موقع بورصات
  منتديات بورصات
تسجيل عضوية جديدة في المنتديات لوحة تحكم العضو البحث في المنتديات تسجيل الخروج الرئيسية الاتصال بنا

منتدى العملات العام Forex لمتابعة كل ما يتعلق بتجارة العملات الاجنبية – الفوركس والذهب والنفط من اخبار وطرق المتاجرة وتحليلات ، قسم التوصيات – توصيات العملات لمتابعة توصيات فوركس ونقاط الدخول والخروج على مختلف العملات ، منتدى الدروس التعليمية – فوركس يحتوي على دروس تعليمية لسوق العملات والتحليل الفني والاساسي وادارة رأس المال فوركس ، منتدى المؤشرات والاكسبيرتات يحتوي على اهم المؤشرات مع شرح لها بالاضافة الى بعض الدروس


العودة   منتديات بورصات > المنتديات العامة > استراحة بورصات > القسم الادبي ، شعر ، قصص ، روايات


القسم الادبي ، شعر ، قصص ، روايات شعر نبطي ، شعر بالعربية الفصحى ، بحور الشعر ، القوافي الصعبة ، اجمل ماقيل من الشعر ، ديوان للشعر الموزون ، قوافي ، دواوين شعرية نبطية و للشعر الفصيح ، روايات - تحميل روايات - روايات عربية - روايات اجنبية - اجمل الروايات ، قصص - حكايات قصص واقعية,قصص خرافية,قصص مغامرات

قصص حب رومانسية حزينة

القسم الادبي ، شعر ، قصص ، روايات

إضافة رد
 
أدوات الموضوع
قديم 16-04-2011, 05:03 AM   #1
عضو فـعّـال
 
الصورة الرمزية مادنيس
 

افتراضي قصص حب رومانسية حزينة

قصص حب رومانسية حزينة
قصص حب رومانسية حزينة



ذي قصه حب واقعيه صارت بالسعوديه والكويت
اذا عجبتكم بحطلكم باجي الاجزاء
)

الجزء الاول

ادري البعد اثر فيك وتدري البعد ذابحني
حبيبي الله يخليك ابي ترجع تريحني
عشان الحب واللي بيني وبينك
>>>>

اغنيه اهدتها ساره لنواف
وخلونا مع بدايتهم عشان نفهم قصد ساره
ساره ونواف عيال عم وكانو بصغرهم يختلفون..يضحكون ويلعبون وافكارهم بريئه دارت عليهم اقدار الدنيا وفرقتهم 15سنه وكان سبب هالفراق خلاف عائلي على الميراث عقب وفاة الجد

وبهالــ15 سنه
صارت احداث كثيره ومنها وفاة الاخوان ابوساره وابونواف
..
بيوم من الايام وفي احد المجمعات نواف ينادي وحده بصوت عالي : ياااا أم ساره
ام ساره خافت امسكت بساره وشهد بس ساره التفتت على نواف وطالعته بنظره ((مشبهه عليه وين شايفته)) تذكرت وقالت لأمها وهي مصدومه : ماما هذا نواف ولد عمي
التفتت ام ساره ودمعتها بعينها : نواف بسم الله عليك كبرت ماعرفتك ماشاءالله صرت رجال
نواف: اشلونك ياخالتي حتى البنات تغيرو ماشاء الله وكبرو وكان يناظر بساره وساره من الخجل نزلت عينها ...
ام ساره:
بشرني عن خواتك وامك اشلونهم واخذو ارقام بعض ومشى كل واحد بطريقه
...
بدت اول زياره من ام ساره لأم نواف وام ساره جايه لحالها لأن ساره وشهد كان عندهم اختبارات
خوات نواف غلا وفرح وجود يقولون لمرت عمهم : ليش ماجبتي البنات خاطرنا نشوفهم والله وحشونا وبالصدفه كانت حاطه صور لساره وشهد في بوكها
قامو خوات نواف يطالعونهم ويصارخون واللي تبكي واللي تذكر ربها على جمال ساره وشهد المهم ان فرح قالت : خالتي عادي اخليهم عندي
ام ساره: خذيهم لك
حطتهم فرح ببراويز وخلتهم بغرفتها ..

من بكره جاي نواف تعبان مرررره من العمل لأن دوامه بالجبيل بشركة الوليد وهوساكن بالخبر..
دخل البيت معصب يصرخ :مليت من الطريق يعور الراس من الحفريات..ضحكت فرح عليه ودخلت غرفتها
جلس نواف مع امه: يمه حبيبتي متى اخلص من بلوتي مليت امه تقوله مابقى شي >> ياترى شنو هالبلوه اللي يتكلم عنها نواف !!!
..ام نواف تسولف: امس مرت عمك جابت صور بناتها ولااله الا الله اقماااااار آيااات بسم الله عليهم حسافة ساره ماخذناها لك ..
نواف انصدم ان امه فكرت بساره زوجه له بس ليش ام نواف قالت حسافة ساره مااخذناها لك ليش ماقالت اشرايك بساره عشان اخطبها لك؟
نواف قام من عند امه متضايق ولحق فرح دخل عندها لقاها جالسه على اللاب توب ومشغله اغنية اميرة الورد حق محمد عبده ..
كانت فرح مجنونته وتسمع اغانيه كثير سألها نواف عن صورة ساره وشهد
قامت فرح وهي تغني وعطت نواف صور بنات عمه وصرخت وهي تغني : اميييرة الورد ليه الورد مفتونك
طالعها نواف وضحك ههههههه والله انك مجنونه
جلس يطالع بصورة ساره وسرح بعيونها وانسحر وانبهر بجمالها الاسيوي اسحبت فرح الصوره لما شافته متنح وعطته صورة شهد وابتسم وطلع ووجهه كان مصفوق انسدح على سريره وصورة ساره وجمالها ووصوفها بدت تنرسم له قدام عيونه لونها البرونزي وشعرها الاسود طويل وناعم وشفايفها المليانه وعيونها السود اللي سرح فيهم وحس بشي غريب مو بس سرح تذكر صورتها يوم شافها وكأن عيونها تنطق وتناديه نواف تعوذ من ابليس وقلب على جنبه الثاني ونام
بس ليش سوى كيذا ؟؟؟
ومن بكره وهو طالع من غرفته بيروح الدوام لقى غرفة فرح مفتوحه وكأن ساره صحيح تناديه ومن غير مايحس لقا نفسه اخذ الصوره وراح الدوام
وبطريقه للدوام اللي كان دايم يشتكي منه ومن الحفريات كان يمشي بطيييييء وحاط صورة ساره قدامه ويمشي ..
وصل الدوام متأخر واخذله هوشه عالصبح من المسؤؤل بس كانت حلوه على قلبه اول مره كان ماهو مع احد باله مشغول باللي بجيبه ..!!
دخل المكتب والفراش متعود من نواف اول مايوصل مايصحصحه غير القهوه بس هالمره نواف داخل من غير سلام وويه من غير لون
الشباب اللي معاه : اشفيك يانواف يالله صباح خير.. قالهم : خير خير وطلع صورة ساره وفتح الجريده وحط الصوره عشان تصير له عذر بأنشغاله عنهم ..

