موقع بورصات
 
بورصات
تسجيل عضوية جديدة في المنتديات لوحة تحكم العضو البحث في المنتديات تسجيل الخروج الرئيسية الاتصال بنا

منتدى العملات العام Forex لمتابعة كل ما يتعلق بتجارة العملات الاجنبية – الفوركس والذهب والنفط من اخبار وطرق المتاجرة وتحليلات ، قسم التوصيات – توصيات العملات لمتابعة توصيات فوركس ونقاط الدخول والخروج على مختلف العملات ، منتدى الدروس التعليمية – فوركس يحتوي على دروس تعليمية لسوق العملات والتحليل الفني والاساسي وادارة رأس المال فوركس ، منتدى المؤشرات والاكسبيرتات يحتوي على اهم المؤشرات مع شرح لها بالاضافة الى بعض الدروس

العودة   بورصات > بورصة العملات الاجنبية - الفوركس > استراتيجية - استراتيجيات التداول

$$$...ورشة عروس الابيض المتوسط...$$$

استراتيجية - استراتيجيات التداول

Like Tree3Likes

إضافة رد
 
أدوات الموضوع
قديم 24 - 01 - 2009, 03:04 AM   #631
عضو نشيط جدا
 
الصورة الرمزية amir issa
 

افتراضي رد: $$$...ورشة عروس الابيض المتوسط...$$$

رد: $$$...ورشة عروس الابيض المتوسط...$$$

الله يبارك فيك يا باشا.,
ردى كان مخصوص عشان هو شرح لطريقة المنشار للكل و الشرح ميضيعش مع الردود
اتمنى ان لا اطيل عليكم الشرح.,
تعتمد طريقة المنشار الاسكندرانى على رسم الترندات بين القمم و القيعان على الفريمات الصغيرة يعنى ربع ساعة و نصف ساعة
بعد كده نبص على الترند العام للزوج يعنى مثلا لو الترند هابط زى اغلب الازواج يبقى ننتظر الزوج لما يوصل للقمة و ناخده بيع لغاية القاع التالى او ما نرضى من ربح
يوصل للقاع نسيبه لما يطلع تانى للقمة مناخدوش شراء من تحت عشان الترند العام هابط يبقى مندخلش شراء ابدا
يطلع للقمة التالية ناخده تانى بيع للقاع
و هكذا يطلع نستناه فوق و ناخده من فوق تانى
فى مرة لازم القاع حيتكسر و الزوج حيكمل يدور على اللو التالى ناخده من بعد الكسر عشان حيكون كسر لضلع او وتد صاعد و نبيع الى اللو التالى و ننتظره مع التذبذب و تانى تعيد الكرة مع المنشار بيع من القمة و انتظار فى القاع و بيع من القمة و انتظار و بيع من الكسر.,

دى ببساطة الطريقة بس لازم ناخد بالنا من حاجات هامة جدا:
1- الترند العام هو اللى بيحركنا اما البيع دايما او الشراء دايما
2-سلاحك هو الشمعة الانعكاسية تنتظر اغلاقها على الربع ساعة تؤكد الطريق.,
3- افضل وقت للمنشار هو فترة طوكيو لانها متذبذبة دايما طالع نازل و المنشار شغال
4-ميزة المنشار انه على اى زوج و اى وقت
5-الميزة الكبرى ان الستوب صغير جدا لانك تبيع من القمة فالستوب يكون صغير جدا 20-30 نقطة مثلا لنبعد عن الذيول و الهدف يكون القاع يبقى 70 او 80 او 100 او ما يكون و ترضى من ربح
يعنى الهدف 5 اضعاف الهدف مثلا.,
6-لازم تبص على شمعة الاربع ساعات و تشوف وضعها اية طالعة نازلة ولا دوجى ولا انعكاسية عشان برضه تحدد طريقك.,
7- ممكن تدخل 100 مرة فى اليوم افتح بس كل الازواج و انت حتلاقى خير بس خليك كيس فطن.
8- اياك و مضاعفة العقود ممكن تلاقى نفسك بتعمل 300 بيب كل يوم تقوم تضاعف العقود
تأكد ان حتلبس فى الحيط لو عملت كده المنشار ممكن يقسملك حسابك نصين رجاء الادارة الصارمة لراس المال.

