ELDorADO

جزاك الله خيرا .

التوقيع:

اللهم صلي وسلم وبارك على نبينا محمد

أسامة عادل

اضافة رائعة للموضوع
جزاك الله خيرا.,

تسلم يا غالى و ان شاء الله الموضوع يبقى تمام و كلنا نستفيد منه

حبيبى!!
تنور يا باشا زى ما انت منور الكافيه كده.,
بس مش بنشوفك كتير!

و اياكم.,

التوقيع:

..:: مواضيــــــعى ::..

أسامة عادل

هو عصب التجارة و الفوركس
هى المحرك الاول لطريق سعر العملة و مهم جدا التعرف عليها.
فى ناس كتير مش بتهتم بالاخبار و بتقراها كأنها بتقرا الجرنان.
على الرغم ان القراءة الجيدة للاخبار شرط اساسى لتكون مضارب ناجح و تربح من الفوركس.
فى السوق هناك اخبار هامة و اخبار متوسطة و اخبار للمدى البعيد و احاديث صحفية و كلام كتير.,
لازم تحدد ايه الخبر اللى نستفيد منه فى مضاربتنا يقولنا وجهتنا عشان الدخول يكون افضل.
مثلا النهاردة فى خبر الفائدة على الباوند و اليورو و اخبار الفائدة من الاخبار الهامة جدا و محركة لسعر العملة على مدى طويل يمكنك منه ان تحدد الترند او الوجهة التى سيمشى فيها السعر.
الباوند متوقع الخفض بمقدار نصف نقطة.,لازم تعرف او اتخفض نصف نقطة يحصل ايه
و لو ربع ممكن يمشى ازاى,و لو اكتر من المتوقع كمان.
الخبر لو وصل زى المتوقع يبقى الفائدة حتقل على الباوند على المدى المتوسط و البعيد يعطى دفعة للاقتصاد عشان مفيش حد بيحط فلوسه فى البنك عشان مفيش فايدة تذكر,لازم تشتغل عشان تكسب و هكذا..
طيب فوركسيا الباوند سيهبط اولا ليبحث عن نقطة قوية ينطلق منها لان الخبر سيعطيه القوة و الملاذ الامن للاستثمارات.
يجب ان تقرا الخبر صحيحا حتى تعرف من اين تبدأ و اين تنتهى صفقاتك.
فى ورشة عروس البحر اخر صفقة كانت للباوند فرنك لاسباب فنية و اساسية
الاساسى انى رأيت خبر الباوند بالخفض و اتفق مع تحليل فنى فدخلت بيع لان الباوند سيبدأ رحلة البحث عن قاع حتى يصل للخبر و من هناك ينطلق و عشان كده دخلنا بيع.,
يجب ان تفهم هل الخبر جيد للعملة ام ماذا..
على المدى الطويل ولا المتوسط

فى نقطة هامة ان احيانا كثيرة الخبر يتشرب من السوق يعنى مثلا يكون خبر سلبى و المضاربين تقراه قبلها بيومين فالكل يدخل بيع للزوج طوال اليومين او الثلاثة السابقين و عندما يأتى الخبر سلبيا تجد العملة تصعد او لا تهبط بالقدر المطلوب لان السيولة استفذت بفعل الخبر من قبل الخبر و حان وقت الخروج لجنى الربح.,و يصعد الزوج و انت بتتفرج!
لازم تحاول تشوف الخبر اتشرب من السوق ولا لأ
مثلا خبر متوقع سلبى هام جدا على الباوند لقيت اليومين السابقين الباوند بيهبط بقوة لغاية الخبر و الخبر طلع سلبى فعلا انتظر كسر مستويات قوية حتى تتأكد من الهبوط.
لا تجعل السوق يخدعك و كن حريصا.
عيب الاخبار اللى واجب تجنبه انك لا تضارب وقت الاخبار
حاول الخروج قبل الخبر لان ساعة الخبر و بالذات لو عكس المتوقع ستجد حالة هرج فى السوق لفترة قليلة
ممكن فى هذه الفترة يؤكل ربحك بالكامل و يضرب ستوبات بسبب الذيول الطويلة لان هناك مضاربين تخرج بكثرة و اخرين يدخلون بكثرة بفعل الخبر عشان كده السعر بيبقى طالع نازل.

