هل تعلم انك لا تعلم؟؟؟ (( للخاسرين فقط ))!!!

heem550 · 11-09-2009, 08:25 AM

هل تعلم انك لا تعلم؟؟؟ (( للخاسرين فقط ))!!! السلام عليكم ورحمة الله وبركاته

في البدايه تردت كثيرا في عرض الموضوع
بس نتوكل على الله ونبتدي وربنا يقدم الى فيه الخير

ملحوظه هامه

1- كل ما اقوله هو عباره عن وجة نظر شخصيه
لك ان تاخذ بها او تتركها وليسة للنقاش

2- هذا الموضوع للخاسرين فقط
يعني مايجيش حد مبتدء يقلي علمني
ولا يجي حد بيكسب ويقول ياعم ايه الكلام ده انا بكسب الله يسهلك ياعم وسيب الموضوع ده للخسرانين فقط

3- الكلام ده مش جد يد ده قديم بس طريقه العرض مختلفه شويه

نخش في الموضوع

طبعا بما انك خسران انت مستعجل وعايز خلاصة الموضع علشان تكسب وتودع الخسائر
وطبعا دي بقة عاده فيك بتخش كل المنتديات العربيه والاجنبيه لعل وعسي توصل للطريقه
السحريه الى عمرها ماخسرت علشان تحول ال 100 دولار البونص الى ملايين مملينه

بقلك خش في الموضع لحسن انا لسه خسران كام نقطه ومش فاضي

حاضر ياعم الخسران

خلاصه الموضوع

انت بتفهم في التحليل الفني

اه بفهم عايز ايه خلص

يعني بتعرف ترسم ترندات وفيبو ونماذج وكده يعني

اه ياعم انت في ايه مش بقلك بفهم في التحليل الفني

طيب السؤال الوجيه هنا انت بتخسر ليه ؟؟؟

اه انت جيت على الجرح اصلي لو عارف العيب فين كنت كسبت

اقلك انا العيب فين

الحقني بسرعه انت عارف مش فاضي ومستعجل

العيب مش فيك

طيب حلو

والعيب مش في السوق

طيب حلو العيب في ايه

العيب في طريقه استخدامك لادوات التحليل

وهذا هو الغرض من الموضع كيفيه استخدام ادوات التحليل

واول حاجه لازم تتعلمها ايها الخاسر

الصبر

ملحوظه اخري
الرجاء من الاعضاء عدم الرد لحين الانتهاء من الموضوع

فااااااااااااااااااصل زمني طوووويل ونوااااااااااصل

fesal111 · 11-09-2009, 08:32 PM

انا اعرف احلل واعرف ارسم بس خسارتي 95%منها من الطمع واقول انها بتوصل زياده لاكن اخسر ونصيحة لجميع الاخوه انتبهو من الطمع هو اكبر خسارة في الفوريكس وتقفل الربح عند 10% حتى لو وصل فوق الخمسين بعد الاغلاق احسن من ان تغلق -100%او -50%

تقبلو تحياتي,,

heem550 · 11-09-2009, 09:18 PM

اقتباس:

المشاركة الأصلية كتبت بواسطة fesal111

انا اعرف احلل واعرف ارسم بس خسارتي 95%منها من الطمع واقول انها بتوصل زياده لاكن اخسر ونصيحة لجميع الاخوه انتبهو من الطمع هو اكبر خسارة في الفوريكس وتقفل الربح عند 10% حتى لو وصل فوق الخمسين بعد الاغلاق احسن من ان تغلق -100%او -50%

تقبلو تحياتي,,

معلش اخي الحبيب كلنا هذا الرجل
تابع لحد الاخر وان شاء الله تجد مايسرك

والرجاء من الاعضاء عدم الرد لحين الانتهاء

وتقبلو ودي

المليونيرة · 11-09-2009, 10:08 PM

الله يباركلك ..مشكور على النصيحة أكيد حيكون منها فائدة كبيرة للرابحين او الخاسرين...
بس عندي رجاء ..( تبديل كلمة الخاسرين با ( لتكونوا من الرابحين!!!)

تفائلوا بالخير تجدوه

لك شكري وتقديري

fanky14 · 12-09-2009, 12:58 AM

حبيبي هيما انا مش متابع حاجه خالص بس حبيت اقولك مساء الانوار ياكابتن

heem550 · 12-09-2009, 01:20 AM

السلام عليكم ورحمة الله

ارجو ان لا اكون مطول عليكم

بس ان شاء الله هحاول اخلص بسرعه على قدر المستطاع

نخش في الموضوع

قبل ما نعرف نربط ادوات التحليل مع بعض
في شويه مفاهيم احب اشرحها الاول

فتح مخك معايه ياصديقي الخاسر

دايما نسمع كلمه اصبر

طيب اصبر على ايه؟؟

هنقسم الصبر على ثلاث انواع

-1صبر على تكون الفرصه
بمعني انك تستني الفرصه المناسبه للدخول في السوق

-2صبر على السعر ( اصتاد السعر مش هو الى يصتادك(
بمعني انك تحاول بقدر الامكان انك تدخل من سعر مناسب للصفقه المنشوده