اتمنى ان تكون وصلت الفكرة ممكنا كلنا نتابع و اللى يشوف فرصة يحطها او يجربها ديمو لغاية ما يتقنها,

وطبعا اتمنى اسمع ردكم فى المنشار و اسئلتكم
الله كريم.,

السلام عليكم
اولا/ اتمنى لك التوفيق والاستمراريه فى موضوعك الى الابد ان شاء الله
ثانيا /طريقه سهله وجميله وبعد اذن حضرتك ان سنحت لى فرصه اقوم بعرضها على سبيل التعلم فقط


وفقك الله لما فيه الخير دائما



amir issa غير متواجد حالياً   رد مع اقتباس
قديم 24 - 01 - 2009, 10:34 AM   #632
عضو نشيط جدا
 
الصورة الرمزية waoool
 

افتراضي رد: $$$...ورشة عروس الابيض المتوسط...$$$

ربنا يكرمك يا دكتور وان شاء الله احاول انى اتعلم الطريقة ويشرفنى ان يكون استاذى هو دكتورنا الكبير اوى الاسكندرانى




التوقيع:
@@ عاشق الميورى @@
$$$
الشارع ده شفتك انتى ماشية فيه ,,,
لابسة جيب
وبلوزة وردى ,
وعاملة ديل حصان وجايه ,
اتجاهك اتجاهى مشينا فيه ...
والشارع ده سحاب وتيه , بس لازم نستميت ,,,,
waoool غير متواجد حالياً   رد مع اقتباس
قديم 24 - 01 - 2009, 02:11 PM   #633
مضارب شرس
 
الصورة الرمزية Haithem Hussien
 

افتراضي رد: $$$...ورشة عروس الابيض المتوسط...$$$

ممتاز الشرح والله يا دكتور
لي سؤال ،،، حضرتك بتقول الدخول مع الترند العام للزوج ؟؟ أحدده علي فريم كام بالظبط ،،، 4 ساعات ـ دايلي ـ ويكلي ؟؟؟ عشان بعد كده اخده وانا مطمئن علي الفريم الصغير



التوقيع:
" لا تفرح بما آتاك ولا تحزن علي ما فاتك "

سبحان الله وبحمده ،،،، سبحان الله العظيم
Haithem Hussien غير متواجد حالياً   رد مع اقتباس
قديم 24 - 01 - 2009, 03:03 PM   #634
عضو فـعّـال
 
الصورة الرمزية نادر فيليب
 

Smile رد: $$$...ورشة عروس الابيض المتوسط...$$$

معلش باشا سؤالين كمان :-

1- أنت منين (أعتقد أنك من بحرى ) ؟

2- سؤال محيرنى جدا وسألت فيه عرب وأجانب محدش رد عليه (زى أول مرة ليا لما قولت لك أنا أسكندرانى كمان وبردو مخدتش بالك ههههههه ) السؤال بقى أذاى أعرف أن السعر كسر مستوى معين ومش بيختبره أو بيجربه بس و على أنهى تايم فريم ؟ هل لو قفلت الشمعة فوق المقاومة تكون كده عديتها وللا بتختبرها ؟؟؟ !!! عشان ساعات أفتكرها عدت تقوم ترجع تانى وساعات أقول أستنى شوية للتأكيد ألاقية حصل المقاومة اللى بعدها .... وأنا أتجنيت خالص بصراحة يا تلحقنى يا متلحقنيش .....كتاكيت ...كتاكيت.هاهاهاه ...ها.مها. بللللب
زززززز



نادر فيليب غير متواجد حالياً   رد مع اقتباس
قديم 24 - 01 - 2009, 06:46 PM   #635
عضو فـضـي
 
الصورة الرمزية د.أسامة عادل
 

افتراضي رد: $$$...ورشة عروس الابيض المتوسط...$$$

اقتباس:
المشاركة الأصلية كتبت بواسطة hhsh مشاهدة المشاركة
ممتاز الشرح والله يا دكتور
لي سؤال ،،، حضرتك بتقول الدخول مع الترند العام للزوج ؟؟ أحدده علي فريم كام بالظبط ،،، 4 ساعات ـ دايلي ـ ويكلي ؟؟؟ عشان بعد كده اخده وانا مطمئن علي الفريم الصغير