عامة علاقتك بالاخبار لازم تكون جيدة و تتعلم على الديمو الاخبار باللون الاحمر بتأثر ازاى فى حركة الشارت.

كلام كتير فى الاخبار و قرائتها يصعب ان نذكرها فى مشاكة برضة.
فى انتظار تعليقات و استفسارات.

و فى انتظار..

و المزيد من..

الدعاء..

الله كريم.,

التوقيع:

..:: مواضيــــــعى ::..

العقل

ربنا يباركلك يا دكتور
متابعك فى ثانيتها
طب دلوقتى الاخبار كتيرة جدا بينزل مثلا فى المفكرة الاقتصادية الخبر واهميتة والسابق والمتوقع وفى يومها بينزل اللى حصل فعلا لحد كدا تمام
نقطة بقى تشبع الخبر
انا مش هدخل غير مثلا بعد الخبر بساعة لو كان المفروض سعر العملة ينزل ولقيته عكس وطلع يبقى حصل تشبع فى السوق من الخبر تمام
النقطة اللى انا مش عارفها اصلا ان الخبر دا سواء مثلا الفائدة نازل او طالع هيأثر إزاى على سعر العملة هيطلعها ولا ينزلها
يعنى ملحوظة حضرتك ان سعر الفايدة يبقى فى الاول هبوط لحد ما يطلع بعد كدا بعد ما يلاقى قاع قوى
انا معرفش ان الخبر بيعمل كدا ومعظم الاخبار معرفش تاثيرها على العملة
الكلام دا هل فيه كتاب او حاجة ولا ايه
لان فى الاخبار اللى بتنزل بتبقى كبيرة اوى هل لازم اقراها كلها عشان اعرف تاثيرها على العملة ولا ايه ؟؟

ومش هقولك بقى على الدعوات اللى بتطير رايحلك إن شاء الله

التوقيع:

سبحان الله وبحمده سبحان الله العظيم لا إله إلا أنت سبحانك إني كنت من الظالمين هندسة عين شمس قسم ميكانيكا 1-لا تدخل بأموال فى حاجة لها 2-لا تُعاند السوق فى الخسارة فهو أقوى منك 3-إياك والطمع إياك 4-ضع خطة وسر عليها أفضل من التلاطم وسط أمواج السوق

hattab007

مشكوور أستاذنا الغالي على الرح المبسط والسهل ، أرجوا إفادتنا ببعض المواقع الإخبارية أو القنوات لكي يتم متابعتها

التوقيع:

1 2 3 viva l'algerie اللهم صلي وسلم على نبينا المصطفى الكريم

forexah

شكرا يادكتور على المعلومات وبالنسبة للاخبار وقرأتها هيا ليها قرأءة معينة ام قرأءة عادية بس بتركيز
وبالنسبة للاخبار فهل اين توجد هذة الاخبار الموثوق منها ؟؟

om waleed

الاخ الفاضل نسر

جزاك الله خيرعلي هذا التوضيح لكن سؤالي بعيد عن الفوركس

كيف استطيع المضاربة من خلال البنك اوشركات الصرافة

فانا عندي مبلغ بسيط حولت جزء منه الي يورو والباقي تركته جنية مصري كما هو

علي امل ان ابيع اليورو مقابل الجنية واستفيد بفرق السعر لكني منذ بدايتي لم اجني الارباح بل العكس

فما نصيحتك لي وكيف اتعرف علي توقعات الخبراء لسعر اليورو

nouk_101

تمام وصل درس الاخبار يا دكتور ، و خصوصا انى واحد من الناس اللى بتتكلم عنهم كأنى بقرا الجرنان
مكنتش بظهر عشان بس امتحانات البكاريليوس والله بس خلاص هانت

