موقع بورصات
 
بورصات
تسجيل عضوية جديدة في المنتديات لوحة تحكم العضو البحث في المنتديات تسجيل الخروج الرئيسية الاتصال بنا

منتدى العملات العام Forex لمتابعة كل ما يتعلق بتجارة العملات الاجنبية – الفوركس والذهب والنفط من اخبار وطرق المتاجرة وتحليلات ، قسم التوصيات – توصيات العملات لمتابعة توصيات فوركس ونقاط الدخول والخروج على مختلف العملات ، منتدى الدروس التعليمية – فوركس يحتوي على دروس تعليمية لسوق العملات والتحليل الفني والاساسي وادارة رأس المال فوركس ، منتدى المؤشرات والاكسبيرتات يحتوي على اهم المؤشرات مع شرح لها بالاضافة الى بعض الدروس

العودة   بورصات > بورصة العملات الاجنبية - الفوركس > استراتيجية - استراتيجيات التداول

$$$...ورشة عروس الابيض المتوسط...$$$

استراتيجية - استراتيجيات التداول

Like Tree3Likes

إضافة رد
 
أدوات الموضوع
قديم 18-04-2009, 01:06 PM   #3271
عضو نشيط
 

افتراضي رد: $$$...ورشة عروس الابيض المتوسط...$$$

رد: $$$...ورشة عروس الابيض المتوسط...$$$
يا جماعه الموضوع خلص خلاص
الظاهر ان في حد حسدنا ولا ايه
انا مش هتكلم خلاص في الموضوع ده انا هعتبر ان الموضوع انتهى خلاص والله وياريت ماحدش يتكلم تانى في الموضوع بقى خالص
ومبروك يا جماعه الارباح الاسبوع ده وان شاء شاء الله الاسبوع الجاى يبقى احسن ان شاء الله ويكون الدكتور اسامه ان شاء الله رجع بالسلامه .
اشوف وشكم بالخير الاسبوع الجاى ان شاء الله



ahmedarakiep غير متواجد حالياً   رد مع اقتباس
قديم 18-04-2009, 02:00 PM   #3272
عضو فـعّـال
 
الصورة الرمزية نادر فيليب
 

Angry رد: $$$...ورشة عروس الابيض المتوسط...$$$

أشكرك يا أستاذ سامى على حرصك على الورشة وما تخفش أنت مش أكبر واحد هههههأفتكر أنا أكبر شوية بس أنت تحليلاتك هى اللى كبيرة قوى ...لكن واضح أن حضرتك من ساعة ما أسامة سافر مش بتدخل صفقات على توصيات الورشة ...عارف أنا عرفت منين أقولك ...شوف كدا ملخص الورشة من قبل ما أسامة يسافر بكام ساعة لغاية دلوقت وأحكم بنفسك صح ...بس مش عاوزك تتكلم بنظام يابخت من وفق رأسين فى الحلال لأ ...أنا عاوز حضرتك تحكم على الشغل ده بالحق ...لكن الأول أحب ألخص شوية نقط فى نظام الورشة ...أنا عارف أنك عارفها بس عشان الناس اللى شغالة تعرف هيا كمان ...وعلى فكرة مش أنا اللى حاطط الكلام ده لأ دا أسامة هو اللى حاطة وأكثر من مرة ينبه عليه ...وبالنسبة للزعل ماتقلقش برضه لا أسامة ولاأنا ولاهيما بنزعل عشان أحنا ناس كبار ومهما أى حد قل أدبة بنشكرة برضة من غير زعل ...أذا كان أسامة صاحب الورشة أتشتم كذا مرة وكان يقول جزاك الله خير أو مشكور على زوقك ف متقلقش أحنا جايين نشتغل مش جايين نشتم ونتطاول على بعض ...أنا حتى مش حأدخل الورشة تانى لحد أسامة مايرجع وأن شاء الله ساعتها يكون لكل حادث حديث . وعندك ياباشا أساسيات الورشة أهيه والملخص فى المشاركة الجاية :
1- العمل على برنامج التريد عشان كلنا نشوف أى حاجة من نفس الشارت كل واحد من على جهازة .
2- اللى ينزل فرصة ينزلها بشارت عشان ممكن لأى شارت ترسم 10-15 ترند لكن لما تنزل الشارت الناس تعرف حضرتك بتتكلم عن أية وعن أى ترند ونستفيد من علم صاحب الصفقات أو نقول له لو راسم ترند من غير ركائز أو راسمه غلط زى أستاذ أحمد الرقيب الله يزيد أرباحه وواحدة واحدة يرسمة صح . لأن أحنا مش بنتكلم على مكاسب لأ أحنا بنتكلم عن علم مكتوب فى كتب بس بنطبقة عملى يعنى اللى داخل الورشة داخل يكسب ويتعلم وفية ألف طريقة للمكسب لكن فى موضوعات تانية فى المنتدى (زى نظرية البطيخة مثلا ...تعديلك يا أستاذنا سامى ) لكن الورشة دى ليها طريقتها.
3- الترند يترسم مرة واحدة مش كل صورة مرفقة بترند شكل عشان نفضل فى الصفقة وخلاص
4- كل الفرص تنزل بأهدافها وستب لوس عشان كل الناس تتعرف على الفيبوناتشى والمستويات القوية وأزاى أطلع دعم أو مقاومة وكدا.... وكمان عشان لو رحت بعيد عن الجهاز شوية أو سيبت الصفقة شغالة لبكرة الناس تبقى عارفة رأسها من رجليها ...وفوق كل ده يا ستوب يا هدف الأستوب ميتغيرش ألا فى أقصى الحالات ومن يوم مافتحت الورشة من 300 صفحة سابقة لم نغير الستوب الا مرة واحدة فقط (عشان ندخل ننام ...ههههههه).
5- الدخول يكون بعد أعادة الأختبار الأولى من ملامسة الترند أوظهور شمعة أنعكاسية قبل الوصول له.لكن بعد أعاد الأختبار والوصول للهدف خلاص أنسى الترند ده خلاص أتحرق يعنى لو السعر راحله تانى غالبا رايح يكسرة مش يحترمة لكن ممكن ربنا يوفق وتيجى مع العمى ضباش ....ياباشا ده كلام كتب وعلم مش فتونة. والشمعة لو قفلت جوه الترند تانى بأى عدد نقاط يبقى حاجة من أتنين يأما الترند أتحرق ياأما أنت مش راسم ترند مضبوط وفى الحالتين شوف لك ترند تانى .
6- لا للمغامرات والمقامرة .
7- لا لقلة الأدب . المنتدى هنا كله ناس مؤدبين ومحترمين اللى عاوز يقل أدبه يعمل كدا فى حتة تانيى وزينة الرجل الأدب يعنى لو بتكسب مليون جنية بس قليل الأدب بالعربى كدا متلزمش الورشة دى أن شالله تتقفل لكن قلة أدب لأ ...كلنا دكاترة ومهندسين ومحاسبين وناس كبار شغل الصغيرين نستحمله لكن مانحبهوش .

تمام كدا ياباشا أرجو من الجميع الألتزام بالنقاط دى عشان بقولها تانى حرام شغل صاحب الورشة وكل اللى بناه يضيع ......
أتفرج بقى يا سامى باشا أية اللى حصل من صفحة 300 لغاية دلوقت اوريلك الملخص فى المشاركة الجاية وعاوز رأيك ...أنا حأدخل الورشة أشوف رأيك وأطلع على طول مش حأكتب حاجة تانى خالص غير لما أسامة ييجى بالسلامة أن شاء الله



التوقيع:
طبعا وجود هذا الموضوع بعد ان تأخر كثيرا فى الأستراحة فرحنى جدا ...ورد د.أسامة عادل شجعنى كثيرا


أشكر جميع من رد
... و شكرا إدارة بورصات

م.نادر فيليب
نادر فيليب غير متواجد حالياً   رد مع اقتباس
قديم 18-04-2009, 02:01 PM   #3273
عضو فـعّـال
 
الصورة الرمزية نادر فيليب
 

Smile رد: $$$...ورشة عروس الابيض المتوسط...$$$

بص بأه أحمد باشا الرقيب عمل أية فى الورشة من صفحة 30 كسر كل القواعد ورماها البحر ...كلههههاااااااااااااااااااا:

اقتباس:
المشاركة الأصلية كتبت بواسطة ahmedarakiep مشاهدة المشاركة
يا جماعه فرصه جامده اوى ان شاء الله للدولار فرنك شراء ان شاء الله تابعوا معايا كده كسر الترند الاربع ساعات وكسر دايلي كمان يعني ان شاء الله فرصة شراء زى الفل مع تاكيد خطين الموفينج 5 و12 ربنا يسهل وادينا متابعين ان شاء الله مستنى رايكم
أن شاء الله يا مسهل بس من غير شارت ورحت دورت مالقيتش حاجة عندى فى الشارت من الكلام ده (أحمد الرقيب مش كداب ومالوش مصلحة فى الكدب ...يبقى فيه حاجة غلط ..السبب حيبان بعدين ) بس كدا رمينا القاعدة رقم 2 ... يامسهل

اقتباس:
المشاركة الأصلية كتبت بواسطة ahmedarakiep مشاهدة المشاركة
خلي بالكو يا جماعه السوق هيفضل كده النهارده مش هيتحرك اوى علشان اجازة البنوك فعلا زي ماقال الاخ محمد ان شاء الله ناجل الدخول في اي عمليه لحد مانشوف السوق رايح فين
الحمد لله أنا أصلى كنت قلقان عشان مش شايف حاجة من الكلام ده عندى على الشارت

اقتباس:
المشاركة الأصلية كتبت بواسطة Dr.SeMSeM مشاهدة المشاركة
دايلي ايه واربع ساعات ايه انا مش شايف حاجة ممكن صورة للتوضيح
وأنت كمان يادكتور سمسم يعنى مش لوحدى بقى ياجدعان (كويس ياعم حظك حلو محدش شاف المشاركة دى كانوا قالولك جاهل وللا خدت لك شتيمتين على الماشى ). الحمد لله.

