موقع بورصات
  بورصات
تسجيل عضوية جديدة في المنتديات لوحة تحكم العضو البحث في المنتديات تسجيل الخروج الرئيسية الاتصال بنا

منتدى العملات العام لمتابعة كل ما يتعلق بتجارة العملات الاجنبية والذهب والنفط من اخبار وطرق المتاجرة وتحليلات ، قسم التوصيات – توصيات العملات لمتابعة توصيات ونقاط الدخول والخروج على مختلف العملات ، منتدى الدروس التعليمية يحتوي على دروس تعليمية لسوق العملات والتحليل الفني والاساسي وادارة رأس المال ، منتدى المؤشرات والاكسبيرتات يحتوي على اهم المؤشرات مع شرح لها بالاضافة الى بعض الدروس

العودة   بورصات > بورصة العملات الاجنبية > منتدى الدروس التعليمية

أيها الخاسر..تعالى ندردش.

منتدى الدروس التعليمية

Like Tree6Likes

إضافة رد
 
أدوات الموضوع
قديم 01 - 03 - 2009, 11:32 AM   #1
عضو فـضـي
 
الصورة الرمزية د.أسامة عادل
 

افتراضي أيها الخاسر..تعالى ندردش.

أيها الخاسر..تعالى ندردش.
السلام عليكم و رحمة الله و بركاته
بداية اود ان اشكر جميع الاخوة على المتابعة و ان شاء الله مستمرين فى الارباح و لكن...
مين منا الخاسر..؟؟
انت و انت و انت و انت ايه ده !! دا كل الناس اللى اعرفهم و اللى بكلمهم فى المنتدى خسرانين ولا ايه؟
مفيش ولا واحد كسبان.؟؟
فى واحد انا شايفه هناك اهو قاعد لوحده مش بيكلم حد باين عليه مستف الدولارات و قاعد شغال و الحسابة بتحسب.,
دخلنا عليه و قولنا يا عم انت بتستعمل استراتيجية ايه ولا مؤشر ايه ولا طريقة رقمية بتاعت مين ولا انت ماشى ورا توصيات مين؟
الحقنا يا عم احنا خلاص تعبنا من كتر الخسارة و القرشين اللى حيلتنا حطيناهم فى حساب و خايفين عليهم قوى,وواحد استلف من الناس عشان يدخل الفوركس و يسدد من الارباح و نعيش بقى و نكسب,لكن...

