و تقييم لورشة عروس البحر.

د.أسامة عادل · 20-06-2009, 07:39 PM

و تقييم لورشة عروس البحر. السلام عليكم و رحة الله و بركاته..
متزامنا مع تحقيقنا للنقطة العشرة الاف فى الورشة و لله الحمد فى فترة زمنية تقل عن 130 يوم عمل و الحمد لله..
و بما اننا نريد ان نرقى بما بنيناه فالتطوير شيئا هاما للغاية..
و بما اننى لن اترك الورشة طالما انا فى روح تعيش و انامل تكتب.
اضافة اننى اسعد كثيرا بمتابعة الكثيرين منكم للورشة و لكن احزن ايضا لعدم اهتمام الاخرين بها..
وددت فتح هذا الموضوع لعدة اسباب.

1-تنبيه الاعضاء لهذا العمل القيم المبنى بسواعد عربية ليصبح احد اقوى المواضيع فى المنتديات العربية.
2-تطوير لطريقة العمل و سرد العيوب و المزايا.
3- احتفالا مع الجميع بهذا الانجاز الذى اراه طيبا و الحمد لله..

لذلك رجاء ضع رأيك فى الاستطلاع عن الورشة
ايضا رجاء ذكر مزايا و عيوب الورشة و طريقة افضل للتنظيم و الادارة و طبعا انا اعلم اننى قصرت كثيرا ولكننى اتابع كثيرا ايضا..
مع ذكر كيف اثرت الورشة فى نفسك و كيف غيرت من مفهومك للفوركس و ما مدى تأثير هذا التغيير..

هذا الموضوع ليس استعراضا للعضلات حاشا لله و لكنه فقط لتنبيه من لم ينتبه لهذا العمل و ابتهاجا بفرحة فوزنا..
الله كريم.,

مصطفى عماشة · 20-06-2009, 07:43 PM

بصفتي اكثر المستفيدين واكثر الناس اللي اتعلموا ومنها ومازلت بتعلم فانا قيمتها طبعا
ممتااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااازة

**ahmadforex** · 20-06-2009, 07:44 PM

يشرفني انا اكون اول من يقول رايه في الورشة اللي الجميع يعرف اعتزازي بيها و اني عضو فيها و يمكن انا مش شاركت برايي في صفقات كتير منها يمكن صفقة او اتنين اللي عرضتهم فيها و باقي الفرص من اعضاء منهم من تعلم علي يد الدكتور اسامه و منهم من تعلم بعيدا عن الورشة و لكنه استفاد اكثر بالكلاسيكي في الورشة
و يشهد الله اني من قبل هذه الورشة لم اكن افقه شيء في التحليل الكلاسيكي و كان معظم اعتمادي علي المؤشرات و التي كنت اظنها افضل الطرق و لكني سريعا ما وجدت ان الكلاسيكي لا يوجد افضل منه
الصراحة انا علشان اقول عيوب و مميزات محتاج كتيير بس هقول ان شاء الله في مشاركة قادمة ان شاء الله بعد ان اجهز الكثير من المميزات و القليل من العيوب ان وجدت

شكرا يا دكتور علي كم المعلومات الافضل من كم النقاط التي ربحناها من متابعتنا لهذه الورشة العملاقة

vik · 20-06-2009, 07:59 PM

السلام عليكم
بصراحة انا اتعلمت الفوركس من الورشة وموضوع الفوركس من لالف للياء لاثنين فهمت منهم حاجات كتير وقبلها مكنتش عارف اي حاجة في اي اتجاة وربنا يجازيك خير يدكتر وبازن الله موسم لامتحانات اوشك علي لانتهاء والعودة بقوة بازن الله
تقبل احترامي وشكري العميق

m10000 · 20-06-2009, 08:07 PM

أول حاجة ان الورشة أقل تقييم ليها (ممتااااااااااااااااااااااااااااااااااااااااازة).. ....................

