موقع بورصات
  بورصات
تسجيل عضوية جديدة في المنتديات لوحة تحكم العضو البحث في المنتديات تسجيل الخروج الرئيسية الاتصال بنا

منتدى العملات العام لمتابعة كل ما يتعلق بتجارة العملات الاجنبية والذهب والنفط من اخبار وطرق المتاجرة وتحليلات ، قسم التوصيات – توصيات العملات لمتابعة توصيات ونقاط الدخول والخروج على مختلف العملات ، منتدى الدروس التعليمية يحتوي على دروس تعليمية لسوق العملات والتحليل الفني والاساسي وادارة رأس المال ، منتدى المؤشرات والاكسبيرتات يحتوي على اهم المؤشرات مع شرح لها بالاضافة الى بعض الدروس

العودة   بورصات > المنتديات العامة > استراحة بورصات

Battery

استراحة بورصات

إضافة رد
 
أدوات الموضوع
قديم 24 - 05 - 2012, 11:10 PM   #1
عضو مميـز
 

افتراضي Battery

Battery
مسآئكم بطآريه
كيف المذآكره
.
.





قمةة القهر لآصرت متحمس ع الاب آو الجوآل آوالأيبآد ..
فجأه آلبطآريه منخفضه
تتنكد وأنوآع آلركض ووين الششآحنن.
وخصوصآ لآصرت كسلآن ومحد معطيك وجه
ودي آشوف آشكآلكم لآجت تخلص ومبتلشين
الأيبآد مآعنده فيك يطفي ع طول
آلريموت يَ حبيبي :55:يخبطون فيه لمآ بالغصب يشتغل
يقولون أذآ خلص حجر البطآريه خلهآ تحت آلشمس
وتشتغل
صدق ولآ . . آحد ججرب ؟



اقتباس:
فيه شي مهم لازم نعرفه في البدايه ، إن البطاريات نوعين : نيكل و ليثيوم !
النيكل كانت تستخدم قديماً ، قبل تقريباً سبعة سنوات ، لكن المستخدمه حالياً
والموجوده في أجهزتنا المحموله والهاتف الجوال هي الليثيوم .


أقدر أشبك سلك الشاحن والبطارية موجوده في الجهاز؟!
نعم تقدر .. لأن بطارية الليثيوم في تصميمها الداخلي يوجد فيها
حساس وشغلته إنه يفصل الكهرباء عن البطاريه إذا اكتمل شحنها!.

الحساس في البطاريه زي الغطاء للعلبه ، تخيل لو عندك علبه
وتعبيها مويه مثلاً ، الطبيعي إنه إذا امتلت بتوقف وبتغلقها بواسطة
الغطاء ، لكن لو مافيه غطاء واستمريت تعبي وتعبي؟! الحاصل إن
الماء بيزيد ويفيض عن العلبه وهذا اللي يصير مع البطاريه ،
لو إن الحساس غير موجود ( الغطاء) والبطاريه قاعده تتعبى
من سلك الشاحن ( المويه ) اللي بيصير إن الشحن بيزيد وبتزيد
حرارة البطاريه لأنها اخذت طاقه أكبر من قدرتها وبالتالي ستنفجر !

لكن في بطارياتنا الحين ودام الحساس يعمل بشكل صحيح ، فيمكنك
وضع البطاريه وسلك الشاحن سوا في الجهاز لأن الحساس تلقائيا إذا
وصل شحن البطاريه 100% بيفصل عنها الكهرباء ، والجهاز في
هالحاله بيستهلك شحن من السلك وكأن البطاريه غير موجوده !
يعني البطارية وسلك الشاحن متفاهمين سوا لا تشيل همهم

طيب هل شحن البطارية وهي لم تفرغ بعد يؤدي إلى إتلافها؟!

الكلام هذا صحيح لكن في بطاريات النيكل فقط! ، لكن بطاريات الليثيوم
مختلفه وتقدر تستخدمها بدون ضمير ، تقدر تشبك الشاحن والبطارية
فيها مثلاً 40% يعني توها مافضت ، للتوضيح أكثر ناخذ مثال سريع :
الحين إذا جيت تطلع مشوار طويل ، وبطارية جوالك مافيها إلا النصف
بس بطبيعة الحال واللي نسويه كلنا إننا نكمل شحنها ، ونلاحظ إن بطارية
الجوال ممتازه وعمرها طويل ، مع إننا نسوي هالحركه ولا ننتظر البطارية
تفضى ! ، بطارية اللاب توب - ولأنها نفس نوع الجوال " ليثيوم " - تقدر
تسوي فيها نفس الشي ، وتشحنها وهي توها مافضت بعكس النيكل اللي
تخرب لو شحنتها شحن جزئي .


هل صحيح إني لو أشيل البطارية وأشتغل على سلك الشاحن أفضل لجهازي؟!

هذا صحيح قديماً في النيكل .. لكن الليثيوم ماينفع إنك تشيلها فتره طويله
لأن هالشي يضرها ويقلل من عمر الاستهلاك اليومي لها .. مثلاً
لو عندك ورده ( للأسف وصلت هالمرحله من التشبيهات هههههههههه)
عندك ورده في حديقه .. ولا أسقيتها مويه فتره من الزمن .. تتوقع إن
الورده بتعيش؟! .. طبعاً لا ( معلومة جديدة الصراحه ) ، وبطارية
الليثيوم نفس الشي .. إذا قعدت فتره بدون شحن (شحن= ماء) بينخفض
أدائها بشكل كبير!