ايه السبب ان اغلبنا خاسر و قليل جدا هو الرابح؟
يرد الرابح و بثقة انا بعمل ايه يعنى نفس التحليل بتاعكم زى عندى لكن الفرق فى طريقة المضاربة.,
نسأله و نقوله طيب ممكن تقولنا ايه اسباب الخسارة عشان نتلافاها؟
يرد حاضر بس اهم حاجة انك تتمعن فى القراءة و تنفذ ما تقرأ.
و اليكم الاسباب:
1- انك لا تهتم بما ينصحك به اخوانك و راكب دماغك و بتحلم بحاجات انت مش قدها.
2- مفيش خطة موضوعة,يعنى ماشى بالبركة اى صفقة شايفها مناسبة بتدخل و فى الاخر بتطلع مش مناسبة.
3- مفيش هدف محدد يعنى اى خاسر لو سأل نفسه هو انا هدفى اليومى كام او الشهرى ايه وطريقة وصولى للهدف ازاى و اتحدى لو لقى فى خطة موضوعة.
4- الصبر على الخسارة و التسرع فى اغلاق الصفقة الرابحة.
5- عدم استعمال الستوب لوز او الهيدج بديلا عنه و ترك الصفقة تجرى عشان خايف الستوب ينضرب.
6- عدم الاعتماد على استراتيجية معينة او طريقة عمل تسير عليها و كل شوية تغيير,يعنى تلاقى موضوع فى المنتدى عن استراتيجية جديدة تسيب اللى معاك و تشوف الجديدة لعلها تنتشلك من الخسائر,ثم تظهر الاخرى و انت معاها نفس الوضع تدخل و تجرب حتى تخسر ما تملك فى النهاية
7- عدم حسابك خسارتك قبل مكسبك,لو قمت بحساب تأثير الخسارة على الحساب فبالتأكيد لن تخسر كثيرا لان ما يضيع الحساب هو الدخول بصفقات غير مدروس كمية خسارتها و تأثيرها على الحساب,و بالتالى تجد نفسك خسرت كثيرا.
8- على قد لحافك مد رجليك,يعنى على قد حسابك حدد حجم النقطة.,
9- انسى موضوع الثراء الفاحش و ضربة الحظ من اصل 500$ بقيت مليونير عشان ده مش حيتحقق,مفيش حد بيبقى مليونير من ضربة حظ و ان حدث مش حيفضل مليونير لان easy come,easy go .
10- ادمان ان تكون لديك صفقات مفتوحة.
11- اتباع التوصيات عميانى بدون فهم الاسباب حتما ستذهب بك الى النهاية.
12- الاستعجال فى فتح حساب حقيقى لان اول حساب فى الغالب سيضيع منك و دى تحية من السوق ليك عشان يشوف لو حتكمل ولا ستخرج من الحلبة نهائيا.
13- قلة المعرفة و العزوف عن القراءة.
14- لا تعزز عقد خاسر ابدا الا بدراسة قوية جدا.
15- ابتعد عن الاخبار و يوم الجمعة فترة امريكا.
16- لا تضارب و انت مشغول بأشياء اخرى او لسة صاحى من النوم او تحت تأثير اى شيئ من المسهرات او المخدرات.
17- اياك و التفكير فى الانتقام من السوق لانك لن تستطيع.
18- لا تضارب بأموال انت فى حاجة اليها لان هذا يولد ضغطا كبيرا.
19- لا تعتقد انك تستطيع تعويض خسائرك فى يوم او يومين,فقط التزم بخطة و انت ستعوض و لكن متى؟,عندما يريد الله.
20- فى النهاية لا تجعل المضاربة تلهيك عن ربك.,

شكرا يا رابح على معلوماتك و والله لو اهتم بها كل خاسر لما عرف الخسارة ابدا و لكن للاسف نحن كعرب نفتقد الى اهم شيئ قلته و هو الالتزام.,

الله كريم.,




اذا اعجبك الموضوع و اردت نشره في المنتديات الاخرى فاستخدم هذا الرابط:
أيها الخاسر..تعالى ندردش.
http://www.borsaat.com/vb/t14284.html



mhmadbab, amrahmd and nesreen abdo like this.
د.أسامة عادل غير متواجد حالياً   رد مع اقتباس
قديم 01 - 03 - 2009, 12:13 PM   #2
عضو جديد
 

افتراضي رد: أيها الخاسر..تعالى ندردش.

الله علي الكلام ده بجد, حقيقي هوه ده المختصر المفيد فعلا هيه دي اسباب الخسارة ربنا معانا جميعا و ان شاء الله نلتزم و نبقي من الرابحين ان شاء الله
دعواتي ليك بجد و اتمني الكل يستفيد من الدردشة دي
شكرا



ahmeddrift غير متواجد حالياً   رد مع اقتباس
قديم 01 - 03 - 2009, 12:19 PM   #3
عضو نشيط
 

افتراضي رد: أيها الخاسر..تعالى ندردش.

اول الطريق الى الربح اموال لست فى حاجه اليها وعدم وجود اى ضغوط نفسيه تحيه خاصه اليك يا دكتور اسامه ورينا ينفعنا ويجعلنا نلتزم بارشاداتك وشكرا



amrahmd likes this.
mo7amed333 غير متواجد حالياً   رد مع اقتباس
قديم 01 - 03 - 2009, 05:51 PM   #4
عضو فـضـي
 
الصورة الرمزية د.أسامة عادل
 

افتراضي رد: أيها الخاسر..تعالى ندردش.