أنا بدأت فوركس قريب و كان كل همى استرتيجيات التداول و اما تكسب أو تخسر

لكن فى الورشةو من الدكتور (NESR) و كل الأعضاء أتعلمت أحلل الكلاسيى و أفهم حركة السوق و أفهم أنا داخل ليه و هخرج ليه

و مستناش حد يأولى و يتحكم فيا و أفضل أعد على أعصابى

(يمكن واحد يأولى ازاى بتأول كده و أنت لسه جديد فى الفوركس) هأوله الفوركس أساسها ادارة رأس مال وأى حد أدار رأس مال أبل كده هيفهم الكلام ده كويس

بجد الورشة الى يدخلها مش ممكن يسيبها تانى و بجد هتلاقيها زى بيتك كلها ناس محترمين و يقدموا المساعدة ليك لو لسه جديد و على أستعداد يجاوبوا على أى استفسار

زى ميكون الكلاسيكى عايش جوه الورشة و روحها الى مخليا الورشة مستمرة و دايما ان شاء الله

المزايا و العيوب فى المشاركة القادمة

m10000 · 20-06-2009, 08:20 PM

المميزات:

1-روح التعاون و العمل كفريق

2-طريقة التحليل للورشة(الكلاسيكى)

3-التعلم قبل الربح ولو ان الارباح مش هأقول عليها حاجة خش وشوف بنفسك

أظن ورشة فيها فريق زى ده و بتستعمل أفضل طرق للتحليل و كل يوم تتعلم منها حاجة جديدة و بتكسب أرباح بسم الله ما شاء الله زى ما الدكتور قال

مفيش ورشة أفضل من كده

الملاحظة الوحيدة ان مشاركات الدكتور قليلة و لكن احنا عرفين هو مشغول اد ايه و ربنا معاه

بصراحة أعدت أقلب فى دماغى مش لاقى عيوب

heem550 · 20-06-2009, 08:36 PM

السلام عليكم ورحمة الله

انا هقول رئيي من غير مجامله وياريت ماحدش يزعل

وانا بتكلم عن نفسي بس

اول حاجه انا ماستفتش من الورشه بحاجه
يعني وجودها من عدمو مش هتفرق كتير معايه

انا شفت ناس كتير استفادت والى يقول غير كده يبقه بياكل وينكر
زي القطط

انا اتعلمت من موضوع الفوركس من الالف للياء وجزاك الله خير يا دكتور

اما مميزات الورشه

العمل الجماعى وده شئ كويس

والكلاسيكي رؤيه للسعر

اما عيوب الورشه

لما السوق بيمشي عكس التحليل الكلاسيكي فطبعا بيضرب استوبات

تاني حاجه مفيش خطة عمل ماشيه عليها الورشه ( واما عدد النقاط فده عداد مش اكتر )

يعني الورشه تعتبر عرض للفرص مش اكتر

علشان كده مفيش انجزاب كبير ليها

وكمان تلاقي ناس اتصفرت حسابتها وكل ده لعدم وجود خطة عمل

وجهة نظر شخصيه

عدم استفاتي من الورشه

ان الفرص للتتناسب مع الرصيد وكمان بيكون الاستوب كبير في بعض الاوقات
او الدخول بعقدين وبردك لايسمح الرصيد بذالك

بعض الاوقات مش بلحق الفرص

مفيش خطة امش عليها
فا مش هتفرق اني اكسب ولا اخسر مع الورشه وطبعا مش بدخل الفرصه

وشكرا وبالتوفيق للجميع

**ahmadforex** · 20-06-2009, 08:42 PM

بسم الله الرحمن الرحيم

اولا التقييم طبعا اكتر من ممتاز و لكن يجب ان ندرس اسباب هذا التقييم

المميزات :

1 الورشة ليست ورشة توصيات و لكن الهدف الاسمي و الاهم هو التعليم و لو لاحظنا بداية الورشة و الان هنلاحظ ان البداية كانت كل الفرص من الدكتور و كان الدخول بيبقي بوضع توصية و الدكتور بيقول اسباب الدخول و سعر الدخول و الخروج لكن دلوقتي الفرص مش بس الدكتور اللي بيحطها لا كل الاعضاء بيحطوا الفرص و و بنتشاور فيها و لو الدكتور بيقول فرصة هوه بيحلل زوج معين و اوقات بيقول سعر الدخول و اوقات بنفهم احنا و بنقدر نتعامل مع السوق و نفهم هنعمل ايه من غير منكون بنفتح صفقة مش فاهمين سببها او سبب وضع الستوب

