موقع بورصات
 
بورصات
تسجيل عضوية جديدة في المنتديات لوحة تحكم العضو البحث في المنتديات تسجيل الخروج الرئيسية الاتصال بنا

منتدى العملات العام Forex لمتابعة كل ما يتعلق بتجارة العملات الاجنبية – الفوركس والذهب والنفط من اخبار وطرق المتاجرة وتحليلات ، قسم التوصيات – توصيات العملات لمتابعة توصيات فوركس ونقاط الدخول والخروج على مختلف العملات ، منتدى الدروس التعليمية – فوركس يحتوي على دروس تعليمية لسوق العملات والتحليل الفني والاساسي وادارة رأس المال فوركس ، منتدى المؤشرات والاكسبيرتات يحتوي على اهم المؤشرات مع شرح لها بالاضافة الى بعض الدروس

العودة   بورصات > المنتديات العامة > استراحة بورصات > القسم الادبي ، شعر ، قصص ، روايات

رواية انت غرامي وجنوني بدون ردود

القسم الادبي ، شعر ، قصص ، روايات

إضافة رد
 
أدوات الموضوع
قديم 18-06-2012, 05:46 PM   #11
عضو نشيط جدا
 

افتراضي رد: رواية انت غرامي وجنوني بدون ردود

رد: رواية انت غرامي وجنوني بدون ردود
((الجزء التاسع))

رغد"لفيت عليها بخوف": خير وش تبين
مزنه"والشرار يتطاير من عيونها": وانتي والنهايه معتس متى تحشمين
نفسك وتعرفين قدرتس
رغد"ماكنت فاهمه عليها ..وليه معصبه مدري":وش جالسه تقولين و
تخربطين انتي
مزنه: لاتدعين البراءه الليله لليلتي وقلت لتس لاتسوين حركات مالها
داعي وتخربين على مو كفايه مشاركتني فيه
رغد"وانا للحين ماني فاهمه": طيب خذيه واشبعي فيه من ماسكك
مزنه: لا صدقتس ماكانك تميلحتي قدامه لحد ماطيرتي عقله اسمعيني
لاتفرحين ولاتظنين انك انتصرتي على كلها كم يوم وياخذ يالي يبيه
ويشبع منك ويرميك
رغد"عصبت حسستني بكلامها.. اني وحده رخيصه وماني زوجته":انتي
اسمعيني... واتركي عنك الهبل انا سعود هذا مااطيقه ولا افكر فيه..ابد
واخر اهتمامي ..اني احاول اخليه ينام عندي ولا يجلس عندي..والحين
يلا طلعي برا تراني ماني رايقه لك ولهبالك....
مزنه"مكشرة وتتحلطم": طالعه من غير قول وانا اوريتس
رغد: اعلا مابخيلك براااا
طلعت .. وانا كنت متنرفزة بالحييل.. منها ومن عقليتها المتخلفه ..مدري
وش تحس فيه هالادميه...سمعت الباب ينفتح ثاني ":وانتي وبعدين معك
سعود: وش يالي بعدين
رغد"تجمدت بمكاني.. وبلعت ريقي":وش تبي
سعود"عاقد حواجبه ..وبنظرات استنكار": وش وش ابي
رغد: اقصد وش فيك هنا مب الليله ليله مزنه
سعود"يفك ثوبه ويشيل شماغه": لا مهيب ليلتها ...وبعدين انا يالي
احدد مهب انتم...
رغد"ماكنت بناقشه الحين ... ابي اغير الفستان ..نظراته مب مريحتني
فتحت الدولاب وطلعت الروب وملابس ع السريع ..وجيت بدخل دورة
المياه الا مسكني من كتفي...
سعود"ماكنت احمل لها أي احساس ...بس احساس الكره اختفى ..فجاءة
كيف ومتى ماني عارف...بس قدرت تجذبني لها ..وانا كاي رجال يشوف
قدامه حرمه وتملك كل مقومات الانوثه والجمال ..وتكون حلاله مستحيل
يقدر يقاومها...كانت بتمشي بس مسكتها من كتفها":ع وين
رغد"ارتبكت": بروح اتروش
سعود"ناظرتها من فوقها لتحتها": تعالي بدري ع التروش
رغد"بلعت ريقي.. لا لايكون ناوي يكمل يالي بداه ...مستحيل ارضى":بعد
انا تعبانه وابي انام
سعود: بنام ..بس شوي
رغد"لازم ابين له انه مهب كيفه كل مابقى ينبسط جا لعندي..مو معنى
اني رضيت مره وغصب عني انه ياخذها حلا": لاتظن بسك تلك
هالمره.. تسمع انا مااطيقك ولا اطيق نظراتك هذي ولا اطيق لمساتك
لي
سعود"عرق بجبيني نبض من العصبيه": نعم خير وش تفضلتي به
رغد: يالي سمعته..لاتصدق انا حنا متزوجين ..وتاخذها حلا..انا مستحيل
ارضى..رجال ثاني يلمسني غير وليد..والمره يالي فاتت لاتظن انها
بتتكرر...
سعود"رفعت حاجبي": بتتكرر غصبن عنك رضيتي ولا لا انتي زوجتي
ولا شرع ولا قانون يقدر يمنعني من حقوقي سامعه
رغد: حقوقك لما يكون الزواج بالرضى مهب بالاجبار
سعود"تقدمت منها وهي تبعد..واتقدم وتبعد.. لحد مالصقت بالجدار.. وانا
حشرتها ..حسيت بخوفها وهي تحاول تخفيه":اسمعي
رغد" خفت من قربه ..كنت لاصقه بالجدار.. وهو حاط يدينه عليه و
محاوطني..حاولت ابعد ماقدرت.. وزاد ربكتي قربه الشديد لي حتى انفاسه
احس بحرارتها ع وجهي": ماابغى اسمع وبعد
سعود"عطرها خش جوا راسي...وقربت لرقبتها..شميته...وانفاسي تحرقها
حاولت تنزل بجسمها وتبعد..بس مسكت خصرها وثبتها...":مافي مفر
رغد"دقات قلبي صارت سريعه ..وصرت ارجف..ماابي يالي صار
يتكرر لا..":سعود والي يرحم والديك بعد...
سعود"تجاهلت كلامها ..شديتها لعندي وحاوطت خصرها بيدي..طريقه
رمشها السريع ويالي يبين مدى خوفها وارتبكها شدني اكثر واكثر..
احاول امسك حالي ومااستسلم بس ماني قادر...بستها..وهي صارت
تقاوم وتحاول تبعد..مسكت يدينها ورجعتها ع ورى وصارت لاصقه
بصدري..تنفسها السريع ..وانفاسها صارت بوجهي...":
رغد"وبكل قوة":بكون لك جسد بلا روح ولا قلب
سعود"استفزتني..بكلمتها..كنت بتراجع..بس نظرات التحدي بعيونها
قهرتني...ناظرتها بتحدى اكثر":كلماتك هذي مابتغير شئ لانك بالنسبه
لي جسدوبس.........
رغد"ذبحني بالكلمه هذي...للدرجه هذي انا رخيصه عنده...جسد ..يلبي
رغباته بس...كنت بصيح ..بس منعت الدمعه من تنزل وبشموخ":اذا
هذا مطلبك ابشر بس..القلب والروح مهيب ملكك ولاعمرها بتكون لك
سعود"نظرة الشموخ هذي ..استفزتني..اذا انتي مهرة عنيده محدن
بيروضها غيري..":زين انك فهمتي
رغد"انكسرت بداخلي ..بس مابينت له...يوم ارخى مسكتها ..بعدت
عنه..وقلت :اذا هذا مطلبك"واشرت ع نفسي"تفضل خذ يالي تبي
سعود"ناظرتها من فوق لتحت.. شموخها ..عنادها قوتها..جذبتني
كنت بتركها..لانه مهب طبعي اخذ الشئ بالغصب...بس معها ماعاد
اقدر افكر..اصير انسان ثاني...:افهم من كلامك استسلمتي خلاص
رغد"وش بيدي...":...........
سعود"تقدمت منها ..كانت معطتني ظهرها....قربت اكثر...تعمدت احرقها
بانفاسي.... نزلت شعرها...وحاوطتها بيديني...ولفيتها على...وهي مازالت
بنظرتها يالي كلها شموخ رقم الموقف يالي هي فيه...رفعت وجهها بيدي
وبستها.. وماحصلت أي مقاومه منها ..كانت مستسلمه بالحيل...سحبتها
للسرير..وهي مثل اللعبه بيدي..كنت خلاص بتراجع...بس كلمتها زادت
من عزمي اني اكسر راسها...":...........
رغد:عمرك ماراح تملكني
سعود"رميتها ع السرير بقوة..كلمتها استفزتني...":ملكتك من يوم ماوقعتي
ع عقد الزواج
رغد"لفيت وجهي عنه...وماحسيت الا بثقل ع صدري...نظرات التحدي
يالي بوجهه....اعلنت هزيمتي ...لفيت وجهي ماعاد ابي اشوفه..بس لفه
عليه وثبته...............

لما حسيت بتنفسه انتظم عرفت انه خلاص نام..شلت نفسي وللمره الثانيه
ماقدرت اوفي بوعدي لك ياوليد...دخلت دورة المياه"اكرمكم الله"ودخلت
تحت المويه البادره وجلست ابكي ع حظي...كنت اسعد وحده ع وجه
الارض مع وليد واليوم اتعس وحده يوم صرت مع سعود.......جلست
ابكي وابكي.....ومانبهني الا اذان الفجر......

وليد"يحضني": وين
رغد"بخجل ..وتغطيت بالبطانيه ": وليد بقوم بعد
وليد"يحضني اكثر": لا ابيك بحضني طول العمر
رغد"كنت مبسوطه بدفا حضنه وماودي اقوم...":وانا حبيبي ماابي
ابعد عنه ..ابي احس بنبض قلبك ودفا حضنك ماابي افقده ابدا
وليد: عمرك ماراح تفقديني
رغد"غمضت عيوني بحضنه..وانا اسعد بنت بالدنيا":الله لايحرمني
منك

مانزلت اليوم ع الغدا ماكان لي مزاج اكلم حد ولا اشوف حد.. جلست اقلب
بالقنوات.. وانا افكر بحالي.. وش بيصير معي اكثر من كذا.. من بعد ماكنت
الدلوعه .. الغاليه .. صرت..المنهانه.. اخ ياراسي ..بينفجر من التفكير
حسيت بتعب... فجاءة.. وعرفت انه وقتها .. قمت واخذت لي بنادول
وانا ع لحم بطني من عشاء امس.. شربت معها عصير وتغطيت بالبطانيه
وانا اتقلب ع السرير ادور نومه مريحه.. وبطني مجنني.. كان الالم فظيع
بس بعد ماياخذ البنادول مفعوله بيخف....
صحيت المغرب ع صوت دق الباب.. قمت وبكسل وبطني للحين
يالمني...":مين
مشاعل: انا افتحي
رغد"فتحت الباب وبكسل رجعت انسدحت ع السرير":ادخلي
مشاعل" باستغراب": وش فيك رغد تعبانه
رغد: ايه شوي بس
مشاعل"بخوف": طيب قومي نوديك الطبيب
رغد" تغطيت بالبطانيه": لا مايحتاج بس اول يوم ويروح الالم
مشاعل"استوعبت": اها طيب اخذتي بروفيل
رغد: لا اخذت بنادول
مشاعل: دقيقه اجيب لك بروفيل احسن من البنادول
راحت ع غرفتها وثواني رجعت لعندي مدت لي حبه مع كوب المويا
مشاعل: اكلتي شئ
رغد"كذبت عليها لاني ماودي اكل": ايه
مشاعل: اجل سمي بالله وخذيها
رغد" اخذت الحبه وبلعتها مع المويه ..ورجعت انسدحت":تسلمين
مشاعل: اووك ارتحي الحين وبرجع عليك شوي لاتقفلين الباب
رغد" ماكان فيني حيل اقوم اصلا": اووك

بعد صلاة العشاء رجعت .. وجلست مع الوالده وقالت لي انها تعبانه
ومانزلت اليوم ... قلت لمزنه تجهز العشاء ع مااطل عليها... دخلت
الغرفه وكانت بارده بالحيل .. ومظلمه... مشيت لحد ماوصلت عندها
": رغد
رغد:............................
سعود" عليت صوتي ": رغد
رغد:...................................
سعود"شغلت الابجوارة وقربت لعندها اشوف تنفسها.. كانت تتنفس بس
باين ع وجهها التعب..": رغد
رغد" كنت دايخه حيل": همم
سعود: قومي اوديك الطبيب اذا تعبانه
رغد: لا حبيبي مايحتاج بس انوم اليوم وبكرا اكون بخير
سعود" الكلمه رنت باذوني...وسرحت كان نطقها للكلمه غريب..وفيه
حب وحنيه..."ابتسمت بسخريه"اكيد تظن اني وليد":متاكده
رغد"تغطيت اكثر بالبطانيه": ايه
سعود"حطيت يدي ع جبينها وكان حار.. معها حراره...قمت وقصرت ع
التكييف.. واخذت بطانيه ثانيه وغطيتها عشان تعرق وتخف الحراره..
طلعت لعند مشاعل.. وقلت لها تروح تحط لها كمادات بارده.. واذا ماخفت
تعطيني خبر......
مزنه"كانت جالسه ع اعصابها ومفورة من تصرفات سعود وتجاهله لها
":سعود مايصير كذا
سعود"يتعشى ولا كانه يسمعها":.............ز
مزنه: لازم تعدل وبعدين وين يالي يكرهها ومايطيق طاريها ..اشوفك
ماتقدر تفك عنها
سعود"عطيتها نظره خليتها تجمد":..................
مزنه" بخوف": ماابي اضايقك يابو مشعل بس من رجعتني وانت سافهني
وحتى النومه ع السرير ماشاركتني ..
سعود: يعني ع بالك يوم رجعتك نسيت يالي سويته ...بعلمك مارجعتك
الا عشان يالي ببطنك مو لسواد عيونك
مزنه: يعني مااهمك
سعود"سفهتها":..................
مزنه: معقوله الحضريه قدرت تاخذك مني ..وش فيها زود على ..وبعدين
كيف هذي .. تعجبك...
سعود: ابي اعرف وش دخلها الحين
مزنه: لها دخل من دخلت حياتك وانت مطنشني ومنت مهتم فيني ..سعود
انا غلطت وتاسفت وطلاقك لي كان عقوبه كافيه...والي يسلمك خلاص
مااقدر ع جفاك ...
سعود:............................
مزنه"بحزن": ابو مشعل..ابي اسالك سؤال
سعود"من غير مايناظرها": انتح بيتها
سعود"مدري ليه هالسؤال ..هزني.. لا مو معقوله حبيتها..انا تزوجتها
لانه ..لانه..":.....................
مزنه: ماجاوبتني
سعود" لا ماحبيتها انجذبت لها ولشخصيتها المخلفه لكل تفكيري...":

مزنه" متعوده ع سكوته وجفاه": تامر ع شئ
سعود"يقوم يغسل يدينه":سوي قهوة
مزنه"تشيل الصينيه": ان شاءالله
سعود" مافارقت فكري... مشت لجناحها ابي اتطمن عليها ..دخلت
ومازالت نايمه ... ومشاعل عندها ..": ها انزلت الحراره
مشاعل: ايه خفت ..
سعود: مايحتاج طبيب
مشاعل: لا ان شاءالله بكرا تصح
سعود: طيب اذا صار شئ انا بغرفتي
مشاعل: ان شاءالله ... وتصبح ع خير
سعود" ناظرتها قبل لااطلع ..مدري هو خوف عليها ولا احساس بالذنب":و
انتي من اهله

رغد"صحيت .. وانا احس اني احسن من امس.. لفيت بنظري ع مشاعل
وهي نايمه ع الكنب.. ياحياتي هالبنت .. شكلها سهرانه علي.. قمت..
وانتبهت للبطانيتين .. اخذت وحده وغطيتها فيها ودخلت دورة المياه
تروشت وجففت شعري ..حسيت بشويه نشاط.. بس كنت دايخه
لاني مااكلت امس شئ... لبست لي جلابيه ...زيتيه مخصرة ع الجسم
وفيها قصه من فوق ومزينه بجنيهات.. رفعت شعري ذيل حصان
من بعد ماجففته...حطيت الكريمات يالي استخدمها بعد مااتروش
وكحلت عيوني وحطيت مرطب.. مهما كان احب اهتم بحالي..ولنفسي
نزلت تحت وكانت خالتي وعمي جالسين وجنى تلعب حواليهم..سلمت
عليهم وجلست معهم وسولفت معهم .. وكيف فقدوني امس ..وكيف انه
لي مكان بالبيت.. من جد حبيتهم وحبيت صدقهم ..اعتبروني بنت لهم
وخوفهم .. ذكرني باهلي اشتقت لهم....قمت وسويت فطور..وسويت
لخالتي وعمي معي .. حطيت صينيتهم ... وتشكرو فيني .. وانا خجلت
..اخذت صينتي انا ومشاعل وصعدت........
رغد: شعوله قومي
مشاعل"تفرك عيونها": وش اخبارك الحين ان شاءالله احسن
رغد" حطيت الصينيه ورحت اطلع العصير من الثلاجه": ايه الحمدالله
تسلمين ياقلبي تعبتك معي
مشاعل"بزعل": لا تعب ولا شئ ..يالله وش هالفطور وش هالزين
كل هذا لي
رغد: هههههههههه ايه لعيونك يلا قومي .. غسلي خشتك وتفرجي
ع عيونك كيف بتنفجر من النوم
مشاعل: انا يالي بتنفجر ولا انتي شوفي وشلون متنفخه يهب عليتس ع
النومه هذي
رغد: هههههههههههههههههههه مو مني يادبه وربي من التعب
مشاعل: ههههههههههههههه عارفه ياقلبي "قامت ودخلت دورة المياه
وغسلت وجهها "
مشاعل" تحط يدها ع بطنها": اخ يازين الشبع بس
رغد"ابتسمت ع شكلها": عوافي
مشاعل: يعافي قلبتس
رغد: تعبتك معي من جد
مشاعل: شفتي هالصينيه ترا فوق راستس وش تعبتني وش هالخرابيط
رغد" بخجل": طيب
مشاعل"بخبث": وبعدين مو بس انا يالي تعبتيه امس
رغد"باستغراب": مين بعد
مشاعل: سعود يالبى قلبه كان طايرن عليتس وكل شوي جاي يتطمن
اذا حرارتك خفت ولا لا
رغد"كشرت من طاريه":اها
مشاعل" كنت عارفه انها للحين ماتقبلته ":تعرفين هو يالي غطاك
بالبطانيه الثانيه وهو يالي قال احط لك كمادات
رغد" ابتسمت بسخريه بداخلي.. يمكن حاس بالذنب ع يالي سواه
مو حب فيني خاف اموت ويكون هو السبب..": يعني مو من نفسك
حسيتي.. مالت بس وانا ضنيت انه مضحيه وسهرانه من غير قول
مشاعل: شب بس فوق ماحنا سهرانين لسواد عيونتس وتتشره
رغد:هههههههههههههه كيفي بتشره وبتدلع
مشاعل: يحق لتس
رغد"لعبت بحواجبي بغرور":هههههههههههههههههه
مشاعل: بس تبين الصدق ماضنيت بيوم بشوف سعود كذا متوتر
وخايف ع حد ... حتى مزنه يوم تولد كان بارد بااعصابه ومطنش
بس انتي بان ع وجهه..
رغد: طيب صكيها سالفه"بلاك ماتدرين وش مسوي "
مشاعل: ياربي منك ماتخليني انبش واعرف وش اسرارك ..يابنت
وراي زواج ابي رجلي ..يخاف علي
رغد"كفختها بالمخده": اقول قومي ننزل تحت . ومااقول الا الله يعين رجلك
عليك
مشاعل" بغرور": الا قولي يابخته
رغد: وانتي صادقه مدعي عليه ياحرام بس
مشاعل"بعصبيه": رغيييييد
رغد: هههههههههههههههههه امزح امزح وجع
مشاعل: ياحبك لتكسير مجاديفي وتحطيمي
رغد:هههههههههههههههههههه سوري من جد بس امزح
مشاعل: طيب بمشيها لك يلا ننزل
رغد: يلا
دخل سعود علينا .. وماكان فيه الا انا ومشاعل بالصاله اليوم راجع
متاخر حتى خالتي وعمي راحوا ينامون..وكان اليوم دوري بالطبخ
بس قال لمزنه تسوي العشاء.. بما اني تعبانه.. مسوي حنون ع غفله
سعود" دخلت وشفتها جالسه ..شكلها باين شويه تعب عليها بس
شكلها احسن الحين": السلام عليكم
انا ومشاعل: وعليكم السلام
مزنه " نازله من الدرج بعد ماعطوها جواسيسها يالي هم عيالها خبر
بانه سعود وصل": هلا باوبو مشعل ازهب العشاء واصعده
سعود" كنت مصدع ومالي نفس اكل": لا لاتحطينه مالي نفس
مزنه"بقهر لانه طبخت": طيب ويالي طبخته
سعود: كليه انتي والعيال
مزنه" تجلس جنبه": طيب تبي قهوة
سعود" يحط ايده ع راسه": اذا ماعليك امر
مزنه" تقوم": ان شاءالله
مشاعل: سلامتك سعود علامك
سعود: لا شويه صداع بس"ولف على":وشلونك الحين
رغد"ارتبكت من سؤاله": الحمدالله بخير
سعود: الحمدالله
وصلت مزنه بصينيه القهوة وصبت لسعود وصبت لها وجلست جنبه
انتبهت لوجهه وكل شوي مكشر .. هو بالعاده مكشر بس الحين باين
انه من الم راسه.. انا كنت اسوي لوليد مساج يوم راسه يوجعه..
ويخف عليه .. بس يحلم اسويه له ..ومزنه شغاله سوالف.. وبان عليه
انه تضجر...": خلاص تشوفيني مصدع
مزنه" بقهر لانه فشلها":اجيب لك بنادول
سعود: اخذت قبل لااجي
مشاعل: طيب قوم ريح ياخوي
سعود" يقوم وينسدح ع الكنبه الثانيه": مافيني حيل اصعد
رغد" رحمته.. ليه مدري؟؟ كان المفروض افرح بالمه.. بس يوم قالت
لي مشاعل انه اهتم فيني امس.. ماحبيت اطلع قليله اصل..وعشان اكسر
عينه .. واثبت له عكس تفكيره.. قمت وعيون مزنه تتابعني..خذت مخده
ورحت عنده ترددت وخفت يردني":ممكن ترفع راسك
سعود"فتحت عيوني واحسها بتحرقني من وجع راسي.. استغربت وهي
واقفه فوق راسي.. وتطلب ارفع راسي.. رفعته من غير نقاش":....
رغد"جلست وحطيت المخده وحطيت راسه عليها .. وصرت امسج راسه
بعد فتره حسيت بملامحه لانت .. يعني ارتاح..تفاجات يوم سحب المخده
وانسدح ع فخذي..ارتبكت...بس مابينت قدام مشاعل ومزنه يالي تناظرني
وودها تذبحني...وقفت وبعدت يديني.. وجيت بقوم
سعود"مسكت ايدها": لا كملي والي يرضى عليتس
رغد" باين ع صوته انه للحين يتالم.. بس مسكته اربكتني ..مو اول
مره يلمسني .. بس هالمره غير..لمسته..مدري كيف افسرهارجعت امسج
راسه..لحد ماانتظم تنفسه..ونام... جيت بقوم..واحط المخده..بس
ماقدرت كان ماسكني من فخذي ومثبتني.. انحرجت من نظرات
مشاعل.. وهي تلعب بحواجبهاوتاشر ع مزنه يالي مفورة.....
مشاعل استاذنت وراحت تنام.. وجلست انا ومزنه لحالنا بالصاله وسعود
نايم بحضني.. شعور غريب اجتاحني..ماقدرت وشلونا فسره.. واعتبرتها
خيانه بحق وليد... وشلون رضيت اسوي كذا...
مزنه" بغيض": خلاص تقدرين تقومين الرجال نام..وبعدي يدك عنه
ولا عجبتس الوضع...
رغد"بعدت يديني مو لانها طلبت مني بس احساس بقلبي..كتمني..
انا خنته يوم استسلمت وسلمته نفسي.. جات ع نومته بحضني....":...
مزنه" كنت مقهورة منها ع الاخر.. ولا الشيخ سعود مبسوط ع سدحته
بحضنها...كنت خلاص بنفجر قهر...لازم افرق بينهم ..لازم اخليه يكرها
ويطلقها... انا كذا مااستحمل.. مافي حرمه تقبل تكون ع راسها ضره..
قمت.. بعد ماشفت انه مافيا مل يصحى":...............
رغد" الصاله فضت ..والهدوء مخيم ع الجو.. قفلت التلفزيون عشان
ماينزعج....لفيت عليه .. وجذبني وجهه.. لاول مره اشوفه مب مكشر
ملامحها حاده ودقيقه..بس من ناحيه الجمال والوسامه هو اووسم
من وليد بالحيل...عيونه النعسانه.. ورمشها الكثيف.. احيانا اشك انه
مكحله...خشمه حاد ..وشامخ...مبسمه يالي محدد بالسكسوكه السوداء
معطته هيبه ...جذبني..ومن دون تفكير..مررت يدي ع وجهها اتحسس
ملامحه.. مدري ليه سويت كذا..
سعود" ماكنت نايم ..وكنت سامع كل شئ...بس ارتحت ..بدفا.حضنها
البنت باين عليها حنيتها ودفها بس...ليه تبين عكس كذا..وتسال ليه
ياسعود..لانها ماتطيقك وانت بعد ولا نسيت ..مو معناه..اني اخذ حقوقي
منها كزوج..اني بميل لها ولا بنسى مين هي....فجاءة حسيت بلمسات
دافيه ع وجهي..كانت رقيقه..وحنونه..مرت يدها ع خشمي ..وكان
عطرها..زلزل كياني...يالي اكتشفته من مقارنتي بمزنه ولها..انها
تهتم بنفسها كثير..وخاصه بنظافتها..وعنايتها بجسمها وبشرتها..
كانت ريحته خفيفه مو ثقيله مثل باقي العطورات..مر الوقت وانا مستمتع
بالهدوء وحضنها..ولمساتها ع شعري...حسيتها بالوقت هذا ..بعدت
كل الاقنعه وبرز فيها حنية الانثى المعروف عنها..تركت العناد والقوة
وخلت طبيعتها تغلب عليها...
رغد" رجلي نامت .. الصراحه راسه ثقيل..وتعبت ..ترددت اصحيه..
بس ..خلاص مسخها..":سعود
سعود" سمعتها تنادي وسفهتها":...................
رغد"ياربي نومه ثقيل ": سعووود
سعود"كنت ابي اشوف وشلون بتصحيني ولا بتياس":............
رغد"حركت كتفه ع خفيف":سعوود قوم ارتاح فوق
سعود:............................
رغد"ياربي وشلون يقوم ":سعوووود
سعود:همم
رغد"زين انتبه": يلا قوم
سعود: وين
رغد: ع غرفتك قوم ريح
سعود" صلحت جلستي.. واحس براحه من بعد الصداع الفظيع يالي
جاني..قمت من غير مااناظرها وصعدت للغرفه قبلها..وهي راحت عند
مشاعل تجيب جنى.. دخلت الغرف هوانا منسدح ع السرير
سعود: ليه جبتيها
رغد:وين اخليها
سعود: عند مشاعل
رغد: لا ابيها تنام بحضني
سعود"بلهجه قريبه للامر": رجعيها
رغد" بلعت ريقي ..وش ناوي عليه..ياويلي وشلون افهمه اني معذورة":لا
ابيها تنام اشتقت لها
سعود" قام وقرب سرير جنى للعند سريرنا.. واخذها مني..وسدحها..ومسك
يدي من غير مقدمت وجلسني ع السرير..وراح ع الجهه الثانيه وانسدح..
تفجاءت من حركته وجمدت بمكاني..يوم سحبني ونام ع صدري...
ماقدرت اتحرك ولا اتكلم ولا اسوي شئ...جمدت..وارتبكت ..ودقات

قلبي السريعه وضحت هالشئ.....
سعود"مدري ليه سويت كذا بس كل يالي كان ببالي اني ابي انام بحضنها
الليله حسيت براحه يوم انسدحت ع فخوذها تحت..وجاني فضول..كيف
راح تكون النومه ع صدرها...ماعمري نمت بحضن مزنه..ولاعمري
سويت هالحركه..بس دفها جذبني..انتبهت لسرعه نبضات قلبها وبين
ارتباكها بس طنشت...حاوطتها بيديني واستسلمت للنوم...
رغد"مافهمت وش مقصده من الحركه هذي..وش يبي يبين انا اعرف الا
متاكده انه مستحيل حبني او مال لي..بس ليه هالتصرفات...ماقدرت
انام ..وهو بحضني بلحظه حسيت بكتمه وقرف..حسيت اني اكبر
خاينه بالعالم كله...وشلون سمحت له يتمادى كذا..بس يارغد انتي
زوجته.. وهو ماتمادى..بس انا ماابيه ..مجبورة عليه وهو عارف
وانا عارفه انه مايبيني مااخذني الا عشان بنتي...جلست طول الليل
وانا افكر بتصرفاته يالي حيرتني...............

رغد"بضيقه": ياربي مااحب البر
مشاعل: بالعكس يزينه ويازين جوه
رغد: ايه هو حلو ماانكر بس الحشرات والضبان"وكش بدني"يامامي
مشاعل:ههههههههههههه وناسه اجل ماراح تكون فيه لحظات ملل
مع خوفك ههههههههههههههههه
رغد: انقلعي وجعععع
ام راشد: يلا يابنات تجهزو ع الساعه 7 بنحرك..يمه رغد
رغد: هلا خالتي
ام راشد: جهزي لتس ملابس ولجنى وخذي لها ملابس دافيه الجو
هناك يبرد بالليل
رغد"باستنكار": ليه حنا بنام
مشاعل"فاطسه ضحك": ايه هههههههههههه "تلعب بحواجبها"وبالخيمه
بعد هههههههههههههههههههههه
رغد"قمت عنها وانا معصبه..وخايفه مااحب نومه البر وكم مره اجنن
اهلي وامشيهم بدري من خوفي....تعوذت من ابليس ورحت اصلي الفجر
بعد ماخلصت نزلت للمطبخ وسويت صينيتن حلا ..وسلطات...وكان
بالفريزر ورق عنب ملفوف وجاهز طلعته وطبخته..وجهزت القهوة
والشاي... خلصت وقصرت ع النار للورق ورحت البس واجهز
ملابسي وملابس جنى...كانت نايمه..تركتها لحد مااخلص...جهزت
شنطتها واغلب ملابسها ملابس شتويه الاطفال يبردون حيل...وانا
اخذت لي جينزات..وتيشرتات..لاني من النوع يالي يحتر بسرعه
...خلصت ولبست ...صحيت جنى..وجننتني لانها ماتحب حد يصحيها
من النوم...لبستها وسرحت شعرها..شلتها وشلت الشنط وعبايتي ونزلت
الشغاله جهزت الاغراض وحطتها بااكياس وسلال القهوة والشاي
ع الساعه 7 بالضبط تحركنا ..كنا كلنا بسيارة الجيب تبع سعود..
عمي كان جالس قدام ...وورى انا وخالتي ومزنه..والمرتبه الخلفيه
مشاعل..وجنى وولد سعووالشغاله...كان ودي اجلس مع مشاعل
..بس ركبت الشغاله قبلي..واظطريت اجلس جنب مزنه...
وصلنا وكان ورانا عيال عم سعود..جلسنا بالسيارة لحد ماركبوا الخيام
وسنعوها.. وحطوا اربع خيام..خيمتين للحريم وخيمتين للرجال...نزلنا
وكان جو البر خيال...والمنظر رهيب...نزلنا الاغراض ورتبنها..
وعزلت قهوة الرجال والحريم والحلا حطيت لنا وللرجال..بعدها
تطمنت ع جنى يوم اخذتها خالتي بحضنها وطلبت منها ماتخليها
تنام ع الارض.. وطلعت براانا ومشاعل والبنات نتمشى....
العنود: وعلومتس يارغد
رغد: الحمدالله وانتي
العنود: تدرين كان من زمان خاطري اجلس معتس واسولف من كثر
ماشعوله تسولف عنتس
الريم: تدرين رغد ..قبل لااعرفك حقدت عليك
رغد"باستغراب": ليه
الريم: لانك اخذتي شعيل منا ..بس يوم عرفتس وربي تنحبين
رغد"بخجل": تسلمين
مشاعل: بس خلونا نجلس هنا
البنات : اووك
سعاد: الا وش اخبارتس مع سعود
رغد"ماارتحت لها.. اكيد ماراح ارتاح وهي اخت مزنه..": الحمدالله بخير
سعاد: ايه بس لازم تعلمين بنتك انه مهب ابوها..وابوها وليد الله يرحمه
رغد"حقدت عليها يوم ذكرتني اني فقدت وليد":................
مشاعل: سعاد..مهوب شغلتس تعلمها ولا لا وفكينا من سوالف العقارب
سعاد"بغيض": طال لسانتس ياشعيل.. ولا خربتي من بعد "وتناظر
لي"
مشاعل: سعاد..دام النفس طيبه اسكتي احسن لتس
رغد"تضايقت شوي يعني عند الحريم مزنه وهنا هي ..بس قررت اني
مااهتم لوجودهم ولا كلامهم...سولفنا وضحكنا والصراحه حبيت العنود
والريم كانوا بالحييل فله ورهيبين....دخلنا الخيمه وجلسنا ناكل الحلا
والقهوة...والكل يسالني عن طريقته...
غزلان: اقول يابعد حيي انتي وراتس ضعفانه كذا اخبر الزواج يسمن
رغد:هههههههههه مدري انا هذا جسمي من يومي بنت
غزلان"بنت عم سعود..متزوجه ولد عمها وعندها 3 اولاد وبنتين":يابختك
انا من جبت عزام..ومير اني صايرتن فيله
رغد" ضحكت ع تشبيهها ":ههههههههههههههههههه
مزون: ياويل قلبي ياغزلان ..والله اني ابصم لتس رجلتس مبسوط
وانتي كذا ياختي رجالنا تفكيرهم قديم للحين ..الا بالله ناظرو فيني
بطه جالستن تمشي ..ويقول يبي لك تسمنين زود ..اسمن وين اروح
الكل:هههههههههههههههههههههههههههههههه
مزنه: انا رجلي سعود مايعجبه .."تناظرني":البنت تكون يابسه اساليني
عنه ولا وش يصبر الرجال ع حرمه مهيب عاجبته...شوفي كم سنه
وانا معه..
مشاعل: ايه والدليل ماصدق طلقتس وتدبس فيتس بحملك لا اقل ولا اكثر
مزنه"رافعه حاجبها":انتي وبعدين معتس اكلت عقلتس هالحضريه اشوف
ونسيتي اهلتس وناسك وصرتي تقوفين معها وتطلعين اسرارنا للي يسوى
وللي مايسوى
رغد"قهرتني بكلمتها ونظرتها":والله يالي تبي بيتها يكون مصيون ولاتبي
تطلع اسرارها ..تنكتم وتقر ببيتها وتعامل الكل باحترام وتترك "وبنغزة"
حركات النشل من هنا وهناك والكلام لك ياجارة
الكل سكت من بعد كلمتي ومزنه شالت عبايتها وطلعت ووراها اختها
وخالتي ام راشد..ماعجبها كلامنا قدام الكل ..عاتبتني وعاتبت مزنه
مهما كان مانتكلم كذا قدامهم........
مشاعل"بفرحه: وربي انتس خطيره يابنت لاتسكتين لها ابدا يوم تسكتين
لها توطى عليتس
ام راشد: شعيل ووجعتن توجعتس اتركي حرمه اخوك ولا تخربينها
مشاعل"بزعل":يمممه
تغدينا وكانالطبخ خطيرر والله الرجال يوم يشدون حيلهم مافيا حسن
منهم ...الكبار من الحريم انسدحو يقيلون ..وحنا البنات طلعنا لبرا ومعي
بنتي جنى.. وكل وحده عندها بزرها الا مشاعل.والعنود والريم
للحين ماتزوجو بس يالي فهمته من مشاعل انه زواجهم قريب....
الريم"بخوف":وربي انه قلبي بيوقف كل مافكرت انه بيتقفل على بغرفه
انا وهو بس
العنود"تضربها":وجع وش هالطاري الحين خلينا نتمتع باخر ايام العزوبيه
مشاعل:هههههههههههههههههههههه
الريم: اضحكي الحين بس يالي فهمته من عمي قريب عنترك بيرجع
وبيتم الزواج
مشاعل"اجمدت بمكانها":وجععع انقلعي
الكل:ههههههههههههههههههههههههههههههههههههههه
الريم: بسالك رغد
رغد"بضحكه": اسالي
الريم"من غير ماتحس":قولي لي تجربتس اول مره وش سويتي
رغد"انتبهت لها كيف تغيرت ملامحها ..وحست بغبائها ع سؤالها"......
مزون: والله مكبرين الموضوع ع الفاضي... ومافي حد بياكلها الا حنا
هو بينام وبيشخر وانتي تفكرين ومحتاسه
غزلان:انا اشهد وربي انا متوترة واصيح ..وهو يقول عن حركات المبزره
ويقلب ع الجنب ويسحب امها نومه
العنود: وعع وش هالرجال لا ان شاءالله رجلي مب مثلهم باين عليه
رومنسي وحساس وكيذا .. وبيراعي خوفي وهب هاجم مثل وحوشكم
مزون:هههههههههه ضحكتيني والله هذا وجهي اذا خلاتس تنامين
غزلان: وانا اشهد هههههههههههههههههههههه
الريم: وجع انتم لاتخوفنا وربي خايفه....
العنود" ومتردده": وانتي وش سويتي مع سعود
رغد" حسيتها تبي ترقع وتصرف سؤال الريم": عادي
الريم: وشلون يعني
رغد: اول يوم نمت عند شعيل
الريم والعنود"بنفس الوقت": معقوووله
الريم: وتركك بسلام تسذا
رغد"ضحكت ع تعابير وجههم ":ايه ههههههههههه
العنود"تنغز الريم: لا ريوم في امل
الريم: تهقين
مزون"بخبث قاصده تخوفهم": ياهبله انتي وهي هو رجال متزوج من قبل
يعني عادي عنده يوم يصبر وظروفهم غير ظروفكم انتم مافيه مجال بتاتا
البتا
الريم: مزين الله ياخذ عدوينتس خلاااص
الكل:ههههههههههههههههههههههههههههههههههههه

<<--يتبع



التوقيع:
signat
UoZa غير متواجد حالياً   رد مع اقتباس
قديم 18-06-2012, 05:47 PM   #12
عضو نشيط جدا
 

افتراضي رد: رواية انت غرامي وجنوني بدون ردود

الجزءالعاشر..))
غابت الشمس وكان منظرها خيال بالحيل ..كنا بعيدين عن مخيم
الرجال وبما انه ظلم الوقت تركنا غطاوينا بالخيمه..كان الهواء بارد
بس احساس حلو وانا بالجو هذا...فقدت وليد...تمنيت اكون معه بالوقت
هذا لانه الجو احلى جو لاي اثنين يجبون بعض...صرت اتمشى لحالي
قريب عند المخيم...كنت مرتاحه..ومافي بالي شئ غير اني استمتع
بالجو الرهيب