اقتباس:
المشاركة الأصلية كتبت بواسطة ahmedarakiep مشاهدة المشاركة
فعلا يا ذكريا انت من الناس اللي بيعجبني تحليلهم اوى اوى وان شاء الله هتكون فرصه حلوه ان شاء الله ونستنى اعادة الاختبار وربنا يسهل
طبعا يا باشا راجل أرفق الشارت ورسم ترند وطبق القواعد.

اقتباس:
المشاركة الأصلية كتبت بواسطة ahmedarakiep مشاهدة المشاركة
برده شايف فرصه على usd cad للبيع كسر الترند الصاعد على الاربع ساعات وفي اعادة الاختبار تاكد الدخول في صفقة بيع ان شاء الله للاسف انا مش عارف ارفق الصور بسبب مشكله في الجهاز عندى
متشكرين ياباشا بس ياريت شارت عشان الكلام ده مش بنلاقية والله وكدا برضه مش حنقدر ندخل معاك معلش صلح جهازك بسرعة

اقتباس:
المشاركة الأصلية كتبت بواسطة kamizidan مشاهدة المشاركة
اين هو هذا الترند الصاعد
لم يظهر لي اي شيء في هذا الزوج

الله وأنت كمان يا كامى زيدان باشا كدا لغاية دلوقت أحنا 4 جهلة أنا وأنت ودكتور سمسم وهيما كمان وواحد بس اللى عالم ...يا مسهل الحال الظاهر كدا أسامة كعبل لنا دماغنا وللا أية وأستاذ أحمد الرقيب حيظبطها أن شاء الله ...يصلح بس جهازه اللى بايظ من يوم 12-4 ويظبطنا .(أكيد فية سبب)

اقتباس:
المشاركة الأصلية كتبت بواسطة ahmedarakiep مشاهدة المشاركة
بس انا كان ليا تعليق صغير على الباوند فرنك انا شايف ان الشمعه الممتلئه اللي كسرت الترند على الاربع ساعات ممكن نطبق عليها النظريه النسبيه بحذافيرها ولا ايه رايك ؟؟ يعنى ممكن ندخل صفقة بيع من دلوقتي . مستنى رايك يا استاذ زكريا؟؟
اقتباس:
المشاركة الأصلية كتبت بواسطة fanky14 مشاهدة المشاركة
هي فعلا فيها نسبيه بس مش هينفع ندخل دلوقتي
هيبقي متأخر لانها عملت بتاع 50 نقطه ربح
اقتباس:
المشاركة الأصلية كتبت بواسطة ahmedarakiep مشاهدة المشاركة
يا زكريا باشا احنا لما بندخل في الصفقه بتاع النظريه النسبيه بنستنى لحد كسر الهاي او اللو ب 20 نقطه او 15 نقطه على الاقل علشان ندخل فيها وبعدين نعمل الامر الاول 50 نقطه يعني هي معملتش غير 30 نقطه وبعدين السعر رد تانى يعني ممكن ان شاء الله ندخل فيها بيع من دلوقتي ولا ايه؟؟
اقتباس:
المشاركة الأصلية كتبت بواسطة fanky14 مشاهدة المشاركة
بص هو البيع في كل الاحوال كويس
بس احنا بندور علي فرصه كويسه
عايز تدخل من دلوقتي ادخل بس استوبك هيكون كبير هيكون حوالي 100
اقتباس:
المشاركة الأصلية كتبت بواسطة fanky14 مشاهدة المشاركة
خلاص توكل علي الله
بس صغر العقد شويه
اقتباس:
المشاركة الأصلية كتبت بواسطة fanky14 مشاهدة المشاركة
شفت الباوند فرنك بيطلع ازاي
عشان كده قولتلك صغر العقد لاننا هنأخده من فوق
الله كريم
اقتباس:
المشاركة الأصلية كتبت بواسطة ahmedarakiep مشاهدة المشاركة
ما تقلقش ياباشا انا الحمد له مصغر العقد وهدخل معاكم برده ان شاء الله بيع من فوووووووق برده ان شاء الله ماتقلقش
اقتباس:
المشاركة الأصلية كتبت بواسطة fanky14 مشاهدة المشاركة
صباح الخير طبعا الباوند فرنك راحت مكنش في صوره دخول واضحه
طبعا بس الباشا أحمد الرقيب كان بايع وباع تانى وحبيع معاكم وبايع نسبية وأعادة أختبار وكسر ترند .....مبروك الأرباح أستاذ أحمد ...على فكرة أستاذ ذكريا ده - وأنا قولت له الكلام ده قبل كدا – أقوى واحد فى الكلاسيكى فهم من أسامة وطبق 100% الله يبارك له الصراحة ....بس هو كمان ماشفش دخول وأنت كنت بايع 300 عقد وحققت أرباح سبحان الله حضرتك بتستخدم الهرمونيك مثلا وللا أية !!!
قاعدة 6 أنكسرت ...مغامرات وأكشن ...هو حضرتك داخل بحساب حقيقى ؟؟!!!!!!!!!!!!وللا ديمو !!!!!!!!!!!!


اقتباس:
المشاركة الأصلية كتبت بواسطة ahmedarakiep مشاهدة المشاركة
معلش يا توفيق انا مش عارف ارفق الصور بس انا هقولك افتح شارت اليوم وارسم الترند على اليوم بحيث ان يكون الترند على اليوم بتاع امبارح وبعدين هات شارت الاربع ساعات وقولى كده انت هتشوف ايه؟

اقتباس:
المشاركة الأصلية كتبت بواسطة kamizidan مشاهدة المشاركة
اخي احمد اعتقد ان فريم اليومي كسر قبل ايام



اقتباس:
المشاركة الأصلية كتبت بواسطة ahmedarakiep مشاهدة المشاركة
اخ توفيق انت راسم الترند مظبوط وتمام وكل حاجه والشارت الدايلي كسر الترند الصاعد اهو زى مانت شايف وفي اعادة الاختبار ماعرفش يكسره ان شاء الله ادامنا فرصة بيع حلوه في usd cad مع انى برده افضل ان مفيش حد يدخل في اي صفقه فيها دولار خالص دلوقتي لحد مالخبر ده يعدى ان شاء الله علشان التذبذب اللي بيبقى موجود قبل الخبر وخصوصا ان الخبر ده مهم جدا بالنسبه للدولار

ترند أية وأعادة أختبار أية دا الترند دا أتكسر والسعر قفل فوقه تانى وبعدين شمعة بحالها قعدت فوقه شمعة يوم يعنى 24 ساعة فوق الترند !!!وبعدين أتكسر تانى ولسة مافيش أى أعادة أختبار ولا حاجة والشارت أهوه عشان الناس تشوف وتحكم..أنا أقتبستة من المشاركة ص 304 وكسرنا القاعدة 5 كمان
النهارده 14-4 ولسة مافيش شارتات وحتى الشارت اللى قدمها كامى زيدان شايفة عندى لكن مش ماشية مع الكلام .

اقتباس:
المشاركة الأصلية كتبت بواسطة ahmedarakiep مشاهدة المشاركة
يا جماعه المجنون احتمال يهبط ويكسر الترند خلى بالكوا ماحدش يشترى خالص دلوقتي
اقتباس:
المشاركة الأصلية كتبت بواسطة ahmedarakiep مشاهدة المشاركة
المجنون هيرمي نفسه من فووووووق خلى بالكم
اقتباس:
المشاركة الأصلية كتبت بواسطة ahmedarakiep مشاهدة المشاركة
انا عن نفسي عملت طلبين معلقين بيع عند السعر 147.70واعمل مكسب 50 نقطه لو عايز ان شاء الله ربنا يوفقنا

كدا من غير ما شمعة تقفل تحت الترند اللى مش شايفينة ولا أعادة أختبار ولا حاجة ...أستاذ أحمد بيستخدم طريقة جديدة وقوية بتحقق أهداف يا ريت يشرحها لنا واحدة واحدة .

