موقع بورصات
 
بورصات
تسجيل عضوية جديدة في المنتديات لوحة تحكم العضو البحث في المنتديات تسجيل الخروج الرئيسية الاتصال بنا

منتدى العملات العام Forex لمتابعة كل ما يتعلق بتجارة العملات الاجنبية – الفوركس والذهب والنفط من اخبار وطرق المتاجرة وتحليلات ، قسم التوصيات – توصيات العملات لمتابعة توصيات فوركس ونقاط الدخول والخروج على مختلف العملات ، منتدى الدروس التعليمية – فوركس يحتوي على دروس تعليمية لسوق العملات والتحليل الفني والاساسي وادارة رأس المال فوركس ، منتدى المؤشرات والاكسبيرتات يحتوي على اهم المؤشرات مع شرح لها بالاضافة الى بعض الدروس

العودة   بورصات > المنتديات العامة > استراحة بورصات > القسم الادبي ، شعر ، قصص ، روايات

رواية انت غرامي وجنوني بدون ردود

القسم الادبي ، شعر ، قصص ، روايات

إضافة رد
 
أدوات الموضوع
قديم 18-06-2012, 05:53 PM   #21
عضو نشيط جدا
 

افتراضي رد: رواية انت غرامي وجنوني بدون ردود

رد: رواية انت غرامي وجنوني بدون ردود
((الجزء التاسع عشر))

سعود" تجمدت.. حسيت الدم جمد بعروقي...وبطعنه بقلبي..من احساسها
بنطق هالكلمه..غمضت عيوني بالم..لاني عارف انه احساسها وحبها
كله لوليد..هي فاقده الذاكرة..واكيد انها بتوجه كل احساسها لاقرب شخص
مقارب للانسان الي حبته..وعشقته..حضنتها وانا ودي اقوم واطلع احس
اني مكتوم...":.........................

رغد"مانمت لاني كنت شبعانه نوم.. جلست اتامل وجهه..حسيت بصراع
داخلي.. احس بالراحه الامان..واعرف اني احبه.. بس ليه احس بالخوف
واحس بشويه غربه..وانا بحضنه..في احساس غريب.. ماني عارفه
ايش هو بالظبط... بس في شئ ..في حاجز.. كبير بيني وبينه..رجعت
انسدحت ع صدره.. وصرت اسمع دقات قلبه..غمضت عيوني وتذكرت
شكله يوم قلت له احبك.. كيف ارتجف .. وجمدت ملامحه.. ليه كذا..وش
يالي صاير.. او كيف هي حياتنا بالاساس.. بس اظن انها حلوة ومليانه
حب ..وتفاهم.. لانه هذا احساسي..فجاءة حسيت بصداع.. ومثل لمح
البصر.. مرت على لحظه ..ذكرى..كنت جالسه واحرك يدي ع بطني
شكلي يوم كنت حامل بجنى...وكان سعود معي وكان حنون بالحيل معي
.. ابتسمت.ورفعت نظري له..هذا سبب عدم خوفي منك ع اني مااتذكرك
عارفه اني احبك.. وعارفه انك الوحيد يالي توفر لي الامان والحنيه والحب
حسيت بالنعاس من التفكير ونمت وانا بحضنه...........

سعود" انتبهت لدخول الممرضه..":.........
الممرضه"وهي تعدل بالمغذي ..": وقت العلاج
سعود" انحرجت من الوضعيه يالي كنا فيها... حاولت اقوم بس هي
كانت متمسكه.. وخفت تصحى..الممرضه صارت تبتسم واشرت لي
انه ماله داعي اقوم .. كلها لحظات وبتخلص..":...........
خلصت وبعدها طلعت...ناظرت الساعه..2 الظهر...وبصوت واطي
": رغد... رغد
رغد" كنت مستمتعه بنومتي":هممم
سعود"يحرك يده ع ظهري": يلا قومي ياكسلانه..
رغد"حضنته اكثر": لا بدري ..ماشبعت نوم
سعود" ابتسمت ع شكلها وكيف كانت ع طبيعتها ومن غير قيود":لا وين
يالي تقول مافيها نوم..هاهـ
رغد"خبيت وجهي بصدره":هههههه "بعدها رفعت وجهي":تصدق النومه
بحضنك شئ خطيررر..شكلي مزعجتك ماانام الا بحضنك صح
سعود" ماعرفت وش اقول لها .. هل صدمها بحقيقه وضعنا او امثل
واتغمص دور وليد... اكتفيت بابتسامه":..............
رغد"قمت من عنده وانا حاسه بنشاط..بس مازال التعب فيني":صباح الخير
سعود"يحرك يده ع خشمي": قولي مساء الخير..يلا قومي شوي بقوم
رغد" بخوف": وين
سعود: لاتخافين ... بروح اتوضا واصلي.. وانتي بعد قومي
رغد"مدري كيف ذكرت الصلاة... والوضوء..يمكن لانه شئ فطري
عند المسلم": ليه كم الساعه
سعود:2 الظهر
رغد"بفزع": ياربي اخرنا الصلاة .."وقمت من مكاني"
سعود"قام هو بعد": طيب قومي توضي ..وصلي..بس بسالك تذكرين
كيف
رغد" بابتسامه": تصدق مستغربه اني اذكر كيف" وضحكت"
سعود"رديت لها الضحكه": طيب يلا روحي وانا رايح للمصلى
رغد: لا لاتروح صل هنا
سعود: انا لازم اروح البيت يارغد بروح اتروش.. واغير ملابسي
وبرجع لك لاتخافين
رغد" بزعل": بتتركني لحالي
سعود: لا امك ومشاعل اختي وامي راح يجون الحين
رغد"كنت راح اصيح.. ماابي اشوف حد.. وماابيه يبعد عني..مدري ليه
للحين ماني متقبله حد..":سعود
سعود" بحنيه": سمي
رغد"بتردد": ممكن اطلبك شئ بس لاتزعل
سعود: وش
رغد: ممكن ماتخلي حد يجي.."وصرت افرك يديني"ماابي اجلس لحالي
معهم ...خلهم يجون يوم تجي انت
سعود" مشيت لعندها ورفعت وجهها": بس هذول اهلتس واهلي وانتي
تحبينهم ومتعوده عليهم
رغد"بضيقه باينه":بس مااتذكرهم .. وماني مرتاحه اجلس لحالي معهم
تكفى سعود.. روح غير بس لاتخلي حد يجيني
سعود" بضيقه ع حالي.. وبضيقه اكثر عشان امي اليم يته وتحضني
": طيب بس بشرط
رغد: يالي تبي
سعود: راح اخليهم يجون بعد ماارجع لتس.. بس ماتردين حد يوم يبون
يحضنونك .. هم اهلك ومشتاقين لتس.. وماصدقوا صحيتي من يالي
كنتي فيه
رغد" بتفكير": بس ماتتركني لحالي معهم
سعود" يبوس جبيني": ان شاءالله ... يالله روحي توضي وصلي..ومااجي
الا وانتي متغديه.. سامعه
رغد"بدلع ": لا ماراح اكل الا من يدك
سعود" ذاب قلبي ..ع دلعها": يمكن اتاخر
رغد: بستناك...
سعود"بابتسامه": طيب تامرين ع شئ
رغد: لا سلامتك حبيبي
سعود" رجف قلبي من الكلمه..ابتسمت": يالله فمان الله
رغد: بحفظ الرحمن

صليت الظهر وتوجهت ع طول للطبيب ودخلت مكتبه وجلست ...
سعود: دكتور .. فقدان الذاكرة عندها مؤقت ولا كيف
الدكتور:والله من التحاليل والاشعه يالي قدامي ... ماضنيت انها مؤقته
سعود: طيب .. وشلون نتعامل معها.. يعني يالي سمعته وقريته انه تكون
حالتهم حرجه يالي يفقدون الذاكرة.. ولازمن يكون التعامل معهم بشكل
حساس.. عشان نتفادى الانهيار النفسي..ولا انا غلطان
الدكتور: كلامك صحيح اخ سعود.. عشان كذا لازم نتعامل بحرص
شديد مع المريضه ونمنع أي ضغوط نفسيه عليها .. ونمشي الامور.ع
حسب .. تفكيرها وحيطها.. وطبعا لازم اشياء محفزة..عشان تسترجع
ذاكراتها.. وتبعدونها عن أي ذكرة سيئه
سعود" باهتمام": ليه
الدكتور: أي ذكرة سيئ هاو حادث مزعج.. راح يسبب للمريضه ..حاله
من الضياع والخوف.. وبكذا راح تبني حواجز كثيررة عشان ماتذكرها
والظغط النفسي المصاحب للحواجز هذي ..يسبب بانهيار وقد يؤدي احيانا
للجنون..
سعود" تنهد": طيب وش الطريقه المتبعه معها
الدكتور: انا راح اعطيك اسم دكتورة نفسيه تتابع معها الحاله... وتقدر انت
والمريضه تراجعونها.. ولما تشوفها .. وع اساس تقييمها للحاله راح
النصايح يالي تتبعها معها
سعود: طيب.. متى تقدر تطلع من المستشفى
الدكتور: راح نخليها هاليومين تحت الملاحظه.. وبعدها ان شاءالله
راح نكتب لها خروج
سعود"يقوم": ع خير يلا عن اذنك
الدكتور: اذنك معك
طلعت من عنده وانا حاير اكثر... ماني عارف وشلونا تصرف معها...
رحت ع طول للدكتورة .. والحمدالله دخلت عليها ع طول من غير أي
انتظار.. او حجوزات.. دخلت عندها وبعد مابينت لها حالة رغد..ووش
كان وضعها مع اخوي الله يرحمه.. وعن وضع زواجنا...
الدكتورة: زي مافهمت انه كان بينكم خلافات شديده قبل الحادث
سعود: ايوا مثل ماقلت لتس يادكتورة
الدكتورة"وهي تكتب ملاحظاتها":هو لازم اشوفها عشان اعرف ايه يالي
بدور بفكرها.. بس يالي فهمتوا منك انك.. اول شخص لجأت له من بعد
افاقتها من الغيبوبه.. دا معناه ..انو بعقلها الباطني.. ومن غير ماتعرف
انك انت سعود.. وايه شخصيتك..اتطمنت لك..بسبب انك كنت اقرب
شخص لها وهي بالغيبوبه..ودا طبيعي..انها تنشد وتتعلق..بالصوت
وكيان الشخص المرافق لها بغيبوبتها..يالي هوا انتا..بس عشان نتفادى
أي انتكسات.. لازم تمشي معها .. ع الي يريحها.. وتبعدها عن أي وضع
يضايقها او يسبب لها أي ازعاج.. ع قد ماتقدر.. لحد ماتبدى ذاكرتها
ترجع لها بشكل تدريجي..
سعود:طيب يادكتورة مثل ماشرحت لتس... هي تظن اني شخص ثاني
الدكتورة: بالوقت دا عاوزك تجاريها ..لانك انت الشخص..الوحيد يالي
امنت لوه..وبعدت كل الحواجز وتعلقت فيه..فالي عليك..انك تسايرها
بكل حاجه.. وتفهم يالي هايعيشوا معها انهم ..مايغيرو من أي حاجه
بتفكيرها بالوقت هذا.. لحد ماهيا تجي وتسال عن حاجه افتكرتها..وطبعا
بعد مراجعتي..
سعود" بحيرة": وكيف راح يكون .. يعني اقصد.. هل تعيش حاله
مم.. اقصد حياتنا الزوجيه كيف تكون.. واقول لها انها كانت متزوجه
من قبل.. واني متزوج قبلها.. ولا كيف
الدكتورة: لا دلوقتي لا دا صعب عليها انها تستوعبه..كل يالي عليك
انك تخبي كل حاجه عن ماضيها..لحد ماتتشفى تمام ..وترجع صحتها
مثل قبل..
سعود" ناظرت الساعه": طيب متى اقدر اجيتس معها
الدكتورة: انا هاديك رقمي بالعيادة.. لما تحس انك حيران بحاجه ...
بخصوصها.. تصل على فورا.. او لما تحس بانتكاسه ليها..اووك
سعود: ان شاءالله .. يالله عن اذنك
الدكتورة: ازنك معاك

رجهت البيت ..سلمت ع امي وعمتي الي كانت موجوده..طمنتهم عليها و
قلت لهم يتجهزون ع مااتروش واوديهم...كانت الغرفه مقلوبه فوق ع
تحت ..صدق مكانها كبير بحياتي...ترتيبها.. اهتمامها.. نظافتها..
تنهدت... وطلعت ..نزلت وامي ومشاعل وعمتي متجهزين
سعود: يلا انتظركم بالسيارة
مشاعل" تقوم": يلا امي .. عمتي

وصلنا المستشفى.. وطلبت منهم ينتظرون عشان اقولها انهم بيدخلون..
دخلت... وكانت جالسه ع السرير وتهز رجولها بتوتر..يوم شافتني.. فزت
من مكانها وجت بسرعه لعندي.........
رغد"بخوف..وزعل": ليه تاخرت ضنيتك منت جاي
سعود" بابتسامه": اسف.. بس انشغلت .. وحاولت قد مااقدر مااتاخر
اكثر من كذا.. الا قولي لي اكلتي ولا لا
رغد"ماكنت مشتهيه اكل أي شئ.. مدري ليه من طلع من عندي وانا
حاسه بضيق العالم كله فيني": لا
سعود" بزعل": وليه مب قلت لتس تغدي
رغد"بدلع ": مااشتهيت ..وقلت ابنتظرك
سعود" ابتسمت لطريقه كلامها.. اسلوبها اسرني...تمنيت الاسلوب هذا
يكون.. صدق من غير فقدانها.. ويكون باقتناع وحب لي..":طيب
الحين بيدخلون امي وامك واختي ..مثل ماقلت لتس لاتردينهم
رغد"بشويه خوف.. لاني مب عارفتهم ولا ذاكرتهم":طيب ..بس ما
تتركني لحالي معهم
سعود" مسكت يدها": ان شاءالله

ثواني الا عمتي تدخل .. وتجري لبنتها وتحضنها بحرارة.. بعكس برود
رغد..
ام رائد" حاضنة رغد":الف الحمدالله ع سلامتك يايمه.. الف الحمدالله
رغد" ارتحت بحضنها.. بس في احساس صد لي من جهتها..حاولت
ابعد ماقدرت..":الله يسلمك
ام رائد" وهي تبكي":يمه اشتقت لك.. طولتي علينا بنومتك
رغد"كنت اناظرها ودموعها يالي ع وجهها ..كانت صادقه باحساسها
بس..مدري ليه..ماتفاعلت معها ولا تاثرت ..كل يالي همني..انها تبعد
عني..":...........
ام رائد"وللحين حاضنتني":في شئ يوجعك.. انتي بخير
رغد:ايه بخير
ام رائد: الحمدالله لك يارب...اللهم لك الحمد والشكر"وصارت تبوسني
وتحضني"
رغد"ناظرت بسعود.. ابيه يبعدني..وعرفت انه فهم على لما صار يهز
براسه"بمعنى" معليش شوي بس تحملي"
ام راشد"جات لعندي حرمه ثانيه وماني عرفتها بعد..وبدموعها ":هلا يمه
وشلونتس.."وحضنتني":الف الحمدالله ع سلامتس ..تو مانورت
دنينا..لاتعودينها يمه ثاني.. وتتركينا..
رغد: الله يسلمك
ام راشد"حضنتني بقوة":الله يخليتس لنا ..ويحفظ من كل شر
رغد: مشكورة
مشاعل"قربت مني بنت ..وباين من شكلها انها حامل.. وحضنتني بعد
": وحشتيني يادبه... وربي ماقدرت ارتاح الا يوم جيت هناوشفتس
بعيوني..الحمدالله ع سلامتك يالغاليه
رغد: الله يسلمك
مشاعل:ماعرفتيني.. ماتذكريني
رغد"ماعرفتها.. واول مره اشوفها":لا
مشاعل"تضايقت..امها ماعرفتها بتعرفني انا يعني":ان شاءالله مع الايام
بتذكرينا
رغد: ان شاءالله
سعود: يالله اخليكم ع راحتكم
رغد"بخوف":لا تروح
سعود"كنت بطلع ابخلي عمتي..تاخذ راحتها..بس رغد وخوفها وتوترها
خلاني اتردد..بس لازم تتعود..لاني مااقدر اكون معها طول الوقت..
":بجلس انتظر عمي واخوك برا..ماني رايح مكان
رغد"بزعل": طيب انتظر هنا
سعود"بابتسامه": لا وش يجلسني بمجلس حريم
رغد"بزعل":طيب
سعود"بصوت هامس":لاتخافين هذول اهلتس ومهب ضارينتس
رغد"كنت شوي وبصيح":طيب لاتبعد خلك عند الباب
سعود" بحنيه": ان شاءالله
وصلت عن باب الغرفه وتذكرت.. رجعت وناديت مشاعل .. عشان تطلع
معي..":اسمعي
مشاعل: سم
سعود:انتبهي.. لحدن يجب لها طاري ع كيف صار لها الحادث..ولا
يقول لها شئ عن سالفة زواجنا.. او زواجي من مزنه ..نبي نعطيها
خبر بشويش..
مشاعل: ان شاءالله
سعود: يالله ابروح اخلص اشغالي.. اذا صار شئ اتصلي على
مشاعل: ان شاءالله

دخلت الغرفه.. وجفت امي وعمتي... يسالونها وهي ترد عليهم بجفا..
جلست قبالها": تبين شئ
رغد"ناظرت البنت...وجهها مريح..حاولت اتذكر اذا انا شفتها من قبل
او اتذكرها.. ماقدرت..": لا...انتي وش اسمك
مشاعل"بابتسامه": اسمي مشاعل.. وانا اصير اخت رجلتس
رغد: مم حنا كنا اصحاب
مشاعل: بالحييل.. كنا دايم نسهر مع بعض...ونتفرج ع افلام..وسوالف
للصبح
رغد"استغربت... كيف اسهر معها واترك سعود":ليه وسعود

مشاعل: وش فيه
رغد: كيف اسهر معك للصباح... واترك زوجي لحاله
مشاعل" توهقت وش اقول لها": لا هو احيانا يكون مسافر عشان شغله
فانتي تجين عندي تسهرين
رغد: اها
ام راشد: خوفتينا عليتس ..يابنتي..ويوم تطلعين لااسوي حفله..الكل
يتكلم عنها..عشان طلعتس بس
رغد"التجاعيد يالي بوجهها...والنور يالي بوجهها جذبني...ملامحها
شديده... شكلها قاسيه..":لا مايحتاج مو لازم
ام راشد: الا لزومنا سويها بمناسبة ان ربي سلمك وعافك
رغد"انتبهت للحرمه الثانيه يالي كانت تراقبني.. ومن غير ماتتكلم
كانت تصيح ..بهدوء..دموعها تنزل..ماكانت كبيرة مثل الاولى..
ملامحها.. ناعمه..ووجهها دافي..باين عليها حنونه..بس ليه ماني
قادرة اتذكر...وجعني راسي..وتضايقت...لاني مو عارفه مين هم
نظراتهم.. تقول انهم منتظرين مني شئ..منتظرين مني ارحب..وافرح
بوجودهم.. بس مو قادرة.. كنت اتمنى يجي سعود.. ويطلعون..بس
شكلهم.. مطولين..انسدحت ع السرير":انا بنام احس اني تعبانه
ام رائد"تقوم... وتغطيني...وتمسح ع شعري": ارتحي ياقلبي..ونوم
العوافي
رغد"باست راسي..وصارت تناظر فيني... غمضت عيوني...ولفيت
عنها..":يعافيك ربي
طول ماهم موجودين.. ماكنت نايمه..بس مسويه حالي..نايمه..ماعرفت
وش اقول لهم.. وهم يحاولون يفتحون أي موضوع معي..ماقدرت
اكمل جلستي..معهم وهم منتظرين مني اتجاوب معهم...انتبهت لصوت
رجال.. اتوقع انه ابوي.. مالفيت عليه.. لانه حتى صوته ماميزته...
والحرمه..يالي يقولون انها امي.. صارت تسولف معه..وتقول له اني
بخير..بس مو عارفه أي حد منهم..كان باين من كلامه انه صبور...
زجلس يهدي فيها.. وهي تبكي.. تضايقت عشانها.. ودي قمت وحضنتها..
بس خفت..وحاولت اتذكرها عشان اطيب خاطرها بكلمه..ومالقيت
الا جدار مسدود بوجهي..طولو.. وسعود ماجا.. تضايقت لعدم..وجوده
هو الوحيد يالي ارتحت له..واحس بالامان بوجوده..وللحين ماني ذاكرته
ولا اعرف غير انه زوجي...واسمه سعود..بس يالي اعرفه اني احبه
حيل...جلست افكر..واتخيل كيف حياتنا..وصرت اتخيل بنتي...غريبه
هالكلمه...بنتي...ماعرفت اوصل لشبه لها...
سعود" وصلت المستشفى ع الساعه..9.. دخلت للجناح ..وشفت امي
وعمتي..يتقهوون ويسولفون.. ومشاعل.. نايمه ع الكنبه..ورغد..نايمه
ومعطتهم ظهرها..":السلام عليكم
الكل: وعليكم السلام
ام راشد: هل يايمه تعال تقهوى
سعود" يحب راسها": هلا فيتس ...صبي لي فنجال
رغد" سمعت صوته وع طول لفيت عليه وقمت من مكاني":ليه تاخرت
سعود"انبسطت لعتبها": والله انشغلت ..وخلصت يالي عندي وجيت عطول
رغد"ماقدرت اروح اجلس جنبه..لانه مافي مكان لي..جلست ع السرير
ويديني بحضني..وكنت افركهم.. كنت ابيهم يمشون..عشان ارتمي بحضنه
اشتقت لحضنه..بس شكلهم مالهم نيه...شوي الا شفته يكلم بالجوال
سعود: ايه تعال بس ثواني اقول لهم يطلعون للغرفه الثانيه
ام راشد: من
سعود: رائد يبي يدخل يشوفها ويسلم عليها
م راشد"تقوم وتروح لمشاعل تصحيها... ودخلو ع الغرفه الثانيه..وظلت
الحرمه الثانيه.. وسعود..شوي الا دخل رجال ..طويل..وجسمه رياضي
وبشرته بيضا..وملامحه دقيقه والسكسوكه..بارزه بياضه..خفت..لاني
ماعرفته..بس تطمنت يوم ناظرت سعود...
سعود"يقوم لعندي": هذا اخوتس يارغد
رائد" بفرحه.. جا لعندي وحضني...وصار يبوس راسي": مابغيتي تصحين
خوفتينا عليك... وربي اشتقت لك.. وماتتصورين كيف حياتنا كانت
رغد"ودي انه يبعد..ماعرفته..وماحسيت من ناحيته باي..شئ":.........
رائد: اخبارك الحين.. مافي شئ يوجعك
رغد"وانا اناظره ..واحاول اتذكره بس مافي فايده": الحمدالله بخير..بس
شوي راسي يوجعني
رائد"لف علي":سعود ..كان ناديت الدكتور
سعود" يطمنه": لاتخاف.. يقول طبيعي.. انه يوجعها لانه تعتبر الاشياء
هذي.. والوجيه .. اول مرة تشوفها..والتفكير..والتشويش يسبب لها الصداع
بس ماراح يطول معها ان شاءالله
رائد"بخوف": اكيد
سعود: اكيد
شوي.. الا رجع الرجال..يالي دخل من قبل.. وحضني..وقال انه ابوي
ونفس الشئ.. ماعرفته..سعود طلب العشاء..ودخل هو والرجالين يالي
معه ع الغرفه الثانيه..والحرمتين ..ومشاعل جاو لعندي..حاول فيني
اكل ..بس رفضت..وتحججت اني مو مشتهيه.. كان ودي اتعشى مع
سعود بس...
ام رائد"تحضني": تامرين ع شئ يايمه
رغد: لا
ام رائد: ماتبيني انام معك اليوم
رغد"كنت انتظر متى يطلعون": لا
ام رائد" بحزن": خلاص بكرا راح اجيك بدري
رغد" بضيق": لا ماله داعي..
ام رائد"حز بخاطرها ردي لها":ماراح اطول ابي اطمن عليك واجلس
شوي وبمشي
رغد"ماعرفت وش ارد عليها":........
ام راشد"تحضني": يالله ..نشوفتس يوم تطلعين بالسلامه من المستشفى
ولا تطولينا علينا نبيتس تنورين بيتس
رغد: ان شاءالله
مشاعل: يلا ..يادبه ..اشوفك بكرا
رغد: طيب
ماصدقت انه مطلعو.. وسعود يودعهم عند الباب.. ويوم قفل الباب..
ركضت لعنده.. ورميت نفسي بحضنه..": ليه تاخرت وتركتني لحالي
سعود"وش ناويه تسوين فيني.. بتذبحيني يابنت بتذبحيني..":ماكنتي
لحالتس .. كانت معتس امي..وامك ومشاعل..
رغد"بضيق": بس مااعرفهم... وكرهت نظرة الحزن يالي بوجههم لاني
مو عارفتهم.. بصراحه حزنت عليهم.. هم يحاولون يتواصلون معي وانا
موح اسه باي شئ ناحيتهم
سعود" يمشي وهو حاضني...": طيب ليه ماعطيتيهم فرصه
رغد: حاولت بس وربي ماقدرت

سعود: معليش بتتعودين بعدين.. وان شاءالله تتذكرينهم..ويوم تذكرينهم
ماراح تبين الا جلستهم
رغد"بثقه": مستحيل.. انت الوحيد يالي ابي اكون معه
سعود: طيب انتي منتي ذاكرتني وش يالي يخليك متاكده
رغد"مسكت يده وحطيتها ع صدري": قلبي يالي يخليني اتاكد..شوف
كيف نبضاته..
سعود"ناظرت عيونها": تحبيني
رغد"تعلقت عيوني بعيونه": ايه
سعود:متاكده
رغد: صحيح اني مااذكر أي تفاصيل عن حياتي..بس الي اعرفه احب
اكون معك.. ويوم تطلع افكر..فيك واحسب الدقايق..والساعات عشان ترجع
واشوفك.. واجلس بحضنك..
سعود:طيب ليه ماتعشيتي
رغد: وشلون عرفت
سعود" ياشر ع صينيتي": باين
رغد"بدلع طبيعي": كنت انتظر اتعشى معك
سعود: يعني ماتحبين تاكلين الا من يدي ..شكلي دلعتك..وتوهقت..هههههه
رغد"بشويه زعل": ايه توهقت.. ومالي شغل.. ماراح اكل الا من يدك
سعود" بابتسامه ذوبت قلبي": افا عليتس.. من عيوني.."وقام وقرب
الصينيه.. وصار ياكلني..."
رغد"كنت ااشر له ع الاكل يالي ابيه.. وهو مبتسم ويضحك علي..
ويهبل فيني.. يقرب الملعقه من فمي..ويوم افتحه يبعدها...":يادب
خلاص ماابي
سعود:هههههههههههه لا بتاكلين ...يلا افتحي
رغد"لفيت عنه": ماابي
سعود"حطيت الملعقه ع الصينيه..ومسكت وجهها": زعلتي
رغد"بدلع": لا
سعود: عيني بعينتس
رغد"لفيت عليه ": ها شوف
سعود: هههههههههههههههههههههههههههههه
رغد: وتضحك بعد
سعود:هههههههههههههههههههههههههههههههههههههههههه
رغد: خلاص روح ماابيك تجلس عندي
سعود:هههههههه اكيد
رغد"خفت يقوم": لا .."وبزعل": ليه تضحك
سعود: ماضحكت عليتس.. ضحكت لاني مبسوط ومن زمااان
ماضحكت كذا..
رغد: ليه
سعود"صرت امسح ع شعرها": بسبب انك حرمتينا وجودك
رغد"ويقول ليه احبه واحب اكون معه":طولت يعني
سعود: بالحييل
رغد:اسفه
سعود: ليه الاسف
رغد: لاني سبب بحرمانك من الضحكه
سعود: طول منتي معي ..هذا يعوضني عن الايام يالي راحت
رغد"حطيت راسي ع صدره":ابي انام
سعود"يقوم": طيب ارتاحي
رغد: وين
سعود: ابجلس ع الكنبه
رغد"بخجل": نام جنبي.. ابي انام بحضنك..بصراحه حبيت النومه
سعود"بابتسامه": من عيوني.. بس ابروح اغير
رغد: طيب لاتتاخر ميته نوم
سعود: بس يالي فهمته انك طول الوقت نايمه
رغد: بصراحه.. ماكنت نايمه.. بس ماعرفت وش اقول ووش اسوي..
معهم..
سعود:اها.. طيب .. ان شاءالله بتتعودين
رغد: ان شاءالله

يعد يومين.. سجلوا لي خروج.. كنت متوترة .. اني راح ارجع للبيت
يالي كنت عايشه فيه..جهزت اغراضي... وجلست انتظر سعود لحد
ماخلص من الاجراءات...طلعت معه وركبنا السيارة...وبعد نص
ساعه.. وصلنا لبيت كبير..اشر لي سعود وقال انه هذا بيتنا....نزلت
بتوتر....مسكت يده .. ودخلنا البيت.. كان البيت بشكل عام مريح
وحلو تنسيقه وترتيبه...دخلنا الصاله.. وام سعود.. وامي موجودين
سلمت عليهم.. وحضنوني.. وبكوا.... وجلست جنبهم..وكل شوي
امي تبوسني.. وتناظر فيني...شوي الا مشاعل دخلت .. ومعها
بنت صغيرة... كانت بمنتهى الجمال.. والبرائه..انتبهت للبنت
تاشر على وتجي لعندي ركض
جنى"بفرحه": مامااااااا
رغد"اخذتها لحضني.. وهي تحضني وتبوسني":.......
جنى" تصيح": وين رحتي وخليتني..انا اصيح واقول لهم وين ماما
رغد: خلاص انا جيت
جنى: ماتروحين صانيه صح
رغد: ايه
جنى" تحط راسها ع صدري":احبك ماما
رغد"تضايقت.. حتى هي مو ذاكرتها...": وانا بعد
سعود" انتبهت لضيقها": معليش لاتزعلين.. مع الايام بتتذكرين...
رغد: ان شاءالله

بعدها حطو العشاء... وجلسنا نتعشى.. وجنى بحضني طول الوقت
وانبسطت فيها كانت حبوبه حيل.. صرت ااكلها.. وهي تدلع ..وجبت
كل العابها بحضني توريني وش عندها.. وكل شوي تناظرني تتاكد
اني وجوده ومارحت مكان...