سعود" كنت اجمع الخشب للنار وانتبهت لها..اعرفها من بين مية
حرمه.. مدري ليه يوم المحها مقدر اشيل عيني عنها...تتبعتها بنظري
وهي تمشي وسرحانه..باين ع وجهها الراحه....وتو بدخل المخيم
الا وعيال عمي مقبلين علينا.. بالدبابات ومتجهين لعندها وهي مهيب
حاسه تبعد.. تقدمت لها ع السريع.. والانوار صارت تقرب اكثر واكثر
..
رغد" سمعت ازعاج يقرب لي.. بس مااهتميت.. بس شفت انوار صارت
قريبه منى.. خفت لاني بعدت عن المخيم.. صرت امشي بسرعه وخاصه
انه ماعندي غير عبايتي.. لاغطا ولا شئ... مشيت الا وواحد يتقدم
لي ..يمه خفت اكثر.. وغيرت اتجاهي.. وصرت اسرع بالمشي...
سعود" استغربت يوم شفتها تغير اتجاهها .. بالبدايه عصبت ...بعدين
يوم شفتها تدور .. وماهي عارفه وين تروح.. عرفت انها ماعرفتني
وكانت تمشي وباين الخوف عليها.. سرعت بخطواتي..لحد ماحسيت
انها بتسمع صوتي..": يابنت
رغد" استغربت من يالي يمشي وراي... بس سمعت صوته عرفت
من هو ... وقفت وانا احاول القط انفاسي... انتبهت لرجوله..قبالي
رفعت وجهي.. وانا بصعوبه اتنفس.. واحس اني ارجف من الخوف..
": هذا.. انت
سعود" كان باين انها خايفه ... وبصعوبه تتنفس...انتظرت لحد ماهدت
": وش تسوين لحالتس هنا
رغد"وانا حاطه يدي ع قلبي": مدري كنت اتمشى وشفت الدبابات قبالي
وخفت وشفتك بس ماعرفتك .. وخفت اكثر يوم شفت اني بعيده عن
المخيم
سعود: وين غطاك
رغد" خفت ": بالمخيم
سعود"عاقد حواجبه": وش يسوي بالمخيم
رغد: مدري اني ببعد كذا وخالتي قالت ماله لزوم
سعود: ماله لزوم يوم تكونين قريبه من المخيم مو بعيده.. لو انه مهب انا
يالي جاي وش كان سويتي
رغد: عادي عبايتي عندي اتغطى
سعود" بنبرة حاده": ايه وبعبايتك بتشوفين دربك بالظلمه
رغد" ماعرفت ارد الصراحه معه حق":................
سعود: طيب يلا اوصلك عند الحريم
رغد" كنت بمشي بس تجمدت بمكاني يوم سمعت صوت الكلاب":.......ز
سعود" مشيت بس ماشفتها تمشي":وش فيك يلا امشي
رغد"بغيت اصيح يوم سمعت اصواتهم وكيف قريبه منا":وش هذا
سعود" مو فاهم": وش ايش
رغد"وانا ارتجف من الخوف": هالصوت ايش
سعود"والوضع عادي عنده": صوت كلاب وش يعني ماتعرفينهم
رغد" جلست بمكاني من الخوف": لا ماابي ابي اروح البيت
سعود" استغربت كيف تغير تصرفها من هدوء تام لهستيريا":تخافين
رغد"شوي وبصيح وانا اسمع اصواتهم تقرب":ابي ارجع البيت
سعود" كان باين خوفها من عيونها وباين انها شوي وبتصيح...حسيتها
باللحظه بزر من جد.. وبان فرق السن بينا..مشيت لعندها اطمنها..وهي
مابعدت تمسكت بيدني بقووة...حسيت باحساس اول مره احسه بقربها
مني كذا وخوفها ... تمسكت فيني خايفه وعارفه اني بحميها...اصوات
الكلاب علت ..وتفاجاءت يوم حطت راسها ع كتفي وصارت تبكي
رغد"يمه الحين بيجون ويهجمون علينا .. لا ماابي اموت بنتي من
بيربيها..تمسكت فيه بخوف .. ومتناسيه أي شئ بينا":سعود تكفى
ابي ارجع لبنتي
سعود"مسكت ضحكتي ع شكلها ..كيف خشمها احمر وعيونها تدمع
حسيتها بنتها جنى...كان كل يالي ببالي اهديها واحسسها بالامان وماله
داعي خوفها... حضنتها..وهي ماقاومت رمت نفسها بحضني وتمسكت
فيني...وصارت تبكي اكثر.. ماعرفت وشلونا تصرف معها...مسحت ع
شعرها وانا احاول اهديها": ماله لزوم هالخوف .. ماراح يقربون صدقيني
رغد" وانا متمسكه فيه بكل مافيني من قوة": لا تبعد وتخليني تكفى
سعود"ضميتها لصدري..ورفعت وجهها المليان دموع وخوف...ومسحت
دموعها بطرف اصبعي..":لاتخافين دامني معتس ماراح يحصل ل كالا كل
خير باذن الله
رغد"مدري ليه ارتحت لكلامه.. وحسيت بالامان..تمسكت اكثر فيها
وتنحت بمكاني .. رجولي مهيب قادرة تشيلني":.........
سعود" حاولت امشيها بس ..بغت تطيح على.. شلتها من غير تردد وهي
تمسكت فيني مثل البزر .. حالها حال جنى.. مشيت فيها لحد ماصار
المخيم .. يبان ونزلتها...مسكت وجهها بين يديني": خلاص اهدي
رغد"كنت اشاهق .. واحاول اهدي نفسي ":خلاص راحوا
سعود"وقسم حسيتا ني اكلم بزر": ايه راحوا "طلعت من جيبي منديل
وصرت امسح وجهها يالي عدمه الكحل...
رغد"كنت ناسيه وش بيني وبينه.. كنت ناسيه كل احساس..بقلبي له
كل يالي حسيته.. الامان الدفا .. يالي فقدته.. مدري ليه..ارتحت
وماودي بعدت...":......................
سعود" حاولت اخفف عليها وبمزح.. ناظرت ثوبي": الله يرجتس الحين
وشلون ارجع للرجال عدمتي ثوبي من كحلك وروجك
رغد" ناظرت ثوبه.. ياربي وش سويت كان كل كحلي ودموعي عليه
":اسفه
سعود"ماقدرت الا اني ابتسمت لها": ولا يهمك اصبري هنا بجيب
مويه وارجع عشان تغسلين وجهك
رغد: طيب
ثواني الا رجع وبيده مويه وبيده الثانيه ثوب له.. تقدم مني وعطاني مويه
اشرب منها ... وبعدها صب لي بيدي عشان اغسل وجهي..وكنت..
متفاجاءة من تصرفه وحنيته.. مسح وجهي بثوبه المعدوم...
سعود: يلا ادخلي ولا عاد تطلعين لحالك
رغد" من غير أي نقاش": ان شاءالله
سعود" تابعتها لحد مادخلت... ناظرت ثوبي وابتسمت.. رحت للسيارة
وغيرت ثوبي ورجعت للرجال
رغد"دخلت الخيمه وماكنت ناويه اقول شئ.. بس تفاجاءت من التصفيق
والتصفير":............
الريم"تصفق": مقدر مقدر ويقولون عيالنا ماعندهم رومنسيه ..
العنود: رغد طلبتس ابي دروس خاصه.. ابي رجلي يشيلني
ويحضني..مثلتس
مشاعل: والله وطلع اخوي رومنسي .. وماطلع المواهب هذي الا
لك
رغد"وجهي صار علبه الوان من تعليقاتهم": شب انتي وياها عادي
لو انتي بمكاني"واناظر مشاعل":كان سوا لك مثلي
مشاعل: والله مايسويها كان هفني ع راسي وقال عن المبزرة ومشى
وتركني لحالي وقسسسم
غزلان: ياويل قلبي حسيتا ني اتفرج ع مسلسل مكسيكي وتسذا
مزون: ايه ايه ماناقص الا يبوسها بالهواء الطلق
رغد" قهروني وزودها بتعليقاتهم.. عطيتهم نظره واسكتوا":ناس ماتجي
الا بالعين الحمر
شوي الا الكل .. منفجر ضحك":ههههههههههههههههههههههههههه
ورجعوا بتعليقاتهم الا تبي اعطيها دروس خصوصيه والي تقول
تحسفت ماصورت... والي والي... وانا سرحت بالي صار..

الريم : بناااات خلاص بتهور
العنود"وعارفه خبالها": وش بتسوين يامهبوله وش ناويتن عليه
الريم"وتسوي حالها رومنسيه":بتهور وبروح بين احضان قيسي
مشاعل"طيرت عيونها": لا منتي صاحيه وربي..وش بتسوين
الريم: سمعوني"وبصوت واطي عشان امها ماتسمعها"بروح واتميلح
عند خيمه الرجال...طيب وبنتظرها لحد مايطلع ..ويوم اشوفه بسوي
اني طحت..ورجلي توجعني وتسذا يعني ..فلم مصري يعني ..وش رايكم
العنود"تناظر فيها وفجاءة":ههههههههههههههههههههههههههههههه
وربي منتي صاحيه
مشاعل: انتي اشكالتس المفروض يمنعونهم من التلفزيون هههههههههههه
مزون: اقول اجلسي مكانتس اصرف لتس ويوم تطسين عنده سوي
هالافلام عنده مهيب هنا ..والله لو شافتس حد من اخوانك ولا ابوك
ولا عمامك..غير يحسون رجولتس..وتصيرين سجينه بالبيت..لحد
مايجي يوم عرسك
الريم"متنفخه":اففف وش هالحاله
رغد"كنت مستغربه..وحسيت انها ماجلست معها ولاتكلمه":الحين بسالك
الريم: تفضلي
رغد: مدري بس فهمت انك ماتكلمينه ولا تشوفينه مو
الريم"بقهر":وين اشوفه ولا اكلمه ماعندنا هالكلام ..يوم نملك ..يتحدد
الزواج ..واشوفه ويشوفني يوم الملكه بس..وبعدها ..بقفص الزوجيه
رغد"تعجبت ": من جدك... طيب كيف تفهمينه ويفهمك
الريم: خليها ع ربك بس
رغد: وانتي عنوده
العنود: نفس الحاله"وبابتسامه عبيطه"
رغد"ناظرت مشاعل ..ونفس العبط وهزت راسها بمعنى وهي بعد":اها
مزنه:حنا مهب مثلكم تسرح وتمرح والله العالم وش تغبر معه ..ويوم يصير
مفيه نصيب الا كرشها سابقها
رغد"رفعت حاجبي":اقول اقصري الشر وبعدي ومهب حنا بس عندنا
الخطيب يزور خطيبته..ومو كل الناس مثل تفكيرك ..المقصد من الزيارة
والشوفه انه يكون بينهم تالف..وكسر للحواجز لا اكثر ولا اقل..وازيدك
من الشعر بيت ايام خطبتي اخوي مافارق جلستنا...
مزنه"بخبث":بسعود ولا وليد
رغد"انقبض قلبي ع طاري وليد":............
مزنه: وش فيتس مارديتي
رغد"وانا ناويه اقهرها":الاثنين
مزنه"لوت بوزها وقامت":..........................
مشاعل: رغد وين تبين تنامين
رغد"ماكنت مرتاحه لنومه بالبر ...بس مافي مجال":مدري أي مكان
ماتقرب منه الحشرات
مشاعل:هههههههههه خبله انتي وين الحشرات
رغد:مدري وجع ...
كنا نجهز الفرش عشان بنام... وكل وحده ترتب مكانها.. والحريم الكبار
نامو بدي ..وهم متعودين ع نومة البر....جلسنا ع فرشنا وسدحت جنى
يالي كانت ..مسويه الهوايل بنفسها الرمل ع راسها ..وبعيونها ..من اللعب
روشتها بالمويه وجففتها ولابستها كل الشنطه خفت عليها تبرد وتمرض
والجو كان بارد...ونامت بعدها.....
الريم: انا تقريبا خلصت تجهيزات ومابقى الا اشياء بسيطه
العنود: وانا بعد
رغد: الحين زواجكم بنفس اليوم
الثنتين: لاااا
رغد: بسم الله على بشويش وجع "وهفيتهم بالمخده"قصرو حسكم بنتي
نايمه وجع
الريم: مدري عنتس قال ايش زواجنا بنفس اليوم
رغد: طيب سؤال مالت بس
العنود: شوفي ياعزيزتي...انا زواجي قبلها بااسبوع
رغد:اها
وتوي بلف اخذ غرض من الشنطه..تجمدت بمكاني...عيوني بتطلع
من مكانها...فجاءة....صرخت صرخه ..هزت المخيم كله حتى خالتي
والحريم صحوا ...وبسرعه اشيل بنتي وابعد: وش ذاااااااا
البنات كلهم ينطون مثلي:ياووويلي وش دخل هذا هنااا
مزون"بكرشها تقوم": وجع وشوفو وشلون يناظر
رغد"كان ضب كبير بالحيل..ولا مبسط ع شنطتي ":وخرووه
مشاعل"متخبيه وراي": لا احلفي بس وخريه انتي
رغد"وانا ابعدها": بعدي عني وجع تشوفين بنتي عندي وتتخبين وراي
وكل وحده تنط وتحاول تبعد عنه وهو ولا عنده خبر ...
ام راشد"معصبه": اقصروا اصواتكم ياقليلات الادب كل هذا عشان
الضب مسوين خيفات ع غفله
مشاعل: يمه شوفي وش كبره
ام راشد: وحده منكن تشيله وتطلعه وناموا
الريم"تطق العنود ع كتفها": انتي طلعيه
العنود: احلفي "وتبعد": انتي طلعيه
رغد"شفته تحرك... واصرخ ثانيه":يممممممممه وخرووه
جنى"صحت من الصراخ وشافته ..وخافت وصارت تتمسك فيني
اكثر...وتصيح":ماما ..طلعيني
رغد"وانا اهدي فيها": لا ياقلبي انتي لاتصيحين مهب جايك شئ
خلاص اسكتي حبيبي

سعود"كنت جالس انا وعيال عمي..حول النار ونتقهوى ..الا ونسمع
الصراخ عند الحريم..ونقوم بسرعه ونتوجه لهم
يزيد: وش تظن صاير
نايف: وانا وش عرفني ماتشوفني منرزع قدامك
يزيد: وش فيك مولع كذا
سعود: اتركوا شغل المناقر حقكم واخلصوا نشوف وش فيهم
وصلنا عند المخيم :احم احم ..ياولد
ام زايد"عمه سعود: تغطوا يابنات
سعود: وش صاير وش له هالصراخ
ام راشد: ماعليك منهم ياولدي روح ارجع مكانك مهابيل
يزيد: شوفي ياعمه من ناحيه مهابيل فصدقتي بس وش صاير
الريم"تكفخ عنود":شوفي رجلتس يسب فينا الاحول
العنود"ترد الطقه":لاتقولين احول وكيفه يسب عسل ع قلبي
الريم: يسبك انتي مهب حنا مالت بس
العنود"سفهتها":............
سعود: يعني نمشي مابوه شئ يمه
ام راشد: ايه يايمه روح
مشاعل: وش يروح والمليح من يطلعه
ام راشد: مب لازم ناموا معه
العنود"باستهبال": تبين رجال غريب ينام معنا اجل خلوا يزيد بداله
الريم"بنفس هبالها": لا والله نايف اصرف
رغد"المهابيل ماسكينها ضحك وانا مع هالبنت يالي مو راضيه تسكت
ولا هالكائن يالي يناظر فينا ولا هامه وكل شوي متحرك":خلاص وجع
طلعوه بنتي ماتت صياح
غزلان"اخت يزيد": يايزيد ادخل شل هالكديش ترا جالسن يتغزل بحرمتك
يزيد"مستغرب": وشو
غزلان: ادخلوا الكل متغطي
سعود" دخلنا وانتبهت لهم كيف متجمعين بزاويه الخيمه..ومتغطين..
ببطانيه.. وكانهم مرتفعات ومنخفضات ..":وش صاير
ام راشد"تاشر ع الضب": هذا يالي صاير
يزيد"بضحكه ع اشكالنا": كل هالصراخ والتجمع ..عشان هالمزيون
نايف:ههههههههههههههههههه ناظر يزيد اكيد حرمتك هالطويله اخبرها
نخله
يزيد"يهف نايف ع كتفه":اقول مالك شغل
مزون:اقو لانت وياه بدال التمسخر شيلوه وطلعوه
يزيد: نايف روح شيله
نايف"يناظر يزيد": وليه ماتشيله انت
يزيد"يصرف": شيله انت وانا بفتح الخيمه
نايف: لا ياشيخ شي لانت وانا بفتحها
سعود"كنت ادورها بنظري.. ولمحتها ..توقعتها هي يالي بدت بالصراخ..
كانت تحاول تهدى جنى يالي تفقعت عيونها من البكي..مشيت ومن
غير كلام..وتوجهت وصرت ورى الضب..اخذت شماغي..ولفيته..ع
يدي..وبشكل سريع ..مسكته ..وهو يحاول يفلت ويعضني..:اقول انت
وياه بلا هرج فاضي وبسررعه هاتوا شئ احطه فيه
يزيد: طيب طيب
وشوي الا يزيد جاي ومعه صندوق حديد اتوقع صندوق للعدة او شئ
مثل كذا..حطوه فيه .. وعطاه اياه وقال له يطلع ..
يزيد: ليه وانت
سعود: ابلحقك
نايف: اصبر يمكن نملى نظرنا شوي
سعود"فهم قصده":اقول قدامي لايصحون الشيبان وتروحون بخبر كان
نايف"مكشر":متى بس متى
الريم"انحرجت وحمر وجهها ع انه مافي حد يشوفها بس تعليقه
وطريقته ضحكتها واحرجتها":...................
طلعوا يزيد ونايف .. وماودهم يطلعون.. كان ودهم يكحلون نظرهم
بس ماقدرو لانه الحريم اكرشوهم......
سعود"خفت ع جنى يجيها شئ لانها للحين ماتوقفت عن الصياح":وش فيها
رغد"وانا احاول اهديها": خلاص ياقلبي..."خايفه من يالي طلعته...
سعود"قربت منها واخذ تجنى ..وهي بسرعه جات عندي وادفنت نفسها
بحضني":خلاص يابابا انتي كبيرة وتصحين كذا
جنى"وصوتها مبحوح من البكي":وحش يحوف.....
سعود"ضحكت عليها":هههههههههه لا يابابا مايخوف
جنى"باصرار": الا الا
سعود"اخذتها وجيت بطلع الا تنادي امها":ماما لاتروحين عني
رغد"جيت باخذها مارضت":تعالي عمك بيطلع
جنى"ويزيد صياحها": لا لا ماابي
سعود"مسحت دموعها بيدي": خلاص طيب لاتبكين
جنى"تشاهق":لاتروح
سعود"ماقدرت ارد طلبها بس وش يجلسني عند الحريم..وهي تبي امها بعد
": رغد يلا تعالي معي
رغد: ع وين
سعود: لحد ماتهدى وارجعي
رغد"شفت نظرات وابتسامات البنات العبيطه ..وكانت معهم ابي البنت
تهدى بس..مشيت معه لبرى المخيم..وهو يهز ويهدي فيها ..بعد دقايق
هدت ..وسكت بس للحين راسها ع كتفه...":يمكن نامت
سعود" يناظر بوجهها": لا ساكته.."مسكها بيده.. وجلس ع الارض..
وحطها بحضنه...":عطيني المويه يالي بالسيارة
رغد"فتحت السيارة وطلعت المويه وديتها له": تفضل
سعود" اخذت المويه وشربت جنى منها ..وصرت اقرا عليها المعوذات
وانفخ .. حنا ببر وخفت عليها من بعد هالبكي..":خلاص
جنى"تبعد المويه عن فهمها وتهز براسها":أي
رغد"ارتحت يوم هدت وسكتت":...........
سعود: الحين اقول جنى كبيرة ..وماتصيح .. وتسوين كذا
جنى"تبعد القبعه عن وجهها":انا نايمه وشفت وحش بياكلني يحوف
سعود"ماشاءالله عليها فهيمه وفطينه ..بكلامها":لا يابابا هذا مو وحش
جنى: وشو طيب
سعود: هذا اسمه ضب
جنى:دب
سعود: لا ضب ضب
جنى: دب دب
سعود:ههههههههههههههه طيب دب دب
جنى"ضحكت معه وماتدري وش السالفه":هههههههههه
سعود"يقوم ويشيل جنى..ويمشي..":............
رغد"مستحيل انام بالخيمه":وين بتروح
سعود: بوصلكم ع الخيمه
رغد: لا ماراح انام فيها مستحيييل
سعود"رفعت حاجبي": وليه منتي نايمه ووين تبين تنامين اجل
رغد: مالي شغل بالله طلع ثاني وحنا نايمين..لا ماابي
سعود"وقفت وقابلتها":اجل وش بتسوين
رغد: رجعنا البيت
سعود: لعبه هي ارجعتس البيت...
رغد"باصرار": ماراح ارجع للخيمه ولا راح انام فيها
سعود"مشيت عنها": مهب لازم تنامين خلك صاحيه....
رغد"وقفت بمكاني وبعناد": ماراح ارجع
سعود"عصبت": امشي يابنت
رغد"وماتحركت من مكاني": لا ماابي
سعود"انتبهت لملامح جنى والصيحه بتهل..": اجل وش تبين تسوين
رجعه الحين صعبه وحنا كلها يومين وبنرجع
رغد"يومين ..والشيطان صار يوسوس بعقلي.. اليوم ضب ...وبعدين
الله يستر وش ثعبان شئ ثاني عقرب.. لا مستحيل... يمه بنتي اخاف
اغفل عنها ويصير لها شئ.. وصارت مخيلتي تمثل لي اشياء مهيب زينه
تصير لجني.. ومن غير مقدمات بكيت": لا تكفى ماابي ارجع انام
الحين يصير ببنتي شئ ... ولا فيني .. وتتيتم بنتي..
سعود"تفاجاءت.. ليه هالصياح...تو كانت عدله...وابتلشت بعمري
اسكت بنتها تجي هي تصيح": الحين وش له هالصياح
رغد"حسيت نفسي بزر صدق وش له هالصياح تفشلت..وصرت امسح
دموعي..": الله يخليك مااقدر انام ولا ارتاح ع نفسي ولا ع بنتي
سعود"مراعي لي لانه اول مره انام بالبر وماني متعوده": طيب وش الحل
رغد"صرت الف بوجهي وافكر": طيب انام بالسيارة انا وبنتي
سعود"عاقد حواجبه": لا طبعا وش ينومك فيها لحالك
رغد"باصرار": سعود لاتقول لا ع الاقل اقدر ارتاح واطمن بالسيارة
مقفله ولا في شئ يدخل علينا
سعود"بعد تفكير .. وماكان فيه حل ثاني لان يماني متعديه من مكاني
وماراح انام بالخيمه..": طيب عندتس كل اغراضك
رغد"مشيت للخيمه": ثواني واجي
دخلت الخيمه.. والبنات يسالوني يوم شافوني اشيل بطانيه............
جنى.. وشويه اغراض.. وبدت تعليقاتهم.. وكيف الرومنسيه ومدري ايش
وهم وين وانا وين.. اهـ بس مالهم الا الظاهر ماالومهم.. وطبعا اخذتها
فرصه اغيض مزنه...": يلا بنات اشوفكم بالصباح
مشاعل: بجي معتس
رغد"كنت بقول لها تجي بس حبيت اقهر مزنه": ودي يامشاعل بس
اخوك معنا بتجين
مشاعل"انحرجت": لا خلاص
مزنه"بغيض": دلع ومساخه مالها داعي ...
رغد"ناظرتها من فوق لتحت وابتسمت..وطلعت....":..................

وصلت لعند السيارة .. الا وسعود مجمع حطب وشاب النار وجنى
تلعب بحضنه.. وتحاول تقرب منها وهو يبعدها عنها...
رغد: ليه النار
سعود"ماحبيت اقولهاانها تبعد الكلاب والذيابه.. وتخاف وترجع تصيح ثاني
":لزوم الدفا
رغد"كان الجو ثليج من جد برد:اها
سعود"يمد جنى": يلا خذيها وادخلي السيارة وقفليها
رغد"اخذ تجنى": وانت
سعود"استغربت":انا
رغد"يوم شفت نظراته ندمت .. الحين يضن اني مهتمه فيه ولا ابيه ينام
معنا": اقصد وين بتروح بترجع الخيمه
سعود"يحرك بالنار": لا ابجلس هنا
رغد: بتنام برا
سعود: ايه متعود ... يلا ادخلي
رغد"فتحت باب السيارة وركبت جنى وهي مبسوطه وتطامر..ومافي بالها
نوم..سكرت الباب ..وشفته.. جالس بفروته ... وباين عليه البرد..طنشت
وصرت احاول انوم جنى.. وهي تحاول تقوم .. وانا اهاوشها.. عشان تنام
بعد ربع ساعه.. قدرت انومها ... سدحتها وكنت جالسه ورى...حاولت
انام..بس شغل تفكيري سعود.. وحنيته يالي ماتوقعتها.. توقعت منه
يصرخ على .. يهزئني ..يوم طلبت اني انام بالسيارة...بس كان حنون
صحيح العصبيه ماتفارقه ولا التكشيرة ... بس مدري ..مدري..معقوله
فكرتي عنه غلط... هي يارغد..وش فيك نسيتي..كلامه ..نسيتي وش سوا
وكيف جبرك ع شئ ماتبينه..يعني حركاته هذي بتشفع له وتناسيك مين
سعود......مرت ساعه ساعتين والنوم مجافيني.. طليت عليه وشفته
يفرك يديه.. وباين عليه بردان..مو حنيه بس ماحبيت اشوفه كذا..فتحت
باب السيارة....وطلعت..ومديت له ..حليب بالزنجبيل..كنا ناسينها بالسيارة
:.سم
سعود"يناظرني باستغراب": وش نزلك ... ووش ذا
رغد"جلست بعيد عنه شوي": حليب بالزنجبيل.. وبعدين ماجاني النوم
ومليت.. والبنات اكيد نامو..بجلس عند النار شوي
سعود"اخذ الحليب..وصار يشرب..":..............
رغد"كان الجو بارد .. وشلون مستحمل هالبرد..صحيح لابس فروته
بس برد...صرت افرك يديني.. وبلا شعور ارجف من البرد....
سعود"لحليب جا بوقته.. بعد فتره قرصها البرد..وبان عليها ..":قومي
السيارة احسن لتس
رغد"ماكنت ابي اجلس معه.. بس السيارة ملل وتكسر ظهري..":لا شوي
سعود"حبيتا ضيع الوقت":اول مره تجين البر
رغد"ماكنت برد.. بس فرصه اضيع الوقت":لا اجي البر بس ماانوم
سعود: نومه البر حلوه.. الواحد يفكر بفكر صافي.. ومن غير مقاطعه
رغد: يعجبك البر
سعود: كثيررر
رغد: ليه
سعود: شوفي السما بس وتعرفين ..سما صافيه وشاسعه..تزينها النجوم
والغيوم...والهواء العليل.. النظيف..
رغد"كان صادق..الجو حلو بالحيل..وجو روقان...":تجي كثير
سعود: قبل كنت اجي واقنص.. واجلس بالاسبوع حتى الشهر
رغد: شهرر
سعود"يحرك النار بعصا":ايه شهر
رغد"حاوطت نفسي بيديني من البرد":اها
سعود"انتبهت لها ترجف..خفت تمرض..شلت فروتي..وقربت منها
وحطيتها عليها..جيت ببعد ..بس جدني وجهها..خشمها احمر..من البروده
وخدودها بعد...خصلات شعرها المتمرده ..طلعت من الغطا..وع وجهها
رغد"ارتبكت يوم حط فروته.. وارتبكت اكثر من نظراته..":........
سعود"مدري وش يالي يجذبني لها.. ليه مااقدر ارفض لها طلب من جينا
هنا...": قربي عند النار ومدي يدك
رغد"من غير نقاش قربت": خذها انا لاسه شئ ثقيل بس انت لا
سعود"من غير مايناظرني وكانه يتحاشى عيوني":لا مهوب لزوم الحين
يوم تروحين تنامين اخذها
رغد"جيت بشيلها..":لا عادي انا شوي وبقوم
سعود: خليها
رغد"حسيت بالدفا..والخمول .. والنوم بدى يسير على..جيت بقوم..
بس حرام اخليه لحاله.. انا كل همي اتطمن ع بنتي...ونومتها..ودامها
بالسيارة..بجلس اسليه..كفايه..تارك ربعه ومكانه ..ويحرسنا...جلست
ادور سالفه افتحها معه مالقيت ..والنوم بدى يخيم على وانا اقاومه..
سعود"كنت سرحان.. بس حسيت حركة راسها غريبه ..رفعت نظري
الا واشوفها استسلمت للنوم..ضحكت ع شكلها..قلت ابشيلها وادخلها
السيارة..بس بتحس..وهي عنيده وبتصر انه مافيها النوم...كانت مسنده
ظهرها ع السيارة ..حركت يدي قريب من وجهها ..شكلها نامت ودخلت
جو بالنوم....البرد قرصني..قمت بشويش..وشلت الفروة من عندها..بان
من رجفه جسمها انه البرد ضربها..حطيتها حولي ...ليه سويت كذا..
ليه شدني ..اني اسحبها لحضنى..سحبتها بشويش وهي ماحست..
ضميتها..لعندي وهي..ماحست ولا شعرت..بالعكس..تكورت ع نفسها
وادفنت حالها بحضني..غطيتها بالفروة..وصرت اناظر وجهها..ليه

ليه.. تجذبيني.. وانا مافكرت احبك.. ولا اتقبل وجوك بحياتي..انتي
انفرضتي على مثل ماانفرضت عليك...كنت مفكر.. انه بتكون لحياة
معك عاديه.. مثل حياتي بمزنه..بس ..اثبتي لي انه مافيه شئ عادي معك
بعنادك...قوتك..سنعك..وتصرفاتك..يالي تبين كبر عقلك..بس تمردك
وعنادك ..ليه يستفزني..ليه ..تحركين بداخلي هالمشاعر الغريبه..استغرب
من نفسي..بزر مثلك..وتقلب تفكيري..كذا...نمت وانا افكر..وافكر.....

<<--يتبع



التوقيع:
signat
UoZa غير متواجد حالياً   رد مع اقتباس
قديم 18-06-2012, 05:48 PM   #13
عضو نشيط جدا
 

افتراضي رد: رواية انت غرامي وجنوني بدون ردود

((الجزء الحادي عشر.....))


رغد"انتبهت ونور الشمس بعيوني ...غطيتهم وجيت بلف ع الجهه الثانيه
...فتحت عيوني ع الاخر..وشلون ..متى..وكيف نمت بحضنه...قمت
بسرعه....وانا مو مستوعبه كيف صار هذا من دون مااحس..كانت يديه
محاوطنتي ...وراسي ع صدره..وكان مغطيني بالفروة وهو لابسها...
لمت حالي..وشلون نمت ولا حسيت الحين وش بيظن..بيظن اني ميته
عليه ..وابي قربه....قربت من السيارة وشفت جنى نايمه...فتحتها بشويش
وركبت وقفلت الباب..جلست اناظر فيه..كيف ساند ظهره ع السيارة
وفارد رجلينه يالي كنت نايمه بوسطهم...لمت نفسي مليون مره...كنت
مقهورة حيل... وجافاني النوم..كنت انتظر البنات يصحون..او جنى
تصحى وارجع المخيم......
سعود"صحيت والم بظهري مو طبيعي من نومتي...ناظرت حضني
وكانت مهيب موجوده...لفيت يمين ويسار ..وماشفتها ..وقفت بصعوبه
بسبب ظهري...يمكن بالسيارة.. وناظرت ومثل ماتوقعت ... كانت
بالسيارة ... وسرحانه...تقدمت وضربت قزاز النافذه...":........
رغد"كنت للحين مقهورة من يالي صار.. الا بطق النافذه...ناظرته
وكشرت بوجهي.. نزلت النافذه":نعم
سعود"تفاجاءت بتكشيرتها يوم شافتني ..واسلوبها بالرد..."رفعت حاجبي
":نعم!!!
رغد"وماكنت طايقته":ايه نعم
سعود"وش فيها هذي":فيك شئ
رغد"بقله صبر": لا تبي شئ
سعود"احترت منها":ليه تتكلمين كذا
رغد: وشلون تبيني اتكلم
سعود"لا مب صاحيه ":.............
رغد"لفيت بوجهي عنه..وبرفع النافذه "..............
سعود"استفزتني ..بحركتها..وبصوت عالي":رغددد
رغد"بلعت ريقي":..............
سعود"بغيض":وش حركات المبزرة هذي اتكلم معتس وتردين بنفس
خايسه"وفتحت باب السيارة وسحبتها بقووة ..وهي منصدمه..بعدتها
عن السيارة يوم انتبهت لجنى ..انزعجت من صوتي....":وش صايرن
معتس وش قالب حالتس
رغد"ماصدقت فتح لي باب": هي انت لاتظن اني للحظه انك يوم فرضت
نفسك على ..انه بقتنع وبرضى فيك كزوج.. وتستحلى الجلسه والنومه ع
كيفك.... اصحى..يابابا "وبنبرة سخريه"...انت صحيح تملك الجسد
لكن الروح والقلب مستحيل تملكه....قلبي وروحي...لانسان واحد
وبس..وانت مستحيل توصله...فااااهم
سعود"كلماتها..شعلت نار...فيني...اي واحد بمكاني..يسمع حرمته ..
تقول له كذا..وش بيسوي...يوم يسمع هالكلام الكبير...وبكل قوة
صفعتها":ولا كلممممه...سامعه
رغد"مااستغربت وبالاصح توقعتها":يعني بتظن كذا بخاف..وماراح
اقول الصدق..."وبصوت يرجف" صحيح انا عطيتك وجه..وتناسيت
كل احساس حقد وقرف من ناحيتك امس... بس مو معناه..تستغل الوضع
وتحاول...تقص ع حالك..وتصدق انه ممكن نكون مث أي زوج وزوجه
يحبون بعض...انت ولاشئ..سامع... ولاشئ..وبتظل لاخر نفس بحياتي
ولا شئ...فرضت نفسك بالاجبار..مشيتها لانه مااقدر احتج او اشتكي عليك
لكن تحاول تفرض نفسك وتستغل غفلتي ونومتي..لا والف لا سااامع
سعود"ماني مستوعب وش هالثوران المفاجئ..وكلماتها يالي تستفزني
وتحرق اعصابي...عمري ماسمحت لحرمه..تطاول بلسانها..او اني اعطيها
مجال ...مسكتها من زندها وشديت عليه..شفت علامات الالم بوجهها..
وزادني شعور بالانبساط وشديت اكثر..."وبكل قرف":انتي يالي اسمعي
ولاتصدقين نفستس...يوم رضيت فييك زوجتن لي ..اشاركها الفراش
مو معناه..اني برضا فيك كزوجه...اعرفي حدودك ..واعرفي مكانتك
انتي يالي اسمعي..واسمعي زين...وكل يالي صار شفقه لا اكثر ولا اقل
مثل أي متشرده بالشارع..عطفت عليها بالبرد..وبما انك..زوجتن لي
شفقت عليتس..."وبضحة سخريه"يعني بالله تظني سعود..ال..يفكر
فيك..كذا.. والله انك ماخذتن مقلب بحالتس...اصحي ومن جد اصحي
رغد"وجع يدي يالي بتحمله ولا وجع كلماته.. يالي يصوبها بكل اتجاه
لي.. جرح كرامتي... انوثتي..":ودامي مااشرفك ولا ممكن تتقبلني
ليه.. تفرض نفسك على
سعود"ورافع حاجبه"وبنبرة..احتقار":تحللين مصرفتس..واكلتس..
واسمي يالي شايلته
رغد"الكف يالي عطاني اياه..وجعه مايوصل للوجع يالي صابني ..من
كلماته...للدرجه هذي انا رخيصه...ويعتبرني تسليه...ماقدرت امسك
دموعي.. ولا انهياري...":وربي حرررام تكون اخو وليد وربي حرام
سعود"طاريها لوليد..زاد من عصبيتي..ودمي..يغلي بعروقي..من نطقها له
شديت زندها اكثر...وضغطت بقوة ..وقربتها لعندي حتى صارت لاصقه
فيني..ومايفصلنا الا انفاسنا..."وبوعيد..وصوت اقرب للهمس..":اسمه
ماابي اسمعه بلسانتس..سامعه"وشديت اكثر ع يدها"....ولا والي خلق
سابع سما ماتلومين الا نفسك...وربي...بتشوفين يالي مايسرك.."ووجهت
نظري..لجنى..ورجعت ناظرتها"...سامعه
رغد"جمدت بمكاني..ورجفت من الخوف من قربه ونبرته..وتهديده
شكله كان يخوف بالحيل..عروقه يالي بارزة بجبينه...عيونه يالي حمرت
طريقه رصه ع اسنانها..كلها ارعبتني..ومنعتني من الكلام":......
سعود"انفاسي صارت سريعه...حسيت اني بذبحها..خلاص..ورفعت
يدي..الا صوت الشيبان وقفني...ناظرتها بحده..وفلت يدها بقرف..
وبقوة حتى طاحت ع الارض...":يلا خذي بنتك وانقلعي عند الحريم
رغد"مصدومه..مجروحه...منهارة...كل هذا مايعبر عن احساسي المتفجر
بداخلي كان ودي اصرخ...واضربه..اذبحه...ماقدرت عجزت حتى عن
الحركه....وينك ياحبيبي وينك...ابي حضنك...ابي الامان يالي فقدته..
آآآآآآآآآهـ ياوليد ليه تركتني ورحت ..لييييه....":.........
سعود"بصرخه":فزي اخلصي وانقلعي عند الحريم
رغد"انتفضت من صرخته..وبالحيل شلت نفسي..رحت للسيارة
واخذت بنتي واغراضها..ومشيت للمخيم...وعيوني...مغطيها ضباب
دموعي....وصلت للخيمه...ورحت وراها...احاول اهدى العاصفه
يالي بداخلي...احاول اوقف...دموعي...يالي انزلت ..مثل الشلال...
قلبي يالي من سرعه نبضه احسه بيطلع من مكانه....جلست ..وبحضني
جنى...ناظرتها...وهي نايمه وماهي عارفه وش يصير ..ماهي عارفه
وش نوع الظلم والضيم يالي امها عايشته...يوم ناظرتها..عرفت ليه
استحمل هذا كل...وربي كله يهون ولا افقدك...حضنتها بقوة لصدري
وصرت استغفر واقرا يالي حافظته من القران...ربع ساعه..وحسيت
اني احسن...وهديت شوي...طلعت من شنطه جنى..قرشة المويه..
وغسلت وجهي....رتبت نفسي ...وسميت بالله ..ودخلت الخيمه كانت
خالتي.. وباقي الحريم صاحيين..والبنات نايمين....
ام راشد"بفرح":هلا هلا ببنتي هلا صباح الخير يايمه
رغد"حاولت ابتسم":هلا فيك خالتي"حبيت راسها":صباح النور والسرور
ام راشد: ها ياميمتي عساتس ارتحتي بنومتس
رغد"ايه بالحييل": الحمدالله ...
ام راشد"تمد لي كوب حليب":يلا سمي بالله وافطري
رغد"ماكان لي نفس ابد...وريحته لوعت كبدي...."كشرت بوجهي":لا
خالتي..ماابي
ام راشد:ليه اشربي يدفيتس
رغد"مايحتاج ياخالتي حرقه يالي صار..دفتني وحرقتني":لا مايحتاج
ام راشد:طيب كلي لك شئ..الغداء مطول..واذا بتنتظرين هالقرود
منتي ماكله..شئ
رغد"وجع بطني رجع ...غريبه..انا من بعد اول يوم..مايرجع الالم
..اااهـ مع هالنفسيه والظغط..كل شئ بيتغير يارغد": لا خالتي والله
ماني مشتهيه
ام راشد"بابتسامه وراح بالها لبعيد":لايكون
رغد"عقدت حواجبي":لايكون وش
ام راشد: يمكن انتس حامل يايمه عشان كذا منتي مشتهيه
رغد"مسسستحيل": لا لا لا يمه مني حامل ولا شئ
ام راشد: وش دراتس انتي الوكاد انتس حامل يايمه ومنتي حاسه
رغد"كنت منحرجه اقول لها بس عشان اقطع الشك باليقين لها وما
اخليها تبني امال..":لا مب حمل ياخالتي انا معذورة من يومين
ام راشد"بخيبه ..حاولت تخبيها": الله يرزقك ان شاءالله وعقبال ماتبشريني
بحملك ان شاءالله
مزنه: وليه ياعمتي حملي مهب مفرحك ومكفيك
رغد"لاعت كبدي من جد من صوتها مو ناقصتها ابد...قمت من بعد
مااستاذنت من خالتي..وتركت جنى..عندها...ومزنه ناشبه لها ..
مشيت لمشاعل...":مشاعل
مشاعل:هممم
رغد"هزيت كتفها":شعوله تكفين اصحي
مشاعل"خافت على وصحت":وش فيك ياقلبي
رغد"انسدحت ع مخدتها واحاول اني مااناظرها عشان ماتهل دموعي..
":ابي انام جنبك
مشاعل"ع الفترة يالي مرت علينا فهمت اني محتاجه لحضن ..":ولايهمك
"رفعت راسي وحطتها ع رجولها وصارت تمسح ع راسي"
رغد"ماقدرت امسك دموعي وصرت اصيح بصمت..وامنع شهقاتي عن
تفضحني...مر الوقت والنوم غلبني.......................