اقتباس:
المشاركة الأصلية كتبت بواسطة ahmedarakiep مشاهدة المشاركة
المجنون بعد ماكسر الترند على الساعه ارتد تانى وضرب الستوب لوز بتاعى
مجنون وهيجننا معاه نصبر لحد مانشوف هو هيصعد ولا هيكسر الترند تانى
الله أكبر ياباشا لما السعر يرتد داخل الترند تانى خلااااص أنسى الترند ده ...كسرنا قاعدة رقم 5 كمان. بس والله أحسن حاجة أنك ملتزم ب ستوب لوس.

اقتباس:
المشاركة الأصلية كتبت بواسطة hesham moh مشاهدة المشاركة
shabab howa 2l trend beta3 gbp/jpy 3ala 2nhy frame we sa3d wala habt ??
3ashan 2tab3 ma3ako
ماتتعبش نفسك هشام باشا محدش من القدام بتوع الورشة شايف حاجة أصلا.

اقتباس:
المشاركة الأصلية كتبت بواسطة ahmedarakiep مشاهدة المشاركة
الهدوووووووء يعم الورشه ومفيش غيري تقريبا
طبعا ياريس ولسة

اقتباس:
المشاركة الأصلية كتبت بواسطة ahmedarakiep مشاهدة المشاركة
الحمد لله 100 نقطه مكسب من بق الاسد من المجنون برده اللي انا كنت مراهن ان هو هينزل الحمد لله نزل وكسبت منه بعد ماخسرنى وضرب الستوب لوز عملت صفقة بيع تانى والحمد لله بس خلي بالكم يا جماعه ماحدش يدخل بيع على المجنون خالص دلوقتي لانه بيواجه مقاومه عند الترند جامده والسعر برده تانى بدا يرد انا بحذر اهو
طيب مش كنت تقول لنا ياباشا كنا دخلنا معاك ...بس بلاش حكاية المراهنة دى عشان حرام خلينا فى التحليل الكلاسيكى وياريت نشوف شارتات والنبى يا أستاذنا .

اقتباس:
المشاركة الأصلية كتبت بواسطة fanky14 مشاهدة المشاركة
بسم الله
اليورو ين حبيب قلب الدكتور اسامه
خبط في ترند صاعد قوي جدا مع وجود نموذج هيرمونك علي الاربع ساعات
هنشتري من دلوقتي من 131.64
الاهداف مفتوحه
الاستوب 130.70
علي الله الاتكال
اقتباس:
المشاركة الأصلية كتبت بواسطة kamizidan مشاهدة المشاركة
وعلى الساعة اخي فانكي يظهر انه اغلق تحت الترند الصاعد ويختبر الان
والله اعلم
ما رايك
اقتباس:
المشاركة الأصلية كتبت بواسطة fanky14 مشاهدة المشاركة
ارفق شارت كده

اقتباس:
المشاركة الأصلية كتبت بواسطة fanky14 مشاهدة المشاركة
بص في الفريم بتاع الاربع ساعات
هتلاقيه اقوي
علي العموم هنتابع ونشوف
الورشة حترجع تنور تانى أهية ..أحمدك يارب ...ناس حاطة شارتات وبتكلم بعض بأسلوب علمى لأ وأتنين أية دهب وياقوت أساتذة ...أساتذة ...الله يبارك لكم ...ودخل معاهم ع الخط الأخ محمد-0 أيوة كدا يارجالة كدا الشغل وللا بلاش . دهب ويقوت ومرجان أحمدك يارب

اقتباس:
المشاركة الأصلية كتبت بواسطة ahmedarakiep مشاهدة المشاركة
انا عن نفسي مركز في المجنون والحمد لله دخلت صفقتين بيع 50 بيب هدف اول والتانى مفتوح ان شاء الله هيجيبوا الهدف لانه كسر الترند الصاعد على الاربع ساعات اللى عايز يحصلني يبيع من دلوقتي ان شاء الله وربنا يكرمنا كلنا
دا الترند اللى السعر هراه رايح جاى وحضرتك ماسك فيه بأيديك وأسنانك !!! لاحول ولاقوة الا بالله أنصح حضرتك بقرأة موضوع الفوركس من الألف للياء..للدكتور أسامة.

اقتباس:
المشاركة الأصلية كتبت بواسطة ahmedarakiep مشاهدة المشاركة
يارب تكون الناس دخلت معانا في الصفقه بتاعة المجنون علشان نفرح كلنا مع بعض ان شاء الله
شعور جميل أخى يدل على أن جواك أبيض ...بس العملية مش طيبة قلب وبس صدقنى العملية دراسة ...واضح أن حضرتك عندك حماسة الشباب واندفاعهم وبتكرة أن حد يقوللك أنك غلطان ..صدقنى فى الفوركس يابخت من بكانى وبكى عليا ولاضحكنى وضحك الناس عليا .

اقتباس:
المشاركة الأصلية كتبت بواسطة ahmedarakiep مشاهدة المشاركة
شراء يورو ين عند السعر 131.27 هدف 50 نقطه ان شاء الله
اقتباس:
المشاركة الأصلية كتبت بواسطة ahmedarakiep مشاهدة المشاركة
تمام يا باشا بس افتكر كلام دكتور اسامه لما قال ان ماينفعش تطبق النظريه من غير ماترسم خطوط الترند والدعم علشان ماتخبطش في خط دعم قوى والسعر يرد تانى ويضرب الاستوب لوز وخصوصا ان السعر ماكسرش الترند على الاربع ساعات يعني احتمال ان السعر يرد كبير وبعدين انا مادخلتش في صفقة شراء لسه انا مستني لو السعر طلع ان شاء الله هدخل شراء وانا مطمن
فين الشارت ...ماهو محدش شايف ترندات حضرتك دى يعنى عشان كدا بندخل نسبية عادى خالص ومربحة معانا ..والله والله والله ...

اقتباس:
المشاركة الأصلية كتبت بواسطة kamizidan مشاهدة المشاركة
بس اليورو ين في النضرية لم يصطدم باي ترند بل الشمعة التي دخلنا منها بيع سبقتها نسبية كسرت ترند صاعد على الاربع ساعات
والله اعلم
اقتباس:
المشاركة الأصلية كتبت بواسطة kamizidan مشاهدة المشاركة
الحمد لله خرجت بفضل النسبية من اليورو ين بسلام وبربح طيب
حمدا لله
ولسة يا أحمد باشا الرقيب دا أنت مبدع كسرت جميع القواعد كككلللللللللل القواعد ... أكمل لك فى المشاركة اللى جاية ...أنا مش بهاجمك محدش هنا حيهاجمك خالص كلنا ناس محترمة أحنا عاوزين نستفيد بمجهودك العالى بس فى الأتجاه الصح ...عاوزين ندخل معاك ونكسب زيك 500 نقطة بس بطريقة الورشة ولو لك طريقة تانية أفتح موضوع تانى ونيجى نشارك معاك بس أهم حاجة الأدب والأخلاق .



التوقيع:
طبعا وجود هذا الموضوع بعد ان تأخر كثيرا فى الأستراحة فرحنى جدا ...ورد د.أسامة عادل شجعنى كثيرا


أشكر جميع من رد
... و شكرا إدارة بورصات

م.نادر فيليب
نادر فيليب غير متواجد حالياً   رد مع اقتباس
قديم 18-04-2009, 02:03 PM   #3274
عضو فـعّـال
 
الصورة الرمزية نادر فيليب
 

افتراضي رد: $$$...ورشة عروس الابيض المتوسط...$$$

اقتباس:
المشاركة الأصلية كتبت بواسطة ahmedarakiep مشاهدة المشاركة
انا شايف ان ان شاء الله في فرصه حلوه يا جماعه على الجنيه الاسترليني دولارلتكون اكتر من شمعه انعكاسيه ان شاء الله هدخل من السعر الحالى 1.4853 هدف اول 50 نقطه وتم الدخول بيع على اليورو ين يا دكتور اسامه وربنا يوفقنا كلنا ان شاء الله
طبعا خلاص منهجك فى الورشة أن مافيش شارت ومافيش أستراتيجية خالص
اقتباس:
المشاركة الأصلية كتبت بواسطة Typhoon_gr9 مشاهدة المشاركة
مصحصحين و متابعين يا باشا , تفتكر الكيبل حينزل لكام ؟؟
سؤال مهم والله لأن التوصية كانت حاجة عابرة كدا لم يذكر فيها شئ غير بيع بهدف وخلاص فين أزاى مين منين محدش يعرف أصل دا سر
اقتباس:
المشاركة الأصلية كتبت بواسطة ahmadforex مشاهدة المشاركة
سؤال معلش للدكتور او للخبراء اللي معانا هنا
افل ستوب لصفقة اليورو ين يبقي عند كام حتي لو كبير بس انا بتكلم عن افضل ستوب
وشكرا
حقك يا باشا والرد أهوه
اقتباس:
المشاركة الأصلية كتبت بواسطة ahmedarakiep مشاهدة المشاركة
ما تقلقوش يا جماعه ان شاء الله اليورو ين هيهبط هو دلوقتي بيختبر الترند اللي كسره ولحد دلوقتي مش عارف يكسره ماتقلقوش ان شاء الله الصفقه هتجيب بس نصبر والستوب لوز هيكون اذا الشمعه على الاربع ساعات قفلت فوق الترند المكسور ب 30 نقطه او 35 نقطه وربنا يوفقنا ان شاء الله
لو قفلت ...يعنى لو عدت 200 -300 نقطة ومقفلتش أستنى لغاية ماتقفل وشوف وأنت وحظك بقى ......أوعى تعمل زى بدر وتحافظ على فلوسك دا منهج جديد فى الورشة أستنى أما تقفل...