قام واحد من الشباب يعلق: لالا الشمس من وين طالعه اشفيهم الناس من عرفتهم ماقرو جريده شكلهم خسرانين بالاسهم والا ينطرون اعلان خبر زفافهم
لما سمع نواف زميله يقول عن الزواج طلع وجلس بسيارته ودموعه نزلت من غير مايحس
صار يقول لنفسه لو اني صابر شهر شهر بس
( شسالفه ليش نواف يصيح وعلى شنو يصبر !! )

مسح دموعه ورجع المكتب وخلى كل شغله لبكره وجلس يقلب بجواله وشاف رقم ساره قلبه نطق وقال لالا مو معقوله ان هذي البنت صارت شغله الشاغل مسح اسمها وكتب اميرة الورد واول ماضغط موافق دق جواله والاسم زوجة المستقبل رد نواف : هلا دانه
خطيبته: نواف حبيبي وينك مادقيت علي الصبح ماتعودت اصحى من غيرك
نواف بداخله: انا ويني وشنو اللي قاعد يصير انا نسيت ان ملكتي عقب اسبوعين
دانه: نواف نواف!!!
نواف: أأا مشغول انا بالدوام اكلمك بعدين
نواف ملكته بعد فتره بسيطه هذي البلوه اللي كان يحاتيهاواللي خلى يتعوذ من ابليس وهونفس السبب اللي خلى امه تتحسف على ساره


الجــــــزء الـثاني

رجع نواف البيت ودخل من غير سلام البيت مليان اليوم الاربعاء الداريه فبيتهم خواته جود وغلا وعيالهم عندهم اول مادخل : راحت عليك ساره هههههههه خواته يقولون له بمزحه بس اهو خذاها بقلبه من جد لأن حبها وزوجته مابيتزوجها عن حب بس لانه اشتغل وكون نفسه

نواف (عمره 25) شخصيته قويه وهو رجال البيت من عقب وفاة ابوه وامه تعتمد عليه بكل شي.. وسيم يملك ملامح رجوليه حاده ابيض شعره اسود ناعم يملك عيون عسليه وساع وغمازه بحنكه كانو البنات يضايقونه وفكر بالاستقرار بس كأنه بدا يتراجع عن هالشي لأن شاف بساره نصه الثاني ..

راح غرفته وجلس يعيد حساباته ويفكر اشلون يتخلص من المصيبه اللي صارت بحياته فجأه دخلت عليه فرح المرجوجه : حبيبي نواااااااااف اختك فروحه ماعندها رصيد عطني جوالك ابغى ارسل لساره بنت عمي رساله
نواف عطاها الجوال : كتبي وعن الرجه اثقلي اشوي
فرح: بنت عمي موغريبه وكتبت ((سارونه حبيبتي انا فرح لازم تجون عندنا اليوم كلنا متجمعين ونبي نشوفكم وبكره اجازه لاتتعذرين )) انتظرت فرح رد ساره وماردت
قالت فرح: نواف بليز بليز اول ماترد ساره عالمسج قولي طيب
نواف: اوكي خلاص اطلعي ازعجتيني
ساره كانت تتغدا لما خلصت دخلت غرفتها وشافت المسج فرحت كثير وردت عالمسج
((من عيوني حبيبتي بعطي امي خبر بس قوليلي هذا رقمك ؟؟))
نواف كان ينتظر رد ساره على احر من الجمر واخذها فرصه عشان يكون رابط صله مع ساره فأضطر انه يكذب ورد على مسج ساره ((ايوه حبيبتي هذا رقمي وانتظر ردك لازم تجون وحشتيني مووووت))
ساره لما خبرت امها ..
ام ساره: طيب بنروح بس اكشخو لبنات عمكم من زمان مو شايفينكم
احتارت ساره شنو تلبس واخذت راي اختها شهد
ساره: شهود ايش رايك البس تنورتي الجينز ؟
شهد: ساره انتي صاحيه تلبسي تنوره جينز وقصيره بعد لالا انتي تعرفين ان نواف يمكن يقعد معانا البسي فستانك البنفسجي الجبنيز اللي معاه حزام ابيض تحت الصدر استر لك اشوي من التنوره القصيره
لبست ساره وسوت شعرها كيرلي وغطت عالقمر بجمالها
ولبست شهد جينز وبلوزه ..

في بيت ام نواف...
استقبلوهم بدموع وشوق وكانت لحظة اللقا تصيح وتعور القلب
شهد اخت ساره عمرها (18سنه)وفرح بقد شهد انبسطو على بعض
غلا اخت نواف الكبيره(28سنه) تقول: كم عمرك الحين سارونه
ساره: عمري(21سنه)
غلا : بسم الله عليك على هالجمال ماانخطبتي
حست غلا من تقلب وجه ساره انها غلطت
تدخلت ام ساره : ماعليك منها جوها خطاطيب الدنيا كثييييير وترفض تقول انها صغيره تبغى تعيش حياتها

دخل نواف من برا وكان جايب معاه ورد عشان هالمناسبه الحلوه زيارة بنات عمه لهم وجلس معاهم
وسلم عليهم وانبهر بجمال ساره وصارت عيونه تلاحقها وتلقط كل تصرفاتها انجن على شي لاحظه وصار مطلبه عيون ساره لما تضحك وتتبسم تصير مثل الهلالات وتزيد من جمالها
صار نواف يتعمد يقول اشياء وسوالف عشان تضحك
صار يتحرش بفرح : انتي متى آخر مره شفتي وجهك بالمرايه
فرح: قبل لايجون بنات عمي كشخت لهم
نواف: مصدقه نفسك كاشخه خرعتيهم بكشتك..
تدخلت ساره وقالت لفرح : ماعليك شعرك يهبل غيران منك
والتفتت لنواف: نواف حرااام عليك احرجتها
ردت عليه فرح: هذول اللي يعرفون الذوق مو انت اصلا حاصلك شعري بس ارفع جينزك اللوويست مطلع سروالك كله لاا وكاشخ يعني
...ضحك بخجل وساره بضحكتها علقت قلب نواف غصب صار يضحكها ولو مالقى له سالفه رجع لأمه: الللله يايمه شهالفستااان يوووه تصدقين ابياضك وشعرك القصير وفستانك ذكرتيني بشخص عزيز علي
امه: ومنهو ياوليدي..

نواف: هااايدي
فرح وشهد كانو يشربون عصير انثروه من الضحك على تشبيه نواف
وساره بجمال عيونها نست نواف احترام امه قدامهم ..