صحيت ع اصوات .الحريم وسوالفهم وراسي بالحييل مصدع..بصعوبه
رفعته...
ام راشد: صح النوم
رغد: صح بدنك
ام راشد: قومي يايمه غسلي وتعالي غداك خلينه ع الجنب
رغد"قمت ..":ان شاءالله
رغد"مشيت لعند الخيمه الثانيه يالي كانت مخصصه للتغسيل ..دخلت ..وع
طول امينه جت لعندي..بالمويه غسلت وجهي ...وفرشت اسناني..ورتبت
نفسي ..كان ودي اتروش بس مافي مجال هنا...غيرت ملابسي..ورجعت
للحريم..جلست وخالتي تحاول فيني عشان اكل بس ماكان لي نفس
مزنه"بابتسامخ خبيثه":اقول
رغد"اكتفيت اني اناظرها ماكان لي خلق اتكلم":...............
مزنه:وش هالضربه يالي بعينتس وش صار لتس من ضربك
رغد"عقدت حواجبي مستغربه...حطيت يدي ع المكان يالي تاشر عليه
ووجعني...جعل يدك الكسر..اهـ يوجع..نسيت انه عطاني كف..وش
هالفشيله...وشلون ارقعها..ولا من صادني ..ماغيرها":تقصدين هذي
مزنه:ايه في غيرها
رغد"بتطنيش": لا مافي حد ضربني تطمني بس طحت من السيارة"وحبيت
اقهرها":وربي رحمني طحت بحضن سعود.."رفعت حاجبي"يالبى بس
ولا لو مامسكني كان وجهي انعدم
الريم"تصفق": اقولتس ولد العم انقلب حاله وصار رومنسي منتم مصدقين
رغد"بالحيل يصبحني بكف وكلام يسم ..":.....................
مزنه"بقهر": اها
العنود"تطب عندي": رغيده تكفين عطينا السر
رغد"ضحكت بداخلي ..ابد كلام يسم من الطرفين":هههههههههههههه
مشاعل"كانت تناظرني وساكته... عارفه انه غير يالي قلت لهم":......

مر اليوم بهدوء وسوالف وضحك ..بس كل شوي الوم نفسي..صحيح
انه ماعجبني يالي صار..بس المفروض امسك لساني..وماله داعي
كل يالي صار..وكلامي وصراخي..هو ماقصر معي..بس مدري.ليه
انفجرت كذا...دايم يوم اواجهه..مقدر امسك نفسي واتلذذ يوم استفزه
...
سعاد: اقولتس سوي كذا ومالك الا يالي يطيب خاطرتس
مزنه"تجي لعندي":يارغد روحي خذي بنتس لايجيها شئ مع العيال
رغد"جلست ادورها":وينها
مزنه:مشعل خذها معه
رغد"قمت بسرعه ..الصراحه ماامن بنتي مع أي حد الا خالتي وعمي
ومشاعل وسعود....مشيت برا المخيم وعبايتي ع كتفي ...صرت ادور
عليها..وشفت مجموعه من العيال عند الدبابات ومشعل معهم..ومتجمعين
قربت منهم..الا هم حول بنتي..وكل واحد يضحك ويشجع...كانت جنى
مع ولد صغير..شكله ولد مزنه..يلعبون بالرمال وكل واحد يكب ع الثاني
والعيال يطلبون منه يضربها...وهي خايفه وجالسه تبكي...قهرني..يالي
يصير لها..وهذول مبسوطين..وبصرخه":ياقليلين الادب مستوحدين
بالبزرة..وتضحكون هذا بدال ماتهاوشونه وتشيلونها
جنى"يوم شافتني جت تركض لعندي وتصيح":.................
رغد"شلتها وحضنتها ..وصرت اهدي فيها":وانت يامشعل وشلون ترضى
عليها وتخليها
مشعل"يناظر فيني ومستغرب..انا نفسي استغربت من نظرته":ليه ماترد
ليه تسوي ببنتي كذا ...حرام عليكم هذي طفله
مشعل وباقي الاولاد"يناظروني":..........................
مشعل"بقله ادب": اقول انقلعي عند الحريم ماتستحين ع وجهك جايه
وكاشفه وجهتس عند العيال..بس مثل ماقالت امي حضريه ماعليتس
شرها
رغد"عصبت ع كلامه وقله احترامه":اقول امسك لسانك واحترم يالي اكبر
منك ...سامع
مشعل: انقلعي لانادي ابوي عليتس
رغد"فورت منه..ومن اسلوبه..مااستغرب من ولده ولد مزنه..":ماني
منقلعه لحد ماتتادب وتحترمني..سامع

مشاعل"تدور على":وين رغد
مزنه"تاشر":هالحضريه بتجيب العيد ع نفسها ..ناظرو وين رايحه للعيال
ولا كاشفه وجهها بعد
مشاعل"بسرعه جات لعندي بعد ماتغطت":رغد امشي معي بسرعه
رغد"وكنت معصبه وصوتي عالي": لا ماني ماشيه لحد ماادب قليل التربيه
هذا
مشاعل"وخايفه حد يشوفهم": طيب انا اعلمك فيه بس امشي معي
رغد"ولا كاني اسمعها ..وصرت اهاوش مشعل..وهو يرد على بقلة ادب
جمدت بمكاني ....ايه هو صوته......
سعود"وكل عرق بوجهه بارز من العصبيه":اقصري حسك ...وانت وياها
تقلعوا عن وجهي بسرعه
رغد"كل الاولاد ماشفت الا غبارهم...":سعود ادب ولدك
سعود"اخذ جنى مني وعطاها مشاعل": خذي البنت ع الخيمه
مشاعل: طيب يلا رغد
سعود"مسك يدي بقوة": وبعدين معتس انتي وقلة الادب يالي انتي فيها
رغد"انفجعت من كلامه وش يقصد":خير وش قله الادب يعني يوم جيت
اخذ بنتي وولدك يشجع الضرب فيها صرت قليله ادب..ولدك يالي معلي
صوته وقال ادبه..وانا يالي صرت قليله ادب...
سعود"ومطنش يالي قلته..وبصرخه": ايه وماتربيتي وماحد بيسنعك الا انا
اجل جاية كاشفتن وجهتس للعيال..وبوقاحه تقولين انهم قليلين الادب
رغد"استوعبت الحين...يعني هم مايكشفون ع العيال..بس هم صغار
اكبر واحد مايتعدى 12 سنه..":................
سعود"قرب اكثر وبهمس ووعيد": الوعد بالبيت مهب هنا
رغد"بسخريه":ليه يعني منت عارف تمد يدك هنا براحه
سعود"يرص ع اسنانه":لاتستفزني لاتشوفين شئ مايسرك
رغد"سكت مو خوف منه ..بس ماابي مزنه..تنتصر ويتحقق مطلبها":.....
سعود: والحين طسي ع المخيم
رغد"مشيت ولا نطقت بحرف....وصلت المخيم وجنى للحين تبكي..
اخذتها ..ع الخيمه الثانيه وسبحتها...ولبستها..وهي تشكي لي ع يالي
صار معها ..وتتشره..حضنتها..وبستها ...رجعت ع المخيم ...
مزون: والله مدري وش اقولتس ...وربي مسكته وهاوشته قليل الادب
ع الي سواه بجنى
رغد"بابتسامه":حصل خير طفل مايدري عن شئ ..بس اللوم ع الكبار يالي
شجعوه.."وكنت اناظر مزنه..يالي وجهها كله شماته"...
مزون:بس عسى ماتعورت
رغد:لا الحمدالله بس عدموها بالرمل ..بالحيل راح عن شعرها
لفيت ع مشاعل":مشاعل
مشاعل: هلا
رغد"بهمس": انتم تتغطون عن العيال
مشاعل: ايه ..الا انتي وش ودك لهم
رغد: مزنه قالت لي اروح لبنتي
مشاعل: استغفر الله ياربي...وبعدين وحركات المبزرة هذي
رغد:طنشي ماهمتني
جنى كانت عند خالتي ...شوي الا سمعت صرختها ..فزيت لها وهي تبكي
وخالتي خايفه عليها من صرختها...
ام راشد: وش فيتس يمه وش صاير
جنى"تصيح ومن قلب":.................
رغد"اخذتها من خالتي واحاول اهدي فيها ..شوي الا زاد صياحها":.يمه
حبيبتي وش فيك
جنى"تاشر بس وتصيح":........................ز
رغد"طيرت عيوني مدري وش فيها ..وخاصه وجهه صار احمر ع ازرق
من قوة صياحها وباين انها تتالم":حبيبتي يوجعك شئ
جنى"تهز راسها":..................
رغد: وين
جنى"تاشر ع يدها":................
رغد"مسكتها اشوف وش فيها..الا تصرخ ثانيه وبااقوى مافيها..":ياربي
وش فيها
مشاعل:يدها تعورها
رغد:ايه بس مب راضيه اشوف وش فيها
ام راشد: امينه ياامينه
امينه"جات ":نعم ماما
ام راشد: روحي نادي بابا سعود بسرعه
رغد"وانا احاول اشوف يدها": ماله داعي
ام راشد: لا يمه له لزوم يوديها المستشفى
رغد: ليه!!!!
ام راشد"بخبره":باين يدها مكسورة يايمه شوفي وشلون مزرقه
رغد"انتبهت للونها ...وشهقت": يمه بنتي وش كسر يدك حبيبتي
جنى"ماعاد فيها حيل من الالم ..وفجاءة سكتت":............
رغد"انفجعت ..ماجا ببالي الا اني فقدتها":لا لا لا يمه اصحي جنى
حبيبتي انا ماما قومي
مشاعل"بخوف" وش صار فيها ليه سكتت
رغد"بهستيريه وصياح": مشاعل ينتي بنتي ماترد على صحيها
مشاعل و خالتي يهدوني":مافيها الا الخير يمه شوفيها تتنفس
رغد: ليه ماترد
سعود"دخل ع الصراخ": وش فيكم بعد
مشاعل: الحق سعود جنى
سعود"ناظرت البنت مغمى عليها ويدها مزرقه ..وهستيرية امها ":وش
فيها
ام راشد: خذها يايمه ع المستشفى بسرعه
سعود"يجي لعندي ياخذها":هاتي
رغد"حضنتها لصدري بقوة": لا لا بعد ماراح تاخونها هي بعد
حرام عليكم مقدر اعيش من غيرها لاتاخذونها ...فقدت ابوها ...وماابي
افقدها...بنتي ابيها
سعود"شكلها كان يحزن ..وضنت انه جنى ماتت": رغد اسمعيني خليني
اوديها البنت مافيها الا الخير..بس اغمى عليها من الالم بس
رغد"واحاول اهدى...":.............ز
سعود"بحنيه":شوفيها تتنفس...بس من الالم ماتحملته
رغد"ناظرتها...وتطمنت شوي": طيب خلنا نوديها
سعود: لا اجلسي وانا بوديها
رغد"تمسكت فيها": لا مااخليها لحالها رجلي ع رجلها
سعود"ماكان بيخليني اجي ..بس عشان جنى نفسها خاف تصحى..
وتدور امها": يلا البسي عبايتك بسرعه
رغد"قمت ": طيب
سعود"اخذ تجنى ..": هاتي انا بشيلها
رغد" لبست عبايتي ..وتغطيت بسرعه وطلعت ورى سعود يالي سبقني
ع السيارة... ركبت واخذتها منه.. وصرت اقرا عليها ..وادعي ربي
انه يسلمها ويحفظها لي..طول الطريق وحنا ساكتين..وكنت الوم نفسي
يوم تركتها وغفلت عنها.. اسفه ياوليد ماحفظت امانتك... ولا صنتها
سامحني... ياكثر خيانتاتي لك... ااااهـ ياوليد..بس وربي مابيدي حيله
وربي....
بعد ساعه... وصلنا ع المستشفى... ودخلنا الطوارئ.... كشف عليها
الدكتور وصور يدها.. وطلع كسر بكتفها...ماقدرو يجبسونها ...بس
ربطوها...ووصونا...انه نهتم بحركاتها ..وانه الكسر..نوعه شين وخاصه
الكتف... ولانها بزر بتتحرك كثير..ومايقدرون يجسونه..عطاها ابره
تخفف الوجع عنها ..وصف لها ادويه ....اخذنها وطلعنا وجنى..نامت
بعد ماسوت فضيحه ثانيه بالمستشفى....وقفنا عند الصيدليه واخذ علاجها
وطلبت انه نرجع البيت ..ومارفض...رجعني البيت ..واتصل ع خالتي
وقال لهم يرجعون مع ولد عمه..لانه جنى تعبانه ويلزمها راحه البيت

رغد"دخلت وهو ورى بالظبط ...مشيت لحد ماصعدت للجناح
حطيتها...وحاولت اقيد حركتها لانها من النوع يالي يصارع بالنومه
يعني انومها وكل شئ مرتب وتصحى المخده بجهها والبطانيه بجهها
وهي بكبرها بجهها....غطيتها...ولفيت الا وهو موجود
سعود"بجمود":اذا بغيتي..شئ انا بالغرفه الثانيه
رغد:مشكور ماقصرت
سعود"مشى وسفهني...وسكر الباب":.........
رغد"قهرتني حركته...وش يبي يوصل له يعني؟؟؟طنشته ورحت انسدحت
جنب جنى...وحمدت ربي انه سلمها لي...ياسلاام يازين نومة السرير
ع الساعه وحده سمعت حسس بالبيت قمت ..طلعت لبرى..الا صوت
مشاعل..نزلت ..الا وهي مقبله ع الدرج
مشاعل: بشريني عنها..الجوال حاولت اتصل بوه..مافي شبكه
رغد:لا الحمدالله عدت ع خير..والحين هي نايمه
مشاعل:الحمدالله
رغد:وش فيكم رجعتوا
مشاعل:ياختي مهيب حلوة الجلسه من دونك والكل كان متشاغب ع
جنى...وبكرا كلهم بيجون
رغد"ابتسمت": حياهم الله
مشاعل:طيب أي خدمه..هلكاانهوظهري متكسر ومشتاق لسريري
رغد:هههههههه لا سلامتك بس تروشي من بعد البر
مشاعل:افا عليتس من غير قول

اليوم الثاني كل يالي كانوا بالبر جاو عندنا عشان يتحمدون لجنى بالسلامه
ومزون ياحياتي كانت كل شوي تتاسف ع يالي صار وانا اقول لها ماله
لزوم اطفال ومايدرون ..ومن تشوفني متغربله مع جنى ترجع تتاسف..
مع انه المفروض مزنه وولدها ...وماقلت لسعود ع الي سواه ولده
ماحبيت اسبب مشكله..الولد من غير شئ يكرهني....

رغد"استغربت انه اليوم ماجا ع انه الليله ليلتي ع حسب جدوله ..بس
احسن ريحني من وجهه....نمت..وع الساعه 1 الظهر صحيت....
تروشت...وجففت شعري..ولبست لي بيجامه..برمودا وردي..مع
بدي.رصاصي..وبوسطه تويتي...كنت جالسه اسلي جنى كانت
متضجرة حيل..من التقيد يالي مطبقته فيها عشان كتفها..وكنت
محتاسه معها وماحسيت بسعود..وهو يدخل
سعود"طقيت الباب..وماسمعت رد..وسمعت صوتها هي وجنى
وهي تحاول تاكلها وهي رافضه لانه يدها تالمها..الكسر شين والكبير
بالحيل يتحمله وشلون بزر...يالله ان تشفيها بسرعه...دخلت وتفاجاءت
من شكلها لاول مره اشوفها بالشكل هذا..علقت عيوني عليها وهي
منشغله بجنى...قطع تفكيري يوم لفت وشافتني..ووقفت بسرعه
رغد"ارتبكت يوم شفته ونزلت عيوني..طيرت عيوني يوم شفت وش
لابسه..بسرعه فزيت ادور شي اغطي نفسي فيه..":...........
سعود"بسخريه":وش تغطين وانا شفت كل شئ
رغد"انحرجت من تعليقه وفهمت وش يقصد":.............
سعود"حاولت قد مااقدر..اتجاهل وجودها..مشيت لجنى..يالي كانت
مكشرة بوجهها..اخذتها بحضني":وش فيك يابابا ليه زعلانه
جنى"تنفخ ":هدا يوجعني
سعود"يبوس راسها":يطيب ان شاءالله واذا صرتي عاقله بيطيب
بسرعه
جنى"ببرائه":طيب
سعود:واذا تبين تطيبين لازم تاكلين
جنى:اكلني انت
سعود: من عيوني "اخذت الصحن وصرت ااكلها..وهي مبسوطه
وكل شوي طاقتن لي ابتسامه شكل..وتسوي حركات بوجهها ..ضحكتني
غصب...
رغد"يوم شفته منشغل مع جنى...استغليت الفرصه..ورحت غيرت ملابسي
لبست جلابيه...اكمامها طويله وواسعه شوي...":.......
سعود"ويحاول يقهرني..ويستفزني":غيرتي ولا ماغيرتي ...ماحركتي
شعره فيني
رغد"رفعت حاجبي..وتخصرت":وانت ماهميتني عشان اهتم اني احرك
فيك شئ
سعود"ياكل جنى ومطنشني":..................
رغد"جلست ع الكنب هوانا اقلب بالقنوات...قطع على صوته..":.........
سعود:قومي سوي غداء
رغد"وقفت":فيه غدا مسويته مزنه..بروح احط لك
سعود:لا انتي اطبخي هي مسويه سمك وانا مالي خاطرن فيه سوي كبسه
رغد"حسيت حركاته..بس سخافه لا اكثر ولا اقل..ماناقشته":طيب
رحت تحت ودخلت المطبخ..اشوا مزنه مهيب موجوده...طلعت الدجاج
وحطيته بالمويه عشان يذوب...واخذت البصل والطماط والثوم..قطعهتم
صغار..والثوم هرسته...اخذت الرز ونقعته...وبديت اقلي البصل
لحد ماتحمر...وحطيت الطماط والثوم..غطيته لحد مايذوب الطماط
ورحت للدجاج وغسلته ونظفته..فتحت الغطا واضفت الماجي والبهارات
وشويه قرفه وورق غار وليمون اسود وهيل...وحطيت الدجاجه
وغطيتها ع نار هاديه..بعد ربع ساعه..صبيت مويه لحد ماغطيت
الدجاج..واضفت الصلصل....بعد مااستوى..شلت الدجاج وحطيته
بصينيه الفرن..وبعد مانشفت الرز حطيته بمويه الدجاج....حطيت
الدجاج بالفرن..ورحت اقطع السلطه.............
ساعه وكل شئ خلاص..الدجاج حمرته...وحطيت الرز بالصحن
وربع دجاجه...وحطيت لخالتي وعمي...ومشاعل..شلت الصينيه
وصعدت.."وانا ابتسم بخبث "حطيتها عنده..وهو بدى ياكل
..وجنى تلعب بحضنه
سعود"حط اللقمه بفمه ..وشوي الا يكح بقوووة":...........
رغد"ضحكت ع شكله من داخلي...صدق حركات مبزرة..بس احسن
ابنتقم بالي سواه وقاله....."واسوي حالي بريئه":وش فيك
سعود"وعيونه دمعت يوم شرق بالاكل...وياشر ع المويه":.........
رغد"مديت له المويه وابتسامه خفيفه ع فمي...":تفضل
سعود"اخذت المويه وانا اقاوم الكحه...لفت انتباهي بسمتها...يعني متعمده":
رغد"اخذ تجنى ..وجلست ع السرير":.......
سعود"بعصبيه":وش مسويه انتي ..علبه الملح كلها هنا
رغد"ببلاهه":ايششش!! لا انا تو ذقته ملحه مظبوط
سعود"رفعت حاجبي ...اكثر شئ اكتشفته فيها انها ماتعرف تكذب..ولاتمثل
..."رفعت حاجبي"...وقمت واخذت ملعقه من الرز...ومديتها لها":يعني
اكذب ولا اتبلى مثلا
رغد: يمكن ليه لا
سعود: اها...طيب كلي اشوف
رغد"توهقت": ها لا شبعانه
سعود"تاكدت من رافضها انها متعمده..":ماقلت لتس كلي الصحن كله
ذوقيه عشان تتاكدين
رغد: لا ماابي مو غصب شبعانه
سعود"مسكت وجهها ..ودخلت الرز بفمها غصب...وبعدها سديت خشمها
عشان تبلعه..وفمها...":انا اوريك
رغد"ماقدرت صرت اكح بقووة....مالح وبقوووووة....":موووويه
سعود"ضحكت ع شكلها...مديت المويه وجلست مكاني...":..
رغد"شربت المويه ...واحس اني براجع ....":......
سعود"من غير مايناظرني":اليوم جهزي نفسك..
رغد"باستغراب":ليه
سعود:بوديك لاهلك
رغد"بلعت ريقي...معقوله بينفذ تهديده...بيطلقني ياربي
انا وش سويت .... بيحرمني بنتي.."!!


<<--يتبع



التوقيع:
signat
UoZa غير متواجد حالياً   رد مع اقتباس
قديم 18-06-2012, 05:48 PM   #14
عضو نشيط جدا
 

افتراضي رد: رواية انت غرامي وجنوني بدون ردود

((الجزء الثاني عشر...))

رغد"جهزت اغراضي واغراض جنى...لو بناقشه الحين ماراح اقدر
اوصل لشئ...ويمكن يخلها هنا ويوديني انا بس ...ع المغرب ..اتصل
وقال لي اطلع....ركبت السيارة وهو يحط الاغراض ...بالسيارة
طول الطريق ..كنا ساكتين ..ومافي الا صوت جنى....وقفنا
عند محطه...ونزل عشان يصلي...وقال لي انزل...كنت بقوله ماعلى
صلاة..بس انحرجت...نزلت واخذتها فرصه ادخل جنى..دورة المياه
"اكرمكم الله"....رجعنا للطريق ثانيه................
رغد"كنت حاضنه جنى ..ونايمه..انتبهت لصوته وهو يقول ":........
سعود:يلا انزلي
رغد"فتحت عيوني..وناظرت بيتنا...اااهـ اشتقت له...واشتقت لكل شئ
فيه لامي بوي اخوي...غرفتي....":ومتى بتوصلني
سعود"باستغراب":وش يالي بيوصلتس
رغد: ورقتي
سعود"رافع حاجبه ومستغرب":. ومن قال بطلقتس اصلا
رغد"بلعت ريقي...":اجل ليه جايبني هنا
سعود"ينزل من السيارة": ماتبين تشوفين اهلتس...انزلي
رغد"خاب ضني...كنت اضن اني برتاح منه ومن همه...."نزلت ..وطلعت
من شنطتي ..المفتاح...فتحت الباب...لانه ماودي ازعجهم اكيد انهم نايمين
الحين..ناظرت الساعه...3 الفجر...دخل سعود الاغراض...
سعود"بسخريه":لاتفرحين مالتس فكه مني الا بموتي او موتك
رغد"ماناظرته..وكملت طريقي..":......
سعود"قهرتني ببرودها وتطنيشها":بكرا ابتصل عليك عشان اسلم
ع عمي وعمتي
رغد: مب لازم
سعود"ويرص ع اسنانه ..لانه مايقدر يعلى صوته..":هذا عندتس انتي
اما حنا عيال القبايل والاصول ..لزوم نقوم بالواجب
رغد"قهرني بنظرته..ورجع يعيد الاسطوانه...تقدمت من الباب..":تبي
شئ ثاني
سعود"مستغرب..":لا
رغد"ومدري كيف جتني الجراءة..وقفلت الباب بوجهه":يلا بروح انام
سعود"قفلت الباب بوجهي..انا اوريتس يابنت...لا ماراح اسب بابوك ماله
ذنب..بس تربيتك ع يدي"وانا ارص ع يديني".................

رغد"دخلت بشويس...عشان ماازعجهم واصحيهم...صعدت ع طول
لغرفتي...فتحت الانوار...ومثل ماتركتها...سريري...اغراضي..وبنفس
نظافتها...الله يسلمك ياامي ويخليك ويطول بعمرك يارب...حطيت
جنى ع السرير...وشغلت التكييف..مع انه الغرفه كانت باردة شوي..
شكلهم كانو يشغلون التكييف دايم...نزلت عبايتي..وراحت اجيب شنطتي
وباقي الاغراض...نزلت وصعدت بهدوء....طلعت لي ملابس من دولابي
اشتقت لملابسي...طلعت لي قميص قطني...فوشي...واكمامه قصيرة..
وقصير لنص الساق...وفيه ورود جوري...دخلت لدورة المياه...وتروشت
طلعت وانا احس بنشاط مو طبيعي...جففت شعري...وحطيت الكريمات
يالي احبها..ع جسمي...ومااخذت منها لما رحت القصيم....شلت جنى
ونزلت تحت...حطيتها بالصاله ...ودخلت المطبخ...ابوي ورائد يصحون
7..وامي قبلهم عشان تجهز الفطور...بديت اجهز الفطور...والحليب..
اذان الفجر..ورحت الصاله..لانه ابوي بالوت هذا ينزل...جلست استنى
ومثل..ماتعودت....
ابو رائد"يصلح شماغه":لا اله الا الله ..اصبحنا واصبح الملك لله
رغد"شوفه ابوي ...وحشتني..وماقدرت امسك نفسي ولا دموعي..":يبى
ابو رائد"رفع عيونه مستغرب من الصوت..ناظر وهو مو مصدق":رغد!!
رغد"ركضت لعنده مشتاقه له ولحضنه...حبيت راسه ويده..ورميت نفسي
بحضنه":ايه رغد وحشتني يايبى
ابو رائد"مو مصدق ...حضنها..وحب ع راسها":ياهلا وغلا ببنتي
تو مانور البيت ...متى جيتي...وليه ماقلتي لنا
رغد"وانا امسح دموعي":كل هذا ابقوله لك لما ترجع من الصلاة..ناظرت
فوق"..وين رائد
ابو رائد":هذا هو نازل وراي
رغد"بهبال": اووك ابصرعه شوي
ابو رائد"يضحك ع هبالي يالي فقده":هههههههههههههه
رغد"صعدت بسرعه..ووقفت ع جدار باب غرفته..ولصقت فيه..انتظر
رائد..يفتح الباب..ومثل ماتعودت..فتحه..وهو مايشوف الدرب..وحالته
حاله..ويسكر ازرار ثوبه...نطيت بوجهه بسرعه وبصرخه":وبعدين معك
يالكسول ..بتتاخر ع الصلاة بسررعه
رائد"طير عيونه...مو مصدق اني بوجههه":...........
رغد"فطست ع شكله...":ياهووو نحن هنا"واشر بيديني"
رائد"حضني ..بسرعه": متى جيتي.."وبعدني بسرعه..وكفخني ع كتفي
"..وبعدين متى بتعلقين وهذا انتي متزوجه ومعيله وهبله للحين..والله
متاكد انك طلعتي براس سعود المسكين نخيل مب نخله
رغد"بسخريه": ايه بالحيل مسكين...يلا روح لاتتاخر ع الصلاة..واسالتك
خلها بعدين
رائد"ينزل بسرعه": ياويلك تنامين..مشتاق لك ولبنتك
رغد"مبتسمه":من عيوني

توجهت لغرفه امي ..وانا مشتاقه لها ولحضنها...طقيت الباب...وجاوبتني
بصوتها الحنون...
ام رائد: تفضل يمه
رغد"بهدوء عشان مااخوفها":السلام عليكم
ام رائد"منصدمه":يمه بنتي
رغد"رميت نفسي بحضنها..بست راسها وخدها ويدها":ولهت عليك يايمه
وحشتني
ام رائد"حضنتي اكثر ..وهي تبكي..":وانا اكثر يابعد دنيتي كلها.."بعدتني
عشان تناظرني"خليني اكحل نظري فيك...
رغد"رميت نفسي ثانيه لحضنها ..للحين مشتاقه وماشبعت منه":احبك
احبك احبك يااغلى مافي الدنيا انتي
ام رائد"تمسح دموعها":وشلونك يايمه وشلون جنى..وسعود
رغد"كشرت بطاري سعود": كلنا بخير وانتي بشريني عنك
ام رائد: بشوفتك يايمه اكيد بخير...
جلسنا شوي وسالتني عن الكل ..وكيف سعود..وكيفي معه..وطبعا ماقلت
لها شئ ..لانها بتعاتبني...لاني غلطانه..اعرف اني غلطانه..بس مو ذنبي
اكرهه...نزلنا تحت..وابوي ورائد..جاو..والشيخ رائد..مستلم جنى..ويجنن
فيها..عشان تصحى..وانا اقوله يبعد..وهو مو سامع
رائد"شايل جنى ..وهي نايمه ومو معطته بال":مشتاق لها لاتلوميني
ابو رائد"بانزعاج": اترك البنت غربلتها ..
ام رائد: اهجد ياولد ..متى ماصحت تصحى
رائد"مستمر..يصحيها..":لا ابيها الحين ..اعرفها دبه ع امها تعاند و
بتصحى يوم اروح الدوام
رغد:هههههههههههههههههههههههههه
رائد: يا اانا يابنتك"وصار يرج فيها لحد ماانزعجت وقامت...فتحت عيونها
مستغربه من المكان..بس تذكرتهم":حويحد

رائد"يحضنها": ع انه الكلمه ترفع ضغعطي..بس اشتقت لها"وصار يبوس
فيها..ويعرف انها تزعج من الحركه"...
جنى"بعصبيه":حويحد..يع وخر "وتمسح بوجهها"
رائد"يحطها بحضنها..ويضرب راسها ع خفيف":قولي خالي..ياطويله
اللسان
جنى"بعناد":حوييييييحد
الكل:ههههههههههههههههههههههههههههههههههههههه
حطيت الفطور...والكل كان مبسوط ويسال عن سعود..مابينت انه بينا
خلاف او شئ...طلعوا ابوي ورائد للدوام..وامي قالت لي اروح انام
بس ماكان ببالي نوم...جلست معها ..وبحضنها..حتى غدا..ماخليتها
تسويه..وابوي جاب معه..
رائد"ياكل..جنى": الا سعود وينه
رغد"قصيت بلقمتي":كح.....كح
ام رائد"تمد لي كاسه المويه": بسم الله عليك خذي اشربي
رغد"اخذت المويه منها":احم احم
رائد"بهبال": كل هذا عشان طاري حبيب القلب
رغد"يبطي ":ياسخفك
ابو رائد": أي والله وينه
رغد"مدري وينه ..وش اقول وش ارقع..لو اقول مدري بتجيني..تهزيئه
بيقول زوجك وماتدرين وينه..":راح فندق يرتاح
ابو رائد"بنزعاج": وليه يروح وبيتا موجود
رغد: ماحب يضايقكم
ابو رائد: بسرعه اتصلي عليه اشوف
رغد"ارتبكت ماودي اكلمه..": يمكن نايم
ابو رائد: اتصلي اذا نايم ماراح يرد
رغد"اخذت الجوال وانا ادعي انه مايرد...اتصلت ..وانتظرت الرد
الحمدالله ..توي بقفل...
سعود:السلام عليكم
رغد"وجع يوجعك يارب": وعليكم السلام
سعود"مستغرب":وش فيك فيك شئ جنى فيها شئ
رغد"حاولت اكون طبيعيه قدام اهلي ومااخليهم يشكون بشئ":اخبارك
سعود"مستغرب...شوي فهم انه جنبها احد":ماشاءالله مسويه سنعه وتسالين
عن حال رجلتس
رغد"ماقدرت اناقشه لانه عيون ابوي علي": بخير الحمدالله
سعود: ماسالت عن حالتس
رغد"وماعندي استعداد اتكلم معه": هذا ابوي يبغاك

كلمه ابوي...واصر عليه يجي..يتغدا عندنا ..بس قال انه تغدا..بس انه راح
يجي..قاله ابوي ..يجيب اغراضه معه..وهو رفض..بس اصرار ابوي..
ماعطه مجال للرافض
ابو رائد:قومي يابنتي جهزي الملحق..هو نظيف..بس شيكي عليه
ام رائد: يلا قومي عجلي
رغد"وانا اتحلطم عليه": ان شاءالله

قمت ..ووراي رائد..دخلت الملحق...وهو دخل بعدي..جلس يراقب فيني
وانا ارتب..
رائد"متكتف":متى بتتكلمين
رغد"وانا اتحاشى اناظره": اتكلم بايش
رائد: رغد انا اعرفك قولي يالي بخاطرك
رغد"وش اول اني مااطيقه اكرهه..اني ندمانه اني وافقت علي..":حويحد
ع قول جنى..الا تبي تطلع فيني عله هههههههههههههه
رائد"يناظر فيني بتمعن":يعني تنعيني..انك تقبلتي حياتك مع سعود
رغد"لا طبعا": ايه
رائد: رغد لاتكذبين
رغد: ومن ال اني اكذب..شوف سعود..واقع بحياتي...وتعلمت اتقبله
رائد"بعدم اقتناع": اكيد
رغد: اكيد..ويلا طس خلني اخلص ترتيب قبل لايجي بعلي
رائد: ياعيني ع كلمه بعلي هههههههههههههههه
رغد: شفت كيف ههههههههههههههههههههههه

جهزت الملحق وبخرته...طلعت ورحت ..اغير ملابسي...ماابي اهلي
يحسون بشئ....لبست..بنطلون جينز..سكيني...مع بلوزة طويله..صفراء
وفيها رسومات بالاسود..رفعت شعري ذيل الحصان..وطلعت لي قذله
ع الجنب...لبست اكسسوراتي القديمه..هي مو قديمه ..بس لاني ما
خذتهم معي..لبست حلق كبير ع شكل حلقه..صفر..واساور..كبيره
وسلسال..طويل لونه اسود...حطيت كحل..وخليته..غامق..ومسكره
زرقاء...وروج..احمر مايل للبرتقالي...تعطرت...وحطيت كريماتي
ونزلت...
رائد"يصفر": ايه القمال ده كله لعنتر
رغد"والله لو مو خوف منكم وشككم ..ولا كان ماطلعت له":اجل وش
ع بالك
رائد"بتمثيل"متى متى ياربي ترزقني بزوجة وتكشخ لي مثل كشخه
المهبوله
رغد"اخذت مخده ورميتها عليه":مهبوله بعينك
رائد: امزح يادبه هههههههههههههههههه
رغد:طس بس ومافي حلا
رائد: ياعيني"ويغمز"اشوف الحلا ماطل عالا عشان احم احم
رغد"نرفزني..انا سويته اول ماوصلت مدري انه بيجي":اجل اذا ماسويته
له اسويه لمين "واغمز"
رائد: ايه الله لنا
رغد"وبنفس هباله": يوم تجي سحيلتك تسوي ل كيالي تبي
رائد"باستهبال..وصراخ":متتى متى بسسسس
رغد: الحمدالله والشكر بس هههههههههههههههههههه

بعد ساعه..وصل سعود..كان رائد معه..وانا رحت اجهز القهوة
والشاي..والحلا...بصينيه..قلت للخادمه..تجيبه...دخلت الا امي
موجوده..وجنى بحضنه..
رغد:السلام
الكل: وعليكم السلام
سعود"شفتها اقبلت..ناظرتها من فوق لتحت..وماعجبني لبسها ابد..
"عقدت حواجبي":يعني كذا الحرمه تسلم ع زوجها
رغد"طيرت عيوني وش يقصد": اجل وشلون
سعود"يمد يده":كذا
رغد"مديت..يدي..هو مسك يدي وشد عليها":....
سعود"قربتها":وش اخبارك
رغد"ارتبكت": بخير...وانت
سعود"شديتها وخليتها تجلس جنبي":بخير
رغد"ماعجبني قربه لي ابد..وقمت اتحجج اني بجيب مويه..قدمتها لها
ولامي ورائد..وجلست جنب امي.. شوي الا جنى..تبي تروح لدورة
المياه.."اكرمكم الله"بس امي قامت وقالت لي اجلس اقهويه..وبالعناد
رائد..قام ينادي ابوي...
سعود"مدت لي القهوة":عدوك يسم
رغد"تو بمشي الا مسكني من يدني":وش فيك
سعود"بصوت هامس": وش الي لابسته
رغد"ناظرت بلبسي":وش فيه!!
سعود"بغيض":انتي ماتستحين ع وجهتس جالسه قدام اخوتس كذا
رغد"للحين مستغربه":وليه كل هالكلام ممكن افهم
سعود:يعني جالسه وكل تفاصيل جسمتس بارزة وعادي عندتس استحي ع
وجهتس وروحي غيري
رغد"رفعت حاجبي": ماراح اغير ولبسي مافيه شئ..بالعكس ساتر
سعود"ياشر بيده": كل هذا وساتر...صدرتس بارز ..ومفصل..وباقي
جسمك كذالك وتقولين ساتر
رغد"خجلت من تعليقه..بس طنشت ..لانه لبسي مهب مخصر وكانت
البلوزة طويله..":ايه ساتر
سعود:قومي غير ولا عاد اشوفتس لابستن هاللبس
رغد"تخصرت":ياسلام وليه ماالبسه حتى بلبسي بتتحكم
سعود: ايه ابتحكم ويلا روحي غيري
رغد"بعناد":ماراح اغير
سعود"بغيض": لاتخليني احلف اني اشليتس مع عفشك وارجعك
رغد"تو برد الا ابوي دخل":...........
ابو رائد: السلام عليكم
سعود"يروح لابوي ويحب ع راسه":وعليكم السلام ..وش علومك ياعم
بشرني عنك
ابو رائد"يجلس": بخير ربي يسلمك وانت ياولدي
سعود: دوم عسى ربي لايغير عليك..,,,انا بخير والحمدالله

جلس يسولف مع ابوي..وانا اصب لهم القهوة والشاي..نادني سعود
عشان اجلس جنبه...اظطريت اروح ...جلست..
سعود"بهمس":قومي غيري
رغد"بنفس الهمس":ماراح اغيررر
سعود"يناظر بالعصير...":اقول يارغد العصير انتي مسويته
رغد"استغربت": ايه انا
سعود: ماذوقتينا اياه
ابو رائد: قومي يابنتي قدمي لرجلك
رغد"وانا مو فاهمه": ان شاءالله
رغد" قدمت لابوي ثم رحت لسعود...يوم قربت من استغربت من نظرته
وشوي الا فهمت وش تعني..بس بعد ايش.....":شهقت,,وش سويت
سعود"يكتم ضحته": الله يخس ابليس..يدي طيرت الصينيه وعدمت
ملابسك...روحي غيري لايلصق العصير ويخرب ملابسك
رغد"ناظرته بغيض...وطلعت وانا اسب فيه..وهو ع شفته ابتسامه نصر..
طلعت لغرفتي..وشفت كيف عدم البلوزة والجينز..."حسبي الله عليك
عسى ربي ياخذك وارتاح منك"...دخلت لدورة المياة"اكرمكم الله"
غسلت جسمي ع السريع..كنت بلبس جلابيه..بس والله لاوريك..كفايه
انجبرت فيك..ماراح اخليك تجبرني ع اشياء ثانيه...

