موقع بورصات
  بورصات
تسجيل عضوية جديدة في المنتديات لوحة تحكم العضو البحث في المنتديات تسجيل الخروج الرئيسية الاتصال بنا

منتدى العملات العام لمتابعة كل ما يتعلق بتجارة العملات الاجنبية والذهب والنفط من اخبار وطرق المتاجرة وتحليلات ، قسم التوصيات – توصيات العملات لمتابعة توصيات ونقاط الدخول والخروج على مختلف العملات ، منتدى الدروس التعليمية يحتوي على دروس تعليمية لسوق العملات والتحليل الفني والاساسي وادارة رأس المال ، منتدى المؤشرات والاكسبيرتات يحتوي على اهم المؤشرات مع شرح لها بالاضافة الى بعض الدروس

العودة   بورصات > بورصة العملات الاجنبية > منتدى تداول العملات العام

سر الفوركس

منتدى تداول العملات العام

Like Tree2Likes

إضافة رد
 
أدوات الموضوع
قديم 19 - 06 - 2011, 04:53 PM   #1
عضو نشيط جدا
 

افتراضي سر الفوركس

سر الفوركس
السلام عليكم ورحمة الله وبركاته
ندخل فى الموضوع
فاكرين قصة على بابا والاربعين حرامى ..... اللى مش عارفها يلاقى ليها ملخص فى الموضوع
تعالوا نشبه الفوركس بمغارة عصابة الاربعين حرامى اللى بيخبوا فيها المسروقات
والتجار على بابا واخوه قاسم
المارجن كول بعصابة الاربعين حرامى
اللى حصل ان صاحبنا على بابا لما كان بيحتطب فى الغابه شاف العصابه جايه من شغلها اللى هو سرقة الناس .. وقف زعيم العصابة وبصوت قوى قال افتح يا سمسم فتح باب عن مغارة دخلوا العصابه وقال الزعيم اقفل يا سمسم قفل باب المغارة .. استنى على بابا وبعد شويه سمع افتح يا سمسم فتح باب المغارة خرجت العصابة والزعيم برده قال اقفل يا سمسم اتقفل باب المغارة
وبعد ما مشيت العصابة على بابا حب يجرب وقف قدام باب المغارة وبصوت عالى قال افتح يا سمسم فتح سمسم الباب ودخل على بابا .. ولقى الدهب والياقوت والمرجان وقال جملته المشهورة دهب ياقوت مرجان احمدك يارب ..
فكر على بابا انه يشيل الحاجات دى ويمشى لكن ملقاش حاجة يشيل فيها .. فاخد اللى يقدر يشيله ..وخلى بالك قوى من كلمة اللى يقدر يشيله دى .. شويه فلوس على شويه دهب على شويه ياقوت وشويه مرجان . وقال كل يوم بقى اجى اشيل اللى اقدر عليه واهى المغارة موجوده وانا عرفت السر .. خلى بالك برضه من تفكير الراجل اللى اسمه على بابا ده
مع الايام على بابا كل يوم يروح يشيل اللى يقدر عليه من الاموال ويروح لغايه لما قالوا عليه على بابا بعد الضنى لبس حرير فى حرير
قوم ايه بقى .. اخو على بابا اللى اسمه قاسم سأله على الحكايه وقعد يلح عليه لغايه لما على بابا قاله على الموضوع من طأطأ لسلاموا عليكو
قاسم ما صدق الا وخد حماره وطلع جرى على المغارة وافتح يا حاج سمسم .. وفتح الحاج سمسم وقاسم احتاس ولاص كل ده دهب كل ده ياقوت كل ده مرجان .. وقعد يحمل على الحمار الغلبان من الخيرات لحد ما الحمار ما قدرش يمشى .. قاسم دلوقتى محتاج يخفف حمل الحمار وده اللى عمله كل ده وقت بيضيع عليه وهوعلشان زعلان على اللى بيسيبوا من الخيرات اللى قدامه وشاغل تفكيره ما عرفش يخرج ازاى ولما دور على طريق الخروج نسى اسم الحاج سمسم اللى بينده عليه علشان بيفتح الباب وحاول يفتكر لكن الوقت عدى وفات ودخلت عصابه الاربعين حرامى ..ومسكته
ايه حواديت قبل النوم دى ..
يا ترى وصلنا للسر ولا لسه
نقول كمان
التاجر على بابا فتح برنامج المتاجرة وعمله صفقة وخرج منها بربح وراح يعيش حياته
كان ممكن ياخد كل نوع قدامه لكن هو مش ها يقدر يشيل .. اكتفى باللى يقدر يشيله وخلص ومشى
التاجر قاسم عاوز ياخد كل الارباح خد كل الازواج اللى قدامه وماقدريش يشيل اضطر انه يقلل حمله لكن الوقت فات والعصابة اللى هى المارجن كول وصلت له وخلصت عليه