اجازة سعيدة يا شباب
انا غالبا مش بدخل اونلاين فى الاجازة لكن قلت اعدى امسى على الناس الحلوين
بالنسبة للترند العام للزوج ممكن ناخد الدايلى كترند عام لان الويكلى لو بشتغل سوينجات و ده مش موضوعنا حاليا
الاربع ساعات لا تكفى لتكون ترند شاذ عن الدايلى غالبا الاربع ساعات تطابق الدايلى و لو اختلفوا يبقى فى كسر مستويات قوية و انعكاس للترند فاحسنلك تكبر دماغك طالما انت مش متأكد



اقتباس:
المشاركة الأصلية كتبت بواسطة nader_ph مشاهدة المشاركة
معلش باشا سؤالين كمان :-

1- أنت منين (أعتقد أنك من بحرى ) ؟
اه بيت عيلتى لوالدى و الحاجة والدتى من بحرى و بحرى دى اللى اتربيت فيها و هى عشقى الاول فى الاسكندرية لكن دلوقتى من مقيمى سموحة.,

2- سؤال محيرنى جدا وسألت فيه عرب وأجانب محدش رد عليه (زى أول مرة ليا لما قولت لك أنا أسكندرانى كمان وبردو مخدتش بالك ههههههه ) السؤال بقى أذاى أعرف أن السعر كسر مستوى معين ومش بيختبره أو بيجربه بس و على أنهى تايم فريم ؟ هل لو قفلت الشمعة فوق المقاومة تكون كده عديتها وللا بتختبرها ؟؟؟ !!! عشان ساعات أفتكرها عدت تقوم ترجع تانى وساعات أقول أستنى شوية للتأكيد ألاقية حصل المقاومة اللى بعدها .... وأنا أتجنيت خالص بصراحة يا تلحقنى يا متلحقنيش .....كتاكيت ...كتاكيت.هاهاهاه ...ها.مها. بللللب
زززززز
معلش مكنتش اعرف انك اسكندرانى و اكيد يا باشا اسكندرية منورة عشانك من اهلها
الكسر و الارتداد بيجى بالتمرين و الممارسة و التكرار بيعلم الشطار
بس انصحك باهم سلاح و هو الاغلاق اغلب الخاسرين يلاقوا الشمعة كسرت مستوى و طلعت حتى 60 70 نقطة فوق الكسر يدخل مع الكسر يلاقى السعر ارتد و الزوج نزل قفل تحت الترند و الطلوع ده كان ذيل بس و انت شربت المقلب
الكسر لازم يكون اغلاق رسمى لشمعة كاسره ترند بيه
الشمعة لازم تكسر مش تخترق و تعدى و تتذبذب على الترند يعنى لو ترند هابط مثلا لازم تقفل شمعة صاعدة فوق الترند مش شمعة حيرة زى الدوجى
كالعادة سلاحك الشمعة الانعكاسية اللى بتنورلك طريقك غالبا فى الترندات القوية على الفريمات الكبيرة كالربع ساعات و الدايلى يتم اعادة الاختبار للترند المكسور يعنى الزوج يكسر الترند ويقفل شمعة و ينزل شوية يؤكد الكسر و بعد كده يطلع تانى للترند اللى كسره عشان يحوله الى دعم يطيره الى الترند الاكبر منه من الترند العام اللى ماشى فيه الزوج
برضه دخولك يبقى من ظهور شمعة انعكاسية مع ملامسة الترند المكسور و المعاد اختباره لان بعدها سيكمل الزوج كاسرا كل ما امامه الى المستوى التالى
لو عاد و اغلق داخل الترند يبقى كسر فشنك و الزوح سيواصل طريقه بس دى نادر ما بتحصل لان كبار محركى السوق يقومون بدفع السوق دفعا لعدم الكسر و دى بتبقى غالبا ضرب ستوباتنا زى ما حصل مع الاسترالى دولار الاسبوع الماضى.,
و طبعا الدفع للاسعار يكون على الفريمات الكبيرة اللى كسرها حيغير سعر صرف الزوج.,
اتمنى تكون الفكرة وضحت و اكيد سعيد بسماع اسئلة اضافية و متابعة منك للفرص

ان شاء الله الكل يتابع الفرص و نصححها مع بعض و 5 عقول تفكر احسن من عقل واحد اكيد!
الله كريم.,