اقتباس:
المشاركة الأصلية كتبت بواسطة ahmedarakiep مشاهدة المشاركة
اصبر لحد مانشوف اعادة الاختبار هيخلص على ايه لو كسر الترند يبقى السعرممكن يصعد وساعتها يبقى عليه العوض في الصفقه بتاعة اليورو ين لكن لو ماكسرش الترند هيبقى ان شاء الله في امل ان السعر ينزل بينا هيبقى ان شاء الله زى ماترضى من الربح ومن غير طمع


اقتباس:
المشاركة الأصلية كتبت بواسطة ahmadforex مشاهدة المشاركة
طب يا ريت تحديد الستوب لوز يبقي كام بالظبط يا جماعة علشان الناس تقدر تحط الامر
شكرا للجميع وانا شايف انه نزول بس مش عارف ماله كده بس هوه نزول وانا شبه واثق من ده 99% بس نعمل ايه في السوق ده
اقتباس:
المشاركة الأصلية كتبت بواسطة hesham moh مشاهدة المشاركة
ahmedarakiep howa eur/jpy 2nta da5l sell mn kam we 2nhy trnd bt2es 3aleh ????
مش معقول يا جدعان الراجل يعنى يقطع نفسه محدش شايف ترندات ولا عارفين الستوب لوس ...كلنا جهلة كدا ..مفيش حد قادر يسند معاه الورشة ومحدش فاهمه...

اقتباس:
المشاركة الأصلية كتبت بواسطة nesr_2020 مشاهدة المشاركة
بسم الله ماشاء الله
ابداع من الشباب رائع
لا تقلقوا من الدولار كندى ان شاء الله هابط
شباب مبدع و بالذات الاخ احمد الركيب شغل رائع و توفيق الاعصار القادم من الاطلسى..

حفوقلكوا انتوا الاتنين بس لما ارجع من السفر..

سايب الورشة امانة فى اعناقكم جميعا يا كل اعضاء الورشة الكرام وواثق اننى سأجد ابداع رائع لما اعود..

اشوف وشكم بخير يا رجالة..

الله كريم..
معاك حق يازعيم والله أنا شايف أبداع محصلش قبل كدا لأ ولسة ...أكيد مكنش عندك وقت تقرأ أخر 15 صفحة ...يالله لما ترجع بالسلامة تقرأ الملخص.

اقتباس:
المشاركة الأصلية كتبت بواسطة heem550 مشاهدة المشاركة
السلام عليكم ورحمة الله
كيف الحال شباب

ممكن حديدني
توصيه حلوه

بس ياريت يشرح الدخول ليه علشان افهم وياريت يكون في شارت

مين ماسك الورشه بعد الدكتور
أبراهيم باشا ملك النسبية ...أهوه الزعيم حينزل لك توصية فى السليم بس لا شارت ولاستوب ولا هدف هى القصة بقت بيع أو أشترى والحمد لله برضو بيعمل اللى علية ويقول لك الزوج الفلانى.
اقتباس:
المشاركة الأصلية كتبت بواسطة ahmedarakiep مشاهدة المشاركة
التوصيه هى ان انت تدخل ان شاء الله بيع يورو ين حالا من السعر ده وتعمل الاهداف مفتوحه ان شاء الله بس برده من غير طمع والشرح هتلاقيه ورا في الصفحات اللى قبل كده
اقتباس:
المشاركة الأصلية كتبت بواسطة ahmedarakiep مشاهدة المشاركة
الدولار باوند ان شاء الله هابط يا جماعه بسبب تكون شمعة البيريش انجلفج او الابتلاع البيعي على الشارت الاربع ساعات وهى عباره عن شمعه هابطه تاتى بعد شمعه صاعده ويكون جسمها اكبرمن جسم الشمعه الصاعده تابعوا معايا كده الباوند دولار ان شاء الله في طريقه الى الهبوط
اقتباس:
المشاركة الأصلية كتبت بواسطة ahmedarakiep مشاهدة المشاركة
وبالنسبه لمحبى النسبيه اللى زيى انا كده انت ممكن تدخل بيع بعد كسر اللو ان شاء الله ب20 نقطه ويكون هدفك 50 نقطه بسبب توافر الشروط شمعه هابطه على شارت اربع ساعات جسمها حوالى 75 نقطه نسبة الامتلاء اكتر من 80%
أخى الحبيب نسبية ماشى بس بيرش أنجلفنج لازم معاها مستوى قوى قوللنا أية هو المستوى عشان نتعلم.
اقتباس:
المشاركة الأصلية كتبت بواسطة ahmedarakiep مشاهدة المشاركة
ان شاء الله فى فرصه حلوه على اليورو دولار بس هنصبر لحد مانشوف الشمعه الاربع ساعات ان شاء الله هتقفل على ايه لان السعر دلوقتي خبط في ترند على الاربع ساعات والشمعه اللي قبلها ماعرفتش تكسر الترند هنستنى التاكيد من الشمعه اللى شغاله دلوقتي ان شاء الله وياريت اي حد من الموجودين يرسم الترند على الشارت الاربع ساعات ويرفقها علشان الناس تبقى متابعه معانا ان شاء الله
خللى بالكم بقى ياجماعة من الشارت اللى نزلها كامى زيدان فى صفحة319 وخلى بالنا صدق عليها أخونا أحمد الرقيب عشان حنشوف أحلى لعب والترند ده أحمد حيرسمة بميت طريقة بعد كدا...وطبعا كامى زيدان قعد يدور على ترند صاعد والسعر أرتد منه ملقاش غير ده أضطر يرسمة وأنا عارف أنة مدخلش الصفقة دى على الحقيقى لأنه مش كان ترند أصلا لأن الطرف البعيد قاع لكن الركيزة التانية لسة ما تعتبرش قاع عشان كدا السعر رد طبعا

اقتباس:
المشاركة الأصلية كتبت بواسطة ahmedarakiep مشاهدة المشاركة
ان شاء الله شراء يورو دولار من السعر حالى ان شاء الله هدف اول 50 نقطه ان شاء الله توكلنا على بركة الله
اقتباس:
المشاركة الأصلية كتبت بواسطة ahmedarakiep مشاهدة المشاركة
وان شاء الله وقف الخساره اذا الشمعه قفلت تحت الترند باكتر من 25 نقطه
اقتباس:
المشاركة الأصلية كتبت بواسطة ahmedarakiep مشاهدة المشاركة
خلى بالك من حاجه السعر حاول يكسر الترند على الشارت الاربع ساعات وماعرفش يكسره وعلشان اتاكد اكتر دخلنا بعد ما اتكون عندى شمعة البولش انجلفنج وهى شمعة الابتلاع الشرائى وديه ان شاء الله من الحاجات اللى بتاكد ان ان شاء الله السعر هيعلى شكرا على وجهة نظرك و ان شاء الله ربنا هيوفقنا في الصفقه
ووالله حضرتك الزوج دا معملش بوليش أنجلفينج لغاية باقى الأسبوع ماخلص.وطبعا الناس اللى داخلة تتعلم مش هتلاقيها ولا هتلاقى الترند وهيتكسر الترند والناس مش فاهمة حاجة ..بالعكس أنا أبتديت أنسى اللى أعرفة.
اقتباس:
المشاركة الأصلية كتبت بواسطة heem550 مشاهدة المشاركة
ممكن شارتات لو سمحت