الموضوع للدرشة مع الخاسرين و ليس قصة قصيرة.,
لو فى حد خاسر ممكن يقول الخبرة اللى استفادها من خسارته لصفقة ما و حتى يتلافى الجميع اخطاء الكل.,
فلو كان لدينا موضوع مجمع به اخطاء الناس و الشهيرة بالذات ستعطى الكثر من الخبرة للمضارب المبتدى.,

الله كريم.,



amrahmd likes this.
د.أسامة عادل غير متواجد حالياً   رد مع اقتباس
قديم 01 - 03 - 2009, 06:08 PM   #5
عضو جديد
 

افتراضي رد: أيها الخاسر..تعالى ندردش.

أصيل يا نسر والله أصيل وكلام
درر
رووووح يا شيح والله انك ابن حلال ربنا يسعدك ياأمير



ashehri غير متواجد حالياً   رد مع اقتباس
قديم 01 - 03 - 2009, 06:13 PM   #6
عضو فـعّـال
 
الصورة الرمزية شريف خورشيد
 

افتراضي رد: أيها الخاسر..تعالى ندردش.

بارك الله فيك اخى نسر كلام موضوعى ومنسق ومنطقى بس الا يفهم ويسمع الله المستعان



التوقيع:
خاطب الله تعالى داود وقال: يا داود أنت تريد وأنا أريد فإن رضيت بما أريد أعطيتك ما تريد وإن لم ترضى بما أريد أتعبتك فيما تريد ثم لا
يكون إلا ما أريد فإنى فعال لما أريد

شريف خورشيد غير متواجد حالياً   رد مع اقتباس
قديم 01 - 03 - 2009, 06:39 PM   #7
عضو جديد
 

افتراضي رد: أيها الخاسر..تعالى ندردش.

انا اتشرف اني اكون اول واحد يدردش معاكو لاني من الخاسرين وعلي فكرة انا مش بخجل اني اقول ده لان لا يمكن واحد يربح بدون خسارة مهما كانت عبقريته
وانا بلخص اسباب خسارتي في عدة نقاط
اول نقطه التسرع بعض الشيء في فتح حساب حقيقي
ثاني نقطه الرغبة في تعويض الخسارة عقب الخسارة مباشرة لدرجة ان الشخص مننا بيلاقي انه خسر راس ماله كله في يومين رغم انه كان عامل حسابه انه حتي لو خسر هيعد فترة كبييرة لحد ميخسر راس ماله كله
ثالث نقطه الرغبة في الانتقام من السوق كما قال الاخ نسر و ده شيء مستحيل لان مصادقة السوق خير بكثير من معاداته لانك لن تستطيع
رابع نقطه الطمع كتير من الناس لما يبقي عامل البروفيت 50 نقطه و يلاقي الصفقة قربت من 50 نقطه يزود التارجت و ده بيبقي اكبر دليل علي جهل المتضارب لان المفروض التارجت ده ليه اساس مش اي حاجه و بيبقي اكبر احتمال ان بعده بنقطتين تلاتيه هيبقي فيه ارتداد و ده اللي بيحصل و يا ريت لما بيرتد الناس بتقفل لا بيبقي عندها امل في العوده و يعدوا يقولو طب يرجع بس للتارجت و هقفل و يتفاجاوا انها قفلت بخسارة و يا حبذا لو كانوا اعدوا يعملوا صفقات تعزيزية ما هم خلاص اطمنوا ان التارجت هييجي
خامس نقطه و دي الاهم قصة الحساب و دي انا وقعت فيها
في فرق كبير بين الخطة و بين الاوهام
يعني في فرق اني اقول انا عايز 50 نقطه في يوم و اني اقول انا لو اخدت كل يوم 50 نقطه يبقي بعد شهر هيبقي معايا كزا يبقي بعد سنة هيبقي معايا 100 الف يبقي بعد مش عارف ايه هيبقي معايا ايه و اعد افكر في المدي البعيد و انسي الواقع
يا جماعة الفوركس مش سهل انا مش بحبط الناس بس صدقوني هوه مش سهل و مش صعب بس محدش يفتكر انه داخل يلعب لازم دراسة و قرائة ووعي و ادارة راس مال و عدم طمع لان احنا مش عباقرة غيرنا كتير خبراء و خسروا يبقي من الزكاء اننا نتعلم منهم و اننا م نبقي طماعين و نمشي علي خطة و اياكم و الطمع

