الرياضة و عالم السيارات - صور سيارات كرة قدم , تحليلات , كورة , صور مشاهير , رياضة , اخبار رياضية , الرياضة والرياضين , منتدي الرياضة , صور لا عيبين , تنس , جولف , سله , كاراتيه، الدورى المصرى بطوله امم افريقيا 2010 دورى ابطال افريقيا اخبار الكره المصريه والافريقيه ـ كرة القدم العربيه ـ الدوري السعودي ، الدوري الانجليزي الاسباني الالماني ، أحدث وأغرب أنواع السيارات والدراجات الناريه , أفضل المواصفات ، سيارات 2010
السرعة شيء رائع وممتع، ومحدش فينا مبيحباش، ولأن الدنيا بتطور بسرعة جداً، فمن الصعب إننا نقارن سيارة من إنتاج سنة 2010 بسيارة من إنتاج عشرين سنة فاتت مثلاً، لأن الفرق أكيد هيبقى كبير قوي. وطبعاً سيارات كتير اليومين دول تقدر - بسهولة - توصل لسرعات عالية وكبيرة.
ولكن .. فيه 10 أسباب تخليك ما تعديش سرعة 100 كم/ساعة وإنت مسافر، أو على الطرق السريعة، خصوصاً في "مصر"
وده عشان:-
1- مفيش طريق واحد في "مصر" مهما كانت جودته بالمواصفات اللي تخليك تعدي الـ 100 كم/ساعة وإنت مطمن إنك مش هتلاقي ظواهر مفاجئة على الطريق، حتى "المحور" بعد الإصلاح زحمة والرادار شغااااااال عليه وبس.
2- 100 كم/ساعة سرعة قياسية جداً وبتحافظ على السيارة، وكمان لو عايز توفر في البنزين خليك محافظ عليها وإنت مسافر، لأن فوق الـ 100 الإستهلاك بيكون الضعف، والبنزين غالي اليومين دول.
3- ربنا يسترها دايماً، بس لو حصل أي حاجة مفاجئة في أي عجلة بالعربية تقدر وإنت على سرعة 100 إنك تسيطر عليها بسهولة وبدون ما تسبب رعب ليك وللي معاك.
4- لو عندك مثبت سرعة، تبقى اشتريت راحة بالك، ثبت السرعة عند 100 كم/ساعة وإنت مسافر، مش هتحتاج كل شوية تهدي السرعة، وكمان هتريح رجلك.
5- لو سيارتك "مانيوال" هتريح بالك، لأنك مش كل شوية هتنقل في السرعات، يعني هتريح السيارة وناقل الحركة وإيديك.
6- عند 100 كم/ساعة بالك هيكون مرتاح، يعني تقدر تسمع موسيقى هادئة، أو لو حد معاك تتكلم معاه بهدوء، لأنك فوق الـ 100 محتاج تركز أكتر مع الطريق.
7- معظم السيارات مش بتكون ثابتة على الطريق فوق الـ 100، يعني بتكون ماشية على الهواء تقريباً ودي حاجة مش آمنة طبعاً.
8- التباطؤ المفاجىء من 100 كم إلى صفر، بيكون سهل، يعني عند استعمال الفرامل بطريقة مفاجئة ما بيبقاش فيه خطورة، وبتكون الفرامل سريعة لو إحتجتها لأي ظرف طارىء " حد كسر عليك، حد وقف فجأة".
9- عند سرعة 100 كم أعصابك هتكون أهدى وبالك مستريح، يعني لو مسافر أجازة هتبدأ الأجازة فور وصولك بالسلامة، ولو مسافر شغل برضه هتبدأ شغل على طول، مش هتحتاج تستريح وقت أطول، يعني هتوفر وقت كبير.
10- آخر حاجة إن 100 كم/ساعة رقم كبير زمان، كان من الصعب الوصول إليه، يعني إحنا في نعمة وبلاش طمع.
،،،
أكيد كمان فيه أسباب تانية متقلتش .. اللي يحب يضيف حاجة يضيفها
وخليكوا فاكرين
"خليك على مية .. هتبقى مية مية"[IMG]http://********.maktoob.com/smile1/great.gif[/IMG]
( ::::: خليكـ على مية ... هتبقى مية مية ::::: ) 