-3صبر على تحقق الهدف
بمعني انك تحلل صح وتدخل وان شاء الله هدف او لا قدر الله استوب

مفهوم الوقت والفجوه الزمنيه بين الاعضاء

سؤال مهم ليه الوقت مقسم على الشارت ربع ساعه ونص وساعه واربعه ويوم وغيره؟؟؟؟؟؟

علشان كل وقت ليه تعامل خاص جدا
وكمان علشان تعرف انت هدفك او خسارتك ممكن تتحقق في كام شمعه

هنضرب مثل
انت دخلت صفقه تتوقع وصول الهدف في كام شمعه هنقول مثلا 3شمعات

طيب تعاله نحسبها لو انت محلل على الاربع ساعات هنضرب 3*4
يعني انت محتاج حوالى 12 ساعه لتحقق الهدف
وكذلك لو على اليوم يبقه ثلاث ايام
ولو على الساعه يبفه ثلاث ساعات

عرفت انت محتاج الصبر في ايه

الفجوه الزمنيه مابين الاعضاء

تلاقي واحد عامل تحليل على الساعه وبيقلك ده كاسر ترند
تيجي انت تقول خلي بالك ده على الاربع ساعات عند مستوي 50 فيبو
او على اليوم عند مستو 23 فايبو

وتلاقي ان التحليلين صح

بس لو فكرت شويه تلاقي ان ديل شمعه اليوم ممكن تكون شمعتين اربع ساعات
وممكن ديل شمعة الاربعه عباره عن شمعتين ساعه
وممكن جدا كل تحليل يجب اهدافوا المنشوده

مين اقوي من مين؟؟

هل مثلا الدعم والمقاومه اقوي من كسر ترند ام العكس
وهل خطوط الفيبو اقوى منهم ام العكس

دي بقه هنعرفها واحنا شغالين في الموضوع

والرجاء من الاعضاء عدم الرد لحين انتهاء الموضوع

heem550 · 12-09-2009, 01:28 AM

ان شاء الله

الموضوع بسيط جدا

هنتعمق في دراسه الترندات وكيفيه الاستفاده منها وكمان الفيبو والدعم والمقاومه

وكيفيه ربطهم مع بعض لتحديد الاهداف والاستوب

ولو لقينا نماذج في السكه هنشرحها

الرجاء من الاعضاء عدم الرد لحين الانتهاء من الموضوع

وتقبلوا ودي جميعا

heem550 · 12-09-2009, 01:29 AM

اقتباس:

المشاركة الأصلية كتبت بواسطة fanky14

حبيبي هيما انا مش متابع حاجه خالص بس حبيت اقولك مساء الانوار ياكابتن

منور الموضوع وياريت ماطولش الغيبه

وتقبل ودي

heem550 · 12-09-2009, 01:33 AM

اقتباس:

المشاركة الأصلية كتبت بواسطة المليونيرة

الله يباركلك ..مشكور على النصيحة أكيد حيكون منها فائدة كبيرة للرابحين او الخاسرين...
بس عندي رجاء ..( تبديل كلمة الخاسرين با ( لتكونوا من الرابحين!!!)

تفائلوا بالخير تجدوه

لك شكري وتقديري

منوره الموضوع

ممكن مليون سلف

ان شاء الله في اخر الموضوع نحول الخسرانين الى كسبانين

وتقبلي ودي

**ELMAALY** · 12-09-2009, 01:39 AM

بما أنه غير مسموح لي بالتعليق في الموضوع هناك حتى يكتمل
أعلق هنا فأقول لك إن مواضيعك رائعة وعقليتك أروع ماشاء الله
الله يحفظك إن شاء الله ويجازيك خير الجزاء
تحياتي يا غالي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تعلم اللغات - تعليم اللغات - نصيحة في تعلم اللغة	aljaziri	منتدى اللغات	23	12-09-2010 08:49 AM
شرح تعلم كيف تصنع نسخه من الويندوز تعمل على كل الاجهزه	mahmoud_n	برامج كمبيوتر و انترنت	1	22-09-2009 01:54 PM
هل تعلم أنا!!!!!!!!!!!!!!	freedom	استراحة بورصات	0	16-05-2009 12:20 AM
لو تعلم ؟؟؟؟؟؟؟؟؟	Light	القسم الاسلامي	0	18-12-2008 07:20 PM

أدوات الموضوع
مشاهدة صفحة طباعة الموضوع أرسل هذا الموضوع إلى صديق

هل تعلم انك لا تعلم؟؟؟ (( للخاسرين فقط ))!!!

منتدى العملات العام Forex

هل تعلم انك لا تعلم؟؟؟ (( للخاسرين فقط ))!!!