و معلومة اخيرة لمن لا يعرف
5% فقط علي مستوي العالم ممن يعملون في هذا المجال يربحون
محدش يستغرب دي حقيقة و ده اكبر دليل ان الموضوع مش سهل
ربنا معانا و معاكم و محدش يزهق او يحبط الاهم في الموضوع العزيمة و الصبر و عدم الطمع
شكرا



ahmeddrift غير متواجد حالياً   رد مع اقتباس
قديم 01 - 03 - 2009, 07:16 PM   #8
عضو نشيط
 
الصورة الرمزية Mohamed Fouzy
 

افتراضي رد: أيها الخاسر..تعالى ندردش.

مبدع دايما يا دكتور
نصائح ممتازه ومن يعمل بها لن يرى يوى النجاح وراحة البال بأمر الله
بارك الله لنا فيك يا نسرنا الغالى ودائما وأبدا متألق فى سماء سوق الفوركس والأسواق المجاورة
تقبل فائق ودى وإحترامى



التوقيع:
لا إله إلا أنت سبحانك .. إنى كنت من الظالمين
أفضل طرق المتاجره والوصول لإحتراف التحليل الفنى

Mohamed Fouzy غير متواجد حالياً   رد مع اقتباس
قديم 01 - 03 - 2009, 10:26 PM   #9
عضو برونزي
 
الصورة الرمزية مهند سلمان
 

افتراضي رد: أيها الخاسر..تعالى ندردش.

يعطيك العافيه أخي نسر على النصائح القيمه والمفيده وانشالله يستفيد منها المبتدئين وأصحاب الخبره القليله .



التوقيع:
اللهم صلي وسلم وبارك على نبينا محمد
مهند سلمان غير متواجد حالياً   رد مع اقتباس
قديم 02 - 03 - 2009, 01:19 AM   #10
عضو نشيط
 

افتراضي رد: أيها الخاسر..تعالى ندردش.

انا خسرت أول حساب حقيقي وللأسباب التي ذكرتها يادكتور بالظبط وأهمها الجهل والطمع والضغط العصبي بس في شئ أهم هو التوصيات العمياني وتعزيز الخسارة بخسارة لأنتقم من السوق



amrahmd likes this.
التوقيع:
الحكمة أن تعرف الذي تفعله
والمهارة أن تعرف كيف تفعله
والنجاح هو أن تفعله
لقاء غير متواجد حالياً   رد مع اقتباس
إضافة رد

جديد مواضيع منتدى الدروس التعليمية


الكلمات الدلالية (Tags)
أيها, الخاسرتعالى, ندردش

مواضيع سابقة :

مدرسة التحليل
كيف يستطيع الشخص تحديد هدف الصفقة؟
سؤال مهم جدااا في اليورو والدولار يرجي الدخول

مواضيع تالية :

ارجوا المساعدة
ممكن مساعده فى اول موضوع عن الموشرات
سؤال يهم جميع من يعمل في الفوركس

أيها الخاسر..تعالى ندردش.

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



روابط الموقع الداخلية


06:51 PM
Powered by vBulletin® Version 3.8.9
Copyright ©2000 - 2017, Jelsoft Enterprises Ltd.
Privacy Policy
SEO by vBSEO 3.6.0 ©2011, Crawlability, Inc.

الاتصال بنا - بورصات - الأرشيف - تنشيط العضوية - اعلن معنا - الأعلى    تحذير المخاطرة