الساعه... وحده نامت جنى بحضنى.. والكل حاول يشيلها.. وهي مو
راضيه.. قلت لهم يتركونها...حسيت بتعب وارهاق شوي.. بس تحملت
انتظرت.. سعود لحد مايجي واروح.. معه ع الغرفه...
مشاعل: قومي ارتاحي انا اوريك غرفتك
رغد: لا بنتظر سعود
مشاعل: يادبه عادي ..قومي
رغد: لا والله بنتظر سعود.. انا ماابي اصعد الحين
مشاعل: طيب براحتك
طول اليوم وهم يحاولون قد مايقدرون يوفرون لي ..كل اساليب الراحه
ويحاولن مايضايقوني بشئ..كنت كارها الاحساس بالضيق تجاهم
بس غصب عني.....

<<--يتبع



التوقيع:
signat
UoZa غير متواجد حالياً   رد مع اقتباس
قديم 18-06-2012, 05:53 PM   #22
عضو نشيط جدا
 

افتراضي رد: رواية انت غرامي وجنوني بدون ردود

(( الجزء العشرون))

سعود: السلام عليكم
الكل: وعليكم السلام
رغد"حسيت ان الدنيا نورت بوجهي.. يوم شفته حسيت براحه وانبساط
كنت اعد الساعات عشان..يرجع واقوم عنهم واجلس..معه لحالي..جلست
اناظره وهو يسولف معهم كان جدي بالحيل...استغربت..وانا اشوف ....
حواجبه معقودة.. ابتسمت ع شكله وهو انتبه لي.."
سعود"حسيت في حد يراقبني.. رفعت نظري .. الا هي تبتسم .. وبلا شعور
رديت لها الابتسامه..": وشلونتس اليوم.. عسى ماتعبتي
رغد" طرت من الوناسه يوم صار يكلمني": الحمدالله.. لا ماتعبت..
سعود: ايه زين.. تعشيتي ولا لا
ام راشد: ياولدي شو فلك حل معها مهيب راضيه تاكل.. اكلت لقمتين
وقامت.. وين تصح بعدين
سعود"بزعل": افااا.. وين يالي وعدتني بتاكل
رغد: ماكنت مشتهيه والله
سعود" بحنيه الكل استغربها..": لازم تاكلين عشان تصحين..وتطيبين
بسرعه
رغد"بخجل من نظراتهم": ان شاءالله
سعود: ايه هذي رغد يالي اعرفها وتسمع الكلام
رغد" شعور الضيقه كله راح من يوم اقبل على... جلس يسولف معهم..
وبعدها قام.. زعلت ضنيته بيطلع.. بس انبسطت يوم قال...
سعود" يقوم": يالله تصبحون ع خير"ولف على": يلا ماودك تنامين
رغد"قمت ع طول": ايه.. احسب دوخه شوي
سعود" جا لعندي": تحسين انك تعبانه ولا وش
رغد: لا مو تعب بس دوخه خفيفه
سعود" مسك يدي": طيب يلا مشينا عشان ترتاحين
رغد"مشيت معه": طيب
وصعدنا ع فوق.. وانا متسنده عليه.. ومرتاحه انه اليوم خلص اخيرا...

ام راشد"مبتسمه": والله وقدرتي عليه ياام جنى
مشاعل:ههههههههههههه أي والله مهي سهله الدبه.. ولا من يتخيل
سعود يبتسم..ولا يقرب كذا من حرمه..مزنه يالي صار لهم سنين .بولادتها
ماسندها.. وهي تتقطع الم..ورغيد وده يشيلها لو مالخجل
ام راشد:ههههههههه الله يتمم عليهم
مشاعل: امين.. ويدوم فك عقدة حواجبه هههههههههه
ام راشد: الله يقطع بليستس...ههههههههههههههههههههههه
ابو راشد"يقوم": يالله بروح انام.. وبكرا خبيري سعود يجهز الذبايح
عشان العزومه ع طلعتها بالسلامه
ام راشد" تقوم معه": ان شاءالله
مشاعل" تقوم تبوس راس ابوها وامها": تصبحون ع خير
ام راشد: وانتي من اهله.. ويلا روحي نامي
مشاعل: اكيد بنام.. قبل عندي المليحه تسهر معي الحين ..مب فاكه من
سعود
ام راشد: ههههههههههه"وبعدها جمدت ملامحها"
مشاعل: وش فيتس يمه
ام راشد" تتنهد": والله اني احاتي رجعة مزنه.. ونتوا للحين ماقلتو للبنت
انه متزوج..خايفتن يصير لها شئ
مشاعل: لا تخافين سعود بيكلمها اكيد.. بس ينتظر تستقر شوي
ام راشد: الله المستعان

رغد" مشيت وراه.. لحد ماوصلنا لجناحين متقابلين.. في واحد من الابواب
حسيت باحساس غريب من ناحيته..خوف..ضياع..ماني عارفه كيف
افسره.. عقدت حواجبي.. وانا اناظر فيه...":...
سعود" شفتها وقفت ع جناح وليد القديم.. وحواجبها معقده..وباين عليها
انها تصارع افكارها..":رغد
رغد"حسيت وجهي تغير...من يوم شفت هالغرفه": هلا
سعود" وجهها صار اصفر..اكيد جا ع بالها وماهي عارفه مين هو":يلا
ادخلي
رغد:هذي غرفتنا
سعود" يفتح الباب": ايه ادخلي
رغد" دخلت.. وصرت اناظر فيها..كان جناح..كبير اول مادخلت كان..
صاله كبيرة.. بصبغها.. البيج..وفيه رسومات بنفس لون الصبغ..بس بارزة
والكنب... العودي.. الفخم.. حسيت انه هذا ذوقه وهو مختار كل شئ..لانه
باين انه ذوق رجالي..وشاشه التلفزيون البلازما.. ومكتبه فيها كتب ...
مشيت وراه..وفتح باب..كانت غرفة النوم...كانت كبيرة وكان العنابي
والبني العودي.. طاقي عليها....ماحسيت باي شعور.. وكاني اول مره
اشوفهم بحياتي.. يعني بنتي عمرها 4 سنين المفروض يكون عندي
احساس غير الغربه.. هالغرفه جمعتني بينه سنين ..والمفروض تكون
مليانه صور وحميمه .. بس حسيتها باردة..ومافيها أي ذكرى حلوة
مشيت للسرير.. وجلست...":............
سعود" جلس جنبي": حاسه بتعب
رغد" ابتسمت له": لا.. بس
سعود"رفع وجهي بيده": بس وش
رغد"ماني عارفه كيف اوصل له يالي ببالي": مدري احس اني اول مره
اشوف هالغرفه..احسها خاليه من أي ذكريات لنا
سعود"ع انك فاقده الذاكر هالا انه قلبك حاسك":يمكن عشانك ماتذكرين
رغد: حتى لو مااذكر مااحس بشئ ولا احس انها جمعتنا 4 سنين
سعود" لزوم اقولها.. كل شئ ماابيها تنصدم بعدين": طيب هذا احساسك
مع امك وامي ومشاعل.. نفس الشئ صح ولا لا
رغد" كلامه اقنعني": صح
سعود" ياشر لي": يلا قومي هذي غرفة التبديل.. غيري ويلا ننام
رغد" قمت": طيب
مشيت للغرفه.. ووصلت للدولايب.. فتحت اول واحد.. وكان له ..الثاني..
والثالث.. والرابع.. استغربت من الملابس.. كانت عاديه جدا..ماحسيت اني
البس كذا.. كان كله جلابيات.. ومافيه ولا بيجامه..او قميص نوم...ولا أي
شئ يدل انه هذا دولاب وحده متزوجه وتحب زوجها..عقدت حواجبي
ولفيت عليه.. شفته يناظر بالارض وسرحان...اخذت لي جلابيه ودخلت
وتروشت... وجففت شعري بعدها طلعت..
سعود" يناظرني": نعيما
رغد: الله ينعم عليك
رغد: اطلع لك ملابس عشان تتروش وتغير
سعود" باابتسامه": ياليت
رغد"مشيت": ان شاءالله
سعود" اشتقت لاهتمامها فيني.. وعناياتها لي..يوم غابت عني..حسيت
بضياع من بعد دلالها لي..دخلت اتروش.. وطلعت وكل شئ جاهز ومعطر
بعد...هالبنت بتهبل فيني.. وهذا وهي فاقدة الذاكرة بس مافقدت سنعها..
لبست.. ملابسي.. وشفتها تتمشى بالغرفه.. شكلها تحاول تلقط أي ذكرة
":عجبتس
رغد"كنت امشي واناظر": بالحييل.. بس
سعود" جلست ع الكنبه وناديتها": تعالي
رغد" مشيت لعنده..وجلست":....
سعود: بس ايش... قولي يالي بخاطرتس
رغد"بحيرة": ممم حنا صار لنا 4 سنين متزوجين صح
سعود"مارديت اكتفيت اني اناظرها":.,..............
رغد: يعني مدري... احس انه توا شوفها..وغير كذا ملابسي..
سعود"عقدت حواجبي": وش فيها ملابستس
رغد: مدري.. يعني كلها ملابس عاديه.. وكانها ملابس بنت مب مرة
متزوجه
سعود"وش ارد عليها":...............زز
رغد: سعود
سعود: سمي
رغد: حنا كنا متهاوشين ولا شئ..
سعود: ليه
رغد" بتوتر": عارفه اني احبك واعرف انك تحبني..
سعود"بااستغراب": وشلون
رغد: احيانا تجي لمحات .. براسي.. عني وعنك.. ووو.. يعني من الي
افهمه.. انا حنا متفاهمين ونحب.. بعض..
سعود" مافهمت وش تقصد.. واكيد اللمحات عنها وعن وليد":مو فاهمن
عليتس
رغد:يعني" بتردد": يعني يالي اعرفه.. انه يوم تصير البنت تحب رجلها
مثل يالي احسه تجاهك.. احس ملابسها بتكون غير..وع الراحه.. يالي
احسها بتجاهك.. احس اني اباخذ راحتي معك من غير قيود
سعود" كنتي مع وليد كذا...":.............
رغد" مسكت يده": قولي الصدق كنا زعلانين صح
سعود"ومو عارفن وش اقول": ايه
رغد: ايوا كنت حاسه.. لاني يوم شفت الملابس.. ماحسيتها ذوقي ابدا
مو ع الشكل ..اقصد الاسلوب...اللبس مهب لبسي
سعود" ابتسمت..عشان اصرف الموضوع": وبس هذا يالي مكدرن
خاطرك ولا يهمتس بعد بكرا اوديتس السوق وخذي يالي بخاطرتس
رغد" فرحت": صدق
سعود: اكيد.. بس الحين قومي خلينا نريح باكر عندنا عزومه ..
رغد"بضيقه": لازم هالعزومه
سعود"وقفتها قبالي": ايه ... بس لاتخافين يوم تحسين انتس..متضايقه
ومو مرتاحه.. اتصلي على ع طول
رغد:طيب
سعود: يلا ننام وبكرا نكمل سوالف
رغد: طيب
سعود.. انسدحت ع السرير وعطيتا ظهري كالعاده.. بس ماحسيت ....
بوجودها جنبي.. لقيت عليها..": وش فيتس منتي نايمه
رغد" كنت افرك يدني..": للحين زعلان مني.. انا وش سويت
سعود"عقدت حواجبي بااستغراب": ليه ازعل منتس
رغد:لانك مااخذتني بحضنك"وبلا شعور كنت اتكلم" انت بالعاده
ماتنام الا وحاضني
سعود" حسيت بوجع بقلبي.. ذاكرتها مع وليد.. تضنها معي..ابتسمت
واحاول اخفي... انزعاجي":ابد ماني زعلان..بس صنيتك تبين تاخذين
راحتك
رغد"مدري ليه احس اني ماانام الا بحضنه..والي محيرني اني ماني
ذاكره أي شئ عنه..وماني عارفته..بس احساسي..يقول اني انام
عنده وانه علاقتنا غير.. كنت اتكلم وانا مستغربه من نفسي.. وكيف اني
متاكده وانا اكلمه من يالي يصير بينا وع انه ماني ذاكرة شئ":لا انت
عارف اني مااقدر انام الا بحضنك
سعود"لفيت عليها وفتحت يديني لها": ولا تزعلين تعالي
رغد" ماصدقت خبر ونطيت عنده.. ونمت ع صدره...ياااااهـ وش حلاة
هالشعور.. يوم انكون بحضن الحبيب ..والزوج.. نحس بالدفا والامان
والراحه.. احس انه ماراح يمسني ضر يوم اكون بحضنه...":الحين انام
وانا مرتاحه.."ابتسمت": تصبح ع خير..."ودفنت وجهي بصدره
سعود"ليت هالاحساس.. والتصرفات هذي... يوم ترجع لك ذاكرتك
وتعرفين من.. انا ومن يالي بذاكرتك..": ونتي من اهل الخير

رغد" انتبهت الساعه 11 الظهر..قمت وصحيت سعود عشان الصلاة
جهزت له ملابسه.. وهو يتروش...كنت حاسه بنشاط ومستغربه وش
ذكرني بتجهيز ملابسه وتعطيرهم وتبخيرهم..في اشياء احسها معروفه
عندي.. وياكثرهم .. بس الاشخاص يالي ماني ذاكرتهم..اعرف كل شئ
واعرف اني زوجه ..واحب ويحبني.. بس ماني حاسه بااحساس الامومه
ويالي فهمته من كلامهم.. انه بنتي كل شئ بحياتي...
سعود" طلعت .. الا وكل شئ جاهز...ابتسمت ..احب اهتمامها..":تسلم
يديك ..
رغد" باابتسامه": الله يسلمك ولو
سعود"يلبس ثوبه...قربت منه..وسكرت الازارير وهو مستغرب..ويناظر
فيني...":.......
رغد: وش فيك وكاني اول مره اسويها..يعني منت متعود على اني انا
يالي اسكرهم لك.. من فقد الذاكرة يادب انا ولا انت هههههههههههه
سعود"ضحكتها لخبطت كياني..قربها مني وابتسامتها...وعيونها
يالي مليانه حب..وشوق... شتتني....اول مره تكون قريبه مني برضاها
وهي يالي جات من غير مااناديها..لمساتها غير..لمسات زوجه محبه
لزوجها وتدلعه..وتحاول انها ترضيه باي شكل..":......
رغد"ناظرت شكله وشلون متنح": حبيبي هههههههههههههه
سعود"وش ناويتن عليه تبي تذبحني... وتدلل لي ودلعها يالي اول مره
اشوفه ..وباين انه مو مصطنع ياويل حالي...":عيونه
رغد"ابتسمت بخجل": تسلم لي عيونه..البس شماغك لاتتاخر
سعود"حسيت ع نفسي": هاهـ ايه .. طيب
رغد"ارتحت ...كان ببالي احساس انه متغير.. او انه في شئ بينا..بس
نظراته لي.. كانت مدري..بس مو نظرات واحد مو طايقني او فيه شئ
كبير بينا..":...........
سعود"آآآآهــ بتجنني يابنت..": يلا تامرين ع شئ
رغد" رحت وحضنته..وبست خده": لا سلامتك
سعود"وش اقول.. وش اسوي .. كل هذا لي انا.. معقوله..هذي رغد
وش كنت مسوي لك وخافي تصرفاتك الحلوة هذي.. للدرجه هذي كارهتني
..وحابه وليد...استغفرت ربي.. لاني بديت احسده ..وش تحسد ياسعود
الرجال مات.. ايه مات بس للحين مالك كل احساس فيها..وكل نبض
بقلبها...للحظة تمنيت اكون وليد..عشان تكون احسايسها صادقه ..لي
بست راسها": يلا فمان الله
رغد: بحفظ الرحمان

فضيت الدولاب كله.. وماني لاقيه شئ..يعجبني للعزومه..معقوله..
ماعندي فساتين سهرات ولا طقم بدل للعزومات..انتبهت لشنطه
فوق الدولاب.. رحت اخذت كرسي... وحاولت ارفع نفسي..عشان
اوصلها .. ماقدرت..حاولت اكثر..وانتبهت للكرسي انه صار يهتز..
ناظرت رجولي الا وهي ع الطرف..والكرسي فجاءة فلت..غمضت
عيوني متوقعه اني بطيح ع الارض..بس تفاجات بالدفا يالي حسيته
ايه ايه.. هذا هو حضنه..يالي اميزه عن الكل..فتحت عيوني وانا مبتسمه
":المفروض مااخاف لاني عارفه انك بتكون فيه..مهما صار لي
سعود"كنت معصب ع اهمالها..وكنت بهاوش..لانها تو طالعه من
الشر.. تروح وتسوي كذا انا ماصدقت ترجع بالسلامه.. بس ابتسامتها
وكلامها...سكتني..":.....
رغد"تعلقت عيوني بعيونه...شعور غريب..للحظه حسيت انه مهب يالي
اعرفه..فيه نظرة شموخ.. وهيبه..غير يالي ببالي..بس بعدها قلت اكيد
من يالي صار معي..يخليني افهي...":متى جيت
سعود" وانا انزلها":من شوي.. الا انتي وش مطلعتس..لفوق ..وليه
تسوين كذا.. يعني لو اني مادخلت كان الحين طحتي علينا
رغد"ابتسمت": خايف على
سعود" الا ميتن خوف عليتس..خايف افقدتس ثاني..":...........
رغد"حاوطت رقبته بيدني":لاتخاف حبيبي ناشب هلك ماراح افك عنك
سعود"ضحكت ع حركات وجهها يالي كانت تسويها وهي تتكلم":ههههه
ههههههههههههههه
رغد: ايه اضحك يادب
سعود: اشوفتس طايحتن لي دب ودب..وش شايفتني
رغد"بدلع": كيفي انت دبي وحبيبي وكل شئ بحياتي..واناديك بالي ابي
سعود" لا ناويتن على.. خلاص..رحت فيها":احم
رغد"ضحكت ع شكله.. يالي يشوفه وكاني اول مره ادلعه":حبيبي
وش فيك يعني ناسي اني دايم اناديك كذا
سعود" جمدت ملامحي لاني عارفت انها تقصد وليد":الا وش بغيتي
من فوق الدولاب
رغد"اشرت له": هذي الشنطه حقتي ولا لك
سعود: لا لتس ..تبينها
رغد: ايه
سعود"اخذت الكرسي.. ووصلتها .. نزلتها..وناظرتها": يعني بتقنعيني
انتي يالربع.. بتقدرين تنزلينها يوم ترزين وجهتس
رغد"طيرت عيوني": شوف الدب من الربع
سعود"ضحكت ع ملامح وجهها وشهقتها":ههههههههههههههه انتي من
من غيرتس يعني
رغد" جلست ع الارض عند الشنطه.. واسوي حالي زعلانه": يضع سره
بااضعف خلقه..
سعود: في هذي صادقه ههههههههه بس بالمعقول
رغد" طنشته وفتحت الشنطه.. ابتسمت ابتسامه كرست يوم شفت
يالي بداخلها": اييييه هذي اغراضي.. مب يالي بالدولاب..حسيت اني
وحده عمرها بالخمسينات ع الجلابيات هذي
سعود"تعليقها واسلوبها بالكلام يضحك..كنت اشوفها وكاني اول مره اشوف
الانسانه هذي":هههههههههههههههههههههههههه
رغد"وانا احوس بالملابس": بس ليه كنت رافعتها
سعود" ماعرفت وشلون اصرف":ههههههههههه كنتي زعلانة مني
رغد"بجديه": ليه
سعود:مدري عنتس.. لاني قلت مشغول وماراح اوديتس لاهلك الشهر هذا
انتي برطمتي لي ..وسويت لي عقاب يقالتس..تظنين بهتم لو تلبسين
خيشه ناشبن لتس هههههههههه
رغد" خجلت من نظراته..":سعوود
سعود"ذبت":عيوونه
رغد" وانا اصرف الموضوع": ايوا انتم الرجال كذا مايهمكم
سعود" قربت منها ومسكتها من خصرها": ايوا مايهم دام الحرمه
شايلتن رجلها شيل.. لو تجلس بخيشة قدامه يتكون احلى الحريم
رغد" خجلت وانا بين يديه حسيت بتناقض بمشاعري..احس براحه
واحس اني مطيحه الميانه معه.. ومافي خجل بينا..بس الحين لا..اتردد
قبل لااروح لحضنه او ابوسه الا ان كان بلا شعور...":يعني انا ماليه
عينك
سعود" باابتسامه": بالحييل
رغد" انحرجت من نظراته.. وضنيت انه بيقرب مني ويبوسني..بس
فجاه صد عني وبعد..":..........
سعود"كنت مشتاق لها ولقربها..جذبتني..بدلعها ..وفجاءة ترددت كلماتها
براسي.. مستحيل اخليك تقرب مني..وحلفانها...وحسيت بضيقه..بعدت
عنها..": يلا تجهزي الحين لاتتاخرين ع العزومه
رغد: ان شاءالله..الحين بجهز ملابسك قبل بعدها بروح
سعود: طيب

خلصت من شعري اخيرا.. وقمت البس...لبست...بلوزة بيضا بااكمام
طويله..وباطرافها تحديد برتقالي..ومن فوق الفتحه وسيعه وتبان الاكتاف
لبست تحتها بدي..لانه من اسلوبهم حسيتا نهم مايرضون بكذذا....
والتنورة واسعه وبرتقاليه وفيها ورود بيضاء..وقصيرة لنص الساق
ولبست الصندل الكعب.. وتعطرت..الميك اب خليته ناعم..لبست
الاكسسورات ..وتعطرت..مشيت لسعود اصحيه.. لانه قال بياخذ غفوة
ع مايجي وقت العزومه...
رغد" نزلت لمستواه وشعري نزل معي..": سعود.. سعود
سعود:..............
رغد" حركت كتفه": حبيبي.. يلا قوم لاتتاخر ع الرجال
سعود" شميت ريحة شعرها..يآآهـ وش قد فقدتها واشتقت لها..فتحت
عيوني.. وهي جالسه ع الارض.. وتناظرني وتبتسم.. مديت يدي لشعرها
وصرت احرك يدي عليه..": كم الساعه
رغد: 8ونص.. يلا عشان يمديك تخلص
سعود"قمت وهي وقفت.. تنحت ع شكلها.. شعرها يالي دوخني ووداني
ورى الشمس..وجسمها .. ع انها نحفانه.. بس زينها فيها..كشرت بملامحي
وهي انتبهت..":...........
رغد" قربت منه.. ": وش فيك سعود
سعود"بتردد": ماابي ازعلتس.. بس مو كان التنورة والبلوزة كاشفين
رغد" ناظرته بااستغرب": شلون
سعود: يعني كتوفتس باينه ورجولتس
رغد" بابتسامه": ايه عادي سعود.. وبعدين انا عند حريم مب رجال
سعود: ولو مااحب حد يشوف حرمتي.. كذا
رغد" انبسطت حتى من الحريم يغار منهم.. مع انه ملابسي مو كاشفه
حيل..": طيب تبيني اغيرها ...
سعود" بتردد": ماتزعلين
رغد" باابتسامه": وليه ازعل حبيبي اهم حاجه عندي رضاك
سعود" كلمتها هذي سوت الدنيا كلها عندي..":لا لاتغيرين بس هالمره
نوبتن ثانيه.. اللبس هذا مو للحريم
رغد" بخجل": من عيوني بيكون ل كانت وبس
سعود" ماتوقعت هالاجابه.. معقوله رغد .. تبي تخلي زينها لي انا وبس
..كنت اشوفها انسانه ثانيه.. غير عن يالي عرفتها.. وبعدها رجعت
لواقعي.. ايه هي نفسها بس كانت معي متغيرة..والله لو انه تذكرين
كل شئ ماعطيتيني الا لسانتس..":طيب يلا ابروح اتجهز
رغد: طيب

لبست وخلصت... الا جت لعندي بالبخور تبخرني... قربها صار
يوترني... مااقدر..ع قربها كذا.. بالحيل اقاوم وامسك حالي..وهي
بحضني.. تنام.. والحين بكامل زينها.. وبين يديني..وماني قادر..المسها
ع انها حلالي.. بس حاس بذنب.. حلفانها.. وحاس اني بستغلها..وبستغل
ظرفها.. ومو سعود يالي يسويها...صحيح من قبل كنت اجيها بااجبار

بس كانت بوعيها..الحين لا وكانها انسانه ثانيه..مهب رغد يالي اعرفها
عطرها تخلل بخشمي..عيونها.. غرقتني..لمساتها...ذبحتني...اخذت المبخر
من يدها ونزلته.. وقربت منها...رجفتها ..نفسها يوم تكون بين يديني..
خجلها للحين موجود..بس هالمره بدلع..وبرضا..آآآهــ ليتك كذا دووم
نزلت عيونها.. يوم بست جبينها..رفعت وجهها وبيدي الثانيه حاضنها
ناظرتني.. بخجل.. ذوبني.. انفاسها باانفاسي..قربت من شفتها...
وبستها....ونسيت الدنيا والعالم .. تمنيت انه الزمن يوقف وهي بين يديني
وبرضاها.. كان احساس ماني قادر اوصفه.. رغد بين يديني..وماهي
قرفانه.. ومو حاقدة..راضيه وهي بين يديني..دق الباب وقفني ورجعني
للواقع..رفعت راسي من عند رقبتها..وهي خجلانه..":من!!!
مشاعل: ايو يلا تاخرت ع الرجال يقولك ابوي
سعود" تركتها وهي وجهها صايرن علبة الوان..": احم .. طيب طيب
جاي
مشاعل: افتح الباب زين
سعود" ودي ذبحتها.. مشيت للباب وفتحت وطلعت وهي دخلت":ماصارت
رغد" كنت للحين ضايعه.. وسرحانه بعالم ثاني من يالي صار.. حسيت
اني اول مره.. احس بكذا... ماالوم قلبي يوم حبك وعرفك من بين الكل
ياسعود.. نسيت نفسي ودنيتي.. بين يديك..":.....
مشاعل" بشهقه": وش ذا
رغد" خفت": وش
مشاعل" تاشر ع رقبتي": هذا .. انهبلتو لعنبو داركم ماتهورتوا الا اليوم
رغد" مشيت للمرايا وشفت يالي تاشر عليه.. وجهي صار طماط من
الاحراج.. الله يقطع بليسك ياسعوود.. ماحسيت وشلون صار كذا..
وبخجل..مشيت لعلبة كريم الاساس ومخفي العيوب وصرت احط ع
رقبتي.. واحاول اتجاهل وجود مشاعل..":في حد جا
مشاعل" تخفي ضحكتها":لا ههههههههههههههههههههههههه
رغد: ليه تضحكين
مشاعل: تخيلي لو انتس نازله بالبصمه هذي قدام الحريم وش راح يفكك
منهم هههههههههههههههههههه
رغد" ياويلي .. ماابي اتخيل حتى": خلاص طيب
مشاعل:ههههههههههههههههههههههههه يقطع شرك ياسعود منت
صابر لحد ماتخلص الليله
رغد" بعصبيه وخجل": شعيل
مشاعل:ههههههههههه لبى شعيل.. يلا خلينا ننزل الحريم وصولوا
رغد: طيب وووجع لاتضحكين خلاص
مشاعل" تمسك نفسها": طيب هههه طيب