وحطو العشا والكل جلس عالطاوله ونواف بالصدفه صار مقابل ساره الرجال ماقدر يتحمل جمالها تدبست عيونه عليها ساره وقتها حست بنظراته وبدت تتضايق من خجلها وماقدرت تاكل براحه اما نواف انبهاره بجمالها كان اكبر من انه ينزل راسه ولما تحط عيونها بعيونه تشوف اللهفه تاكلها
فرح لاحظت هالشي قامت : الحمد الله شبعت نظرات
كح كح>>> نواف شرق من كلمة فرح وطالعها
فرح: اشوي اشوي عيونك لاتطلع
استحى نواف وسلم عليهم وقال لهم تصبحون على خير واستأذنهم عشان ينام ...


قصص حب رومانسية حزينة




الجزء الثــــالث

رجعت ساره واهلها البيت
شهد قامت تمدح بخفة دم نواف
وساره اسرحت ومر عليها شريط بحركات نواف كلها من اول ماشافها
رن جوال ساره
((بعيونها شفت العنا قامت تناديني انا لبيت .. فجأه التقى شوق بشوق احساس يسري في العروق حسيت قلبي ذا يتوه حبـيــــــــــت .. فيــــــها لقيت أحلــــى الوصوف
والحب أعمــى مايشوووف))
الرقم رقم فرح بس المسج غريب وذكرها بنواف !!!
اتصلت ساره على فرح بس لقت انتظار وارسلت (( اذا خلصتي ياحلوه كلميني ))

نواف لما شاف ان ساره اتصلت وارسلت مسج توهق وماعرف شيسوي حاول يرقع الموقف اللي يمر فيه قام ارسل مسج يضيعها (( ساره اسفه هذا آخر رصيدي وبنام الحين واذا شحنت بكره راح اكلمك تصبحين على خير ياعسل ))
وصل المسج لساره وضحكت بسخريه
وراحت عند شهد: شهوده خذيتي رقم فروحه
شهد: ايوه
ساره: عطيني اياه
شهد تقول الرقم وساره تكتبه وهي تضحك..
ردت ساره على مسج نواف
(( اوكي حياتي نوم العوافي لاتنسين تتحلمين فيني : ) ))

وصل المسج لنواف ودااااااااااااااااااااخ حس الارض مو شايلته من السعاده
نام وماحس بنفسه ونسى ان بكره خميس ولازم يطلع مع دانه

صحى من النوم بصوت امه : يانواف قوم تأخرت عالبنت خليها تخلص شغلها ماباقي شي
صحى المسكين معكر مزاجه وتسبح ولبس ثوبه وطلع ومر على دانه
وهو معاها طول الوقت سرحان وباله مع ساره
دانه: نواف اشفيك حبيبي ماانت رايق
نواف: لاعادي بس توني صاحي وماشربت قهوتي
دانه: خلينا ننزل ستار بكس واشرب قهوتك ومنها نسولف مع بعض

في ستار بوكس
طلب قهوته وجلست دانه قباله مسك جواله ونزل عينه : اشلونك يادانه
وهو فاتح رسالة ساره ويعيد ويزيد فيها قراها اكثر من مره

بهالوقت ساره كانت طالعه مع صديقاتها وتذكرت نواف ونظراته
قررت انها ترسل
(( مساءالخير فروحه كيفك اليوم شكلك نسيتيني وماتبين تدقين ))

وصل المسج لنواف
وتغيرت ملامح وجهه قدام دانه وشرب القهوه وهي حاره وحرقته
دانه: اشفيك اختبصت ..
نواف: لالامافي شي بس مسحت شي مهم
ارسل لها (( وحشتيني موووووت مارحتي من بالي لحظه )) لماقرت ساره المسج ابتسمت

نواف يبي الوقت يمر بسرعه عشان يبي يتفرغ لساره خلاص مو قادر يتحمل لحظه من غيرها ويبي يعترف لها بحبه بأي طريقه
خلص من مشواره مع دانه ورجع البيت ومسك جواله ومن حبه اللي بدا يزيد بكل لحظه
قرر يرسل لها لييييين تحس وتعرف انه هو
************************************
رسل لها مسج
((لعبة الصراحه








فتحت ساره المسج وردت على كل سؤال بصراحه عن احساسها بنواف وبنفس الوقت كان نواف يجاوب الاسئله عشان يرسلها لساره وبنفس الوقت ارسلو الرد
***********************************
وارسلت ساره لنواف
((1- ماصدقت القاك عشان افقدك







*************************************
وارسل نواف لها
((1- مااعتقد بيكون عندي احساس







انصدم نواف من رد ساره وخصوصا لأنها عرفت انه اهو مش فرح وحس بمااااي حـــــار ينكب عليه وانه تمادى واكيد انه طاح من عينها
************************************
تفاجأت ساره من جرأة نواف بالرد عالاسئله وقالت بقلبها هذا الرجال بوعيه والا مجنون وقفلت جوالها
وحب نواف يتصل ويعتذر لها بس خطها مقفل
تحسف عاللي سواه وجلس يقول انا غبي اني اسوي هالشي ليش ماصارحتها من البدايه وليه اساسا اسوي كيذا وانا باقي اسبوعين على زواجي البنت مو من نصيبي انا صحيح مصختهاكثير ونسيت نفسي
...................
ساره راحت جلست مع امها وشهد عند التلفزيون
شهد شافت فستان عجبها: ماما متى نسوي فساتين عشان ملكت نواف
ام ساره: خلاص جهزو نفسكم نروح السوق تختارون اللي تبون

عصبت ساره من تصرف نواف وقالت بقلبها لازم اعرف اشلون حبني ومابقى على زواجه شي
راحت ساره غرفتها وفتحت جوالها وكتبت مسج ((نواف بسألك سؤال اتمنى انك تجاوبني بصراحه.. ليش قاعد تراسلني وعلى قولتك حبيتني وانت على وجه زواج ممكن اعرف كل شي وبالتفصيل))

وصل المسج لنواف قال لازم ابرر لها واعترف وافتح قلبي وكتب مسج
(( سامحيني اعترف بغلطي وادري تماديت معاك اسف بس بقولك شي انا مابتزوج دانه عن حب او معرفه سابقه خذيتها مثل اي واحد يبي يستقر ويكون عايله بس ياريتني مااستعجلت عقب ماشفتك حسيتك نصي الثاني شفت فيك كل المواصفات اللي اتمناها .. اشوفك بكل لحظه قدامي .. ساره ياريت تحسين بموقفي انا حبيتك من اول ماشفتك حسيتك تناديني ولاتحرميني منك ))

