ورشة تلميذ عروس الابيض المتوسط و نسر مصر

eeelnagm · 06-06-2009, 09:25 AM

رد: ورشة تلميذ عروس الابيض المتوسط و نسر مصر خد رحتك يا عم احمد السوق مش هيطير الامتحانات اهم من اي شئ

**ahmadforex** · 06-06-2009, 09:30 AM

اقتباس:

المشاركة الأصلية كتبت بواسطة samy

ربنا يوفقك يا ابو حميد
شد حيلك فى الامتحانات الاول
و بعدين
نكون جميعا معاك فى ورشتك

ربنا يخليك يا غالي و هانت اهه ان شاء الله و نبقي مع بعض جميعا في ورشتنا و ليست ورشتي وحدي و دعواتك معايا ان شاء الله
نورتني يا غالي

**ahmadforex** · 06-06-2009, 09:31 AM

اقتباس:

المشاركة الأصلية كتبت بواسطة eeelnagm

خد رحتك يا عم احمد السوق مش هيطير الامتحانات اهم من اي شئ

شكرا يا غالي علي مرورك
و صدقني والله الحمد لله ان فيه امتحانات و ناس كتير مش شغاله دلوقتي لان فعلا السوق دلوقتي صعب الشغل فيه
ان شاء الله يتظبط و نشوف الشغل الجميل تاني ان شاء الله
دعواتك يا غالي

kingtoot1959 · 06-06-2009, 07:30 PM

بالتوفيق يا أحمد فى الامتحانات وفى الورشة وان شاء الله نقول مبروك على النجاح والارباح
تحياتى

**ahmadforex** · 05-07-2009, 02:10 AM

بسم الله الرحمن الرحيم

ان شاء الله يا جماعه باب الورشة مفتوح من الاسبوع القادم لتحليلاتكم و تحليلاتي المتواضعة ان شاء الله و زي ماقلت الموضوع هنحاول نستفيد بيه مش توصيات و لكن موضوع تعليمي في المقام الاول و اتمني مشاركة الجميع و تصحيح اخطائي و اخطاؤ الاخوة و ان شاء الله ورشة موفقة مثل الورشة الام ورشة عروس الابيض المتوسط

انتظروا التحليلات المتوقعه ان شاء الله للاسبوع القادم

دعواتكم

m10000 · 05-07-2009, 02:14 AM

اقتباس:

المشاركة الأصلية كتبت بواسطة ahmadforex

بسم الله الرحمن الرحيم

ان شاء الله يا جماعه باب الورشة مفتوح من الاسبوع القادم لتحليلاتكم و تحليلاتي المتواضعة ان شاء الله و زي ماقلت الموضوع هنحاول نستفيد بيه مش توصيات و لكن موضوع تعليمي في المقام الاول و اتمني مشاركة الجميع و تصحيح اخطائي و اخطاؤ الاخوة و ان شاء الله ورشة موفقة مثل الورشة الام ورشة عروس الابيض المتوسط

انتظروا التحليلات المتوقعه ان شاء الله للاسبوع القادم

دعواتكم

بالتوفيق يا أبو حميد

فى انتظار التحليلات يا باشا

و ان شاء الله تكون ورشة جميلة و كلنا نستفيد منها

د.أسامة عادل · 05-07-2009, 02:28 AM

حمدا لله على السلامة و على رفع الموضوع...
متابع معاك يا طيب..
الله كريم.,

**ahmadforex** · 05-07-2009, 03:01 AM

بسم الله الرحمن الرحيم

اولا شكرا لكل من رحب بوجودي و بالموضوع و شكر خاص لمعلمي نسر مصر الدكتور اسامة

طبعا انا قلت ان الموضوع هيكون للفريمات الصغيرة و لكن مينفعش اشتغل علي فريمات صغيرة من غير ما ابص علي الفريمات الكبيرة و نشوف الجدران فين علشان مش نخبط بيها في وسط الشغل ان شاء الله

يبقي لازم نلف لفة كده و نشوف راسنا من رجلينا و نعرف احنا فين بالظبط و بعدين نبدا نقسم الشارت علي مزاجنا و علي اد شغلنا

طيب يبقي احنا نشوف بعض الازواج اللي هنتشتغل عليها و مش لازم ابدا بكتير لان التركيز افضل بكتير اننا ننبص علي اكتر من فرصة و منلحقش ولا واحده منهم

هنبدا و نبص علي الزعيم و اسمحولي اني هطلب من الدكتور ديما يصححلي معلوماتي علشان اخد الثقة و انتوا كمان تاخدوا الثقة فيا و في تحليلاتي و انا كل اللي هقوله دلوقتي هيبقي علي المدي البعيد و ان شاء الله من بداية الاسبوع هنبدا نشوف الفريمات الاصغر و نشوف السوق هيمشي معانا فين و ازاي