انا كل شويه بشوف كلامك
بس مش لاقي على الشارت بتاعي

انت شغال على ايه ؟؟؟
والله لما تشوف حلمة ودنك مانتاش شايف الشارت عارف لية حقوللك ع السر كمان 10 سطور
اقتباس:
المشاركة الأصلية كتبت بواسطة bder مشاهدة المشاركة
ارجو التوضيح
( اللي فهمته من النظرية ان الوقف يكون لو الممتلئة +15 نقطة في حالة الشراء)
اقتباس:
المشاركة الأصلية كتبت بواسطة bder مشاهدة المشاركة
لقد ضرب الستوب عندي وعاود الصعود
ارجو الرد
اقتباس:
المشاركة الأصلية كتبت بواسطة bder مشاهدة المشاركة
وينكم يا شباب
حد يرد علينا
اقتباس:
المشاركة الأصلية كتبت بواسطة رابعة مشاهدة المشاركة
مساء الخير للجميع
هل استطيع الان دخول سراء يورو دولار معكم ارجو الرد بسرعة مع الشكر
اقتباس:
المشاركة الأصلية كتبت بواسطة bder مشاهدة المشاركة
اخت رابعة لاتدخلي الان وانتظري الفرصة المناسبة
اقتباس:
المشاركة الأصلية كتبت بواسطة kamizidan مشاهدة المشاركة
اعتقد ممكن اخي رابعة
طبعا أخونا بدر داخل يقول ألحقونى حسابى قرب يمرجن ...حسابه أتنسف ...بوم..أصل أحمد مش حاطط ستوب وساب الكمبيوتر ومشى وحيبقى يرجع فى يوم من الأيام يشوف الشمعة قفلت على أية

اقتباس:
المشاركة الأصلية كتبت بواسطة bder مشاهدة المشاركة
ولايهمك
ارجو الرد على التوضيح لغرض التعلم ولك شكري وتقديري
يا عم بدر أقرأ موضوع الفوركس من الألف للياء بتاع دكتور أسامة مع أحمد الرقيب وأنت تبقى تمام وكمل هنا مع الناس اللى بتنزل شارتات وشوفها عندك على الجهاز وطبق ديمو .
اقتباس:
المشاركة الأصلية كتبت بواسطة ahmedarakiep مشاهدة المشاركة
صفقة اليورو دولار
الشارت صفحة 321 ....ويالللللللههه ...الراجل مش شغال بالتريدر هو ده السر وترند طبعا مختلف تماما ...معقول... وعمال يقول للناس اللى بتنزل شارتات ...شغال شغال وماله..وبيرش وبولش وترند والناس تايهه ...وتقفل تحت الترند وفوق الترند طيب الناس اللى هرسها القطر دى نقول لها أيه ...وصراع على خط الترند والشمعة مش قادرة ....
كدا والحمد لله أول 6 أساسيات للورشة فرقعهم أحمد زى اللبانة المستيكة يعنى ولسة حتى الترند اللى هو راسمة بأيده حيغيرة.يعنى لاحظوا الترند دلوقت عند الأوبن بتاع الشمعة اللى قال عليها بولش أنجلفنج(وهى بولش طبعا بس مش أنجلفنج)بعد شوية حنشوف بقى ترند جديد عند ديلها مش الأوبن بتاعها فى الصفحة اللى جاية على طول ...هههه
اقتباس:
المشاركة الأصلية كتبت بواسطة bder مشاهدة المشاركة
اخ احمدانسى الموضوع خلاص
و بارك الله فيك على مجهودك معي وسامحني على كثرة اسئلتي
الراجل داخل يتعلم أفتكر أن هو اللى غلطان
اقتباس:
المشاركة الأصلية كتبت بواسطة ahmedarakiep مشاهدة المشاركة
ولا يهمك يا بدر انا والله ما زعلتش من اسئلتك بالعكس يا بدر اللى مزعلنى والله ان انت خسرت الصفقه بس مش مشكله ان شاء الله ربنا هيعوضك خير يا بدر ان شاء الله وجايز اكون انا اخطات في التوضيح في نقطة وقف الخساره بس مفيش مشكله ان شاء الله خير وما نقعش في الخطا ده تانى والسبب انى مش بحب اقول وقف الخساره عند سعر معين هو انى بخاف من موضوع الذيول الطويله زى ماحصل في اليورو ين شوفت الناس كانت عايزه تطلع من الصفقه وكانت قلقانه وكانوا عايزين تحديد استوب لوز ولو كنت حددت استوب لوز اقل من المطلوب كان ممكن ناس تخسر الصفقه والحمد لله الصفقه ماخسرتش بالعكس السعر هبط اكتر من 200 نقطه فعلشان كده انا مش بحب اقول الاستوب عند السعر كذا لان ديه بتبقى عمليه تقديريه من الشخص انا عن نفسي لما بحدد استوب لوز بيبقى كبير شويه انا بتاسف تانى للى فهمنى خطا .
شعور طيب من حضرتك ...أنا عارف والله أنك مش قصدك بس كل واحد وأمكانياتة أنت كسبت الناس اللى دخلت معاك كتير بس ما تزعلش لما حد يحاول يفهمك حاجةومتغيرش فى أسلوب الورشة ...عارف لو كنت صبرت لما جهازك يتصلح كنا لقينا الغلطات دى كلها من زمان وكنت كسبت أكيد أكتر حتى لو مش فلوس لأنى متأكد أنك داخل ديمو ..كنت كسبت علم .
اقتباس:
المشاركة الأصلية كتبت بواسطة ahmedarakiep مشاهدة المشاركة
للمتابعه على اليورو دولار حتى الان السعر عاجز عن اختراق الترند
اقتباس:
المشاركة الأصلية كتبت بواسطة ahmedarakiep مشاهدة المشاركة
للمتابعه على صفقة اليورو دولار
تكون شمعه انعكاسيه اسمها شمعة الرجل المشنوق على الشارت الاربع ساعات وحتى الان مازال السعر عاجز عن اختراق خط الترند ان شاء الله ربنا هيوفقنا ويبقى ختامها مسك
يا ريس دى مش دى الرجل المشنوق الراجل المشنوق بيكون فوق فى أخر الترند الصاعد (من الألف للياء عشان مصلحتك)وبعدين حتتكلم على شموع لاااااازم معاها أتجاهات ومستويات قوية مينفعش تذبذب وأتجاه عرضى ...أساسيات يا باشا .
اقتباس:
المشاركة الأصلية كتبت بواسطة ahmedarakiep مشاهدة المشاركة
انا حددت وقف الخساره عند السعر 1.3100 علشان ابقى ان شاء الله بعيد عن الديول الطويله
مبروك
اقتباس:
المشاركة الأصلية كتبت بواسطة ahmedarakiep مشاهدة المشاركة
في صراع عند خط الترند اليورو دولار ان شاء الله الترند الصاعد يكسب ونحقق الهدف ان شاء الرحمن
طبعا محدش عايش الصراع ده غير على شركتك بتوع ألتريدر مش شايفين حاجة
اقتباس:
المشاركة الأصلية كتبت بواسطة ahmedarakiep مشاهدة المشاركة
انا هخلى وقف الخساره عند 1.3090 علشان التذبذب بتاع السوق والذيول الطويله ويارب تخلص على خير علشان الواحد تعب من السوق ده
اقتباس:
المشاركة الأصلية كتبت بواسطة sadk مشاهدة المشاركة
انصحك اخى الكريم ان تضع الستوب عند 3078 وتقبل مرورى
مودتى واحترامى
اقتباس:
المشاركة الأصلية كتبت بواسطة nader_ph مشاهدة المشاركة
أية ياجماعة اللى بيحصل دا ...كل شارت ترند شكل وللا أية الترند بيترسم مرة واحدة وميتحركش تانى ...وبعدين أدخلى يارابعة ..لامتدخليش ...يا جماعة دى فلوس ناس ...مين المسؤل عنها؟..كلة بيفتى...الورشة دى عمرها ما كانت كدا ..أذاى ناس تقرأ الموضوع من الأول بنظام وبعدين يدخلو لايلاقوا شرتات ولا ستوب لوس ...هو نظام الورشة كان كدا؟ ...ما دام قلنا ترند يبقى لازم ننزل الشارت ...اللى جهازة بايظ يصلحه الأول الفرص جاية كتير.. عمر ما حد قال لما شمعة تقفل تحت الترند بكذا يبقى ستوب طول عمرنا ستوب مضبوط ويا ستوب ياهدف لكن أفرض الشمعة فى أول نص ساعة نزلت 200 نقطة أقعد أتفرج أشوف حتقفل وللا لأ ..طبعا لازم تضرب ستوب عند بدر ...ترند ركيزة واحدة ...خلى قلبكم على الورشة شوية ...
أنا أسف على طريقة كلامى لكن أنا بقول كدا للمصلحة يا جماعة حرام مجهود صاحب الورشة يضيع ...
محمد باشا فوزى ...نورتنا يا باشا.لك وحشة.
طبعا حاولت أفهمك بكلام ملخص لكن على مين لازم نعيد 300 -400 صفحة عشان الكلام يوصل

اقتباس:
المشاركة الأصلية كتبت بواسطة alshreef2005 مشاهدة المشاركة
وانا معاك نشرب الشاى لحد ماحد ياجى اوك اتفضل
معلش أخى الشريف بس عاوز أقول لأحمد خلاص كدا تمام بقيت زى موضوعات الدردشة شاى وقهوة وشوية بقى ونقعد 20-30 صفحة نسكافية وأتفضل وأنا عازمك والكلام ده لية لأن الناس اللى كانت شغالة مبقيتش فاهمة حاجة ...بيع أشترى أنعكاسية أنا بكسب ليه أنت لأة
اقتباس:
المشاركة الأصلية كتبت بواسطة heem550 مشاهدة المشاركة
بص ياعم احمد الورشه دي ليها نظام