واول ماقرت ساره المسج حست فيه وبضيقته
وقالت بنفسها: آه ياقلبي لو بيدي راحتك ريحتك
تسكرالموضوع لين قبل الزواج بيومين اليوم الثلاثه والزواج يوم الخميس
ساره وبنات عمها تجمعو مره ثاينه وفي بيت ام ساره ودارت بينهم سوالف عن زواج نواف
ام نواف: تدرين ياام ساره ان نواف يقولي انه مايبي زواج والملكه اهي حفلته حق الزواج مره وحده
مايبي عرس الله يهديه ماادري ليه مو مبسوط بهالزيجه مع اني وربي ماغصبته كان اختياره واستخار
ام ساره: بسم الله عليه وشفيه مو مرتاح لالا تقولين عنه كيذا تلقينه يحاتيكم بس انتي وفرح والزواج جديد عليه وكل شاب بمكانه يفكر ويخاف
ساره تسمع وقلبها على نواف لأنها تدري انه يحبها ومابيدها تسوي شي غير انها تعلقت فيه وحبته وماتقدر تقوله لأنه بيتزوج عقب يومين 3-اسمي بجوالك 4-صفه ماتعجبك فيني 6-اكثر شي يعجبك بشكلي 7-شي ودك تقوله 8-شي يربطني فيك)) 2- هلــي -راشدالماجد 3- نواف 4- موصريح 5- خفة دمك 6- نظرات عيونك- وغمازتك اللي بحنكك 8- الدم)) 2- مشكلتي-زايدالزيد 3- اميرة الورد 4- كلك تعجبيني 5- جاذبيتك 6- جمالك ورسمت شفايفك وانتي تضحكين وعيونك 7- احبك 8- الدم واللحم)) 1-شنو شعورك اذا فقدتني 2-اغنيه تهدينها لي 5-صفه تعجبك فيني 7- ليش اوهمتني انك فرح



[FONT="Arial Black"]الجـــزء الرابـــع

صار الاربعاء وقام نواف من النوم وكان مو طايق حتى نفسه
جاته امه: اشفيك ياعين امك ودع العزوبيه هذي اخر مره تنام لحالك
نواف: هههههه..الله يطول بعمرك ياامي اقعدي ابغاك بسالفه >> يكلم امه ووجهه اصفر
امه: قول ياحبيبي ليش وجهك تعبان ترى قلبي قارصني وحاسه ان فيك شي
نواف: !!! طيب ياامي بقولك اجل ليش قلت لك اقعدي ...
نواف وبدون مقدمات : اسمعيني تراني ماابغى دانه
ام نواف: اعوذ بالله من ابليس لااكيد انك انجنيت بكره زواجك وانت متزوج بقناعتك ورضاك اشلون ماتبيها في شي بينك وبينها متخانقين زعلانين
نواف بقلبه : ايش يفهما هذي
ياامي مو زعلانين ولاشي بس انا ...
ام نواف؟؟؟؟!!: انت ايش خوفتني اتكلم
نواف: دانه ماحبيتها ومااحسها شريكة حياتي
ام نواف: لااكيد انك انجنيت اترك عنك سوالف المراهقين ولاتخسر دانه بنت ناس وماشفنا منها الا الخير
نواف: مااعتقد اني راح اقدر اكمل معاها

طلع نواف متضاااايق ومارجع البيت الا بنص الليل ولما دخل راح غرفته على طول من غير لااكل ولاشرب
قط حاله عالسرير قال :مستحيل اخسرها ساره لي وماتروح لغيري
ارسل لها مسج(احبك ومستحيل اخونك انتي اول حب بحياتي انا لك وماحد بيكملني ويملكني غيرك اوعدك ياساره اني احبك واخلصلك واذا على زواجي بقعد شهر بس عن كلام الناس وبطلقها وبخطبك
حبيبتي لاترديني ابي منك جواب انتي تبيني ؟؟ انا اشوفك نصفي الثاني وراح اتطلق عشانك وبكمل عمري الباقي معاك...ردي علي طلبتك) وجلس نواف ينتظر رد ساره
واتعبه الانتظار لأنها ماردت عليه
********************************************
المسج وصل لساره وهي صحيح حبته بس ماتبي تعلقه فيها زياده ولاتبي تكون سبب بطلاقه وكلام الناس عنه ساره بقلبها: ياربي شسوي ولد عمي يحبني وانا ماانكر اني بديت اتقرب له بس مايصير اكون انانيه وافكر بنفسي وانسى ان اللي بيتزوجها مالها ذنب عشان يطلقها

((( يوم زواج نواف )))

اليوم الخميس الكل مشغول والبنات بالصالون التسريحات والمكياج وساره غطت عالقمـــر وابهرت الموجودين بجاذبيتها

وصل الجميع القاعه والبنات يترقصون ومبسوطين
نواف بصالة الرجال يتخيل اللي بينزف معاها ويمسكها بحب وخوف ,,ساره
الكل سكت واللي بالقاعه كلهم التفتت عيونهم عالباب عشان زفة نواف لدانه اللي تنتظره عالكوشه
انفتح الباب وبطلت نواف
شفق قلب ساره : حبـــيبي
وراحت وقفت مع خواته وشهد عند المنصه

نواف بوقتها ارجوله ماتمشيه ويحس ان هالشي مو مكانه عيونه تدور ساره بين الناس شاف خواته وضحكوله
ودمعت عيونهم وصارت عينه بعين ساره اللي كانت تنتظر نظرته ولهفة عيونه وحبه المفضوح لها
ابتسمت له وكأن عيونها تقوله الله يوفقك حبيبي
لكنها دمعت وشاف الحــزن بعيونها

وصل الكوشه وقعد بكرسيه حتى من غير مايسلم على دانه اللي من دخل ماحط عينه بعينها
دانه: نواف تراك احرجتني وخليت مالي وجود قدام صديقاتي واهلي ليش ماسلمت علي
نواف بقلبه: ياثقلك على قلبي واللي يعافيك اسكتي وقالها: اسف اعذريني متوتر
زاد الغنا والرقص والتهليل و اللي منهم صعد الكوشه يسلم ويبارك

جات لحظه الشبكه ساره اركضت وراحت ابعد مكان بالقاعه وجلست وسكرت اذانهاوغمضت عيونها
...........................

انتهى الزواج والكل راح بيته وبهالوقت ساره حست بشي اول مره تحسه شي غريب بغيره تاكلها وتذبحها بكت وهي تشوف حبها مات واندفن قدامها بكت على حظها اللي خلاها تحب واحد متزوج والمشكله ان ولد عمها ولعنت الساعه والظروف اللي فرقتهم
ساره: ليــش انا شذنبي يصير فيني كل هذا ياريتني ماشفته ولااعترف لي بحبه وحبيته ونامت ودموعها تواسيـــها

(نواف ودانه بالفندق)
كان اليوم متعب وشاق عالكل دانه تروشت وغيرت ونامت انتظرت نواف لكن نواف قالها ارتاحي انا بجلس اقلب بالقنوات اذا دخت بنام
دانه فخاطرها : ليش نواف مايحسسني اني زوجه مثل باقي البنات .. ونامت واهيه مكسوره

جلس نواف يقلب بالتلفزيون وساره تدووووور براسه

********************************************

رن جوال ساره الساعه2 الفجر ( بحبــــك قوي ) رنة المسج
فتحت المسج ((اهدااااء اغنية تامروشرين-لوخايفه ...حياتي ساره انا خلاص صرت مااتحمل الحياة من غيرك
محتاج لك لاتحسبيني لمستها اوحتى جلست معها ادري اني مجنون بس قولي اللي تقولينه انا احبك احبك ومستحييييييييل حياتي ومستقبلي يكون من غير ماتكونين ملكي وانا ملكك))

ويمكن لأنها نامت وبالها مشغول فيه تركت رنه للمسج وكانت متوقعه ان بيرسل شي واول ماقرته دمعت عينها ونامت مرتاحه لأنها على باله ومانساها حتى بليلة عمره .. !!