مزون" تسلم على": وشلونتس عساتس بخير
رغد: الحمدالله وانتي
مزون: بخير الله يسلمتس.. بشريني عنتس
رغد: لا الحمدالله
مزون: يعني انتي الحين منتي ذاكره حد فينا
رغد" هزيت راسي": لا والله
الريم والعنود نطو...": ماتذكرين حد ابد ابد
رغد: لا
الريم تاشر ع العنود: ولا المليحه هذي
العنود" وتاشر ع الريم": ولا المسعدة هذي
رغد" ضحكت ع اشكالهم": لا والله
الريم: وشعيل
مشاعل: ابشرتس ولا حد.. مير ماتذكرت الا الحبيب بس وناشبتن له
وكانها ماصدقت انه يجلس عندها مهيب راضيه تفكه
رغد" خجلت من تعليقها": وجع حتى هو ماتذكرته
مشاعل: ايه باين.. ودك 24 ساعه جالسه بحضنه منتي فاكته
الريم: ايه قولي تسذا ماصدقتي تلقين عذر تنشبين للرجال ههههه
الكل: هههههههههههههههههههههههههه
رغد"بحرج": لا والله بس هو الوحيد يالي احس اني اعرفه..ومشاعري
له معروفه..ليه وكيف مدري
العنود" تاشر ع قلبها": ايه القلب مهب هين يميز الحبيب
رغد:ههههههههههههههههههههههههههه
مشاعل: انتم فاتكم لو مارحت اناديها هي والحبيب كانوا تهورو وماشفنا
وجههيهم
العنود والريم: وشلون
مشاعل" تكش عليهم بمعنى بعدو": انتم مناك يالمراهقات كلام كبار
الريم" تخصرت": الله يالدنيا يوم اعرستي صرنا مراهقات ماكانتس بعمرنا
ياشيخه
مشاعل:ههههههههه ايه بعمركم بس متاهله مب انتم للحين بطور التاهل
الحين تخرب اخلاقكم ونبتلش عند رجالكم
غزلان: يقال الحين ماخربت ههههههههههههههههههه
مشاعل:ههههههههههههههههه عارفه بس ماعلينا فيهم
رغد: ابذبحك شعيل
مشاعل: خلاص منيب قايلتن شئ
الريم: لا شعيل قولي
مشاعل"بضحه": مانيب بايعتن نفسي..انا حامل..وهذي نظرتها مير
تخوف..ههههههههههههههه
العنود: خلك شجاعه وتكلمي ماعليتس فيها
رغد: اقول انتوا وجعع استلمتوني
الكل:هههههههههههههههههههههههههههه

بعد العشاء.. كنت اغسل استغربت من نظرات وحده ..يوم سالت عنها
قالو انها بنت عم سعود.. ع المغاسل قربت مني...
سعاد" بخبث": عساتس مرتاحتن بس
رغد"استغربت من نبراتها": الحمدالله
سعاد: ايه الي مثلتس .. تهتم يعني.. وش عليتس دامتس اخذتي الرجال
ماهمتس شئ
رغد" مو فاهمه عليها": وش تقولين
سعاد" بسخريه": مسويه حالتس بريئه
رغد: لااسوي حالي ولا شئ بس مب فاهمه عليك
سعاد:يعني تقنعيني انك ماتدرين انه حرمته طايحتن بالبيت وجعانه
يوم فقدت الجنين
رغد" حرمته.. جنين": وش تخربطين انتي وش حرمته ووش جنينه
سعاد"بخبث":هههههههههههههههههه لاتقولين لي انتس للحين ماتدرين
رغد: ادري عن وش
سعاد"باانتصار": انا اقولتس يا لاعبه .. ياخطافة الرجال
رغد"عصبت من اسلوبها": وش تقولين احترمي نفسك
سعاد: احترم نفسي يوم تصيرين محترمه نفسك..لعبتي ع رجال متزوح
واخذتيه من حرمته بعد مالفيتي عليه.. ولا ماسالتي نفسك رجال قبيلي
ياخذتس انتي.. ولا متزوج وعنده ولد من حرمته
رغد"انصدمت لا اكيد تكذب": انا مو فاضيه لك ولكذبك بعدي
سعاد: ومن قال اني اكذب.. روحي هذا هم عندتس اتحد حد ينكر انه له
حرمه غيرتس.. وعنده عيال منها..انا ابي اعرف وش نوعتس يوم
توافقين ع رجال..متزوج..وعنده عيال.. وش حسيتي فيه يوم لعبتي عليه
وشبكتيه..
رغد" مصدومه.. ماني مصدقه الكلام": انا!!!!
سعاد: في غيرتس.. مااقول الا حسبي الله عليتس.. هذا هي مرميه
بيت اهلها..ومنسيه .. بسببك
رغد:انا!!!!
سعاد" كانت عارفه انها بتقدر تغثها بالكلام هذا...":وشلون تنامين
الليل بس..وشلون تغمضين عينتس براحه..
رغد.."رفعت وجهي الا بمشاعل..بوجهي..":صحيح سعود متزوجني ع
حرمته
مشاعل"بعصبيه":ليييه قلتي لها
رغد"عرفت انه كلامها صحيح":يعني صدق
مشاعل: يارغد منتي فاهمه
رغد"بصراخ": وش افهم..وين سعود وينه
ركضت ع الصاله .. ورفعت السماعه اتصلت ع الرقم يالي عطاني اياه
وقال اتصل عليه يوم احس اني متضايقه...اتصلت مره مرتين ثلاث ولا رد
بكيت.. وصرت اصرخ ع مشاعل وهي تحاول تهديني...رميت السماعه
ورحت جري..ع غرفتي..وقفلتها رميت نفسي ع السرير..وانهرت
بكي................................
<<--يتبع



التوقيع:
signat
UoZa غير متواجد حالياً   رد مع اقتباس
قديم 18-06-2012, 05:54 PM   #23
عضو نشيط جدا
 

افتراضي رد: رواية انت غرامي وجنوني بدون ردود

((الجزء...الحادي والعشرون..))

سعود"سمعت جوالي يرن.. بس ماقدرت ارد..بسبب الرجاجيل
والعشاء والقهوة..وطنشته... ع الساعه 12 انتهت العزومه..وودعت
المعازيم.. ودخلت البيت... استغربت من وجه امي ومشاعل يالي باين
انه به شئ...
سعود: وش فيكم
ام راشد" بضيق": ولا شئ ياولدي
سعود: وجههكم مايقول انه مابه شئ
مشاعل" ماقدرت تمسك نفسها من القهر": سعود يااخوي روح لحرمتك
شوفها
سعود"رفع حاجبه":وش صاير
مشاعل"وتتجاهل امها يالي تاشر لها عشان تسكت":لا يمه منيب ساكته
اخاف يصير برغد شئ وهي السبب
سعود"سمعت يصير فيها شئ انهبلت":وش فيه تكلمي
مشاعل:سعاد ياسعود جات اليوم..ورمت كم كلمه عليها مدري وش قالت
لها..لانها ع طول راحت تتصل ع التلفون بس ع مين مدري وكانت تبكي
وبعدها صعدت غرفتها وقفلت عليها وماعاد ردت ع حد..ويوم رحت
للمصيب هالا وهي طلعت راحت ع بيتها
سعود"وشياطين الانس والجن تنطط فوق راسه":ماعرفتي وش قالت
مشاعل: لا
سعود"قمت ع طول اشوف وش صار معها خفت تجيها انتكاسه ولا انهيار
الله يستر بس ..اكيد عرفت انه كل شئ كذب..وانه حبها لي مجرد خيال
وهي سوته واقع..صعدت الدرج بسرعه..ووصلت للباب ..حاولت افتحه
كان مقفول..دقيت.. ومافي رد..خفت اضرب اكثر..يصحى الوالد..وش
الحل الحي..صرت ادق ولا حياة لمن تنادي خفت يكون صار بها شئ..
نزلت تحت ودخلت المجلس..واخذت صندوق عدتي وصعدت ع فوق
وبصعوبه قدرت افك الباب..دخلت..وكانت الغرفه مظلمه ومافيها أي
نور...مشيت لحد ماوصلت للانورا وشغلتها..دورت عليها بالصاله وما
شفتها..دخلت ع الغرفه ونفس الحكايه مظلمه..مشيت وشغلت الانوار
الا وهي متكورة ع نفسها وتهز وتبكي..وجعني منظرها ..رفعت عيونها
يالي كانت حمرا ومتنفخه من البكي ..وع طول فزت ووقفت ..وبين
شهقاتها..تتكلم
رغد"ماني مستوعبه كلامها للحين معقوله..انا كذا اخذت الرجال من
زوجته وعياله..":سعووود
سعود"قربت منها ابي احضنها..كل همي كان انها تسكت..وتوقف بكي
ماني قادر اتحمل شكلها وهي منهارة..تمنيت انه سعاد بوجهي وادوس
ع بطنها..دمعتها حرقتني...شكلها ..وجعني...جيت بحضنها الا هي
بعدت عني..باللحظه هذي تاكدت ضنوني واكيد عرفت اني مب
يالي بقلبها...":..................
رغد"وصوتي مبحوح من البكي وبصعوبه تكلمت":سعود ليه اخذتني
..سعود ليه مارديت على يوم اتصلت..
سعود"شكلها كان يقطع القلب مثل البزر يالي..يدور ع حضن الامان
والحنان..بس خايف ":ماردي تلاني انشغلت بالرجاجيل
رغد"باانفعال": بس انت قلتي لي يوم اتصل بترد ع طول ليييه
سعود"خفت عليها": والله ماانتبهت انشغلت اعذريني..بس انت هدي
وقولي لي وش فيك وش صار
رغد: سعود صدق انت متزوج؟؟؟
سعود"بهدوء لاني كنت متوقع انها بتعرف..بس كنت انا يالي ابي اقول لها
":ايه
رغد"يعني كلامها صحيح":يعني صدقت..انا ..انا
سعود"عقدت حواجبي..يوم شفت شكل ملامحها تحولت وكشرت":انتي
وش
رغد"قربت منه..ومسكت يده ابي احصل جواب..ينهي كل الافكار يالي
ببالي.. وبرجاء": قول لي انه كلامها كذب انا مب كذا صح انا مااسويها
صحيح اني مااذكر شئ..بس اعرف واحس انها مب من اخلاقي
سعود"استغربت كلامها ومافهمت":وش الي صار فهميني
رغد"ماقدرت امسك حالي اكثر": وش اقوووول... اقول اني عرفت
حقيقتي.. عرفت اني وحده بلا ضمير.. وحده لاعبه ولفت ع واحد متزوج
وعنده عيال.. وحرمتهم منه..اقول.. اني انصدمت بمن اكون..انصدمت
وتمنيت اني ماصحيت من نومتي..واكتشف وشلون انا حقيرة ..."تو
بكمل الا قاطعني بصوت حاد ونبرة تخوف جمدتني"......
سعود" انصدمت من كلامها وسبها لنفسها ...هذي وش سامعه وش قالو
لها.. ماقدرت اسمعها تهين نفسها اكثر..وحسيت كل دمي تجمع وصار
يغلي يوم اهانت نفسها وقالت عنها انها حقيرة":رغددد وش تقولين
انتي ...سامعه وش تقولين عن نفسك وش هالخرابيط وش هالكلام
يالي ماله داعي
رغد"ع خوفي منه بس كملت":هذي الحقيقه
سعود"بنفس الحده": أي حقيقه ..واي خرابيط
رغد:تقدر تقول لي اجل.. وش جابك لعندي..يعني لو مو كلامها صحيح
كان انا الحين مب عندك..يعني بتقول سمعت عني شفتني..واعجبت فيني
مااصدق انت بالقصيم ..وشوف انا وين..الاف الاميال بينا..وشلون وصلت
لك.. ماوصلت لك الا بطريقه مب زينه..انا انقد ع نفسي وربي اني احتقر
نفسي فوق ماتتصور
سعود"قربت منها ..ومسكتها من كتوفها هزيتها ..وكاد نها تصحى
من هبلها..":ولا كلممه .. من قال لك هالحكي الي ماله صحه.......
رغد: اخت زوجتك.. ام عيالك ..يالي هي تعبانه.. وتاركها ع حسابي
سعود.. ماابيك تظلمها وتظلم نفسك ع حسابي...
سعود"مسكت وجهها بيدي وقابلتها وعيوني بعيونها...":طيب لو قلت لك
وش الموضوع بتصدقيني ولا لا
رغد"بحزن":وش بتقول ويهون على حقيقه نفسي
سعود"مسكت يدها.. وسحبتها وجلست ع الكنبه وجلستها جنبي...":طيب
قولي لي قبل وش سمعتي
رغد"اخذت نفس وحاولت اهدي نفسي.. وهديت ..حسيت تاثيره على كبير
بس ناظرت عيونه وحسيت براحه وامان..قلت له كل يالي صار بيني
وبين سعاد..".
سعود:رغد ..انتي بنت ولا كل البنات ولا ابيك تفكرين مجرد تفكير انه
يالي خلاني اجي واتزوجك كان عن طرق خطاء او فيه شئ يسئ لاخلاقك
رغد: طيب وشلون عرفتني ..
سعود: انتي بنت لك اخلاقك ..والكل يشهد لتس عليها ومافي حد يقدر
يقول عكس هالكلام..
رغد"وللحين ابي اعرف.. وشلون تزوجنا وشلون..وصل لعندي":طيب
كيف عرفتني.. وليه تزوجتني ع زوجتك ام عيالك
سعود: هذا ياطويلة العمر.. كان عندي اخو
رغد: طيب وش دخله"وبعدين فكرت": ووينه هو مااشوفه ولا اسمعكم
تتكلمون عنه
سعود"بضيقه": اخوي عطاتس عمره
رغد"تندمت ..لاني خليته يذكره لانه بانت ع وجهه علامات الحزن
والالم.. شكلهم كانو قريبين حييل.. شكله يحبه بالحيل..":الله يرحمه
سعود"بتنهيده": اللهم امين.. المهم اخوي كان صديق اخوتس..وكان
يداوم معه.. بنفس منطقتكم..وعرف عنكم سمعتكم الزينه..وطيب
اصلكم.. وحنا عرفناكم عن طريقه
رغد: طيب .. وش خلاك تخطبني
سعود"بابتسامه.. حبيت اكسر جو التوتر يالي هي فيه":وش فيتس
عجله الله يهديتس اصبري جايتس بالكلام
رغد" خجلت من نفسي وضحكت":طيب
سعود" حسيت انفرجت الدنيا لي يوم شفت مبسمها": المهم..انا كان بيني
وبين مزنه خلافات
رغد: من مزنه زوجتك
سعود: ايه... وكنت مطلقها.... وبعدها جيت وخطبتك..وبس هذا كل مافي
الموضوع
رغد"حسيت براحه.. لان يماني لاعبه مثل مافكرت..":صدق
سعود: ايه صدق...وش تظنين يعني
رغد: مدري من كلامها خفت اكون لاعبه واخذتك من عيالك وزوجتك
سعود"ماحبيت ادخل بالتفاصيل.. هذا شئ مو صدق وشلون انهارت
كيف لو اصدمها بكل شئ..":لاتستعجلين مره ثانيه..شوفي وش
سويتي بحالتس.. ضيقتي خاطرتس ع شئ مايستاهل..وخربتي عليك
العزومه.."وبمزح"حتى عيونك شوفي وشلون صارت كانها فناجيل
قهوة..ومتنفخه
رغد"طيرت عيوني ع تشبيهه ولا ويضحك بعد": يادددددب
سعود:ههههههههههههههههههههههههههههه
رغد"تخصرت": انا حالتي حاله وانت تضحك علي...سعووود
سعود"بلا شعور": عيونه
رغد"خجلت وصرت اسبل بعيوني": لاتتمسخر على
سعود:هههههههههههههههههههههههههههههه
رغد"مسحت دموعي من وجهي وخدي...وفجاءه اخذني حضنه..الصراحه
انبسطت انها جت من عنده لاني اساسا كنت ابيه يحضني".........
سعود"شكلها وهي تمسح دموعها ..مثل الطفله... ماقدرت الا وحضنتها
كنت ابيها ترتاح.. وتحس اني معها وتحس بالامان...":مره ثانيه ياهبله
لاتصدقين أي حد سامعه
رغد"وانا بحضنه": وش عرفني.. شفتها من اهلك.. وقلت وش مصلحتها

تكذب
سعود: هذي شغلها عندي انا اوريتس فيها...
رغد:لا سعود ماابي مشاكل..
سعود" بعدتها شوي ورفعت وجهها قبالي": قولي لي تعشيتي ولا لا
رغد: ايه الحمدالله
سعود"رجعتها لحضني": ايوا ع بالي
رغد" انبسطت من اهتمامه فيني..":وانت
سعود: ايه تعشيت
رغد: طيب بجهز ملابسك عشان تنام
سعود" مسك يدي": لاحقن ع النوم تعالي سولفي لي وش سويتي.. ومن
شفتي.. وعرفت حد ولا لا
رغد"جلست قريب منه.. وقلت له كل شئ صار.. من هبال ريم والعنود
وبعدها تذكرت وشهقت...
سعود"خفت من شهقتها..ضنيت فيها شئ وبخوف": وش فيتس ..في شئ
يوجعتس حاسه بشئ
رغد" حطيت يدي ع رقبتي..وضربت كتفه": يادددب احرجتني اليوم عند
البنات
سعود" وانا للحين مو مستوعب": .........
رغد" ضحكت ع شكله وهو مب فاهم شئ":هههههههههه
سعود: وشو
رغد" استحيت اقول واشرت ع رقبتي وهو شافها وفطسس ضحك":.....
سعود"ماسك بطنه":هههههههههههههههههههههههههههههه
هههههههههههههههههههههههههههههههههههههههههههههههههه هه
رغد" انقهرت": ايه اضحك وش عليك مو الاحراج مو لك لي
سعود:وشلون صارت كذا"وهو ياشر ع رقبتي"
رغد" بقهر": ها ها تتستهبل يعني.. مسوي برئ وطالع منها
سعود"ضحكت ع هبالها وعفويتها":هههههههههههههههههههه ايه كل
البرائه فيني
رغد: ايه بالحييييل...ايه مب عليك الاحراج.. وربي استحيت من تعليقهم
يادب
سعود:هههههههههههههههههههههه.. عادي وليه تنحرجين..
رغد: لا والله .. انت ماشفت نظراتهم لي
سعود"قربتها لعندي وحاوطت خصرها بيدي.. ووجهي صر بوجهها و
احس بانفاسها بوجهي.. ووجها محمر من الخجل..يالي مااقدر اقاومه ابد
": ماعلي فيهم.. زوجتي وانا حر.. يعني اشوفتس قدامي وبكامل زينك
وماتبيني اترك بصمتي عليتس
رغد"تمنيت ادخل بهدومي من الاحراج":سعوووود
سعود: ياويل حال سعوود
رغد" عضيت ع شفايفي.. وانا ميته خجل منه..وصرت اسبل بعيوني..
قرب مني.. وصار يبوسني.. وانا مستسلمه له..فجاءة...وق بسرعه
وكانه في شئ نفره مني.. وقال
سعود" كنت ناسي كل شئ.. وهي بين يديني..كانت لحظات اتمنى فيها
الزمن يوقف..تذكرت حلفانها يالي صدى صوتها للحين يرن براسي
وبعدت بسرعه.. شفت علامات الاستغراب ع وجهها..وصرفت":
يالله شوفي الساعه كم تاخرت وش بيصحيني للدوام.."دخلت الحمام"
اكرمكم الله...وع طول اخذت دش بارد.. يطفي شوقي لها..
طلعت الا وهي ع جلستها.. مشيت لعندها..وحطيت يدي ع كتفها...
رغد"كنت مستغربه من رده فعله.. هذي ثاني مره يبعد عني بطريقه
غريبه.. وش فيه.. صارت الافكار توديني وتجيبيني.. يمكن لانه خايف
ياثر علي بما اني تو طلعت من المستشفى... او واو وافكار تروح وتجي
ع بالي.. صحاني من سرحاني .. هزه لكتفي..رفعت نظري له ..وابتسمت
":نعيما
سعود" بادلتها الابتسامه": الله ينعم عليتس.. ماودتس تغيرين
رغد" وقفت": الا بس كنت انتظرك تخلص..
سعود: يلا انا رايح اريح احس بجسمي متكسر بالحيل
رغد" بخيبه حاولت اخفيها.. يعني ماراح ينتظرني حتى انام بحضنه":طيب
تصبح ع خير
سعود" مشيت للسرير وانسدحت": وانتي من اهله
رغد" اخذت لي ملابس.. ودخلت اتروش..وكنت حاسه بضيقه ..باليومين
هذي..ماصرت اعرف انام الا بحضنه....طلعت وجلست اجفف شعري
وبعدها مشيت للسرير..وكان نايم ومعطيني ظهره عرفت من انتظام
انفاسه.. انسدحت جنبه ولفيت .. وانا متضايقه.. كنت ابي انام وانا بحضنه
تقلبت والنوم كان مجافيني..وبصعووبه قدرت انام..........
سعود" ماكنت نايم.. انتبهت لتقلبها.. ودي لفيت عليها وسالتها.. وش
مضايقها.. بس خفت.. خفت اني ماعاد امسك نفسي.. واتهور... بعد
ساعتين ..حسيت بهدوئها ...لفيت عليها ..وليتني مالفيت....انبهرت
بشكلها..كان كله انوثه.. وبرائه وطفوله..بقميصها الوردي..من غير
اكمام.. وقصير لتحت الركبه.. وهي متكورة ونايمه ع جنبها..وخصلات
من شعرها مغطيه وجهها..بلا شعور مني ..قربت منها وبعدت الخصل
عن وجهها ابي اتامله .. وامي عيني من نظره..ياما شفتها وهي نايمه
بس بالشكل هذا لا.. اسرني شكلها... قربت من خدها وبستها.. انتبهت
لها وملامح وجهها تتغير.. شكلي ازعجتها ههههههه.. صرت ادقق بالنظر
ناظرت رقبتها وتذكرت.. وشلون كانت بين يديني... ومافي أي حواجز
بينا... كنت برضاها .. ومتقبله حضني لها..مشيت يدي ع شعرها..ثم
ع عيونها.. ثم نزلت ع خشمها الصغير...وثم مبسمها..ودي بستها بس
مسكت نفسي.. لاني ماضنيت بقدر اوقف بعدها..انقلبت وهي نايمه..
وارتفع قميصها اكثر.. وقتها حسيت بحراره مهيب طبيعيه..قربت
بغطيها الا انتبهت للشامه يالي بفخذها.. لونها احمر..مايل للوردي..
شكلها غريب... يوم دققت النظر فيه كان نص قلب..شكله يجذب
مع بياض بشرتها..اغراني اني المسه..مديت يدي..حسيت كل حراره
جسمي انتقلت لفخذها..رفعت نظري لوجهها الا وعيوني تعلقت بعيونها
"
رغد"انتبهت له من بعد بوسته لخدي..وكل مره يديه تمر ع وجهي احس
اني بموت من الحيا... وماني قادره اصحى.. واقول له انا صاحي مب
نايمه.. لحد ماوصل لفخذي هنا مااقدرت اكمل.. غصب عني فتحت عيوني
...."
سعود"تناسيت كل شئ ..وقربتها لعندي.. مسكتها من خصرها ..وسحبتها
لعندي..وهي تحاول ماتبين ارتباكها ورجفتها..حركت يدي ع شعرها
ورفعته.. عن وجهها..بستها.. ماقدرت امسك نفسي اكثر من كذا......

الله اكبر الله اكبر.......
وكان الاذان ناوي ينبهني ع الي اسويه.. وبعدت عنها .. من غير
ماانطق بحرف.. وقمت توضيت ولبست وطلعت للصلاة....
رغد"كنت بين يديه واحضانه.. الا بصوت الاذان..حسيت بضيق..من
طريقه ابتعاده للمره الثالثه عني.. ومن غير ماينطق بكلمه.. قام عارفه
انه وقت صلاة.. بس طريقته غريبه.. وكانه يتذكر شئ وينفر مني..
قمت وتوضيت .. وصليت .. بعدها جلست اقرا القران.. ولما خلصت
قلت الادعيه الصباحيه.. وبعدها انسدحت.. انتظرته .. بس هو طول
وانا ماحسيت بنفسي الا نايمه..........

ع الغدا ...كنت جالسه ااكل جنى.. يالي كانت مبسوطه حيل بحضنى
وجالسه تدلع..وانا ااكلها.. انبسطت عليها ماشاءالله عليها نطقها سليم
وتفهم كل شئ..حمدت ربي انه رزقني فيها ..
مشاعل: وش اخبارتس اليوم
رغد: الحمدالله بخير
مشاعل: سعود قال لي وش صار.. وابيك تعرفين انه هذا طبعها ..
ودايم تحاول تخرب
رغد"ابتسمت": ايه قال سعود
مشاعل:طيب البنات سالوني .. يبون يجون عندنا .. لانهم امس مجلسوا
معتس ولا سولفوا.. ودتس فيهم ولا اتعذر لهم
رغد" كنت برفض.. بس فكرت.. وشلون بتذكر اذا ماخالطت يالي اعرفهم
واجتمعت معهم يمكن مع السوالف يمر شئ ع بالي واذكر":طيب .. بس
متى يجون
مشاعل: بعد صلاة العشاء
رغد: طيب

بعد الصلاة الا والبنات عندنا.. كانوا رهيبين سوالف وضحك وخبال
ع اني مو ذاكرة شئ من يالي ييقولونه بس حسيت بالالفه معهم..
الريم: وربي اني خايفتن فوق ماتتصورون
رغد: ليه
الريم: زواجي مابغى عليه الا اسبوع..
العنود: وين يالي تعد الايام عشان تجتمع مع قيسها..هاهـ
الريم"وحست بمغص ببطنها": اسكتي وربي احس اني بستفرغ يوم
جبتي طاريه
العنود" تبعدها": قومي الله يقرفتس وععع.. قومي
الريم: ويقرفتس.. يعني يقال الحين منتي خايفه انتي حالتس من حالي
العنود" تخفي خوفها": وش يخوف عادي هذي سنه الحياة..وهو يوم
ويعدي بخيره وشره .. يعني ماله داعي تكبير الموضوع
مشاعل: هههههههههههههههههههه الله شوفوا من يتكلم ..هذا وجهي
اذا ماكبر السالف هالا انتي بوقت الجد وقول مشاعل ماقالت
العنود"وتطلع لسانها":ها ها ها ظريفه
مشاعل" بثقه ": من يومي
الريم: اقول مالت عليتس بس
العنود: رغود للحين ماتذكرتي شئ نبي ناخذ نصايحك
رغد" ضحكت ع اسلوبها":هههههههههههه ياليت والله اذكر
مشاعل: وليه ماتساليني .. وانا بعد متاهله .. وصرت امراءة متزوجه
الريم: اتعب ع المتزوجه.. طسي بس.. ماوراتس الا جيبة العيد وانا
بنت عمتس.. انا ابي رغد هي اركد.. ماتشوفين وشلون سعود طايرن فيها
وانتي رجلتس شكله ماصدق يفتك منتس.. يعني ماتنفعينا
مشاعل" طيرت عيونها": انا ماصدق يفتك مني .. انقللللعي وربي انه
كل يوم يقول ماصارت .. متى برجع.. بس انا يالي ارفض
العنود" تطنشها":أي أي .."وتلف على": رغيد حاولي تذكرين وتسعفينا
مشاعل: انا اوريتس يالعوبا
العنود" تقوم": فيتس خير اركضي وراي يالبطه
الريم: هههههههههههههههههههههههههه بطه هههههههههههههه
رغد" ماقدرت الا اني افطس ضحك ع خبالهم...":هههههههههههه
هههههههههههههههههههه
مشاعل" بزعل": وتضحكين انتي ووجهتس.. بدال ماتوقفين معي
رغد:ههههههههههههه من قال لك تحارشينهم وانتي بوضعك هذا
مشاعل" بتوعد": طييييب انا اوريتس
الريم :وش بتسوين يعني
مشاعل"اخذت التلفون واتصلت...":
الريم" تخصرت وصارت تستهبل...":وش بتسوين يعني بتتصلين ع
نيوفي مثلا
مشاعل: اووخص وصار نيوفي بعد
الريم" تسبل بعيونها": ايه نيوفي وحبيب وروحي بعد وش عندتس
مشاعل" يالي فاطسه ضحك ع ريم يالي ماتدري وش الطبخه":ايه وبعد
الريم" مسكت خط": ايه انتي غيرانه انه رجلي احسن وااوسم من رجلتس
مشاعل: لا ياشيخه وشلون
الريم: ايه شوفي الطول والرزة والزين.. يالبى عيونه يانس اروح ملح
ولا جسمه.. ياووويل حالي انا .. آآآهـ متى اخمد بحضنه.. ونعيش
بجو رومنسي
نايف"وماسك ضحكته": اوويل حالي كل هذا لي
الريم" وكان حد كب عليها مويه باردة":...نااااايف!!!
نايف: كملي كملي... وش فيني من الزين ..
الكل:ههههههههههههههههههههههههههههههههههههه
الريم" شوي وتصيح": شعيل وش سويتي
مشاعل" يالي ماسكه نفسها":هههههههههه اتصلت ع غزلان..وقلت
لها ابيه نايف يسمعتس .. عشان تعرفين وشلون تستهبلين ع راسي
وتقولين لي يابطه
نايف" يتهاوش مع مزون": اصبري .. ابي اكلمها
مزون: قوم بس ماتنعطى وجه انت وخشمك
نايف: ريم اسمعيها وش تقول عني.. افا افا وتسكتين لها
الريم" يالي ودها انه مشاعل تقفل.. وتتوطى ببطنها":........
يزيد" يسحب السماعه" وانا ابي اسمع صوت زوجتي وينها
العنود" احمر وجهها وطلعت من الغرفه":..........
مزون" تسحب التلفون": اشوف انت وياه يالله .. صدق ماتصدقون خبر
مشاعل" وهي ميته ضحك": يلا اخليتس الحين. وبعدين اعطيتس اخر
الاخبار ههههههههههه
مزون: طيب هههههههههههههههههه
مشاعل: فمان الله
مزون: فمان الكريم
يزيد" معصب": ليه ماخليتيني اسمع مثل هالطعس
نايف" يضحك": مالطعس الا انت ولا يكثر..
مزون" تصير اختهم من الرضاعه": غزلان الحقي شوفي المهابيل
غزلان" وهي متغطيه": وش فيهم
مزون: يبون يكلمون حريمهم
غزلان: ههههههههههههههه خليهم عشان يصير تاجيل مؤبد ولا عمرهم
يعرسون
يزيد" ينط": لا لا عمري ماكلمتها اصبر.. كلها اسبوع ومحدن له كلمه
على
مزون: ايه خذها ولا عاد نشوفها حلال لك مانبيها
يزيد: اقول سدي خشمك.. ان سمعتس متصله تبينها اوريتس
نايف: ماخذن مقلب انت وزيتونه حرمتك محدن يبيها
يزيد" بعصبيه ": لا اجل الربع حرمتك .. فرحان فيها
نايف" يتذكر صوتها وتغزلها فيه": اوويل حالي .. ماطير مخي غير
هالربع يالي مهب عاجبك.."ويحب راسم زون": طلبتس اتصلي ثانيه
غزلان: لا انهبل الاخ.. انتي غلطانه .. هذول ماينعطون وجه
يزيد" بقهر": الحين وش معنى هالضب يسمع وانا لا
مزون: هههههههههههههه الضب هذا حرمته متفرعنه قلنا نهجد شياطينها
اما انت حرمتك .. هاجده
نايف" مسوي فيها":لاتغلطين ع زوجتي وشياطينها
غزلان: الحقى الاخ طاح ومحدن سمى عليه حتى شيطينها مهب راضي
عليهن
مزون: أي والله انهبل
الكل:هههههههههههههههههههههههههههههههههههههههه