حلو

وعلشان تخش وتقول بيع واشتري

لازم تكون عامل تحليل علشان النا س تفهم ايه الى بيحصل

انا مره قلت للدكتور انا عايز اتابع الورشه علشان خسران

رد عليه وقالي انا عامل ورشه تعليميه اكتر من انها ربحيه علشان النا س تتعلم


طيب ياسيدي انت عملت ايه

اقولك انت عملت ايه




ياراجل

انا راضي ضميرك

في حاجه اسمها انا داخل بيع دلوقتي في المجنون
والعايز يحصلني يكسرني

فين التحليل ياعم
فين كسر الترند فين الشمعه الانعكاسيه
وبعدين انت فرحان علشان صفقه اليورو دولار
بتقول انها جت عند ترند صاعد والسعر معرفش يخترقو وضهرة شمعة انعكاسيه
ياراجل حرام عليك السعر كان عمال يتنطط فوق الترند
واندل ذلك على عدم احترام السعر للترند

وارجو ان تكون الفكره وصلت

وياريت مايكنش في زعل
واحد قديم وفتح الورشة مع صاحبها داخلين من الباب مع بعض وبينبهك أن الناس كدا مش فاهمة حاجة ردك أية بقى يا معالى الباشا....
اقتباس:
المشاركة الأصلية كتبت بواسطة ahmedarakiep مشاهدة المشاركة
والله الواحد مش عارف يقولك ايه يعني انت بتتكلم عن جهل كمان ودى فى حد ذاتها مشكله كمان يعني انت واضح ان انت بتدخل كده بتنقر اي كلمه وتطلع تانى
يا باشا انا والاستاذ سامى ارفقنا الصور وقلنا وجهة نظرنا في صفقة المجنون وانا ايدته في الكلام بتاعه وارجع واقرا المشاركات علشان تعرف انا قلت هدخل صفقة بيع ليه على المجنون
يارب ارحمنا من الناس ديه
شتيمة وقلة أدب والراجل رد قال لك متشكر ...سؤال .....حضرتك عندك كام سنة عشان تشتم واحد زى ده ...أكيد سنك صغير..أكيد...بس ده مش عذر ...أنت كدا كسرت البند السابع أهم واحد
اقتباس:
المشاركة الأصلية كتبت بواسطة ahmedarakiep مشاهدة المشاركة
انت فعلا من الناس المحترمه اوى اوى يا سامى والله وانا فعلا بحترمك وان شاء الله انت هتبقى واحد من اهم الاعضاء في الورشه ان شاء الله هنستفيد منك ويارب الدكتور اسامه يرجعلنا في اسرع وقت بالسلامه ان شاء الله وانا فعلا لو كنت شايف ان في حاجه غلط حصلت منى كنت صلحتها لكن المشكله ان هو بيدخل يكتب اى كلام ويطلع تانى قوله يا سامى وانبي هو انت وانا مش ارفقنا صور للمجنون وقلنا ياجماعه السبب بتاع البيع ايه؟
يلا الحمد لله على كل شيئ وانا شايف انه كان اسبوع موفق في الورشه الحمد لله
لا العفو بعد كل ده طلعت 5-6 جهلة وأنت العالم وحافظت على أساسيات الورشة وما قليتش أدبك على حد ..وعارف الشموع وبترسم ترندات وكل ده ومعملتش حاجة
اقتباس:
المشاركة الأصلية كتبت بواسطة ahmadforex مشاهدة المشاركة
باه ده اتفاقنا مع الدكتور يا جماعه
الدكتور في اجازة الورشة يحصل فيها كده
انا مقدرش اتكلم لاني اصغر واحد هنا و كلكم اساتذه كبار
بس انا لو كسبت مليون دولار في اسبوع بس بعد اللي حصل بجد ده انا ولا كاني كسبت حاجه لاني واثق اننا هنخسره الاسبوع الجاي بسبب التفكك اللي حصل ده
اتمني تكون رسالتي وصلت
صحه ليك أنت اللى كلامك يساوى أكتر من مليون دولار.
اقتباس:
المشاركة الأصلية كتبت بواسطة heem550 مشاهدة المشاركة
شكرا شكرا شكرا

على ذوقك يامحترم


معلش يا ريس اللى ما يعرفك يجهلك يا كبير



التوقيع:
طبعا وجود هذا الموضوع بعد ان تأخر كثيرا فى الأستراحة فرحنى جدا ...ورد د.أسامة عادل شجعنى كثيرا


أشكر جميع من رد
... و شكرا إدارة بورصات

م.نادر فيليب
نادر فيليب غير متواجد حالياً   رد مع اقتباس
قديم 18-04-2009, 02:49 PM   #3275
عضو جديد
 

افتراضي رد: $$$...ورشة عروس الابيض المتوسط...$$$

السلام عليكم ورحمة الله وبركاته
انا اخوكم من مصر وانا بصراحه كنت بتابع الورشه بس عمرى ماشاركت فيها دى يعتبر اول مشاركه ليا
وسبب المشاركه ان انا شايف ان في هجوم على احمد الركيب مع انى مش فاهم لحد دلوقتي الهجوم ده ليه؟؟
اولا انا قبل اي حاجه انا والله ماعرفش اى حد فيكم خالص ولسه جديد عليكم لكن من المتابعين للورشه جيدا ومتابع من اول الاسبوع الفرص معاكم اول باول وشغال بيها على حساب تجريبي
ودخلت مع احمد في فرصة المجنون من اول الاسبوع وطلعت بيها بربح حلو ودخلت معاه برده في صفقة الدولار ين بالنسبيه وحققت مكسب كويس مش بطال وبعد كده دخلت معاه في الباوند دولار وكان مكسب برده كبير الحمد لله توقع هبوط الباوند دولار وفعلا هبط وتوقع هبوط المجنون وفعلا هبط ودخلت مع الشباب برده في اليورو ين وجيبت منها مكسب حلو ودخلت صفقة اليورو دولار سبب المشاكل كلها اللي خسرت بس 100 نقطه والناس زعلت مع انى شايف ان اللى دخل مع احمد الصفقات الباقيه الحمد لله جاب ربح كبير جدا وبعدين اخيرا دخلت صفقة المجنون مع سامي واحمد اللى بصراحه عجبونى هما الاتنين جدا ودخلت الصفقات اللى قالها
وبعدين احمد الركيب قال برده انه عنده مشكله في الجهاز وانه مش هيعرف يرفق الصور وكان بيطلب من اللى موجود هو اللى يرفق الصور وبعد كده ارفق فعلا صور اليورو دولار ووضح وجهة نظره وانا اقتنعت بيها بصراحه انا مش قوى في الفوركس بس عندى فكره مش بطاله ديه الفرص اللي دل فيها احمد ده غير الفرص اللى جابها الاستاذ سامى و dr.smsm
الناس اللى بتتكلم ديه وبتهاجم انا لحد دلوقتي ماشوفتش فرصه واحده ليهم جابوها من ساعة الدكتور اسامه ماسافر بالسلامه واللى بيقولوا على نفسهم انهم كبار فعلا
انا مستغرب وبشده ليه الهجوم ده على احمد يعنى هم الاسبوع ده دخلوا بس لمجرد ان هم يهاجموا الناس فقط لا غير وبكرر تانى يا جماعه انا ماعرفش اي حد فيكم خالص وديه اول مره اشارك فيها في المنتدى
واذا كان احمد طلعت منه كلمه خارجه فده اعتقد انه بسبب الهجوم الجامد عليه من الاتنين اللي اسمهم ابراهيم ونادر على مااعتقد
على العموم ربنا يهدى ويوفققكم واعتقد ان المشكله دي مش هتخلص الا لما ييجي الدكتور اسامه بالسلامه بس انا ارجو من يا احمد الركيب ماتردش عليهم باي مشاركات تانيه بعد كده والناس اللي عماله تهاجم ديه تبطل شويه لحد ماييجي الدكتور اسامه بالسلامه




بكرى غير متواجد حالياً   رد مع اقتباس
قديم 18-04-2009, 03:10 PM   #3276
عضو جديد
 

افتراضي رد: $$$...ورشة عروس الابيض المتوسط...$$$

اقتباس:
المشاركة الأصلية كتبت بواسطة nesr_2020 مشاهدة المشاركة
بسم الله ماشاء الله
ابداع من الشباب رائع
لا تقلقوا من الدولار كندى ان شاء الله هابط
شباب مبدع و بالذات الاخ احمد الركيب شغل رائع و توفيق الاعصار القادم من الاطلسى..

حفوقلكوا انتوا الاتنين بس لما ارجع من السفر..

