07-12-2011, 03:25 PM
|
#23 |
| عضو نشيط |  رد: استراتيجية كسر الترند المطورة
اقتباس:
المشاركة الأصلية كتبت بواسطة warriorwithin84
 شوية اسالة بعد اذنك
1- الفريم اللى بتشتغل عليه ؟
2- العملات اللى بتشتغل عليها ؟
3- الوقت المناسب - انا مش بكون فاضى قبل الساعة 6 بعد المغرب  -
4- فرص الاستراتيجية كتير والا قليلة ؟
5- بتتبع سياسة الاستوب والا التبريد
6- مدة تجربة الاستراتيجية
اسف جدا جدا على الاطالة بس انا نفسى بجد فى استراتيجية مضمونة و صاحبها يكون متابعها علشان اتقنها
وجزاك الله خير على الشرح البسيط والجميل ده | 1. كل الفريمات تنفع, بس انا شخصيا مجرب من اول الساعة لغاية الاسبوعي
2.كل العملات تنفع ان شاء الله, حتي الذهب و البترول ممكن برده, بس انا مبتجرش عليهم عشان شبه الحرمانية فقلت اخليني فالعملات احسن
3. الوقت يعتمد حسب الفريم
طالما مش هتبقي فاضي غير بعض 6 يبقي احسن حاجة الديلي او الويكلي
انا طالب فالجامعة فلما بكون فاضي بشتغل علي كل الفريمات
لاكن لما بكون مشغول بعمل زي ما قلتلك , و كمان خلي بالك علي الفريمات الكبيرة نادرا ما الفرصة بتضرب استوب باذن الله
4.فرص الاستراتيجية كتيرة, بس بعد ما ضفتلها شرط ان الدخول يكون من فيبو 61% او من 50% بشرط اعادة الاختبار , فالفرص قلت بصرارحة, لاكن نسبة الفرص الناجحة زادت جدا ما شاء الله
بس انتا يهمك تدخل فرص كتير وخلاص؟ ولا ندخل فرص اقل بس بمكسب اكبر؟
5. فالاول كنت شغال بالتبريد, يعني مثلا اخش من فيبو 50% و التبرد من فيبو 61%, حاليا لأ يا هدف يا ستوب, و شخصيا ده كان احسنلي لاني كدا بعرف ادخل بنسبة اكبر من راس المال
6.تقريبا سنة
اسف ايه بس يا جميل؟ انا سعيد جدا بئسئلتك
و صدقني لو بتدور علي استراتيجية ناجحة فخليك فالكلاسيكي, و اول طريقة سهلة من الطرق الكلاسيكية هيا اللي انا شرحتها, بعد كدا لما هتاخد خبرة هتقدر تتعمق اكتر ان شاء الله
نورتني يا جميل و مستني شارؤتاتك معايا يا حبي
|
|  |
12Likes
