|| مـــــلـــــيـــــونـــــيـــــة ||

**شادي عبده** · 17-11-2011, 09:56 AM

رد: || مـــــلـــــيـــــونـــــيـــــة || المشكلة ان المليونيات فقدت قوتها للأسف بالنزول المتكرر كل جمعة .

الله يعمل الخير لمصر .

**Marvey** · 17-11-2011, 10:38 AM

اقتباس:

المشاركة الأصلية كتبت بواسطة شادي عبده

المشكلة ان المليونيات فقدت قوتها للأسف بالنزول المتكرر كل جمعة .

الله يعمل الخير لمصر .

أنا أري ذلك أيضاً وللأسف

نواف فارس · 17-11-2011, 11:02 AM

اقتباس:

المشاركة الأصلية كتبت بواسطة Marvey

بعتذر أخي الكريم ولكن وجب عليا التنويه لهذه اللحظة التاريخية الفارقة
بالنسبة لموضوع النجوم هذا يأتي بالاجتهاد ومساعدة الناس ساعد الناس وابذل مجهود لكي تحصل علي نجوم ويارب توصل لـ6 نجوم وتبقي لواء زيي أو توصل لرتبة المشير علي طول هههههههه

بالنسبة للنجوم ... ترى أمزح .. كتبت الموضوع فضفضة بعد خسارة

أسأل الله أن يوفق مصر وأهلها ويدلهم إلى الخير

**Marvey** · 17-11-2011, 11:11 AM

اقتباس:

المشاركة الأصلية كتبت بواسطة نواف فارس

بالنسبة للنجوم ... ترى أمزح .. كتبت الموضوع فضفضة بعد خسارة

أسأل الله أن يوفق مصر وأهلها ويدلهم إلى الخير

**Marvey** · 19-11-2011, 03:00 AM

لو حد نزل يا شباب ياريت يقولنا آخر الأخبار في الميدان لإنه الواحد مبقاش يصدق الاعلام
وياريت عمرو تطمنا عليك

dr_hany0 · 19-11-2011, 12:49 PM

السلام عليكم
في رايي انه يجب القصاص العادل بحق الله من قتلة المتظاهرين
فبامانة الله
اي واحد من زملائي الاطباء ممن اصيب او استشهد هو افضل الف مره وارقي خلقا ودينا وادبا وعلما ممن قتلوه من انصاف المتعلمين عبدة الطاغوت هؤلاء وظفره يساوي الف منهم
وكما قال سيدنا خالد ابن الوليد
فلا نامت اعين الجبناء
دمتم بود

**Marvey** · 19-11-2011, 04:25 PM

اقتباس:

المشاركة الأصلية كتبت بواسطة dr_hany0

السلام عليكم
في رايي انه يجب القصاص العادل بحق الله من قتلة المتظاهرين
فبامانة الله
اي واحد من زملائي الاطباء ممن اصيب او استشهد هو افضل الف مره وارقي خلقا ودينا وادبا وعلما ممن قتلوه من انصاف المتعلمين عبدة الطاغوت هؤلاء وظفره يساوي الف منهم
وكما قال سيدنا خالد ابن الوليد
فلا نامت اعين الجبناء
دمتم بود

