size=4]align=center]ان كان تحسب عزتي تحت أياديكـ ....
علم غرورك عزتي مالها حد

وإن كنت بايعني وأنا قبل شاريكـ....
اليوم أبيعك وأقطع الوصل وأصد

لاتنخدع في كلمتي ياهلا فيكـ ....
ولاتنخدع لو قلت حبك تجدد

أول ترى بالهجر ماني بناويكـ....
مستبعد إنك تنكر الحب والود

لين إنكشف قصدك وبانت مواريكـ....
طعنتني والغدر من صوبك إشتد

كم قلت لك مليون مره ترى أفديكـ ....
لاكن حسافه غلطتك دوم تجحد

وكم قلت لك إحذر من إني أجافيكـ....
لاتزيد غلطاتك ترى الحال منهد

لاكن هذا إنت طبعك يوديكـ....
انت الخيانه والغدر فيك مولد

تقدر تجيب القمر تحت رجليكـ ....
وتقدر تحط الشمس على راحة اليد

لاكن لوجيتني مع أولك وتاليكـ....
مع القمر والشمس مع مويت الورد

ماتهز شعره في قلب من يحاكيكـ....
عند الكرامه كل شئ وله حد

عند الكرامه نمشي بدرب المهاليكـ ....
نارد حياظ الموت لاكم لاعد

من قبل حبك فوق عرش المماليكـ ....
واليوم حبك تحت رجلي تمدد

روح في دربك عسى الله يهديكـ ....
سافر ترى مثلك خساره به الود

وأنا بعد هاليوم ويش أبي فيكـ....
بدور اللي يحفظ الحب من جد

واليوم أنا يادفتري جيت أعزيكـ ....
زمان ماشفتك ياقصيدي توجد

هات القلم أبغاك تشكيلي وأشكيكـ....
إنت الخوي وخابرك ماتبيح السد

أبيك تقول لكل مغرور يجافيكـ ....
--|علم غرورك عزتي مالها حد]