ياترى دلوقتى عرفت سر الفوركس ولا لسه

القناعة والرضا بالقليل يا اخونى هى سر الفوركس لو ملكتها ها تحقق بيها كل ما تحلم به من الفوركس لو فقدتها فلن تحقق شئ حتى لو كنت اعظم المحللين .. يمكن يعطيك السوق اليوم لكن غدا سياخذ منك ما اعطاك وفوقة كل رأس مالك

طولت عليكم
تحياتى للجميع

اذا اعجبك الموضوع و اردت نشره في المنتديات الاخرى فاستخدم هذا الرابط:
سر الفوركس
http://www.borsaat.com/vb/t271635.html



challenger_1979 likes this.
kilioo غير متواجد حالياً   رد مع اقتباس
قديم 19 - 06 - 2011, 04:59 PM   #2
عضو محترف
 
الصورة الرمزية أحـمـد
 

افتراضي رد: سر الفوركس

متفق معك 100%
وان شاء الله الكل يستفيد من هذا التشبيه الجميل
جزاك الله خير



أحـمـد متواجد حالياً   رد مع اقتباس
قديم 19 - 06 - 2011, 05:49 PM   #3
عضو نشيط
 
الصورة الرمزية بحارك يا فوركس
 

افتراضي رد: سر الفوركس

انت كده جبت زاتونة الموضوع زي ما بيقول فعلا السر في القناعة كم مرة حققت ارباح وبسب الطمع يضيع مجهود الاسبوع كله في يوم الله المستعان و موضوع جميل تسلم الايادي



بحارك يا فوركس غير متواجد حالياً   رد مع اقتباس
قديم 19 - 06 - 2011, 06:05 PM   #4
عضو نشيط جدا
 

افتراضي رد: سر الفوركس

اقتباس:
المشاركة الأصلية كتبت بواسطة أحـمـد مشاهدة المشاركة
متفق معك 100%
وان شاء الله الكل يستفيد من هذا التشبيه الجميل
جزاك الله خير
شرفنى مرورك الكريم على الموضوع ..
تقبل تحياتى



kilioo غير متواجد حالياً   رد مع اقتباس
قديم 19 - 06 - 2011, 06:13 PM   #5
عضو نشيط جدا
 

افتراضي رد: سر الفوركس

اقتباس:
المشاركة الأصلية كتبت بواسطة بحارك يا فوركس مشاهدة المشاركة
انت كده جبت زاتونة الموضوع زي ما بيقول فعلا السر في القناعة كم مرة حققت ارباح وبسب الطمع يضيع مجهود الاسبوع كله في يوم الله المستعان و موضوع جميل تسلم الايادي
تسلم استاذ بحار ..
شرفنى مرورك الكريم
تقبل تحياتى



kilioo غير متواجد حالياً   رد مع اقتباس
قديم 19 - 06 - 2011, 06:26 PM   #6
عضو نشيط جدا
 

افتراضي رد: سر الفوركس

وعليكم السلام ورحمة الله وبركاته

في الحقيقة أنا أختلف معك بشكل كبير في هذه النظرة لأن هذا المجال ليس عبثي بمعنى أن الأسعار تمشي على مسار معين لاتحيد عنه.

دعني أطرح مثال بسيط مجال آخر وهو الزراعة. في الماضي كانت الحراثة مسألة صعبة تحتاج إلى القوة والتحمل والكثير من الصبر والتدريب ولم يكن بإستطاعة الرجال العاديين القيام بهكذا عمل شاق. ومن مرور السنوات وتطور الحياة وسرعة التحسين بالتكنولوجيا بأنواعها أصبحت الزراعة شيء سهل جداً بإستخدام أدوات كثيرة تسهل المهام جميعها دون إستثناء. أكثر البلدان الزراعية المتطورة اليوم تستخدم الوسائل المتطورة لحراثة المزارع وفحصها وإختبارها والتحكم بجودة منتجاتها وقطف المنتجات عبر الوسائل الحديثة وليس بالوسائل التقليدية. والأمر الأروع في هذا هو إمكانية أي إنسان للقيام بذلك. هذا يعني أن حتى المرأة في أي مرحلة من مراحل حياتها تستطيع أن تقوم بهذا العمل دون مشاق تذكر وبدقة عالية..... إلخ القصة.