2 الورشة بتعتمد علي التحليل الكلاسيكي و هوه يمكن من اصعب و ابسط التحليلات و طبعا هوه صعب لان تعلمه يحتاج الي صبر و لكنه سهل و بسيط لان بمجرد ان يحفظ واحد اساسياته و يبدا يحفظ الشارت و خبرته تزيد يوم بعد يوم و يربط الازواج ببعضها علي شكل شبكة و يتعامل مع الشارت و الترند العام و الترندات الصغيرة و الكبيرة و الفريمات الصغيرة و الكبيرة هيلاقي نفسه متعايش مع الشارت و بيمشي معاه خطوة خطوة و كانه فاهمه و حفظه لكن لو واحد ماشي مع مؤشرات هيلاقي انه مش بيبص علي شارت لا ده بيبص علي مؤشر بيديله امر و هوه بينفذ لكن مش عارف حتي فكرة المؤشر مبنية علي ايه ( مع احترامي لكل من يستفيد من المؤشرات و لكن قلة منهم من يفهم كيفية التعامل معها )

3 الورشة هيه الوحيد او من المواضيع القليلة التي لم الاحظ فيها خناقات او مشاكل و كلام وحش او غضب من الاعضاء و اشياء شاهدتها كثيرا في الكثير من المواضيع و ده مش دليل ان المواضيع التانية وحشه لا بس دليل علي قوة و شموخ هذا الكيان و ان كل اللي فيه يجمعهم حب لا مثيل لا و فعلا تستاهل الكثير هذه الورشة

4 الورشة ياما خرجت ناس فهمت يعني ايه فوركس و يعني ايه تحليل كلاسيكي و امازلت حتي الان اشاهد الفرص السابقة منذ بداية الورشة و الاحظ كم ان الكلاسيكي بحر كبييييير و من يستطيع السباحة فيه سوف يصل الي بر الامان لا محالة و لكنه يحتاج الي صبر و التعلم و التعلم و التعلم

5 روح الحب و التعاون اللي موجوده بين جميع الاعضاء و ايضا من الدكتور اللي بيعلمنا صح و يفهمنا غلطاتنا و انا افتخر اني اكون واحد من تلاميذه فوركسا و ايضا افتخر اني اكون في كلية صيدلة اللي اتخرج منها عبقري فوركس زي نسر مصر

6 7 8 9 10 لحد مليون بجد مش هقدر اقول اد ايه مميزات في الورشة بس اللي يدخل الورشة هيعرف اد ايه الورشة دي كيان ليس له مثيل في اي منتدي عربي اخر

العيوب:

الصراحة مش عيوب بس انا هقول رايي في نقطه ممكن اكون غلط فيها بس انا اخدت بالي منها و هيه لا تؤثر في قوة الورشة و لكن علشان محدش ييجي بعد شهر ولا حاجه يدورلنا علي غلطه و يقول ان ال 10000 دول غلط
هههههههههههه
النقطه اللي هتكلم عنها هيه الصفقات القليله اللي ضرب فيها ستوب لوز و هيه فعلا قليله لكن المشكلة ان الدكتور كان بيحسب ستوب بتاع عقد واحد مش عقدين و في حالة الربح بيبقي مثلا ربح عقد 50 و الربح الاخر مفتوح يبقي كان المفروض في حالة الخسارة يبقي الستوب مضروب في عدد العقود

انا مش عارف اذا كانت ملاحظتي صح ولا الصفقة اللي انا شفتها دي كانت وليدة صدفة و لكن حبيت اقول رايي بامانة و اذا كان رايي صحيح ده مش هيؤثر علي ال 10000 نقطه و هنعتبرهم 9000 نقطه و بعد اذنك باه يا دكتور كمل الورشة لحد متوصل 10000 و بعدين ارتاح براحتك
هههههههههههههه فرصة اهه يا جماعه الدكتور يكمل معانا شوبة كمان

هناك اقتراح و طلب يا دكتور و اتمني انه يعجب حضرتك

اننا نبدا رحلة في الورشة و هتبقي رحلة نشترك فيها جميعا و نبدا برصيد معين بعد ما حضرتك تاخد الاجازة و الناس تكون خلصت امتحان و نبدا مع بعض من البداية و الرحلو تكون ليها قواعد طبعا حضرتك تحطها و نبدا مع بعض من البداية رحلة الي نهايتها ان شاء الله و ده هيخلينا نحس بجد بقيمة الورشة و نلمس ال 10000 نقطه دول في الواقع لاني مظنش ان حد اخد ال 10000 نقطه دول ههههههههههههه لان اكيد في ناس ضاع منهم صفقات كتير من الصفقات اللي في الورشة و فيه طبعا اللي بيلعب بديلة بره الورشة و بيدخل صفقات تاني بتضيع الربح بتاع الورشة ( و انا من الناس دول هههههههههههه)