الريم" وهي تبي تضرب مشاعل بالمخده": ليه تسوين كذا وووجع
مشاعل" متخبيه وراي": محدن قالتس تقولين لي بطه ..
الريم" شوي وتصيح": وتحطيني بالموقف هذا يالظالمه.. وش هالاحراج
ياربي.. ماابي اتزوج خلاص
العنود: ههههههههههههههههههههه ماضنيت نايف.. بيصبر للاسبوع
اضنه عند عمي الحين ويقوله باخذ حرمتي
الريم: وووووووووووجع انقلعوووا
رغد:هههههههههههههههههههههههه وربي مهابيل منتم صاحيين
مشاعل: هههههههههههههههههههههههههههههههههههههه
الريم" تتوعد": والله لاردها لتس يالبطه
مشاعل" تسوي حالها بتتصل": من البطه هاهـ
الريم" وبتصيح خلاص": شعييييل يامال الي منيب قايله خلاااص
الكل:هههههههههههههههههههههههههههه

مر اليوم حلو... وانبسطت حيل فيهم وبجمعتهم... بعد العشاء كنا
انا وخالتي وعمي ومشاعل.. نتقهوى....
رغد: خالتي..
ام راشد: هلا يايمه
رغد: سعود يوم اتصل ماقال متى بيرجع
ام رراشد: قال بيتاخر يابنتي .. ماقال متى بيرجع
رغد" حسيت بضيقه لاني اليوم بطوله ماشفتها ماجا ع الغدا والعشاء
بعد... شوي الا اسمع صوته حسيت بطير من الفرحه.. ونطيت بقوم
استقبله.. الا اتفاجاء بالحرمه المتغطيه وهي تدخل.......
مزنه" تشيل الغطا والعبايه": السلام عليكم
الكل : وعليكم السلام
رغد" تجمدت بمكاني.. وتسالت من تكون.. وع طول جا ببالي انها زوجه
سعود الاولى.. وطلع صدق يوم خالتي تسالها عن حالها...
ام راشد: وشلونتس يامزنه .. وشلون امتس وابوتس
مزن: الحمدالله ياعمه الكل بخير ويسلمون عليكم
ام راشد: الله يسلمتس ويسلمهم
مشاعل" من غير نفس": الحمدالله ع السلامه
مزنه: الله يسلمتس.. وشلونتس مع التعب
مشاعل: الحمدالله ع كل حال
رغد" انتبهت لها وهي تناظرني ثم سالتني":...
مزنه: وانتي يارغد وشلونتس
رغد" كنت اناظرها وادقق بملامحها.. كانت حلوة.. ماانكر..بس بوجهها
حاجه ماريحتني...": الحمدالله وانتي
مزنه: بخير الله يسلمتس
رغد" حسيت بضيقه من صوتها.. في شئ يصارع بداخلي من صوتها
ماني قادرة اعرفه..":...........
سعود: السلام عليكم
الكل: وعليكم السلام
سعود" حبيت راس امي وجلست..جنبها..وطول الوقت نظري مافارق
رغد.. كنت خايف من ردة فعلها.. وكان ودي اقول لها قبل لااجيبها
بس عمي الله يهداه اصر اني اخذها اليوم...": وشلونتس يارغد
رغد" انبسطت بسؤاله.. يعني مو ناسيني ": الحمدالله وانت
سعود" ابتسمت يوم شفت بسمتها":بخير ..
رغد" قمت ع طول وصبيت له القهوة وقدمت له الحلا وجلست جنبه":وين
كنت فيه طول اليوم ماشفتك ..
سعود: ابد والله كنت مشغول ليه.. بغيتي شئ
رغد" نزلت راسي وصرت افرك بيديني": لا... بس..
سعود: بس ايش
رغد: اشتقت لك
سعود" ابتسمت ..": صدق
رغد: ايه
سعود: اخر مره اتاخر كذا.. واطلع مثل هالطلعه وش رايتس..
رغد" بفرحه": اكييد
سعود: اكيد
مزنه" كنت اناظرها وانا مب مستوعبه.. تصرفها.. وشلون الحين خبري
انها ماتذكر شئ.. ويالي اعرفه انها ماتطيقه.. سلون لازقتن فيه الحين
وشوي تجلس بحضنه.. انا كنت ناويتن اصلح علاقتي معها.. واترك
شغل الضراير.. لاني كنت عارفه انها ماتبيه ولا حاطه عينها عليه
بس الي اشوفه الحين.. غير..غير .. ويغير كل الحسابات.. كنت
مفورة من قربها له.. وهو كان مبسوط.. ولا يبتسم ويضحك يالي ما
عمري شفته من اخذته .. يضحك قدامي الا اذا ع الجوال ولا مع
الرجال....
رغد: تعشيت
سعود: لا والله ع لحم بطني من فطوري
رغد" طيرت عيوني": وليه ماجيت تتغدا ولا تغديت برا
سعود: نسيت
رغد" قمت عشان ابجيب له العشاء": طيب ربع ساعه بالكثير
سعود" شئ كنت فاقده وهو الاهتمام.. حسيت وكاني ملكت الدنيا كلها
ع الشئ البسيط هذا...": طيب تراني ميتن جوع لاتتاخرين
رغد" باابتسامه": من عيوني
جبت العشاء له.. وتعشى.. وجلسنا نسولف شوي... الا وقف وقال يلا
انا رايح انا.. تبون شئ
ام راشد: سلامتك يايمه وتصبح ع خير
سعود: وانتي من اهله.."ولف ع مزنه": يلا
رغد" حسيت بصدمه مابعدها صدمه..كنت راح اقوم وراه.. بس جمدت
بمكاني يوم ناداها":.......................
<<--يتبع




التوقيع:
signat
UoZa غير متواجد حالياً   رد مع اقتباس
قديم 18-06-2012, 05:56 PM   #24
عضو نشيط جدا
 

افتراضي رد: رواية انت غرامي وجنوني بدون ردود

(( الجزء الثاني والعشرون))

رغد " تابعته وهو يصعد ومعه مزنه.. مشى ولا اهتم ..نيناظرني.ولا يبرر
لي...حسيت بضيق و...ابي اتنفس ماني قادرة ..جلست وانا اهز رجولي
مقهورة... من الي صار.. ليه سوا كذا وليه تجاهلني.."
مشاعل" حسيت عليها يوم تغيرت ملامح وجهها يوم صعد سعود..قمت
واخذتها من يدها وهي مشت وراي.. من غير نقاش لغرفتي...جلست ادور
موضوع افتحه معها .. بس مالقيت غير اني اسالها عن طلعتها مع اهلها
من كم يوم":... الا وش سويتي مع اهلتس يوم رحتي معهم .. انبسطتي
رغد" وانا بالي مع سعود":همم
مشاعل: اقولتس وش سويتي مع اهلتس
رغد: عادي
مشاعل: وشلون عادي.. يعني حسيت براحه معهم
رغد: مدري
مشاعل: وش فيتس تتكلمين بالتقطير
رغد" ماكان لي خاطر اسولف...":متضايقه
مشاعل: عشان سعود راح ينوم مع مزنه
رغد: ايه
مشاعل: ياقلبي لازمن تعودين نفستس ع كذا .. وكان هذا حالكم
قبل لاتطيحين علينا .. يوم لتس ويومن لها
رغد: وشلون انا متحمله كذا..
مشاعل: الله يسلمتس يوم تجي ليلة مزنه .. انتي وبنتس يالي الحين مقيمة
عندي وانتي ناسيتها.. تجون تسهرون معي وتنامون عندي
رغد" تذكرت جنى.. الي للحين ماني حاسه باي شعور تجاههاغير المسمى
انها بنتي وبس.. لقيتها فرصه اشيل سعود من تفكيري": الا هي وينها
مشاعل" تاشر عليها ": هذا هي نايمه
رغد" وقفت ومشيت لها..ونزلت لمستوى السرير كانت نايمه ببراءة
وبال صافي مافي شئ يشغله.. تمنيت ارجع بعمرها ويكون كل همي
لعبتي...جلست اراقبها..ومن غير أي تفكير..بستها..وجهها حرك احساس
بداخلي.. شلتها بنومتها.. وحطيتها بحضني..انتبهت هي بتضجر..ويوم
فتحت عيونها .. ناظرتني ثم ابتسمت.. ودفنت راسها بصدري..وكملت
نومها... باللحظه هذي...جنى ماكنت مجرد مسمى بنت لي.. لا حسيت
بغريزة الام تجهها..حضنتها اكثر.. وصرت ابوسها..بسمتها دخلت
قلبي.. وحركت كل احساس فيه..وانا ادقق بملامح وجهها..صارت تمر
على لمحات..وانا حامل... وانا احاول انومها.. والاعبها..بعدها تاكدت
اني ام.. والبنت لها حقوق على وانا مهملتها.. حسيت بتانيب لانه مهما
كان غريزة الام تكون طاغيه ع المرأة .. حسيت بنقص فيني اني ..
ماشعرت .. بنتي.. وشوقها واحتياجها لحضني..":.........
مشاعل: عرفتيها .. تذكرتيها
رغد" وانا للحين اناظر جنى": مااكذب عليك واقول ايه تذكرتها..بس
احساسي تذكرها.. واشتاق لها ..ولنومتها بحضني
مشاعل" بفرح": ايه هذا احساس الامومه .. ع الظروف والمشاكل يالي
تصير مافيه شئ يغلبه لو ايش يصير
رغد" ابتسمت يوم شفتها تضحك.. شكلها تحلم..":ممم
مشاعل: وش
رغد: طيب دامك تقولين انا حنا نسهر مع بعض.. وش كنا نسوي
مشاعل: ابد .. نتفرج ع افلام.. نستهبل.. نحش بخلق الله
رغد" ضحكت ع اسلوبها":ههههههههههههههههههه
مشاعل: هههههههههههه تصدقين اشتقت لايامنا وخصوصا يوم تزوجت
وبعدت
رغد: ليه منتي عايشه هنا
مشاعل: لا انا مسافرة مع زوجي .. وللحين يكمل دراسته
رغد: اهااا
مشاعل: طيب بمناسبه جمعتنا الليله ابروح اجهز لنا خرابيط لزوم
السهرة
رغد: مثل وش
مشاعل: شيبسات عصيرات كل مالذ وطاب
رغد" سدحت بنتي ع السرير.. وغطيتها.. وقمت": خليك انتي انا بقوم
انتي يالله تشيلين نفسك .. مانبي نسبب اضرار جسيمه للي بكرشك
مشاعل" بزعل": لحوول رجعوا ع الكرش.. والله مابني كرش كل هذا
من بركات يالي ببطني.. لاتقهروني
رغد: ههههههههههههههه طيب خلاص لاتفكين حلقك
مشاعل" بزعل": طسسسي بس.. واقول لاتنسين عصير الرومان
رغد" مشيت.. وانا اضحك عليها.. نزلت المطبخ.. واخذت كاسات ..وثلج
وانواع العصيرات...وسويت فوشار..وحطيتهم بصينيه.. واخذت من
الشيبسات.. وصعدت فوق فيهم.. انبسطت بالسهره بس سعود مافارق
تفكيري.. وتطنيشه لي وحتى.. ماتعب نفسه يبرر لي...."

سعود" كنت منسدح.. وافكر فيها.. ندمت اني ماكلمتها وفهمتها الوضع..بس
ماابي اظلم مزنه.. يوم شفت نظراتها وانا وهي نسولف.. حسيتها انقهرت
لازم اعدل بينهم.. كفايه اهملتها.. وهي كانت محتاجه لي حالها حال رغد
وصبرت ومانطقت بحرف...انتبهت لمزنه.. تجي وتطفي الانوار..
ونامت بجنبي.....................................

رغد" صحيت ع صوت الجوال.. وكنت هلكانه ابي انوم... سهرت امس
وماغفت عيني الا الساعه 8.. فتحت عيوني بصعوبه.. شفت المتصل
امي.. قلت بتجاهله .. بس انبت نفسي.. حتى لو مااذكرها هذي امي
رديت: الو
ام رائد" بفرحه وشوق": هلا والله السلام عليكم
رغد: وعليكم السلام
ام رائد: اخبارك.. يمه واخبار جنى وسعود
رغد: الحمدالله بخير.. انتي وشلونك وشلون" ترددت .. بنطق الكلمه
بس لازم اعود نفسي واجبرها ..لازم امهد الطريق لذاكرتي.."ابوي
ورائد
ام رائد: بخير وكلهم يسلمون عليك ..بشريني ياقلبي عسى ماتحسين
بتعب..
رغد: لا الحمدالله بخير .. وماشي حالي
ام رائد" بامل": وللحين ماذكرتينا
رغد" حسيتا ني بخيب املها .. بس مااقدر اكذب عليها": لا والله
بس ان شاءالله مع الايام بذكر وبرجع مثل قبل..
ام رائد: ان شاءالله .. والله انه قلبي يتقطع عليك يايمه.. من بعد ماكنتي
تكلميني كل يوم.. واسمع صوتك واتطمن عليك.. وطحتي علينا ..ماعدت
اسمعك.. ولا اااعرف اخبار الا ..بصعوبه
رغد" حنيت عليها ومن نبرة صوتها يالي مليانه حزن والم ع فراقي":
ان شاءالله ازمه وتعدي وارجع مثل قبل
ام رائد: ان شاءالله
رغد" جلست اسولف معها عن يالي صار معي من صحيت.. ومن قابلت
ومن شفت.. وحبيت اسالها عن طبيعه وضع سعود.. وشلون خطبني..و
شلون جا لعندنا.. بس مالقيت منها جواب يبرد قلبي ويريح بالي...كانت
تتهرب من الاجابه .. وتدخلنا بمواضيع ثانيه...بعدها قفلت منها.. بعد
ماوعدتها اني اكلمها ثاني.. مااكذب واقول تذكرتها.. بس بديت احن
له.. وارتاح بسوالفي لها.. نبرة الحنيه بصوتها خلت قلبي يرق لها

نزلنا ع الغدا.. وكان سعود.. ومزنه موجودين.. مشيت وتجاهلت وجوده
ابي ارد له حركته يالي امس...سلمت وجلست: السلام عليكم
الكل: وعليكم السلام
جلست اكل بهدوء.. وكنت اسولف مع الكل ماعداه.. وكنت اتحاشى
تلتقي عيوني بعيونه.. وبعدها اضعف..
سعود" شفتها تاخرت.. وفكرت انها اكيد زعلانه للحين من بعد امس
بس يوم اقبلت ارتحت.. كنت بسالها عن حالها.. بس تفجأت بتجاهلها
لوجودي.. عصبت .. وتنرفزت مهب انا يالي تسوي لي كذا..ورديت
لها نفس تصرفها...خلصنا الغدا.. وقمنا للصاله نتقهوي..هالمره..مزنه
قامت تقهويني.. وهي جالسه بمكانها.. ولا حتى ناظرتني .. ابد طول
الوقت متجاهلتني.. حسيت بقهر.. وودي قمت .. وهزيتها..ماحبيت
هالتعامل.. ع انها ايام قليله اجمعتني فيها بطبع ثاني.. الا اني تعودت
عليه وحبيته .. وماحبيت افقده ..تكلمت وحاولت اكسر هالحاجز..خوفا
من انه يجي اليوم يالي تذكر فيه كل شئ.. وتنتهي احلا ايامي...":وش
اخبارتس اليوم
رغد" انتبهت له وهو يكلمني.. اشتقت لصوته وحنيته.. مدري ليه
يربكني..": الحمدالله
سعود: دووم ,, وانا بخير بعد
رغد" انحرجت من نفسي.. ومن رده": دوم عسى ربي لايغير عليك
سعود: ويدوم لكي ارب
رغد" سؤاله عني.. كسر جمودي ناحيته.. وماقدرت اتجاهل وجوده
اكثر ولا اني مااكون قربه.. كفاي هامس مانام معي.. ولا جلست معه
فقدته حييل..قمت واخذت صينيه الحلا ومريت فيها عند عمي وخالتي
ثم جيت لعنده":سم
سعود" يمد يده": سم الله عدوتس.. انتي يالي مسويته
رغد: ايه وشلون عرفت
سعود" بابتسامه.. ذوبت قلبي": اعرف طبختس.. واميزه
رغد" انبسطت من رده": بالعافيه
سعود: يعافي قلبك

مزنه" كنت اراقب سعود.. واراقب تصرفاتها يالي انقلبت 180 درجه
عن قبل... وكيف تتلزق فيه.. وهو ميتن عليها.. انقهرت.. وصرت افكر
بطريقه.. اخليها ترجع ذاكرتها لها.. وتحل عني وعن سعود....":
رغد" من بعد ماتكلمت امس مع مشاعل.. وخططنا نروح السوق..وقفت
وناديت سعود": سعود ممكن شوي
سعود" وقفت ولحقتها ع المطبخ": هلا
رغد" بزعل": ع اني زعلانه من الي امس .. بس ماقدرت ولا طاوعني
قلبي.. اسوي مثلك امس
سعود: وش سويت امس
رغد" تخصرت": لا ناسي امس وش سويت
سعود" نبرتها واسلوبها الطفولي اسرني..": ايه صح.."ومن غير شعور
لقيتني ابرر لها": والله انشغلت وعمي ماعطاني مجال وجبتها ع طول هنا
رغد: طيب ماقلت شئ.. بس ع الاقل تحطني بالصورة.. مو بالامو والواقع
وتخليني انام مقهور" وتكتفت ولفيت عنه":
سعود"مسكت نفسي لااضحك ع شكلها":انتي عارفه الوضع وبعدين لازم
اعدل مابينكم.. ومايكون فيه تفرقه
رغد" وانا مبرطمه": وانا ماقلت شئ.. بس كان كلفت ع نفسك تشرح لي..
وماكان بياخذ من وقتك الثمين"وبنبرة كنت احاول اخفي الغيرة منها"معها
سعود" حسيت بالغيرة يالي كانت تحاول تخفيها.. وانبسطت..وحاولت
اخفى بسمتي...":يعني افهم الحين انك تغارين
رغد" احمر وجهيي. وارتبكت": وش اغار.. هاهـ لا.. مو غيره بس ما
حبيت تطنيشك لي...
سعود" ضحكت ع شكلها وهي تنكر.. قربت منها وشوي والزق فيها
ومن تنفسها عرفت انها ارتبكت.. حفظت تصرفاتها ..وباادق التفاصيل
يوم تكذب.. ويوم تصرف.. ويوم ناويه تستهبل..: عيني بعينك اشوف
رغد" بوجه عبيط": ها شوف
سعود" وبسرعه.. بستها.. وهي ارتجف كل كيانها.. ووجهها صار علبة
الوان.. مدري ليه سويت كذا.. ع اني جدي بتصرفاتي.. ومااحب ابين
عاطفتي.. وخصوصا انا حنا مب بغرفتنا.. بالمطبخ":.........
رغد" ودي دخلت جوا ملابسي يوم لمحت مشاعل.. وهي تبتعد": ليه
سويت كذا
سعود" ببلاها": وش سويت
رغد: لا احلف ياشيخ .. لو حد مر وشافنا .. ياويلي من الاحراج.. ناوي
تذبحني وتجنني.. امس مع تهورك.. واليوم بعد
سعود" بضحكه.. دخلتني بعالم .. ولا احلا منه":هههههههههههههههههههه
وش اسوي انتي يالي تحدني ع كذا محدن قالتس.. تسوين حركات الاغراء
هذي
رغد" شهقت وطيرت عيوني":انااااااااا
سعود" مكمل وماسك ضحكته": لا خيالي هو في غيرتس بالمطبخ يعني
رغد: متى سويت يالي تقول عنه
سعود" ومكمل ": يوم تنطين خشتس لي وتقولين بوسني
رغد" شهقت مره ثانيه":اناااااا
سعود: اااااااايه انتي من غيرتس
رغد" لاول مره امد يدي ... ضربته ع كتفه ": يادب بلا نصب
سعود:هههههههههههههههههههههه وش فيتس انتي على دب دب والله ماني
دب..
رغد" بعناد":دب دب دب.. بما اني اسوي حركات الاغراء ع قولك فانت
دب ..كيفي.."ولفيت عنه بزعل"
سعود: ياسلام ليه تتبلين على وش اسوي لتس دامتس.. منتي قادرة..ولاانتي
صابرة لحد مانكون لحالنا بالغرفه..
رغد" وجهي صار طماط.. من الاحراج ومن كلامه وتلميحاته":سعوووود
سعود:ههههههههههههههههههههههههههههههههه

مزنه" كنت ابشرب مويه من المطبخ.. ولمحته وهو يبوسها.. حسيت
بكل الحقد تجمع مره ثانيه ناحيتها.. وشلون سعود صايرن انسان ثاني
مهب الجامد.. المكشر.. يوم يكون معي.. رجعت مشاعر الكره لقلبي
ثانيه.. وبديت اخطط.. وشلون ارفع ضغطها مثل ماترفع ضغطي..
وبطريقه ارتاح منها ...... ومشيت لغرفتي وانا ميته قهر..........

رغد" حسيت من حركاته هذي يبي يراضيني بطريقته.. ويبي يتاكد
اني مو زعلانه منه....": مممم
سعود: اعرفتس .. وش عندتس قري اخلصي
رغد" بدلع": يعني افهم من كذا .. انك عارف اني بطلب منك طلب
سعود" باابتسامه": اكيد عارف..وش عندتس
رغد" قربت منه ومسكت يده": سعود.. طلبتك
سعود" وع نفس الابتسامه": تم.. بس وش تبين
رغد: ابي ارو حانا ومشاعل للسوق ...نبي نشتري فساتين لزواج
بنات عمك
سعود" يناظر الساعه": طيب ع الساعه 7 تكونون جاهزين
رغد" بفرح .. وبلا شعور بست خده": تسلم تسلم تسلم
سعود"عفويتها.. وبرائتها.. جننتني ..": يسلمك
رغد" وقفت هبل .. لما لاحظت نظراته.. تخترقني وتذوبني وتحرقني
بنفس الوقت.. جيت بطلع.. بس هو كان اسرع مني ووقفني...":....
سعود" للحين مامليت نظري منها.. ومامل قلبي جلستها وماضنيت ابد
انه بيمل...":ع وين
رغد: بروح الصاله
سعود: وانا
رغد: انت وش
سعود: من يجلس معي
رغد" حبيتا ردها له": عندك مزنه" وحطيت رجلي بسرعه"
سعود" ضحكت ع هبالها":ههههههههههههههههههههههههه

رحنا السوق.. ويالي فهمته من مشاعل انه طبعي قبل هو نفسه الحين
طيحت رجولها.. وانا ادور وللحين موع اجبني شئ ولا دخل مزاجي
شئ...وطفششت وانا ادور ومالقيت .. وصل سعود.. وركبنا..
مشاعل: السلام
سعود: وعليكم السلام..."انتبهت لها متكتفه وباين انها معصبه "
الناس يسلمون يوم يدخلون
رغد" كنت متضايق هاني مالقيت شئ للزواج": اسفه ..السلام
سعود: وعليكم السلام.. وش فيتس
رغد" حسيت لو بتكلم بصيح.. وماابي ابين له اني سخيفه للدرجه اني
ببكي لاني مالقيت فستان مثل مشاعل": ولا شئ
مشاعل" بضحك": ماعليك فيها تراها مولعه مفورة هههههههه
رغد" لفيت عليها وبحقد": شب انتي يالبطه
مشاعل:هههههههههههههههههههههههه انا بطه..يالبعوض
رغد: بعوض بعينك يادبه يابطه
سعود" فطست ضحك ع اسلوبها وهبالها يالي صرت اعشقه .. واعشق
تصرفها الطبيعي الي من غير حواجز....": اقصرو صوتكم منتم بالبيت

رغد" صلحت جلستي وتكتفت وصرت اناظر الشارع":........
سعود: فهموني وش فيكم
رغد: ولا شئ
سعود" عرفت اني ماراح اعرف منها شئ"": وش فيها يامشاعل
مشاعل: ابد بس الست المصون ماعجبها السوق كله.. وبرطمت يوم
انا حصلت وهي مالقت يالي يعجبها
رغد: اصبري وعدك بالبيت" وبصوت عالي": يالبببطه
سعود: هههههههههههههههه خلاص عاد.. وهذا يالي مضيق خلقتس
رغد" انتبهت له وهو يرجع بالسيارة للسوق": ليه رجعت
سعود: ابنزل معتس واشوف
رغد: لاتتعب نفسك .. مافي شئ حلو وماضنيت بيعجبك انت بعد
سعود" بنظرات استفسار": ليه
رغد" انا لقيت فستان وعجبني.. بس مااخذته من بعد تحذيراته...
سعود" قبل لايطلع .. وانا لابسه عبايتي": اسمعي .. بتشترين خذي
يالي تبين .. وباي قيمه.. بس مااشوفه عاري..
رغد: يعني حدد العري بالنسب هلك
سعود: يعني كتوفتس تبان.. صدرك" خجلت ونزلت عيوني من كلمته"..
رجولتس.. يعني بتاخذين خذي ساتر
رغد" بقهر": ماراح يعجبك وخلنا نروح البيت
سعود: وليه متاكده كذا
رغد: لانه الفساتين اغلبها عاريه ..ارتحت الحين
سعود" ضحكت ع شكلها.. كل هذا عشان فستان": ماضنيت السوق
يخلى من أي فستان محتشم.. وحلو ولا انيق
رغد: ايه خلى وخلاص الحين
سعود" وقف السيارة": يلا انزلوا
مشاعل" بتعب": والله مافيني حيل يااخوي حرمتك كسرت رجولي من
اللف بالسوق
سعود" كان باين من صوتها انها تعبانه": طيب بس قفلي ع نفسك
ولاتروحين لمكان
مشاعل: ان شاءالله
سعود: يلا انزلي
رغد: سعود مالي خلق .. وبعدين بيضق خلقي.. يوم ارجع والف ومااحصل
شئ
سعود" باصرار": انززلي
رغد" باستسلام.. نزلت .. ودخلت ع كذا محل.. وماعجبني شئ...وصلنا
للمحل يالي فيه الفستان يالي عجبني.. سعود.. دار فيه.. وجا بيطلع.. و
لمحني.. وانا اناظر الفستان
سعود" اعرف نظراتها يوم تبغى شئ..ناظرت وين عيونها تناظر وشفته
الوانه كانت حلوة.. وكان انيق وناعم..ويبين ذوقها.. بس كان عاري بالحيل
يعني.. كان خيوط.. وفتحة الصدر والظهر.. كبيرة وواسعه..وابد ماعجبني
وغير كذا كان قصير من قدام.. ع شكل مثلث..ومفتوح ع شكل الستاير
من عند الفخذ..لونه حلو... احمر.. صارخ.. ولونه هو يالي ميزه
ناظرتها .. ورجعت اناظر الفستان..": حلو بالحيل
رغد" حسيت انه في امل ياخذه": ايه بالحيل.. واحس انه بيطلع شئ
على مو
سعود" ناظرتها ثم ناظرت الفستان مره ثانيه.. واحاول اتخيله عليها..
انهبلت.. مجرد تخيل انه في حد يشوفها فيه.. ابد ماعجبني حتى لو
حريم...": ايه بس ماينفع
رغد" بخيبه امل متوقعه": عارفه.. مو قلت لك ماله داعي ننزل
سعود" مشى للي يحاسب.. واشر له ع الفستان..وشفته جا لعنده.. وصار
يدور.. وطلع له مقاسي... استغربت كيف عرفه..وهو ماسالني...واخذه
وحاسب عليه.. وجا لعندي ": مشينا
رغد" فرحت.. انه ماكسر بخاطري.": مشينا.. اخيرا ارتحت ..ابي اقهر
شعيل الحين
سعود" بااستغراب": ع ايش تقهرينها وانتي ماخلصتي
رغد" وعلامات الاستفهام فوق راسي": وشلون مو شريت الفستان
سعود: ايه شريته بس مهوب للعرس
رغد: اجل؟؟؟؟
سعود: هذا مستحيل تلبسينه قدام أي حد
رغد: اجل ليه شريته
سعود: بس
رغد: دامك ماتبيني البسه قدم حد وش لزومه الخساير
سعود" بثقه": مهب خساير.. دامك بتلبسينه لي انا وبس
رغد" بلعت ريقي":هاهـ
سعود" يخفي ضحكته: من قال هاهـ سمع
رغد" باارتباك" لا لا خلاص ماابيه وبعدين مو حلو ابدا
سعود" فهمت عليها" هههههههههههه بس انا عاجبني ويلا مشي بلا
هبل.. خلينا ندور لك فستان للزواج
رغد" برطمت ومشيت وانا اتحلطم.. وزاد قهري انه يضحك على..":...
لفينا كل السوق.. واخذت فستان ماني مقتنعه فيه.. هو حلو..بس كان
بخاطري البس الاحمر ...كان فستان انيق.. بلون الموف الفضي..ومن
الحرير... ناعم بالحيل..ومعه الشال هذا يالي خلاها يشتريه.. وبعد
تحذيرات انه الشال مايطيح من كتفي.. بعدها رحنا ع محل الاكسسورات
واخذت اكسسورا فخم بالحيل.. عشان يبرز الفستان..وكان من اختياره
كان ذوقه سيمبل وناعم .. وعجبني.. بس عنادي.. وخاطري بالاحمر
ماخلاني اتهني.. وافرح بذوقه....