طيب عايزين موضوع او كتاب يشرح علاقه الاخبار الهامه بالعمله يا ابو نسر معلش هاتقل عليك

بالتوفيق ان شاء الله

Haithem_hhsh

الف شكر علي موضوع التحليل الاساسي دكتورنا
بس لو فيه موقع او وسيلة لتحليل الخبر ،، مش جلب الخبر
ارجو من حضرتك ارفاقه لنا
أنا بدخل موقع [عذراً, الأعضاء المسجلين ذوي العضوية النشطة فقط هم المصرح لهم برؤية الروابط. ] للحصول علي الخبر
بس عايز موقع يقولي تحليل الخبر وتأثيره علي العملة
وجاري المتابعة للموضوع
ألف شكر لك

التوقيع:

ربي اجعلني مقيم الصلاة ومن ذريتي ربنا وتقبل دعاء سبحان الله وبحمده ،،،، سبحان الله العظيم

أسامة عادل

شكرا لمتابعتك يا غالى
بالنسبة لتوقع طريق الخبر فهو فكر اقتصادى بحت مش حقدر اقوله فى مشاركة لكن على سبيل المثال
1- بيانات سلبية لمعدلات التوظيف فى امريكا يعنى فى كساد و الاقتصاد تعبان اذن الدولار يهبط امام الجميع
2-بيانات ايجابية عن معدلات بيع المنازل لليورو يعنى الناس بتشترى بيوت و عايزة تفرشها و تجهزها يعنى عايزة عمال و الات و ادوات و اجهزة كهربائية و كده و ده شغل لاكتر من قطاع فى البلد يعمل رواج للاقتصاد و بالتالى يرفع اليورو امام الاخرين.
3-انخفاض فى الناتج المحلى البريطانى يعنى قلة فى الانتاج بسبب قلة فى المبيعات تؤكد الكساد ة تقلل من سعر الباوند امام الجنيه
4-ارتفاع ميزان التجارة للاسترالى يعنى زيادة فى صادرات استراليا و ده معناه انتاج اكتر و بيع اكتر و رواج اقتصادى و قوة للعملة
حاول تفكر قدام بعد الخبر ازاى يكون تأثيره ايه على العملة
و كل ما كانت قرائتك للخبر صحيحة يبقى قرائتك للشارت صحيحة و مضارباتك مربحة
و ده بيجى مع التكرار و التركيز و التجريب الكافى على الديمو.



عندك مفكرة المنتدى و الجدول الاقتصادى و عندك [عذراً, الأعضاء المسجلين ذوي العضوية النشطة فقط هم المصرح لهم برؤية الروابط. ]
حيساعدك كتير انك تقرا الاخبار قبلها و نتائجها فى وقتها

طريق من طرق المضاربة لكن بالاموال السائلة و بدون استعمال الروافع بالمنصات المختلفة
الامر جيد لكن للمضاربة طويلة الاجل يعنى اسبوعين على الاقل
لازم تتابعى فريمات الاسبوعى لليورو امام الدولار و تحاولى تعرفى الشمعة التالية للاسبوع صاعدة ام هابطة و ده اللى حيفرق فى القرار
لاحظى ان شركات الصرافة عمولتها تكون ثابتة و سعر الصرف يكون ثابت ليومين او ثلاثة غير الفوركس و الشركات اللى السعر بيتغير كل ثانية.,




ادرس اقتصاد او واصل تأخد بالخبرة
و الرد الاول ممكن يوريك كيفية التفكير.



فيش مواقع و الا ماكان فى رابحين و خاسرين
انت بتفكيرك
يا تكسب نفسك
يا تخسر نفسك.
تسلم للمتابعة على الموضوع.

و فى انتظار المزيد..

من..

الدعاء..

الله كريم.,

التوقيع:

..:: مواضيــــــعى ::..