سايب الورشة امانة فى اعناقكم جميعا يا كل اعضاء الورشة الكرام وواثق اننى سأجد ابداع رائع لما اعود..

اشوف وشكم بخير يا رجالة..

الله كريم..
كنت عايز اضيف المشاركه دى من الدكتور اسامه وهو بيتابع الكلام ده كله طبعا واكيد شايف وعارف وده اعتراف واضح وصريح من الدكتور اسامه ان احمد الركيب شغال صح وتمام وديه كفايه يا احمد والله ان راجل زي الدكتور اسامه يكتب كده عنك ده دليل ان انت فاهم فعلا مش بتقول اى كلام وسيبك من اى حد يقول عنك غير كده والصفقات اللي انت دخلتها تشهد بكده



بكرى غير متواجد حالياً   رد مع اقتباس
قديم 18-04-2009, 03:18 PM   #3277
عضو فـعّـال
 
الصورة الرمزية نادر فيليب
 

Smile رد: $$$...ورشة عروس الابيض المتوسط...$$$

اقتباس:
المشاركة الأصلية كتبت بواسطة ahmedarakiep مشاهدة المشاركة
والله يا جماعه انا لما قلت ان فى فرصة شراء على اليورو دولار وقلت للناس وعرضت وجهة نظرى وقلت ان في ترند صاعد والترند الصاعد ده على شارت اربع ساعات والشمعه ماعرفتش تكسره اكتر من مره واتكون اكتر من شمعه انعكاسيه لو كنت تسمع عنهم هى شمعة الابتلاع الشرائى وشمعة الرجل المشنوق أسمع ياباشا أسمع كده طشاش ههههه ( والله مش هما دول عاوز تصدق صدق ..شوف شكلهم فى موضوع الألف للياء ..والهانج مان بتيجى فى أخر ترند صاعد و منعكسه من مستوى قوى وأحب أطمنك أنا أعرف 73 شمعة أنعكاسية بس بأشتغل ببتوع أسامة بس)وبعدين يا شباب لو انت مش مقتنع ان الصفقه ممكن تخسر يبقى ماينفعش ليك ان انت تتاجر بالفوركس صح بس محدش قال أن مافيش خسارة بس العملية علمية شوية مش هييييييه ياللاه ياللن نبيع واللى مش عارف أن فية خسارة مايدخلش الفوركس أحسن له ههههيييييه وبعدين احنا الحمد لله الاسبوع ده الارباح كالاتى:
200 نقطه على المجنون انا حاطط الفرصه ديه والحمد لله كسبت
100 على الباوند دولار للى دخل معايا والحمد لله كسبت
130 نقطه على النيوزلندى سامى اللي كتب الصفقه ديه وماشاء الله عليه
اكتر من 150 نقطه على الدولار كندى دكتور سمسم وربنا يوفقه
واكتر من 100 نقطه على اليورو ين الدكتور اسامه ربنا يرجعه بالسلامه اكدلنا البيع مع اننا كنا في الصفحه اللى قبليها كان شبابا المنتدى بيتناقش هو في فرصه بيع ولا شراء على اليورو ين وقلنا نصبر احسن ونشوف السعر هيرد ولا هيكسر الترند .
الصفقه بتاعة امبارح اليورو دولار خسرت 100 نقطه انا اللى حددت الصفقه ديه
ديه الصفقات بتاعة الاسبوع اللى غاب فيه الدكتور اسامه احسب كده وشوف كده يبقى في مكسب ولا في خساره وابقى رد عليا ؟ يا باشا أنا مابقولش حاجة أنا بقول نمشى أرجووووووووووووووووككككككككك بنفس نظام الورشة عشان الناسسسسسسسسسسسسس
وبعدين يا جماعه انا مستغرب على الناس اللي بتتفرج من بعيد والله وتشوف المكاسب من بعيد وتبقى مستنيه خساره واحده علشان تتكلم بالمنظر ده
الحمد لله صافى الارباح الاسبوع ده بعد الخساره 100 نقطه على اليورو دولار حوالى 580 نقطه في سوق صعب واسبوع صعب علينا من غير الدكتور الاسامه
وانا هخرج من الاسبوع ده وانا كلى رضى ان شاء الله
انت بقى عملتلنا ايه ؟؟؟؟؟؟ يعني لا جيبت لينا فرصه حلوه ندخل فيها ولا حاجه؟ بتتفرج من بعيد وبس. حاجه غريبه طيب حضرتك بزلت مجهود عشان تكسب فلوس ..طيب والناس ... الراجل اللى مارجن مش أنت زعلت علية بالذمة مش لوكان فهم حاجة من مشاركاتك كان زمانه دلوقت عدا وبقى 100% وبعدين أحنا عمالين نلف وراك ندور على اللى بتقوله محدش شايف حاجة أصل يا كابتن حضرتك مش بتستخدم الترايدر يعنى عندنا كدا كل كلامك غلط بما فية النسبية ...مفتكرش حد شارك فى مكاسبك غير اللى مش فاهم ومش عاوز يفهم .عاوز بيع أشترى الستوب مابحطش والهدف ماتطمعش والترند مش حوريلك. عرفت أنت عملت أية؟

وعلى فكره انا والله انا لما كانت بتبقى ادامى فرصه ماكنتش بحب ادخل فيها لوحدى وبقولها على طول في المنتدى علشان كلنا نكسب مش بحب احتفظ بيها لنفسي وبعدين زى مانا قلت يا جماعه عمر ماكانت الورشه ديه بتاعة اصدار بس قرارات بالبيع والشراء دى ورشه للمناقشه يعني تقول انا هدخل هنا بيع او شراء على اساس كذا.... وبعدين انت يا تقتنع بوجهة نظره وتدخل في الصفقه يا متقتنعش بوجهة نظره وماتدخلش فيها. ياعم ما أحنا عمالين نصرخ ونقول فين الشارت فين الترندات فين الشموع مش عشان نصورهم أو نلعب بيهم لأ عشان نتناقش ونقول اه ولأ..
وبعدين يا جماعه انا قلت مش بحب احط استوب لوز وبقول ان ديه عمليه تقديريه ولازم نعمل حساب للديول علشان كده الستوب لوز بتاعى بيبقى كبير دى وجهة نظرى وانا مقتنع بيها الصراحه واديكم شوفتوا اللى حصل في فرصة اليورو ين شوفتوا السعر طلع اد ايه وبعدين رجع تانى كمل في طريقه ولو مرجعش حتسيب الناس لضميرها راجع نفسك وشوف غلطاتك وصلحها أحنا محتاجين حماسك بس لازم تلتزم بأسلوب الورشة ..أنا حاطط 7 نقاط أمشى عليهم وشوف بنشاطك ده الورشة حيدخلها كام واحد وحتفضل الورشة نمرة 1 بدل ما تدمر والناس تدخل عشان تشرب قهوة وشاى وحاجة ساقعة .
وبعدين الاخ نادر بيقول الترند اللصاعد كان ركيزه واحده انا مش فاهم فين الركيزه الواحده ديه انا بصراحه مش عارف هز فاهم هو بيقول ايه ولا لا؟ لان كان عندنا ترند صاعه على الاربع ساعات وقوى واتكون اكتر من شمعه انعكاسيه عندنا وانا هرفق الصور تانى يا ريس شوف كيف ترسم الترند دا موضوع علمى بحت أنت راسم ركيزة حلوة تحت وبعد كدا مش واخد أى قاع ومعدى بين الديول وحكاية ....صدقنى والله ومش عشان شكل الشمعة أنعكاسى تبقى أنعكاسية الشارتات كلها شموع أنعكاسية بس ليها شروط عشان تقوم بعملها .
اللى مضايقني ان الاسبوع ده كله الحمد لله مفيش غير خساره واحده بس ؟؟؟؟؟؟؟؟؟ والناس اتكلمت بطريقه مش ظريفه يا عم ما تزعلش أنا مش بقول لك حاجة أنا بقول مبرووووووووووك عليك بس ألتزمممممممممممممم بأسلوب الورشة ...فية مليون طريقة للمكسب لكن الورشة دى معمولة عشان تفهم الناس طريقة واحدة ويدعولك مش يتمرجنوا ويدعوا عليك ...فهمت ياحبيبى...وربنا يوفقك ونشوف منك فرص حلوة وخليك فاكر (زينة الشباب الأدب)***
ربنا يوفقنا ويوفقكم وان شاء الله جمعه مباركه

اقتباس:
المشاركة الأصلية كتبت بواسطة mohamed-0 مشاهدة المشاركة

نادر باشا كلنا اخوات ومفيش حد فينا نفسه يضر حد طبعا لكن الكل بيجتهد وانا شايف احمد بيعمل اللى عليه وبعد كده الناس لها الحريه في انها تدخل او لا بناء على قرار يعود اليها دون تحميل اي احد المسئوليه والكل بيجتهد وربنا يوفق الجميع

يعنى رأى حضرتك نشوف حاجات غلط ونسكت وللا ننبه ليها .. يعنى أحمد شغال ببرنامج شركة مش ماشية معانا كلنا فى الأغلاقات اليومية وأشكال الشموع والترندات وبيقول على الشموع غلط وبدون ستوب وبدون هدف وبيشتم الناس وطبعا حتى النسبية محدش بيشوف اللى عنده ...وحضرتك كدا مبسوط ...طيب أنت راجل فاهم ...الناس الجديدة حتفهم أية وأحنا كلنا بقى نرمى العدة كلها ونروح نجيب بقى برنامج أحمد ....وللا العقل بيقول هو اللى يمشى زى الجماعة معقول عربية كل الناس يزقوها فى ناحية وواحد واقف يزق عكسهم ونقول أصله بيجتهد ...هو مجهوده عالى ونشيط وجميل بس لما حد يناقشة يرد حتى أضعف الأيمان بأدب...
وشكرا لك مطولش عليك وفكر فى الكلمتين دول .