سافرو نواف ودانه استراليا شهر العسل
ومر اسبوعين على زواجهم كانت ايامه طويييله قاسيه وجافه على نواف حتى انه اهمل نفسه كثير وصار ماياكل ولاينام يتقلب كأنه نايم على جمر وكل احلامه بساره

ٍٍٍوش مسوي مع غيري وش الدنيا بقربه قول ياروحي انت متهني والا بشوق لي مشغول انا مازلت افكر فيك واموت بحبك وطاريك ولكن هذي اطباعي اخبي الحزن بي ماقول <<<ساره تسمع الاغنيه
فجأه يرن جوالها مسج والرقم خاص دولي

((الـيــوم كـنـت [ أبـكـي ] مـع صـوت الأمـطــار..
مـا عـدت أمـيّــز ذا مـطــر أو [ دمـوعـي ] ..!))
عرفت انه نواف حزنت عليه توقعت ان نساها واللي شافته من المسج اللي وصلها انه مازال عايش بعذاب حبها

وردت عليه برساله
(نواف اتمنى لك السعاده وياريت ماتخلي حبي يأثر على حياتك حاول تتناساني ولاتظلم اللي على ذمتك
الله يهنيك)
ومرت الايام ونواف بدال لاينسى ساره بغيابها لقى حبها يزيد بقلبه مع الايام


الجــــزء الخامس

مر شهر العسل ونواف ماتغير شعوره من ناحية دانه على انها طيبه وماشاف منها الا كل خير بس ماقدر يحبها .. حب ساره تمكن بقلبه وماعطاه مجال يفكر بغيرها او يتقبله

اما دانه كانت دايما تتساءل شنو سبب تجاهل نواف لها مع انها كانت جميله بس اكيد ماتوصل عند جمال ساره
وصلو الخبر الفجر
دخلو البيت وكان الكل نايم ...

(الصبح في بيت ام نواف)

فرح: الحمدالله عالسلاامه تو مانورت الشرقيه
دانه: الله يسلمك حبيبتي ومنوره بأهلها
فرح تطالع نواف وتقوله: شفي الاخو صاير طرزان الشعر طايل ومربي دقن
نواف وهو يضحك: الله يقطع سوالفك ضحكتيني من زمان ماضحكت
فرح: سولفولي شسويتو ماسويتو وين رحتو ووين ييتو .. شفتو الكانغرو والكوالا
نواف: شوي شوي علينا كل هذا نجاوبك عليه بوقت واحد
ووجه كلامه لدانه : دانه واللي يعافيك فكيني منها وقوليلها اللي تبي
دانه لنواف : شفيك حتى اختك مالك خلق ترد عليها
نواف وهو معصب من كلمتها: عن اذنكم

طلع نواف من البيت حتى ماشاف امه وباقي خواته .. وراح يتصل بساره
ساره اول ماشافت رقم نواف ماكانت تبي ترد
بس ماصدقت انها تشوف رقمه ومن غير ماتحس ردت
ساره: الحمدالله عالسلامه
نواف: لو اقولج الدنيا ماتسوى من غيرك تصدقيني
ساره من بعد فترة صمت: الحمدالله عالسلامه !!
نواف: اي سلامه وانتي بعيده.. وحشتيني
ساره: مايوحشك غالي
نواف: مافي اغلى منك
ساره: شلون دانه
نواف: انا في وادي وهي في وادي
ساره: شاللي يخليك تدق علي
نواف: ابيك بموضوع مهم يتعلق بمصيري
ساره: نواف انا رديت عليك بحكم علاقة الدم اللي تربطنا واكيد مااسمح حق نفسي اقعد مع شخص متزوج
نواف تجاهل كلامها: شلون خالتي وشهد
ساره: كلهم بخير
نواف يسوي نفسه ماسمعها: ماقلتيلي متى اشوفك عشان نتكلم
ساره بخاطرها " يسوي نفسه ماسمع " وقالت له: الموضوع اللي بتتكلم فيه يستاهل انك تجي الكويت
نواف: من جاب طاري الكويت
ساره: ليه ماتدري ان احنا بالكويت صارلنا اسبوع
نواف: لعيونك مو امسك خط الكويت لوتبين اجيلك جزر القمر ومشي بعد
ساره تضحك بغرور
نواف: تسلملي هالضحكه ودوم انشالله
ساره: الله يسلمك معاك
نواف: مشكوره سهلتيلي طريقي
ساره: افهم من كلامك انك راح تجي الكويت
نواف: وبكره بعد
ساره: خلاص نستناك .. بتجيب دانه معاك؟؟
نواف: لالا مااظن انها تجي معاي لأن برجع بنفس اليوم
سكرو التلفون

دخل نواف البيت
شاف امه حب راسها وقعد معاها
ام نواف: عساك انبسطت ياولدي .. وش فيك وجهك اصفر ومومهتم بنفسك.. توك عريس وجاي من شهر العسل.. الظاهر انك ماشلت اللي في بالك
نواف: وش اللي في بالي يا يمه
ام نواف: انك ماتعتقد بتكمل مع دانه وبتفشلنا مع البنت واهلها
نواف: حتى لو ان في بالي هالشي هذي حياتي
ام نواف: .....
نواف: بكره انا ماشي الكويت
ام نواف: ليه
نواف: واحد من الشباب متوفي وبروح اعزي عليه
ام نواف: شلون تروح واليوم خميس ودوامك السبت
نواف: بروح وبرجع بنفس اليوم..