اليوم الثاني عصبت... لانه اخذ مزنه.. وراح معها السوق.. عشان تشتري
هو صحيح من حقها .. بس كنت مقهورة لانه بتكون معه.. وشلون تحملت
انه حد يشاركني فيه من قبل.. مدري.. شكله كان عندي قوة تحمل
وصبر...

الليله لليله الحنا للمهابيل.. وكنا متجمعين ببيت الجده ...وكانت
العنود والريم بنص الحريم.. ومنقوش الحنا ع يديهم ورجليهم
وطبعا هبلو بالحنايه.. وهم يستهبلون ويضحكون.. وكل شوي خربوا
الحنا.. لحد ماعطتهم كم كلمه واهجدوا
الريم" بغيض مكتوم": وش تبي الخايسه هذي" بصوت هامس
العنود" بنفس الهمس": مدري عنها دافعين لها ومطفحينها.. وجايتن
تتفرعن فوق راسنا
رغد" شفتهم يتهامسون": وش عندكم وش ناوين عليه
الريم" بضجر": رغد طفشت متى اقدر اقوم
رغد: هههههههههههه بدي .. باقي يحطون ببطن رجلك
الريم: بس ماابي انا وقلت من البدايه
رغد: هذا كلام امك
الريم" محتجه" : ياربي.. انا اصلا ماابي اتحنى.. وبالغصب.. ويوم
رضيت .. مب مخليني ع راحتي .. اف بسسس
رغد: ههههههههههههه تصدقون رحمت حالكم وانتوا مصبرين كذا
العنود: ايه صح وانتي ليه ماتحنيتي
رغد: مم مدري بس احس اني مااحبه
الريم: ياسلام مبك يفك حنا تحنينا انتي بعد
رغد: هههاي ضحكتيني.. لا انا بجلس اتمسخر واضحك عليكم
العنود" كانت بتتكلم.. بس ريم سكتها..":...
الريم: اصبري انا اوريتس فيها
العنود: وش ناويتن عليه
الريم: اصبري بس" وابتسامه خبث.. مرت ع مبسمها..:
مشاعل" يالي جات من بعد مانادتها الريم": هلا
الريم" بحركه يدها انها تنزل لمستواها": تعالي ابيتس
مشاعل: هلا . وش تبين
الريم" تتكلم بصوت واطي معها.. ومشاعل ابتسمت .. وقامت ع السريع
وانا مو فاهمه شئ.. طنشتهم.. وجلست الاعب جنى.. يالي تحنت وطايرة
من الفرح.. وكل شوي رايحه لخالتي.. وتقولها شوف العصفور والفراشه
وكل الحيوانات .. جمعتهم بيدها....

رديت ع جوالي يالي يتصل.. شفته سعود ورديت ": هلا
سعود: هلا فيتس
رغد" مستغربه من اتصاله": بغيت شئ
سعود" من دون مقدمات": ليه ماتحنيتي للحين
رغد" مستغربه.. وش عرفه.. ناظرت الريم ومشاعل يضحكون وعرفت
انه لهم يد بالموضوع": بس ماابي
سعود: ليه ماتبين
رغد: مو حلو وبعدين حبسه ماراح اقدر اتحرك
سعود: اهااا.. طيب واذا قلت لتس عشاني
رغد" استغربت.. وكان اول مره يطلبني.. بالطريقه هذي..": يعني
انت تحب الحنا..
سعود: مو كثير بس خاطري اشوفه ع يدتس
رغد" بااستغراب اكثر": يعني انا ماعمري تحنيت
سعود" توهق": الا بس ماكنت معطي بال له.. والحين خاطري اشوفه
رغد" ماحبيت افشله": طيب بس مو كثير
سعود: لا انا قلت لمشاعل.. وش ابي اشوفه .. وهي بتتفاهم مع الحنايه
رغد: سعوود.. مابردك بس خلني ع كيفي
سعود: اذا بتسوينه لخاطري كملي جميلك.. ولا تخربينها..
رغد" ولاويه فمي": طيب
سعود: يلا روحي .. عشان امرك بعد ماتخلصين
رغد: طيب يبي له وقت
سعود" عرف انها تبي تصرف الحنا": ياخذ الوقت يالي ياخذه انتظرك
رغد: طيب
سعود: يالله فمان الله
رغد: فمان الكريم
لفيت عليهم وهم فاطسين ضحك علي.. تهاوشت معهم.. واستغليت انهم
مايقدرون يتحركون.. وعطيتهم كم خبطه ع روسهم.. وهم يتوعدون لي
جلست قبال الحنايه.. وصرت تحط.. وشفتها غيبت.. وكل ماقلت
خلاص مشاعل.. تقول لها تكمل.. يوم خلصت.. ولا حنى عروس..
انقهرت.. وعرفت وش نوع الضيق يالي بالريم منه.. كان يضايق
بالحيل.. ومايخليني اتحرك ع كيفي...

رجعت البيت مع خالتي ومشاعل ع الساعه 3 الفجر.. وسعود ماجا
لانه الحنا مانشف.. وجينا مع عيال عمهم.. والليله ليلته مع مزنه
كنت مقهورة.. يقول لي تحني.. وبعدها يطنشني.. ايه وش عليها نايمه
بحضنه ومبسووطه.. وكالعاده .. رحت لمشاعل يالي تعودت عليها كثير
وبديت اعرف طبعها من جد وجديد.. بس للحين ماتذكرتها..صلينا الفجر
ونمنا.. ع الساعه .. 4 العصر.. تروشنا وبدينا نتجهز.. لانه الكوافير
وصلت.. خلصت من مشاعل .. بعدها انا..سويت تسريحه.. صينيه
عجبتني حيل.. اللفات والويف .. وبعدها الاعواد كزينه للشعر...
ومشاعل نفس الشئ... خلصنا وتوجهنا للصاله.....

دخلنا وكانت القاعه زحمه.. سلمت ع ناس كثير.. ونصهم مااعرفهم
مشينا... لغرفة العرايس.. دخلنا الا ريم والعنود حايسين بعض
ومهبلين بعض.. وشوي يطقاققون مع بعض.. وكل وحده تقول هي
بتدخل قبل.. والثانيه هي بتدخل قبل
مشاعل" بصراخ": خلاص لعنبو داركم .. وين عرايس زمان
اصواتهم ماتطلع .. وانتوا غطيتو ع الطقاقات وووجع
الريم" ناظرت مشاعل .. وسفهتها وكملت": اقولتس انا
العنود" بنفس الصراخ": انا ووجع
الريم: يالي يوجعتس.. انا الكبيرة يعني انا قبل
العنود: الله وكبر يالكبيرة كلها يومين
الريم: المهم يعني انا ادخل قبل
رغد:هههههههههههههههههههه وربي مهابيل وانا اظن عندكم سالفه ع
الصراخ كله
مشيت للريم وسلمت عليها : الف مبروك يادبه .. ومنه المال ومنك العيال
الريم" خجلت": مير الله يبارك فيتس
العنود" تصفق.. بعربجه": ياهووو والله وجا اليوم والخبله تخجل
الريم" بنظره توعد": كلي هواا لااتوطى ببطنتس الحين
العنود" بنفس العربجه": جربي وتشوفين وش يجيتس
مشاعل" مطيره عيونها": لا انهبلتوا وقسم .. هي انتي وهي
اهجدو يامال الوجع.. لايجي حد الحين وتفشلونا
رغد: هههههههههههههههههههههههههه
مشاعل: وانتي تضحكين ... هجديهم معي
رغد: هههههههههههههههه طيب طيب
مشيت واخذت الريم ع جنب.. ومشاعل اخذت العنود.. وكل وحده فينا
تقنع الثانيه انها تخليها تدخل قبل.. بس ول حياة لمن تنادي كل وحده راسها
ايبس من الثانيه.. عجزنا وش نسوي.. وقلنا مايحلها .. الا الكبار
وبثواني جات ام العنود .. وام الريم .. واعطوهم نظره جمدتهم
بمكانهم.. وحددو انه الريم تدخل قبل.. وبعدها العنود.. الريم كانت تلعب
بحواجبها للعنود.. لانها انتصرت والعنود تتوعد لها.........

<<--يتبع




التوقيع:
signat
UoZa غير متواجد حالياً   رد مع اقتباس
قديم 18-06-2012, 05:56 PM   #25
عضو نشيط جدا
 

افتراضي رد: رواية انت غرامي وجنوني بدون ردود

((الجزء الرابع والعشرون))

رغد" انتظرته ع الغدا وطول ماجا.. ياست وانا انتظر..قمت وغديت
جنى.. وقلت لمشاعل تاكل.. لاني مو مشتهيه... صعدت ع غرفتي..
وللحين ندمانه ع يالي سويته... معه حق يزعل.. امورنا نحلها بينا
ماله داعي الكل يعرف اني زعلانه.. ولا متضايقه من شئ..

ع المغرب طلعت ونزلت للصاله ومعي جنى.. يالي ماخلتني ارتاح
ولا افكر... من صجتها ولعبها.. كانت مزنه موجوده.. جلست من بعد
ماسلمت
رغد: السلام عليكم
مزنه: وعليكم السلام.. "وبخبث": الا وش فيها عيونتس متنفخه كذا
لاتقولين سعود للحين زعلان منتس
رغد" لفيت عنها بضيق":................
مزنه: اسمعي صحيح هو مب من مصلحتي اعلمتس بس لانك كسرتي
خاطري ولانتس ناسيه طبعه فحبيت اسوي فيتس خير
رغد" ع اني ماصدقت انها تبي الخير لي بس كنت ابي أي شئ يساعد
في حل مشكلتي":وش
مزنه"تدعي انه يجيب مفعوله": اسمعيني.. سعود مايحب الحرمه يالي
ترمي حالها عليه.. ولا يحب الحنه.. اسفهيه ولاتبينين انتس تدورين
رضاه..
رغد" رفعت حاجبي": احلفي بس
مزنه: اسمعي دامتس منتي مصدقه روحي اسالي مشاعل عن طريقتس معه
كل ماعاندتي وجفيتي هو يجيتس لانه الرجال طبعه يحب كل شئ يوم
يتعب عشانه.. يما سويتها فيه وهو يالي يجيتس حافين ع رجوله حتى
اني صرت اطبقها عليه .. وهذاك تشوفين بعيونتس كيف اسفهتس يومين
كاملين.. ولا فكر يشوف وجهتس
رغد"بتشكيك من كلامها .. بس يالي فهمته من سوالفي من مشاعل اني
كنت عنيده واطنش .. وهذ رغب سعود فيني اكثر.. يعني اكنسل ..
العشاء... ":اكيد ولا بس تبين المضره لي
مزنه" تشهق.. وكانها مفجوعه من كلامي ومالها نيه بالشئ هذا"":افااا
هذي هقوتس فيني.. صحيح حنا ضراير بس بسالك بالله عمرتس
شفتي مني مضرة من يوم رجعت لهنيا.. سالتك بالله جاوبي
رغد"كلامها اقنعني .. من جات وهي بحالها ولا سوت شئ يضرني
":لا
مزنه: اجل وش بستفيد من اني اضرتس الحين
رغد: اها
مزنه: شوفي انا قلت لتس وش كنتي تسوين من قبل وانتي حره ..وسوي
يالي يريحتس
رغد"قمت عنها من غير ماانطق بحرف... رجعت ع غرفتي من بعد
ماقلت لمشاعل تنتبه لجنى.. "

سعود" رجعت البيت وكان الكل موجود.. عدا هي.. توقعت انها متضايقه
وندمانه ع تصرفها.. صحيح غلطت بس لزوم اعطيها فرصه عشان تعتذر
جلست مع الاهل شوي وسولفت معهم قم ترخصت وصعدت فوق...
فتحت الغرفه .. ظن مني انها بتكون مستنية رجعتي بس تفاجات..بالهدوء
يالي عام ع المكان... دخلت ادورها يمكن انها تتروش ولا شئ...بس
مالقيتها.. ناظرت السرير ولا اشوفها ... كانت تحاول تسوي حالها نايمه
عرفت من سرعه انفاسها وعدم انتظامها... مشيت للدولاب وطلعت لي
ملابس.. استغربت انها ماجهزتها لي.. دخلت دورة المياه" اكرمكم الله"
ثم طلعت وهي ع نفس سدحتها...رحت للصاله ..وشغلت التلفزيون
كنت انتظر منها تقوم وتتكلم وتبادر بالاعتذار لاني مب قادر ع الجفا
معها ع غلطها.. مستغرب من حالي.. اني مب قادر ع زعلها وحتى
وهي غلطانه...وشلون بزر مثلها قدرت على مدري... مرت ساعه
وساعتين.. ولا في حس لها او قربها من الصاله...قمت اطل اشوفها
الا وهي كانت تتهاوش مع المخده كل شوي جايبتها يمين ولا يسار
ضحكت ع شكلها بداخلي.. وهي ارتبكت بوجودي ..وصلحت جلستها
مشيت لعندها عشان تعرف اني مستعد اسمع كلامها... جلست ع السرير
بس يالي ماتوقعته منها تقوم.. وبشكل يبين انها قرفانه من قربي.. وتروح
للصاله.. هنا طارت عيوني.. وصارت الاباليس تنطط بوجهي... مشيت
لعندها.. وبعصبيه": وش معنى حركتس هذي
رغد" خفت من صرخته":......
سعود" كنت منتظر شئ منها .. بس يالي شفته منها اليوم مايدل انها ندمانه
ومكمله ع موالها...":رغد
رغد" بلعت ريقي.. وكنت بتاسف من خوفي بس كلمات مزنه ترن باذوني
وقفت.. ومدري من وين جتني القوة.. ناظرته من فوق لتحت.. ومشيت
بسرعه لدورة المياه "اكرمكم الله"وقفلت ع نفسي...شوي الا اسمع الضرب
القوي ع الباب وسعود بقمة عصبيته": افتحي الباب لمن اكلمتس ماتعطيني
ظهرتس وتمشين يارغد مهب انا يالي تسوين معه كذا.. تسمعين افتحي
رغد" جمدت بمكاني .. ماتوقعت هذي ردة فعله يعني مزنه تكذب على
":......................
سعود" تناسيت كلام الدكتورة وسيطرت على عصبيتي": رغد اقولتس
افتحي.. لاتظنين انتسب تركبين ظهري وتظنين اني وليد.. وبصير خاتمن
بيدتس
رغد" اسم وليد رن ع اذوني بشكل كبير كان وقعه .. ع مسامعي غريب
وخاصه انه جابه طاريه الحين وش دخله .. وش جاب طاريه وليه يقول
لاتظنين وليد.. وبلا شعور فتحت الباب.. وانا منصدمه":من وليد!!!
اخوك!!
سعود"ماقدرت انطق بحرف.. وانا اشوف نظرات الاستغراب..بعيونها
وسؤالها عنه....":...................
رغد" كنت محتارة ونسيت كل شئ مدري ليه اسم وليد حرك فيني مشاعر
غريبه": سعود انت تقصد اخوك
سعود" ندمت ع عصبيتي ... الحين وش بيفكني من اسالتها... وش سويت
انا... ناظرتها.. وهي باين انه الف سؤال وسؤال يدور براسها..مشيت عنها
لاني ماعندي لها اجوبه واخاف اتكلم وازيد من الطين بله.. طلعت وهي
وتناديني.. وانا مطنشها .. وع طول دخلت لغرفه مزنه.....

رغد" وقفت عند الباب واحس اني بدوامه ومب فاهمه شئ.. كنت ابي
لطاريه لوليد.. ووش اركب ظهره وهالخرابيط..جلست ع رجولي
وراسي يدور..حطيت يديني ع راسي.. مب قادره احس الاساله سببت
لي صداع ودوخه... آآآهـ يارسي... وماحسيت بحالي الا والدنيا مظلمه
بعيوني.......

رغد" صحيت..وراسي لحين يالمني .. وكل الثقل متجمع فيها بصعوبه
فتحت عيوني.. وانتبهت اني بالسرير.. وشلون جيت.. ووش جابني
تذكرت كل يالي صار بيني وبينه ..ولفيت الا هو بوجهي.. سعود
بلهفه وخوف": شلونتس الحين
رغد" حطيت يدي ع راسي": احسن .. بس راسي يوجعني
سعود" قمت لها وجلست عند السرير... وشلت المخده وحطيت راسها
بحضني..":ارتاحي الحين.. انتي تعبانه..
رغد" حنيته جات بوقتها.. لاني تعبت من جفاه وعصبيته .. وبلا شعور
نزلت مني دمعه حسيتها حرقتني بداخلي وحرقت خدي...":....
سعود" حسيت بحراره ع رجلي... ناظرتها الا وهي تبكي":رغد وش
يوجعك
رغد"كنت كاتمه صيحتي بس كلمته خلتني اعلى الصوت..ومدري
اذا هو فهم على ولا لا من صياحي":آآ...نت
سعود" كلمتها وجعتني..قسيت عليها .. وحتى لو كانت غلطانه المفروض
اقدر وضعها.. وبسرعه رفعتها وحضنتها.. وهي دفنت نفسه بحضني
وكملت بكي..تركتها ..لحد ماتفرغ يالي بداخلها....": الحين ارتحتي
رغد"ماكان ودي اقوم عن دفا حضنه وابعد":......
سعود"مسحت ع راسها": رغد
رغد"وبصوتي المبحوح": لاتبعدني ولا تقسى على ثاني مثل كذا
مااقدر ع قسوتك وربي مااقدر
سعود" ماقدرت اكمل جفاي.. نبرتها .. كسرت كل ذرة قساوة عندي..
حضنتها اكثر": وش اسوي انتي يالي تحديني ع كذا .. وماخبرت ..
هالتصرف.. منتس.. الحين خابرتس عاقله وسنعه ..وحتى لو كنتي زعلانه
مني.. وبخاطرتس .. على .. يكون بينا حنا الاثنين مهب لزوم البيت كله
يدري..
رغد" وعارفه اني غلطانه دفنت وجهي بحضنه اكثر":اسسفه
سعود" مسحت ع راسها باللحظه هذي حسيتا ني حاضن طفله ندمانه
وتحاول تخبي احراجها بانها تدفن وجها بصدري املا انه كل شئ
بينتهي...":وين اصرفه فيه .. لو انه ابوي سامع حسي.. مب كان طيحتيني
من عينه
رغد" تخيلت عمي ينظر له هالنظره ..وبسببي..":والله اسفه ومااعيدها بس
خلاص لاتزعل على امانه
سعود"مسحت ع شعرها ومانطقت بحرف":...........
رغد"بعدت عن حضنه وبست راسه": اسفه وربي مااعيدها بس خلاص
مااقوى ع زعلك
سعود" ماتوقعت ابد حركتها..ابتسمت لها ورجعتها لحضني":ماتعودينها
ثاني
رغد" وانا اهز راسي": والله مااعيدها ابد ابدا
سعود: ويكون كل خلافتنا بينا ومحدن يدري عنها بمثل هالتصرفات
رغد: ان شاءالله
سعود: عفيه عليتس
رغد" رفعت وجهي وناظرته بعيونه": سامحتني
سعود" عيونها اسرتني مثل كل مره.. وكانت الدموع المتبقيه فيها تلمع
ومعطتها شكل ثاني..مسكتها من ذقنها": وحد يقدر يزعل منتس.. ع
حركاتك البايخه
رغد"ابتسمت ": سعوود قلت لك توبه خلاص
سعود: ههههههههههه طيب طيب
رغد"نظراته اربكتني... عضيت ع شفتي.. وكنت ببعد..":......
سعود" كانت بتبعد.. بس ماشبعت من قربها.. مشتاق لها..":وين وين
رغد" نزلت راسي بخجل": بقوم
سعود: وين
رغد" ارتبكت ":مدري
سعود" عرفت انها خجلانه ومرتبكه":ههههههههههههه وين وين
"حضنتها لحد ماطحت ع صدري ووجهها بوجهي..."
رغد" وجهي احمر خجل.. وانفاسه تحرقني من قربها..غمضت عيوني":..
سعود" نسيت نفسي.. وكل شئ وهي بين يديني...للحظات عشت بعالم..
مشتاق املكه.. بكل راحه ومن غير تانيب....":....
رغد" كنت مستسلمه له .. كنت مثل اللعبه بين يديه يحركني مثل مايبي
..وانفاسه.. وبوساته.. تحرقني.. بس ومثل كل مره.. فز عني..وبعد
وكاني.. شئ مقرف...ناظرته مصدومه":سعود!!
سعود"كنت مستلذ باللحظات هذي.. بس ماقدرت اتغاضى عن الحقيقه
وبعدت عنها بسرعه وماكان ودي ابعد...":هلا..
رغد" قمت وغطيت نفسي وانا مستغربه.. منه ليه احسه انه مو قادر
يقاومني.. ويبيني بكل ماتعنيه الكلمه.. بس يوم يقربني ينفر مني وكاني
شئ وسخ ومقرف..":سعود.. انت ..
سعود:انا وش
رغد" مو عارفه وش اقول بس كل همي افهم وش يصير...":ليه وش
فيك تبعد عني.. ليه "وكملت بخجل.. ": يوم اكون بحضنك..تبعدني
عنك وكانك قرفان مني.."غمضت عيوني":سعود قول الحقيقه حنا كنا
بنفترق قبل لايصير الحادث مو.. او كان بينا زعله او اخطيت بحقك
لاتخبي على قول.. ماني قادره اتحمل صدك وجفاك.. بلحظات تحسسني
انك تبيني.. وماتبي بعدي.. ويوم استسلم لك.. تردني.. وتنفضني من
يديك.. وكاني قذرة تخاف توسخك..و...
سعود" قاطعتها.. وحطيت يدي ع فمها":لاتقولين كذا..
رغد" والغصه ذبحتني": اجل.. ريحني .. فيني شئ.. قارف مني..
ماتبني.. وخايف على لاني تعبانه
سعود" وش اقول لتس.. اني ميتن ع اللحظه يالي تكونين بحضني..من
غير قيود.. بس انتي السبب .. لو تذكرين ع الاقل بصدك وجفاك..اقدر
اتحمل وابعد.. قبل لااحطك بالوضع هذا.. بس بشوقك ولهفتك.. وين اقدر
ابعد عنك.. وعن حضنك": تعوذي من ابليس ومافي شئ من هالكلام
رغد: الا فيه ولا وش تفسر.. اني يوم جيت ماحصلت لي ملابس..
تبين انه حنا متزوجين.. وانه هذي غرفة جمعتنا .. وكان بينا بنت
بسببها.. ملابسي ماتقتصر ع الجلابيات..والباقي مرفوعين بالشنطه
وكاني مجهزتهم.. عشان بطلع.. ولا اروح بعيد.. حتى الغرفه احسها بارده
ماجمعت.. شوقنا.. ولا حبنا.. ولا حتى فيها دفى .. احسها بارده خاليه
من أي احاسيس
سعود" كلماتها.. صادقه فيهن.. هالغرفه ماجمعت فينا الا العناد والقسوة
وبرود احاسيسنا...":ياقلبي يتهئ لك
رغد: اذا يتهئ لي اشرح لي
سعود: بالنسبه للغرفه.. لانها غرفه جديده غرفتنا كانت صغيرة ويوم
جبتي جنا نقلنا لهذي.. وملابسك ع قولك.. انتي من كسلك مارتبتيها
يوم نقلنا لهنا.. وبعدها الله لايعيده من يوم صار لتس الحادث
رغد" بااقتناع": صدق
سعود" كنت كاره نفسي ع الكذبه هذي.. بس هذا كله من وصايا الدكتورة
وانها مهيب مستعده للحقيقه الحين": ايه صدق
رغد" نزلت عيوني ثانيه .. وارجع شعري ع ورى وافرك بيديني":وو..
سعود" فهمت عليها".. مشيت لها.. ووقفتها قبالي..": سامحيني بس كله
خوف اني اضرك.. انا ماصدقت شفتس سالمه ماعفى بينا وتضحكين
وتسولفين .. وماليه البيت علينا.. ماودي اضرتس.. ولا اسبب لك اذى
رغد"ارتحت.. ورميت نفسي بحضنه.. وغطيت وجهي من الخجل":بس
عشان كذا
سعود" ابتسمت ع برائتها وخجلها": ايه كذا.. ولا حد يعاف هالزين
ولا يرده
رغد"لفيت وجهي عنه.. وانا ميته من الخجل":..........
سعود" حبيت راسها. وبعدت عنها قبل لاانسى نفسي ":طيب الحين
ابروح اتروش.. وننام طيب
رغد" هزيت له راسي": طيب
سعود" لو نمت جنبها.. ماقدرت.. وهي بالحال هذي.. واصرف..":البسي
لك شئ دافي انتي مهبوله وانتي نايمه تصارعين.. وماانتبه الا ومتكورة
ع نفستس.. من البرد..
رغد" انحرجت وعضيت ع شفتي": ليه
سعود" يقرب ويقرص خدي": ليه ماتشوفين نفستس.. قميصتس..ماله
لزوم .. من كثر ماهو مرتفع..
رغد" شهقت":.....
سعود: ههههههههههههههههه يلا تراه لكان وابي انام
رغد: ان شاءالله
كنت فرحانه لاني نايمه بحضنه.. بس استغربت من انفاسه السريعه
وارتباكه.. بس كل هذا ماهمني طول ماانا بحضنه.. ونمت


مزنه" بقهر": مب مصدقه.. ياسعاد بموت من القهر
سعاد: يعني ع بالتس بتقدرين عليها كذا.. هذي عقربه.. وتقدر عليه
مب مثلك هبله
مزنه: ردته .. وجاني وهو معصب منها ع الاخر.. بس كلا من اخته
الغثيثه يالي جات.. وقالت لها انها طاحت.. ليتها طيحه بلا قومه
سعاد: طيب طيب خلاص بكرا ابجيك ونشوف لتس دبره
مزنه: طيب والحين وش اسوي احس اني بنفجر
سعاد: روحي نامي
مزنه: وين انام .. ونار بقلبي ..شاعله
سعاد: روحي نامي وعيني خير.. وبكرا اوريتس فيها
مزنه: طيب تصبحين ع خير
سعاد: وانتي من اهل الخير

اليوم.. عمي مسوي عزومه للمعاريس.. والكل متجمع عندنا ..وفرحانين
ومبسوطين ع الاخر....
مزون: ها يالسحر.. للحين ميتين ع ازواجكم
الريم" وهي متنرفزة من نايف وحركاته الجريئه": ليتني مااعرست ع
الدب ذا .. وربي هبل فيني وبحركاته
الكل:ههههههههههههههههههههههههههه
مشاعل: لا خلت سميته عليه .. وتبينه هذا الزواج ياماما اجل وش تظنين
الريم: مب كذا عاد .. وربي انقهر يوم اتزين واتسنع ويخرب ع حسابه
غزلان:ههههههههههههههههه اجل لاتتسنعين ولاشئ
الريم: وهو فاك عني بالحالتين ماني سالمه...اووف
الكل:ههههههههههههههههههههههههههههههههههه
مشاعل: وانتي عنيد ماتكلمتي
العنود" منحرجه.. ومو جريئه مثل الريم صحيح هي رجه وخبالها مثلها
بس العنود فيها ميزة... انها تتطبع ع اقرب شخص لها.. قبل
الزواج كانت الريم.. فصارت بااطباعها.. والحين يزيد.. صحيح انه مايخلو
من الرجه.. بس الغالب عليه الهدوؤ.. وصارت مثل": وش اقول كل
يالي بقوله مرتاحه
الريم" وللحين معصبه": اجل رجلتس مهب مهبول مثل يالي عندي..
كل شئ.. عنده حلو ولو اطلع له بكيس زباله خربه
الكل:ههههههههههههههههههههههههههههه
مشاعل" ماسكه بطنها": الله يرجتس يارويم
رغد: تستاهلين يالمشفوحه.. ميته هذا جا الرجل ومسؤليته
الريم: ولا ابشرتس.. يقول مهب فاكني لحد مااحمل بتؤام مب واحد الاخ
طماع ويبي ثنين.."وتسوي حالها بتصيح":يويل حاااالي ياانا
رغد" مت ضحك ع الخبله .. ضنيتها بتعقل شوي يوم تتزوج بس
وين ورجلها ع حالها..دعي لهم ان ربي يسعدهم ويرزقهم بكل خير

قمت.. اجهز السفرة للحريم مع مشاعل.. وخالتي... وصرت رايحه جايه
ع غرفة الطعام... ع انه معنا الشغلات بس لزوم نوقف فوق روسهم
ونوجههم... وانا راجعه... الا اسمع... صوت كريه ع نفسي. ماانساه
ابد
سعاد: وراتس ماسلمتي
رغد" سلمت عليها من دون نفس": اهلين وش اخبارك
سعاد" تسلم على": بخير الله يسلمتس وانتي
رغد: الحمدالله
سعاد: وين صادتن عني ياحافظ وراتس
رغد: لا عادي بس ماانتبهت
سعاد:اكيد بوه حد شاغلن مختس
رغد: لا عادي بس تعرفين العزايم
سعاد" باسلوب منفر": ياويلي عليتس وع تصريفاتك
رغد" كلمتها رنت براسي .. وملامح وجهها.. حسيت بدوخه ..وراسي
يلف.. واحس اني بطلع كل يالي ببطني... بعدت عنها وانا.. مو حولها
وهي تتكلم...دخلت لدورة المياه" اكرمكم الله" وكل يالي ببطني طلعته
جلست ع ركبي احاول اجمع انفاسي... مني قادره دوخه شديده.. والم
براسي ماني قادره.. سندت ظهري ع باب الحمام.. وماحسيت بنفسي
...سمعت صوت الباب.. وبصعوبه قمت.. وراسي للحين يوجعني
ناظرت شكلي بالمرايا... واحساس غريب.. هجم على.. غسلت
وجهي.. ع خفيف.. بحيث اظبط الميك اب يالي ساح.. رتبت نفسي
وطلعت
مشاعل: وينتس اختفيتي
رغد"حاولت اخفي يالي احس فيه": ابد ياقلبي .. بدورة المياه
مشاعل: اها تعالي .. نوزع الحلا
رغد:مشاعل
مشاعل: هلا
رغد" من غير مقدمات .. رحت لعندها وحضنتها.. باقوى مافيني..":
مشاعل" مستغربه": رغد وش فيتس"وتضحك"هههههههه
رغد" كنت ابي احس بالامان وهي اقرب شخص لي الحين":ولا شئ
بس محتاجه جرعه حنان"وغمزت لها"ههههههه
مشاعل: ماذبح اخوي ووده ورا الشمس غير احتياجتس للحنان هههههه
رغد"تنهدت": ههههههههه يالله مشينا
مشاعل: يالله
خلصت العزومه ع خير.. ورحت ع غرفتي.. واحس ظهري انكسر
..تروشت .. ولبست بيجامتي.. بعد مانومت جنى...جلست ع المكتب
وفتح لابي.. وصرت ابحث بالنت...وجعني راسي.. لحد مالقيت
يالي ابيه.. قفلته .. وجلست ع السرير.. استغفر وادعي ربي....
وبعدها نمت جنب جنى.....