التعديل الأخير تم بواسطة د.أسامة عادل ; 24 - 01 - 2009 الساعة 06:50 PM
د.أسامة عادل غير متواجد حالياً   رد مع اقتباس
قديم 24 - 01 - 2009, 08:57 PM   #636
عضو فـضـي
 
الصورة الرمزية د.أسامة عادل
 

افتراضي رد: $$$...ورشة عروس الابيض المتوسط...$$$

السلام عليكم
اجازة سعيدة ان شاء الله

نظرة كده على الماشى للفرص المرتقبة عشان نحدد اهدافنا للاسبوع القادم

حنبدا بالدولار كندى
الكندى بقى غول مفترس بعد تخفيض الفايدة عليه
الكندى عدم الجنيه العافية و نزله للو تاريخى جديد
الكندى كسر ترند اليورو الصاعد و ناويله هلى نية سودة الاسبوع الجاى حنتكلم عن اليورو كندى فى مشاركة مستقلة
حتى الين الشرس الكندى روضه و بقى قط اليف بالنسبة له
حتى الفرنك القوى لم يسلم من الغول الجديد و ارتفع زوج الكندى فرنك 400 نقطة فى ثلاثة ايام.,

اساسيا نرى الكندى قوى لتخفيض الفائدة عليه و برضه البترول اللى حلق الى مستويات 44 دولار للبرميل الى مشفنهاش بقالنا فترة مدفوعا بفصل الشتاء القارص و استمرار انخفاض انتاج دول الاوبك و طبعا الخروج الامريكى من العراق مما تسبب فى رفع السعر.

نتكلم بقى فنيا عن الدولار كندى

اغلاق اسبوعى ولا اروع للزوج شمعة انعكاسية شهاب تنذر الجميع ان الزوج بدأ مرحلة الهبوط القوى
اغلاق الدايلى اكثر من رائع كاسرا ترند صاعد على الساعة و شمعة هابطة اغلاقها تحت لو شمعة انعكاسية بخمس نقاط
اغلاق الدايلى كاسرا مستوى 23 فيبوناشى التصحيحى ليكون هدف التالى مستوى 50 فيبو اللى هو تلاقى مع ترند صاعد على الدايلى
هدف الزوج للاسبوع القادم سيكون 1.2000 ان شاء الله و ان شاء الله يتوجه بدون مطبات هوائية
الدخول يكون مع الافتتاح او افضل سعر من مستوي 23 فيبو عن نفسى سأنتظر الجاب اولا و ادخل من افضل سعر او من السعر الحالى 1.2307
سنغلق الصفقة عند الوصول للهدف الذى قد يمتد بكسر ترند الدايلى الصاعد بفعل شمعة الاسبوعى الشهاب.,

فاصل و نرى اليورو كندى ووضعه معانا

الله كريم.,










د.أسامة عادل غير متواجد حالياً   رد مع اقتباس
قديم 24 - 01 - 2009, 09:12 PM   #637
عضو فـضـي
 
الصورة الرمزية د.أسامة عادل
 

افتراضي رد: $$$...ورشة عروس الابيض المتوسط...$$$

اليورو كندى

برضه نفس الوضع لليورو
الكندى مستحلفله الاسبوع الجاى
على الاسبوعى شمعة بالعة هابطة اغلقت تحت افتتاح الشمعة السابقة لها تنذر باستمرار الهبوط.
الزوج كسر ترند صاعد على الدايلى و اغلق تحت و ان لم يكسر ترند الويكلى لسه
ننتظر كسر مستوى 61 فيبوناشى اللى حيكون كسر للترند الويكلى معاه لندخل بيع للاهداف الموضحة بالشارت
امامنا مستوى 61 اولا جنوبا و اعادة الاختبار شمالا
ننتظر الكسر او الشمعة الانعكاسية لنبيع ان شاء الله
اهدافنا ستكون 1.5600 كهدف اول
ثم اللو مرة اخرى عند 1.5000 كهدف نهائى للاسبوع الحالى و القادم ان شاء الله

متابعين مع بعض ازواج الكندى
الله كريم.,








د.أسامة عادل غير متواجد حالياً   رد مع اقتباس
قديم 24 - 01 - 2009, 10:42 PM   #638
عضو برونزي
 
