29-08-2009, 06:30 PM
|
#1 |
| عضو فـعّـال |  محمد الفيحاني مجنون مي قصيده رائعه ومشهوره توفى بعد هذه القصيده
محمد الفيحاني مجنون مي قصيده رائعه ومشهوره توفى بعد هذه القصيده
الشاعر محمد الفيحاني شاعر قديم وتوفي وعمره ثلاثين عام
وكان يحب بنت اسمها ( مي ) ولم يتمكن من الزواج منها لان ولد عمها احق بها منه
توفي هذا الشاعر وهو في عمر الورود وانشد هذه القصيده التي تغنى بها ويعرفها جميع الشعراء والروايين الخليجيين ( وهو شاعر قطري )
وموجوده هذه القصيده بصوت الشاعر حامد زيد :
شبعنا من عناهم وارتوينا
وعند رسوم منزلهم بكينا
وعقب افراقهم شنا وحنا
وحنينا وثم أنا عوينا
وسايمنا وساقمنا وحنت
لنا حتى المنازل والعنينا
ونادينا وقلنأ خبروهم
تران من محبتهم نعينا
وثرنا من مفارقهم نحلنا
وكان فراقهم طاول فنينا
إلى جيتم منازلهم فقولوا
لهم باقوالنا يا راحلينا
ولا تنسون ماقاله محمد
أمانتكم لها حاملينا
ترانا للذي قالوا سمعنا
وباللي هم بغوا من رضينا
وكل شروطهم نقدم عليها
قدمنا بالذي فنوا علينا
وترانا من مخالفهم رجعنا
وهوننا عقب ماحن عصينا
وثرانا في محبتهم حفرنا
وسيسنا ومن فوقه بنينا
وثرنا في محبتهم ربطنا
ووثقنا وثر فيها عضينا
وثرنا في محبتهم سكرنا
وتيهنا وثرنا مهتدينا
وفيها آه واويلي غرقنا
وهدينا الجدَا وبها سنينا
نخينا من يذكر بالمروة
ولاهل الذات والشيمة عزينا
تكلفنا وهم عنٌا براحة
وذبنا وهم عنا غافلينا
و ناموا ورقدوا واحنا سهرنا
عليهم وهم رويوا والتظينا
وهذا الحب بالزفرات يشوي
ألا يا ويلكم يا عاشقينا
يلين من المحبة كل قاسي
ولو قلبه حجر يازي طحينا
وانا من حر فرقاهم عليهم
تعلمت النياحه والحنينا
أرى راعي الهوى مازال يلعي
ولو تحت الثرى يلعى دفينا
تحملنا الهوى حتى هلكنا
ولولا الحب ما والله لعينا
ولا نحنا ولا صحنا وقلنا
لكم لا نبالي لي عطينا
برمنا وافلتوا هيهات نقضي
وهم ليمن برمنا فاتلينا
أقول ايش لون ياهذي مصيبه
وسواها الهوى ياناس فينا
أنا مادري ومن يدري متى هم
لنا عقب التعذب راحمينا
ومن في النار لى عذب يسامح
ويخرج من له الاسلام دينا
وحنا في تعذيبهم خلدنا
عجب والله وحنا مسلمينا
وراهم ما عفوا والعفو سنة
علاما قلوبهم عيت تلينا
آفكان نفوسنا زلت وعالت
وأخطينا وكنا مذنبينا
فحنأ للعفو منهم طلبنا
وفي حد القصاص لهم مشينا
وتبنا من عظيم الذنب تبنا
لوجهك يا غفور التائبينا
حلفنا مانعود بعزة الله
وغلظنا علينا بألف دينا
ابرب البيت والكعبه وزمزم
إله العرش رافع طور سينا
حشا لله مانخطي عليهم
وإن عدنا فإنا ظالمينا
وإن نكذب فإن الله ربي
يقول إني لعنت الكاذبينا
ومن يمكر ورب البيت ظامن
ومكره فوق مكر الماكرينا
إلهي أسألك ترحم محمد
بجه المصطفى و التابعينا
اسألك بالزبور ومن نزل له
وبالقرآن وآيات تلينا
بتوراة على موسى سألنا
وبا نجيل على عيسى دعينا
اتلامى ما تفرق من شملنا
وتجعلهم علينا راجعينا
علي إن عودوا ستين ليلة
أصوم أيامها نذرا يمينا
وكان استبعدوا عنا وقفوا
وعافوا قربنا لما دنينا
ترانا ما نقاطع في ولهم
نواصلهم ولو هم قاطعينا
نصافيهم على طول الليالي
ولو ما هم غدا كدرٍ وطينا
ولا والله ننسى لو نسونا
على طول الليالي والسنينا
ولو قلنا بننساهم كذبنا
وقل الصدق منا وافترينا
قطعك الله يا ورقٍ تغنى
تذكرنا ! على بالك نسينا
فلو أبطت بنا الدنيا وطالت
حشى لله ما عنهم سلينا
ولا فيهم نلين لقول عاذل
ولا نسمع ملام اللائمينا
ولو هم بالمودة بد لونا
فلا حن عقبهم متبدلينا
عساهم في الرخا لو عذربونا
نراهم في النعيم مخلدينا
طووا عنا كتاب الوصل و احنا
بيبطي عن وصلهم ما طوينا
محمد الفيحاني
.................................................. ...
اذا اعجبك الموضوع و اردت نشره في المنتديات الاخرى فاستخدم هذا الرابط:
محمد الفيحاني مجنون مي قصيده رائعه ومشهوره توفى بعد هذه القصيده
http://www.borsaat.com/vb/t70955.html
التعديل الأخير تم بواسطة hames ; 02-09-2009 الساعة 06:34 AM |
|  |
