ان شاء الله فرصه مضمونه

DoLsY · 23-02-2010, 05:50 AM

ان شاء الله فرصه مضمونه بسم الله الرحمن الرحيم

انا اول مره اضع توصيه بس الصراحه هيه مضمونه ان شاء الله

الفرصه على زوج اليورو \ فرنك EUR/CHF

ووضع الصفقه هيكون شراء ان شاء الله

حاليا هوه فى سعر 1.4626

طبعا هيه صفقه جميله جدا خاصة لمحبى الصفقات متوسطة وطويلة الاجل

السعر الطبيعى للزوج فوق الــ 1.5000 و 1.5100

الهدف بتاعك للصفقه برحتك انت معاك من 400 الى 500 نقطه مضمونه ان شاء الله

طبعا الصفقه ممكن تبيت فتره طويله لذلك ممكن تدخل الصفقه بنسبه صغيره علشان تقدر تتاجر فى باقى الازواج الاخرى برحتك وتحدد الهدف بتاعك من الصفقه وسيبها برحتها

لو حبيت تضع استوب هيكون 1.4400

طبعا الستوب كبير بس ان شاء الله مش هيوصله

** سر الصفقه

هيه معتمده اعتماد كليا على التحليل الاساسى

اليورو بالنسبه لسويسرا بالظبط مثل الدولار بالنسبه للين

مش هطول عليكم وباختصار البنك المركزى السويسرى من مصلحته ان اليورو يكون قوى امام الفرنك وفعلا تدخل فى السوق قبل كده اكتر من مره ومازال ولكن ليس بقوه حتى الان لمنع انهيار اليورو امام الفرنك

دا واضح جدا طبعا لو شفنا اليورو نزل كام نقطه امام الدولار فى الشهرين الماضيين

ولو عملنا مقارنه بين اليورو ين واليورو فرنك

اليورو ين هبط اكثر من 1500 نقطه فى حين اليورو فرنك هبط تقريبا 500 نقطه فقط

طبعا لازم تسأل ايه الضامن انه مش هينزل اكتر ؟

لانه فعلا حاليا قرب على الخط الاحمر ولن يسمح المركزى السويسرى باضرار اقتصاد بلاده طبعا

وكمان اعتقد ان ازمة اليونان اوشكت على الانتهاء وده هيساعد اليورو فى رالى الصعود مره اخرى

على كل حال الان امامكم الصفقه فكر وقرر وان شاء الله كل خير

اتمنى التوفيق للكل ان شاء الله واسف جدا جدا للاطاله .

محمد سنوسي احمد · 23-02-2010, 07:38 AM

معاك في الصفقه طبعا....بس عيب اليورو فرنك انه اغتت زوج موجود في الفوركس...يعني ممكن الموضوع ياخد شهور...لكن مفيش شك ان الصفقه كويسه بس للي عنده بال طويل

**عمرو ابراهيم** · 23-02-2010, 01:06 PM

يامليون هلا والله دولسي عاش من شايفك يالغالي
ان شاء الله موفق لو كان معي طوله بال كنت دخلت معك في
لكن صراحه زوج متذبذب اكثر ما متحرك
بالتوفيق لك يالغالي وحمدلله علي سلامتك

DoLsY · 24-02-2010, 01:58 AM

استاذ عمرو ابراهيم منوروالله واشكرك جدا على الرد الجميل لكن انت اجمل طبعا

انا عارف انه فعلا زوج غتت وفى فرص تانيه اسرع منه بكتير بس انا بفضل انى انشر الفرص الاكثر امان لاعضاء المنتدى الكرام

وان شاء الله اى فرص هتقابلنى تكون المخاطره فيها قليله هعرضها اليكم

وشرفتنى بردك عليا انت والاستاذ محمد السنوسى

اتمنى التوفيق للجميع ان شاء الله

**Trend** · 25-02-2010, 06:34 AM

مشكور اخي دولسي على الفرصة وعلى شرح الاسباب بناء على التحليل الاساسي واتمنى لو تقدر تفيدنا بدروس في التحليل الاساسي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
@الباوند فرنك !!!!!!!! فرصه ذهبيه ان شاء الله؟	عاشق الباوند	منتدى العملات العام Forex	19	27-11-2009 06:19 PM

أدوات الموضوع
مشاهدة صفحة طباعة الموضوع أرسل هذا الموضوع إلى صديق

ان شاء الله فرصه مضمونه

قسم التوصيات - توصيات العملات

ان شاء الله فرصه مضمونه