علشان انا كده انا بتمني نبدا رحلة خاصة بالورشة و خاصة بالكلاسيكي عامة و اتمني الاعضاء يطالبوا بالاقتراح ده

بالتوفيق ديما يا دكتور اسامة و مازلت اكرر اني افتخر اني اكون تلميذ ليك في التحليل الكلاسيكي

شكرا يا نسر مصر

m10000 · 20-06-2009, 08:54 PM

فعلا يا دكتور الواحد بيستفيد من الورشة فى تعلمه للكلاسيكى و بيحقق ربح ممتاز من ده

لكن لو الورشة بقى ليها خطة و هدف

ده هيكون ميزة تضاف للورشة

و مش تصليح لعيب بيها

**freebalad2003** · 20-06-2009, 10:35 PM

السلام عليكم
اولا شكرا لك اخي العزيز
د أسامة
على كل ما بذلته و ما تبذله من جهد و تعب لتعلمنا مباديء الفوركس
و طرق المضاربة الصحيحة فجزاك الله خيرا اخي الغالي.
اما بالنسبة للورشة فاعتقد انها ليست تعليمية بقدر ما هو عرض للفرص
مع شرح اسباب الدخول و اظنها نفس موضوع كافييه العرب في منتدى الجيران.
و لكن موضوعيك الفوركس من الالف الى الياء و النظرية النسبية فكانا يكمل
بعضهما الاخر و موضوعين تعليميين و بحق و هما قد خدما الورشة اكثر مما
خدمتهما و الخدمة التي قدمتها لهما هو انها اصبحت المكان المناسب لتطبيق
ما تم دراسته في الموضوعين المذكورين و مواضيع اخرى بدات تطرح مع الفرص
فتقييمي سيكون لجهودك و جهود الشباب الذين لا زالوا يدرسون ليتعلموا اكثر و يعرضوا
الفرص فالورشة فان التقييم مهما كان سيكون قاصرا و لا يفي حق اقل واحد قدم شيئا
في الورشة , هذا رأئي و لكل منا رايه و ارجو ان لا يزعلك او اي احد من الشباب
اما العيوب التي بدات الاحظها في الورشة , فهو وضع الاوردرات على تخمين انه
سيحصل و هذا من الاخطاء القاتلة و التي وقعت انت فيها و بعض الشباب حيث
توضع الاوامر بناءا على توقع اختراق مقاومة او كسر دعم و قد يحدث اي منهما
و تتفعل الاوامر و لكن السعر يعود ادراجه لان الذي حصل لم يغلق شمعة و لا حتى
نصف ساعة و ما تعلمناه منك انت بالذات أن توضع الاوامر بعد اغلاق شمعتين
على الاقل و حسب نوع الفريم الداخلين فيه على الصفقة , و اني كنت استغرب
من ذلك الدخول و لكني لم اعلق في حينها لاني لم اكن احب ان اعمل شوشرة قد
تاخذ منحا غير ما اقصده
و دمتم بخير

مشاهدة نتائج الإستطلاع: ما رأيك فى الورشة و تأثيرها عليك..
ممتازة	18	85.71%
جيدة	2	9.52%
مقبولة	0	0%
سيئة	0	0%
لا اهتم	1	4.76%
المصوتون: 21. أنت لم تصوت في هذا الإستطلاع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
11 دليل جده عروس البحر الاحمر	flying bird	السياحة و السفر	0	17-11-2009 04:20 PM
عروس البحر المتوسط	عمر حسين	السياحة و السفر	0	18-10-2009 06:40 AM
صور لاحلى عروس البحر الاحمر جدة	حسااام	السياحة و السفر	0	10-08-2009 10:10 AM
مجمع عروس البحر	flying bird	السياحة و السفر	0	13-07-2009 07:00 AM
صور عروس البحر يافا	expert	السياحة و السفر	2	26-06-2009 12:58 PM

أدوات الموضوع
مشاهدة صفحة طباعة الموضوع أرسل هذا الموضوع إلى صديق

و تقييم لورشة عروس البحر.

منتدى العملات العام Forex

و تقييم لورشة عروس البحر.