سعود"كنت مبسوط اني ماخليتها تمش يالي براسها..مهب سعود..يالي
حرمه تكس كلامه...السالفه مهيب عناد ولا شئ..بس حسيت عروقي
برزت من غيضي..يوم اشوفها كذا قدام ابوها واخوها..جسمها مفصل
ومخصر..وماقدرت اتخيل انه في غيري يشوفها..صحيح اهلها وماراح
يناظرونها بنفس نظرتي..بس ولو..حسيت نار مولعه..فيني..وزين
اني مسكت نفسي..نص ساع هالا دخلت ثاني..وحسيت الدم كله تجمع
بعروقي..وش مسويه ...":!!!!!!!!!!!!!!!
رغد"والله مااخليك تمشي كلامك علي..دخلت وشفت نظرة القهر بعيونه
ناظرته..وابتسمت بغرور...مشيت وجلست جنب ابوي...وهو مطير
عيونه..ومو مصدق...كنت لابسه..بلوزة..كمها جبينيز..لونها اسود
ومخصرة ع جسمي بالحيل...وتنورة قصيرة لتحت الركبه..كروهات
اسود وابيض..ومعهم ظاغط..ابيض..يوصل لنص ساقي...
سعود"ودي قمت ودفنتها ..بس وجود ابوها وقفني..كنت انتظر الوقت
يالي انفرد فيها عشان اوريها شغل العناد..انا اوريك..ان ماخليتك تندمي
ع الساعه يالي عاندتيني فيها......
رغد"كنت اشوف نظراته لي مع انها حرقتني..بس طنشتها..كفايه اشوفه
مقهور...كنت كل شوي اناظره ..وابتسم..حطينا العشاء..وتعشينا..
بعدها قام ابوي..ورائد..
ابو رائد: يلا نخليكم ع راحتكم...
سعود:تصبح ع خير ياعمي
ابو رائد: وانت من اهله..واعتبر البيت بيتك ..
سعود: ماقصرت ..تسلم
جيت بطلع بس وقفني ابوي":ع وين يابنتي
رغد"وعلامه التعجب مرسومه بوجهي": ع غرفتي
ابو رائد: وتتركين رجلك اجلسي نامي معه..يعني لازم نعلك يايمه اخبرك
تعرفين السنع
رغد"نزلت راسي انحرجت من ابوي": ان شاءالله
لت ابنتظر يطلع ابوي ..وع طول اطلع وراه..بس مخططي فشل..
يوم شفته سد الباب على..
رغد"بلعت ريقي": ممكن توخر بروح انام
سعود"ويرص ع اسنانه": اظن سمعتي كلام ابوتس
رغد: لاتسوي نفسك وتعرف كل الموضوع تمثيل بتمثيل
سعود"كنت ناوي اهاوشها..بس اعرف انه بيزيدها عناد..فكرت ومافيا لا
الا هي....قربت منها ..اكثر واكثر...":
رغد"طيرت عيوني..يوم شفته..يقرب من عندي..جيت بروح..بس":.
سعود"جت بتنحاش..بس مسكتها بسرعه..حاوطت خصرها..ولصقت
ظهرها ع الباب..وانا لاصق فيها بالحيل..حسيتها ارتبكت..ونبضات
قلبها حسيت فيها من سرعتها..وانفاسها تضرب بوجهي...
رغد"كنت كارهه قربه":بعد
سعود"وهو يناظرني من فوق لتحت":واذا مابعدت وش بتسوين
رغد"بخوف": ابصرخ
سعود"باستهزاء": اصرخي محد بيتفششل غيرتس
رغد"صح كلامه..":بعد
سعود"حضنتها ...بيد..وباليد الثانيه..فتحت شعرها..انا يوم اشوفه انسى
حالي..اموت ع الشعر الطويل..وشعرها كان قمة بالروعه...صرت العب
بيدي فيه..ويدي الثانيه لازالت بخصرها...":ماراح ابعد
رغد"لمساته كهربتني...ونظراته حرقتني...تندمت اني لبست وعاندت
توقعته بيهاوش..ماتوقعت.."انصدمت":.............
سعود"قربت من شفتها.....وبستها...حاولت تقاوم وتبعد..بس ثبتها بيديني
الثنتين...":لاتحاولين بيصير يالي براسي بيصير
رغد"كنت مطمنه انه ماراح يصير..بس كنت منحرجه انه يعرف..":
سعود"حسيت برجفتها وهي بين يديني..صرت احرك يدي ع ظهرها
وهي ترجف وترتبك اكثر...ناظرت لتنورتها":يعني كل هالزين عشان
مشتاقه لي...قلتيها من اول ومن غير لف ودوران
رغد"طيرت..عيوني": انت وش جالس تقول
سعود"بابتسامه رفعت ضغطها": يالي اشوفه
رغد"سبيت نفسي يوم عاندت شوفوا وش يفكر فيه..حاولت ابعده..وانزل
الظاغط..بس شدني..وبعد يدي": لا لا هو راح ينزل ..يعني نازل نازل
رغد"بلعت ريقي..من نظراته": سعود..بعد
سعود"لصقت فيها كثر....وصرت ابوس خدها ..ثم خدها الثاني...وهي
تقاوم...صرت افتح ازرار بلوزتها..وابوسها....
رغد"خلاص ماعاد اتحمل...بعدته بقووة..وطنشت كل شئ": بعد انا
محرمه عليك
سعود"رافع حاجبه": خير خير!!
رغد"وانا افرك يديني": انا معذورة يعني ماتقدر تلمسني
سعود"ضنيتها لعبه ..وتحاول تخلص نفسها بس..":اضحكي ع نفسك
مهوب علي...
رغد" خفت يوم شفته جاي لعندي..بعدت بسرعه": والله العظيم اني
معذورة
سعود"بنظرات شك":اسمعي اللعب واللف والدوران اتركيه عنك
رغد: والله ماالف ولا ادور
سعود"للحين..مو مصدق":.....
رغد"شفت نظراته وعديم تصديقه...بس ماهمني...جيت بطلع...بس
منعني ..سحبني..ولصقت بصدره...":اقول لك معذورة
سعود"بخبث ومكر وبابتسامه": طيب
رغد"طيرت عيوني":...........
سعود"احسها فهمت غلط": لا بروح بالك بعيد..اووك معذورة..بس
مافي مانع انك تكونين بحضني.."وناظرني..من فوق لتحت..وغمز"
رغد"لعنت وسبيت فيه..وش يحس..قطع تفكيري..":..
سعود"ماعطيتها مجال ..تفكر بشئ..سحبتها..لعندي..":طيب دام
انه عاجبتس..تتخلعين قدام اهلتس..اكيد بيعجبك تجلسين من غيرشئ
عند رجلتس
رغد"انصدمت..طيرت عيوني..ماني مصدقه وش يقول":ايششش!!
سعود"بابتسامه":يالي سمعتيه
رغد"وللحين ماني مستوعبه":انت صاحي
سعود"رافع حاجبه":اخلصي يلا يالي قلت لك
رغد"جيت بطلع ..بس شدني ثانيه":بعد مستحيل اسوي يالي قلت
سعود"ماسك يدي": بتسوينه غصب طيب بتسوينه
رغد"بنرفزة": انت وش تبي توصل له
سعود"ببرود": ولا شئ بس انتي يالي جبتيه لنفسك وبعنادك
رغد"بلعت ريقي": .......
سعود: يلا ولا تبيني انا انزلهم
رغد"بعدت عنه يوم رفع يدينه": لا بعد وماراح انزلهم
سعود"توجه للباب..وقفل الباب..وحطه بجيبه..وجلس..":وهذي جلسه
ومنتي طالعه لحد ماتسوين يالي قلت..
رغد"تكتفت..":عادي بتفتح الباب غصب..يوم يجي ابوي يصحيك
للفجر..
سعود"بثقه": والله ثم والله هالباب ماراح ينفتح الا يوم تسوين يالي قلت لتس
ويوم يسال ابوك وربي لااقوله ..ليه انا قافلن عليتس..
رغد"طيرت عيوني من حلفه..واعرفه يوم يحلف ينفذه..دموعي تجمعت
بعيوني..وتندمت قد شعر راسي..اني عاندت..ابد ماتوقعت بيسوي كذا
توعته بيهاوش يمد يده..عشان يشوفه ابوي ...وماخليني ارجع معه
بس طلع اذكى مني....":تكفى سعود مالها داعي هالحركات
سعود"بغرور": علمي نفستس ..وانتي يالي جبتيه لنفسك ويلا عجلي
رغد"كنت واقفه..مرت ساعتين وانا ع نفس وقفتي..وهو جالس بصبر
ويناظر..انتبهت انه قرب اذان الفجر..وبينزل ابوي يصحيه..ياويلي
واكيد بيقوله لانه حلف..لا مااقدر اوجهه ابوي..يوم يقوله واكيد بيقول
لامي..ياربي وش سويت لنفسي...

سعود"كنت معجب ..بعنادها وعدم استسلمها..بس ماراح اعديها ...
ابكسر راسك...ومحدن بيروضك غيري..يامهرتي العزيزة...ناظرتها
بنظرات تحدي...وهي كانت تبادلني النظرة....بس يوم قرب الفجر..حسيت
انه بان الاستسلام عليها....اكتفيت اني اناظرها وماانزل عيني عنها...

رغد"استسلمت ماعاد في مجال ولا بنفضح وبيعرفون..كيف اتعامل معه
ومحد بيتهزء غيري..لاني مااسمع كلاامه ......

سعود"جبيت اوترها..وصرت اناظر بالساعه ..واناظرلها وابتسم..ع جنب
وهالشئ زاد توترها يالي بان من سرعه تنفسها.....

رغد"وباستسلام..وقل حيله..وبيدين راجفه..نزلتهم..وكنت طول الوقت
اناظر الارض..كنت واقفه بملابس الداخليه..ودمعتي سالت ع خدي

سعود"يوم شفت دمعتها ماقدرت انزل بنظري...مع انه من حقى,,
ومافي شئ يمنعني..بس دمعتها هزتني....قمت..وانا نظري..معلق..
بوجهها...مديت يدي..ومسحت دمعتها...وبست راسها.."وبهمس":البسي
ملابسك
رغد"تجمدت بمكاني يوم قرب..خفت..بس تفاجاءت..يوم باس راسي
ويوم جاني..باين انه ماجلس يناظر فيني..لاني ع طول نزلتهم..وهو قبالي
ع طول...رفعت..بنظري..له من دون مااحس..استغربت من نظرته
كانت غير..مو عناد..ولا نيه شر..كانت غير وعجزت افسرها...

سعود"انا نيتي..اكسر راسها..بس يوم شفت دمعتها وانكسرها ماقوى
قلبي شوفتها...مدري ليه..مع انه هذا كان مقصدي...نزلت شماغي..
وفتحته ع الاخر..وغطيتها..وحضنتها..هي ماقاومت..بالعكس صارت
تبكي..من غير صوت..شهقاتها..يالي كانت كل شوي تزيد...حضنتها
اكثر..وصرت امسح ع راسها..

رغد"مدري ليه استسلمت لحضنه...بكيت..وماحاولت اقاوم يوم شد
بحضنه لي...استجمعت نفسي...واخذت نفس عميق..وبعدت..عنه
لبست بسرعه...ومن غير مااتكلم او انطق بحرف..فتح لي الباب
طلعت بسرعه ع غرفتي..ورميت نفسي ع السرير..كملت بكي
احس اني مكتومه ومخنوقه...بكيت وبكيت..لحد مامل الدمع من عيني
قمت..ودخلت دورة المياه..وتروشت ..اخذت دش بارد وانا بملابسي
يمكن برودة المويه تطفي نار قلبي وانكساري...طلعت بعد ماجففت
نفسي..فتحت لاب توبي..وفتحت صفحه القران وصرت اقرا...حسيت
اني هديت..وارتحت...بعد ماخلصت جلست استغفر...وادعي ربي
يفرجها لي....

سعود"طلعت مع عمي ورائد..للصلاة..كانت صورتها مو فارقه خيالي
وهي مكسورة...تندمت كثير..بس هي يالي حدتني اسوي كذا...مدري
متى تترك عنادها...ياررررب...سهل امورنا يارب..والهمني الصبر
...توجهنا للبيت ...ونمت ع طول......
رغد"اخذت جوالي..وصرت اقلب بالصور..كنت صور وليد...
جوالي كان مليان صور له..كنت اناظرهم وانا فاقدته..مشتاقه له
بكل ماتعنيه الكلمه....تذكرت صديقتي غاليه...واتصلت وكنت
اتمنى تكون صاحيه...استغربت انه جوالها مفصول مره واحده..
معقوله غيرت رقمها..طيب ليه ماخبرتني...استغربت وقلقلت عليها
فكرت اتصل عليها..بس احراج واخاف ابوها ولا امه يردون...

صحيت الظهر ..غسلت وجهي..وفرشت اسناني..ونزلت تحت
سلمت ع امي يالي كانت بالمطبخ..ومعها جنى..وراجه راسها..
جنى"تركض لعندي":مامااااا وين رحتي
رغد"حضنتها": مارحت مكان
جنى: الا ليه مانمتي معي
رغد"بستها...ياحبي لها ماشاءالله عليها ماينقص عليها":لا نمت
بس يوم جيت انتي نايمه..وصحيت قبلك
جنى"ببرائه":صدق
رغد: ايه
جنى: ماما
رغد:عيون ماما
جنى:وين حويحد
رغد"ضحكت ع نطقها":ههههههههههههههه بالدوام
جنى:قولي له ابي حلاوة
رغد:ههههههههههه تكلمينه
جنى"تهز راسها":ايه
رغد"اتصلت عليه وعطيتها الجوال تهذر ع راسها..رحت لامي اسالها
عن غاليه": يمه اتصل ع غاليه مفصول جوالها وش صار
ام رائد: ايه يمه سالفتها سالفه...
رغد"بخوف": وش فيها
ام رائد: تطلقت
رغد"انصدمت":ايششش!!!ومتى!!!!

<<--يتبع



التوقيع:
signat
UoZa غير متواجد حالياً   رد مع اقتباس
قديم 18-06-2012, 05:49 PM   #15
عضو نشيط جدا
 

افتراضي رد: رواية انت غرامي وجنوني بدون ردود

(( الجزءالثالث عشر.....))

رغد"كنت متضايقه حيل ومالي مزاج..اروح مكان ولا اشوف حد بس
ابوي اليوم عزم عماتي وعمامي ع العشاء....كنت اجفف شعري من
بعد ماتروشت..رولته ورفعته بشبكه لحد مااخلص من الميك اب.....
حطيت لي ظل برونزي..وبني..فاتح..وكحلت عيني..وحطيت المسكره
وحطيت لي بودرة الخد ودري ع بني فاتح...والروج..والغلوس....
رحت البس....لبست فستان ...برونزي..ملفوف ع الخصر...وقصير
لتحت الركبه...ولبست البوت كان لونه بني ع لمعه...وكان طويل للساق
كلها ...تعطرت...وكنت مرتاحه انه جنى ماراح تحوسني لاني خلصت منها
بدري.....فتحت شعري..وكان ويفي..عجبني شكله بالحيل...القيت نظره
اخيره ..ونزلت تحت
ام رائد:وش هالزين وش هالحلا
رغد"ابتسمت": يعني من وين اخذته غير منك يالغاليه
ام رائد:ههههههههههه ايو العبي على
رغد:وش العب يازينة البنات انتي
ام رائد: الله يقطع شرك ع لسانك الحلو ..ماالوم سعود يوم اشوفه ميت عليك
روحي له يمه يبغاك
رغد"كشرت من طاريه..وتذكرت يالي صار امس..":متى هالكلام
ام رائد:تو اخوك يسال عنك ...يلا عجلي روحي شوفي وش يبي
رغد"وانا ماابي اشوف وجهه ابد..فكرت كيف اصرف":يمه للحين
ماخلصت قولي له مشغوله
ام رائد"بنظرات عتب": يمه هذا رجلك يعني وش بتنشغلين عنه في وش
اهم منه ..يلا ياقلبي روحي شوفيه
رغد"تنهدت": ان شاءالله
ام رائد: ايه ابي كذا الله يرضى عليك
رغد"توجهت للملحق..وانا ادعي ان رائد فيه..ماابي اكون معه لحالنا
بالغرفه...
سعود"ابدا ماعجبني تصرفي امس...حبيت اشوفها واعتذر منها..مهيب
من عوايدي الاعتذار..بس بالشئ هذا انا غلطان...تذكرته....
وليد"بتعب":سعود والي يرضى عليك اسمعني للاخر
سعود"بعصبيه": وش اسمع الله يهداك انت سامعن وش تقول
وليد"بصعوبه يبلع ريق": ايه يااخوك والحين خلني اكمل من غير ما
تقاطعني
سعود"اكتفيت اني اناظره بس":...........
وليد"وبصعوبه":انا ابي اتطمن ع بنتي وامها...ماابيهم من بعد عيني..
يضيعون..ابيك انت تصونهم..وتربي بنتي وتعاملها ع انها بنتك
سعود"يقاطعه": ان شاءالله محدن بيربيها غيرك انت..وان شاءالله
تبلغ فيها...
وليد"بابتسامه ضعف":اتمنى.... بس لانلعب ع نفسنا انت سمعت الطبيب
وش قال
سعود: طيب واذا قال..مافي حد يعلم بالغيب..وربي قادر ع كل شئ..انت
كل يالي عليك تتوكل ع الله ..وان شاءالله باذن الله بتطيب..وتصح
ولا كانه صار فيك شئ
وليد"يكح...بقوة..وبالحيل لقط انفاسه":..............
سعود"فز لعنده..وسند ظهره ومسك يده..ويحاول يحارب دمعته لاتنزل
حز بخاطره حال اخوه..يالي تغير بالحيل..صار..هيكل عظمي المرض
هد حيله..شعره اختفى عن راسع وحواجبه..وكل منطقه بجسمه...ومايقدر
يتكلم كلمه او كلمتين الا والاكسجين عليه...":ارتاح يااخوك الحين
وليد"ببحه":اذا تبيني ارتاح لاتاطعني
سعود"باسى":اسلم
وليد"يستجمع قوته":رغد وجنى امانه برقبتك...من بعد عيني امانه ياسعود
سعود"تو بيتكلم":..........
وليد"اشر بيده..ووقفه..وهو سكت":انا خايف عليها البنت طيبه واخاف
ماتلاي الي يفهمها..وخاف يجي غريب...ويهين ويرخص ببنتي ياسعود
سعود: ماعاش من يسويها وانا عايش
وليد:وشلون بتعرف اذا هي عند امها وانت بالقصيم ..وبتنشغل بعيالك
سعود:بعد عمرن طويل..لا قدر الله..البنت راح تكون عندي وانا بربيها
ومحدن بيطولها بشئ
وليد:وامها؟؟؟؟
سعود: امها تشوف حياتها..ويوم تبي تشوفها تبشر اجيبها لعندها
وليد"عاقد جبينه":وبتحرمها من بنتها!!!! انت تبي تذبحها!!!
سعود"مستغرب من نبرة اخوه":...............
وليد:امنتك الله ياسعود وباغلى ماعندك..انتبه انتبه تسويها...
سعود: اجل تبيني خلي رجالن غريب يربيها ويتكشف ع محارمنا
وليد: اكيد لا بس..يوم بتاخذ البنت راح تكون امها معها...سعود..بعد عيني
ماراح ارتاح الا وبنتي وامها ع ذمتك....
سعود"مو مستوعب طلب اخوه":منت صاحي يااخوي
وليد:وانت تشوف حالي ومرضي..مسخره لك
سعود"بسرعه": حشى والحشى عن الف يمين مهب انا يالي استهين
بالمرض ياخوك
وليد"مسك يد سعود..وعيونه غرقانه دموع":رغد ابيك تصونها..وماتقصر
عليها بشئ..ابيك تعاملها بما يرضي الله..وتتقبلها كزوجه..وتعاملها كزوجه
وتعيش معها كزوجه"كان يتطع مليون مره وهو ينطق هالكلام"
سعود"مطير عيونه...عمره ماتخيل او فكر انه يتزوجها..وياخذها حليله له.
وهي حرمة الغالي..":تكفى ياوليد ماله لزوم هالكلام
وليد"باصرار":له لزوم..ابي عيني تغمض وانا مرتاح..لاتحرمني الراحه
من بعد هالتعب كله يااخوي طلبتك
سعود"نزل راسه..وشد ع يد وليد":..............
وليد: اعرف رغد بتعاند..وانت عصبي..بس ابيك تعرف..انها مهرة
وربي مهرة..وتبي يالي يفهمها..عشان يعيش بهنا معها..لاتظن لانها
حضريه ..مهيب سنها..ترا وربي تسوى بنات عيلتنا..بالسنع والاصل
سعود":......................
وليد:هذي وصيتي لك يااخوي..رغد تكون حليله لك..باي طريقه..حتى
لو انجبرت...لاني اعرفك يااخوي..وبتقدر تكسبها..اعرفك صبور..
وبتتحملها

رغد"دخلت عليه وهو سرحان..دققت النظر...تجمدت بمكاني وانا مو
مصدقه..كانت دمعه نازله من عينه..وكانت دمعة حرقه...":احم احم
بغيت شئ
سعود"انتبهت لدخولها..وبشكل سريع.مسحت دمعتي": احم..ايه اجلسي
رغد"جلست ":تفضل
سعود"ناظرتها..كنت كل مره انبهر بزينها...بس ماعجبني لبسها...":يعني
ابي افهم انتي تعاندين ولا وش قصتس
رغد"اللهم طولك ياروح":سعود مشغوله وش بغيت
سعود"ماعجبتني نبرتها..بس طنشت": ايه بعد العزومه بنمشي
رغد"ضا صدري":ماشبعت من اهلي
سعود: لزوم نرجع انا بالحيل اخذت الاجازة هذي..وان شاءالله الجيات
اكثر..انتي زهبي الاغراض..ونازليهم
رغد"بقله حيله":ان شاءالله
سعود: ع الساعه 1 بنمشي
رغد"وقفت..وتو بمشي": طيب
سعود"بنبرة هاديه":وملابسك غيريها الله يرضى عليتس
رغد: ليه طيب..وش فيها
سعود:شوفي كيف مفصله جسمتس
رغد: طيب انا عند حريم مب عند رجال يوم تقول كذا
سعود: ولو وحتى لو حريم...يوم خاطرك بالملابس,,البسيها يوم تصيرين
بحالك...
رغد"استغربت من تفكيره..يعني اكشخ واناظر نفسي..استهبل بالله":سعود
انا متعوده ع كذا ..وغير كذا ..الكل كذا"كنت بقول وليد مارفض..بس
تراجعت ماابي اعصبه دامه هادي.."
سعود: هم حرين اما انا زوجتي ماابيها تلبس مثلهم تبين..البسي عندي يالي
تبين بس يوم تطلعين لا
رغد"ارتبكت يوم قال عنده...":.............
سعود: طيب يالله روحي غيري
رغد"استغربت من هدوئه..واسلوبه...ومن غير تفكير..":ليه تزوجتني..؟؟
سعود"تفاجات بسؤالها...كنت بقول لها وصيه وليد...بس تراجعت":ليه
هالسؤال
رغد"تفرك بيدينها":ابي اعرف..مو تول انك تكرهني وماتطيقني ليه..تجبر
نفسك..
سعود"ومن يقول اني مجبور...هذاك اول...":بعدين بتعرفين ..انتي روحي
غيري..ومع الايام بتعرفين..وراك عزومه الحين
رغد"باصرار": مو بل مااعرف
سعود:يهمك؟؟
رغد"بقله حيله..جلست ع الكنبه": انا تعبت ياسعود..تعبت من كل شئ
ابي ارتاح..دامنا محنا مرتاحين..وكل واحد ..يسبب للثاني الهم..ليه ما
نفترق..ونريح راسنها
سعود: الطلاق شيليه من بالك..بس شوفي
رغد"رفعت عيوني له": وش
سعود"يجلس قبالي":وش رايتس...بهدنه
رغد"عقدت حواجبي": كيف يعني
سعود: ابقولك وش سبب زواجي منك..بس بشرط
رغد: يالي هو
سعود: شرطي...انك تعطين زواجنا فرصه..نعيش هالفترة من غير
عناد..ولا رفع صوت..وعدم قله احترام لبعض
رغد"ماعجبني الكلام ووقفت": مستحييل اوافق
سعود"مسك يدي":ليه؟؟!!!
رغد"كنت خايفه اتكلم يتوحد فيني..ويطلع لي اشارات بوجهي":.......
سعود"شفتها نزلت عيونها..فهمت انها خايفه تتكلم..وبتشجيع":تكلمي
ولك مني مااردك ..ولا اعصب
رغد"بتشكيك": ليه وش تغير
سعود: انتي تطمني وتكلمي
رغد"بتوتر..وفت وصرت رايحه جايه..":امم بصراحه..انت تعرف اني
احب..وبحب اخوك الله يرحمه..ومستحيل..يكون غيره ..زوج لي
سعود"بهدوء":بس الحين انا رجلتس
رغد"نزلت نظري..وبصوت بان فيه حزني": بس مو برضاي
سعود"نظرتها هزتني..":...........
رغد: ليه نكذب ع بعض..انت جبرت نفسك على عشان تربي بنتي
وانا جبرت نفسي عشان اكون مع بنتي
سعود"كنت انتظرها تخلص ماابي اقاطعها...":..........
رغد"براحه": انا ماابي اخونه ياسعود...حسيت اني اموت مليون مره..
وانا معك...وكل تفكيري اني ماقدرت اصونه..ولا ابقى وفيه له
سعود"اعجبني..اخلاصها ووافائها...من جد ربيت ياعمي..":.........
رغد:انت منت قادر تفهمني ولا انا قادرة افهمك...وكل واحد فينا
يجرح الثاني..يوم بعد يوم..ماعاد اتحمل خلاص
سعود"بهدوء":خلصتي
رغد"تنهدت": ايه
سعود: واذا قلت لك انه هذي وصيه وليد
رغد"طيرت عيوني..وفز قلبي ع طاريه":مستحييييل!!!
سعود"بجديه": لا مب مستحيل...هذي وصيته
رغد:ايش!!
سعود: وصيته انك تكوني حليلتي زوجتي بمعنى الكلمه..واربي جنى
واعتبرها بنتي
رغد"منصدمه من يالي يقوله..معوله وليد يطلبه كذا..ويوصيه...بعدين
وش مصلحته يكذب..بس مو مصدقه..":متى..وليه؟؟
سعود"يتنهد": قبل اسبوع من وفاته..طلبني.. وتعرفين هذي وصيه
يعني مافيها لف ودوران وانا رجال اخاف ربي....ومااكذب بالوصيه
رغد"كنت واثقه انه مستحيل..يالف ويكذب..ع قسوته..ماانكر انه ملتزم
بصلاته ودينه..وماشي ع الدرب..وماعنده حركات المراهقه..للشباب
سعود"جلس قبالي ومسك يدي..": شوفي ع الاقل نحاول...ويوم نشوف
انه الطريق مسدود..اوعدك..انه كل واحد بيروح بطريقه..وبنتك بتكون
عندك
رغد"بعدم تصديق":اكيد
سعود: اكيد..بس مثل ماقلت لك نعطي انفسنا فرصه..بعيد عن المشاكل
ويكون الاحترام متبادل..ونتعامل كاي زوجين
رغد"ماكنت مرتاحه...بس يوم عرفت انها وصيه وليد..راح احساس الذنب
والخيانه شوي..حسيت كانه حمل وانزاح عن صدري...":.........
سعود: ماابي منك جواب الحين..فكري ع راحتك...بس اعرفي ماراح
يكون فيه طلاق..الا من بعد مانحاول..ونحاول..بصدق..مو لف ودوران
رغد"كنت اناظر عيونه..احاول اشوف اذا هو صادق ولا كاذب":....
سعود: يلا قومي الحين وانبسطي...وباخذ منك الجواب بكرا بعد
ماارجع من الدوام
رغد"وفت ويوم وصلت عند باب الملحق نادني":.......
سعود: رغد
رغد": هلا
سعود:لاتاخذيه ع انه امر..اعتبريه طلب
رغد: ايش
سعود: غيري ملابستس
رغد"ناظرت له بجمود": ان شاءالله
سعود: الله يرضى عليتس
رغد..مشيت ودخلت البيت ..وانا افكر بكلامه...

سعود"تعبت من حاله الحرب ...وماني متعود امد يدي ع حرمه...صحيح
اني مب متقبلها كزوجه لي..واخذتها من غير اقتناع...بس بالعقل ياسعود
وش عيبها...غير انها مو منا...متربيه..بنت اصل وفصل...ابوها الكل
يشهد له..هو واخوها..وكذالك امها.....اما الجمال...جمالن اشغل البال
وحير قلبي الشاعل..."اخذت نفس قوي"...ومشيت اخلص اشغالي

رغد"ودعت امي وابوي..وكنت متضايقه واصيح..للحين ماشبعت ..ولا
جلست معهم زين...جهزت اغراضي..ونزلهم رائد...طلعت من بعد
التوصيات من امي وابوي..ورائد..بعد...طلعت وانا حيلي مهدود ..من
التفكير...وخايفه وش تخبي لي الايام....صدمه..بحق صدمه..يوم عرفت
وصية وليد...للدرجه هذي انا رخيصه عندك ياوليد...تخطب لي وانت حي
وانا ع ذمتك...اآآآهـ ياوليد...

مشاعل"تطق الباب":يلا رغد قومي وجع اشتقت لتس
رغد"وانا للحين ماشبعت نوم..مانمت زين امس..طول الوقت بالسيارة..
افكر...بكلامه..واحسن مافي الموضوع انه كان ملتزم بالصمت..ومافاتحني
بالموضوع..ولا باي موضوع ثاني...سويت حالي نايمه..بس النوم جافاني
قمت بكسل...وفتحت لها الباب..ورجعت نمت..."...........
مشاعل"تنط ع السرير وبازعاج":قومي ماشبعتي نوم..حشى اكلتيه كله
رغد"وانا اسحب البطانيه منها":شعيل ووجع والله مانمت الا الساعه 9
الصباح
مشاعل"تسحبها ثاني":محدن قال لتس وش حادتس ع السهر..ولاتعذرين
بسعود..كان خامدن عند يالي ماتنطرى...
رغد"مارديت عليها":..............
مشاعل"تجي عند راسي وتلعب..بشعري بدفاشه":يلا رغود وقسم اشتقت
لتس حيل...والله هاليومين طفش وملل..لابعد الحدود
رغد"وانا حابه اقهرها":عندك مزنه
مشاعل"تخبطني بالمخده ع راسي":ياثقل دمك قومي بس خلينا نتغدا
ونسولف
رغد"والنوم طار خلاص":ياربي منك ..اللوحده ماتتهنى بنومها ابد
مشاعل"بابتسامه عبيطه": ابدا ابدا ..يلا فزي وتغسلي وانزلي تحت حتى
امي ولهانه عليتس..وع جنى
رغد"استغربت من جنى ماازعجتني..لفيت عليها الا وهي بسابع نومه
اول مره تنام هالنومه من بعد الكسر..كانت تصحى تبكي بين كل ربع ساعه
":اووك انا بقوم..وانتي صحيها بس بلا دفاشه البنت موجوعا خلقه
مشاعل"تطير عيونها":قصدتس انا دفشه
رغد"قمت ودخلت دورة المياه."اكرمكم الله":لا خيالك


ام راشد:وشلون امتس عساها بخير
رغد:ايه بخير خالتي وتسلم عليك
ام راشد:مير الله يسلمك ويسلمها..وش مسويه وش علومها
رغد:الحمدالله ..
جنى:ماما
رغد:هلا ماما
جنى:متى تديب يدي
رغد:ياعمري..بتطيب قريب ان شاءالله
جنى"بتضجر..لانها ماعاد تلعب مثل قبل..ومحبوسه وحركتها مراقبه":ابي
العب
رغد:وش تبين تلعبين
جنى"تاشر ع المراجيح":هدا
رغد:لا مايصلح حبيبتي بعد ماتطيبين تلعبين
ام راشد:يمه سعود يقول لتس ..تجهزي انتي ومشاعل وجنى ..بيمركم
رغد"باستغراب": ليه
ام راشد:والله مدري يايمه..هو قال خليهن يتجهزون
مشاعل"تنط"يابعد حيي ياخيي..حس بمعاناتي
رغد"لفيت عليها":وش معاناته
مشاعل:هذا الله يطول بعمرتس...مؤنتي خلصت
رغد:وش مؤنته
مشاعل: وش فيك هبله..حد مايعرف مؤنه شعوله..
رغد: لا مااعرفها وضحيها لي
مشاعل: هذي عبارة عن مجموعه شيبسات وكاكاوات ...وعصيرات والخ..
رغد:اها
مشاعل:وصلت المعلومه ..زين الحمدالله ..يلا فزي البسي عبايتك
رغد: لا روحي انتي مالي مزاج
مشاعل:اقول بلا سماجه وقومي...انا اليوم مبسوطه ولا تعكرين علي
رغد: كل هذا عشان بتشترين مؤنتك
مشاعل: لا بس هذا احد الاسباب"وتطق ابتسامه كرست"..من يوم
ماسافرتي..والمسعده مهيب هنا عند اهلها..وللحين مارجعت..فاقول
لتس قومي
رغد"ماابي اشوفه..اخاف يطلب من رد..وانا للحين محتارة...":خليها
مره ثانيه
مشاعل:تكفييين طلبتس لاتقولين لا ..وعشان بنتس بعد...شوفيها وشلون
ماله..وتبي تغير جو
رغد"كنت اسمع لجنى من بعد ماحمستها مشاعل":هلا حبيبتي
جنى:نروح نلعب ماما ابي ارروح
رغد"فكرت ...اكيد ماراح يجيب للموضوع طاري دام مشاعل معنا..بتردد
":اوك ..يلا بروح اغير ملابس جنى ..وبنزل عبايتي
مشاعل"تناديني من عند الدرج":رغدد
رغد"لفيت عليها":هلا
مشاعل:لاتلبسين بنطلون او جينز
رغد"عدت حواجبي":ليه
مشاعل:حكم القوى وش نسوي
رغد"فهمت انه سعود مب راضي": اها ..طيب

دخلنا ع السوبر ماركت...وانا ومشاعل مشينا لحالنا...وسعود شايل جنى
ورانا...مشاعل ماخلت نوع من الشيبسات مااخذته..وماتعرف هو زين ولا
وانا اضحك ع شكلها وكيف هي محتارة وش تاخذ ووش تخلي...بعد
ماعبت..العربيه..وتعبت ..الت انها خلصت....
رغد"استغربت وخفت يوم ناداني...":هلا
سعود"يسحبني بعيد شوي": احم ..انتي تستخدمين أي نوع
رغد"تمنيت الارض تنش وتبلعني ولا انحط بالموقف هذا...كان شايل
نوعين ويقول وش تبين بالاجنحه ولا بدون..ياويليييي":لا مايحتاج عندي
سعود"جات بتمشي ناديتها...الموضوع ماله داعي كل هالاحراج كله
وبالحيل..اختارت..واظن بعد مب يالي تستخدمه اشرت وبس عشان تروح
اصريت عليها تاخذ..يالي تبيه او أي شئ بخاطرها..بس ماقبلت..فاخذت
عربيه ع انها للجني..وصرت احط فيها أي شئ تعطي رايها فيها لمشاعل
طبعا يالي يعجبها بس..وكانت اغراض لها ولجنى...
كنت ابي اعرف وش رها ع يالي قلته لها..بس ماكان في مجال..كل شوي
مشاعل ناطه ..ولا جنى..تخرب...