يا احمد ربنا يوفق الجميع ومبروك الارباح و جمعه مباركه ان شاء الله
مشكوووووووووووووووووووور والسلام ختام

أية يا بكرى باشا أنت لسة مسجل فى المنتدى النهارده ومعملتش غير المشاركتين دول ...هههههههههههههههه شكرا شكرا بس ممكن تبص على اخر 4 مشاركات لى عشان تعرف الموضوع ...ومش حأقعد طول السنة أقول مش بهاجمة ...محدش هاجمة خالص أقرأ بس أخر 4 مشاركات لى وأنت تفهم يا أحمد...سلام حمادة حبيبى ....



التوقيع:
طبعا وجود هذا الموضوع بعد ان تأخر كثيرا فى الأستراحة فرحنى جدا ...ورد د.أسامة عادل شجعنى كثيرا


أشكر جميع من رد
... و شكرا إدارة بورصات

م.نادر فيليب

التعديل الأخير تم بواسطة نادر فيليب ; 18-04-2009 الساعة 03:32 PM سبب آخر: بكرى
نادر فيليب غير متواجد حالياً   رد مع اقتباس
قديم 18-04-2009, 03:34 PM   #3278
عضو جديد
 

افتراضي رد: $$$...ورشة عروس الابيض المتوسط...$$$

برده الهجوم مستمر من الاستاذ نادر
انا قلتها كلمه الموضوع ده مش هيخلص الا لما ييجي الدكتور اسامه بالسلامه ان شاء الله
وبعدين يااخ نادر انا كنت متابع زيك بالظبط الصفقات مالقيتش صعوبه في فهم وجهة نظر احمد اللى انت بتقول عليها
انا اللى اعرفه انت لو ماكنتش موافق على اللي يقوله تدخل تقول بكل احترام وجهة نظرك والناس تشوف بقى هى هتدخل مع مين تقرا جميع وجهات النظر اعتقد ان بكده انت هتكون عضو فعال ونشيط مش تدخل لمجرد الهجوم
مش الهجوم بالمنظر ده



بكرى غير متواجد حالياً   رد مع اقتباس
قديم 18-04-2009, 04:05 PM   #3279
عضو نشيط
 

افتراضي رد: $$$...ورشة عروس الابيض المتوسط...$$$

بسم الله الرحمن الرحيم
هعرض تانى وجهة نظري في اليورو دولار علشان الناس تفهم وتعرف وعايز اصحح بعض الاخطاء عند الاستاذ نادر واقوله ان شمعة الرجل المشنوق بتيجي في اخر الترند الهابط علشان تعكسه وشمعة الابتلاع الشرائى وماتقولش اى كلام الا لما تكون متاكد منه علشان ماتلخبطش الناس وبعدين انا شغال ببرنامج الميتا تريدرتابعوا معايا في الصور من اول مادخلت في الصفقه لحد ما السعر كسر الترند
وعايز اشكر الاستاذ بكرى على الكلام الجميل اللى قاله في حقى ومش عايزك تدافع عنى تانى معلش علشان هيقول دلوقتي ان احمد وبكرى دول اصحاب وحبايب واحمد هو اللى قايل لبكرى يقول كده
سيبك من الكلام ده خالص و انا هعرض تانى وجهة نظرى في الشراء لليورو دولار اللي خسرت واحب اقول للاستاذ نادر اقرا كويس عن الشموع لانعكاسيه وانت هتعرف ان الشمعه بتاعة الرجل المشنوق بتيجي في اخر الترند الهابط وعايز اقوله تانى ماتقولش اى كلام الا لما تكون متاكد منه لان واضح فعلا ان انت فاهم الفوركس كويس اوى.



الصور المرفقة
نوع الملف: png 16-04-2009 07-27-03 م.png‏ (16.0 كيلوبايت, المشاهدات 5)
نوع الملف: png 16-04-2009 10-07-54 م.png‏ (8.7 كيلوبايت, المشاهدات 1)
نوع الملف: png 17-04-2009 02-55-23 ص.png‏ (15.4 كيلوبايت, المشاهدات 2)
نوع الملف: png 17-04-2009 09-15-44 ص.png‏ (10.6 كيلوبايت, المشاهدات 3)
ahmedarakiep غير متواجد حالياً   رد مع اقتباس
قديم 18-04-2009, 04:21 PM   #3280
عضو جديد
 

افتراضي رد: $$$...ورشة عروس الابيض المتوسط...$$$

اقتباس:
المشاركة الأصلية كتبت بواسطة ahmedarakiep مشاهدة المشاركة
بسم الله الرحمن الرحيم
هعرض تانى وجهة نظري في اليورو دولار علشان الناس تفهم وتعرف وعايز اصحح بعض الاخطاء عند الاستاذ نادر واقوله ان شمعة الرجل المشنوق بتيجي في اخر الترند الهابط علشان تعكسه وشمعة الابتلاع الشرائى وماتقولش اى كلام الا لما تكون متاكد منه علشان ماتلخبطش الناس وبعدين انا شغال ببرنامج الميتا تريدرتابعوا معايا في الصور من اول مادخلت في الصفقه لحد ما السعر كسر الترند
وعايز اشكر الاستاذ بكرى على الكلام الجميل اللى قاله في حقى ومش عايزك تدافع عنى تانى معلش علشان هيقول دلوقتي ان احمد وبكرى دول اصحاب وحبايب واحمد هو اللى قايل لبكرى يقول كده
سيبك من الكلام ده خالص و انا هعرض تانى وجهة نظرى في الشراء لليورو دولار اللي خسرت واحب اقول للاستاذ نادر اقرا كويس عن الشموع لانعكاسيه وانت هتعرف ان الشمعه بتاعة الرجل المشنوق بتيجي في اخر الترند الهابط وعايز اقوله تانى ماتقولش اى كلام الا لما تكون متاكد منه لان واضح فعلا ان انت فاهم الفوركس كويس اوى.
تمام يا احمد انت كده عرفته وجهة نظرك الصعبه جدا اللى مش قادر الاستاذ نادر يفهمها ويارب فعلا يروح يقرا هو الفوركس من الالف للياء وخصوصا درس الشموع اليابانيه علشان يقدر يفهم ويصلح معلوماته الخطا وما يقولش اى معلومه من غير ما يكون متاكد منها واضح فعلا يا استاذ نادر ان انت فاهم الفوركس كويس اوى فعلا زى ما احمد الركيب قال لان الهانج مان بتيجي في اخر الترند الهابط مش الصاعد .
المهم انت يا احمد ماتزعلش نفسك وانا لما دخلت والله علشان انا شوفت هجوم غريب عليك من غير اى داعى وربنا يكرمك ان شاء الله



بكرى غير متواجد حالياً   رد مع اقتباس
إضافة رد

جديد مواضيع استراتيجية - استراتيجيات التداول


الكلمات الدلالية (Tags)
$$$ورشة, المتوسط$$$, الابيض, عروس

مواضيع سابقة :

(( المــجنـــــون ))
استراتيجيات الفوركس للمحترف والمبتدء فيديو استراتيجيات فوركس
هدية العيد -استراتيجية 9.15

مواضيع تالية :

حسب الوعد طريقتى2
محتاجة استراتجية عن زوج الذهب/والدولار
إستراتيجية:::70:::30::: جديد 2009::: المكشتف :: الخبير : حسن الأقرع

$$$...ورشة عروس الابيض المتوسط...$$$

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع المنتدى
الاسكندريه عروس البحر الابيض المتوسط السياحة و السفر
ورشة تلميذ عروس الابيض المتوسط و نسر مصر منتدى العملات العام Forex


روابط الموقع الداخلية


الساعة الآن 05:14 PM.
Powered by vBulletin® Version 3.8.7
Copyright ©2000 - 2017, Jelsoft Enterprises Ltd.
Privacy Policy
SEO by vBSEO 3.6.0 ©2011, Crawlability, Inc.

الاتصال بنا - بورصات - الأرشيف - تنشيط العضوية - اعلن معنا - الأعلى    تحذير المخاطرة