وهذا يقودنا لنقطه مهمه وهي عمر البطارية !
البطاريه لها عمرين : العمر الافتراضي + الاستهلاك اليومي ..
الاستهلاك اليومي : وهو الوقت اللي تقضيه يومياً في استهلاك البطارية
فيه ناس تقعد بطاريتهم 3 ساعات وفيه ساعتين وسبب هالاختلاف
بنعرفه فيما بعدين

العمر الافتراضي : وهو عمر البطاريه منذ تاريخ إنتاجها إلى انتهائها
وهذا له عمر محدد ولا له علاقه أبداً بطريقة استخدامك لها والعمر هذا
غالباً يكون 3 سنوات .

وفيه ناس تتوقع إنها لو شالت البطاريه من الجهاز ولا استخدمتها
بيطول عمرها الافتراضي .. طبعا هالشي خطأ .. وللتوضيح ناخذ مثال

هالحين اللبن لو شريته ( ياشين اللي يكتب موضوع حزة تقليط الغداء)
اللبن شريته اليوم مثلاً .. وتاريخ إنتهائه بعد أسبوع .. ولنفترض إنك
حطيته في الثلاجه وهو جديد .. ومر أسبوع وإنت ما أستخدمته أبداً ..
هل تعتقد إن اللبن موب منتهي وبيبقى صالح للاستخدام عشانك مافتحته؟!
طبعاً لا .. هو له تاريخ محدد ينتهي فيه بغض النظر إنت استخدمته أو لا ..
بطارية الليثيوم زي كذا برضه .. تموت بعد تاريخ إنتهائها .. لذلك انتبه
لتاريخ الإنتاج إذا جيت تشتري بطارية جديده .

الزبده إنك مستحيل تطيل العمر الافتراضي لكنك تقدر تزيد عمر الاستهلاك
اليومي وهذا اللي عليه العلم

طيب كيف أزيد الاستهلاك اليومي؟!

طبعاً البطاريه في تركيبها الداخلي تحتوي على خلايا cells وكلما زاد عدد الخلايا
زاد عمر الاستهلاك اليومي .. يعني نسمع إن بطاريات تقعد ساعتين وبطاريات
ست ساعات هذا كله سببه عدد الخلايا .. وعدد الخلايا في البطاريات أنواع :
4 خلايا - 6 خلايا - 8 خلايا .
وأكيد كل مازاد عدد الخلايا كل مازاد سعر البطاريه + أدائها .
وتقدر تطلب البطاريه بـ 8 خلايا من وكيل الشركه اللي شاري منهم جهازك .

طيب الحين نجي للسؤال الأهم واللي يشتكي منه الكثيييير وهو أساس الموضوع

يقول لك أنا شريت بطاريه تقعد 4 ساعات .. بس إنها ماتقعد معي إلا ساعه بس
وتخلص .. وين المشكله؟! ..


المشكله هي قيامك بفعل أشياء تستهلك من البطاريه كثير .. والنقاط التاليه
توضح الطريقه الصحيحه في استخدام البطاريه " الفقره هذي مهمه جداً
وتطبيقها يطيل عمر البطاريه ( شخصياً يوم طبقتها صارت بطاريتي تقعد
ساعتين ونصف بعد ماكانت تقعد ساعه وربع ! )
أليم تشبيهه وشرحه

شطحه / من هو مخترع الكهربآء
حتى المبزره يعرفونه
.. كم مرهه وقفت عليك السياره بسبب انو البنزين خلص

.. بلآش زرف بطآريآت وتركب بطآريتك ب ِ جوآل آخوك علينآ


بعد تسبدي كم آنتي مهمه

* لآتشرهون ع الموضوع حزة أختبآرآت

النآس يَ الله بأختبآرآتهآ وانآ رآزه البطآريآت




اذا اعجبك الموضوع و اردت نشره في المنتديات الاخرى فاستخدم هذا الرابط:
Battery
http://www.borsaat.com/vb/t415565.html




التعديل الأخير تم بواسطة خادم القرآن ; 27 - 05 - 2012 الساعة 02:18 AM
hamdy2233 غير متواجد حالياً   رد مع اقتباس
إضافة رد

جديد مواضيع استراحة بورصات


مواضيع سابقة :

قبل الإختبار بخمس دقايق
متعب بن عبدالله وظائف عسكرية نسائية بالحرس الوطني قيد الدراسة
خبير قانوني الفقه أجاز للمرأة تولي التحكيم وليس القضاء

مواضيع تالية :

الإيقاع بملك الوشم في جدة
العثور على جثة طفلة بداخل حقيبة جنوب الرياض
حكمه روعه

Battery

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع المنتدى
تحديث برنامج Battery Extender 1.14 للمحافظة على البطارية عالم الجوال - الموبايل - الاندرويد
نغمة dying battery المثيرة نغمات الجوال - نغمات اندرويد - نغمات mp3
برنامج Ravensoft.Battery مو فر طاقة البطارية برامج الجوال - اندرويد - بلاك بيري - ايفون


روابط الموقع الداخلية


12:59 AM
Powered by vBulletin® Version 3.8.9
Copyright ©2000 - 2017, Jelsoft Enterprises Ltd.
Privacy Policy
SEO by vBSEO 3.6.0 ©2011, Crawlability, Inc.

الاتصال بنا - بورصات - الأرشيف - تنشيط العضوية - اعلن معنا - الأعلى    تحذير المخاطرة