ع الغدا... الكل كان مجتمع.. وسعود مارجع... كنت اكل جنى.. واسولف
مع مشاعل.. ومزنه ونظراتها مانزلت عني...
ام راشد: اكلي يابنتي مالمستي صحنتس
رغد: لا مب مشتهيه اباكل بعدين
مزنه" بغيض مكتوم": اذا بتنطرين سعود بيجي متغدي
رغد" وماكان لي مزاج اسمع صوتها": لا مب منتظرته بس مب مشتهيه
اكل.. بااكل بعدين
ام راشد" بابتسامه": بعدين بسالتس يابنتي
رغد" دققت بابتسامتها وفهمت وش تظن":ههههههههههه لا ياخاله لايروح
بالك بعيد
ام راشد" بضيقه تخبيها": الله يرزقكم قريب يايمه
رغد" ابتسمت لها": الله كريم
مر الشهرين.. وانا ع الحال.. مااكل الا المغرب.. وعلاقتي مع سعود
من احسن للاحسن... نسهر مع بعض نتفرج ع افلام.. نسولف ..نطلع
نتمشى.. وكنت اطير من الفرح...بس يوم يصير يومها اموت قهر...
احساس مب حلو ابدا يوم يكون فيه من يشاركك.. حد باغلى ماتملكين

سعود" استغربت من تهربها": رغد وش فيتس
رغد" بطني ذبحني من الوجع.. ومو عارفه شلون اقوله.. وهو مستقعد
لي.. ويبي يحضن فيني ويدغدني...": ولا شئ
سعود" كنا نسولف ونمزح مع بعض.. فجاء دخلت داخل ورجعت
وهي متغيرة.. دايم اكون ع اعصابي.. ومترقب رجوع ذاكرتها باي
وقت وانتهاء حلمي .. يالي عشقته للممات...": وش في وجهتس قلب
اصفر فجاءه
رغد" بارتباك": ولا شئ
سعود" بتشكيك": اكيد
رغد" وانا ابي اروح لمشاعل.. اخذ لي اغراضها.. وهو مب معطيني
مجال": اكيد
سعود" شفتها رايحه بتطلع": وين
رغد: بروح لمشاعل شوي
سعود: تعالي بس مشاعل تلاقينها بسابع نومه مهيب حولتس
رغد: مب مطوله اباخذ منها غرض واجي بسرعه
سعود" عقدت حواجبي": وش هالغرض يالي ماينتظر لبكرا
رغد" ياربي .. وش بيصرفه الحين": مب متاخره ثواني وراجعه
سعود" فزيت ع طولي وبسرعه مسكتها من يدها": وش هالغرض اول
رغد" ياربي مب ناقصتك ياسعود": طيب يوم ارجع اقولك
سعود: قولي الحين
رغد" غمضت عيوني من الالم.. وخايفه يبان واتفشل..":
سعود" مسكني من خصري": منتي رايحه لما تقولين
رغد" عرفت انه مافي مفر.. ولازم اقول قبل لااجيب العيد..غمضت
عيوني بقووة": انا معي عذري الشرعي.. وابي اروح اخذ اغراضها
سعود" شكلها يهلك ضحك... يالبى قلبك ع هالخجل":ههههههههههه
ومسويه زحمه عشان كذا قولي من اول..."ومشيت عنها لبست
ثوبي ومن غير شماغ...": يلا ربع ساع هوانا جاي وبجيبه
بس أي نوع تستخدمين
رغد" وجهي ولع ": لا مب لازم باخذ من مشاعل
سعود:هههههههههههه هذا اذا لقيتي
رغد" من غير تفكير": ليه
سعود" حركت انفها ع خفيف باصبعي": نسيتي انها حامل وماتجيها
رغد" حسيتا ني غبيه بقووة واحرجت نفسي":ايه صح نسيت
سعود:ههههههههههههههه مب متاخر بس وش النوع
رغد" وانا بقمة انحراجي":ابي....
سعود: بالاجنحه ولا
رغد" طيرت عيوني.. ماشاءالله خبره الاخ":........
سعود" فهمت عليها": لاتسوين قضيه والله من هالدعيات يالي تفطن
الغافل...ههههههههه
رغد" مشيت عنه.. وقبل لااقفل باب الحمام": بالاجنحه
سعود:ههههههههههههههههههههههههههه
صراحتن موقف لايحسد عليه .. وسبيت غبائي اني ماخليت لي احتياط
................
سعود" بعد ماسالت.. وعرفت انه حلفانها.. باطل لانه.. فيه معصيه
قررت ابدء.. حياتي معها .. حتى لو تذكرت.. ع الاقل.. اعيش لحظات
بتنحفر بقلبي.. وتكون لي ذكرة حلوة..": هلا السلام عليكم
رغد: وعليكم السلام
سعود: انا اليوم بجي اتعشي.. وابي عشى يفتح النفس ومن يديتس
رغد" بفرح": من عيوني تامر امر
سعود: تسلم عيونك.. يلا تامرين ع شئ
رغد: لا سلامتك لاتتاخر
سعود: ان شاءالله يالله فمان الله
رغد: فمان الكريم
قمت ع طولي وادخل المطبخ.. وسويت كم اكله.. ودققت بكل شئ
عشان ماتخرب.. ابي الليله تكون بدايه جديده لحياتي معه..من غير
صد وعناد وجفا......
سعود" يحط يده ع بطنه": الحمدالله تسلم يدينك
رغد: فيه العافيه...
قمت وشلت الصحون.. ونزلتها.. صعدت بسرعه.. وانا متردده بس لازم
اغلب هالخجل.. اكتفيت من الهجر.. والعيشه يالي مستحيل تكون طبيعيه
بين أي زوجين... دخلت وحمدت ربي انه كان لاهي بالمكتب.. دخلت
للغرفه التبديل بسرعه ومن غير ماينتبه...

سعود" ناظرت الساعه.. وشفتها طولت... ياخوفي جلست وطقتها سالفه
مع شعيل... يجي منها.. وتو بفتح الباب وانزل اشوف وينها الا اسمع
صوتها.. استغربت متى جات وماحسيت فيها لفيت عليها بسالها
تجمد كل شئ فيني وانا اشوفها.....":.............
رغد"لما دخلت.. تروشت ع السريع..وجففت شعري.. من غير استشوار
وللحين احس برطوبته..لبست قميص لون احمر..فاقع هذا لونه المفضل

كان علاق.. ومخصر من عند الصدر لحد الخصر... وقصير لفوق
الركبه... وحطيت كريماتي.. وتعطرت.. وماحطيت ولا أي مي كاب
حتى الكحل ماحطيته.. بس مرطب.. بطعم الفروله...تعطرت.. ولبست
الروب وطلعت.. وكنت ارجف من الخجل .. ومو عارفه رده فعله
شفته بيطلع ناديته بسرعه":سعوود
سعود"مب مصدق يالي اشوفه..حسيت برارة تسري بجسمي..بشكل
مب طبيعي...قفلت الباب.. وماودي انزل نظري عنها.. كانت ع طبيعتها
من غير أي شئ.. وهذا يالي يذبحني....ومااقدر اقاومه..تقدمت لها وانا
فرحان.. ومبسوط.. انه قراري يالي اخذته... هي مشاركتني فيه من غير
ماتدري....واخيرا وصلت لها وهي منزله راسها...حضنتها ولصقتها
فيني.. ومايفصلنا عن بعض الا انفاسنا...":متى جيتي
رغد" كنت منزله عيوني.. من قربه لي": من زمان بس انت ماحسيت
سعود" وانا ادقق النظر فيها ابي املي عيني من شوفتها":اها
رغد" وانا للحين منزله عيوني مو قادره اناظره كل القوة والشجاعه
اختفت وانا بين يديه":.........
سعود: جنى وينهي
رغد: عند مشاعل
سعود: طيب روحي توضي
رغد" ماعرفت ليه": انا تو متروشه
سعود: حلو انا بروح اتوضا واجي.. لاتتحركين
رغد: طيب
سعود. دخلت دورة المياه.. وتوضيت.. وطلعت.. كنت ناوي.. ابدء
من جديد معها وكاني اول مره اجتمع فيها... قلت لها تلبس جلالها
وتجي تصلي معي... جات ومن غير نقاش... صلينا ودعيت ربي
يصلح اموري.. ويكتب لنا الخير والصالح.. ثم قمت وحطيت يدي
ع راسها وقلت الدعاء......
رغد" بعد ماخلصنا مشيت.. لعند السرير وجلست ع الطرف":...
سعود" رحت لعندها.. وماعاد فيني صبر.. وقفت عندها ووقفتها...
ناظرتها.. بكل شوق... ":.....

رغد" حسيت ببرودة يدينه.. .. نظراته.. حرقتني
وخلت وجهي يولع.. ويصير احمر.. ارتبكت..يوم قرب مني..وانفاسه
تحرق وجهي":.............
سعود" حاوطتها بيديني.. بقوة.. خايف انها تفلت او تبعد عني...بست خدها
وهي منزله عيونها.. ثم بست عيونها..
رغد" كنت مثل الورقه بين يدينه ارجف.. وكاني اول مره اكون
له...":....................

<<--يتبع




التوقيع:
signat
UoZa غير متواجد حالياً   رد مع اقتباس
قديم 18-06-2012, 05:58 PM   #26
عضو نشيط جدا
 

افتراضي رد: رواية انت غرامي وجنوني بدون ردود

ماقبل الاخير

(( الجزء ... الخامس والعشرون))مر شهر علينا.. من احلا مايكون.... وماكا منقص على الا مزنه..بس
لاجل عين تكرم مدينه....سعود كان مدللني.. ومو مقصر على بشئ
بس مهما حاولت انكر.. مازالت بينا حواجز.....

كنت بنزل.. بس قالت لي مشاعل انه مزنه واختها فيه.. جلست
مكاني.. مالي خلق اشوفهم وخاصه انه مشاعل.. بيت اهل رجلها
تزورهم.... جلست بغرفتي.. واسلي نفسي.. بترتيب الملابس
وكويهم....شوي الا دقت الباب ....
رغد: مين
امينه: انا ماما
رغد" مشيت وفتحت لها الباب": هلا امينه.. وش فيك
امينه: هذا ماما مزنه يقول في تلفون انتي
رغد" استغربت كل يالي يبوني يتصلون جوال": اها طيب الحين نازله
طلعت من غرفتي وانا غافله وش يدبر من وراي.. وصلت عند الدرج
ونزلت .. لما وصلت للي يوصل للصاله.. رن جوالي.. نزلت عيوني
اشوف من.. الا اسمع صوت من ورى
مزنه: الحين
سعاد: طيب
رغد" وماحست الا بحد يدفني بقووة.. التوت رجلي...واستسلم.. جسمي
للطيحه.. غمضت عيوني.. وكل يالي ببالي بنتي وسعود..واني..بموت
ولا بتوجع من طيحتي... طولت .. وماسيت بشئ.. نزلت دموعي..
شكلي مت خلاص.. عشان كذا مب حاسه بوجع بجسمي.. فتحت عيوني
بشويش.. الا واتفاجاء بوجه سعود يالي كان حاضني بقووة.. وبكل عصبيه
يصرخ": وش سويتي يتبن انتي
سعاد ومزنه يرجفون مكانهم":.....................
سعود"كنت خايف عليها.. لانه انفاسها كل مالها تصير بطيئه..ناظرت
فيها وشفتها شاده ع عيونها تطمنت شوي":انتم مهابيل ولا وش وشا
ناوين عليه
مزنه"بخوف": سعود انت فاهمن غلط
سعود" وتكذب عيني عينك": احلفي بس اكذب عيوني واصدقتس ..انا
شايفك انتي واختك المصون ..تدفونها من الدرج..
سعاد"بدون خوف":راجع طبيب ياولد العم ..ماسوينا كذا
سعود"قهرني برودها..وعدم خوفها ...وبصرخه":ولا كلمه ياتبن
انتي شغلتس مهب عندي شغلتس عند ابوك ..والله ثم والله لو انتس
منتي بنت عمي ..ولا انتس ولد والله مااخليتس الا منومه بالمستشفى..
وبعدها ع الشرطه ومااتنزل عن حقها..
سعاد:كل هالحلفان والتهديد عشان هذي
سعود"طيرت كل ذرة عقل براسي..قمت وبدون تفكير شلت رغد وسدحتها
ع الكنبه .. وطيران لهم.. قربت منها وشديتها من عبايتها":هذي يالي
مهب عاجبتس عمتس وتاج لراسك ياتبن
سعاد"تحاول تفك نفسها":تخسى الا هي ..ماعاد الا هي هالحضريه
تصير عمتي
سعود"وبنبرة قرف":هالحضريه يالي مهيب عاجبتس..تسواك وتسوى
اشكالتس.. ليتس بس بسنعها ولا بااخلاقها.. ولا بطيبه قلبها..والحين
بسرعه انقلعي عن وجهي ولا عاد اشوفتس ببيتي سامعه يلااابرااا
بيتي يتعذرتس
سعاد"وتحاول تبين بقد ماتقدر انها مو مهتمه":لمن يكون بيتك تكلم
هذا بيت عمي ومتى ماحبيت جيت
مزنه"كانت تناظر من بعيد وخايفه يجيها الدور":.........
سعود: بيت ابوي هو بيتي.. لكن ماالومك منتي متربيه ومي ماعرف
يربيك للاسف الحرمه يوم تكون غلطانه تاكل تبن.. وخاصه اذا كانت
عند غريب لها ماهو محرم ...وانتي مع ولد عمك وكذا اجل وانتي
هايته بالشوارع الله اعلم وش مسويه..ويلا بلا كلام زايد انقلعي
سعاد"تنزل من الدرج وهي تتوعد":والله لااردها لك اجل تطردني
والله لااقول لابوي
سعود: اعلى مابخيلك.. وانا لي كلام مع عمي.. ونشوف ياانا ياانتي
وراح اعلمك وشلونا لتربيه ع يدي
مزنه"تجمدت يوم لفيت عليها":وانتي انقلعي ع غرفتك ولي تفاهم يوم
ارجع.. ان ماخليت هالعقال يوسم ببدنتس
مزنه"صرت تبكي..":سعود والله
سعود"قاطعتها":ولا كلمه وانقلعي ع غرفتك
مزنه"بسرعه راحت الغرفه وقفلت ع نفسها..وهي تدعي انه ربي يعديها
لها ع خير
سعود"نزلت بسرعه لها .. وجلست قبالها.. صرت امسح ع شعرها واناديها
":رغد...رغد تسمعيني
رغد"كل يالي صار ..مو مستوعبته اسمع اصواتهم...بس مو قادرة..اركز
كنت خايفه...حسيت يوم فتحت عيوني وشفته انه حلم مب صدق..بس يوم
سمعته يناديني.. وحسيت بدفا يده ع راسي.. فتحت عيوني":....
سعود"تطمنت يوم شفتها فتحت عيونها":فيك شئ ..يوجعتس شئ
رغد"هزيت راسي":لا
سعود:اكيد
رغد"يمكن من الخوف مب حاسه بشئ":ايه
سعود:طيب يلا قومي اوديك للمستشفى
رغد:لا مو لازم والله مافيني شئ
سعود:ولو نتاكد احسن
رغد"جيت بوقف عشان ابين له اني بخير..الا راسي صار يدور وحسيت
بوجع برجلي..وكنت بطيح... بس سبقني ومسكني ...":...
سعود:وتقولين مابك شئ..
رغد:دوخه خفيفه
سعود"ماانتظرت اسمع منها كلمه ثانيه..شلتها..بين يديني وصعدت فيها
فوق..ساعدتها ع لبس العبايه... وطلعت بها للمستشفى.....زين اني
وديتها..طلع معها رضض بيدها والتواء برجلها.. وتقول مافيها شئ بعد
رجعنا البيت الا وامي ومشاعل موجودين..واستغربو..من حالة رغد..
جلسنا وقلت لهم السالفه كلها
ام راشد:الحمدالله ع سلامتس يابنتي..ماتشوفين شر..والله اني مستحيه
من فعايلهم
رغد"ابتسمت ع طيبتها":الله يسلمك ياخالتي.. والشر مايجيك..وبعدين
وش له تتعذرين نتي مالك ذنب ولا لك شغل
ام راشد"حاسه بالذنب":لا لي شغل.. بس طمنيني عساك بخير
رغد:لاتخافين كلها شويه رضض والتواء بسيط برجلي..وكلها كم يوم
واصير مثل الحصان
ام ر اشد"جات لعندي وحضنتني":ان شاءالله
رغد"حبيت راسها":مالها داعي قومتك ياخالتي تعب عليك
ام راشد:تعبك راحه
رغد:عادي ياخالتي قلتي لي وجيتك
ام راشد:ان تحركتي من مكانتس ماتلومين الا نفسك هذا انتي تسمعين
رغد:يوو ياخالتي ماله داعي والله اني بخير
ام راشد:ماراح اعيد كلامي تبين شئ عندتس مشاعل وامينه وانا
مشاعل:يمه نسيتي سعود
ام راشد:سعود يعرف لها.. ومن غير مااقوله محدن بيقوم فيها الا هو وانا
عارفه ولدي ..مايحتاج اقول
سعود:هههههههههههه ماشاءالله عليتس يايمه
مشاعل: ايه من قدك .الكل يدور رضاك يالبطه
رغد"خجلت شوي..من اهتمام خالتي ومن نظرات سعود..":اقول
نسيتي نفسك ..روحي شوفي نفسك وتعرفين من البطه
مشاعل"تكش على":اوريك
ام راشد"توقف":سعود يمه ابيك شوي
سعود"وقف":ان شاءالله
رحت معها لغرفتها.. توقعت انها تبي توصيني ع رغد.. وتظن اني برفض
او شئ لو قالت قدامها...جلست قبالها":امري يالغاليه
ام راشد"بتردد":والله اني حاستن بالذنب ياولدي
سعود"باستغراب":ليه يايمه وش صاير
ام راشد:اول شئ تعطيني كلمتك ..انك اذا سمعت يالي بقوله..ماتمد يدك
عليها
سعود"وللحين مستغرب":امد يدي ع مين
ام راشد:الحين بتعرف ..بس عطني كلمتك
سعود:لك يمه .. وش عندك
ام راشد:يمه انا من يومين..كنت رايحه اجيب كاسه لبن لابوك من المطبخ
وانا والله ماكان لي نية اتسمع.. ولا اوقف ..
سعود"كل علامات الاستفهام فوق راسي":طيب
ام راشد:المهم.. دخلت وسمعت مزنه تتكلم بالجوال..مااهتميت...وهي
معطتني ظهرها.. وتسوي الغداء..بس كلامها يالي سمعته جمدني
بمكاني
سعود"باهتمام":وش سمعتي
ام راشد:طانت تتكلم عن رغد
سعود:ايه
ام راشد"تتنهد":كانت تكلم اختها سعاد بخصوص حرمتك وبخصوص
شئ سووه....
مزنه"بغيض":والله ميته قهر يااختي.. سافهني وميتن عليها..وماكانه
في حرمه غيرها.. ناسي نفسه.. يضحك.. ويسولف ويتغزل قدامنا
ومتجاهل وجودي..سعود صار انسان ثاني... متغير بالحيل..حتى
مع اخته..صايرن يمزح.. معها وياخذ ويعطي معها.......خبله انتي
وش سحره وش خربيطه.... لا ماضنيت.. لو سحر كان صار التغير
لها هي وبس مب للعيله كلها.....وش اسوي طيب....آآآهـ ليتني
كملت عليها وذبحتها يوم بالمزرعه...ربي فكها من يدينا يوم..صارت
ترفس ببطني..مات ولدي وهي للحين حيه قطوة بسبعه اروح..
ياشيخه لاتذكريني...ندمانه..اني ماشفتها وهي تموت ..كانت الفرصه
بين يدينا..وكان ارتحنا منها....تدرين لو تنعاد ..والله مااتركها لحد ما
اشوف روحها طالعه....لا بامان حنا دامها ماتذكر...وش اسوي مقهوورة
تخيلي اليوم.. وهي تقدم له الحلا"وتقلد صوت رغد..ودلعها":سم هذا
انا مسويته عشانك..عارفه انك تحبه..وسويته عشانك..ولا البلا يوم
رد عليها..ومسك يدها..لو موحنا موجودين كان ماتركها..
سعود:سم الله عدونتس.. ومن يدين مانعدمها.. الحلا حالي.. وزاد
حاله من يدينتس..يالغلا
رغد"بخجل":تسلم
سعود"وللحين ماسك يدها وناسي نفسه":الله يسلمك
مزنه"بقهر":سعود عمي ينتظر
سعود"انتبه ع نفسه وتركها":............
شوفي لي حل ياسعاد.. ماعد فيني اتحمل اكثر...ايه...ايه...يالليت..
ايه ابسويها المهم ارتاح منها...نقصت على عيشتي وماعاد اتحمل
خلاص بعد بكرا تعالي.. ايه..لا ماراح يكونون موجودين بيروحون
بيت عمي...انتظرك وسلمي ع امي وابوي....
سعود"الدم كله يغلي وتجمع بعروقي ماني مصدق.. يالي سمعته:متاكده
يمه
ام راشد"انتبهت للعصبيه يالي صرت عليها":استهدي يمه وتعوذ
من ابليس ولا تنسى انك عطيتني كلمتك
سعود"بعصبيه":يمه هذي تساهل الذبح مب الطق بس
ام راشد:والله ماكان ودي اقول لك.. ضنيتها عقلت..بس الي شفته اليوم
خوفني.. انا خايفتن ع الفقيره رغد.. هي ع نياتها... وهم مثل العقارب
والمرتين يالي قبل سلمت.. والله اعلم وش يجي منهم..والثالثه ثابته
يايمه..
سعود"يحب راس امه":ماعليتس يمه.. مافيا مل لهم تكون فيها ثالثه
ام راشد:وش ناوي عليه
سعود:بتعرفين يايمه
وطلعت بسرعه للغرفه.. وانا انفاسي تلهث.. وحرقتني..من كثر
ماني مقهور..وماني مستوعب.. والغضب عاميني...وصلت للجناح
الا اسمع صوتها.. شكلها تكلم... والله برود عليها ..تاكدت انها
عديمه انسانيه ومريضه نفسيه.. والله مب اللوم عليها ناقصه عقل
اللوم على يالي عطيتها مجال.. جالسه 24 ساعه مقابل التلفزيون
والتلفون..وصارت تطبق علينا يالي تشوفه....
مزنه:والله اني خايفه يابنت
سعاد"ببرود:لو بيسوي لتس شئ.. ماانتظر للحين
مزنه:مدري خايفه
سعاد:وبعدين معتس.. قلت لك لو ناوين ع شئ..من زمان سواه
سعود..بصرخه":قفلي يالي بيدتس يامال الوجع
مزنه"رجفت من الخوف ورمت السماعه":....
سعود"ماني قادر اتحمل شوفها لو تركتها دقيقه بوجهي..الله العالم
وش بسوي فيها":البسي عبايتك والحقيني
مزنه:وين
سعود:ولاكلمه والي قلت تسوينه ولا والله هالعقال ع بدنك
مزنه"بخوف وبسرعه تلبس عبايتها وتنزل..وراه"
سعود"نزلت بسرعه.. كنت معصب..وبحط عصبيتي باي شخص
بوجهي.. وقفني صوتها وهي تنادي
رغد"استغربت من ملامح وجهه.. والعصبيه يالي هو فيها":سعود
سعود"وانا امسك نفسي":رغد مهب الحين
طلعت لبرا وماعطيتها مجال.. تتكلم.. شوي الا مزنه طلعت وراي

مشاعل: وش السالفه
رغد:علمي علمك..ياربي خايفه
مشاعل:ماعليتس.. وش له تخافين
رغد: مدري طلعته معها وعصبيته
مشاعل: اكيد بيوديها لاهلها كم يوم
رغد"تو بتكلم الا قطع على صوت جوالي.. شفت المتصل امي..اكيد
حسها قلبها:السلام عليكم
ام رائد:وعليكم السلام ..هلا يمه وشلونك ..
رغد: الحمدالله بخير وانتي طمنيني عليك
ام رائد: بخير.. بس يمه قلقانه عليك..حاسني قلبي فيك شئ..وصدق
احساسي باين من صوتك انه فيك شئ
رغد"ماحبيت اخبي عنها وبغيت اطمنها:يمه مافيني الا الخير بس
طحت من الدرج..
ام رائد"تقاطعني":طحتي وشلونك الحين مافيك شئ رحتي المستشفى
رغد:ياحبي لك ياامي انا بخير.. ماتسمعيني اكلمك الحين
وجلست ربع ساعه وانا اقنع فيها اني بخير... وقلت لها كل شئ صار
وصارت تطلبني اجي عندها لا اقول لسعود يطلعني ببيت لحالي
بعيد عن مزنه.. هديتها.. وقلت لها انها راحت بيت اهلها..
رغد:صدق اتصلت وشلونها وش اخبارها
ام رائد:بخير يايمه..بس تقول انها محرومه من كل شئ لا جوال..ولا شئ
تقدر فيه تتواصل معك
رغد:طيب وشلون تطلقت
ام رائد:تقول انها راحت لخوالها وهم حلو لها الموضوع
رغد:اهم شئ ارتحت الحين
ام رائد: ايه تقول انها ارتحت منه.. بس الي قاهرها معامله اهلها لها
رغد: الله يهداهم..بس ماتوقعت هالتصرف من امها.. الزواج مهب
غصب.. وهذي حياة بتعيشها معه.. مو يوم ولا يومين..ماتقبلته
مااترحت له..خلاص.. الحين هم لم يغصبونهم ع اكله مايحبونها بياكلونها
مستحيل.. ماراح تقدر انفسهم عليها.. وغلا هذا حالها.. هي حاولت
تتقبله بس.. مو الانسان يالي راح تعيش معه حياتها.. والحمدالله ارتحت
قبل لايصير بينهم عيال ولا شئ..
ام رائد: ايه الحمدالله ارتحت.. وارتاح بالها اخيرا..
رغد:ماقالت بتتصل ثاني
ام رائد: الا تقول بااقرب فرصه ..ويوم يتوفر عندها التلفون
رغد: اها
ام رائد: يالله اخليك الحين .. وانا بتصل ع سعود اوصيه عليك..ماراح
اقدر انام وانا مطمنه.. اذا هي معك بنفس المكان
رغد: تطمني ياامي ماراح يصير الا الخير
ام رائد:يالله انتبهي ع نفسك
رغد: ان شاءالله سلمي ع ابوي ورائد
ام رائد:ان شاءالله وانتي سلمي ع الكل
رغد: يوصل
ام رائد: يالله فمان الله
رغد: فمان الكريم


بعد كم شهر.............