.....................
بنفس الوقت
بالكويت

ساره لأمها: ماما نواف رجع من شهر العسل
ام ساره: صدق .. الحمدلله على سلامتهم انشالله انبسطو
ساره: اي اكيد في احد يروح شهر العسل استراليا وماينبسط

...................
ساره وهي بغرفتها تفكر بينها وبين نفسها اهي ماتنكر انها تعلقت بنواف وحست بحبه الصادق وان مستعد يسوي كل شي عشانها كافي ان بيطلق عشان خاطرعيونها
ساره بخاطرها: شنو الموضوع المهم اللي يبغاني فيه واللي بيحدد مصيره ؟؟

.....
في بيت ام نواف
صحي نواف من بدري وعطى دانه خبر وطلع
مر نواف على صديقه خالد عشان يروح معه الكويت
خالد (عمره 25) من اقرب اصدقاء نواف

***********************

وصلو الكويت الظهر وريحو بالفندق وتغدو وخذو لهم قيلوله
نواف كان على احر من الجمر وجلس ينظم كلامه ويجمع افكاره عشان يتكلم مع ساره
صار المغرب واتصل نواف على ساره ..
نواف :من متى ماجيت الكويت وماني باللي احبها زود بس من عرفت انك فيها طرت لها واللي شفته انها بوجودك صارت بعيوني ولا احلى
ساره بقلبها "صارت ولا احلى من حطيت ريلك بارضها يالغالي "
نواف : كني أكلم نفسي
ساره: الحمدالله على سلامتك
نواف: ها وين حابه نلتقي اليوم
ساره: اهلي توهم يتفقون انهم يروحون جوكليت بار
نواف: وين فيه هذا
ساره: انت رجال وتعرف تسأل
نواف: اللي خلاني أجي الكويت بيخليني اجي المكان اللي تقولينه
ساره: خلاص اوكي الساعه 7 انت هناك
نواف: تم

..................

صارت الساعه 7 وساره واهلها اجتمعو بجوكلت بار
دق جوال ساره الا نواف
نواف: في مكان خاص اكلمك فيه
ساره: ايه فوق
دخل سعودي متلثم وصعد فوق
اول ماشافته ساره قالت لأهلها: عن اذنكم بروح الحمام الله يعزكم

المكان كان رومانسي وانواره هاديه
اول مااقبلت ساره نواف قام
مدت يدها له .. وهومسك يدها وجلسها جنبه
ساره: ابي افهم يعني ليش ماسلمت على اهلي
نواف: مااعتقد اني بقعد معك على راحتنا
ساره: اوكي بس بليز بسرعه عشان مايفقدوني لأني قتلهم بروح الحمام

نواف جلس يطالع بعيون ساره وسكت فتره
ساره: نواف قولي شنو الكلام اللي بتقوله
طبعا نواف نسى الكلام اللي نظمه والجمل اللي قعد يحفظها عشان يقولها لساره
نواف: ليش قطيتي العبايه والحجاب
ساره: نواف قتلك اني قلت لأهلي بروح الحمام فلاتطولها واهي قصيره
نواف: أحبك
ساره ابتسمت: بذمتك متعني من السعوديه لي اهني عشان تقولي هالكلمه كان قلتها لي بالتلفون
نواف: لعيونك كل شي يهون
...
سرح بعيونها
ساره واهيه حاطه ايدها على عيون نواف: نواف ترى استحي
نواف: تلوميني
ساره: ...
نواف: ايــش هذا الجمال في احد قالك ان شفايفك موت
ساره ماتدري تعطيه كف والا تسكت عنه
نواف بدا يتكلم من غير مايسكت : احبك ياساره مااتخيل حياتي من غيرك
ساره خلته وقامت
نواف مسك ايدها وهي واقفه وقالها: لازم تحطين في بالك اني راح اتطلق عشانك
ساره: انا ابيك تحط في بالك شي بعد.. احنا خلاص استقرينا بالكويت
راح تكمل شهد دراستها وانا راح اشتغل

مشت ساره وتركت نواف بحيره وصار كل شغله الشاغل كيف ينهي سالفة طلاقه ويستوعب سالفة انهم نقلو الكويت...

اهل ساره كانو ساكنين بالحزام الاخضر وماعندهم احد من بعد المشاكل اللي صارت بين أعمامها وبعد وفاة ابوها وماعندها الا خاله وحده بالكويت يزورونها بكل اجازه وبما ان شهد كانت توها متخرجه وقالت مستحيل تدخل الكليه وجامعة فيصل ماقبلوها غير التسويق وموجاي على بالها تكمل فيه
صارت شهد تحن على امها ان السعوديه مالها مستقبل وان مستقبلها راح يصير مثل ساره تدخل وتدرس بمعهد وتاخذ الشهاده وتقعد بالبيت قررت ام ساره تزور اختها بالكويت ومن بعد زيارتها قرروا انهم ينقلون أجرو بيتهم اللي بالحزام وشروا لهم بيت بالكويت على قدهم عالاقل تعيش باقي عمرها قريبه من اختها


الجزء الســـادس

رجع نواف السعوديه مع خالد وكان متضاايق عالخبر اللي سمعه من ساره

وصل البيت بدل ملابسه وناااام
مع الايام بدت دانه تتضايق وتحس ان الحياة اللي تعيشها ماهي حياة

بعد اسبوع
الصبح

نواف لدانه: انا رايح الدوام تبغين شي
دانه بعصبيه : ابغى اشيااء وااااايد
نواف: مااعتقد قاصرك شي فمان الله
وبطلعت نواف اتصلت دانه بأهلها
وراحت عندهم

رجع نواف من الدوام مالقاها
استقبلته ام نواف: نواف اشفيييك على بنت الناس فشلتنا معاهم
نواف: وش فيني والله ماسويت لها شي
ام نواف: ماسويت لها شي ودموعها على خدها ورايحه بيت اهلها ؟!
نواف: ولييييش راحت بيت اهلها
ام نواف: انت اعلم وش مسوي
نواف وهو معصب ويبغاها من الله: دامها طلعت من نفسها مالها رجعه
ام نواف: وش سوت لك البنت عشان تعاملها كذا .. انهبلت انت
نواف وهو يصرخ : خلاص انا طابت نفسي منها

ارسل نواف لدانه ورقة طـــلاقها

وارسل لها مسج ((آسف يادانه واتمنالك حياة سعيده مع غيري صدقيني ماشفت منك الا الخير انا قصرت معاك وايد فماحبيت اظلمك معاي وماعرفت اصارحك بس دامك مارضيتي لنفسك بعيشتي ماراح ارضى لك بعيشتك معاي والله ينور لك دربك وبالتوفيق))

عقب يومين
اتصلت ام نواف على ام ساره وهي تصيح
ام ساره: وش فيك يا ام نواف عورتي قلبي قوليلي وش فيك
ام نواف : نواف فشلني مع الناس
ام ساره: أي ناس
ام نواف: دانه واهلها
ام ساره: ليش .. وش فيه لايكون سوالها شي
ام نواف: طلعت راحت بيت اهلها زعلانه وارسل لها ورقة طلاقها كنه ماصدق
ام ساره وهي مستغربه: يعني نواف طلقها !!
وبنفس اللحظه ساره كانت قاعده مع امها ولماسمعت راحت غرفتها