الصورة الرمزية Muhannad
 

Thumbs up رد: $$$...ورشة عروس الابيض المتوسط...$$$

السلام عليكم اخي نسر ،،،،

بصراحة بتلبعك من اول ما فتحت الموضوع وما شاء الله عليك جمعت فيه التعليم والتوصيلت والنكت او الفكاهة يعني بالعربي بتاع كله والى الامام يا غالي
ولو سمحت 3 اسئلة عن المنشار وهم :

الاول / كيف يتم رسم الترند على الربع والنصف ساعة اي كما شفت بثلاثة قمم وقيعان ام يجوز اثنتين قمم وثلاث قيعان او العكس فارجوو رائيك وشكراااااااا ؟؟؟

الثاني / انه لو تم اختراق الوتد للاعلى واقفلت الشمعة فوقه وتبعتها شمعة اخرى فوقه يتم اخذه شراء مع العلم انو الترند العام هابط كاليورو دولار ؟؟؟

والثالث / اذا تم كسر الترند اللي رسناها او الوتد للاسفل واقفال الشمعة للاسفل وتبعتها شمعة ثانية تحت الوتد ما ذا نفعل لانه في ترند هابط وممكن ما يطلع للالى عشن ناخذه بيع للاسفل اللي انكسر فارجووووووووووو انك فهمتني وارجووووو النصيحة والرد اخي نسر وشكرااااااااااااااااا

همسة ممكن تضع بعض الفرص عند الافتتاح للسوق على المنشار عشان نتعلم الترند والطريقة وان شاء الله يكون فيها الربح والخير وشكراااااااااااااااااااا




Muhannad غير متواجد حالياً   رد مع اقتباس
قديم 24 - 01 - 2009, 11:31 PM   #639
عضو فـضـي
 
الصورة الرمزية د.أسامة عادل
 

افتراضي رد: $$$...ورشة عروس الابيض المتوسط...$$$

اقتباس:
المشاركة الأصلية كتبت بواسطة Muhannad مشاهدة المشاركة
السلام عليكم اخي نسر ،،،،

بصراحة بتلبعك من اول ما فتحت الموضوع وما شاء الله عليك جمعت فيه التعليم والتوصيلت والنكت او الفكاهة يعني بالعربي بتاع كله والى الامام يا غالي

تسلم يا باشا للمرور الرقيق.,
بس مكناش بنسمع صوتك و طالما انك بتابع الورشة يبقى لازم متحرمناش من طلتك الحلوة يا غالى

ولو سمحت 3 اسئلة عن المنشار وهم :

الاول / كيف يتم رسم الترند على الربع والنصف ساعة اي كما شفت بثلاثة قمم وقيعان ام يجوز اثنتين قمم وثلاث قيعان او العكس فارجوو رائيك وشكراااااااا ؟؟؟

ممكن تعتمد على ارتكازين فقط كقمم او قيعان و تشتغل عليهم لكن كل ما تزيد الارتكازات يكون الدخول اكثر امانا.,

الثاني / انه لو تم اختراق الوتد للاعلى واقفلت الشمعة فوقه وتبعتها شمعة اخرى فوقه يتم اخذه شراء مع العلم انو الترند العام هابط كاليورو دولار ؟؟؟

ترند ايز يور فرند
لا تدخل عكس الترند ابدا لو الزوج كسر و اخترق مش حيطول المقاومة على الفريم الاكبر حتجيبه تحت تانى عشان الترند هابط
شوف فرصة تانية الازواج كتير و الفرص مفيش اكتر منها انت بس نقى و استنضف و انت بتنقى

والثالث / اذا تم كسر الترند اللي رسناها او الوتد للاسفل واقفال الشمعة للاسفل وتبعتها شمعة ثانية تحت الوتد ما ذا نفعل لانه في ترند هابط وممكن ما يطلع للالى عشن ناخذه بيع للاسفل اللي انكسر فارجووووووووووو انك فهمتني وارجووووو النصيحة والرد اخي نسر وشكرااااااااااااااااا

مفهمتش قوى الصراحة بس اللى اقدر اقوله طالما الترند هابط و هو كسر الوتد السفلى او خط الدعم و اغلق بشمعة هابطة تحت الكسر يكون الهدف هو الدعم التالى للزوج يقف عنده شويه و يرده شوية و يتذبذب عليه شوية و بعد كده يكسره للدعم التالى
كل ده طالما الترند هابط و طبعا كل ده انت بتصطاده بالمنشار طالما بدأ فى الذبذبة او كسر خط الدعم
اتمنى تكون وصلت فكرة المنشار.,

