
حسابك 500$ يعنى السوق يسحب منك 500 نقطة لو النقطة بدولار
او 1000 لو بنص دولار
او 5000 نقطة لو ب 10 سنتات
طالما انك مبتدئ لازم تدخل بالقليل عشان السوق تقيل و مش سهل و ناس عفية بتروح كل يوم
طيب او عملت خطة بسيطة انك تحقق 50 نقطة كل يوم يبقى حوالى 1000 نقطة فى الشهر و ده شيئ سهل نسبيا بعد التدريب حتجيب 100$ فى الشهر يعنى 20% من حسابك اكيد مفيش بنك او حتى مشروع قوى يديك 20% من حسابك كل شهر
انت محتاج 5-6 شهور عشان تضاعف راس المال و ده شيئ ممتاز كبداية.,
بالنسبة للروافع فهى تحجز لك المارجن المستعمل من حسابك و 1:400 هى جيدة كبداية
حجم العقود احسبه و جرب نفسك على الديمو كتير و متستعجلش فى الفتح فى حساب حقيقى
انا قعدت 8 شهور كاملين على الديمو
لكن عشان لما ابدأ لا اخسر
حتى و ان خسرت اول حساب ده حيعلمك كتير.,
طيب اهم نقط فى ادارة راس المال هى
1-اعرف حجم عقدك لا تضارب بعقود كبيرة نسبيا على حسابك ,السوق قوى جدا و لن تقف انت امامه.
2-لا تضاعف العقود ابدأ مهما ظننت ان الصفقة قوية جدا و بها ربح وفير
3-اعمل خطة و امشى عليها
مفيش شركة او مصنع او حتى محل كشرى مش عامل هدف يوصله و لو مش عامل بيفضل زى ما هو او يفلس
4-الستوب لوز ليس ابدا ابدا شيئ سيئ فهو يبقيك فى السوق,هو صديقك و ليس عدوك لانه طوق نجاتك عندما يعصرك السوق.
5- احسب خسارتك و تأثيرها على الحساب قبل مكسبك دائما
اكيد فى كلام كتير مش حقدر اكتبه فى مشاركة واحدة لكن بيتطلع فى مشاركات و ردود على اسئلة عايز اسمعها عشان الموضوع يفضل شغال.,
معلش للغة الاسكندرانية اللى اتكلمت بيها
و للاطالة..
الله كريم.,
اقتباس:
المشاركة الأصلية كتبت بواسطة nesr_2020
2- التحليل الاساسى
هو عصب التجارة و الفوركس
هى المحرك الاول لطريق سعر العملة و مهم جدا التعرف عليها.
فى ناس كتير مش بتهتم بالاخبار و بتقراها كأنها بتقرا الجرنان.
على الرغم ان القراءة الجيدة للاخبار شرط اساسى لتكون مضارب ناجح و تربح من الفوركس.
فى السوق هناك اخبار هامة و اخبار متوسطة و اخبار للمدى البعيد و احاديث صحفية و كلام كتير.,
لازم تحدد ايه الخبر اللى نستفيد منه فى مضاربتنا يقولنا وجهتنا عشان الدخول يكون افضل.
مثلا النهاردة فى خبر الفائدة على الباوند و اليورو و اخبار الفائدة من الاخبار الهامة جدا و محركة لسعر العملة على مدى طويل يمكنك منه ان تحدد الترند او الوجهة التى سيمشى فيها السعر.
الباوند متوقع الخفض بمقدار نصف نقطة.,لازم تعرف او اتخفض نصف نقطة يحصل ايه
و لو ربع ممكن يمشى ازاى,و لو اكتر من المتوقع كمان.
الخبر لو وصل زى المتوقع يبقى الفائدة حتقل على الباوند على المدى المتوسط و البعيد يعطى دفعة للاقتصاد عشان مفيش حد بيحط فلوسه فى البنك عشان مفيش فايدة تذكر,لازم تشتغل عشان تكسب و هكذا..
طيب فوركسيا الباوند سيهبط اولا ليبحث عن نقطة قوية ينطلق منها لان الخبر سيعطيه القوة و الملاذ الامن للاستثمارات.
يجب ان تقرا الخبر صحيحا حتى تعرف من اين تبدأ و اين تنتهى صفقاتك.