مشاعل.. رجعت لزوجها بعد ماولدت.. وحاولت تجلس اكثر بس.. ماوافق
ودعتها امس.. وماودي ع فراقها ابد...جلست طول اليوم وانا مقفله ع نفسي
ماودي اشوف حد..ماكنت ندمانه ع اعترافي له.. بس كنت مقهورة و....
مصدومه انه مايبادلني الاحساس... توقعت من تصرفه وحنانه.. ورقته
معي انه يحبني.. بس تفاجات.. بجموده .. ولا كلمه قلتها له حركت فيه

شئ.. تذكرت يوم جريت نفسي.. مكسورة وخايبه.. ضنيت يوم اعترف
له بحبي.. وكنت بعترف انه صار لي فترة متذكرة كل شئ......
. بس خفت اعترف ويتغيركل شئ.. ومثل ماتوقعت اختلف كل شئ تغيرت
معاملته ..صار جاف..حده يرد السلام ويطلع.. ولا كاني موجوده...

سعود" ماتوقعت منها هالكلام.. معقوله رغد تحبني.. انا.. انا... كنت
محتار .. وماني عارف استوعب كل يالي صار.. كل يالي ببالي انه
تصرفها وتعلقها فيني.. ضننا منها اني وليد.. ومشاعرها واحسايسها له
بس انصدمت باعترفها.. مدري ليه جمدت.. وماقدرت ارد..كنت انتظر
انتصاري عليها.. بس ماحسيت بحلاوتها.. ليه.. وش السبب ..مو هذا
يالي كنت تتمناه ياسعود.. كنت تتمنى تملك قلبها وروحها وكل مافيها..
هذا هو صار ... آآآهـ وش فيني.. ليه ماني قادر احس بالفرحه... ليه
ليه...ليه... تذكرت يالي صار...وكانه الحين يصير.. كل حركه وكل
كلمه.. وكل دمعه....

رغد" لبست.. الفستان الاحمر يالي شريته.. معه.. واستشورت شعري..
وسويته ويفي... وحطيت لي مي كاب ناعم لاني اعرف انه مايحب الثقيل
تعطرت من عطري .. يالي اعشقه..وناظرت المرايا .. واعجبني ..يالي
سويته.. مشيت للطاوله يالي جهزت فيها العشاء.. والشموع.. يالي اشتريتها
مع مشاعل.. وسويت كل شئ بشكل حلو.. بعد مااخذت مساعدات من النت
القيت نظرة اخيرة ع انجازي ونال رضاي.. مشيت وطفيت الانوار لانه
مشاعل اتصلت .. قلت لها تتصل يوم سعود يدخل البيت.. وشغلت الشموع
وشغلت اغنيه اليسا جويا ليك....
سعود" كنت متضايق من يالي صار كله.. ومناقشتي مع عمي وبنته
اتعبتني... وخاصة يوم رميت الطلاقتين.. عشان مايصير فيها مجال
للرجعه.. كل شئ توقعته الا هالتصرف منها ومن اختها.. وين حنا فيه
هذا قل العقل.. ومقابل التلفزيون والمسلسلات ومايسوي .. تظن حالها
فيهم.. وجالسه تطبقها فينا.. يعني لو ماجيت بالوقت المناسب.. ولا كان
رمتها من الدرج.. للدرجه فيه قلوب مريضه كذا..كنت اظن انها ماتتعدى
طوالة اللسان وحركاتها مع اهلي.. وطول يدها ع اغراضي.. بس انها
تذبح روح.. ومو مره ثاني مره تحاول فيها .. ماقدرت امسك نفسي
لولا وجود عمي ولا نحرتها بمكانها.. تخيلت.. دنياتي من دونها ..
كل الالم يالي بالعالم عصر قلبي.. وماقدرت اكمل تفكير.. هذا مجرد تفكير
بفقدانها.. وسوا بي كذا.. اجل وشلون لو فقدتها صدق.. وش بسوي.. تعوذت
من ابليس ونفضت هالافكار من مخي..وحمدت ربي انه الامور وصلت لهنا
وبس... صعدت الدرج باانهاك وتعب.. واخيرا وصلت.. حطيت يدي ع
مسكة الباب.. وتفاجات من الريحه يالي تخلخلت ودخلت براسي.. ولا
صوت الاغنيه الرومنسيه.. ضنيتها.. تتفرج ع التلفزيون.. وماحطيت
ببالي ابد يالي شفته.. وقفت متجمد بمكاني.. وماني مستوعب يالي يصير
جوايا ليك

جوايا ليك احساس بيكبر كل يوم العين تنام والقلب عمرو ما جالو نوم

من كتر شوقي ولهفتي شايل هموم

ارتحتلك احساس غريب بحسو لما ببص لك وبحن لك لو حتى جمبي

بحضن قلبي بحنلك سلمتلك اغلى ما عندي حتى قلبي فتحتلك

جوايا ليك احساس بيكبر كل يوم العين تنام والقلب عمرو ما جالو نوم

من كتر شوقي ولهفتي شايل هموم

عمري انا محتاجة منك كل نزرة حنينة

روحي انا ازاي في بعادك بكم مليون سنة

قلبي انا لما بتبعد عني بيكون مش هنا

جوايا ليك احساس بيكبر كل يوم العين تنام والقلب عمرو ما جالو نوم

من كتر شوقي ولهفتي شايل هموم

&&&&&&&&&&&&&&&&&&&&&&&&&&


رغد" وقفت ع طول يوم دخل..وابتسمت له.. كان وجهه يضحك..منصدم
مو متوقع هالشئ..تقدمت له.. وانا احس كل خليه بجسمي ترجف..هذا
اكبر شئ اسويه بحياتي.. فرصة عمري.. وماراح اضيعها باي طريقه
وصلت لعنده وهو للحين ع وقفته .. ونظراته مثبته على.. مسكت يده
ومشيت فيه.. وهو ماقاوم.. ومشى معي.. وصلنا لطاولة الطعام.. واشرت
له يجلس..
سعود" مشيت معها.. وانا بلا ارداة.. ابتسامتها.. قربها لمساتها... شلت
تفكيري...يوم اني جلست ع الكرسي.. وهي انحنت لي عشان تحط..المنديل
بحضنى.. عطرها تخلل كل خليه بجسمي.. اسكرتني.. بعطرها وقربها..
وذوبتني بحركتها.. يالي دايم تسويها يوم تكون متوترة.. يوم ترجع
شعرها ع ورى.. بنرفزة.. وتفرك يديها.. بعدت عني وكان ودي.. امسكها
واخذها بحضني ومااسمح لها تبعد..

رغد" حسيت بنظراتها تخترق كل عظمه بجسمي.. دايم نظرته غير..
وتربكني.. وتخجلني .. مهما حاولت ادعي العكس.. مشيت عنه وانا
احاول اجمع انفاسي... جلست قباله.. وابتسمت": تفضل.. ان شاءالله
يعجبك
سعود" كنت مفهي واناظرها وماودي انظر شئ غيرها كانت لوحه سبحان
من صورها وابداعها.. والعين ابد ماتمل نظرها...":انتي يالي سويتي
كل هذ
رغد" ابتسمت": ايه اعجبك
سعود" صرت انقل نظري ع انحاء الغرفه.. كانت ناثرة الورد..الاحمر
بكل.. مكان...والشموع يالي معطيه الغرفه شكل رهيب.. ": بالحيل
بس متى .. سويتي كل هذا
رغد" ناظرت بعيونه": كل هذا.. بسيط .. وبسهوله سويته وطبعا بمساعده
شعوله
سعود" ابتسمت":اها قولي كذا معتس الراس المدبرهههههههههههه
رغد: اكيد وانا اقدر استغني عنها ههههههههه

بعدها جلسنا ناكل بهدوء.. وكل واحد فينا يسترق النظر ع الثاني...بعدها
قمت وقدمت الحلا.. له..وباين انه اعجبه بالحيل..
سعود" يمسح فمه": تسلم يديتس.. يالغاليه
رغد"بفرح": اعجبك
سعود" يحط يده ع بطنه": اكيد ماتشوفيني مابقى الا الصحون واكلها ..
ترفقي بي يابنت.. ع الحال هذا ماراح امر من الباب
رغد:هههههههههههههههههههه بالعافيه ع قلبك...وعادي بكل احاولك
تعجبني.. طول منت معي ماتفرق
سعود" بنظرات مبتسمه": علينا مو باكر تجيني وتقولين يالدب قوم خفف
كرشك.. فشلتني
رغد" قمت لعنده.. وحطيت يديني.. ع كتفه": ينقطع لساني قبل لاانطقها
وربي بكل حالاتك ملكتني يادب
سعود" ابتسمت.. ابتسامه الم.. حاولت اخبيها.. لانه عارف هالكلام
مب من قلبها.. ولو تذكرت .. ماضنيتها بتجلس معي دقيقه وحده..
من بعد ماكسرت حلفانها..وخدعتها.. بمشاعرها واستغليت وضعها
":..........................
رغد" رحت وراه.. وحضنته وهو للحين جالس": ممم ماودك تعرف وش
المناسبه لهذا كله
سعود" لفيت اناظر عيونها يالي ماامل ابد منها وودي تكون اخر شئ
اشوفه بحياتي..": وش ... ولا تبين تسوين سسبينس.. وتشويق
رغد" ضحكت": حركااات وتعرف انجلش بعد
سعود" يوقف .. ويقابلني.. ويحاوط خصري بيدينه": افا عليتس . محسوبك
صحيح ماكمل تعليم بالجامعه.. بس كملت تعليمي بنفسي.. واخذت كل
الدورات يالي تخطر ع بالك
رغد" بابتسامه فخر": وتلومني فيك يالدب
سعود" ضحكت": يلعن ام الرومنسيه ياشيخه..هههههههه الحين جو و
حركات.. واخرتها دب
رغد:ههههههههههههههههههههههههههههههههه
سعود" قربتها اكثر لعندي..حتى صارت انفاسي باانفاسها وارتبكت وخجلت
بين يديني..ع انه مر علينا فترة.. وللحين تخجل مني..":طيب وش المفاجاء
ولا وش سر الاحتفال هذا
رغد" ذبت وحسيتا ني بعالم ثاني وانا بين يدينه": مممم
سعود" شفتها نزلت راسها ... رجعت رفعته..":قولي وش عندتس
وابيك تناظرين وماتنزلين راسك بالارض..
رغد" ووجهي صار احمر من الاحراج.. وخاصة من قربه..بعدت عنه
شوي.. وحطيت يدي ع بطني..": انا .. انا
سعود" استغربت لما بعدت عني.. وارتباكها.. وتقطيعها بالكلام..شفتها
حطت يدها ع بطنها ضنيت بها شئ": وش فيتس بطنك يوجعك.. بك شئ
اوديك المستشفى
رغد" ياحياتي.. خايف على": لا لا لا.. مايحتاج انا رحت وخلصت
سعود" رافع حاجبه": متى .. وليه وش فيتس تكلمي
رغد" شفت بوجهه العصبيه والخوف بنفس الوقت": وش فيك نسيت
يوم قلت لك ابروح مع مشاعل
سعود: اها .. طيب لاتخوفيني الله يرضى عليتس وش فيتس
رغد" هزيت راسي": ايه
سعود" بخوف": البسي عبايتك رايحين
رغد" مسكت يده ووقفته": وين وين
سعود: مب تقولين فيك شئ... ابي اروح واشوف واسمع بنفسي وش بلاك
رغد" حطيت يديني ع رقبته":انا اعرف وش بلاني
سعود" بخوف": وش تكلمي اعصابي تلفت يابنت
رغد" ضحكت":هههههههههههههههههههههههه
سعود" رافع حاجبه": شوف بس انا ع ااعصابي وهي تضحك..تكلمي
رغد:هههههههههههههههه ايه اضحك مو تقول لحد يقول عني بنت هذاك
تقولها
سعود:ههههههههههه ايه انا اقولها بكيفي لانك بتظلين بنظري البنت الطفله
الصغير..
رغد:ههههههههه من قدي يانااس
سعود" بضيقه": تكلمي لاتصرفين
رغد" مسكت يده وحطيتها ع بطني وانا خجلانه.. من دفا يده ع جسمي..":
وش فيني.. ووش علتي.. هي انت
سعود" للحين مو فاهم": انا!!!!
رغد" ابتسمت": ايه تعبي.. ماراح اطيب منه الا بعد تسع اشهر
سعود" وللحين مو مستوعب التناحه متجمعه اليوم بمخه": البسي عبايتك
اشوف.. ومن غير نقاش
رغد" ياررربي وش الفهاوة يالي حلت عليك اليوم": سعود وش فيك
مو فاهم
سعود" بقل صبر": افهم وش...؟
رغد" اخذت نفس عميق وغمضت عيوني": يادب انا حامل
سعود" حسيت الزمان وقف .. ع اللحظه هذي.. جمدت وماني مستوعب
يالي.. يصير...": ايش!!!!

<<--يتبع




التوقيع:
signat
UoZa غير متواجد حالياً   رد مع اقتباس
قديم 18-06-2012, 05:58 PM   #27
عضو نشيط جدا
 

افتراضي رد: رواية انت غرامي وجنوني بدون ردود

رغد" وبخجل.. وانا افرك يديني وارجع شعري ع ورى": يالي سمعته
انا حامل

سعود" كلمتها ترددت ع مسامعي..حامل حامل.. وبسرعه.. اخذتها بين
يديني.. وحملتها ":عيدي ماسمعت
رغد" خفت م حركته.. ويوم حضني وحملني. بحيث يكون نظري
بنظره..وانا للحين متعلقه بين يديه": اقول ل كانا حااااامل
سعود" الفرحه مب سايعتني.. وماني مصدق الي اسمعه": صدق صدق
يالي تقولينه
رغد" هزيت راسي بخجل": ايه
سعود: متاكده
رغد:ههههههههههه ايه
سعود" حضنتها لصدري.. بكل قوة.. ماابيها تفارقني ابد.. ماابيها تغيب
عن نظري":.........
رغد" حسيت انه كتم انفاسي ونسى نفسه": سعووود
سعود: عيونه
رغد: سعود.. بتذبحني مع ولدك
سعود" انتبهت لنفسي.. وخففت من حضني لها": والله من فرحتني نسيت
نفسي
رغد: هههههههههههههه يالي يسمعك الحين.. يقول اول مره تصير اب
ولا اول مره احمل فيها
سعود" كلمتها جمدتني.. للحين تظن انه جنى بنتي..تنهدت": لا بس هالمره
احسها غير..
رغد: بابتسامه": ليه
سعود" رديت ابتسامتها": مدري لانه غير وبس
رغد" حطيت راسي ع صدره": فرحان
سعود" بست راسها وصرت امسح ع شعرها":وبطير من الفرحه
رغد" بتردد": ممم وفي شئ ثاني ابي اقوله لك
سعود" رفعت رسها بيدي": وش
رغد" استجمعت كل قوتي ": انا .. انا
سعود: انتي ايش
رغد" بكل احساس وبكل صدق": احبك.. واحب حياتي ودنيتي معك
وبحياتي .. مااتخييل.. اني ابعد عنك.. ولا افارق حضنك ودفاك..
احبك.. وابي اعيش دنيتي.. وحياتي كلها معك.. ابي اعيشها بحلوها ومره
معك.. ابي اشاركك.. كل شئ بحياتي.. ابي اكبر واشيب.. وانا معك
اعيش.. كل يوم بيومه.. معك... انام واصحى.. ع شوفك

سعود" كلماتها... مثل الخنجر.. يطعني مره بعد مره... تمنيت اني
ماعرفتها.. ولا شفتها.. ولا قطعت دربي... ناظرتها بالم.. وبصمت":
.........................
رغد" كنت متوقعه انه بياخذني.. بحضنه.. بيبوسني.. أي شئ.. الا
جموده والنظره يالي غطت ع وجهه.. تعابيره كان بمثابه صدمه لي
ماتوقعتها ابد.. ضنيت يوم اعترف له انه بيعترف لي بعد... بتتغير
حياتنا للاحسن..":............
سعود" تنهدت": طيب انا تعبان وودي انام .. احس راسي مصدع..
وهلكان
رغد" كلماته صدمتني.. ماتوقعت هالرد ولا هالجفا.. بعد عني.. وتركني
بحيرتي.. وراح لدورة المياة" اكرمكم الله" وتركني...اصارع افكاري
طول.. وهو هناك... وانا جلست ع الكنبه اعيد حساباتي. وندمت اني
تسرعت واعترفت له...ماحسيت فيه يوم طلع.. وانسدح ع السرير ونام
لفيت.. عليه مستغربه متى جا .. ومتى نام.. ومن غير ماينطق بحرف..
قمت.. وجمعت قوتي بالغصب.. وصرت اشيل الاغراض.. منهارة
مصدومه.. من ردة فعله.. طفيت الشموع ومشيت...........

سعود" كانت تضن اني نمت.. بس كنت اراقبها منهارة واراقب دمعها
يالي نزل بحرقه ع خدها.. سامحيني.. سامحيني.. بس عارف ومتاكد
انك يوم تعرفين كل شئ.. بتندمين.. بتندمين ع اعترافك هذا.. وتلعنين
الساعه.. يالي شفتيني فيها.. ومنتي ساكته.. اعرفك واعرف اطباعك
يوم تكتشفين استغلالي لك ولقربك وانت بضعفك وحالتك هذي..
غمضت عيوني .. يوم حسيت بالظلمه خيمت ع المكان.. مثل ظلمة قلبي
وانكساره............................


رجعت من الدوام.. وانا ماني قادر احط عيني بعينها فرحتي بحملها
ماكملت بسبب الحال يالي بينا .. طول فترة صحوتها وانا عايش
بخوف.. وترقب .لرجوع ذاكرتها .. ورجوع رغد الحاقده والكارها لي
صعدت ع طول لفوق .. كان ودي مااشوفها واروح لجناحي الثاني بس
وش ببرر لها نومتي هناك.. النوم مجافيني ... ولا له نيه يشرفني .. ويشيل
همي بعض الوقت وينسيني.... حاولت.. وحاولت اتناسى رجوع ذاكراتها
واعيش.. معها الحاضر هي مهما كان زوجتي وحلالي.. بس صوت براسي
ماغاب عني.. ودوم يذكرني.. انه حبها وكل مشاعرها مهيب لي.. لاعز
انسان .. ع قلبي.. يالي هو اخوي..وهي مهيب حاسه.. وتظن مشاعرها لي
الايام الي راحت.. حسيت ولاول مره اني عايش.. وحبيت الدنيا وبالي فيها
وهي معي...بس وش فوده... قبل كنت اتمنى هاللحظات وارضى فيها ..بس
يوم ذاق قلبي طعم الحنان.. والدفا.. ونبضه ..لها ماضنيت بيرضى بالقليل
يالي قبل..آآآهـ تعبت .. وتعبت من كل شئ حولي.... وصلت للغرفه
ودخلت.. ع طول وغيرت.. ونمت ع السريع ماابي اشوفها ثم اضعف
مثل قبل.. واعيش حلك مصيري اصحى منه.......

رغد" سمعت صوته يوم رجع ..بس مالي وجه اقابله بعد صده لي امس
للحين منهارة.. وماني مصدقه انه يبادلني نفس الاحساس..معقوله كل يالي
صار مجرد عطف لحالتي... جلست متخبيه بالمطبخ لحد.. ماصعد فوق
ثم طلعت للصاله.. جلست مع خالتي... وجنى.. كنت بعالم ثاني... منيب
حولهم ابد.......

مرت ايام وحنا ع الحال هذا... ونتقابل ع الاكل.. بس من غير ماننطق
بحرف مع الثاني.. حدنا السلام ورده...طفشت من الحال هذا.. وخاصة
بعد ماطلعت مزنه من حياتنا... قلت كل شئ بيتصلح الحين... بس خابت
امالي.. وكل يالي ضنيته مجرد حلم وخيال...

رغد: السلام عليم
ام رائد: وعليكم السلام... هلا يمه شلونك .. وشلون سعود وجنى
رغد: الحمدالله بخير يمه.. وكلهم بخير.. انتي شلونك وشلون ابوي
ورائد
ام رائد: كلهم بخير ويسلمون عليك.. وينك يابنت خوفتيني .. صار لك
يومين مااتصلتي ولا تردين ع جوالك
رغد" والضيقه بانت ع صوتي": ولا شئ يمه بس انشغلت
ام رائد" يالي تعرفني من نبرة صوتي اذا في شئ بخاطري ولا لا": على
انا يارغد .. انا امك وخابزتك قولي ... فضفضي لي..
رغد" تنهدت": وش اقول وش اخلي ياامي ... احس بضيقه مابعدها ضيقه
ضايقه الدنيا فيني ياامي
ام رائد" بخوف": سلامتك وسلامة قلبك من الضيقه .. تكلمي ياقلبي لا
تخوفيني عليك
رغد" تكلمت معها وقلت لها كل شئ":وهذا يالي صار .. يمه سعود ما
يحبني ولا عمره حبني ولا فكر فيني كزوجه
ام رائد" بعد تفكير": عن الهبل يابنت.. الكل شافه وشلون تقطع عليك يوم
طحتي وكان بيفقدك.. وشوفي وشلون طاير فيك
رغد: ماانكر هالشئ.. بس كل هذا اختلف.. وشلون لو قلت له عن يالي
مخبيته عنه.. بيقول ماعاد لي لزوم اجلس معه اكيد.. وبيطلقني يمه
ام رائد: انهبلتي وش جاب سيرة الطلاق.. لو انه مايبيك ماكان قربك
ولا حملتي منه
رغد: مدري ع اني شفت وشلون طار من الفرح.. بس ردة فعله بعدين
اصدمتني.. وكاني ولا ششئ بالنسبه له .. وكاني حاله شفقه عنده
ام رائد" بنرفزة":عن هالخرابيط يابنت
رغد: لاتلوميني ياامي انتي لو تشوفين الجفا يالي بينا مالمتيني
ام رائد" بتفكير": طيب يمكن
رغد: يمكن وش
ام رائد: انتي قلتي له عن المفاجاءة الثانيه
رغد: لا.. هو عطاني مجال.. ع طول اعترفت له .. صد عني وقال بينام
ام رائد: طيب ليه ماقلتي الخبر هذا قبل
رغد: وش بيفرق
ام رائد" وبكل ثقه.. لانها شافت سعود.. وشافت لهفته على": بتفرق كثير
صدقيني.. بتفرق كثير.. انتي اليوم اجلسي معه وقولي له
رغد" بضيق": يمه مالي حيل لصد ثاني
ام رائد: انتي اسمعي الكلام.. وبعدها قولي امي ماقالت
رغد" وانا مو مقتنعه.. بس اصرف": طيب يصير خير.. الحين بقفل
لاني احس بكتمه.. ابقوم اصلي لي ركعتين يمكن ربي يزيلها عني
ام رائد: طيب .. وادعي ربي يسهل امورك وان شاءالله ماراح يصير الا
الي يسعدك..
رغد: ان شاءالله سلمي ع ابوي وع رائد
ام رائد: يوصل.. وانتي سلمي ع خالتك ورجلك
رغد: ان شاءالله... يالله فمان الله
ام رائد: فمان الكريم

نزلت تحت.. وشفت خالتي تكلم تلفون.. جلست جنبها وصرت اقلب
بالقنوات.. بعدها لفت لي ..
ام راشد: هذا راشد .يقول انهم ودهم يطلعون للبر وش رايتس
رغد" وانا مالي خلق لحد": مدري عن سعود
ام راشد: كلمه راشد وقال بيسالنا قبل ..خلينا نروح يمه احسك ضايقه
وش فيتس .. وش مضايقك
رغد" حاولت اخبي ضيقي وابتسمت": ولا شئ يالغاليه.. واذا ودك
بالروحه.. نروح بس كل مافي الموضوع اني اشتقت لمشاعل.. ومااحس
بتكون الروحه حلوه من غيرها
ام راشد: ايه الله يقطع بليسها مكانها كبير...الله يرجعها بالسلامه ومابقى
شئ ويخلص زوجها بعثته
رغد: ايه عقبال ماتقر عينك برجوعها ع طول هنا
ام راشد: اللهم امين
رغد: متى بنروح
ام راشد: والله مدري يايمه.. بس هقوتي باتسر
رغد: طيب تاكدي عشان اجهز لنا كم اكله وحلا
ام راشد" ترفع التلفون وتتصل ع سعود... وبعدها قفلت منه": خلاص
قومي سوي يالي تبينه.. بنمشي بكرا الفجر
رغد: ان شاءالله

دخلت المطبخ... وصرت اجهز السلطات.. وجهزت حشوة للورق عنب
ولفيتها وطبختها... وسويت صينيتين حلا... وحطيتهم بالثلاجه... وصعدت
انام قبل لايرجع سعود...نمت ع الكنبه .. مثل اليومين يالي راحوا ..توقعته
يتكلم .. ولا يقول شئ... بس شكله يبي الفكه مني وماصدق انها جت مني
صحيت.. عند اذان الفجر.. وماشفته.. قمت وصلحت غطا جنى.. وقمت
اتوضى...صليت.. وجلست اقرا القران.. بعدها قمت تروشت ولبست
وجهزت شنطة ملابس لجنى.. وشنطه لاكلها.. من خرابيط شيبسات
وبسكوت.. وحلاوة وعصير..والخ
نزلت اطلع الاغراض من الثلاجه... وقلت لامينه تجهزهم بالسله..ثم
صعدت واخذت عبايتي..وشلت جنى.. يالي انزعجت مني .. وانا اصحيها
واغير ملابسها....نزلت الا خالتي وعمي جالسين ومتجهزين
رغد: السلام عليكم
الكل: وعليكم السلام
رغد" حبيت روسهم": صباح الخير
عمي: صباح النور والسرور... وشلونتس يابنتي
رغد: بخير وانت طمني عنك.. عسى رجولك زانو
عمي: ايه الحمدالله ع كل حال
رغد: خالتي .. كان اخذتو لكم ملابس تدفيكم جو البر بارد
ام راشد: اخذنا الله يرضى عليتس

جلست اسولف معهم.. واضحك ع سوالف عمي.. بس تجمدت ضحكتي ع
دخله سعود.. يالي قال لنا.. نقوم...قمنا وركبنا السيارة وعمي وهو داخلين
جو بالسوالف... صرت اقهويهم.. وبعدها حطيت راسي وجلست اناظر
من النافذه...
وصلنا نزلت ع طول ودخلت خيمة الحريم كانو الريم والعنود
ينتظروني.. سلمت ع الكل وحمدت ربي انه مزنه مب فيه...مدري
ماابي احتك فيها من بعد موقف الدرج.. ومن بعد ماطلقها سعود
جلسنا نسولف... والريم مازالت ع هبالها المعهود وكانت حامل
ونايف كل شوي متصل عليها يعرفها رجه ويخاف عليها ويالي
ببطنها....
العنود... تغيرت بالحيل صارت هاديه.. بس مااشغلت تفكيري
فيهم اكثر سعود شاغل بالي اكثر ... كان الكل يضحك ومبسوط الا انا
بعالم ثاني... بعد العشاء... قلت لهم اني بتمشى برا.. شوي.. تركت
جنى عند خالتي وقالت لي لاتبعدين ": ان شاءالله
طلعت اتمشى.. وكان الجو بارد بالحيل...ماحسيت بالصيف الا
بالبيت اما يوم نجي هنا يكون برد بالحييل... صرت اتمشى لحد ..مالمحت
سعود.. كان جالس لحاله ومتسند ع سيارته ويلعب بالنار.. ماكان فيني
حيل لصده ثاني.. جيت برجع الا وقفني
سعود" كنت افكر بحياتي ولحد وش وصلت.. لازم اصارحها بكل شئ
واريحها واريح حالي.. خلاص ماعاد اقدر استحمل.. كنت العب بالعصا
بالنار الا لمحت زولها يالي اميزه لو تكون بين أي شئ.. شفتها
تتراجع وترجع وبلا شعور استوقفتها": رغدد
رغد" بلعت ريقي.. مشيت لعنده لحد ماوصلت وهو للحين جالس":سم
سعود" ماكنت ابي شئ.. بس اشتقت لها ولصوتها.. واستغليت انا حنا
بالبر.. يعني مافي مجال انسى حالي.. جلست ادور عذر لاني ناديتها
": في شئ دافي