دخلت ساره بسرعه غرفتها ودقات قلبها تسبقها : اكيد طلقها عشاني معقوله نواف يسوي كل هذا لي ..
ليش انا شنو عطيته شنو سويتله عشان يضحيلي ويبيعها.. يطلق وماهمه كلام الناس وشعور امه..
هو قالي ان يحبني وان بيطلقها بس ماتوقعته يسوي هالشي بهالسرعه
ونزلت دموعها : خلاص انا ماعدت اتحمل اكثر من كذا والعذاب اللي حطيت نفسي فيه عشان ماابي اخرب حياته وصبرت وكتمت حبه على امل ان الايام تمحيه بس لأ انا ماراح اتنازل عنه ماراح أفرط بشخص حبني بكل مافيه

قررت انها ماتكابر عقب اللي سواه نواف عشانها .. كل بنت تتمنى حب مثل هذا بس تتوقعون حب نواف بيدوم ؟؟


نواف اتصل على ساره من رقم العمل
!!!ساره بقلبها: رقم مين هذا
ردت وقالت: نعم
نواف: طلقتها عشانك
ساره ماتدري تحزن والا تفرح : البنت مالها ذنب تطلقها عشاني
نواف: راح اسوي اكبر ذنب اذا مارحمت قلبي
ساره: تشوف راحتك بهالشي
نواف: مااشوف راحتي مع غيرك
ساره: تقدر تجي تعيش بالكويت عشاني
نواف: اتخلى عن الدنيا كلها موبس اعيش بالكويت
ساره: اللي مافيه خير بأهله مافير خير بالناس
نواف: عشان كيذا طلقت دانه وبلحق اهلي
ساره: ..
نواف: احبك
ساره : بخاطرها << اموت فيك ...تصبح على خير
وسكرت التليفون وارسلت له مسج ( عساني ماانحرم منــــك .. )
وصل المسج لنواف
فتح الرساله وعقب ماكانت الدنيا سوده قدامه وكان محتار حلف لنفسه انه يسوي كل شي يسعدها وارسل لها ( مافي شي بيحرمك مني غير المووت ماراح اخليك طول مانبضي بالحياة باقي بخليك تاج على راسي وارخص عشانك كل غاالي لأنك اغلى من كل غالي)

قرر انه يخطب ساره راح لأمه وقالها :يمه اشرايك بساره بنت عمي زوجه لي وابتسم
امه : لالا واللي يعافيك الا بنت عمك هذي من لحمك ودمك لاتحط في بالك ان بنات الناس لعبه
نواف: لايمه ساره غير يكفي انه بنت عمي محد بيستاهل حبي وتعبي غيرها بنت العم ماعليها حسوفه والا اشرايك يمه
امه: موكل الناس بيرضون يزوجون بناتهم واحد مطلق
نواف: طلبتك يمه لاترديني خلينا نروح الويك اند الكويت وانا بخطبها بنفسي

***********************************************
مرت الايام صعبه على نواف وجلس يفكر بكلام امه وش اللي بيسويه لو ام ساره رفضت
جاالويك اند وراح نواف وامه وفرح الكويت بالطياره عشان ام نواف ماتقوى تعب الطريق

(بيت ام ساره ..الكويت)
ام ساره تكلم الخدامه ..سومه خلصي الغدا بسرعه ابي اول ماأرن الجرس تكون الطاوله جاهزه وغرفتهم جاهزه عشان ياكلون ويريحون
شهد تصارخ : ماما وين نظارتي الشمسيه
ام ساره: دوريها بسرعه عشان نلحق موعد وصولهم عيب نخليهم ينتظرونا
ساره وبكامل اناقتها :ماما اشرايك فيني
ام ساره: والله اانا خايفه عليك يابنتي من هالناس ودي تلبسين حجابك
ساره: ماما بليز خلي الحجاب حق السعوديه
ركبو السياره وراحو المطار
واول مااقبل نواف كانت ساره قاعده عالكرسي ولما قرب لهم قامت وماكانت تحس بالارض من الفرحه
وام نواف وفرح مشغولين يسلمون على ام ساره وشهد
ونواف وساره سرحانين ابعض وناسين اللي حولهم
ام ساره : يالله يمه يالله عشان الغدا ناطرنا لايبرد حياكم

(في البيت)
جلسو على طاولة الطعام وخذتهم السوالف واحمدو ربهم وقامو وريحو
ولما صار الليل الكل نام طلع نواف للمطبخ عطشان والا يصادف ساره تاكل
نواف: انا اقول اشفيها بنت عمي ماتاكل كثير وتحافظ على رشاقتها اثرك تصحين من ورانا والله انك خاينه
ساره: حرام عليك كلها ساندويتش جبن وعصير.. وحضرتك ليه جاي المطبخ اكيد طالع علي وبتاكل بعد
قالها: لاتحاتين طول ماعيونك قدامي كل مافيني شبعان
وجلسو على الطاوله اللي بالمطبخ وعلى نور خفيف
نواف يناظر بساره وسرحان حييييييييييييييييييييييل بعيونها
ساره: لو سمحت لاتطالعي بهالنظرات مااعرف اكل
نواف: تدرين ياساره...ممم
ساره: وشو
نواف: عيونك فيها سحر
ساره: اللي يشوف نظراتك ويسمع كلامك يقول اني ملكة جمال
نواف: بصراحه ابــــدع
ساره: ومنهو اللي ابدع
نواف: اللي خلق هالجمال
ساره: الحمد الله شبعت ..تصبح على خير
نواف: انتظري لاتنامين الحين..يعني شايفتني صاحي مااستاهل تجلسين تنتظريني اخلص مثل ماانتظرتك
ساره: على كيذا احرجتني ومااقدر اردك
جلست ساره متعمده قدام نواف وركزت عيونها عليه وابتسمت له
قدمت ساره بهالحركه اكثر الاشياء اللي يحبها نواف
ومن غير مايحس مسك ايدها وقربها له وباسها
سحبت ساره ايدها بخجل وقالت له ممكن تعجل فيني النوم ونزلت عيونها ونواف ماشال عينه منها ارفعت عيونها والا هو مازال يناظرفيها
قالت له: اللي يشوف هالحب كله بعيونك مايقد يقاومه وغصبن عليه يحبك
نواف: يعني تحبيني
ساره: سؤالك بحد ذاته جواب
نواف: ياعساني فدا لهالعيون
ساره: بسم الله عليك
نواف: كلني افداك
ساره: اشرايك اروح انام
نواف: موجايني النوم وماني مصدق انك قدامي
ساره: روح نام ارتاح لأنك ماارتحت من اول ماجيت الكويت روح ارتاح عشان بكره نطلع
نواف: على امرك ياعسل تصبحين على خير
ساره: وانت من اهله احلام سعيده
نواف: وياك ياجميله
********************************************