رغد"قهرني يوم يطلعهم الدب...انحرجت بشكل ..مب صاحي والله
وصلنا البيت..وتو بنزل..الا
سعود"مسكت يدها":استني.."ولف ع مشاعل..":انزلي انتي وجنى
وحنا مشوار وراجعين
مشاعل:طيب والاغراض
سعود:وش فيتسم فجوعه بيجونتس لمكانك..مب متاخرين
مشاعل"تاخذ جنى":طيب
رغد"ماودي اروح معه لمكان":طيب انا بنزل وانت روح لمشوارك
سعود:سكري الباب ومحنا مطولين
رغد"سكرت الباب..ومشى..ماكنت عارفه وين بيروح...كنا ساكتين,,
بعد ..ربع ساعه وقف عند مطعم...توقعت انه بيطلب عشا
سعود"نزلت من السيارة":يلا انزلي
رغد"عقدت حواجبي":وين!!
سعود:وين يعني..يلا انزلي
رغد"نزلت ...دخلنا المطعم..وجلسنا بغرفه خاصه...طلب..هو من بعد
ماقلت له ..مب مشتهيه...طلب عصير..وكيك...
سعود"ومن غير مقدمات":اظن يومين كفايه للتفكير..وش توصلتي له
رغد"بلعت ريقي..":...........
سعود:ماالومتس لو ترددتي ..او حاسه بخوف..مافي حد يعرف وش مخبي
لنا بكرا...بس عشان تمشي الحياه لازم نتاقلم معها..ونتعايش معها
رغد"وانا منزله عيوني...":طيب بوافق بس بشرط
سعود"بجمود":يالي هو
رغد"وانا حاسه بخجل..ومب عارفه كيف انطقه":مم يعني..ماتقرب لي
وتكون علاقتنا عاديه
سعود"عاقد حواجبه":وشلون يعني
رغد"بتردد": يعني..تكون علاقتنا هاديه..نتفاهم ع كل شئ ..ومانتسرع
بالحكم قبل لانسمع وجهه نظر الثاني..وو...و
سعود:وو ايش
رغد:بس ...يعني...ماننام مع بعض ع نفس السرير..ولايكون بينا أي
احتكاك...
سعود"بعد تفكير.....":.............
رغد"شفت ملامحه جامده ..وماتبين ووش بيقول...":وش قلت
سعود:طبعا لا..حنا نبي نتاقلم ع بعض...ونبي يكون بينا تالف..وود
وسبحان الله...جعل هالطريقه...تقريب من الزوجين بما تكسبها من
حميميه..وتقرب...فلا بد منها...وغير كذا حنا متزوجين..مهب مخطوبين
وصار بينا يالي انتي رافضته الحين...يعني ماله داعي ولا لزوم...راح
تكون حياة..بتافاهم...وكل واحد يحترم الثاني ويسمع له وش قلتي

رغد"مو عارف ووش افكر فيه...بس مافيا لا الحل هذا لاني انا نفسي
تعبت..من الضرب والهواش...وحتى جنى صارت تتاثر..بكرا تكبر
وتفهم وش يالي يصير..ويسبب لها عقده بحياتها...":موافقه بس بشرط
سعود"بصبر":وش
رغد"تعطيني مهله الاسبوع هذا
سعود"بتفكير": ل كيالي تبينه...
رغد"لازم اسوي يالي ببالي":..اووك طيب من بعد مانخلص ممكن
توديني..المستشفى
سعود"بقلق":ليه فيك شئ
رغد"بارتباك":لا بس بطني شوي يالمني..وابيها توصف لي علاج له
سعود: ماله لزوم عندنا مسكنات بالبيت
رغد"بكذبه": لا انا متعوده ع كذا ومااحب اخذ شئ من غير وصف الطبيبه
سعود:ان شاءالله

رغد"الحمدالله قدرت اقنع هاني ادخل عليها لحالي..بحجه اني استحي..
وماراح اعرف اشرح لها وش ابي...ووش يوجعني..وهو بعدم رضى
وافق..وجلس ينتظرني برا
الدكتورة:ايو في ايه
رغد:ااا..انا ابغى تعطيني..موانع حمل..الصراحه انا جبت بنتي وتوها
صغيره..وابي انتظر شوي ع مااحمل ثاني
الدكتورة:طيب ممكن اسلك شويه اساله عشان اعرف ايه النوع يالي يناسبك
رغد:تفضلي

سالت اكثر من سؤال...وبعد عناء طويل اعطتني وعلمتني كيف الطريقه
وطلبت منها انها ماتول لسعود..وتحججت لها انه قاسي..ويبيني اجيب
ولد ورى ولد..والفت لها قصه طويله عريضه..وهي وافقت
رغد:تسلمين دكتورة
الدكتورة: ربنا يسلمك..ولما تخلص..راجعيني...
رغد: ان شاءالله

رغد"وقفت ودخلتها داخل بشنطتي...وخبيتها تمام...اخذت نفس وطلعت
سعود"شفتها طلعت وقفت ع طول":ها وش صار
رغد:لا الحمدالله الحين احسن
سعود:وين ورقه الدواء اروح اجيبه لتس
رغد"بارتباك"ها..لا مو لازم..اعطتني ابره..وقالت انه خلاص مو
زين ادمن عليه
سعود:اها...اجل ييالله مشينا

رغد"حمدت ربي عدت عليه..وصلت البيت..وصعدت بسرعه فوق..بحجه
اني ابي ادخل..دورة المياه..قفلت ع نفسي..وطلعت الحبوب..من شنطتي
واخذت علبه البروفيل..وفضيتها..وحطيت بداله..الحبوب هذي...
وخليت مكانها..معروف..وبالوجهه..عشان ابعد عنه الشك...

نزلت تحت..بعد ماغيرت ملابسي...استغربت من وجود الكل..حوالين
مشاعل..اكيد في شئ...جيت بصعد ثانيه..بس وقفتني خالتي.....


ام راشد:تعالي يايمه..وين رايحه
رغد:لا خلكم ع راحتكم ..انا بصعد فوق
ام راشد:اقولتس تعالي..منتي غريبه كنا نتكلم عن ملكة مشاعل..ان شاءالله
بعد اسبوع
رغد"رحت لها": صدق...الف مبروك حبيبتي"وحضنتها وهي كانت
متقطعه من الخجل..":
مشاعل:الله يبارك بعمرتس
ابو راشد:اسمع ياسعود
سعود:سم يبا
ابو راشد:عودك يسم..ابيك تتفرغ لاختك ..وتوديها ..عشان تتجهز ..
ولا تقصر عليها بشئ وانا ابوك..ومهرها ماينلمس..تخليه لها بحسابها
بالبنك
سعود:من غير قول يالغالي...وان شاءالله من بكرا..هي ورغد..بوصلهم
للسوق....
ابو راشد:ايه الله يرضى عليك
ام راشد:وين بتكون الملكه يابو راشد
ابو راشد: بتكون ..بمجلس الرجال..ثمن يجي هنا هو وسعود..عشان
يشوفها...وبعدها نتفق ع الزواج
رغد"كنت اناظر مشاعل مرتبكه...بالبدايه ضنيته خجل..بس اعرفها
في شئ ..مضايقها...انتظرت لحد ماخلص عمي الكلام..ومسكت يدها
واستاذنت منهم وصعدت معها ع غرفتي
رغد:مشاعل في شئ مضايقك
مشاعل"تناظر بالعدم":................
رغد"خفت ":مشاعل وش فيك قولي لي
مشاعل"فجاءة دخلت بنوبه بكي":..............
رغد"انهبلت وافكري صارت تودي وتجيب فيني":مشاعل والي يسلمك
تكلمي...لاتقلقيني عليك وش فيك
مشاعل"رمت نفسها بحضني وكملت بكي":...........
رغد"حضنتها وصرت امسح ع راسها واحاول اهديها":...ياقلبي
خلاص اهدي...
مشاعل"تتنهد...وتشاهق":.............
رغد"قمت وجبت لها كاسه مويه..وشربتها بنفسي":سمي بالله
مشاعل"بصوت مبحوح":بسم الله

رغد"انتظرت لحد ماهدت ...وتاكدت انها هدت ..":والحين ممكن
تقولين لي وش فيك
مشاعل"تناظر فيني..وتحاول تتكلم":رغد
رغد:ياحياتي وش فيك انا اختك ..لاتخبين شئ وش مضايقك...
مشاعل"رجعت لنوبه البكي مره ثانيه":...........
رغد"انا انفجعت...فكرت انها مجبورة ع الزواج..وماتبيه خلاص ..وخايفه
من رده فعل سعود..وعمي":مشاعل قولي لي..حد جابرك ع الزواج
مشاعل"مستسلمه..للبكي..":..........
رغد"بقل..صبر":يامشاعل تكلمي ..وربي صارت الافكار تلعب فيني لعب
مشاعل"بصعوبه تتكلم":مااابي اتزوج خلااااص

<<--يتبع



التوقيع:
signat
UoZa غير متواجد حالياً   رد مع اقتباس
قديم 18-06-2012, 05:50 PM   #16
عضو نشيط جدا
 

افتراضي رد: رواية انت غرامي وجنوني بدون ردود


((الجزء الرابع عشر))

رغد"انهبلت وشلون ماتبيه وتو تتكلم وابوها واخوها ..حددو كل شئ":
مشاعل ليه ماتكلمتي دامك ماتبينه ليه ساكته كل هالوقت
مشاعل"تحاول تتمالك نفسها":انا ابيه ...بس خلاص ماابي اتزوج
رغد"عقلي وقف عن التفكير مو فاهمه":وشلون تبينه وماتبين تتزوجينه
شعيل تكلمي مثل الناس ووجع
مشاعل:رغد...انا ابيه..وبصراحه حبيته
رغد:وشلون حبيتيه وانتي ماعمرك جلستي معه..وكل يالي فهمته منك
انك متعلقه فيه من الكلام يالي يوصلك عنه..
مشاعل:والكلام يالي وصلني عنه...خلاني اتخيله..تصرفه اسلوبه..وكل
شئ..احس اني اعرفه اكثر من نفسي
رغد"مدري ليه حسيت بانقباض قلبي":طيب ليه ماتبينه دامك تحبينه
مشاعل"تتنهد":هو بيرجع الاسبوع هذا بس
رغد:طيب واذا
مشاعل"تفرك يديها":وبيرجع ثانيه
رغد"وللحين مو فاهمه":طيب
مشاعل:وانا بروح معه
رغد"حسيت وكانه مويه بارد انكبت على":ايشش!!..من جدك انتي
مشاعل"تحارب الدمعه":ايه..ولاتظنين اني ماابيه ..بس ماابي فراقكم
صحيح حنا عوايدنا انه مانجلس معه ولا نكلمه..بس ع الاقل نكون بين
اهلنا وناسنا..بس انا لا راح اكون بعيده عنكم الاف الاميال...يعني غربه
وانسان جديد بحياتي..هذا كل الي خوفني....وللحين خايفه
رغد"حزنت لاني بفقدها...وبتبعد عني بعد ماتعودت عليها...":طيب حبيبتي
انتي استخيري ..واذا حسيتي براحه ..كملي..واذا لا اجلسي مع سعود و
مااظن بيجبرك
مشاعل: رغد البنت لولد عمها..والموافقه خذوها وعطو كلمتهم ....
ومايتراجعون عنها...لاتخافين رغود..اظن كل الحكايه خوف من فراقاكم
بس
رغد"ابتسمت لها":من الحين تدلعين انتي ووجهك ...هههههههههههه
مشاعل"تبتسم":يحق لي مب عروس
رغد"حضنتها":واحلى عروس..طيب ياقلبي الحين نامي بكرا وراك تفرفر
وراح تطيح رجولنا الله يعينا عليك
مشاعل:طيب ...تصبحين ع خير
رغد:وانتي من اهل الخير....

مر الاسبوع بسرعه..وهلكنا وحنا ندور بالاسواق ...ولحد ماحصلنا فستان
لمشاعل..دخل مزاجها...واخذنا الاشياء المهمه ..ومزون..وغزلان جاو
معنا وساعدونا....وخلصنا ع خير......

رغد:شعيل ووجع اهجدي خليها تعرف تسوي شغلها
مشاعل"تحوس ومطلعه عيون الكوافير":ماتشوفينها وش تسوي مع هالعده
يالي ماسكتها..وربي شكلها داخله ع عمليه جراحيه مهيب بتزين..
رغد"خبطتها ع كتفها":شعيل ووجع تو خالتي متصله تقول عجلوا
مشاعل"كشرت":ايه مهيب انتي يالي تحوس بوجهتس ..لو انتي ماسكتي
لها
رغد:هههههههههههههههههههههه خبله يلا بس خليها تخلص
مشاعل:طيب

خلصت مشاعل..وماشاءالله تبارك الله..كانت جميله ..بفستانها السكري
والمطرز بالذهبي..النافش....وتسريحه شعرها الملكيه...والميك اب الدخاني

رغد"وانا ابخرها بالبخور":ماشاءالله عليك يادبه بينهبل مشعل اكيد
مشاعل"بخوف وحيا":تظنين صدق ..بعجبه
رغد:اكيييد وش فيك ماينعجب..اقول اتركي الوسواس عنك..ويلا نزلنا
مشاعل"تاخذ نفس طويل":يلا
رغد"كنت لابسه ..فستان عودي..حرير...مخصر من عند الصدر ووسيع
..وشعري..سويت فيه التسريحه الغجريه....والميك اب ناعم عكس لون
فستاني الغامق...نزلت بعبايتي..لانه مشاعل تبيني معها وت التلبيس..
ولانه بيكون بالمقلط..بين امه وخواته..وخالتي وبناتها...والحريم بس
بيشوفونها بعد التلبيس................................

مشاعل"مرتبكه وخايفه":رغد بررررد
رغد"ياحياتي ":من التوتر اصبري يدخل تموتين حر
مشاعل"تمسك يدي وتحطها ع صدرها":شوفي قلبي وش صايرن له..احس
شوي وبيطلع من مكانه
رغد:هههههههههههههههه عادي حبيبتي ..بس انتي حاولي تهدى
ام حامد: يلا تغطوا ياحريم بيدخل ....
الكل تغطى ماعادا امه وخواته...شوي وحنا نترقب الباب بان ظله ...ثم
ثوبه...وامه وخواته متجمعين عليه ويبارككون له..صوته كان حاد..وهو
يرد عليهم...شوي وبانت ملامحه...كان عادي جدا..ولا شئ يميز وجهه
استغربت عدم وجود أي شارب او لحيه بوجهه حتى لو خفيفه...تقدم
لعند مشاعل وهي منزله راسها":الف مبروك
مشاعل"بارتباك":الله يبارك بعمرك
مشعل"ماسك يدها":وش علومتس
مشاعل: بخير وانت
مشعل:الحمدالله
لبسها الدبله والشبكه...وقصو الكيك...وشوي وطلع..مدري ...ماارتحت لها
مولانه..شين او سئ الاخلاق...بس مدري ..ماني قادره احدد وش الشئ
يالي مو مريحني....دخلت مشاعل...ع الحريم..وسلمو عليها..ورقصنا
وتعشينا...والحريم يتعشون اخذت صحن..وحطيت مقبلات ..واشياء
خفيفه ..واخذتها لمشاعل لاني اعرفها مهيب ماكله شئ...وغصبتها تاكل
وهي مو مشتهيه.....شوي الا جات ام حامد..تقول لنا نجهز مشاعل...
صعدنا فوق...وغيرت فستانها النافش..ولبست فستان احمر..مظبوط
ع جسمها وكرستالات من فوقه لتحته...لبست عبايتها...ونزلنا اغراضها
وبدت نوبه البكي...وانا احاول اهديها عشان لاتخرب مكياجها..بس لا
حياة لمن تنادي...ماالومها...كلها يومين وماعاد نشوفها الا لمن يخلص
زوجها..او بحالات نادرة...سلمت عليها..وحاولت ماابكي ..وازيدها
رغد:خلاص يادبه بتصرعين الرجال
مشاعل"تمسح دموعها":رغد ولي لسعود..ماابي اروح الحين..لما
يسافر ابروح معه
رغد"مسكت يدها":حبيبتي لا الحين عشان يمديك تتاقلمين معه وقت السفر
مشاعل":.........................
رغد"حضنتها":بلا دلع وان شاءالله بكرا نشوفك..وش بكرا دخلنا ع اليوم
الثاني كلها كم ساعه ونشوفك


صعدت ع الجناح وانا متكسرة..ابي اتروش وانااام..احس صار لي سنه
مانمت..والحمدالله خالتي ماقصرت..مسكت جنى طول الوقت ..واستغربت
انها خلتها عندها تنام...شغلت الانوار..تجمدت بمكاني...وشلون نسيت
ياربي...اليوم ...هو...ناظرته ..وهو جالس ع الكنبه ويقلب بالقنوات ..
تقدمت ع الدولاب ..ومن غير مااناظره..باخذ لي غيار..
سعود"شفتها كيف ارتبكت يوم شافتني شكلها نست اتفاقنا...وقفت ومشيت
لعندها...حسيت بتوترها كل ماقربت كثر...":وش تسوين
رغد"وانا للحين معطته ظهري":بطلع لي جلابيه ..عشان بتروش..واغير
سعود"لفيتها لوجهي..وهي نزلت عيونها..جلست اتاملها...ماشاءالله وسبحان
من صورها...بس ماعجبني يالي مسويته بشعرها..احب الشعر طايح ومن
غير خرابيط..وخاصه عليها..":لاحقه ع التروش تعالي اجلسي معي
رغد"مشيت معه...ومدري كيف اوصف احساسي..ووش احس فيه":طيب
سعود"جلست ع الكنبه..وهي جلست بس بعيد شوي..":قربي
رغد"بلعت ريقي": لا كذا مرتاحه
سعود"قربت انا وشوي واخليها تجلس بحضني..كنت بضحك ع شكلها يوم
قربت كذا..كان ودها تتكلم وتقول بعد..بس مسكت لسانها":ليه مسويتن كذا
بششعرتس
رغد"كنت مرتبكه من قربه...ومو قادرة اتنفس...وش بقى...جلسني بحضنه
اصرف..احس انه..سحب كل الاوكسجين":عجبتني التسريح هوسويتها
سعود"يحرك يده ع التسريحه":مرتن ثانيه لاتسوين كذا بشعرتس..مااحب
كذا
رغد"سكت":................................
سعود"مسكت وجهها بيدي..وحسيتها نفضت شوي..":وش فيتس
رغد: هاهـ ولا شئ
سعود"منزله عيونها...وماخلتني اكحل عيوني فيهم":ناظريني
رغد"كنت افرك يديني":............
سعود"ملاحظ توترها":ناظريني
رغد"رفعت نظري له وتقابلت عيوني وعيونه":..............
سعود"علقتني بنظراتها....وكل شوي تبلع ريقها وتعض ع شفايفها من
الارتباك...والتوتر...قربت لحد ماصارت انفاسها بانفاسي...حاوطتها
بيدني وقربتها مني..دقات قلبها..سريعه...ورجفتها..يالي باين انها مو تمثيل
وكانها عروس بليله دخلتها...حياها..مااقدر اقاومه ابد..بالوقت هذا احس
اني ملكتها..لانه ماتقدر ترد او تعاند..غمضت عيونها...يوم بستها...
رغد"تذكرت ...وشلون اصرفه ...حاولت افك نفسي منه..":سعود شوي
بس
سعود:همم
رغد"بخجل..من الوضع يالي انا فيه":شوي بس ..بروح دورة المياه
سعود"يفك عني":طيب لاتتاخرين
رغد"قمت بسرعه ..ودخلت ...قفت الباب وانا اجمع انفاسي...ع انه مو
اول مره يقرب لي...بس مدري ليه يربكني..ومااقدر استجمع قوتي..
احس اني مثل اللعبه بين يدينه ولمساته..تذكرت وليد..وكيف كان
الوضع عادي بالنسبه..لي..كان فيه خجل..بس مب مثل الحين..والربكه
والخوف....هيبته ...تربكني...اخذت الحبه...وبلعتها من غير مويه..
ماودي اطلع...بس ...
سعود"شفت الباب انفتح..سحبتها ع طول ماعطيتها مجال تتكلم.."....
رغد"صحيت...وللحين ماشبعت نوم..بس طريقه نومتي صحتني غصب
كنت للحين بحضنه...وهو محاوطني بيدينه...وجهي صار علبة الوان
جيت بقوم...بس حسيت فيه شدني...وشوي الا هو قايم..ووجهي بوجهه
انا ع ظهري..وهو مجلس شوي...
سعود"اناظر وجهها..وعلامات الخجل باينه":صباحيه مباركه ياعروس
رغد"كل الدم تجمع بوجهي...ماتوقعتها منه...وكان يبتسم..فهيت":........
سعود"شكلها يضحك...شكلها اول مره تشوفني اضحك":وش فيتس
رغد"حسيتا ني هبله...بس ابتسامته علقتني...": ولا شئ..بس
سعود"حاط يده ع المخده ومتسند عليها...ويده الثانيه عند خصري..":وش
رغد: ابي اقوم
سعود:بدري ع القومه
رغد"وانا ادور عذر":لا عشان يمديك بعد..تتروش وتلح ع صلاة الظهر
سعود"ناظرت الساعه..كانت 10 ونص..باقي كثير ع الصلاة..وعرفت
انها تصرف..تركتها تقوم ماضغطت عليها..عشان مااضايقها....
رغد"سحبت نفس ع السريع من غير مااناظره..حتى ملابس مااخذت
لي...تروشت....واخذت الروب..ع امل انه يكون نام..تسحبت بشويش
وفتحت الدورلاب من غير مااناظره...شوي الا المنشفه يالي ع راسي
انشالت وبقوة...لفيت بسرعه الا هو قبالي...بلعت ريقي":...........
سعود"احب شعرها ..واحبه ع طبيعته...كنت منسدح ع السرير انتظرها
تطلع...وشفتها بالروب...يالي لحد ركبتها...وكيف شكلها صاير..والروب
مطلعها صغيرة بالحيل...رحت ع طول لها...احب اشوفها اشوفها مرتبكه
وخجلانه................
رغد"عرفت من نظرته وش يبي":سعود..مافي وقت بنتاخر
سعود"قربت منها لحد ماصار صدري بصدرها..وتنفسها يطلع وينزل
":نتاخر ع ايش
رغد:ع صباحيه اختك
سعود"ضحكت ع تصريفتها..":لا باقي خير ..تعالي بس...
رغد"فكيت نفسي..ودخلت دورة المياه...وهو ينادي علي ويضحك
سعود:اقول اطلعي ..والله منتي نازلتن لهم لحد ماتطلعين
رغد:عادي مب لازم وانت يالي بتتفشل ..بيجون الرجال وانت مانزلت
هم
سعود:هههههههههههههه عادي اطلعي بس
رغد"جلست ربع ساعه ومافي صوت له...فتحته بشويش..وطلعت راسي
بس...وماحسيت الا بيده تفتح الباب وتسحبني
سعود"حاوطتها من خصرها وقربتها لي.":لاتحاولين ..ويالي براسي بسويه
رغد"كانت يديني ع صدره..وهو محاوطني..وصرت ارمش بعيوني":...
سعود"فهيت ع عيونها..":وتبيني افكك بعد..اقول يلا لاتاخريني بس
رغد"سحبني ..واحساس جديد انولدبداخلي مو عارفه افسره كيف.......


نزلت متاخره..لانه دخل يتروش قبلي..وطول ع ماطلع..وكان متفرغ
لابعد حد..يبي فطور..ويبي ويبي...نزلت الا شعوله معصبه على
ومتنفخه..وعيونها باين انها بكت كثير...مسكين يامشعل شكلها صجت
راسك وازعجتك بالبكي...بس وجهها ..مدري..احس الموضوع اكبر
من كذا...حضنتها":هلا والله بالعروس كيفك
مشاعل"مكشرة ومرتبكه ومعصبه":كان كملتي نومتس وش له تنزلين
رغد"استغربت من نبرتها..وعصبيتها ..بس عذرتها واكيد تمزح
وعروس":ههههههههههههههه والله مب كيفي وربي مهب كيفي
مشاعل"بجديه":طيب تعالي ابيتس
رغد:طيب بعد الغدا ميته جوع
مشاعل"تمسك يدي":لاحقتن عليه امي مير بتشيل لنا يعني ماتعرفينها
رغد"مشيت معها للغرفه":امريني وش فيك
مشاعل"تجلس وتفرك يدينها ومرتبكه":رغد
رغد"خفت ..اكيد في شئ صار":وش فيك
مشاعل"بكت ع طول ومن غير مقدمات..من شفتها وانا قلبي قرصني
وحاسه فيه شئ":رغد...بيطلقني .............
رغد"انصدمت":ليه ..وش فيه تكلمي!!!!
مشاعل"منهارة ...ورمت نفسها ع حضني.....":..............
رغد"كنت حاسه انه بيصير شئ الله يستر بس....":شعوله حبيبتي تكلمي
مشاعل"تحاول تستجمع نفسها": يقول اني ماني بنت"ورجعت بنوبه البكي"
رغد"طيرت عيوني...وصرخت":وشلووون ..وش تقولين انتي"ومسكتها
من كتوفها وهزيتها":تكلمي اتركي البكي عنك فهميني

مشعل"يفتح باب الجناح يالي اجره ":تفضلي ياعروس
مشاعل"بخجل...دخلت وراه":.................
مشعل"دخل بعدها ...وقفل الباب ..وشال البشت والشماغ وجلس ع الكنبه
يتفرج ع مشاعل وهي تفسخ عبايتها..عجبته وماتوقعها كذا...وهو يالي
ملى عينه بالشقر ..والعري...بس ماملى عينه غير بنت ديرته....ع انه
جمالها عادي...بس اهم شئ بالنسبه له تكون من عاداته وتقاليده...صحيح
يدرس برا..بس تفكيره..مازال شرقي ومتعصب...":ودك تتعشين
مشاعل"بخجل وتهز راسها":لا
مشعل"يمسك يدها":قومي افرجك ع باقي الجناح
مشاعل"قامت وراه..وهو يفرجها ويوريها كل شئ...بعدها دخلو ع
غرفه النوم..فرش مشعل السجاده وقال لي ادخل اتوضاء ..وهو دخل
بعدي...وقف قدام وانا وراه وصلينا ركعتيني...بعدها
حط يده اليمنى ع راسي وعا في قلبه الدعاء ا\لاتي:" اللهم اني اسالك خيرها وخير ما جلتها علي واعوذ بك

من شرها وشر ما جلتها علي"


وقلبها صار يدق طبول من سرعته...قفل الباب..ومشى
لعندها...ماعطاها مجال..تعترض او تبعد..صار يبوسها وهي استسلمت
وقبل ال ممممممممم........ " بسم الله اللهم جنبنا الشيطان وجنب الشيطان
مارزقتنا......... فمن دعا بها يرزقه الله طفل لا يضره ابدا

مشعل "بعصبيه وصراخ":تبين تلعبين على هاهـ"ويشد شعرها"مين
مين ياواطيه..من لعب عليتس..وداس ع شرفك..تكلمي
مشاعل"منصدمه..متالمه..خايفه..مو فاهمه شئ":.................
مشعل"بعصبيه":لاتظنين بدموعتس برحمتس ..والله لاوريتس تظنين
اني بسكت لتسع شانك بنت عمي,,ولا الي قاهرني عمي ووعياله يوم
غشوني فيتس...الله يلعنتس..."وصار يضرب فيها.من دون شعور..
مشاعل"ماني مستوعبه شئ ..وكاني بحلم ..وصحيت ع كابوس..وش
يصير ماني فاهمه شئ..كل يالي اشوفه..واحد غريب ومنهال على
بالاهانات والضرب..وانا مو فاهمه شئ ..وانتبهت لكلمه بعتي نفسك
...."بعت نفسي"..........ليه يعني انا"مو بنت": بس كيف ومافي مخلوق
لمسني...يارب رحمتك مو فاهمه شئ..واخاف اتكلم ويزيد ضربه..احس
اني جثه جسد بلا روح..الضرب موح اسه بالمه...كلمته يالي قالها وقفت
كل احساس..فيني.."حقيرة...واطيه...سافله..."اعدمت كل احساسي

مشعل"يحاول ياخذ نفس":والله لاوريتس واعلمتس من انا.......
مشاعل"متكورة ع نفسها وميته بكي":....................
مشعل"يتنفس بقووة ..وانفاسها وحرارتها..شوي وتحرق الجناح":اسمعيني
انا بستر عليتس...مو عشانك ولا عشان عمي الي ارخضني..واهاني
عشان الناس,,وحنا ناس لنا سمعتنا..بين القبايل..مب وحدتن مثلتس
تدنسها..."وتفل عليها"...وطلع من الغرفه

رغد"كنت مصدومه من الي اسمعه...ماني متخيله...معقوله مشاعل
..لا استغفر الله ياربي ..ماتسويها مستحيييل ....":وليه قال الكلام هذا
"وانا احاول ابين لها اني معها مو ضدها":
مشاعل"تبكي":والله مدري..بس اقسم لك بالله انه ماعمره حد لمسني..
غيره امس..وربي يارغد اني ماني فاهمتن شئ..اقسم بجلال الله محدن
لمسني... ولا عمري كانت لي علاقتن مع حد وربي..."وبكت"
رغد"حضنتها..وانا افكر..ليه طيب ..وش مصلحته يتبلى عليها..
عقلي توقف عن التفكير..وماني عارفه اتصرف...فجاءة..تذكرت موضوع
مر على بمنتدى ....وهي قصه وبعدها موضوع...ع طول قمت واتصلت
ع سعود..وطلبت منه يسحب مشعل..ويطلع للسيارة...وبصعوبه اقنعته
وطلبت من سعود ..يقول لمشعل يختار المستشفى يالي يبيه عشان مايقول
حنا مزورين..او شئ من القبيل..وكنت ادعي ربي يطلع الي ببالي صحيح
دخلنا المستشفى وسعود مو فاهم شئ..
سعود" بحيرة":وش صاير
رغد"باحراج": بتعرف بعد ماتخلص كشف
دخلت مشاعل..لغرفه الكشف مع الدكتورة بعد مافهمتها الوضع وطلبت من
مشعل يدخل....نص ساعه..طلعت مشاعل وحضنتني ..تبكي..بس هالمره
بكي..راحه..وسعادة...اثبتت له واكسرت عينه انها اشرف.منها مافيه
وسعود يالي محتار ومو فاهم شئ":الحين بتتكلمون ولا كيف
رغد"ماقدرت اقوله انحرجت":ادخل ع الدكتورة وهي تفهمك
سعود"ناظر مشعل الي منزل راسه ..ودخل ع طول":السلام عليكم
الدكتورة:وعليكم السلام
سعود:ابي اسالك بخصوص البنت يالي من شوي وش فيها
الدكتورة:مين حضرتك
سعود:اخوها
الدكتورة بعتب":ايه داه ايه الهمجي هدي..ازي تسمح له يعامل اختك
بالطريق دي....ياناس اتقوا الله.خافو ربنا..
سعود"مستغرب ومو فاهم شئ": وش صاير طيب
الدكتورة:للاسف الرجال يالي امنت اختك عليه ..ماصانهش..وشك فيها
وبشرفها..والمشكله انه متعلم..وفين برى..يعني المفروض..عندو خبرة
وثقافه اوسع من يالي توقعته منه ومن همجيته
سعود"عصب لانه للحين مافهم":بتتكلمين ولا شلون؟؟؟!!!
الدكتورة: الاخ الي برى ...ضرب اختك واهانها لانو كان مفتكر انها
مش عذراء!!!
سعود"وقف والدم متجمع بعروقه":ايش!!! يعني مشاعل مهيب بنت
الدكتورة"تدراكت الوضع وقبل لايعصب اكثر": لا اتطمن اختك بنت
ومافيهاش حاقه وسليمه
سعود:توك تقولين مهيب عذراء
الدكتورة:انا ماقولتش كده ..بقولك الاخ يالي برى مفتكر كذا
سعود:طيب ليه ظن كذا
الدكتورة:اظن انك انسان متعلم وعارف ايه غشاء البكارة وعارف انواعه
وبعد..الشرح فهم سعود وش تقصد الدكتورة ":





إلى الآباء والأمهات......ربوا أبناءكم تربية صحيحة...من قال أن غشاء البكارة هو دليل العذرية

( ألم يدقق في أخلاقها قبل الزواج؟؟؟؟ ألم يتزوجها لأخلاقها؟؟؟؟؟ أم أنه اختار فتاة من الشارع زوجة له؟؟؟؟؟

).......ومن قال أن النزيف لابد منه



وأحب أن أوضح حقائق هامة جدا لكل شاب مقبل على الزواج:



أولا:

ليس من الضروري...وأكرر ليس من الضروري النزيف

وأحيانا يكون الاضطراب والخوف عدم حدوث نزيف....



ثانيا:

كما في الحالة التي ذكرت في القصة أن هناك عدد من الأغشية التي لا تتمزق .ومنها المطاطي.....



ثالثا:

هناك أسباب عديدة لتوسع أو تمزق الغشاء .وسأذكر بعضا منها:

1- الرياضات العنيفة

2- ركوب الخيل وركوب الدراجة الهوائية أو الثابتة

3- السقوط من مكان مرتفع

4- الجلوس فجأة و بعنف

5- دش الحمام ( إذا كان مندفع بقوة قد يؤدي إلى تمزق الغشاء (
6



وغيرها من الأسباب.......التي تحدث غالبا في فترة الطفولة أو المراهقة, وقد لا تتذكرها الفتاة ...

....لذلك أدعو كل شاب أن يدقق في أخلاق زوجته قبل الزواج ويتأنى في الاختيار........

ولا يتهمها بالخيانة والفسوق لمجرد عدم رؤية دليل عذريتها!!!!!!!!!! الذي لا يعتبر دليل عذرية بالمرة


ـــــ التعليق :
لنتذكـّر قول رسول الله صلى الله عليه وسلم : [ تنكح المرأة لأربع :
لمالها ولجمالها ولحسبها ولدينها ، فاظفر بذات الدين تربت يداك ]

سعود"طلع ووجهه مايتفسر..وبنبرة جامده":يلا مشينا
مشينا ..ومعنا مشعل ...يالي لف عليه سعود"وبنظرة احتقار".":نعم
خير
مشعل"ارتبك من ردة فعل سعود": هاهـ وش فيك مو قلت مشينا
سعود"وهو يحاول يمسك نفسه":ايه قلتها..بس منت معني...وبعد عن
وجهي دام النفس عليك طيبه
مشعل"يبرر": سعود فهمني وحط نفسك بمحلي..وش راح تسوي
سعود"ولا ناظره": يلا مشاعل ..قدامي
مشاعل"متمسكه فيني ..ومشينا":يلا حبيبتي
مشعل"يناديها":مشاعل
مشاعل"رصت ع يدي وسفهته..وكملت مشي":.......................

وصلنا البيت ..وسعود ورانا ع طول...تو بندخل الا نادها ...":مشاعل
مشاعل"وقفت بخوف":سم ياخوي
سعود"يمشي لعندها ..ومن دون مقدمات حضنها":يابعدي حيي انتي ليه
ماجيتني..ليه ماقلت لي وانا اخذ بحقتس..وماخليت كرامتس تنهان..
مشاعل"وكانها حسة بطوق النجاة ارتمى لها وتمسكت فيه بكل قوتها":
كنت خايفه ..مب عارف وش اسوي ووش اقول ..
سعود"يمسح ع شعرها":خايفه من ايش
مشاعل"تحاول تكتم شهقاتها":خفت ماتصدقوني...
سعود"بعدها ...وكان ماسك كتوفها":انتي صاحيه...وربي ماصدقت
عليتس كلمة شينه..حتى لو يثبتونها لي...مشاعل انتي اختي وتربية
يدي...لو بشك فيتس بشك بنفسي
مشاعل"رمت نفسها ثاني بحضنه":الله لايحرمني منك ياخوي ياعزوتي
سعود"يبوس راسها": ولا منك يااغلى ناسي انتي
رغد"مسحت دموعي...الموقف هذا...غير نظرتي لسعود...من الانسان
الجامد...العصبي...المتخلف...للحنون..يالي قلبه كبير...خاصه لاخته
لو حد غيره..كان وقف بصف زوجها...وزاد الطين بله..شفت كيف
كان يحاول يخفي دمعته..ماتوقعته ابدا..ابدا كذا.................
سعود"يسحبها للمجلس...ونادني معها":وش سوا لتس
مشاعل"تشرب المويه يالي صبها لها":كيف يعني
سعود:مد يده عليتس
مشاعل"نزلت نظرها للارض":................
سعود:ردي على
مشاعل":........................
رغد"قهرتني بصمتها...وكيف خجلانه..من الي صار..ومع انه المفروض
ترفع راسها...": ايه مد يده..لا وجزاه ربي خير..ماضربها ع وجهها
بس وسم جسمها ..
سعود"يرص ع اسنانه": انا اوريه الواطي..انا اختي تنضرب..اختي
يالي ماعمر حد مد يده عليها..يجي هو ويسويها ويهينها ويظلمها

رغد"تخيلت سعود باللحظه هذي اخوي رائد..مستحيل بيخليني

اجلس عنده دقيقه وحده لو عرف انه كان يمد يده على...باللحظه هذي
احتقرته...مهوب راضي ع اخته ويرضها ع بنات الناس....

سعود"لمحت نظرتها...حسيتها...مدري كيف افسرها..بس ماارتحت
للنظرة هذي...بس بعدين ابشوف وش قصتها..."طيب الحين روحي
وريحي...وكلي لك شئ...وكل يالي يرضيك بيصير
مشاعل"تقوم":ان شاءالله
سعود"يناديني":رغد لاتخلينها تنام..قبل مااتكلن شئ
رغد"باللحظه هذي كرهته وماني طايقه صوته..وبنبرة جامده واحاول
اخفى استحقاري له":ان شاءالله.....

صعدت انا ومشاعل...وطلعت لها غيار ..وهي دخلت تروش..ويوم طلعت
كنت مجهزة لها خفايف وكمادات لظهرها..بالحيل غصبتها تاكل..وبعدها
انسدحت ...وباين انها تصيح..وتبي تخفي عني ..بس شهقاتها ...فضحتها
دعيت لها من كل قلبي...ان ربي ..يفرج همها ويسهل امورها.......


<<--يتبع



التوقيع:
signat
UoZa غير متواجد حالياً   رد مع اقتباس
قديم 18-06-2012, 05:50 PM   #17
عضو نشيط جدا
 

افتراضي رد: رواية انت غرامي وجنوني بدون ردود

((الجزء الخامس عشر))

مر الاسبوع...ومشاعل.رجعت مع زوجها بعد ماحذره سعود ان مد يده
عليها ثاني مايلوم الا نفسه..وخفى الموضوع ..عن الكل ...ومارضت
مشاعل..ترجع له الا من بعد ماتعذر منها وحب ع راسها...وحلف
انه مايمد يده عليها ثانيه..وانه بيصونها..مشاعل..رجعت له مو حبا فيه
بس خوف من كلام الناس الي مايرحم..وانا حاولت معها واقنعتها انها
تعطيه فرصه ثانيه...بس قبل تطلع عيونه...واذا حست انها مو قادره تكمل
معه ..وعدها سعود انه يوقف معها..وهذا طمني بالحييل.....