فى ورشة عروس البحر اخر صفقة كانت للباوند فرنك لاسباب فنية و اساسية
الاساسى انى رأيت خبر الباوند بالخفض و اتفق مع تحليل فنى فدخلت بيع لان الباوند سيبدأ رحلة البحث عن قاع حتى يصل للخبر و من هناك ينطلق و عشان كده دخلنا بيع.,
يجب ان تفهم هل الخبر جيد للعملة ام ماذا..
على المدى الطويل ولا المتوسط
فى نقطة هامة ان احيانا كثيرة الخبر يتشرب من السوق يعنى مثلا يكون خبر سلبى و المضاربين تقراه قبلها بيومين فالكل يدخل بيع للزوج طوال اليومين او الثلاثة السابقين و عندما يأتى الخبر سلبيا تجد العملة تصعد او لا تهبط بالقدر المطلوب لان السيولة استفذت بفعل الخبر من قبل الخبر و حان وقت الخروج لجنى الربح.,و يصعد الزوج و انت بتتفرج!
لازم تحاول تشوف الخبر اتشرب من السوق ولا لأ
مثلا خبر متوقع سلبى هام جدا على الباوند لقيت اليومين السابقين الباوند بيهبط بقوة لغاية الخبر و الخبر طلع سلبى فعلا انتظر كسر مستويات قوية حتى تتأكد من الهبوط.
لا تجعل السوق يخدعك و كن حريصا.
عيب الاخبار اللى واجب تجنبه انك لا تضارب وقت الاخبار
حاول الخروج قبل الخبر لان ساعة الخبر و بالذات لو عكس المتوقع ستجد حالة هرج فى السوق لفترة قليلة
ممكن فى هذه الفترة يؤكل ربحك بالكامل و يضرب ستوبات بسبب الذيول الطويلة لان هناك مضاربين تخرج بكثرة و اخرين يدخلون بكثرة بفعل الخبر عشان كده السعر بيبقى طالع نازل.
عامة علاقتك بالاخبار لازم تكون جيدة و تتعلم على الديمو الاخبار باللون الاحمر بتأثر ازاى فى حركة الشارت.
كلام كتير فى الاخبار و قرائتها يصعب ان نذكرها فى مشاكة برضة.
فى انتظار تعليقات و استفسارات.
و فى انتظار..
و المزيد من..
الدعاء..
الله كريم.,
للتذكير و الرفع قبل البداية فى المعمعة الحقيقة غدا ان شاء الله
مع التحليل الفنى.,
اجازة مفيدة للجميع.,
الله كريم.,
بسم الله العلى القدير نبدأ مع التحليل الفنى الذى سيطول شرحه ان شاء الله
الله يقوينى على الكتابة و الشرح و يقويكم على الفهم.,
كنا اتكلمنا المشاركات السابقة عن التحليل الاساسى و ادارة رأس المال و عرفنا اد ايه هم مهمين لاى مضارب يريد ان يكون ناجحا
و عرفنا انهم من اعصاب العمل الفوركسى الرئيسيين
لكن الان مع التحليل الفنى
و هو العمل الفوركسى نفسه
تحديد نقاط الدخول و الخروج
بالعربى هو ده اكل العيش و التجارة بالعملات
من غير تحليل فنى ستخسر رأس مالك حتما لان السوق سيبتلعه
من غير تحليل فنى لن تحافظ على نفسك من الخسارة
من غير تحليل فنى مش حتكسب ابدا!
تقولى توصيات اقولك انسى طالما انت مش فاهم ليه دخلت التوصية يبقى حتخسر لا محالة.,عشان كده فى ورشة عروس البحر بحاول اضيف شارتات و اسباب للدخول عشان يكون فى فهم لسبب الدخول.
التحليل الفنى يتضمن اكثر من شيئ و اهمهم
-القمم و القيعان و الترندات المتكونة
-القنوات السعرية
-الشموع و انواعها
-النماذج السعرية
-التحليل الفنى النفسى للعملة
ان شاء الله احاول اضيف شارتات لما سبق اثناء الشرح عشان المعلومة توصل كويس ان شاء الله.,
فاصل لنترك فرصة لاضافات الاخوة قبل البدء.,
الله كريم.,
المواضيع المتشابهه 
1Likes
رد: █▓▒░ الفوركس من الالف الى اليــــــــاء █▓▒░ 
) وللابحرى ... معلش سرحت فى الكلام برة الموضوع... المهم تسلم لينا يا غالى 
رد: █▓▒░ الفوركس من الالف الى اليــــــــاء █▓▒░ 