المغزى من هذا الكلام أننا نستطيع أن نستعين بالتكنولوجيا للوصول إلى أهدافنا في جميع المجالات بما فيها تجارة العملات. لكن السؤال هو كيف ذلك؟

يقول المثل " إذا عرف السبب, بطل العجب". يعني أننا يجب أن نبحث هنا وهناك لتحليل الفوركس من خلال محركاته الأساسية وهي الأخبار بشكل دقيق من خلال الإستعانة بالتكنولوجيا الحديثة للوصول إلى اعلى المستويات في هذا المجال.

لايستطيع محلل وأي محلل أن يحدد الإتجاه بدقة دون معرفة الأخبار وكيفية إنعكاس تأثيرها على السوق الحي إذا لم يستعين بالتكنولوجيا التحليلية التي لاتتواجد هنا وهناك مع الأسف. الأناس العاديين ليس لهم إلا الجد والإجتهاد بشكل أو بآخر وهذا فقط.

أما مسألة إدارة مالية وعدم السعي وراء التكنولوجيا المتطورة فهذا كلام مع إحترامي ليس لشخص يجب أن يبقى في هذا المجال. هكذا شخص يستريح في بينه أفضل له.

سر الفوركس يا أخي العزيز موجود في الشارت لكنه مبهم لأنه لم يحلل من قبل أي شخص ولم يعرف له إلا القليل الذي يسعى نحو الأفضل الدقيق.

وبالتوفيق



scarface غير متواجد حالياً   رد مع اقتباس
قديم 19 - 06 - 2011, 07:33 PM   #7
مدير المبيعات
 
الصورة الرمزية عمرو ابراهيم
 

افتراضي رد: سر الفوركس

وعليكم السلام ورحمه الله وبركاته
موضوع رائع ومبسط يالغالي ومتفق معك
وبكل اختصار المجال يحتاج لاجتهاد والسوق ليس بسهل ولا بصعب
ولكنه يحتاج منا دراسة وتحديد مستوي وامور اخرى
جزاك الله كل خير




التعديل الأخير تم بواسطة بلال ; 20 - 06 - 2011 الساعة 02:40 AM سبب آخر: تصحيح املائي
عمرو ابراهيم غير متواجد حالياً   رد مع اقتباس
قديم 19 - 06 - 2011, 07:33 PM   #8
عضو نشيط
 
الصورة الرمزية eramax
 

افتراضي رد: سر الفوركس

موضوع جميل حبيبى وبارك الله فيك



التوقيع:
استعن بالله ولا تعجز
قال تعالى (وما كان الله معذبهم وهم يستغفرون) صدق الله العظيم
قُلْ هَذِهِ سَبِيلِي أَدْعُو إِلَى اللَّهِ عَلَى بَصِيرَةٍ أَنَاْ وَمَنِ اتَّبَعَنِي وَسُبْحَانَ اللَّهِ وَمَا أَنَاْ مِنَ الْمُشْرِكِينَ

اللهم ما أصبح بي من نعمة أو بأحد من خلقك فمنك وحدك لا شريك لك , فلك الحمد ولك الشكر
eramax غير متواجد حالياً   رد مع اقتباس
قديم 19 - 06 - 2011, 08:15 PM   #10
عضو نشيط جدا
 

افتراضي رد: سر الفوركس

اقتباس:
المشاركة الأصلية كتبت بواسطة scarface مشاهدة المشاركة
وعليكم السلام ورحمة الله وبركاته

في الحقيقة أنا أختلف معك بشكل كبير في هذه النظرة لأن هذا المجال ليس عبثي بمعنى أن الأسعار تمشي على مسار معين لاتحيد عنه.

دعني أطرح مثال بسيط مجال آخر وهو الزراعة. في الماضي كانت الحراثة مسألة صعبة تحتاج إلى القوة والتحمل والكثير من الصبر والتدريب ولم يكن بإستطاعة الرجال العاديين القيام بهكذا عمل شاق. ومن مرور السنوات وتطور الحياة وسرعة التحسين بالتكنولوجيا بأنواعها أصبحت الزراعة شيء سهل جداً بإستخدام أدوات كثيرة تسهل المهام جميعها دون إستثناء. أكثر البلدان الزراعية المتطورة اليوم تستخدم الوسائل المتطورة لحراثة المزارع وفحصها وإختبارها والتحكم بجودة منتجاتها وقطف المنتجات عبر الوسائل الحديثة وليس بالوسائل التقليدية. والأمر الأروع في هذا هو إمكانية أي إنسان للقيام بذلك. هذا يعني أن حتى المرأة في أي مرحلة من مراحل حياتها تستطيع أن تقوم بهذا العمل دون مشاق تذكر وبدقة عالية..... إلخ القصة.