سعاد:هدي يامزنه مهيب نافعتس..يوم يصير لتس شئ
مزنه"منقهرة":اكرهها ..حلمي اصحى من نومتي ومالاقيها واعرف انه
طلقها
سعاد:باذن الله بيطلقها يااختي بس انتي اهدى
مزنه:وشلون وشلون ...وهو باين انه ميتن عليها..ومو معبرني
سعاد:ليه هو مايعدل بينكم
مزنه:الا ليله لي وليلتن لها...بس مااحسه موجود معي ..طول الوقت
واغلب الوقت يناديني باسمها...بموت قهر ياسعاد...وش اسوي
سعاد"بخبث ": طيب اسمعيني حاولي قدر ماتقدرين تكرهينه فيها
مزنه"تصرخ":وشلون انا لقيت شئ وماسويته...مافي شئ تسويه غلط
ماخذتن حذرها
سعاد:طيب هو وش يحب اكثر شئ فيها..يعني طبخها تصرفاتها..
مزنه:تبين الحق الكل مهوب هو بس يحب طبخها..مدري من وين جابت
السنع بالطباخ...
سعاد:طيب ياذكيه خربي عليها..خربي اكلها ..هو زي مايقولون قلب
الرجال كرشه..وانتي سدي هالطريق..يعني لازم اعلمتس الله يخلف
عليتس بس
مزنه:احلفي بس..بالله كفشوني..غير انها تطيح براسي
سعاد:ياخبله..لاحد يحس بك وانتي تخربين او يشوفك بالمطبخ بيومها
وبعدين مشاعل طست يعني محدن حولتس ..خذي راحتس
مزنه"وعجبتها الفكرة":تهقين كذا
سعاد:ايه والا عندتس شئ ثاني
مزنه:بس الطباخ مايخليه يطلقها
سعاد:كل شئ يجي بالراحه..وخطوة خطوة لحد مانخليه يكره شئ اسمه
رغد
مزنه:ان شاءالله ياختي ..والله اني بموت ..والمشكله انها مهيب معبرته
وهو ميتن عليها..مهما يحاول ينكر ..او يخبي
سعاد:والله منتس ومن رداك ولا ليه ماتهتمين بنفستس هماله حالك
الرجال..وش يبي غير الحرمه يالي تتزين وكل يوم يشوفها بشكل ثاني
مزنه:والله انتس فاضيه انا حولي حول حمالي ولا هو
سعاد:مااقول الا الله يخلف عليتس..يلا ابسكر قبل لايجي الشايب
ويعطينا الموال المعتاد
مزنه:طيب وسلمي ع امي
سعاد:يوصل..ولا تنسين الي قلت لتس
مزنه:ان شاءالله...وبينا اتصال
سعاد:يالله مع السلامه
مزنه:مع السلامه

كنت جالسه بالصاله..مع خالتي..وجنى ومشعل..يتفرجون ع التلفزيون
وانا اكلم مشاعل...شوي الا نزلت مزنه..انا طنشتها..واحاول قد مااقدر
مااحتك فيها..لانه باين انها ناويه ع حركات الضراير...
مشاعل:لا للحين انا انام بالغرفه وهو بالصاله
رغد:طيب مااحتج ولا سوا سالفه
مشاعل:لا بس بان ع وجهه انه رافض ومعصب..بس مثل ماقلتي يحاول
يكسبني..ومايظغط على
رغد:طيب الاهم من هذا كله انتي وش حاسه فيه..يعني ارتحتي..معه
نسيتي
مشاعل:الي سواه يارغد شئ ماينسى بالسهوله هذي..هو اهني..وجرح
كرامتي وشرفي..
رغد:فاهمه عليك ياحياتي انتي..وماالومك..بس حنا وش اتفقنا عطيه فرصه
هذا انتي تشوفين حالي مع اخوك..وع الي سواه عطيته فرصه
مشاعل:مول انه اخوي بس يارغد..سعود مايعرفك ولا عرف رباك ..
بس مشعل انا بنت عمه..ويعرف كيف حياتي..المفروض مجرد التفكير
كذا مايفكر وشلون يوم يتهمني..ويضربني
رغد"حبيت انهي الاتصال لانه مزنه اذونها عندي..استغربت حركاتها
وكل شوي مناديه مشعل...بس مااهتميت....": المهم ياقلبي..انتبهي
لنفسك..وحاولي..انك ماتشدين اكثر من الازم لانك اول شئ بغربه
وغير كذا ماتعرفين وش عواقبها ومثل مايقولون للصبر حدود
مشاعل: لا لا شكلك بتقفلين
رغد:ههههههههههههههه يالبى الي فاهميني ياناس
مشاعل:لاتقولين الساحره فيه
رغد:هههههههههههههه ايه واذونها صحن ساتلايت موجه
مشاعل:ههههههههههههههه ابدا ماتجوز عن طبايعها هالادميه
انتبهت لدخول سعود..سلم وردينا السلام..وجلس عند خالتي..شفته
عقد حواجبه..وتكلم بنبرة امرحاده
سعود:قفلي الجوال
رغد"استغربت":اووك شعوله اخليك الحين
مشاعل:طيب فمان الله
رغد:فمان الكريم
لفيت عليه..واناظره بستفسار..وشفته معصب..وياشر ع التلفزيون
سعود"ويهز رجوله":ماشاءالله اشوف عاجبتس قلة الحيا..ولا تاركه
بنتس ووالولد يتفرجون..مهوب كافي وحده تبين تخربين العايله..وش
تحسين فيه..وش قلة الادب هذي!!!!!!!!!!!!
رغد"مو مستوعبه وش يقول ووش يخربط...ناظرت وين يده تاشر
انصدمت..كانت محطه اجنبيه..وفيه مشهد مهب زين وخاصه للاطفال
بس انا كنت حاطه ع ام بي سي 3..من غيرها...ناظرت مزنه يالي
تناظر بابتسامه انبساط..بس اكيد هي..بس وشلون ماحسيت عليها يوم
تاخذ الجهاز..ايه صح ولدها ..حسبي الله ونعم الوكيل..":انا ماحطيتها
سعود"ويحاول يمسك نفسه عشان خالتي": اجل من حطها خيالتس..مهب
الجهاز جنبتس...وبنتك جالسه تتفرج..وانتي منتي حاسه ..ولاهيه بالجوال
رغد"عصبت عليه ورديت وانا ماسكه نفسي عشان مااصرخ فيه":مثل
ماقلت ماكنت منتبهها..والمفروض مزنه يوم تشوف هالقناة تغيرها يوم
شافتني ماانتبهت...لانه مو بس بنتي يالي تتفرج حتى ولدك..وهو كبير
وفاهم..يوم جلس يغير بالقنوات
مشعل:يبه كذابه هي يالي حطتها مهوب انا
سعود"بصرخه خلته يجمد":قص بلسانك احترم خالتك يامال الوجع
مشعل"لصق بامه": اسف يبه
سعود"يناظرني بعصبيه":قومي حطي الغدا...الواحد جاي تعبان..ومايلاقي
الا المشاكل...استغفر الله بس
ام راشد"دايم يوم تشوف سعود كذا تلتزم الصمت...كانت تقول لي انه
طبعه مثل طبع عمي قبل":استهدي بالله يايمه..وقوم غير دامها تحط
الغدا
سعود"يقوم":ان شاءالله يمه

رغد"دخلت المطبخ وانا اتحسب ع مزنه..وحركاتها الي مالها داعي..
وجلست اجهز الغدا واتحلطم ع سعود..واقلد طريقته بالكلام
":قليلة الادب..مالت بس...وقت النوم يتمسكن ..واصير وش زيني
ووقت الجد جاهز بس يهزء..اففف بس

حطيت صينيه الغداء..وماجلست معه سد نفسي عسى ربي يسد نفسه
جلست..واخذت جنى بحضنى....ثواني بس الا وصرخ ثانيه
سعود"يطلع الاكل من فمه":وش انتي مسويه
رغد"علامات استفهام":..........
سعود"بعصبيه":تتعمدين يعني ولا مسويه انك ماتفهمين ..."وبصرخه"
انتي مسويه حلا ولا كبسه يامال الوجع..
رغد"وش يقول..ذا انا ذايقه الاكله كانت زينه وماعليها كلام ..شكله يبي
هوشه باي طريقه.."جاوبته..ببرود":تعوذ من ابليس..ولا تجلس تدور
المشاكل...
سعود"تظني اتبلى...وانا ارص ع اسناني": ادور هاهـ اقول تعالي ذوقي
اكلك وبتعرفين..
رغد"قمت ..مع اني مالي نفس..بس عشان اثبت له انه..نصاب..اخذت
ملعقه ومليتها شوي..!!!!!!!!وش هذا..طلعته ع طول...":وش ذا
سعود"بسخريه": لا اتبلى عليتس انا
رغد"كان الاكل حالي..ومليان سكر..بس وشلون انا متاكده ذقته وكان
زين..مو كذا..": بس انا ذقته من قبل..وكان زين ..
سعود: ايه يستهبل مثلتس...
رغد"ماعجبتني نبرته": يعني اكذب
سعود"قام وهو ماله مزاج للاخذ والعطا..":الحركات هذي اتركيها عنتس
وبعديها لانه مالي مزاج وراسي يوجعن..مدري متى تتسنعين وتتركين
عنك حركاتك هذي..."وصعد فوق"
رغد"كنت محتارة ...فكرت انه ممكن مزنه سوت كذا..بس شلون هي
ماقربت من المطبخ ابد...يمكن انا غلطانه..طيب وشلون انا ذقته..ليه
مابان...يارربي الحين بيظن اني تعمدت كذا وبيستقعد لي..اففف

مر علينا شهرين..ومافي اثقل منهم على..فقدت مشاعل حيل..وبان
مكانها..صحيح اكلمها يوميا بس مو مثل..يوم كانت بوجهي..بس يالي
ريحني..انه علاقتها وزوجها زانت...عن قبل..وصارت علاقته شبه
طبيعيه...وفرحنا يوم اتصلت ..تبشرنا انها حامل...
رغد"والفرحه مو سايعتني": الفففف الف مبروك ياقلبي...
مشاعل"بخجل":الله يبارك بعمرتس
رغد:ها وش كانت ردة فعله وفعلك
مشاعل"تضحك":اسكتي..جلست اصيح...من الفرحه..وهو مسكين ظن
اني ماابيه...بس هو فرح كثيررر ..
رغد:الله يدوم عليكم يارب..
مشاعل:تسلمين حبيبتي...

باركت لعمي وخالتي..وهم مبسوطين ع الاخر ..وباركت لسعود بعد
مزنه كانت جالسه..وباين عليها بترمي ..شئ ...
مزنه:اقول رغد
رغد"الله يستر": هلا
مزنه:كم صار لتس متزوجه
رغد"مافهمت وش قصدها": ليه هالسؤال
مزنه"وهي تحرك يدها ع بطنها": ابد بس للحين ماحملتي..."وتناظرسعود"
ولا تاخذين موانع ..ولا لاقدر الله فيك شئ
سعود"يالي كان يسولف مع عمي..ركز نظره على من بعد مابثت مزنه
سمها":......................
رغد"استغفر الله ياربي..وش تبي ذي":كل شئ بارادة ربي
مزنه: والنعم بالله..بس خبري..يوم حملتي بجنى..كنت تو مكمله شهر
بس الحين صار لتس مع سعود..فوق الست شهور..وللحين مابان شئ
اخاف انه فيك شئ روحي كشفي
رغد"كان ودي اذبحها ..ولا الي زاد الطين بلا انه الشيخ سعود يراقبني
": يصير خير ان شاءالله وبعدين ماني مستعجله..جنى للحين صغيره

قمت وماعطيتها مجال تكمل..شلت جنى..وصعدت لجناحي..وانا اتحلطم
ع مزنه..لمتى وانا ع الحال..معها ..انا متاكده انه هي يالي خربت الغدا
هذاك اليوم بس مااقدر اثبت هالكلام..صرت يوم اطبخ اشيل القدر..و
اصعد فيه فوق واقفل عليه بغرفتي...ولا كان للحين تخرب على
غيرت ملابس جنى..وجهزتها للنوم....
سعود"كلام مزنه..نبهني..ليه للحين ماحملت..وابليس ماقصر بوسوسته
معقوله تاخذ موانع..لا ماضنيت انها تتجراء وتسويها...ولا يمكن لازمها
علاج عشان تحمل ثانيه..لازم اوديها بكرا للمستشفى ابي اعرف وش سبب
تاخير حملها....صعدت لها فوق...وانا ابي اجابات لاسئلتي.........
رغد"كنت احاول انوم جنى ...وهي مو راضيه":يلا ترا بزعل عليك
جنى"تحوس بالعابها":ماابي ماابي ..مافيني نوم
رغد:خلاص زعلت عليك
جنى"تو بتجي لعندي..بس رجعت لعنادها": انا ماابيك ذعلت عليك
انتي كسلانه
رغد"طيرت عيوني ..": جنوي اشوف لسانك طال عيب
جنى"بعناد": انتي كسلانه..كلا تبيني انام.."وتمد لسانها"مافيني
مافيني.."وتركض بالغرفه":::::::::::
سعود"ضحكت ع لعب جنى..تعلقت بالبنت هذي بالحييل...خفة دمها
وحركاتها العفويه..تخلى الواحد غصب يحبها...دخلت والا جات تركض
لعندي":هلا هلا
جنى"طيران لحضنه":بابا ...بابا
رغد"حسيت ..باحساس مو عارفه كيف اوصفه..بنتي تقول بابا ولمين
لسعود...كنت بعترض واهاوشها..بس هي بزر مو فاهمه ليش..وبتسال
وبتقول وين ابوها..كنت اراقب جنى وهي بحضنها وتبوس فيه..ماتوقعت
انها بتتعلق فيه وبتحبه..كنت ملاحظه من قبل انها تحب تلعب معه وتجلس
معه ...بس ابدا ماتوقعت انها تفكره ابوها..وهو قهرني مااعترض
لا لا ..مستحيل اقبل..جنى مالها الا ابو واحد وبس..وليد هو ابوها
ولازم ابين لها...":::....................ز

سعود"شايل جنى":والحلوة وش عندها سهرانه ليه مانمتي للحين
جنى"بدلع":مافيني نوم
سعود:طيب واذا انا حطيتك بالسرير..ونمت جنبتس تنامين
جنى"بفرحه":ايه ايه يلا ننام كلنا
سعود"يناظرني": لا مانبيها بس انا وانتي صح
جنى"تشهق": لا ماما نبيها حلوة ماما
سعود:لا مب حلوة ..مانبيها
جنى"شوي وبتصيح": لا ماما حلوة ابيها انا
سعود"يحضنها": خلاص خلاص ماما حلوة ونبيها ..بس الحين ماما
مشغوله..ننام انا وانتي بس
جنى:بس ماما حلوة صح
سعود"يبوسها": أي حلوة يلا نام
جنى"تركض وتصعد ع السرير وتسدح..وتناديه ":يلا تعااااال
سعود"ينسدح جنبها..ربع ساع هالا جنى بسابع نومه..قام..وشالها
وحطها بسريرها....وجا لعندي وجلس..وانا جالسه اصفط الملابس.
بعد ماكويتها....":الا بسالتس
رغد"خفت من سؤاله": وش
سعود"بنظرات ماني فاهمتها":بكرا نبي نروح المستشفى
رغد"باستغراب": ليه
سعود:ولا شئ بس تكشفين وتشوفين وش سبب تاخرك بالحمل
رغد"جلست ادعى ع مزنه": لا ماله داعي وعادي التاخير
سعود: ايه عادي بس احسن عشان نتطمن
رغد"حاولت اغير رايه...بس ماقدرت...اليوم الثاني العصر الا وحنا
بالمستشفى...............

سويت تحاليل وفحوصات...وبعدها دخلنا ثاني ع الدكتورة وهو معي
خفت تقول انه سبب تاخري الموانع..بس الحمدالله ماعرفت ..وانا
قلت لها اني مااخذ يوم سالتني...
الدكتورة: انا ماشوفش سبب و عله للتاخير..بس كل الحكايه عوزلها
شويه وقت وان شاءالله هتحمل
سعود: يعني سليمه
الدكتورة: مي هميه

سعود"شكر الدكتورة وطلعنا وانا احمد ربي واشكره..ماانكشفت وانه
ماعرف اني اخذ الموانع...رجعنا البيت من بعد مارحنا للسوبر ماركت
واخذنا شويه اغراض لي ولجنى..ورجعنا البيت

مزنه "اخذتها فرصه يوم طلعت هي وسعود...وكانت سعاد عندي..
طلعنا ع جناحها ..وبدينا ندور ع أي شئ يفيدنا..
سعاد"تحوس بالتسريحه": فتحي عيونتس ...وانتبهي لاي شئ
أي شئحتى لو كان صغير..امكن يفيدنا
مزنه: طيب طيب رجيتني خلاص
جلسوا يدورن...ويحوسون بالغرفه...وياسو لانهم ماشافو شئ
يفيدهم...دخلت سعاد دورة المياه...ونادتها مزنه...
مزنه: وين رايحه يلا خلينا نطلع
سعاد:اصبري ابي اشوف...
مزنه"دخلت معها..وكانت متسنده ع الباب": وش بتلاقين هنا ..اخلصي
بس
سعاد"مطنشه..افتحت الصيدليه..وصارت تحوس...ومن غير ماتحس
طاحت علبة البروفيل وانفتحت وانكب يالي فيها...
مزنه"بعصبيه وجات تجمعهم": وش سويتي ووجع بتفضحينا انتي
سعاد: الي يوجعك ..هذا جزاي ادور لك شئ عشان تفتكين منها
مزنه: ومالقيتي الا الصيدليه .."وهي تجمع الحبوب"
سعاد"تناظر الحبوب ..وابتسمت بنصر": اصبري اصبري
مزنه: وش فيتس
سعاد"تاخذ الحبوب": تقولين سالتيها اذا تاخذ موانع ولا لا
مزنه"معصبه ع رواق اختها":فاضيه انتي ..يعني ماقلت لك
سعاد: ايه فاضيه ياهبله..الفاضيه لقت لك شئ ..وفيه تقدرين تتخلصين
منها
مزنه"مو مستوعبه": وش تقصدين ..وش لقيتي
سعاد: ناظري يالي بيدك
مزنه"ووللحين مو فاهمه": وش تكلمي من دون الالغاز
سعاد:هههههههههههههه والله قايلتن من زمان انتس مفهيه...ناظري
الحبوب هذول موانع حمل يالي بيدك
مزنه"مستغربه": موانع!!!!وانتي وش عرفتس فيهم؟؟؟؟
سعاد:نسيتي ياهبله يوم اروح للدكتورة ..وكانت الدورة معي مهيب
منتظمه..وعطتني اياهم عشان انظمها
مزنه"بابتسامه نصر": انتي متاكده
سعاد: ايه متاكده ..هم نفسهم يالي عندي..وبعدين ياخبله انتي ماتعرفين
البروفيل..بالله عليتس هذي شكلها
مزنه"تناظر فيهم": أي والله انتس صادقه
سعاد: وهذا هي طاحت ومحدن سمى عليها هههههههههههههههه
مزنه"بخبث": والله وطحتي بيدي يابنت الحضر..وطردتك ع يدي
اجل تستغفلينه...انا اوريتس.......
سعاد"بضحكه":بعدي والله اختي..هههههههههههههههههه
مزنه: افا عليتس...ان ماخليت سعود يرميها من شعرها
سعاد: وش بتسوين يعني
مزنه"ترجع الحبوب مكانهم": انا اعلمتس بس خلينا نطلع
سعاد: بتخلين الحبوب
مزنه: اكيد..ولا ناويه ع نفسي..
سعاد: اجل وشلون سعود بيعرف
مزنه"تمسك يد سعاد وتسحبها": خليها على وانا اختس
سعاد: طيب ههههههههههههههههههههههههه

رغد"دخلت البيت وهو راح عنده شغل...دخلت الصاله وماكان في احد
صعدت فوق..وفسخت العبايه...وجلست ارتب الاغراض الي شريناها
شوي الا الباب يندق......................
رغد:تفضل
مزنه: وين سعود
رغد: راح عنده كم مشوار وبيرجع
مزنه"بخيبه": اها
رغد"استغربت ..بس طنشت مالي خلق لحركاتها...طلعت وانا كملت
شغلي....

ع العشاء وكنا متجمعين...وانا حايسه مع جنى..يالي تلعب بالاكل
ومهيب ماكله ......................ز
ابو راشد: اقول ياسعود
سعود: سم يبا
ابو راشد: عدوك يسم... والله انه بخاطري نطلع للمزرعه
سعود: ولا يصير خاطرك الا طيب بكرا ان شاءالله نتجمع مع الاهل
ونروح
ام راشد: ايه والله من زمان عنها..علمي بها ايام..."لحظه صمت...كانت
بتقول ايام وليد الله يرحمه..بس وقفت بسبب حساسيه الموضوع":ايه خلونا
نروح ونغير جو
سعود: ان شاءالله ...جهزو حالكم وبعد صلاة الظهر نمشي
ابو راشد: ع خير ان شاءالله

صعدنا فوق ..انا وسعود وجنى..الليله ليلتي...بصراحه تاقلمت ع الوضع
من قبل كنت اشمئز واتقرف من وجوده..بس الحين لا مب معناه اني حبيته
لا للحين..حاسه بشويه كره وحقد ناحيته...بس بالاصح رضيت بالواقع
واقتنعت انه زوجي ...وانه له حقوقي على وواجبات...اذا كنت ابي رضا
ربي على...اللحظات الوحيده يالي احسه غير ..غير عن كل تصور ....
تصورته فيه ...يوم اكون بحضنه...يكون انسان حنون ..دافئ...احس
بالامان...وماودي ابعد عن حضنه..احساس عاتبت نفسي عليه يوم احسه
ماابي اتعلق فيه ..لانه حبى واخلاصي لوليد بس..واحسايسي بعد...
كنت سرحانه افكر...وماانتبهت الا بيديه ..تفك شعري..ويد ع خصري
شدني له...وصار ظهري لاصق بصدره...حسيت بانفاسه ..وصدره
وهو ينزل ويطلع....بس كنت محتارة من نفسي ..اني للحين مرتبكه
وخجلانه...منه ومن لمساته....لفني لوجهه...
سعود"يوم اكون معها كل يالي ابيه تكون بحضني وماتفارقه ابدا...
يمكن حبها تملكني... لا مو يمكن الا اكيد...بس مستحيل ابينه لها..هي
من غير شئ شايفه حالها..وماني قادرن عليها...انثتها تجذبني...عطرها
يخليني بحالة سكر...انسى العالم كله وهي بحضني..وتفكيري فيها
وبس..كنت اضحك يوم اقارنها بمزنه...والاقي النتيجه شاسعه بالفرق
ويكون النصر لها...ومزنه ولا شئ سوا انها من ثوبي ومن قبيلتي
وبنت عمي...مزنه مهيب شينه بس فعايلها...12 سنه عشتها معها
وماعمري...حسيت بالاحساس هذا تجاه مره...لاول مره احس اني عايش
مزنه انجبرت فيها..وواقع انفرض بحياتي..يوم تخرجت من ثانوي تزوجتها
لانها محيرة لي...ومارفضت لاني مااقدر اطلع من شور ابوي...تاقلمت
بالحياة معها..وربي رزقنا بمشعل..ومن بعدها ماقدرت تحمل...وانا
مااعترضت..لاني حسيت واحد وحمله ثقيل...وكان مربط ع رقبتي
واثبات انه مافي خلاص منها..ع اني ياما تشكيت منها لابوي وعمي
ع اطباعها وكل يالي انقال لي اصبر...مع الوقت تتسنع...وهي بجهها
والسنع بجهها....نفضت الافكار من راسي وركزت ع الي بين يديني
يالي حسستني اني عايش وحسستني باحاسيس عمري ماتصورتها
موجودة داخلي...ررفعت يدي ع وجهها..وصرت امشيها اتحسس فيه
ملامح وجهها....مررتها ع شعرها...ثم خدها وخشمها...ثم مبسمها
كانت ترجف بين يدي مثل الورقه...وهذا حيرني فيها ..معقوله للحين
ماتعودت على للحين....كانت منزل نظرها وترمش بعيونها..ماقدرت
اقاوم..وبستها بين عيونها..رموشها الطوال والكثيفه...تشكل اكبر لغز
بحياتي...رمشتها..تبين ارتباكها وخجلها...خجلها يالي كل ماله يذوبني

بس كان في شئ..مضايقني...انه دايم احسها بعالم ثاني...مهيب معي
واعرف وش تفكر فيه..ليه اضحك ع نفسي..هو عمره مافارق خيالها
هو حبيبها..يلي ملك قلبها..احيانا احسده..يوم انه ملك كل شئ فيها
بس انفض الافكار من راسي...

رغد"كنت متكهربه من لمساته...وحرارة يديه يالي تنتقل لجسمي
قربني اكثر واكثر لحد ماصارت انفاسي بانفاسه.....انفاسه تحرق
رقبتي...بحرارتها...غمضت عيوني..واستعديت للي جاي..بس
قطع.. علينا صوت جنى وهي تبكي..بالغرفه الثانيه...حسيت من ملامح
سعود..انه عصب..بس طنشت وبعدت عنه..وكنت بصراع..جزء مني
مايبي يبعد..لاني احس بالامان بحضنه..كنت اسب نفسي..لاني من النوع
يالي يحب الحضن.....كل الاحضان تختلف..وخاصه اذا كان حضن رجال
حضن الزوج غير..وخاصه اذا كان له هيبه...ويحسس بالامان والدفا
وجزء مني...يبي يبعد عنه باسرع مافيه..وينفر منه.....مشيت للغرفه
واخذ تجنى لحضني...شكلها حلمانه.....مسحت دموعها ..وجلست قرا
وانفخ عليها...وبصعوبه نامت لانها كانت خايفه....ماقمت يوم نامت
ع امل انه ينام...بس تفاجات يوم شفته واقف..وياشر لي اني احطها
بفراشها والحقه..... حطيتها وغطيتها بالبطانيه...وبستها...خليت الباب
مفتوح عشان اسمعها لو صحت ثانيه......


دخلت عليه...وهو جالس ع السرير...وقف ومشى لعندي....مسكني من
يدي...ومشاني...لحد ماوصلنا...جلس وجلسني جنبه ع السرير....
وتوه...بيوسني..من بعد ماكان حاضن وجهي بيديه... الا صوت الباب
ينطق... هالمره ماكبت عصبيته
سعود"الله يلع,,,, من الغثيث يالي جاي الحين
رغد"ضحكت ع شكله ": مدري

وقفت عشان ابشوف من ع الباب ..بس سحبني من يدي جلسني ثاني
سعود"ياشر باصبعه": اسكتي يوم مايشوفون حد يرد بيروحون
رغد: طيب يمكن حد يبي شئ او صاير شئ
سعود: مافيه الا الخير لاتوسوسين
رجع حضن وجهي...وقرب اكثر مني....باسني...الا رجع الباب ينطق
ثاني... قام بعصبيه وفتحه..........
سعود: نعممم
مزنه"خافت": ...............
سعود"عاقد حواجبه": خير وش فيتس في شئ
مزنه"بتمثيل":هاهـ ايه
سعود: وش الي ايه تبين شئ
مزنه"تحط يدها ع ظهرها": ايه والله انه ظهري ذبحني...من الوجع
سعود: تبين اوديك المستشفى
مزنه: ها لا لا
سعود"تكتف": اجل وش تبيني اسوي
مزنه"بارتباك" ولا شئ
سعود"بدى يعصب جد": اجل وش تبين جايه
مزنه"تبلع ريقها": ايه... جيت اشوف اذا عندكم مسكن للالم ولا شئ
يخفف على
سعود: بس انتي حامل وخطر عليتس مو أي حبوب تصلح
مزنه: والله انه ذابحني ولا كان ماجيت وازعجتك ياابو مشعل شوف
اسال ام جنى هقوتي عندها شئ..اذكر يوم كانت حاملن بجنى كانت
تتكلم عن شئ يريح ظهرها
سعود: مهبوله انتي شوفي من متى ..هالكلام
مزنه: ها ايه ..هي تتستخدمه للحين..يوم هذا
سعود: وش
مزنه: يوم يجيها العذر
سعود: اها"ولف على "رغد
رغد: هلا
سعود: وين الحبوب يالي تقول عنهم
رغد: بالصيدليه لحظه اجيبهم
سعود"مشى للصيدليه..": لا خليتس بس وشلون شكلهم
مزنه"تلحقه..وانا مافهمت ولا ضنيت انه وراها نيه...دخلت معه":.
سعود"يالي انتبه لها": نعم وش فيتس
مزنه: انا اعرف شكلهم
سعود"فتح الصيدليه": وينهم
مزنه"تسوي انها تدور...":هذا
سعود"ياشر": هذا
مزنه: ايه
سعود"اخذ العلبه..وفتحها وطلع حبه..ومدها لها..":سمي
مزنه"تاخذه ..وتسوي حالها منصدمه": وش ذا ياسعود
سعود"مستغرب": وش يالي وش ذا
مزنه: هذي موانع حمل مهيب الحبوب المسكنه
سعود"رفع حاجبه":ايشششششششش!!

<<--يتبع




التوقيع:
signat
UoZa غير متواجد حالياً   رد مع اقتباس
قديم 18-06-2012, 05:51 PM   #18
عضو نشيط جدا
 

افتراضي رد: رواية انت غرامي وجنوني بدون ردود

((الجزء السادس عشر))

مزنه"تراجعت ع ورى من خوفها من سعود": الله يهداك هدي
سعود"وعروقه بارزة برقبته من العصبيه..مسك كتف مزنه":انتي متاكده؟؟
مزنه"بخوف": اييه
سعود"رفع حاجبه": وش عرفتس فيهم ...تاخذين منهم
مزنه: لا لا لا والله العظيم اني مااقربهم بس اختي تعبت من قبل وعطوها
ياه تنظم هرموناتها
سعود"بتشكيك": طيب انقلعي ع غرفتس
مزنه"ماكان ودها تروح تبي تشوف وش بيصير":............
سعود"بصرخه":تسمعييييييييين
مزنه"بسرعه حطت رجلها وطلعت من الغرفه منظر سعود كان يخوف
بالحيل....
سعود"كان شياطين الانس والجن كلها تنطط فوق راسي...مشيت لعندها
وانا ودي اذبحها ....انا انا سعود تستغفلني بزر مثلها ..ولا مسويه ماتدري
وش القصه ومستعبطتني ..وخلتني اوديها الطبيب ..."
رغد"كنت جالسه امشط شعري..سمعت خطواته..وضنيته جاي يكمل يالي
قاطعته مزنه فيه...يوم رفعت نظري خفت من ملاحمه..ورصه ع اسنانه
وش صاير..وش قالت له مزنه...قلبي صار يدق بسرعه..الله يستر"......
سعود" قربت منها اكثر ...وانا اشد ع يدي..ماابي امدها ...رميت الحبوب
ع التسريحه...وشفت نظرة الصدمه ع وجهها وكيف جمدت..":وش هذا
رغد"وشلون...وش عرفه...اكيد مزنه..بس هي وش عرفها اني مخبيتهم
ا واني استخدم...عقلي وقف عن التفكير...نظراته وملامحه خوفتني
جمدتني بمكاني.........":............
سعود"وانا ارص ع اسناني...مسكتها من زندها ووقفتها بقوة قبالي":وش
هذا ياست رغد
رغد"بلعت ريقي...وصرت اقرا المعوذات وادعي ربي..":.........
سعود"وبصرخه":تستغفليني ...انا تستغفليني...وتاخذين الحبوب من وراي
والله العظيم اني ماسكن نفسي عن اذبحك..لولا اني حالف ماامد يدي عليتس
ولا كان ذبحك ماكفاني...."ومسك وجهي بيده بقووة"قولي ليه ليييييييه
رغد"مت خوف وبديت ابكي....":...........
سعود"شديت ع يدينها الثنتين ..وصرت اهز فيها": لاتظنين اني برحمتس
ولاا بعدي الموضوع يوم تنزلين دموع التماسيح هذي....... اخلصي
من متى تستخدمينهم وليييييه
رغد"مدري كيف جتني القوة ع الرد": لاني ماابي عيال منك ماااابي
سعود"كلمتها كانت مثل الخنجر يالي يطعن رجولتي...للدرجه هذي غرفانه
مني وماهي طايقه تشيل جزء مني...وتجيب لي ولد":.هو ع كيفك
ولا ع كيفك يوم تقررين انك ماتبين عيال ...هاهـ...جاوبي
رغد"بصراخ": ايه ع كيفي وش اسوي فيك اذا انت منت فاهم اني
مااطيقك ولا اطيق وجودك ولمسسساتك لي...كل يالي مشيت معك فيه
خوف من ربي...لانه هذي حقوقك ...ولا لو بكيفي ماخليتك تلمس شعره
"ورفعت يديني بوجهه" انا اتقرف منككك ومن لمساتك ...اتقرف منك يوم
تجبرني اشاركك النومه..اكرهك
سعود"كلامها طعنات وحده ورى الثانيه...بس حاولت اني مو مهتم":ومن
قال اني ميتن عليتس...اصحي لنفسك...مو معناه انا عشنا مثل أي زوجين
واني طلبت منك نجرب حبيتك..ولا بموت ع التراب يالي تمشين عليه
رغد"لفيت وجهي عنه..ابي اطلع من الغرفه ماابي اجلس معه بنفس المكان
..تو بوصل لعند الباب الا مسكني من يدي بقوة ..ولفني عليه"........
سعود"طلعتني من طوري يوم سفهتني وعطتني ظهرها..شديتها من يدها
وشديت ع شعرها": مليون مره قلت لتس ماتمشين عني يوم اكلمك سامعه
وانا الظاهر عطيتس وجه اكثر من اللزوم...بس اسمعي ..عيال وبتجيبين
غصب عن خشمك سامعه...واتفاقنا اعتبريه ملقي من اليوم...بتعيشين
مثل الجاريه عندي تلبين طلباتي ...وترضيني...ويوم تعارضيني ماينولك
الا التاديب.........
رغد" بعدت كل الخوف عني وناظرته بعيونه وكلي تحدي": تبطي لا انت
ولا عشرة من امثالك تجبرني ع شئ...ويوم تجبرني واحمل ..اقسم بالله
اني اذبحه ..واذبح نفسي ولا يكون داخلي شئ منك..انا اكررررررررهك
سعود"وبتحدي اكثر...ووجهه ملاص لوجهي": بتحملين يارغد..غصببن
عنك بتحملين...وبنشوف انا او انتي
رغد: ماراح احمل وماراح اسمح لك تقرب مني ...انا قلبي وروحي وكلي
لانسان واحد.."وااشر بيدي عليه من فوق لتحت":ومستحيل اشكالك
يملكوني...سامع...تبطييييييي
سعود"وعيونه تطاير شرار..من العصبيه..حسيت عروقه بتنفجر من
كثر بروزها برقبته وجبينه":.مهوب انا يالي يبطي يابنت الاصول
يالمتربيه...انتي يالي تبطين انه وحده مثلك تاثر على بكلامها او تحرك
شعرتن فيني....
رغد"وبنبرة مقاربه لنبرته": ولا انت تحرك فيني شعره.."وبطريقه
استفزازيه..." شوف ع كثر ماجبرتني وجيتني غصب عني..ولا مره
بالمرات هذي ...حسيت بشئ معك...كنت جامد جسد بلا روح..ولا شئ
سويته حسسني بانوثتي او بغريزة الحب والحميمه يالي كانت بيني وبين
وليد..."ضحكت"ههههههههههههههه انت ولا شئ ولاشئ هههههه
ومشكلتك ماخذن مقلب بحالك ..تدري كل مره تلمسني اتخيلك انه وليد
هو يالي قربي ..عشان اخفف من احساس القرف والغثيان يالي يجيني
من لمساتك واجبارك لي...مع انك ماتوصل لمواصيله.....
سعود"لهنا وبس ..وحلفاني ابكفر عنه...وبكل قوة عطيتها كف يبرد
النار يالي بقلبي من ضربتها يالي صوبتها ..جرحتني بالكلام..وجرحت
رجولتي...وكرامتي...وبينت لي اني والجدار واحد...استفزتني..يوم
رفعت راسها بغرور..وعناد وشموخ..وكانه مااثر الكف فيها..وكانها
تقول لو تضربني لبكرة ماراح اتراجع عن كلامي....شديت شعرها
وهي لازالت بنظراتها...كنت بكمل ضرب فيها...بس ماقدرررت
كنت ناوي اثبت لها اني رجال وغصبن عنها بس كلمتها وقفتني
رغد"بشموخ": والله اذبح نفسي لو تقرب...والي خلقني منت حاط
يدك على من بعد اليوم سااااامع
....."تركتها بقرف...وتوجهت للباب": بكرا ابوريك وش ثمن كلامك
يابنت الاصول........"وطلعت"
رغد" هو طلع من هنا وانا انهرت من هنا ...مو مستوعبه وش قلت
مو مستوعبه وشلون تصرفت ونطقت بالكلام هذا..ابدا مايجوز على
اني اجيب طاري وليد...او اقوله اني افكر فيه...انا للحين مستغربه
انه ماذبحني... وكيف انه اكتفى بالكف بس...يارب سامحني واغفر
لي... ياربي انا وش سويت وش سويت...والله وبتجيبين اجلك يارغد
بترمين نفسك بالهاويه...الله يستر الله يستر من الي جاي.....


بالليله هذي مدري كيف قدرت انام....صحيت الظهر وتروشت وصليت
وجلست اقرا القران...يوم خلصت نزلت تحت بعد ماحطيت لي كريم
اساس ومخفي العيوب عشان اخفى اثار الكف يالي جاني..شفت
خالتي مع عمي سلمت عليهم وسالتهم اذا للحين معزمين ع المزرعه
وقالوا ايه راح نروح...صعدت ثانيه..وجهزت اغراض لجنى بشنطتها
واغراض لي...ماكان لي خلق اقابل حد او اجلس مع حد وخاصه انه
مشاعل مهيب معي...كنت متضايقه بالحييل.. والدنيا ضايقه فيني

ركبت السيارة ..وكانو عمي وخالتي ومزنه وولدها والشغاله معنا
وهذا يالي خفف جو التوتر شوي...... بس حسيت بذنبي وشلون
كبير ووش كبر يالي سويته يوم سمعت شيخ يحدث عن حقوق الزوج
وواجباته وعن حكم يالي قلته لسعود وكانه حاس اني سويت شئ غلط
ولزوم ينبهني
كان في حرمه متصل ع الشيخ وحالتها مقاربه من حالتي... استمعت لها وانا كلي فضول لان
عارفه يالي اسويه غلط:
الشيخ :تفضلي يااختي

الحرمه السؤال :
أعاني من النفور والتقزز والسبب الرئيسي هو خلافي المتواصل مع زوجي حتى أني لا أطيق منه لمسة

وخوفي من الله يجعلني أستجيب له كلما دعاني وأبكي كلما صار بيننا اي اتصال

وجدت حلا في التفكير بشخص آخر غير موجود حقيقة حتى أنسى أني معه ونجحت

، لدرجة أن زوجي لا يشعر بشيء، ما الحكم الشرعي فيما أفعله مع العلم أني أفعله حفاظا على بيتي وعائلتي؟


الشيخ الفتوى كالتالي:

الفتوى

الحمد لله والصلاة والسلام على رسول الله وعلى آله وصحبه أما بعد:

فقد اختلف الفقهاء في الرجل يكون مع زوجته وهو يتخيل امرأة أخرى، وكذا المرأة التي تكون مع

زوجها وهي تتخيل رجلاً آخر:

فذهب الأكثر إلى أن ذلك حرام، وهو مذهب الحنفية والمالكية والحنابلة وبعض الشافعية،

بل عده بعضهم من الزنا، قال ابن الحاج المالكي: ويتعين عليه أن يتحفظ على نفسه بالفعل،

وفي غيره بالقول من هذه الخصلة القبيحة التي عمت بها البلوى في الغالب، وهي أن الرجل إذا رأى امرأة أعجبته،

وأتى أهله جعل بين عينيه تلك المرأة التي رآها، وهذا نوع من الزنا، لما قاله علماؤنا فيمن أخذ كوزاً من الماء

فصور بين عينيه أنه خمر يشربه، أن ذلك الماء يصير عليه حراماً، وهذا مما عمت به البلوى؛ حتى لقد قال لي

من أثق به: إنه استفتى في ذلك من ينسب إلى العلم، فأفتى بأن قال: إنه يؤجر على ذلك، وعلله بأن قال: إذا فعل


ذلك صان دينه، فإنا لله وإنا إليه راجعون على وجود الجهل والجهل بالجهل، وما ذكر لا يختص بالرجل وحده بل

المرأة داخلة فيه بل هو أشد، لأن الغالب عليها في هذا الزمان الخروج أو النظر، فإذا رأت من يعجبها تعلق

بخاطرها،

فعندما تكون مع زوجها، وجعلت تلك الصورة التي رأتها بين عينيها، فيكون كل واحد منهما في معنى الزاني

، نسأل الله العافية… انتهى المراد من كلام ابن الحاج من كتابه المدخل (2/195)

وقال ابن مفلح الحنبلي وقد ذكر ابن عقيل وجزم به في الرعاية الكبرى: أنه لو استحضر عند ما يكون مع

زوجته صورة أجنبية محرمة أنه يأثم.. ) انتهى من الآداب (1/98)

وقال ابن عابدين الحنفي -بعد ذكره كلام ابن حجر الهيتمي الشافعي- الآتي:
ولم أر من تعرض للمسالة عندنا (يعني الحنفية) وإنما قال في الدرر: إذا شرب الماء وغيره من المباحات

بلهو وطرب على هيئة الفسقة حرم، والأقرب لقواعد مذهبنا عدم الحلِّ، لأن تصور تلك الأجنبية بين يديه

يطؤها فيه تصوير مباشرة المعصية على هيئتها، فهو نظير مسألة الشرب، ثم رأيت صاحب تبيين المحارم

من علمائنا نقل عبارة ابن الحاج وأقرها. انتهى من حاشية ابن عابدين 6/372

أما الشافعية فالمعتمد عندهم هو جواز ذلك، قال ابن حجر الهيتمي في تحفة المحتاج: 7/205 فرع:

عندما يكون مع حليلته متفكراً في محاسن أجنبية خيل إليه أنه يكون معها فهل يحرم ذلك التفكر والتخيل؟

اختلف في ذلك جمع متأخرون بعد أن قالوا: إن المسألة ليست منقولة، فقال: جمع محققون كابن الفركاح و

ابن البزري و الرداد شارح الرشاد والسيوطي وغيرهم بحل ذلك، واقتضاه كلام التقي السبكي في كلامه

على قاعدة سد الذرائع، واستدل الأول لذلك بحديث " إن الله تجاوز لأمتي ما حدثت بها أنفسها... "

ولك رده بأن الحديث ليس فيه ذلك، بل في خاطر تحرك النفس هل يفعل المعصية كالزنا ومقدماته أو

لا فلا يؤاخذ به إلا إن صمم على فعله، بخلاف الهاجس والواجس وحديث النفس والعزم، وما نحن فيه ليس

بواحد من هذه الخمسة، لأنه لم يخطر له عند ذلك التفكر والتخيل فعل زناً ولا مقدمة له، فضلاً عن العزم عليه

، وإنما الواقع فيه تصور قبيح بصورة حسن، فهو متناس للوصف الذاتي ومتذكر للوصف العارض. فإن قلت:

يلزم من تخيله وقوعه في تلك الأجنبية أنه عازم على الزنا بها، قلت: ممنوع كما هو واضح، وإنما اللازم فرض

ان تكون زوجته هي تلك الحسناء لو ظفر بها حقيقة لم يأثم إلا إن صمم على ذلك، فاتضح أن كلاً من التفكر

والتخيل حال غير تلك الخواطر الخمسة. وأنه لا إثم إلا إن صمم على فعل المعصية بتلك المتخيلة لو ظفر

بها في الخارج.
قال ابن البزري : وينبغي كراهة ذلك، ورُدَّ بأن الكراهة لا بد فيها من حكم خاص … ونقل ابن الحاج عن بعض

: العلماء أنه يستحب فيؤجر عليه لأنه يصون به دينه، واستقر به بعض المتأخرين منا إذا صح قصده بأن خشي

تعلقها بقلبه واسـتأنس له بما في الحديث الصحيح من أمر " من رأى امرأة فأعجبته فإنه يأتي امرأته فيواقعها " انتهى

. وفيه نظر لأن إدمان ذلك التخيل يبقي له تعلقاً ما بتلك الصورة، فهو باعث على التعلق بها لا أنه قاطع له

… ثم ذكر كلام ابن الحاج السابق وقال: ورده بعض المتأخرين بأنه في غاية البعد، ولا دليل عليه، وإنما بناه

على قاعدة مذهبه في سد الذرائع، وأصحابنا لا يقولون بها… وقد بسطت الكلام على هذه الآراء الأربعة في الفتاوى

، وبينت أن قاعدة مذهبه لا تدل لما قاله في المرأة، وفرقت بينها وبين صورة الماء بفرق واضح لا غبار عليه

، فراجع ذلك كله، فإنه مهم. انتهى المراد من كلام ابن حجر الهيتمي.