وصار من بكره والكل تجهز عشان الطلعه نواف يسأل ساره
اشرايك البس ثوب والا بدله
ساره: بدله
كانت الطلعه الظهر وقررو يتغدون بنينو اللي عالواجهه
والكل مشغول بالاكل فجأه نواف يقول:خالتي طلبتك
ام ساره: عطيتك
نواف: اطلب ايد ساره للزواج
ام ساره: شرقت بالاكل وقامت تكح
ام نواف : بسم الله عليك عطوها الماي
نواف بخاطره : ايش فيني مستعجل هذا وقته !!
ام ساره: انت ولد عمها واقرب لها من الغريب لكن اللي حاصل انو انت بالسعوديه والحين احنا استقرينا بالكويت عشان تكمل شهد دراستها وساره بتتوظف الاسبوع الجاي
نواف: الكلمه الحين لساره اذا عادي عندها ترجع تعيش بالسعوديه وتتوظف هناك
ام ساره : هذي ساره قدامك وخذ رايها
ساره: انا مااقدر ابتعد عن اهلي خصوصا ان شهد بتكمل دراستها هنا بالكويت وانا تأقلمت مع الوضع والعمل بالكويت اريح
نواف: مستعد اترك وظيفتي واتوظف هنا بالكويت واعيش معاكم
ام ساره: الزواج قسمه ونصيب عطينا فتره نفكر ونستخير واللي كاتبه ربي بيصير
صار الوضع بعيون ساره ونواف قدام اهلهم انهم مخطوبين رسمي
راحو مجمع المرينا وفرح وشهد بحكم تقارب اعمارهم انشغلو ابعضهم وراحو يتمشون لحالهم وام ساره وام نواف خذتهم السوالف ومشو مابقى الا نواف وساره وراحو هم بعد يتمشون ويسولفون ومن كثر حب نواف لها يحس ان عيون الناس كلهم عليها وتمنى انه يحضنها بقلبه ويمشي مرو عالسينما ولقوا فرح وشهد عند شباك التذاكر
نواف: اشرايك حياتي نشوف لنا فلم
ساره: اي مو جاي على بالي اتسوق
دخلو السينما والا فرح وشهد جايين لهم يركضون قال نواف: سبحان الله الطيور على اشكالها تقع
فرح: تصدقون اشكالكم لايقين على بعض
نواف: يغير السالفه .. على اي فلم حجزتو
شهد وهي مره مبسوطه: على شريك<<فلم اطفال
ساره: وليش مستانسه كثير مصدقه انك طفله
نواف: خليها تعيش طفوله متأخره
فرح وشهد :ههههههه من جد لايقين على بعض
نواف: كسرتو خاطري بحجز معاكم على نفس الفلم
ساره: مااتخيل نفسي ادخله
نواف: ولايهمك برقع لك بسالفه
وجاوقت العرض وهم بيدخلون سبقهم فوج من الاطفال وفرح وشهد معاهم
ساره: لالامااصدق اللي انا امر فيه
نواف بصوت عالي:وين عيالك يامرا ..اي اي صح نسيت قالولي انهم بيسبوقنا داخل
ساره: خخخخخخخخخخ
وجلسو جنب بعض وفي وسط الفلم قرب نواف من اذون ساره وهمس لها احبك
ساره قربت منه وقالت: وانا اكثر
فجأه نواف يحس بشي عند بطنه والا هي يد ساره تمسك يده خايفه لايشوفونهم
استانس نواف من حب ساره اللي صار يغلب عليها ويخليها مثله تنسى نفسها معاه

********************************************

رجعو البيت وبكره نواف واهله راجعين السعوديه
ام نواف: يافرح لمي اغراضك ولاتنسين شي بكره ماابغى تأخير زايد
فرح: ان شاءالله
ام نواف: وغيري ملابسك ونامي بسرعه الحين عشان يمدينا نصحه بدري نتفطر معاهم
فروح: اوكي مام
نواف دخل يتسبح لما طلع لقا البيت هادي لبس ملابسه واتمنى انه يلاقي ساره بالمطبخ
ولما فتح باب المطبخ
نواف: هههههههههه
ساره: طحت علي مره ثانيه
نواف: تبيني اصدق انك ماتستنيني
ساره: غرورك يصورك لك هالشي والا انا كل يوم هالوقت بالمطبخ
نواف: اممممممممم...ايش قاعده تقص هالانامل الذهبيه
ساره: برتقال تبيني اقصلك معاي
نواف: ياليت بس خليني اساعدك
وقرب نواف منها كثيييير وضمها من ورى شوي شوي وحط شفايفه على رقبتها وباسها ساره اتركت اللي بيدها والتفتت عليه وقابلته وحطت عينها بعينه وتعالت صوت انفاسهم وساره ماقدرت تقاومه وهو يقرب منها وخلته يبوسها وهي مستسلمه

*****************************************
كل واحد راح ينام
ساره تفكر: كيف استسلمت له وخلته يبوسها وقالت لنفسها عادي دام اني احبه ويحبني ومافي شي يمنع وهو خطبني رسمي
وبهالشي انزاح حاجز كبير بينها وبين نواف
وصار كل واحد يملك الثاني بأحساسه وقلبه وروحه

رجع نواف مع اهله السعوديه
الحين نواف ينتظر موافقة ام ساره وساره عالزواج
صار يكلم ساره24ساعه ويشتاق لها ويفقدها ويمووووت بحبها وتحبه موووت

[عذراً, الأعضاء المسجلين ذوي العضوية النشطة فقط هم المصرح لهم برؤية الروابط. ]



قصص حب رومانسية حزينة



اذا اعجبك الموضوع و اردت نشره في المنتديات الاخرى فاستخدم هذا الرابط:
قصص حب رومانسية حزينة
http://www.borsaat.com/vb/t250952.html



مادنيس غير متواجد حالياً   رد مع اقتباس
إضافة رد

جديد مواضيع القسم الادبي ، شعر ، قصص ، روايات


مواضيع سابقة:
قصص حب رومانسية جريئة
قصص حب رومانسية سعودية
قصص حب رومانسية واقعية
مواضيع تالية:
خواطر أدبية جميلة
يا عاشق الدنيا
العالمي سيد الساحة اهداء للنصر وجماهيره

قصص حب رومانسية حزينة

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع المنتدى
قصص واقعية رومانسية حزينة القسم الادبي ، شعر ، قصص ، روايات
صور رومانسية حزينة صور - فيديو - يوتيوب
قصص رومانسية حزينة القسم الادبي ، شعر ، قصص ، روايات
قصص رومانسية حزينة القسم الادبي ، شعر ، قصص ، روايات
نغمة رومانسية حزينة جدا نغمات الجوال - نغمات اندرويد - نغمات mp3


روابط الموقع الداخلية


الساعة الآن 06:07 AM.
Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
Privacy Policy
SEO by vBSEO 3.6.0 ©2011, Crawlability, Inc.

الاتصال بنا - موقع بورصات - الأرشيف - تنشيط العضوية - اعلن معنا - الأعلى    تحذير المخاطرة