هبدا بشارت للزعيم و انا شايفه انه لحد دلوقتي لم يتاكد هبوطه و دي رايي الشخصي والله اعلم لان ناس كتير قالت كده خلاص اليورو دولار هابط و صعود للدولار لكن كلاسيكيا هوه فعلا كسر ترند صاعد بس لسه قدامه مشوار طويل شوية علشان ياكد الهبوط و هنشوف في الشارت و قولولي رايكم برده

ده رايي في اليورو دولار والله اعلم و انه ما زال علي المدي البعيد محصور داخل هذه الترندات و في انتظار كسرها و في رايي الخط الاصفر خط محوري جدا لهبوط السعر اكثر و اكثر

و دلوقتي نتكلم عن المجنون و طبعا علشان اجيب سيرة المجنون لازم نشوف حبايبه و هم الكيبل و الدولار ين

نبدا بالكيبل و الصراحة انا شايف الكيبل بقاله فترة تقريبا شهر في تذبذب غريب و محصور داخل مستطيل كانه خايف يخرج منه و ده واضح في الشارت و لكنه كسر ترند صاعد علي الاربع ساعات و رجع اغلق فوقه و الترند باه منظره وحش اوي اوي بس هنستحمله و نقول انه اتكسر و لكن برده داخل المستطيل و انا شايف ان كسر المستطيل لاسفل و ده الاحتمال الاكبر ( مما يؤيد ان ممكن الزعيم يهبط والله اعلم برده ) هيكون كسر لخط دعم قوي و هيؤدي للهبوط نتيجة ارتفاع الدولار اكثر و اكثر و الشارت يعبر عن كلامنا اكتر و اكتر

طيب هنتكلم عن الدولار ين علشان نبدا نتكلم باه عن المجنون

طيب الدولار ين و دي نظرة خاصة بيا و لست متاكد منها و لكنه كون نموذج راس و كتفين و تم كسره و اعادة الاختبار بنجاح وانا شايف والله اعلم صعود للدولار ين علي الاقل الي خط الترند الموضح و بالتالي مع هبوط الكيبل و صعود الدولار ين هيبقي في قلق شوية في المجنون و ده شارت الدولار ين و اتمني يكون النموذج سليم

طيب نشوف المجنون و نحلله برده و نشوف القلق بتاعه ده هيوديه فين ان شاء الله

علي شارت الديلي المجنون كسر ترند صاعد و بيكمل نموذج راس و كتفين و ناوي يكسره و في الحالة دي هيبقي هبوط قوي ان شاء الله حتي الترند الصاعد التالي و هناك نتكلم و نشوف ايه اللي ممكن يحصل بعدها و لكن كله مترتب علي اكتمال النموذج و تاكيد كسر الترند و ده هيبان مع افتتاح السوق ان شاء الله يوم الاتنين

و اسيبكم مع الشارت البسيط ده تقولولي رايكم فيه

طبعا دي مش كل الازواج و طبعا ده مش كل الشارتات ولكن انا بقول خطوط عريضة نبدا بيها الورشة و نركز فيها و بعدين ندخل علي التفاصيل لان اللي هيركز في الفريمات الصغيرة علي طول مش هيبقي فاهم حتي الترند العام ايه او الاتجاه علي المدي البعيد ايه

اتمني يكون التحليل علي الاقل جيد و انتظروا المزيد ان شاء الله

alshreef2005 · 05-07-2009, 03:01 AM

بالتوفيق لتلميذ استاذى الاخ الكبير نسر جازاه خير وجزاك خيرا

**ahmadforex** · 05-07-2009, 03:14 AM

اقتباس:

المشاركة الأصلية كتبت بواسطة alshreef2005

بالتوفيق لتلميذ استاذى الاخ الكبير نسر جازاه خير وجزاك خيرا

شكرا يا غالي و منتظر متابعتك ان شاء الله و تحليلاتك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
$$$...ورشة عروس الابيض المتوسط...$$$	د.أسامة عادل	استراتيجية - استراتيجيات التداول	6858	30-08-2010 11:22 PM
الاسكندريه عروس البحر الابيض المتوسط	عمر حسين	السياحة و السفر	0	01-09-2009 09:00 PM

أدوات الموضوع
مشاهدة صفحة طباعة الموضوع أرسل هذا الموضوع إلى صديق

ورشة تلميذ عروس الابيض المتوسط و نسر مصر

منتدى العملات العام Forex

ورشة تلميذ عروس الابيض المتوسط و نسر مصر