على أن بعض الشافعية ذهب إلى التحريم حيث قال: العراقي في طرح التثريب ج (2/19) لو كان مع زوجته

وفي ذهنهان يكون مع من تحرم عليه، وصور في ذهنه أنه يكون مع تلك الصورة المحرمة فإنه يحرم عليه ذلك

، وكل ذلك لتشبهه بصورة الحرام. والله أعلم. انتهى.

وعلى العموم فإن عليك أن تتركي هذه العادة، وأن تستغفري الله مما مضى، واحذري من العودة إلى ذلك

لأنه قد يؤدي إلى ما لا تحمد عقباه، وما بينك وبين زوجك يمكن حله بجلسة مصارحة بينكما أو بتوسيط من

له كلمة عليه، كما يمكنك كسب زوجك ووده ومحبته بحسن العشرة والطاعة، والتزين له، والتبسم في وجهه،

ونحو ذلك.

نسأل الله أن يصلح لك زوجك، وأن يصلح ذات بينكما، وأن يجنبنا وإياك معصيته، وأن يوفقنا وإياك لرضاه.
والله أعلم.
رغد" تجمدت بمكاني... وصرت ارجف من الخوف..معقوله ..يالي كنت
اسويه اسوا بالزنا.. وش سويتي يارغد.. يااااارب اغفري لي يارب...
استغفر الله واتوب اليه يارب غفرانك...كنت طول الوقت اصيح ندم
واستغفر ................................

وصلنا المزرعه ...كان الجو خياااال...مع انه النفس ضايقه ..بس الجو
يجبر انه نتمتع فيه.............سعود مع عمي ع طول توجهوا لقسم الرجال
وانا وخاتي ومزنه للحريم ...اول مادخلت الريم والعنود بوجهي ينططون
الريم بصرخ": ياهلا بالي لافاني ياهلا عدد دقات قلبي ياهلابه
العنود" تصفق ..وتشجع": عاااااشوا
غزلان: الله مير يخلف ع عقولكم ومحدن رايحه فيها الا المساكين الي
بياخذونكن
العنود"تخصر": وش فينا يعني ...هذا بدال ماتقولين يابختهم تقولين
محدن رايحن فيها..مالت بس
الريم: أي والله مالت
العنود"تنط لعندي وتسلم وتاخذ جنى": الحمدالله ..وانتي مزون علومك
مزون: بخير جعل ربي يسلمتس

العنود: اقول رغد جهزي حالتس بتسبيحن معنا مافي مفر
رغد"ماكان لي نفس...بس ابي احاول انسى ..وافصل تفكيري عن الواقع
طول ماانا هنا ع الاقل..وانتظر الاعصار ..من سعود": افا عليك انا اول
وحده بتنط بالمسبح
مزون:هههههههههههههههههههههههههههههه لا توهقين نفستس معهم
ترا هم مهابيل...وقسم تعافين نفستس معهم
رغد:ههههههههههههههههههههه لا لا تخافين على ..اوريك فيهم
الريم: اقول مالت عليكم كلكم ..."وتلف ع عنود" ماتلحظين انهن مستلمينا
بالحيل
العنود" تحط يدها ع كتف الريم": ملاحظه ملاحظه وانا اختس
الريم: اسفهيهم وخلينا نكمل هبلنا بس
العنود"تلف معها": شورتس وهدايه الله
غزلان:ههههههههههههههههههههههههههههههههههههههههههه
مزون:هههههههههههههههههههه ويقولون ليه نقول مساكيم يزيد ونواف

سعاد"بصوت واطي":متاكده انه شافهن
مزنه "بقهر": ايه وكان معصب بعد
سعاد"مستغربه": وليه للحين هي هنا ...ولا ولا بوجهها اثار للحزن
ولا الضرب
مزنه: وهذا يالي قاهرني..اقولتس ..صايرن خاتم بيدها منتي مصدقه
سعاد: والله انك انتي الهبله وماعرفتي تحطين الزيت ع النار..ولا يمديها
عند اهلها الحين
مزنه"تناظرني بحقد": وش اسوي بمووت ياسعاد
سعاد: بسم الله عليتس بعدوينتس وفيها ان شاءالله .."وبعد تفكير"..لا
تخافين لقيت لتس حل يفكنا منها "وصارت تضحك"
مزنه: وش هو ...قولي ريحيني وانا اختس
سعاد: كل شئ بوقته حلو ياخيه ...ووقتها..لا اخليتس تطلعين من هنا..
وانتي مبسوطه ...
مزنه"بفرح بسيط": اكيد
سعاد: افا عليتس..تطمني بس
سعاد" موح بن بااختها كل يالي تسويه ...بس تبي تحرق قلبي ..مثل
حرقت قلبها ع وليد...ويوم المنى عندها اليوم...الي اتطلق من سعود.."

بعد الغدا.... كنت ابي اتمشى شوي... حاسه بكتمه للحين... ":بنات وش
رايكم نتمشى شوي
الريم والعنود: من غير قول حنا بنقوم
رغد: مزون غزلان يالله
مزون"تقوم": يالله ..خلينا نخفف شوي بعد الطفح
رغد: ههههههههههههههههههههه"لفيت ع غزلان":وانتي ماودك تخففين
غزلان"وهي حايسه مع ولدها":روحن انتم وانا بجي وراكم
رغد: طيب

طلعنا.. وكنت منبهرة بجمال المزرعه ...باين انهم مهتمين فيها ...الخضرا
الناصعه يالي فيها....والنظافه...ماشاءالله ...كان هواها يفتح النفس...والهوا
ينعش....تمشيت معهم وانا ساكته ...والريم والعنود يتناقرون كالعاده
مزون: وش سرحانتن فيه اعترفي
الريم"برومنسيه": وش فيه غير فارسها...آآهـ متى الله يرحمنا ..ويجي
اليوم يالي اتمشى معه
العنود: أي والله...متى متى يارررب
مزون"تهدد بالفنجال يالي بيدها": انتم ان ماتسنعتن لهذا بخششكم
الريم"بوجه مكشر": لحوول تكلمت هادمة الاحلام واللذات
العنود:افففف
رغد:ههههههههههههههههههههههه الله يرجكم من جد
مزون: صدق سارحتن فيه"وتغمز"
رغد"صدق انكم ماتدرون وش السالفه..وع نياتكم تظنونا غارقانين بالعسل
": لا والله افكر بمشاعل اشتقت لها الدبه بالحيل
الريم:أي والله لها مكانتها القرده
العنود: وانتن صادقين...الله يوفقها ويسعدها
مزون:امين...بس تدرون خاطري اشوفها بكرشها ..هههههههههه
الريم: هههههههههههههههههوقسسسم تخيلته..كذا صايرة بالونه..وبالحيل
قادرة تمشي
العنود:ههههههههههه أي أي ووجهها متنفخ وحالة امها حاله...ومين
الضحيه ..مشعل هههههههههههههههه
رغد:ههههههههههه اقول انتي وياها ماارضى عليها
الريم: شوفوا النصابه تضحك وماترضى بعد
رغد:هههههههههههههههههههههههههههه
طلبوا الريم ..والعنود.. انه نروح لخيل...بس رفضت لاني مااحب
الحيوانات باانوعها..اخاف منها بشكل مو طبيعي
الريم: يلا رغيد
العنود"بحماس": امانه..تلاقين رجلتس الحين..راكبن ع وحدتن منهم
رغد"بفضول": ليه هو يركب خيل
الريم: رجلتس خيال يالهبله ..ماشاءالله عليه احسن وحد يروض الخيل
رغد"ماالوم الخيل يوم يتروض...عليه يد ولا حديده": اها
العنود"بحماس": شكلها اقتنعت يالله سرينا
رغد"كان ودي اروح..بس يالي صار اليوم..مستحيل..اروح او اني اقابله
": لا مره ثانيه..خلينا نرجع الحين
العنود"بخيبه": لييييه كذا
مزون: لاتصيرون حنانات اتركو البنت بحالها يالله نرجع اكيد غزلان
تدور علينا
الريم: ارجعو انتم انا رايحه اتسبح
العنود"وراها": ايه وانا بعد
رغد:اووك روحوا انتم وانا بروح اجيب اغراضي..واشوف جنى
وجايه
مزون"تروح معي": وانا بعد وبجيب غزلان وبقول لهن للي يبي يسبح
معنا
الريم: اووك" وتمسك العنود": يالله قردتي
العنود"تخبطها": قردة بعينتس يالعنز
الريم"تمثل انها تتالم": عنز بوجهتس حشى مهيب يد ادميه هذي
العنود: امشي امشي لاتجيك ثانيه
الريم: لا واللي يرحم والديتس ورانا مستقبل
الكل قام تقريبا من البنات والحريم ماعدا الكبيرات بالسن ظلوا جالسين
وامتلى المسبح وماشاءالله كان كبير بالحييل...حتى مزنه بكرشها جات
الريم"وهي تسبح بمهارة": ياويلي... والله اني ماامل من السبوح
العنود"ومثل مهاراتها": وانا معتس
رغد:من جد خيال ولا المويه دافيه ماشاءالله
الريم: ايه عماني..مسوين الهوايل بمزرعتهم
رغد: الحين المزرعه لعمي واخوانه
العنود: ايه كلهم تعاونوا وزينوها
رغد: ماشاءالله

مر الوقت وحنا نتسبح..وانواع الهبال والمسابقات..وكل شوي وحده تنط
ع الثانيه وتغطسها..وانواع الصرقعه والهبال حتى مزون وغزلان معنا
مر الوقت بسررعه ..وكنت ناسيه كل شئ ...ومبسووطه بالحيل

مزنه"ع الدرج": ماقلتي لي وش بتسوين
سعاد"تمسح وجهها من المويه": انا اعلمتس بس تعالي"وتاشر" هناك
عشان محد يسمعنا
مزنه" تسبح وراها": وهذا بعدنا وش عندتس تكلمي
سعاد"بخبث": اسمعي..طلاق ماضنيت انه يطلقها وهذا انتي شفتي بعينتس
للحين معه ..حتى يوم استغفلته..بالحبوب
مزنه"بقهر": ايه والله ياخيتي فقدت الامل بفراقها
سعاد"بابتسامه شر": ماتفقدينه وانا اختس يابعدي
مزنه: اجل فرحيني..
سعاد"بصوت واطي تهمس لمزنه":..........................
مزنه"منصدمه": لا لا مااقدر ياسعاد
سعاد: لاتخفين مهب جايها شئ بس تخويف بسيط عشان تلم نفسها
وماتاخذ مقلب بحالها
مزنه" بخوف": لا لا اخاف سعود يدري واخرتها يطلقني انا بدالها
سعاد"بقل صبر": وش بيدريه ..لاتصيرن خوافه ..بتسوينها ولا لا
مزنه"بتفكير": مدري يابنت
سعاد: لاتخافين ...وماعليك فيها ع الاقل..تبينين لها انتس منتي ناسيه
انها خذت رجلتس..وتبين لها قدرها ومن تكون
مزنه"بتردد": طيب
سعاد"بفرحه": هي هذي مزنه يالي اعرفها ..اووك يوم نشوفها لحالها
نبدء
مزنه"تناظر فيني والبنات حولي": ماضنينت شوفيهن ملازمينها كانهم
ضلها
سعاد"بصبر": لاتخافين بيجي وقتها وانا اختس

وانا ماكنت عارفه وش يصير من وراي... ومبسووطه بالجمعه وهبال
الريم والعنود...يالي خفف من شوقي وافتقادي لمشاعل...كان الضحك
مالي المسبح بارجائه...والكل مبسوط
الريم: لا رغيد بلا سخافه بدري ع الطلعه
رغد"وانا احس بتعب لاني مانمت ...والقلق لعب فيني ع اني تناسيت
بس مهما يصير..يحتل تفكيري": خلاص رويم من العصر وحنا فيه
بياذن المغرب
العنود: واذا طيب
رغد: والصلاة
العنود: عادي هناك غرفه ..وفيها سجادات
رغد: احلفي بس..ونخرب السجدات والجلالات بالمويه
الريم: ايه عادي
مزون: لاتخافين عادي هم هذا لزومهم
رغد" مستغربه ": من جدك
غزلان: ايه هههههههههههههههههه لاتستغربين
رغد: اها ... والله انكم مهابيل
الريم" تصرخ": وين رايحه
رغد: بروح اشوف جنى وبرجع
العنود: ياويلك لو ماترجعين
رغد" وانا ابعد عنهم..لانه المسبح كبير مره..حنا بقسم والباقي بقسم
": طيب راجعه لاتهددين انتي ووجهك
الريم: ايه حريم ماتجي الا بالعين الحمرا
رغد: شب بس ههههههههههههههههههه

اخذت الروب... وطلعت ..كان الجو بارد حيييل... مشيت بسرعه لحد
ماوصلت عند باب الجلسه... وناديت امينه تدخل تشوف جنى ..لاني
ماابي ادخل واخربه بالمويه.....شوي الا جتني ..وقالت انها نايمه
تطمنت ورجعت..مدري ليه قرصني قلبي...ضنيت فيه شئ...بس الظاهر
من كثر تفكيري وسوست ...رجعت الا الكل لاهي بالمسابقه...
فسخت الروب وعلقته ...وجيت بنزل الدرج.. الا مزنه وسعاد عنده..
الصراحه.. الثنتين ذول يخوفون وكانهم ريا وسكينه...طنشتهم ونزلت
للمسبح.............

سعاد" تغمز لمزنه": الحين
مزنه" بخوف وتردد": طيب

جات من وراي.. وانا ماحسيت فيها...شوي الا احس اني انشد لتحت...
حاولت اقاوم ..الا بيد ثانيه تثبتني...ومحد حولي من الصراخ والازعاج
احاول اصعد لفوق ابي اشوف وش يصير ابي اتنفس ماني قادرة...
صرت ارفس واحاول اطلع يديني ... احاول اطلع...واليد مثبتتني بقوة
شوي حسيت انه يد فلتتني.....
سعاد" ماسكه نفسها لاتصرخ": وش فيتس تعالي
مزنه"حاطه يدها ع بطنها وتتالم": رفستني جعلها الموت ع بطني
سعاد" خافت ع اختها يوم رفستها ثاني ع بطنها بكل قوتي وانا مو
داريه بالي اسويه..كل همي اطلع واتنفس واخذا نفس..":وووجع
انتي بخير
مزنه" تتالم بقوة...": آآآهــ
سعاد" تفلتني من يدها بقوة ...وهي تتركني رجعت ع ورى وانضرب
راسي بالدرج......":مزنه وش فيتس
مزنه" بدت تبكي..": آآآآآهـــ الحقيني ياسعاد
الكل لف عليها..يوم سمعوا صرخت سعاد": ياويلي مزنه انتي تنزفين
مزنه"صارت تصرخ":الحقيني ...بطنيييي
الكل .. تجمع حولها...وطلعوها بسرعه .. والكل مرتبش معها ...وبصعوبه
قدرو يوصلونها للمجلس.. والكل تجمع حولها واتصلو ع سعود..بس كان
طالع..واتصلوا ع اخوها وجهز السيارة ..وسعود جا طيران بس مالحق
عليها اخوها اخذها للمستشفى........
الريم" بحزن وخوف": الله يستر مسكينه شفتي وشلون تتوجع
العنود" رحمتها ع انها ماتطيقها مزنه ماخلت حد يسلم من لسانها": من جد
الله يستر .. ولا يصير فيها شئ ولا الي ببطنها
مزون"تدور على": وين رغد
غزلان: يمكن عند الحريم
مزون"الي فكرت انه طول الوقت مالمحتني..مشت للمجلس..دورت على
ماشافتني": لا مهيب في
الا بصرخه واحد من العيال.. جاي ركض": الحقو الحقو
الكل لف عليه ":وش فيك
راكان " وهو ياخذ نفس..وياشر": عمتي عمتي رغد..غرقانه
سعود"يالي عند الحريم سمع صراخ راكان...ومن غير مايقول لهم تغطوا
طار ع طول للمسبح...
سعود"ماحسيت بنفسي..كل يالي سمعته غرقانه..وماانتظرت اسمع شئ
ثاني.. ولا قلت لهم يتغطون او يبعدون....ركضت ..حسيت قلبي
بيوقف .. الله يستر..وصلت المسبح...وحسيت اني طولت وانا اركض..
صعدت الدرج...الا انصدم...فيها تطفي ع المويه..ومن غير حركه
صرخت": رغددددددد

<<--يتبع



التوقيع:
signat
UoZa غير متواجد حالياً   رد مع اقتباس
قديم 18-06-2012, 05:52 PM   #19
عضو نشيط جدا
 

افتراضي رد: رواية انت غرامي وجنوني بدون ردود

((الجزء السابع عشر.......))

رغد"كل الي اذكره اني كنت احاول قد مااقدر ارفع راسي لبرى المويه
ابي اخذ نفس باي طريقه ..المويه دخلت بفمي..واليد للحين شاده على و
مثبتتني....يوم حسيت انها بتتركين ..ماكان في فرصه افرح او افكر
بشئ لان راسي ضرب بالدرج ...ثواني وكل شئ اسود وظلمت
دنيياي .............."

سعود" كنت جاي مسرع بالطريق ...لما اتصل عمي ابو مزنه يقول
زوجتي تنزف ولازم ارجع اوديها الطبيب...ماعرفت وش افكر فيه
انصدمت...حطيت رجلي وسرعت بالسيارة لحد ماوصلت ...دخلت
ع مجلس الحريم...الا قالوا انها راحت مع اخوها ...رفعت جوالي ابكلمه
اساله باي مستشفى ...الا صراخ البنات...جذبني...طلعت من غير لا
شعور فيني يوم سمعت اسمها....تجمدت بمكاني..وانا اسمع راكان
..مرت لحظه..حسيت الزمن وقف فيها..وماعاد فيه الا انا..منصدم
تخيلت اني فقدتها...انعصر قلبي الم...صحاني من سرحاني صراخ
البنات مره ثانيه...مااعرف كيف رجولي قوت ع الركض...طرت
للمسبح من غير مااعطيهم خبر عشان يتغطون...صرت اركض
واركض...واحس المسافه طويله..وكل مالها تطول...لحد ومااخير وصلت
صعدت الدرج..وانا ادعي ربي ..اني ماافقدها...ع اني كرهت كلامها
اليوم...وقررت اني اطلقها لانه العيشه معها ماتطاق من بعد امس
قطع افكاري...منظرها وهي تطفي ع ظهرها ...وللحين راسها ينزف
ع طول رميت حالي وسبحت لحد ماوصلت لعندها طلعتها ...وع طول
صرت اشوف اذا تتنفس او لا...والحمدالله كانت تتنفس..بس مو صاحيه
مغمى عليها...حاولت اصحيها لكن لاحياة لمن تنادي...شلتها بسرعه
الا البنات بوجهي...صرخت": بسررعه هاتو عبايتها
مشيت بسرعه...لحد ماوصلت لبوابه المزرعه...الا وامينه مقبله بعبايه
رغد... غطيتها ع السريع...وحطيتها بالسيارة ورى ..وركبت بسرعه
طرت ع المستشفى..والي كان مخوفني انها ماترد والنزيف مو راضي
يوقف...وصلنا اخيرا ونزلت فيها بسرعه ع الطورائ..........

انتظرت ساعه بالتمام لحد مااخيرا تشرف الدكتور وطلع ..فزيت له
وسالته":طمني وش صار
الدكتور: والله للحين الوضع حرج يااخوي..هي وش تقرب لك
سعود: حرمتي
الدكتور: المدام صابها ارتجاج بالدماغ بسبب ضربه وسببت لها نزيف
حاد ..وغرقها بعد ماساعد ...ويؤسفني اقول لك انها بغيبوبه الحين
سعود"كلامه مثل الطعون بصدري...وشلون خليتها وشلون ماتاكدت
انها تعرف تسبح ولا لا...لو اني ماهاوشتها اليوم...لو اني ماتركتها
تجي المزرعه وهذي كانت نيتي..بس ":طيب متى تصحى ..هي
بخير ولا لا دكتور امنتك الله لاتخبي شئ
الدكتور: مااكذب عليك الاربع وعشرين ساعه يالي راح تمر راح تكون
حرجه ..وخطيره عليها ادعي ربك يعديها ع خير
سعود" تو بسال هالا جوالي يرن...كنت بسفهه بس تذكرت مزنه...وش
صاير اليوم ..وش هالمصايب...استغفرت ربي..وهديت نفسي ورديت":هلا
السلام عليكم ..وش صار
فهد" اخو مزنه": وينك يارجال حرمتك تعبانه وانت غاطس
سعود" بضيق": يارجال وش اسوي حرمه بمستشفى ..والثانيه بعد
فهد: وشلون
سعود: بعدين اقول لك طمني ع مزنه وشلونها وش صار معها
فهد" ومو عارف وشلون يقوله": والله يااخوي البقى براسك بالولد
سعود" عقد حواجبه ": وشلون
فهد: الولد مات ببطن امه بسبب ضربات عنيفه جاتها...
سعود" مو مصدق يالي يصير اليوم":ومن وين الضربات ..وهي وشلونها
فهد: والله مدري ...بس هي الحين نايمه من تاثير البنج ..وهي بخير

سعود" يتنهد": لا حول ولا قوة الا بالله ..انا لله وانا اليه راجعون
فهد: لزوم تجي عشان الاجراءت
سعود: طيب .. جاي الحين
قفلت منه.. ورحت ادور الدكتور..للحين ماني مطمن عليها ابي رد منه
يريح قلبي.. ويطمنه انها بتعيش وبتكون بخير........."

الدكتور: والله يااخ سعود مااقدر اقول لك شئ الحين..حنا سوينا الي علينا
والباقي ع المريضه..وعليكم بالدعاء
سعود" حسيت الدنيا كلها ضايقه فيني...الولد وفقدته...وهي..هي..للحين
في نسبة مرجحه اني افقدها...لما ترددت صدى هالكلمه براسي...وجعني
قلبي... حسيت وكان في حد يعصره... لا لا مستحيييل ..يارب يارب
انك تقومها بالسلامه وتحفظها يارب...": ممكن اشوفها الحين
الدكتور: الحين لا بس تقدر ترجع بعد نص ساعه ..
سعود: وش تفرق الحين عن النص ساعه
الدكتور: لا يااخوك بعد نص ساعه
سعود" بقل حيله ": طيب بعد نص ساعه راجع

طلعت وركبت السيارة...والدنيا مسوده بوجهي...انا وش سويت بدنيتي
عشان يصير فيني كذا..استغفرت ربي ع تفكيري...وتعوذت من ابليس
وتذكرت..انه المصايب ماتجي الا للمسلم وامتحان من الله له...حاولت
ابعد الافكار عن راسي..وكنت استغفر طول الوقت..لحد ماوصلت
مستشفى الولادة..دخلت الا مزنه صاحيه وتنوح ع الي فقدته...
مزنه"وهي تصيح": يمه ولدي ولدي ..راح ..وماشفته ولا حملته
ام مزنه"تهدي بنتها": اذكري الله يابنيتي...والله رحمه..واخذ بامانته
الدكتور يقول لو انه عاش كان صار معاق
مزنه"تناظر سعاد": كله منت سليتني ماسمعت كلامتس..."وصرخت"
آآآآهـ ياضني...مت وماتهنيت بوفتك ياعين امك..
سعود"سمعت خر جمله قالتها..استغربت..طقيت الباب": درب درب
ام مزنه و سعاد تغطو": تفضل ياابو مشعل
سعود" منزل عيونه ": السلام عليكم
الكل: وعليكم السلام
سعود" يروح لمزنه": الحمدالله ع السلامه..واليقى براسك..
مزنه" تنوح": سعود ولدي راح وماشفته..مات ببطني
سعود: اذكري الله يامزنه..وان شاءالله ربي يعوضنا خير
مزنه"تحاول تتماسك": لا اله الا الله
سعود" جلست معها شوي... واهدي فيها...حاولت اعرف وش صار..بس
ماقدرت لاني كل ماسالتها رجعت تبكي...شوي الا الدكتورة داخله
وعطتها ابره مهديه ...وطلعت وطلعت وراها...":
سعود: لو سمحتي
الدكتورة: ايوه
سعود: انا زوجها.. ابي اعرف وش سبب موت الجنين
الدكتورة: واللهي ..انه المدام تعرضت لضربه قويه ...وهذا سبب
موته وسبب بالنزيف
سعود"وشلون..وش الي صاير الحرمتين بوقت واحد..شكيت بالموضع
مااظن انه السالفه حادث وبس..طردت الافكار من راسي..خليهم يطلعون
بالسلامه.. ولكل حادث حديث..": اها طيب متى ترخصونها
الدكتورة: هي هتظل تحت الملاحظه اليوم وبكرا ان شاءالله نكتب لها
خروج
سعود: يعني هي سليمه الحين
الدكتورة: ايوا مافيهاش حقه ..بس عوزة تعويض للدم الي خسرته..وكل
شئ تمام
سعود" بشويه راحه": الحمدالله

دخلت عليهم ثانيه.. وطمنتهم وقلت لهم بكرا بيرخصونها..انتبهت
لربكه سعاد.. بس بالي مشغول برغد.. سلمت عليهم وطلعت
ام مزنه: علامه طايرن كذا ماجلس
سعاد"بشر": طايرن قلبه ع المصيبه يالي دخلت حياتنا
ام مزنه: من هي
سعاد: يوووه يايمه من غيرها رغد
ام مزنه: وش فيها هي بعد
سعاد: مدري بس الي فهمته انها كانت غرقانه بالمسبح
ام مزنه" بشك عارفها بناتها وحسها قلبها انهم ورى الموضوع":بنت
وش مسوين انتم
سعاد" تبلع ريقها": وش مسوين الله يهداتس يايمه ..

وصلت المستشفى.. ودخلت عليها انصدمت من منظرها ..كيف كانت
الاجهزة حوليها... والمغذي..بيدها.. وجهاز التنفس..واصوات الاجهزة
المزعجه...وجعني قلبي ع حالها... قربت منها.. وجلست ع الكرسي
يالي قبالها...مسكت يدها... كانت باردة مثل الثلج..."آآآهـ يارغد
وش صار لتس.. وش وصلتس لهنا...جبينها كان ملفوف..وعينها
مورمه من اثار الضربه...وتذكرت الكف يالي عطيتها..وكيف اثره
زاد من بعد يالي صار لها... تندمت .. تندمت من كل قلبي ع اخر كلام
صار بينا...معقوله .. معقوله افقدها... من بعد ..مانبض قلبي لها.. من بعد
ماقلبي عشقها.. عشق عنادها غرورها شموخها... وحب دلعها ..وذاب
لضحكتها.. وجمالها وزينها..."شديت ع يدها":كنت مقرر اليوم انفصل
عنها واوديها لاهلها من بعد الي صار امس...كنت مقرر اتركها لانه
من بعد كلامها امس.. وحلفانها.. ماله مجال للتعايش.. تكرهني..
وحاقده على.. وماارضها ع نفسي اعيش مع وحده كارهتني..لحد
الموت.. وانا اعشقها للموت...ماراح يقوى قلبي ع جفها وكلامها الجارح
تعودت اني اكون قوي ومايهزني شئ...بس هالطفله .. قدرت تكسر
كل حواجز قوتي.. قدرت تكسر.. الاسوار يالي بنيتها حول قلبي..عشان
ماينبض.. قدرت..وبكل سهوله تحطم كل شئ...قمت .. ودخلت دورة
المياه" اكرمكم الله" توضيت .. وطلعت ..للرسيبشن وسالتهم وين المصلى
صليت .. وجلست ادعي ربي ..بكل خشوع .وتضرع انه يشفيها :
لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..
إلهي ..
أذهب البأس رب الناس ، اشف و أنت الشافي ، لا شفاء إلا شفاؤك ، شفاءً لا يغادر سقماً ..
إلهي ..
أذهب البأس رب الناس ، بيدك الشفاء ، لا كاشف له إلا أنت .. يارب العالمين آمين ..
إلهي ..
إني أسألك من عظيم لطفك وكرمك و سترك الجميل أن تشفيه و تمده بالصحة و العافية ..
إلهي ..
لا ملجأ و لا منجا منك إلا إليك .. إنك على كل شيء قدير .

اللهم اني عبدك ابن عبدك ابن امتك ناصيتي بيدك, ماضي في حكمك, عدل في قضاؤك,

أسالك بكل اسم هو لك سميت به نفسك او أنزلته في كتابك , او علمته احد من خلقك او

استأثرت به في علم الغيب عندك أن تجعل القرآن ربيع قلبي, ونور صدري , وجلأ








رجعت لها وهي ع نفس نومتها ولا في اي تغير" تنهدت .." وجلست جنبها وحطيت يدي ع راسها:

"بسم الله الرحمن الرحيم أعيذك بالله الأحد الصمد الذى لم يلد ولم يولد ولم يكن لة كفوا احد من شر ما تجد"



حطيت يدي ع راسها":بسم الله ثلاث مرات و سبع مرات :أعوذ بالله وقدرتة من شر ما أجد وأحاذر"


بسم الله اللهم داوها بدوائك وأشفنها بشفائك وأغننها بفضلك عمن سواك واحدر عنها أذاك"


بسم الله اللهم أذهب عنى شر ما أجد بدعوة نبيك الطيب المبارك المكين عندك بسم الله"



"الحمد لله الذى عافانى مما ابتلاك بة وفضلنى على كثير ممن خلق تفضيلا عوفى من ذلك

البلاء كائنا ما كان عاش"






(ربى إنى مسنى الضُر و أنت أرحم الراحمين )
اللهم اشفه شفاء ليس بعده سقما ابدا..اللهم خذ بيده اللهم احرسه بعينيك التى لا تنام .
و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار .
و ارحمه بقدرتك عليه ّ.أنت ثقته و رجائه يا كاشف الهم . يا مُفرج الكرب يا مُجيب دعوة
المُضطرين .اللهم البسه ثوب الصحة والعافية عاجلا غير اجلا ياأرحم الراحمين..
اللهم اشفه اللهم اشفه اللهم اشفه..اللهم امين.

مر.. اسبوع وهي للحين بالغيبوبه.. وموح اسه بحد حولها ..امي وعماتي
كل يوم عندها.. وانا انام عندها بعد.. وكل يوم اطلب ربي انه يقومها
بالسلامه... ومزنه طلعت .. وهي ببيت اهلها لانها تعتبر نفاس. ومن
ناحيه ارتحت عشان ماتجلس تزن ع راسي وتنشب لي .. وعشان ارتاح
وانا قبالها...جلست.. نفس مكاني.. وجلست اتاملها وشلون ضعفت وبان
التعب بوجهها الاصفر... تذكرت جنى وشلون جننتنا اول الايام وهي
تصيح وتبي امها .. ومحدن قدر يسكتها.. الا انا.. حسيت باانبساط وراحه
اني قدرت اكسب قلبها.. ع الاقل.. بس بعد ايش .. مدري كيف جاتني
قوة الصبر ع صياحها وازعاجها...ومافي حد كاسر ظهري ومحزني
غيرها يوم نامت بحضني.. فقدت ابوها.. والله يستر ماتفقد امها....
الدكتور ارتفع ضغطه مني من كثر ماازعجته عن حالها... وهو يقول
مافي أي تغيير.....

سعاد: عساها ماتقوم
مزنه" بندم ولانه موت الي بطنها ماثر فيها": لاتقولين كذا ..الي صار
لها بسببنا
سعاد" بعدم مبالاة": ماجاها شئ هذي مثل القطوة بسبعه ارواح
مزنه: استغفري ربك يابنت
سعاد: وش فيتس حنيتي .. يعني ماكانه لك يد بالي هي فيه الحين
مزنه" ندمانه": وهذي عقوبتي وشفتي وش صار فيني
سعاد: وانتي عارفه انه كل قصدنا انه نخوفها.. ماكان قصدنا انه نسدحها
وتتنوم كذا
مزنه: الله يستر وتقوم بالسلامه.. هذي روح ياسعاد وحنا تسببنا فيها
سعاد"بلا مباله": ايه ايه
مزنه:سعاد ليه احستس منتي مهتمه من يالي صار
سعاد"مشغوله بجوالها":وشلون يعني ..لاني ماني زعلانه ..ولا جالسه
ابكي يعني مو مهتمه..لا تطمني مهتمه ..وماابي اكسب ذنب موتها
"ليتها ماتت وارتحت منها ..يهب ياذا الوجهه عليتس.."