همسة ممكن تضع بعض الفرص عند الافتتاح للسوق على المنشار عشان نتعلم الترند والطريقة وان شاء الله يكون فيها الربح والخير وشكراااااااااااااااااااا

عينيا الاتنين دايما لما بيكون فى فرصة بنزلها فى الموضوع.,
تابع معانا و ان شاء الله تلاقى الخير الوفير.,

الرد بالاقتباس.,
شكرا للمرور الكريم.,

الله كريم.,



د.أسامة عادل غير متواجد حالياً   رد مع اقتباس
قديم 25 - 01 - 2009, 12:51 AM   #640
عضو جديد
 

افتراضي رد: $$$...ورشة عروس الابيض المتوسط...$$$

اقتباس:
المشاركة الأصلية كتبت بواسطة nesr_2020 مشاهدة المشاركة
اليورو كندى

برضه نفس الوضع لليورو
الكندى مستحلفله الاسبوع الجاى
على الاسبوعى شمعة بالعة هابطة اغلقت تحت افتتاح الشمعة السابقة لها تنذر باستمرار الهبوط.
الزوج كسر ترند صاعد على الدايلى و اغلق تحت و ان لم يكسر ترند الويكلى لسه
ننتظر كسر مستوى 61 فيبوناشى اللى حيكون كسر للترند الويكلى معاه لندخل بيع للاهداف الموضحة بالشارت
امامنا مستوى 61 اولا جنوبا و اعادة الاختبار شمالا
ننتظر الكسر او الشمعة الانعكاسية لنبيع ان شاء الله
اهدافنا ستكون 1.5600 كهدف اول
ثم اللو مرة اخرى عند 1.5000 كهدف نهائى للاسبوع الحالى و القادم ان شاء الله

متابعين مع بعض ازواج الكندى
الله كريم.,





تسلم أخي الكريم و نظرة موفقة بإذن الله

أحب أضيف نموذج الرأس و الكتفين على اليوم و تم الكسر و الهدف موضح بالخط الأخضر (طبعا لو تحقق الهدف سيأخذ مدة لا بأس بها.. يا مسهل)

كمان أرجو أن يكون كل أسبوع مناقشة للفرص السوينجية ذات الأهداف الكبيرة كما تفضلت حضرتك اليوم بفرصة الكندي و اليورو / كندي حيث أن مثل تلك الفرص بتكون أسهل من حيث المتابعة و ذات أهداف كافية جدا كمحصلة أسبوعية عند توفيق الله لنا بها..




الصور المرفقة
نوع الملف: gif 9.gif‏ (18.8 كيلوبايت, المشاهدات 6)
mhemam2005 غير متواجد حالياً   رد مع اقتباس
إضافة رد

جديد مواضيع استراتيجية - استراتيجيات التداول


الكلمات الدلالية (Tags)
$$$ورشة, المتوسط$$$, الابيض, عروس

مواضيع سابقة :

(( المــجنـــــون ))
استراتيجيات الفوركس للمحترف والمبتدء فيديو استراتيجيات فوركس
هدية العيد -استراتيجية 9.15

مواضيع تالية :

حسب الوعد طريقتى2
محتاجة استراتجية عن زوج الذهب/والدولار
إستراتيجية:::70:::30::: جديد 2009::: المكشتف :: الخبير : حسن الأقرع

$$$...ورشة عروس الابيض المتوسط...$$$

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع المنتدى
الاسكندريه عروس البحر الابيض المتوسط السياحة و السفر
ورشة تلميذ عروس الابيض المتوسط و نسر مصر منتدى العملات العام Forex


روابط الموقع الداخلية


الساعة الآن 02:02 PM.
Powered by vBulletin® Version 3.8.9
Copyright ©2000 - 2017, Jelsoft Enterprises Ltd.
Privacy Policy
SEO by vBSEO 3.6.0 ©2011, Crawlability, Inc.

الاتصال بنا - بورصات - الأرشيف - تنشيط العضوية - اعلن معنا - الأعلى    تحذير المخاطرة