المغزى من هذا الكلام أننا نستطيع أن نستعين بالتكنولوجيا للوصول إلى أهدافنا في جميع المجالات بما فيها تجارة العملات. لكن السؤال هو كيف ذلك؟

يقول المثل " إذا عرف السبب, بطل العجب". يعني أننا يجب أن نبحث هنا وهناك لتحليل الفوركس من خلال محركاته الأساسية وهي الأخبار بشكل دقيق من خلال الإستعانة بالتكنولوجيا الحديثة للوصول إلى اعلى المستويات في هذا المجال.

لايستطيع محلل وأي محلل أن يحدد الإتجاه بدقة دون معرفة الأخبار وكيفية إنعكاس تأثيرها على السوق الحي إذا لم يستعين بالتكنولوجيا التحليلية التي لاتتواجد هنا وهناك مع الأسف. الأناس العاديين ليس لهم إلا الجد والإجتهاد بشكل أو بآخر وهذا فقط.

أما مسألة إدارة مالية وعدم السعي وراء التكنولوجيا المتطورة فهذا كلام مع إحترامي ليس لشخص يجب أن يبقى في هذا المجال. هكذا شخص يستريح في بينه أفضل له.

سر الفوركس يا أخي العزيز موجود في الشارت لكنه مبهم لأنه لم يحلل من قبل أي شخص ولم يعرف له إلا القليل الذي يسعى نحو الأفضل الدقيق.

وبالتوفيق
عفوا اخى الكريم كنت اظن ان هناك خطأ فى المشاركة وانك ترد على موضوع تانى غير هذا الموضوع ولخطأ فنى جاء الرد فى هذا الموضوع حتى وصلت الى اخر فقرة وتتحدث عن سر الفوركس موجود بالشارت
فالموضوع لم يتحدث او ينتقد طرق للمتاجرة المختلفة .. بل الحديث اخى ان الطمع فى المتاجرة هو الذى يؤدى الى الخسارة ولم يتطرق الموضوع للتكونولجيا او التحليل الفنى او الرقمى وبالاعم لم يتحدث عن كيفية الدخول
سأسأل سؤال هل هناك صغفة مضمونة 100 % ..
بالطبع لا ..
وكم من المواضيع الموجوده فى المنتدى هنا وغيره من المنتديات تحكى عن قصص المارجن
السبب فى هذا الطمع .. والطمع هو غريزه فى البشر ومن منا لا يطمع .. لكن هناك طمع مشروع ومقبول .. وطمع غير مشروع وغير مقبول .. فكلنا يطمع فى حياه كريمة .. يطمع فى ان يزيد دخله للوفاء بمتطلبات الحياه .. طمع مشروع ومقبول انما الوسيلة لتحقيق ذلك فاذا كانت الوسيلة ان اراهن بكل مالى على احتمال قد يتحقق او لا يتحقق ولا اترك لنفسى ما قد يعنى على الخروج من الخسارة فهذا طمع غير مشروع لان الوسيلة لتحقيقة خطأ واصبح قمار وليس تجارة
ارجو ان اكون وفقت فى شرح ما قد يكون التبس عليك

تقبل تحياتى



kilioo غير متواجد حالياً   رد مع اقتباس
إضافة رد

جديد مواضيع منتدى تداول العملات العام


مواضيع سابقة :

}={ رؤية فنية --ان تحققت -- لكم 600 نقطة خلال اسبوع }={
تعرف على انواع شركات الوساطة المالية
توقعك مهم مع ذكر السبب بدون ذكر السبب مرفوض توقعك

مواضيع تالية :

المتاجره باستخدام استراتيجيه السله (يونيو 2011)
التحليل الموجى الاسبوعى للعملات الرئيسية
تم ايداع الجائزه

سر الفوركس

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع المنتدى
][ طريقة بطل الفوركس في مسابقة فرسان الفوركس لشهر أكتوبر 2010 ][ منتدى تداول العملات العام
عدد العملاء الرابحين فى شركات الفوركس التقرير الربع سنوى ل2011 ,مأساه الفوركس منتدى تداول العملات العام
دورة احتراف الحساب التجريبي في الفوركس | خطوات هامة لكل مبتدء في الفوركس منتدى تداول العملات العام


روابط الموقع الداخلية


08:55 PM
Powered by vBulletin® Version 3.8.9
Copyright ©2000 - 2017, Jelsoft Enterprises Ltd.
Privacy Policy
SEO by vBSEO 3.6.0 ©2011, Crawlability, Inc.

الاتصال بنا - بورصات - الأرشيف - تنشيط العضوية - اعلن معنا - الأعلى    تحذير المخاطرة