رغد" وانا متجمده من البرد": تبي حليب
سعود" جالس بفروته قبال النار": ايه تسوين خير.. البرد نخر عظامي
رغد" مديت له الكوب يالي بيدي.. وتلامست اطراف اصابعي بيده":سم
سعود" حسيت بالكهربا تسري بجسمي.. من لمساتها..آآآهـ لو تدرين
وش قد اني مشتاق لتس...": سم الله عدوتس
رغد" جلست وسندت ظهري ع السيارة":.............
سعود" الحليب جا بوقته.. بس لفت نظري رجفتها يالي كانت تحاول تخفيها
عني..": ليه ماجبتي معتس جاكيت ولا شئ يدفيتس
رغد" وانا ارجف من البرد": نسيته
سعود" ماودي تقوم بس خفت يجيها شئ": طيب قومي للخيمه انا اقهوي
نفسي
رغد" لا ماابي انا ماصدقت تكلمت معك.. بعد الصد يالي صار": لا
مرتاحه كذا.. وانا ابي اقهويك
سعود"تركتها ماكان ودي اتناقش معها.. وجودها بحده يذبحني..وشلون
صوتها...ظلينا ساكتين .. لمدة ربع ساعه اظن...وكل شوي اسرق النظر
لها.. ماقدرت اتحمل.. شوفها بردانه كذا.. ومن غير ماانطق بحرف..و
بحركه... سريعه جمدتها.. سحبتها لعندي.. وحضنتها..انا كنت متكي
ورافع رجل.. وممدد رجل.. اخذتها بحضني بالظبط.. وحاوطتها بيدي
وبالفروة... حسيت بجسمها وشلون لان من بعد الدفا.. وهي كانت جامده
ورجفت البرد للحين معها....":دفيتي
رغد"حسيتا ني ببكي... يالله زماان عن دفا حضنك..ماقدرت ارد من
الغصه ":...............
سعود" ضنيتها خجلانه من الوضع.. بس يوم شفتها تهتز.. وميزت انها
مب من البرد.. عرفت انها تبكي.. وع طول لفيتها لي.. وانصدمت
بدموعها يالي ملت وجهها وحمار خشمها من البرد والدموع...":
وش فيتس يوجعتس شئ.. فيك شئ تكلمي
رغد" نبرة خوفه جننتني.. اثبت ع حال تبيني ولا ماتبني..رميت نفسي
بحضنه وصرت ابكي.. واشاهق":..............
سعود" ماقدرت اتصرف.. ماتوقعت هالشئ.. منها.. آآهـ يارغد بتذبحيني
متى ترجع لتس ذاكرتك ع الاقل.. جفاك وصدك عرف انه واقع مهب حلم
مسحت ع راسها وانا اهدي فيها": تعوذي من ابليس واهدي مهب زين
الصياح بالبرد
رغد" اشتقت لحنيته ..ولدفا حضنه وصوته..ع انها بس ايام.. بس وربي
حسيتها سنين..ومن بين شهقاتي": ليه تسوي فيني كذا
سعود"وبغصه": بتشكريني بعدين.. وماضنيت بعد..
رغد" مافهمت عليه... رفعت راسي له":وش تقول
سعود" رفعت يدي لوجهها وصرت امسح دموعها..":رغد
رغد: هلا
سعود: منتي عارفه شئ وربي...
رغد: فهمني.. تكلم.. بس لاتصد مثل صدتك يالي قبل
سعود" تنهدت.. ابشرح لها.. سبب صدي ماعاد فيني حيل للكتمان": يارغد
صدي لك مهب رضا مني.. والله العظيم غصب عني
رغد: ليه طيب وش يالي غاصبك
سعود: انتي
رغد" متفاجئه":انا!!!
سعود: ايه انتي
رغد: وشلون.. وانا ابيك وابي قربك
سعود: ايه رغد يالي معي الحين تبيه.. بس مو لانها تحبني...
رغد:.............................
سعود" كملت وقلبي يعتصر.. خوفا منها تبعد عني..وتذكر":رغد انتي
احاسيسك.. ومشاعرك مهيب لي.. كل يالي تحسينه ناحيتي.. لاخوي وليد
الله يرحمه...
رغد" شفتها ساكته ع بالي متفاجاء..وتفكر بوش دخل وليد فينا":........
سعود" كملت": يالي خبينه عنتس.. انك كنتي حرمة اخوي وليد من قبل
الله يرحمه.. وجنى بنته مهيب بنتي.. بس هو توفى.. وانا تزوجتس
رغد:......................
سعود" غمضت عيوني": وانتي بالاساس ماتطيقني.. ومارضيتي فيني
الا غصبن عنتس.. وعشان بنتس... وحالنا قبل الي صار لتس..
مهيب زينه ابد.. ومافيها أي شئ يدل ع زواج صحي.. بين أي زوجين
وقبل لاتصير معك الحادثه صار بين خلاف.. وكلامن شين من الطرفين
بس ابد ابد.. ماكانت علاقتنا قريبه من الحب... وكل مشاعرك.. بسبب
فقدانك للذاكرة.. تمثلت لي.. لانك ماتفرقين بيني وبين وليد
رغد:.....................................
سعود" سكت وانتظرت منها جواب... بس ماشفته.. رفعت نظري لها
وشفتها.. تناظرني .. بس فجاءة ابتسمت...":...........
رغد"حسيت وابواب الفرج انفتحت بوجهي.. ابتسمت له": يعني صدك لي
مب كره لي
سعود" وانا مب فاهم.. ومستغرب رده فعلها يالي توقعتها شئ ثاني":ايه
رغد"حضنت وجهه بيدي.. وباللحظه هذي تخليت عن كل ذرة خجل وحيا
فيني.. الوقت هذا ماينفع كذا.. لازم احارب.. وابين له واوضح له كل شئ
قبل لايضيع من يديني": سعود
سعود" رفعت نظري لها":سمي
رغد:سم الله عدوك.. ابيك تسمعني لحد مااخلص كلام طيب
سعود: اسلمي
رغد" اخذت نفس عميق.. وتشجعت وتكلمت": وليد.. كان الاب الاخ
الصديق.. يالي حبيته بايام.. مراهقتي.. كان حلم مراهقه حلو.. وللحين
مكانته بقلبي.. حبيت الدنيا معه.. لانه صرت اكتشف اشياء جديده معه
قلبي وروحي تعلق فيه بشكل ماتتصوره.. بسبب تحديه للكل .. عشاني
وواقفاته يالي ماانسها ابد
سعود"باللحظه هذي.. فهمت انها تذكرت.. ولا وش معنى كلامها
عن وليد.. باللحظه هذي.. خيم كل الحزن بقلبي.. ومعلن وقت الفراق
..ومن دون ماالاحظ قربها وعدم نفورها مني.. كل شئ غاب عن تفكيري
وماصرت الاحظ شئ.. وكل يالي شاغلني.. متى تنطق كلمتها يالي بتنهي
كل شئ":...................
رغد" شفت نظرة الحزن يالي حاول يخبيها بس ماقدر":مااكذب عليك
وليد غير.. بشخصيته وكيانه.. وكافي انه ابو بنتي.. هو يالي نقلني..
من حياتي.. حياة البنت.. يالي من غير مسؤليات.. لحياة الحرمه..
وكان معي خطوة بخطوة بكل شئ...حبيته ومن كل قلبي حبيته
سعود" وكان ناقصن تذكير وتطعين بقلبي":............
رغد" ماحبيت الضيقه يالي بوجهه ابد": قبل لايصير الحادث معي
كنت معزمه ابدء صفحه جديده معك.. وهذا كان بسبب خوفي من عقاب
ربي وغضبه على... بس اكتشفت شئ
سعود" ركز نظره ع فمي وانا اتكلم": كنت اظن اني لذاك الوقت احب
وليد.. وهو يالي بخيالي وبعقلي.. بس وقت ماكنت اغرق.. كل يالي جا
ببالي..انت
سعود" وكل علامات التعجب والاستفهام بوجهه":.....
رغد: ايه انت.. فكرت وشلون.. بتنتهي حياتي.. وانا ماعشتها صح..
وسلون.. بتنتهي.. وانا ماعشتها قربك.. وماعطيت نفسي.. فرصه
اعيسشها معك برضاي وبرضا ربي...كنت يالي افكر فيه اني محتاجه
لك باللحظه هذي..ومحتاجه الامان يالي تعطيني اياه.. ومن غير ماتدري
كنت اصرخ تحت المويه باسمك.. واتمنى وادعي ربي.. تسمع صوتي
وتجيني...بس غاب صوتي.. وتفكيري .. وانت اسمك ع لساني
سعود" كلماته.. جننتني وش تقصد.. وش تبي توصل له":.....
رغد" غمضت عيوني وكملت": بعد ماصحيت .. كنت اول انسان احس
بالامان ناحيته.. وماحسيت بخوف.. ابد ع اني مااذكرك...وقتها حبيتك
سعود" ركزت نظري لها ابيها تعيد":.....
رغد: مب حبيتك.. اعترفت اني حبيتك.. لانك ومن فترة قبل الحادث ملكتني
بس بعده عشقتك... ومااتخيلت دنيياي من غيرك...
سعود" حالي وكان حد كب على مويه بارد بعز البرد":........
رغد" وبكل جراءة قربت منه لحد ماصارت انفاسي بانفاسه":سعود..
انا حبيت وليد.. حب ماتتصوره.." كشر بملامحه..وكملت": بس انت
عشقتك.. وليد حب مراهقه.. وانت حب نضوج واعلان اني دخلت لمرحله
جديده بحياتي.. مرحله نضوج بنت واكتمل انثى... ع ايديك.. عشقت ...
شموخك.. هيبتك.. عنادك.. قوتك...حتى قسوتك عشقتها..لاني متاكده
انه بعدها بحر من الحنان والدفا...
سعود" ماني مستوعب ":...............
رغد" غمضت.. ثم فتحت عيوني وركزتها بعيونه": احبك..احبك وانا بكل
قواي العقليه .. احبك واذكر من رغد قبل واذكر من رغد الحين.. احبك
واحب قربك..واحب كل شئ فيك...
سعود" كلماتها كان البلسم لجروحي.. كان الامل يالي مد يده وسحبني
من الظلمه يالي خيمت ع حياتي....ومن دون تفكير وشلت كل الحواجز
يالي كانت مقيدتني...مسكتها من خصرها وقربتها لحد ماصارت لازقه
فيني..وتكلمت وانفاسي تلهث خوف من يكون كله حلم": رغد لاتقولين
شئ الا وانتي متاكده منه.. ماني ناقص ضربه جديده
رغد" حاوطته وحطيت يديني ع رقبته": احببببك...وربي احبك
سعود" من بعد ماطاحت كل الاقنعه والحواجز.. نطق قلبي":وانا اموت
بترابن تمشين عليه... احبتس .. من يوم ماطاح نظري عليتس... احبك
واعشقك يابنت.. اعشق عنادك شموخك.. انوثتك.. يالي غلبتني.. وخلتني
اسير عندها.. دلعك..لمساتك قربك...كل شئ فيك اعشقه..حسيت بقلبي
ينبض لاول مره.. معتس.. حبيت الدنيا من بعد ماكانت كلها هموم وشقى
تعلقت بالحياة .. من يوم صرتي بحضني...اقسم بالله ع اني كنت قريب
منك كثير... بس ولا مره..حسيت فيك..لاني كنت اجيك غصبن عنك.بعدها
من دون وعي لتس... مشتآآآق لك ومشتآآق لحضنك.. ابيك بكل مافيك
وابيك بصحتك.. وبرضاك...خلاص ماعاد فيني اتحمل.. بعدك وجفاك
رغد" بست خده.. ودموعي تنزل غصب عني بااعترفه يالي فتح لي
كل ابواب السعاده..":وانا احبك..واعشقك.. وابيك..
سعود: متاكده انك تذكرين كل شئ.. متاكده من مشاعرك واحساسك..ماابي
انصدم ثاني مافيني حيل يارغد
رغد" بكل حب وعشق": احبك ..احبك
سعود: امووت فيتس
رغد" وبدلع مبحوح من البكي": انا ايش بالنسب هلك ولمشاعرك
سعود" قربتها اكثر.. ماراح ابعدها عني ثاني.. مكانها بحضني لاخر
عمري...وناظرت بعيونها ..":انتٍ غرامي وجنوني
رغد" رجف قلبي.. كياني كله": الله لايحرمني منك ياعشقي الازلي
سعود" قربت منها وبستها.. ورميت كل الايام الكريها والحلو يالي مرت
وبديت معها.. صفحه جديده بحياتنا........................

انتشر خبر حملي.. والكل انبسط.. وفرح لنا.. وسعود هبل فيني..
وقيد حركاتي.. لاتسرعين.. لاتشلين شئ ثقيل..لاتلبسين ضيق تضايقنه
بس رديتها له بالوحام..
رغد"سعود جالي لعندي.. وهو تو متروش":لا لا لاتقرب
سعود"رفعت حاجبي":ليه
رغد"حطيت يدي ع خشمي":سعود تكفى لاتقرب
سعود"بغيض":توني متروش والله ماامداها تطلع فيني ريحه
رغد: والله اشمها يوم تقرب وش اسوي طيب
سعود"بعصبيه":رغد بلا دلع
رغد: والله ماادلع ..هذا الصدق.. ريحتك مو قادره اتحملها
سعود:ماصارت لي شهرين.. وانا انام ع الكنب..عشان حضرة يالي
بببطنك.. والسواة
رغد"من جد مسختها معه.. بس غصب عني":ياحبيبي كلها كم
اسبوع واخلص من الوحام وكل شئ يرجع طبيعي
سعود"بعصبيه":انخمدي طيب
رغد"مسكت ضحكتي ع شكله":اسفه حبيبي
سعود"ينام ع الكنبه": وين اصرفها فيه
رغد:ههههههههههههههههههه
سعود: تضحك بعد.. لكن اوريتس فيه يوم يشرف..يالي ببطنك
رغد: حرام عليك من الحين تتوعد فيه
سعود:يستاهل.. مو كفايه حارمني قربك.. وتبيني اسكت له
رغد: ياحبي لك حبيبي.. مافي شئ يجي.. بسهوله لازم نتعب عشانه
انا اتعب من الحمل وانت تتعب من بعدي
سعود: ياعيني ع الثقه.. ع بعدك هاهـ
رغد:هههههههههههه اكيد واثقه"واسبل له بعيوني":
سعود"وبالحيل ماسك نفسه":رغد تعوذي من ابليس ونامي..لااتهور
ولا فيها فيها يصير بالي ببطنك الي يصير
رغد:هههههههههههه طيب طيب .. تصبح ع خير حبيبي
سعود"بابتسامه": وانتي من اهل الخير ياحبي
((مقتطفات من بعد النهايه))
رغد"بدلع": يارربي سعود.. وش فيها يوم البس كذا عادي انا عند
حريم
سعود" بجديه": قلت لتس ماتطلعين زينك لغيري حتى لو حريم
رغد: سعود من جدك انت
سعود: تشوفيني اضحك ولا امزح مثلا
رغد: طيب وش فيها.. عادي
سعود" يوم شفتها بوزت وباين انها زعلت.. قربت وحضنتها":حبي
رغد" قهرني":بعد وخر ماابيك
سعود" بضحكه": يالبى الزعلانين يانااس.. زعلتي
رغد" لفيت بوجهي عنه":...........
سعود" لفيتها... وهي مب راضيه تناظرني..وبخبث ابتسمت..قربت
من رقبتها.. وصرت ابوسها.. واطلع صوت.. اعرف انها تتنرفز من
الحركه هذي...
رغد" طيرت عيوني.. وش ناوي عليه انا تاخرت ع العزومه.. وهو تو
السهر باديه عنده.. ولا بحركته يالي تنرفزني":سعووود
سعود" ذايب.. ورايح فيها":هممم
رغد" وانا ابعده": سعود مهب وقتك .. متاخره
سعود"طنشت كلامه.. وصرت ابوسها لحد ماوصلت لفمها..وسكتها قبل
لاتنطق بحرف....":الحين مب تقولين مالتس خلق لهم.. وانا الكل حاط عينه
عليتس.. وع بطنك.. ومستغرب انه ماطل علك بطن.. وانتي بشهرتس
السادس...
رغد" بخجل من حركته.. والي للحين ماهي قادرة تتخلى عنه":ايه
سعود"لزقتها فيني..وصرت ابوس بخدها ووجهها كله وتكلم": والله
انا وحد ماني مستنغني عن حرمتي حبيبتي.. وروحي...وعيون الناس
ماتحرم... واخاف عليتس.. وانتي بكل هبال ناويه تطلعين زينك زود
لهم.. ناويتن ع نفسك
رغد" دايم يقنعني.. محد قدر على الا هو ..الدب": طيب والمطلوب
سعود" سحبتها وهي تقاوم.. ثم شلتها بين ايديني ورحت للسرير..
وسدحتها وانسدحت جنبها...": المطلوب .. تجلسين معي. وتتركين العالم
كله لانه زوجتس مشتآآق.. والشوق ذابحه.. ومو قادر ع فرقاك
رغد" حمر وجهي من كلامه": ابيع الدنيا كلها لقربك
سعود" ويخشن صوته": اجل طفي الضو بنت عمي
رغد" ضحكت ع تقليده لباب الحاره":ههههههههههههههه
سعود: تضحك بعد انا اوريتس
رغد" ياحبي لك يادب الله لايحرمني منك":احبك
سعود"انفاسي باانفاسها..": اموت فيك
.................................................. ........
سعود" متضجر": الله يهداتس وش فيتس ابي انام
رغد" وانا احس كبدي قالبه وماني متحمله": سعود قووم ماني قادره
اتحمل ريحتك
سعود" طيرت عيوني شككتني بنفسي.. شميت حالي ع اني تو
متروش قبل لاانام": يابنت وش فيها ريحتي..
رغد" وانا حاطه يدي ع خشمي": لاتزعل مني بس تقرف
سعود" رفع حاجبي": تسنعي يارغيد
رغد: والله سعود.. ريحتك مب حلوة...
سعود" بعصبيه شوي": مهي توي متروش بوجهك وجيت نمت ماامدني
اخيس
رغد"ياحياتي..هههه ": حبيبي عارفه مهب منك بس ولدك يالي رجيتني
عليه وتبيه وتبيني احمل مهب طايقك
سعود" رفعت حاجبي": بكيفه هو مايبيني
رغد" ابتسمت ع شكل":هههههههه والله هذ كيفه مايبيك جنبي
سعود"عناد بس... قربت منها واخذتها لحضني...":والحين
رغد" ماني قادرة اتحمل الريحه": سعوود ولي يخليك بعد
سعود" بعناد": واذا مابعدت
رغد" وانا وصلت عندي خلاص.. وماقدرت امسك نفسي...كل يالي
ببطني.. ع صدره...":................
سعود" انصدمت.. توقعتها تجنني وتقهرني بس":وش سويتي
رغد" خجلت من نفسي... وشوي واصيح": قلت لك بعد
سعود" قمت من السيرير بعصبيه": طيب قومي فزي مهب تسوينها
رغد" خلاص خنقتني العبرة وبكيت.. وبصوت باكي": قلت لك بعد
انت مابعدت مهب ذنبي"وقمت بسرعه ودخلت دورة المياة" اكرمكم
الله":غسلت وجلست احاول اهدي نفسي وماابكي... نفسيتي صايرة
بالحظيظ.. وهو مب فاهم على...شوي الا سمعت صوت الباب
سعود" ندمت اني صرخت عليها.. هي نبهتني وانا عاندت": رغد
رغد" ماراح ارد.. روح ول عشان تهاوشني اكثر":.......
سعود" عرفت انها زعلانه.. وماابيها تجلس بالمكان هذا مهب زين
وخاصة اذا زعلانه": حبيبتي روحي انتي ردي
رغد" احاول اقوي حالي":.........
سعود" بكل حنيه": قلب سعود وروحه ردي على
رغد" ماقدرت اسفهه اكثر من كذا": روح سعود ماابي افتح
سعود"تسندت ع الباب": واذا قلت لتس عشاني
رغد"مارديت مااقدر ارده بشئ":..........

سعود: حبيبي
رغد" فتحت الباب وانا مكشره": ...
سعود" شكلها كان خيال حتى وهي مكشره ومبرطمه تهب لبي..
حضنتها لصدري وبست راسها": وشلون طاوعتس قلبك تبعدين عني
وتزعلين
رغد" قرفت منه بسبب يالي ع ملابسه": سعود وع روح تروش وغير
سعود" بعتب وابتسامه": وع هاهـ ماكانتس اني البلا فيه
رغد" بوزت": انا بلا
سعود" مسكت ذقنها وحركته": واحلا بلا .. دقايق ابتروش واجيك
رغد: طيب
سعود" بوعيد": ياويلتس تنامين
رغد" طلعت له لساني": بنام مب بتنام ووراك دوام يوم قلت لك اسهر
معي
سعود" يلعب بحواجبه": طار النوم وانتي السبب وتحملي نتايجه
رغد" حمر وجهي .. ولفيت عنه": روح تروش بس

دخل يتروش... وانا رحت اغير السرير... الحمدالله ماجاه شئ.. كله
جا ع سعود.. تذكرت شكله .. ومت ضحك ع صدمته.. يستاهل يظن
اني ادلع... ياكثر ماقالها الكلمه هذي....
رغد"برجا": حبيبي والله مشتهيه الايس كريم الحين
سعود: رغيد اتركي الدلع عنتس منتي مشتهيه ولا شئ بس تحبين
تشوفين غلاتس.. انا خبل يوم تركتك مع المهابيل عنيد ورويم
رغد" لفيت عنه وتكتفت": اف كل شئ عندك دلع والله مشتهيه
ضحكت ... لانه يوم نزلني.. راح واشتراه لي ماقدر يرفض لي طلب
ياحبي له .. والله لايحرمني منه...انتبهت له.. وهو متسند ع الباب
ولف الفوطه ع خصره وينشف شعره.. ويناظرني": بوش سرحانه
رغد" بحب ": بمن يعني في غيرك خذا قلبي وعقلي وتفكيري
سعود" مشيت لعندها.. وحضنتها .. وصارت انفاسي باانفاسها":
اعشقك
رغد" بدلع مصاحب بخجل": امووت فيك
سعود" يرفع يده": هاهـ شمي في ريحه
رغد" ابعد عنه واضحك": ياكرهي لحركاتك يادب الحين بجو رومنسيه
تسوي كذا
سعود:ههههههههههههههه وش فهمتس هذي حركات الرومنسيه ولا فلا
رغد:هههههههههه امحق رومنسيه
سعود" ويلعب بحواجبه": انا اوريتس علوم الرومنسيه الصح
رغد"جيت بحط رجلس بس سبقني وشالني": سعود نزلني مايصير
تشيليني نسيت اني حامل
سعود" واناظر وجهها": ماراح يجيك شئ.. وبعدين خليني اشبع منتس
مع اني ماضنيت بشبع قبل لايجي هادم اللذات
رغد" ضربته ع كتفه بخفيف": لاتقول عنه كذا
سعود: الا هادمها ههههههههه مهب مخليني ع راحتي معتس
رغد" لعبت له ..بحواجبي": شئ باغيه يالدب..
سعود: ههههههههههه ايه وياحلوه ع قلبي اذا منك
رغد" بدلع": سعووود
سعود" ينزلني ع السرير": سعود خارج الخدمه لاتتعبين صوتس
.....................................


بعد... ولادتي .. وجبت ولد.. وسماه سعود وليد.. كنت متخوفه بالبدايه
بس الحمدالله ماكان ابد بالوضع أي حساسيه لانه واثق من حبي له
جلست عند اهلي شهرين.. وسعود.. معصب ع الاخر

رغد: حبيبي خلاص.. مابقى الا بكرا واجي وش فيك عسر كذا
سعود: انا اخبر النفاس اربعين يوم مهب ستين يوم
رغد: حبيبي عادي لزوم التكشخ.. كذا ولا تبيني اجيك ملحه
سعود: ايه تعالي تسذا.. قابلن فيك بكل حالاتك
رغد"ضحكت ع اسلوبه":ههههههههههه ايه وبعدين انتي ماتتسنعين
وانتي وانتي وتاخذ ع راسي وحده
سعود"بخبث": والله ان ماجيتي اباخذ ..
رغد" شهقت": ولييه
سعود: مو كافي تاركه رجلتس لحاله يعاني من الوحده
رغد: مقدر ع يالي يعاني ههههههههه متعوب ع الكلمه
سعود: ههههههههههه بقووة
رغد: لا اجل دام كذا خلاص .. بتجهز"وقلتها ع ثقه انه بالقصيم
وحتى لو بيجي.. بيوصل بكرا" تعال خذني
سعود" بضحكه": اكيد!!
رغد: ايه
سعود: افتحي الباب اجل
رغد" طيرت عيوني": هاهـ وشلون افتحه وانت بالقصيم
سعود" بضحكه ذوبتني": من قال لتس افتحي انا عند الباب
رغد: أي الدب تضحك على
سعود: ههههههههههههههههههههههه
رغد" قمت ع السريع ولبست لي فستان تفاحي قصير...وفتحت شعري
وحمدت ربي ني متروشه... تعطرت وحطيت كحل وغلوس ونزلت بسرعه
الا ع اتصاله
رغد: هلا
سعود: ساعه ع ماتفتحين
رغد: ههههههه طيب طيب

دخلت الملحق.. وع طول ماعطاني مجال حضني.. وصار يبوسني..
وانا ذبت .. ونسيت كل شئ.. اشتقت له ولحضنه...
رغد" واحاول ابعده": سعود خلاص .. اترك التهور... بتترك اثار ع رقبتي
لاتنسى نفسك حنا ببيت اهلي
سعود" بعالم ثاني": واذا
رغد: ياسلام نسينا قبل.. كل شئ عيب.. ومدري ايش
سعود" بضحكه": هذا قبل ماكنت مقدر يالي بين يديني.. بس الحين
والله مافيني صبر لحد مانرجع البيت
رغد" حمر وجهي.. وبدلع": سعووود
سعود" ويحضني اكثر": وين عيالتس
رغد: عند امي
سعود: وسعووود" يقلد صوتي": وتبيني اصبر.. يجيب الله مطر
رغد" غمضت عيوني .. خجلانه":دب
سعود" ع طول العشرة يالي بينا الا خجلها .. مالقيت له حل ..عشان
اقدر اقاومه": دب .. دب "وبستها......................

مشاعل.. رجعت هي وزوجها وبنتها... وسكنت ببيت لحالها
وعايشه بسعادة مع مشعل وطبعا ماتخلى الحياة من المشاكل
لانها ملح الحياة
الريم ونواف.. جاهم تؤام .. وطايرين من الفرح ونواف دووم
يقهر يزيد بانه سبقه وجاب تؤام .. ويزيد ينقهر ويروح يتهاوش
مع العنود بس مايقدر يكمل يوم تسبل له بعيونها ينسى نفسه

العنود.. ويزيد عايشين براحه.. مع ولدهم .. وهي الحين حامل
وبكذآ آنتهت آلروآيه ..
لــ آلكآتبه آلجوري ..



التوقيع:
signat
UoZa غير متواجد حالياً   رد مع اقتباس
إضافة رد

جديد مواضيع القسم الادبي ، شعر ، قصص ، روايات


مواضيع سابقة :

رواية انت غرامي وجنوني
كتابات بقلم سجايا الورد
الرقص فوق حافة السيوف

مواضيع تالية :

رواية انت غرامي وجنوني الارشيف
رواية انت غرامي وجنوني غرام
رواية انت غرامي وجنوني منتدى غرام

رواية انت غرامي وجنوني بدون ردود

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع المنتدى
رواية انت غرامي وجنوني القسم الادبي ، شعر ، قصص ، روايات
رواية انت لي بدون ردود القسم الادبي ، شعر ، قصص ، روايات
رواية انت لي كامله بدون ردود القسم الادبي ، شعر ، قصص ، روايات
رواية لجل الوعد بدون ردود القسم الادبي ، شعر ، قصص ، روايات
رواية لجل الوعد كامله بدون ردود القسم الادبي ، شعر ، قصص ، روايات


روابط الموقع الداخلية


الساعة الآن 11:40 AM.
Powered by vBulletin® Version 3.8.7
Copyright ©2000 - 2016, Jelsoft Enterprises Ltd.
Privacy Policy
SEO by vBSEO 3.6.0 ©2011, Crawlability, Inc.

الاتصال بنا - بورصات - الأرشيف - تنشيط العضوية - اعلن معنا - الأعلى    تحذير المخاطرة