الـبـارحـه سـاهــر تـكــدر مـنـامـي
ياعين نومـي واتركـي كـل شيطـان
ياعـيـن مايـنـفـع كـثـيـر الـمـلامـي
واللي مضـى ياعيـن عديـه ماكـان
هذي نصيحه واحفضي لـي كلامـي
للمقـبـلات مـــن اللـيـالـي والأيـــام
الأولــه ممـشـى عـيـال الـحـرامـي
ومن الردي اللي على السد خـوان
ومن السكوت اللي يشيل الكلامـي
وفي كل مجلس قـال لفـلان وفـلان
واللـي بعرفـك قاصـد بــك مـرامـي
يرميـك للأعـداء ويبـعـد بـالأوطـان
وان جاك شبه اللي يشيل العظامي
يصـد الا شافـك ويغضـي بالأعيـان
عـاشـر صـبـي بالمـراجـل تـمـامـي
ينفع بوقت الضيق في كل الأحيـان
الا زهمـتـه جــاك يـجـري همـامـي
يقضـي لزومـك مايفكـر بمـن كــان
هـذاك خـلـه لــك شبـيـه الحـزامـي
ولا تبيعـه لـو غـلـت فـيـه الأثـمـان