اللهم أرحم شهدائنا

**Marvey** · 20-11-2011, 04:42 PM

آخر الأخبار في مصر

* الاستفتاء .............. اتزور

* قانون الغدر ....... اتغير

* قانون منع التظاهر .... افتكسوه

* قانون المحاكمة العسكرية ...... اخترعوه

* حكم رفع اسم المخلوع ... اتلغى

* قضية قطع الاتصالات .... اتلغت

* تسجيلات القتل العمد للثوار و المكالمات ... اتمسحت

* فارغ طلقات الرصاص ... اختفت

* فلول النظام واعوان مبارك .... فى كل مكان

* الاعلام المصرى ........ فاسد اخر حاجة

* مستندات ثروة المخلوع .... اختفت

* اهالي الشهداء ... بيتهددوا وبيتصفوا

* قانون الطوارئ ...... متلغاش

* اعضاء الحزب الوطنى ...... برضه ماسكين كل اجهزة الدولة

* امن الدولة ........ لسه شغال

* الشرطة ........ مش موجوده غير علشان المتظاهرين

* البلطجية ........... فى كل مكان

* الاسعار .................... بقت نار

* خطط الحكومة .............. غير موجودة

* قانون الانتخابات ............ زى الزفت

* قرار فصل اعضاء الحزب الوطنى من اجهزة الدولة ... هاهاهاها .... فى الثلاجة

* الشعب ... بيسقف و يزغرط بفض الميادين علشان خاطر عجلة الانتاج
حوش ياجدع الطيارات والصواريخ والدبابات اللى بنصنعها بقالنا 30 سنة
وبسبب التظاهرات المشئومة حال البلد وقف ... أيه سفن أيه

* المستندات اللي الشعب قدر يحصل عليها ...
اتسلمت للمجلس و النائب العام علشان يكملوا حرقها و فرمها
بس غصب عنهم والله ده بسبب ماس كهربائى

* الميدان اللي حيلتنا ... احتلوه وسيطرت عليه قوات حفظ الصينية !!

* شعارهم الجديد ... الجيش والشرطة ايد واحدة.... طب ضد مين ؟؟؟؟

* صوتنا ... بيكتموه

* حقوقنا ...... اللي كانت ضائعة ... ضاعت اكتر واكتر

* الثوار ............. محاكمات عسكريه

* الجيش ........... نزل ضد شعبه

* المشير وعنان وسليمان ... مبارك والعادلى لم يأمرو بقتل المتظاهرين
طيب حد يقولى بقى انتو حميتو الثورة من مين ؟؟؟
ولا المتظاهرين دول ماتو نتيجة لأن صلاحيتهم كبشر انتهت ؟

* الانتخابات ... مسؤولها نفس المسؤول بتاع 2005 و 2010

* انابيب البوتجاز ..... وصلت 40 جنيه والناس بتموت مش لاقياها اساسا
فى الوقت اللى الغاز المصرى واصل كل بيت ف اسرائيل والاردن

* البنزين ...... يكاد يكون اختفى تماما بالرغم من ان انتج شركات البترول فى مصر
يغطى احتياجات 94 % من الشعب المصرى ؟؟؟؟

* المجلس العسكرى هيسلم البلد ابريل 2012 ؟؟
يعنى بعد 14 شهر من الثورة اللى اعلن فيها انه هيسلم البلد بعد 6 شهور ؟؟
واذا صدق اساسا فى كلامه ... هل هيسلمنا مصر اللى استلمها يوم 11 فبراير ؟؟
مصر اللى كل الناس كانت خايفة على بعضها ؟؟
مصر اللى الناس كانت بتكنس وتمسح الشوارع وتنضفها ؟؟
مصر اللى كان كل مصرى يومها بيقول بعلو صوته أنا مصرى وافتخر ؟؟؟
مصر اللى شعبها طيب وصدقكو ووثق فيكو وحط فى رقبتكم دم الشهداء ؟؟
مصر اللى ما كانش فى يومها مسلم ولا مسيحى ... حتى اسألو النقيب ماجد بولس
مصر اللى اتكتب على اهلها يدوقو المرار ليل ونهار علشان تكرهوهم فى الثورة ؟؟

*******************
مصر اللى مهما يحصل فيها مش هقول ولا يوم من ايامك يامخلوع

*****************
وأخيراً قرر النائب العام تأجيل قضية قتل المتظاهرين حتي الانتهاء من قتل جميع المتظاهرين
والله ولي التوفيق
********

|| مـــــلـــــيـــــونـــــيـــــة ||

استراحة بورصات

|| مـــــلـــــيـــــونـــــيـــــة ||