مشاعل: مشعل تكفى خلينا نروح الحين ..وربي ماني قادرة ارتاح ولا
اتطمن لحد مااشوفها تكفى
مشعل: مااقدر ياقلبي انتي عارفه بالظروف ومستحيل يعطوني اجازة
مشاعل: الا يامشعل الويك اندب يكفي ..احجز من الحين طلبتك
مشعل: لعبه هي نروح يوم ..ونرجع المشوار طويله وكل شوي صاعدين
نازلين من الطيارة
مشاعل"وهي تبكي": طلبتك لاتردني ..وبعدين اذا بتقول حملي مايستحمل
خلني هناك..اجل متى ماصار عندك فرصه ..تعال وخذني
مشعل"رافض فكرة انها تغيب عنه..وتجلس بديرة وهو بديره": لا يابنت
صعبه.. انا مدري متى تحصل لي فرصه وانزل
مشاعل"بترجي ..ومسكت يده": عشاني وبغلاتي عندك يامشعل ابي
اشوفها اخاف افقدها من غير مااشوفها ..طلبتك لاتردني
مشعل"مو مقتنع ..بس دموعها ورجاها له ..مقدر غير انه يوافق":طيب
خلاص مهوب زين الزعل لتس.."قام وجاب لها منديل ومويه..":يلا
سمي بالله واشربي.."ومسح دموعها"
مشاعل"بعد ماهدت ..وشربت المويه": يعني بنرجع السعوديه
مشعل: ايه ببننزل
مشاعل: بكرا
مشعل: ابتصل قبل واشوف اذا فيه حجز ولا لا
مشاعل: امانه بقرب فرصه حتى لو اليوم
مشعل" يبوس راسها": ان شاءالله تامرين امر..بس قومي ريحي شوي
من يوم ماسمعتي بالخبر ..وانتي مهملتن نفستس ويالي ببطنتس
مشاعل: لا تخاف... حتى لو اهملت حالي..ولدك مهب جايه شئ يعبر
حاله .. ويغذي نفسه
مشعل" مسك يدها": وانا مهب خايفن عليه خايفن ع امه ..راس المال
والغلا كله
مشاعل" بخجل": تسلم لي حبيبي ..من عيوني ابقوم اكل واريح الحين
مشعل" يقوم" : اجل انتظريني لاتنامين ابروح اشوف الحجوزات
واجيب شئ ناكله
مشاعل: طيب بس لاتتاخر
مشعل: ان شاءالله ..من عيوني..تامرين ع شئ ثاني
مشاعل: لا سلامتك
مشعل: يالله فمان الكريم ..وقفلي ع نفسك الباب
مشاعل: فحفط الرحمان.. ان شاءالله


يومين بالظبط ..ومشعل ومشاعل ..وصلو السعوديه ..وصلها بيت اهلها
ونزل يسلم ع عمه وعمته..وبعدها طلع ع بيتهم
مشاعل: وشلونها الحين يايمه ..بشري عسى تحسنت
ام راشد" بحزن": والله يابنتي ع حطة يدتس ماتغير حالها للحين
مشاعل: وسعود وش قال ..ماقال وش قال له الدكتور
ام راشد: يقول لو ماصحت هالشهر ..بتكون نومتها ع طول
مشاعل"ودموعها نزلت": لا ان شاءالله بتقوم وبتصحى
ام راشد"وبدت تبكي": ان شاءالله انا مهوب موجعني الا هالبنت فقدت
ابوها والدور جا ع امها
مشاعل: لاتقولين كذا ان شاءالله بتقوم ومهيب فاقدتها
ام راشد" ترفع يديها .وتدعي": اللهم امين ..يارب انك تقومها سلامتن
معافيه ..ياااررب
مشاعل: اللهم امين .. الا وينها جنى
ام راشد: مع اخوتس ..ماتسكت الا عنده ..ياخذها يفر فيها لحد ماتنام
مشاعل: ايه متعودة ماتنام الا بحضن اميمتها
ام راشد: الله يقومها بالسلامه
مشاعل" تقوم": طيب انا بروح اريح شوي ..ويوم يجي سعود صحيني
ام راشد: ان شاءالله

ع الساعه 2 رجع سعود.. وكان شايل جنى ..وهي نايمه ع كتفه ..دخل
الا ومشاعل بوجهه.. استغرب وجودها... وهي فزت له.. بس اشر لها
"بااصبعه": لاتطلعين صوت .. بالحييل نامت ..وهي تبكي تبي امها
مشاعل" كسرت خاطرها جنى.. وكيف دموعها بعيونها للحين: ياعين
ابوي الله يرجعها لها سلامه يارب
سعود"يجلس ويحطها بحضنه.. خايف تجلس": اللهم امين
مشاعل" انتبهت ع شكل سعود .. وكيف كان ضعفان واثار التعب
باينه عليه.. شكله لا نوم ولا اكل": وانت وشخبارك
سعود" بتنهيده": الحمدالله .. وانتي وشلونتس .. ومتى جيتي.. وليه
ماعطيتني خبر.. اجيكم المطار
مشاعل: انا بخير .. يااخوي .. وتو اليوم وصلنا.. وع المطار ..ياخوي
الي فيك مكفيك..
سعود" يهز بجنى .. يوم تحركت":طيب ابقوم اسدحها بالغرفه والحقيني
ع الصاله .. اخاف تصحى ... ووش ينومها ثاني
مشاعل: ان شاءالله روح انت وانا جايه وراك
سعود: طيب
صعد سعود فوق... وانا دخلت المطبخ.. سويت لها بيض..مقلي.. وطلعت
شويه نواشف.. وصخنت الخبز.. عارفه انه مااكل شئ.. سعود يبان
عليه التعب.. اذا مااكل.. ويتعب بسرعه.. ع انه جسمه ..ماشاءالله ..
بس كل شئ يبان فيه بسرعه وع اقل شئ....صعدت بالصينيه ..بعد
مااخذت كاستين عصير...دخلت بشويش الا شفته منسدح ع السرير
وغفى.. قلت بترك الاكل.. وبطلع اخليه يرتاح.. تو بطلع الا نادني
سعود" يصلح جلسته .. وبصوت واطي": تعالي ع وين
مشاعل: خلك مكانك نام لك كم ساعه
سعود" يقوم": لا وين انام ابنتظر اصلي الفجر ثمن اروح لرغد
بالمستشفى
مشاعل: طيب تعال الصاله لا تصحى
سعود: يالله
سعود" جلس": وش هوله هالاكل.. الله يهداتس ..ماني مشتهي
مشاعل: لا بتاكل.. وابيك تاكل معي ترا ع لحم بطني ..من امس
يعني يرضيك ولد اختك يظل جوعان"وهي تحرك يده ع بطنها"
سعود" بضيق": والله مالي نفس يامشاعل
مشاعل: عارفه يااخوي .. بس ماراح تنفع حد اذا طحت علينا تعبان
بعيد الشر عنك
سعود: لا لاتخافين مهب صايرن لي شئ
مشاعل: ان شاءالله.. بس مد يدك وسم ..متاكده انك مااكلت شئ يسوى
من طاحت رغد بالمستشفى
سعود" سرح ع طاري رغد":................
مشاعل: سعود.. سعود
سعود" انتبه لها": هلا .. سمي
مشاعل: سم الله عدوك" وتمد لها خبزة فيها بيض ..وطماط." يالله كل
سعود: والله ماني مشتهي
مشاعل: بس هاللقمه .. عشاني
سعود" ماحبيت اردها .. ولاني عارف انها مهيب ماكله .. لو مااكلت":تسلم
يدينك يالغلا
مشاعل: بالعافيه


ظليت ساكته لحد ماتاكدت انه اكل كفايته.. وبعدها شلت الصينيه ونزلتها
وصعدت له ثانيه ابي اتطمن ع رغد .. ماني قادره اصبر اكثر من كذا
دخلت .. الا هو ع نفس جلسته... وسرحان.. ياعين ابوي انت ... جلست
قباله .. وناديته................
مشاعل: سعود
سعود: سمي
مشاعل: لاتخبي على وش لونها الحين
سعود" بتنهيده": الله كريم .. وانا مؤمن بالله.. وان شاءالله مايصير الا
الي ربي كاتبه.. وباذن الله بتقوم بالسلامه
مشاعل: ان شاءالله
سعود" يقوم" : يالله قومي توضي الحين بياذن.. صلي وريحي
مشاعل: لا يااخوي ابروح معك ابي اشوفها
سعود" ماوده تشوفها وهي بالحاله هذي.. صارت جلد ع عظم ووجهها
يالي كان ممتلي..وبيضاه يالي كان منور به.. اختفى..والتعب.. بان عليها
..": لا قومي ارتاحي.. والحين ماينفع الدكاترة رايحين جاين عليها
ومني ماخذه راحتس.. ان شاءالله الظهر ابجي اوديتس لها.. وانتي
خلك مع جنى.. ع الاقل تعرفين لها يوم تصحي
مشاعل: ان شاءالله
سعود: يالله انا طالع
مشاعل: بحفظ الله .. وكلمني اذا صار أي تغيير بحالتها طلبتك
سعود" يشيل شماغه ويحطه ع كتفه .. ويطلع": ان شاءالله يالله
بحفظ الرحمان...
طلع .. ورحت استعديت للصلاة وتوضيت...شلت جنى لغرفتي..
ماقدرت انام ع سرير رغد.. واستحيت انوم بغرفتهم... صليت..وبعدها
صليت ركعتين لله .. ودعيته انه يقومها بالسلامه.. وترجع لبنتها الي
تقطع قلبها ع شوفتها.................
<<--يتبع



التوقيع:
signat
UoZa غير متواجد حالياً   رد مع اقتباس
قديم 18-06-2012, 05:52 PM   #20
عضو نشيط جدا
 

افتراضي رد: رواية انت غرامي وجنوني بدون ردود

((الجزء الثامن .. عشر))

مر الاسبوع الثالث ومافي أي تغير بحالتها للحين جثه بلا حراك بس
يالي طمني انهم شالو الاجهزة عنها.. صارت تتنفس من حالها من دون
أي مساعده... واللفه يالي ع راسها انشالت والجرح بدى يبرى....
لكن الهزل والضعف .. مستمر والمغذي مازال ع يدها يالي عروقها
برزت وصارت زرقا بسببه...تنهدت ..وجلست جنبها وحطيت يدي ع
راسها وصرت اقر من يالي احفظه من القران... والدعيه وانفخ عليها
اليوم جات مشاعل معي .. وتركتها هي ومشعل ..ورحت اجيب شئ
ناكل .. تفاجات بااتصالها ..خفت انه يكون فيها شئ .. او برغد .. صارت
الافكار توديني وتجيبني...تركت كل يالي بيدي ودخلت بسرعه ع الغرفه
شفت مشاعل ودموعها ع وجهها .. قلبي انقبض.. وجمدت مكاني.. كان
اطلع.. ماابي اسمع الخبر... خلاص ..مااقدر اتحمل .. طول الوقت هذا
وانا ادعي القوة.. وانا حيل مكسور.. واي هزة تقضي علي.. ماابي
اسمع خبر فقدانها ماضنيت قلبي يتحمله.. جيت بطلع ووجهي بان.. الحزن
والضيق فيه الا .. حسيت بحبل الامل ارتمى ثاني .. ورجعني للحياة من
جديد..
مشاعل" بدموع الفرح": ابشرك ياسعود..
سعود" لفيت.. وبلا شعور.. وماقدرت اداري دمعتي..يالي نزلت من ضن
فرقها..": وش
مشاعل: الدكتور يقول انها بدت تسترجع ..قوتها.. وبدت تحس بالي حولها
سعود" مو فاهم كلامها .. بس كل يالي قدرت استوعبه انها ماماتت..للحين
عايشه.. للحين معي مااتركتني..": وشلوون
مشاعل: كنت اسولف عليها واقول لها كيف حنا مشتاقين لها وبنتها مشتاقه
وبين سوالفي وانا ماسكتن يدها الا تضغط ع يدي . ضنيتها حركه عاديه
مثل يالي قبل.. بس كملت ضغط.. هالمره فز قلبي وحسيت انها مو مثل
كل مره قلت لها.. رغد تسمعيني.. اذا تسمعيني اضغطي ع يدي
سعود" باامل كبير": وش صار
مشاعل" تحضنه": ضغطت ع يدي وناديت الدكتور وكشف عليها وقال
انها بدت تستفيق من الغيبوبه .. كلها يومين بالكثير وهي صاحيه
سعود" بعدم تصديق": من جدتس .. ماتكذبين على
مشاعل" هزها حال اخوها .. وشلون فرحته وعدم تصديقه بالي يسمعه":
أي من جدي ياعين ابوي انت روح الطبيب برا تاكد منه
سعود" من غير مايناظرني .. طلع للطبيب وشافه وقال نفس يالي قلت
له .. وع طول شفته دخل ع المصلى....
سعود" بعد الاخبار الطيبه هذي.. والامل يالي ربي رجعه لي.. رحت
صليت.. ركعتين شكر.. وسجدت لربي .. وانا احمده واشكره انه ماخيب
رجاي.. ومارد دعواتي له ..

اتصلت ع عمي وعمتي.. هم عندنا بالقصيم .. من طاحت رغد.. بشرتهم
بالي قاله الطبيب... وجاو ع السريع عشان يشوفونها...
سعود" دخلت ..شفت مشاعل نايمه... مشيت لعنده رغد.. وسكرت الستارة
علينا.. جلست جنبها...ومسكت يدها وصرت اتاملها....بست جبينها
وبصوت واطي": يالله اصحي وبسك كسل... نوري دنيتي بضيا عيونك
وصدى صوتك... ابي اشوف بسمتك.. يالي من اشوفها هزت كياني
واسعدتني... اصحي... ماكفاك هجر لنا... مااشتقتي لنا...

رغد" هالصوت مهوب غريب على .. بس ماني قادرة اتذكر مين ...حسيت
بدفا صوتها وهو يكلمني...حاولت افتح عيوني.. بس ماقويت... احس راسي
ثقيل... وريقي ناااشف بالحييل... "وبصعوبه": ا..بي.. مويه
سعود" فزيت من مكاني... مو مستوعب يالي صار...معقوله الي اسمعه
ولا يتهئ لي من الفرحه... رجعت وقربت ثاني لها ": رغد انتي صحيتي
رغد" حسيت يوم احاول اتكلم حلقي يتجرح من الجفاف...ماقدرت ارجع
اتكلم ثاني... حاولت افتح عيوني...وبصعوبه..قدرت افتحها بشويش..
وجعني النور القوي...ورجعت غمضتها ثاني...بعدها .. حاولت افتحها
ببطئ اكثر.. دمعت عيوني.. من الهوا يالي لفحها..عقدت حواجبي
وفتحتهم.. كانت الرؤيه عندي مشوشه وضباب...فتحت عيوني وسكرتها
كذا مره.. بعد المره السادسه تقريبا صارت توضح عندي...وجعتني
عيوني...ناظرت المكان وماني عارفته... لفيت بنظري.. وخفت..
":.......................................
سعود" كنت اظن انه صوتها يالي طلع بس.. يوم قربت منها شفتها تحاول
تتكلم ثاني.. وتجاهد عشان تنطق.. بس هدت بعدها ملامحها...جلست
بخيبة امل...الا انتبه لحركه عيونها المستمرة..فزيت وكلي امل مره ثانيه
ووقفت عند راسها.. شفت عيونها وهي تحاول تفتحها..بالوقت عرفت
وتاكدت وحمدت ربي وشكرته انها صحت..جيت ابروح انادي الطبيب
بس ..وقفت ابي اشوف عيونها وحشتني .. نظرتها بكل مافيها من عناد
كره شموخ.. عزة نفس..وحنيتها مع الكل ماعداي....واخيرااا فتحت عيونها
كانت تدمع.. وهذا شئ طبيعي من بعد نومتها.. الطويله... وصارت ترمش
فيهم.. لحد ماقدرت تفتحها...نورت دنيتي..بضيا عيونها...":
رغد" انفجعت .. من يالي واقف قدامي... ماعرفته.. وحاولت اصرخ
ماقدرت ... وجعني حلقي.. وماقدرت اقوم.. جسمي مكسر...":......
سعود" استغربت من نظرتها.. والخوف يالي ملاها.. قربت منها حاول
اهديها.. لفت راسها بسرعه .. وصارت تصيح بصمت... مهيب قادرة
تطلع صوت.. حز بخاطري.. للدرجه هذي تكرهيني...حتى يوم صحيتي
وكنت اتمنى اكون اول انسان تشوفينه.. تشوفين شوقي وانتظاري لك ..
مديت يدي ..بمسك يدها احاول اهديها...الا شفتها تزيد بالبكي..كرهتك
ياسعود.. ماهي طايقه قربك ولا لمستك من بعد هالغياب .. وش منتظر
يعني.. وش بيغير الحال...ماتغير شئ..بينا وهي مهيب عارفه..وش صار
بفراقها...بعدت عنها ..وكلي الم بقلبي... من صدها لي.. عرفت انه صحيتها
هي .. موعد الفراق صدق....... رحت لمشاعل..وبصوت هامس":مشااعل
مشاعل:.......................
سعود" هزيت كتفها": مشااعل
مشاعل" انتبهت": سم اخوي بغيت شئ
سعود" ماكان فيني حيل اتكلم.. اشرت لها بيدي":..................
مشاعل" فزت من مكانها يوم شافتها.. طارت لعندها وبدموع فرح وعدم
تصديق... انها صحت":اخيرا اخيرا مابغيتي تصحين ياشيييخه
" حضنتها... بس لفت انتباهي.. رده فعلها نفس ردة الفعل... يالي قابلتني
فيها... حتى مشاعل يارغد منتي طايقتها.. ضحكت بداخلي... من كرهها
لي كرهت اهلي شكلها... طلعت انادي الطبيب .. الا واشوف عمي وعمتي
مقبلين......
ابو رائد: بشرني ياابوك وشلونها الحين
سعود" احاول اخفى الالم يالي بقلبي": ابشرك ياعم.. رغد صحت
وانا رايح انادي الطبيب .. يجي يشوفها ويطمنا عليها
ام رئد" ماانتظرتني اكمل جملتي الا طيران ع غرفت بنتها.... ابو رائد
انتظر برا الغرفه... لحد مارحت وجيت بالطبيب لانه مشاعل فيه... دخلت
من بعد ماطلبت منهم يتغطون...دخلنا ..الا انصدمت ..بردة فعلها ...انهبلت
حتى امها خايفه منها .. ومهيب راضيه لها تقرب منها...لفيت ع الطبيب
سعود"وانا عاقد حواجبي ومستغرب من ردة فعلها": دكتور وش السالفه
الدكتور" نادى النرس... ": والله ماني عارف..."قرب منها .. ونفس
نظرة الخوف... والدموع... يعني مب بس انا وش السالفه"
سعود" حاولت امسك اعصابي ومااصرخ...": وش فيها يادكتور ..ليه
تسوي كذا
رغد" انتبهت لصوته... هو الصوت يالي سمعته ..الصوت الدافي..الحنون
يالي حسيت بقربه لقلبي...رفعت نظري له ...مدري ليه حسيت هو الوحيد
الي حسيت بالراح له.. كل يالي حولي ماني عارفتهم...رفعت يدي ااشر له
"بمعنى ..تعال.. انت الوحيد يالي بحس بالراحه له".....
سعود"نظرتها غير ... مهيب خوف ولا كره.. نظرة تناديني فيها.. معقوله
يالي اشوفه.. بعدها نفضت هالفكرة... انا اخر انسان ..ممكن تسويها معه
لكن.. يوم شفت يدها تاشر على...ماقدرت ومن غير شعور رحت لها
ع طول...":........................
رغد"شفته قرب مني.. وبصعوبه شلت نفسي ..وتمسكت بثوبه..ودفنت
راسي فيه .. وصرت ابكي...هو جلس جنبي بالسرير ..وحضني...ما
قاومت.. حسيت بدفا وامان مهب طبيعي....حسيت براحه..مع اني ماني
عارفته...":................
سعود" حسيت روحي ردت لي من بعد مادفنت نفسها بحضني...حضنتها
بقوة لعندي خايف ..تضيع مني.. خايف انها تنتبه .. وتبعدني ثاني عنها
وبحنيه ": الف الحمدالله ع سلامتك يارغد... كذا تخوفينا عليك...شوفي
امك وشلون متقطعه بكي عليتس.. وناظري ابوتس بعد
رغد" صوته.. حنيته.. خلتني ادفن راسي بصدره اكثر... بس استغربت
يوم قال.. امك .. ابوك... مين هذول..رفعت نظر اشوفهم ثاني..بس ما
عرفتهم...وش يقول هذا .. انا اول مره اشوفهم بحياتي...واستغربت
يوم ناداني باسم رغد.." رفعت نظري له .. وحسيتا ني مااشوف شئ
من دموعي يالي كانها ضباب...وبصعوبه":م...مين.. رغد
سعود"تجمدت بمكاني.. وش يعني كلامها.. رفعت نظري للطبيب
وكل وعلامات الاستفهام .. والاسئله بوجهي.": دكتور

الدكتور" قرب من عندها يبي يكشف عليها.. بس خافت والصقت فيني
اكثر وتمسكت بكل قوتها.. يالي كانت ..مثل الطفل ومافيها حيل..من
شدة ضعفها...":ممكن تبعد شوي استاذ سعود
سعود" جيت بقوم.. تمسكت اكثررر..ماقدرت ابعد عنها.. ودي شلتها
ودخلتها بداخلي.. ولا اشوف نظرة الخوف بعيونها.. حسيت بنشوة
مهيب طبيعيه .. يوم مارمت نفسها الا بحضني.. عافت الكل..امها
ابوها ..حتى مشاعل.. ومابغت الا انا...مسحت ع راسها وبحنيه":رغد
لاتخافين انا معتس.. ماني قايم.. بس الطبيب يبي يكشف عليتس

عشان يطمنا ..طيب
رغد"تصيح..ودافنا راسها بحضني":.................
سعود" رفعت وجهها الاصفر الذبلان..بيدي ومسحت دموعها..وبحنيه
": لا تخافين انا معتس.. امسكي يدي.. ماراح ابعد عنتس.. بس نبي
نطمن ..طيب
رغد"هزيت راسي.. طول ماهو قربي.. احس بالامان...سكت ..وبعدت
عن حضنه.. وماودي ابعد ابعد..كنت ماسكه يده ..وكانها طوق نجاة
للغرقان..قرب من الطبيب.. وصار يكشف على.. بعدها صار يسالني
اساله .. وماجاوبته...":................
سعود: ردي ع الطبيب..
رغد" ماقدرت ريقي ناشف.. وحلقي ..يوجعني.. اشرت له ع حلقي..بس
مافهم.. بس الطبيب راح جا مويه ومدها لي.. انا بعدت عنه خايفه..":...
الدكتور" يلف ع سعود": عطها هالمويه .. حلقها جاف.. وماراح تقدر
تتكلم بسهوله..
سعود" اخذت الكاسه منه.. وقربت منها .. وهي مابعدت..حسيت بكل
السعادة.. الراحه..والاحساس.. الي ملكني.. باني احميها من كل شئ..
هي مارضت بقرب حد غيري.. ماارتحت الا لقربي..وعافت الكل..الا
انا.. مو قادر اوصف شعوري ولا احساسي... شعور فوق الوصف..
جلست جنبها.. وقربت الكاسه من فمها ...وهي مابعدت ..شربتها
بالبدايه صارت تكح... وبان الوجع بوجهها..رجعت قربت المويه لفمها
وهي كملت تشرب.. بصعوبه..": خلاص
رغد" حسيت الالم خف شوي... بس بالبدايه وجعني حييل...من جفافه
شربت كفايتي.. واشرت له براسي بمعنى ايه":...........
سعود.."يناظرني بحنيه ..حبيتها.. وماودي نزل عيونه يوم اشر ع الطبيب"
:رغد جاوبي ع الطبيب.. طيب
رغد"وبصوت مبحوح": لاتروح
سعود"كلمتها زلزلت كياني":ماني رايح شوفيني ماسكن يدتس..وماراح
ابعد الا يوم تقولين..طيب
رغد" ارتحت.. هزيت راسي بمعني"طيب":...........
الدكتور... صار يسالني اساله.. أي سنه انا فيها.. ووش اسمي..ووين انا
وكم عمري.. واساله كثير.. خلتني ابكي.. لان يماني عارفه لها جاوب
حاولت افكر.. بس وجعني راسي... ماقدرت...اسالته حيرتني...وسببت
لي ضيقه مب طبيعيه...رفعت نظري لسعود.. عرفت انه سعود..يوم
اسمع الكل يناديه بكذا": سعود
سعود" بلا شعور": عيونه
رغد"بخوف": قول لهم يطلعون..مااعرفهم.. مين هذول
سعود" استوعبت الموضوع كله ولفيت ع الطبيب": دكتور معقوله
الدكتور" هز راسه": ايو للاسف المدام عندها فقدان بالذاكرة
ام رائد" انهارت.. هي ماصدقت بنتها ترجع لها.. وبالنهايه تلاقي منها
الصد والخوف.. ابو رائد راح لعندها وحضنها.. وهون عليها بالكلام
وقال لها انه كلها يومين وتذكرهم..والطبيب طمنها بعد..طلب منا
نطلع ونخليها ترتاح.. بس هي دخلت بنوبة بكي...قربت منها خفت
عليها.. ومن بكائها.. شكلها كان طفله..ميته رعب.. من الي حولها
وهي ارتمت ع طول بحضني..": لاتروح ..قول لهم كلهم يطلعون بس
انت لا تروح
سعود" حضنتها..ومتناسي وجود عمي وعمتي ومشاعل...": ماني رايح
ابجلس هنا معتس...طيب
رغد"دفنت راسي بصدره":طيب

عطاها الطبيب مهدي.. وشوي الا راحت بالنوم.. بعدت عنها وماكان
ودي اقوم.. بس كنت ابي اتطمن واعرف وش السالفه...
سعود: الحين وش صاير
الدكتور: الضربه اثرت عليها ..ومن الارتجاج سبب فقدان للذاكرة
سعود: طيب هل هو مؤقت ولا شلون
الدكتور: والله مدري يااخ سعود.. بس بعد ماتهدى ومن بعد التحاليل
كل شئ راح يبان
سعود" مستغرب": طيب ليه مارضت لامها وابوها يقربون منها..
ليه انا بس وهي ماتذكر حد فينا
الدكتور: المريض يوم يكون بغيبوبه ...يحس بالي حوله.. وانا اشوف
السبب لانك كنت ملازمها طول الوقت واكثر صوت كانت تسمعه صوتك
فعشان كذا.. اتوقع حست بالامان.. مثل ماانتبهت انها كانت خايفه منك
انت بعد.. بص صوتك طمنها وحسسها بالراحه
سعود: طيب حالتها هذي لمتى.. تشوف امها وابوها متقطعين لقربها
يبون.. يتطمنون عليها
الدكتور: والله مدري .. كل حاجه بتبان مع الوقت...

مر اليوم كله عليها وهي نايمه.. وكانت فرصة عمتي لقربها..صارت
تبكي.. وتكلمها.. وهي ميتة شوق..لبنتها...طلعت وتركتها مع امها
وابوها .. ورحت اوصل مشاعل.. يالي كانت متضايقه بعد..
مشاعل:بتطول معها الحاله
سعود"ومركز ع السواقه": والله يااخوك مدري
مشاعل: والله انه عمتي ..وجعت قلبي وهي تبكي..كان ودها تحضنها
بس رغد مارضت...بالبدايه استنكرت الموقف بس يوم عرفت
انها فاقده الذاكرة.. هدى بالي شوي..كنت مشتاقه احضنها ..واتحمد
لها بالسلامه..بس هي ماعطتنا فرصه
سعود: مع الايام ان شاءالله تتحسن ..وبترجع رغد يالي تعرفونها
مشاعل: ان شاءالله.. والله اني ميتة شوق لها ..بس صدق ليه انت
بالذات رضت بقربه..
سعود" كنت مبسوط..والدنيا مو سايعتني للسبب هذا..حسيت اني
ملكت الدنيا كلها ..يوم مارضت الا بقربي.. حسيتا ني ارتويت..من بعد
عطش طوييل..هد حيلي..": مثل ماقال الطبيب.. يمكن لاني كنت
اكثر واحد تسمع صوته.. فعشان كذا .. صار يالي صار.. بس يوم
تهدى.. وتبدى تذكر .. راح تسمح لكم بقربها....
مشاعل: يارب ..انك ماتطول علينا.. وترجع رغد يالي نعرفها
سعود"من غيراقتناع بالدعوة.. لانه لو صارت..انا يالي راح اكون بمكانهم
جزء مني .. ماوده ترجع ذاكرتها.. لانه راح يرجع كرهها لي معه..وجزء
مني يبي ترجع.. يبيها ترجع بصحتها وسلامتها.. ترجع لامها وابوها
واخوها.. ترجع لبنتها.. حتى لو كانه.. ثمنه.. بعدي عنها...":امين

تو وصلت البيت وبطفي السيارة .. الا اشوف اتصال من المستشفى
خفت انه في شئ وبسرعه رديت: الو
الممرضه: الاستاذ سعود
سعود" بخوف": ايه معتس
الممرضه: ياليت تجي لعندنا بسرعه
سعود: ليه
الممرضه: المريضه .. صار معها حاله هيستريه وخوف..وموراضيه
لحد يقرب منها.. وتنادي عليك
سعود" سمعت انها تنادي على.. ع طول مشيت..بااسرع مافي
السيارة.. وصلت المستشفى.. وركضت ع غرفتها.. سمعت الازعاج
يالي طالع.. صوت عمتي ..تهدي فيها.. والكل يحاول يهدي فيها ..وهي
تصرخ.. وتطلب منهم يبعدون وتناديني..فتحت الباب بلا شعور... كان
كل همي.. اخليها تشوفني.. اخذها بحضني.. ماابي اسمعها تبكي.. ماابي
الخوف يالي بصوتها...شفتها.. وشلون واقفه بالزاويه..ومتكورة ع نفسها
وتبكي...اول مالمحتني.. فزت.. وجات ركض ورمت نفسها بحضني..
حضنتها..وودي دخلتها بصدري.. ابعدها عن الكل.. وتكون لي لحالي
ومافي حد يشاركني.. ودي شلت كل هالخوف منها..واحميها من الكل
ومن العالم كله..صرت امسح ع راسها": وش فيتس يارغد ليه هذا كله
رغد" بصوت مبحوح.. وبكي": ليه رحت عني.. ليه تركتني
سعود"ملكت الدنيا كلها من كلماتها..حضنتها اقوى لصدري..وهي
شدت اقوى...ومسحت ع راسها": ماتركت .. رحت اوصل مشاعل
تذكرين مشاعل صح..
رغد" وانا للحين دافنة وجهي بصدره.. حركت راسي": لا مااذكرها
وماابي اذكر احد.. وماابي اشوف احد.. طلعهم سعود.. مااعرفهم
ماابيهم .. الله يخليك بعدهم عني
سعود" رفعت راسي وناظرت عمي.. وبنبرة فهم على منها": عمي واللي
يسلم عمرك.. خذ عمتي.. وروحوا ارتاحوا.. ان شاءالله بعد ماترتاح..
وتهدى.. وانتم بعد تهدون.. كل شئ بيكون بخير..
ابو رائد" يمسك ام رائد": يلا مشينا
ام رائد" وصياحها يقطع القلب": ابي اجلس مع بنتي .. ماصدقت اشوفها
وهي صاحيه... ماشبعت منها ياابو رائد
ابو رائد" بحنيه": بنتك بخير.. وكلها كم يوم وترجع مثل قبل..الحين
احنا تطمنا عليها.. قومي.. قومي خليها ترتاح.. وقلبها يرتاح.. من
هالخوف..
ام رائد" تقوم" : وانا مو ذابحني الا خوفها مني.. تخاف من حضن امها
ابو رائد: ان شاءالله مايطول يالله مشينا .."ولف على": مااوصيك
ياسعود ع بنتي
سعود" وانا للحين حاضنها..وخجلت ع الوضع..وانا قدام عمي..تو انتبه
اني..مطيحن الميانه قدامه..": ان شاءالله لاتوصي حريص

طلعوا.. والدكتور معهم.. وصارت الغرفه لي ولها بس..كانت للحين
بحضني.. ودافنه راسها فيه..ومتمسكه بكل ..قوتها.. تمنيت الزمن
يوقف.. ع الحال هذا.. ماابي بعدها.. حبيت هالاحساس..وحبيت نظرة
الاحتياج.لي.. بعيونها..حبيت.. انها مارضت بقرب غيري..احساس
حلو بالحيل... يوم تكون محبوبتك..بين يديك.. ورافضه قرب العالم
كله.. وماتبي الا قربك.. بس قطعت تفكيري.. ورجعت لارض
الواقع.. لاتحلم كثير ياسعود.. كلها كم يوم وترجع ذاكرتها.. وتكون انت
بالجهه المرفوضه..": رغد
رغد:.....................
سعود" شلتها .. وهي ماقاومت..مشيت فيها للسرير.. وسدحتها...وكانت
للحين متمسكه بيدي..جيت بجلس ع الكرسي..مارضت...بعدت.وسوت
لي مكان..وانا مارديتها.. وماصدقت خبر.. اشتقت لنومتها بحضني
انسدحت.. جنبها.. وحطت راسها ع صدري.. وحضنتها..": مرتاحه
رغد" ماهمني أي شئ .. كل يالي همني انه مايبعد عني.. هو الانسان
الوحيد الي حسيت بالراحه والامان والدفا بحضنه.. ماابي يبعد عني..
مع اني مااعرفه ومااعرف من يكون..":ايه
سعود" بعد ماحسيت انها هدت من طريقه تنفسها ..صلحت جلستي
وبعدتها شوي وصرت مقابل وجهها": الحين انتي ماتعرفيني
رغد" هزيت براسي ": لا
سعود: طيب ليه..مارضيتي الا بقربي..
رغد"بحيرة": مدري..
سعود: طيب حاولي تتذكرين..
رغد"عقدت حواجبي.. لانه راسي وجعني وانا احاول": ماابي راسي
يوجعني
سعود"مسحت ع راسها": طيب اقول ل كانا مين
رغد: ايه
سعود: انا اصير زوجك
رغد"ارتحت للخبر .. لاني راحتي .. وحاجتي له ماكانت راحه اخت
لاخوها.. ولا احد من اقربها.. كانت حاجتي له حاجه بنت لحضن حبيبها
وزوجها.. شكلي كنت اموت عليه.. لاني مو قادرة ع فراقه..":صدق انت
زوجي
سعود: ايه
رغد: اها .. يمكن عشان كذا مارضيت لحد يقرب لي غيرك وماارتحت
لحد غيرك
سعود"كنت مبسوط من كلامها.. وصرت اشيل أي افكار تذكرني بالواقع
حتى لو كانت فترة مؤقته.. ابي اعيشها بقربها وحاجتها وحبها الكذوب
لي..": ايوا اتوقع كذا..مم طيب ماتبين تعرفين من كان هنا
رغد" بعدم اهتمام ": لا
سعود: ليه
رغد" بانزعج": مايهمني
سعود"ماحبيت اضايقها.. انا ماصدقت تصحى.. واشوفها تتكلم ..وتناظر
بعيونها ثاني":طيب.. انا جوعان.. وش رايك تتعشين معي
رغد" خفت انه يقوم ويبعد عني": لا لا ماابي.. لاتروح
سعود" ابتسمت.. لخوفها اني ابعد عنها": ماني رايح مكان العشاء
بيجي لعندنا..وش قلتي
رغد: لا مو مشتهيه
سعود"وانا ماكنت مشتهي.. بس يوم ناظرتها وشفت ضعفها..واصفرار
وجهها..قلت اباكل.. عشان تاكل.. هي وتصح": عشاني طيب
رغد"من غير أي تردد": طيب
سعود: وش ع بالك
رغد"بحيرة": مدري.. انا وش احب
سعود" كنت عارف وش تحب.. وش تكره.. مافاجاتني بسؤالها":ممم..طيب
الحين بطلب وتعرفين وش تحبين
رغد:طيب
سعود"اتصلت ع المطعم.. وطلبت منه يجيب صحن مقبلات ..وورق عنب
ولازانيا...وسيزلنغ دجاج... واتصلت ع المطعم الثاني.. وطلبت صحن
مشاوي...وورق عنب.. لانها تحب من المطعمين هذول..وعصير
كوكتيل..وطلبت من الممرضه انها تجيب كاسه عصير عشان تشربها
الحين ع مايوصل الطلب...قمت.. وهي رفضت قومتي.. بس طمنتها
اني بكون قربها.. كنت عارف رغد وشخصيتها.. وعارف انها ماتروق
وترتاح الا من بعد ماتاخذ لها شور.. مريح ودافي.. دخلت دورة المياه
"اكرمكم الله" وهي عيونها تراقبني.. وخايفه اطلع من الغرفه...جهزت
لها المويه..وعبيت البانيو..طلعت لها ومسكت يدها.. قلت لها تاخذ شور
سريع وماتطول.. ولا تقفل الباب .. واذا احتاجت شئ تناديني..ووريتها
كل شئ.. الشامبو .والجيل.. وكل شئ...طلعت .. ووقفت عند باب الحمام
بعد نص ساعه.. طلعت وهي لابسه الروب.. ولافه الفوطه ع راسها..
مديت لها .. البيجامه يالي عمتي جايبتها لها.. وقلت لها بنتظرها برا
عشان تغير.. بس استغربت من سؤالها
رغد"بحيرة": مو تقول زوجي.. ليه تطلع طيب
سعود" توهق": ايه زوجك.. بس انتي مو متعوده انك تغيرين قدامي
رغد" كنت خايفه انه يطلع.. وبخجل.. بس قاومته": طيب انت لف و
عطني ظهرك.. وانا بغير بسرعه.. بس لاتطلع
سعود" ضحكت ع شكلها.. كانت ميتة خجل..يالبى هالخجل الي ذبحني
وعلقني..وعرفت انها خايفه ابعد عنها": طيب
رغد" من بعد ماعطاني ظهره لبست بسرعه..":خلاص
سعود"لفيت عليها..وهي تجلس ع السرير..":نعيما
رغد"بخجل": الله ينعم عليك
سعود" جلست جنبها.. وخليت ظهرها ..بوجهي..وشلت الفوطه من راسها
وشعرها نزل..مثل الشلال ..ع ظهرها ..قربت راسي منه وشميته..
وحشتني ريحته..وملمسه..صرت اجففه..وهي ماقالت شئ...":.
رغد"بضحكه ذوبت قلبي... ضحكه اشتقت لها ودعيت ربي اني اسمعها
ثانيه": طيب ممكن تكمل جميلك وتمشطه
سعود" توهقت.. مااعرف امشط وخاف يوجعها طريقتي":بس مااعرف
رغد:عادي عادي
سعود: لا اخاف اوجعك وانا امشطه
رغد: ياسلاام للدرجه هذي شعري خشن
سعود" ضحكت ع طريقه كلامها":ههههههههههه لا مب كذا بس انتي
راسك مجروح اخاف اوجعك
رغد"بدلع طبيعي": عادي عندي احساس انك مستحيل توجعني او ترضى
لي بالوجع"ومسكت يدي بيدها الصغيرة..يالي كانت مزرقه من المغذيات
":صح
سعود"انعصر قلبي...خايف انها ترجع لها الذاكرة باي ثانيه..ويروح
كل هذا": اكيييد
رغد" تعطيني ظهرها": اجل خلاص
سعود"مسكت المشط.. وصرت امشط فيه..شعرها ماشاءالله تبارك الله
عليه..كان طويل.. بالحيل..خلصت..ورجعت لفيته ثانيه..عشان البرد
ومافي أي مجفف له..

وصل العشاء.. وجلسنا ناكل... انبسطت يوم شفتها تاكل..ومبسوطه..
كانت طبيعيه.. كم مره تمنيت.. اني اكون معها وهي بالحاله هذي
كنت احسد مشاعل.. واهلي.. يوم كانت تجلس معهم ..وتضحك
معهم.. وهذا ربي.. حققها لي.. حمدته وشكرته.. حتى لو كان ليوم
بس.. راضي..فيه..جلست ااكلها بيدي.. لحد ماشبعت..وهي تضحك
صارت تسوي مثلي وتاكلني بعد..كنت مبسووط من الوضع.. يالي حنا
فيه...
بعدها.. جلست معها ع السرير.. وصارت تسالني.. عن عمرها وكم صار
لنا متزوجين..هالجواب.. تعديته مدري ليه..بس صرت اقول لها عن
حياتنا بشكل سطحي...يعني عن مشاعل..امها امي..اخوها..وبنتها
يوم تكلمت عن جنى... فاجاتني بسؤالها
رغد" مبتسمه وبخجل": يعني صار لنا مده متزوجين..كم عمر بنتنا
سعود"حبيت هالكلمه..ماعرفت وش اقول لو قلت لا مب بنتنا بحيرها
واخاف انه يسبب لها انتكاسه او شئ:عمرها اربع سنين
رغد: يالله يعني صار لنها اربع سنين متزوجين"وبزعل":طيب ليه
مااذكر شئ منها
سعود: لانه صار معك حادث بسيط وبعدين اقولتس عليه..خلك تنسين
كل شئ
رغد"بحب": بس كل هذا ماخلاني انساك..او ع الاقل انسى اني ارتاح
لك واتطمن لك..وبخجل: شكلي كنت اموت عليك صح
سعود" بابتسامه..موجعه حاولت اخفيها عنها: ايه
رغد: وانت
سعود"مسكت يدها... وبستها": اموت ع التراب يالي تمشين فيه
رغد" بخجل.. ووجهها حمر":صدق
سعود: ايه صدق
رغد"رميت نفسي بحضنه.. احس اني مااشبع منه":طيب كلمني عنك
وعن حياتنا.. وعن بنتي
سعود"حضنتها.. وصرت اشم شعرها..غمضت عيوني..وانا اتهرب من
الاجابه":ممكن تخلين الاسئله بكرا.. انا الحين تعباان وميت نوم
رغد: لا اجلس شوي
سعود" وانا احرك اصبعي ع خشمها": ايه وش عليتس انتي نايمه لمدة
ثلاث اسابيع.. وانا الفقير.. النوم جافني ..
رغد"بحيا": اسفه
سعود" رفعت وجهها وبست جبينها": ليه الاسف
رغد: تعبتك معي
سعود"حضنتها وحطيت راسها ع صدري..وغمضت عيوني
وانا احمد ربي ع اللحظه هذي.. حتى لو كانت لليله بس":تعبك راحه
رغد"من غير تفكير":احبك
سعود"تجمدت..":.................................... ......

<<--يتبع




التوقيع:
signat
UoZa غير متواجد حالياً   رد مع اقتباس
إضافة رد

جديد مواضيع القسم الادبي ، شعر ، قصص ، روايات


مواضيع سابقة :

رواية انت غرامي وجنوني
كتابات بقلم سجايا الورد
الرقص فوق حافة السيوف

مواضيع تالية :

رواية انت غرامي وجنوني الارشيف
رواية انت غرامي وجنوني غرام
رواية انت غرامي وجنوني منتدى غرام

رواية انت غرامي وجنوني بدون ردود

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع المنتدى
رواية انت غرامي وجنوني القسم الادبي ، شعر ، قصص ، روايات
رواية انت لي بدون ردود القسم الادبي ، شعر ، قصص ، روايات
رواية انت لي كامله بدون ردود القسم الادبي ، شعر ، قصص ، روايات
رواية لجل الوعد بدون ردود القسم الادبي ، شعر ، قصص ، روايات
رواية لجل الوعد كامله بدون ردود القسم الادبي ، شعر ، قصص ، روايات


روابط الموقع الداخلية


الساعة الآن 03:26 AM.
Powered by vBulletin® Version 3.8.7
Copyright ©2000 - 2016, Jelsoft Enterprises Ltd.
Privacy Policy
SEO by vBSEO 3.6.0 ©2011, Crawlability, Inc.

الاتصال بنا - بورصات - الأرشيف - تنشيط العضوية - اعلن معنا - الأعلى    تحذير المخاطرة